ھەر تۈن كېچە ئۇھسىنىش مېنىڭ

ئابدۇرەشىد مۇھەممەدئىمىن

ھەر تۈن كېچە ئۇھسىنىش مېنىڭ،

ھەر تۈن كېچە تەنھالىق ماڭا.

شۇنچە گۈزەل ئاي، كېچە بېراق،

بارچە مىسرا يېزىلار ساڭا.

خىيال كېچىسى

ئابدۇرەشىد مۇھەممەدئىمىن

ئاي نۇرىدا رەڭلەنگەن ياتاق،

ئاق ئىستەككە تويۇنغاندۇر لىق.

يار غېمىدە سوقار بىر يۈرەك،

خىياللارغا ئەسرار بوپ تاتلىق.

چىمەنلەردە مېنى ئۇنۇتماڭ

ئابدۇرەشىد مۇھەممەدئىمىن

         مەن يوق بەلكىم خۇش يانىڭىزدا،

         ۋە يا يالغۇز ئۆي، خانىڭىزدا،

         بىراق سىز سىز مېنىڭ ۋەتەنىم،

         چىمەنلەردە مېنى ئۇنۇتماڭ.

يوشۇرۇن سۆيگۈ

ئابدۇرەشىد مۇھەممەدئىمىن

شاماللارغا ئېيتقان سۆزۈمنى،

ساڭا ئەسلا ئېيتمىدىم پەقەت.

يۈرۈگۈمدىن ياشلار ئاقسىمۇ،

ئۈمىد بەردى يەنە مۇھەببەت.

نىگاھلاردا بىر مۇز يالتىرار

ئابدۇرەشىد مۇھەممەدئىمىن

چۈشلىرىمدىن ئۇزىدىڭ سەھەر،

ھايات يەنە قالدىغۇ بەتتام.

ۋىسال يەنە نېسىپ بولمىدى،

بەخت بۇندا چۇل-چۇل بولغان جام.

ئۇھسىنىش

ئابدۇرەشىد مۇھەممەدئىمىن 

ھىجران ھۇۋلار ئىمكانلىرىمدا،

مەن بىتەلەي دەيمەن ئۆزۈمگە.

يىگىتلىگىم سۇ بولغان دەمدە،

ئىچىنىمەن بۇلاق كۆزۈمگە.

گۈزەل بىر رەسىم (ئۇيغۇر قىزىغا)

ئابدۇرەشىد مۇھەممەدئىمىن

راسىت، ئۇ شۇنداق گۈزەل بىر رەسىم،

بار ھۆرلەرگە بولىدۇ ئەنداز.

كۆزلىرىدىن ھايا تۆكۈلەر،

ئۇندا ئۇيۇپ قالغان سىرلىق ناز.

ئاستا ئۆچۈپ بارىدۇ كۈندۈز،

يوللار قىسقىراپ قالىدۇ جىم-جىم.

سېنىڭ خىيالىڭنى ۋەتەن دەپ يۈرەك،

ئوۋلىنىدۇ دەرتلەرگە بەلكىم.

 

دېرىزەمدىن كۆككە باقىمەن،

ئەڭ بىغۇبار ئاشىقتۇر ساما.

لىققىدە غەم كېچە كۆزىدە،

ھەر كۆزىدە قاينىغان لاۋا.

 
...

  
كولدۇرما ئاۋازى ئەسلەتتى يىللار،
ھاياتنىڭ دەسلەپكى تىنىقلىرىنى.
ئولتۇرۇپ باقىمەن ئەسلىمە بىلەن،
خىيالىم كۆلىنىڭ بېلىقلىرىنى.
مېھىردىن ئويغۇنۇپ ھاياتقا باققان،  
قېنى ئۇ تايتاڭلاپ يۈرگە...