ئانامغا                           

             دىلشات ئابدۇسەمەت                           

ئانام مىنى تۇغقاندا ھېچبىر راھەت كۆرمىدى،

   بەلدىن ئاشقان چېچىنى قىرىق ئۆرۈم ئۆرمىدى. .

غېرىبانە ئۆيىدە تالدىم دىمەي ئىشلىدى،         

بارلىقىنى ئاتاپلا چىشنى مەھكەم چىشلىدى. .

ھەر سۆزىدە پەرزەنتنى نەزمىلەرگە قاتاتتى،      

زەپەر قۇچسا پەرزەنتى يۈزلېرىگە سۆيەتتى.       

بىراۋ كەلسە ئۆيىگە تۆرىلەرگە باشلايتى،          

تەڭ تارتىشىپ دەردىنى كۆزلېرىنى ياشلايتى.       

ئانام مىنى ھەقىقىي چىن دىلىدىن سۆيىدۇ،        

بالام دەپلا ھەقىقىي مېھرى بىلەن كۆيىدۇ. .         

مىنى تۇغدۇڭ جان ئانا تەقدىم قىلدىڭ ھەممىنى،   

خۇدا مەندەك بالاڭنىڭ يورۇق قىلسۇن قەلبىنى.