چۇگى  ( راخمانجان روسۇل سۇلتانى تەرجىمىسى )

        خىيانەتچى ئەمەلدارلار قانداق ئاشكارىلانغان ؟
 
       ئۇلارنىڭ كۆپىنچىسىنى ئەل - ئاۋامنىڭ "داد - پەرياد" لىرى سۆرەپ چىققان ؛  بەزىلىرىنى ئەسكى پايتىمىدەك تاشلىۋېتىلگەن تۇنجى خوتۇنى دەردكە چىدىماي دەپ سالغان ؛  بەزىلىرى كۆرۈنگەنلا نەرسىنى سوقمىسا كۆڭلى تىنمايدىغان ئوغرىلار سەۋەپلىك ئاشكارىلانغان ؛  بەزىلىرىگە ئۆز ۋاقتىدا ئېغىز - بۇرۇن يالاشقان ھەمشېرىكلىرى "تۇزكورلۇق " قىلغان ؛  بەزىلىرى جىنايەتچىلەرنىڭ "يالىسى" غا يەتكەن ؛  بەزىلىرى رەزىللەرگە چېتىلىپ قېلىپ "بالا" غا قالغان . . .  دۇرۇس ، ئىنتىزام تەكشۈرۈش ئورگانلىرىنىڭ كۆزىگە چېلىقىپ قالغانلىرىمۇ ، قانۇن ئورگانلىرىنىڭ قارمىقىغا ئىلىنىپ قالغانلىرىمۇ يوق ئەمەس . 

      خىيانەتچى ئەمەلدارلار نېمىگە ھېرىسمەن ؟

   ھازىر پاش بولىۋاتقان چوڭ - كىچىك خىيانەتچى ئەمەلدارلارنىڭ ھەممىسى تورغا چۈشۈشتىن ئىلگىرى شان- شەرەپ ھېرىسمەنلىكى بىلەن بىر - بىرىگە ئوخشاپ كىتىدىغاندەك قىلىدۇ . مىسالەن : تورغا چۈشۈشتىن ئىلگىرى ئۇلارنىڭ بەزىلىرى "مەملىكەت بويىچە 1 - ماي ئەمگەك مېدالى" ساھىبى ، بەزىلىرى "ئولكە بويىچە 10 مۇنەۋۋەر خەلق چاكىرى" نىڭ بىرى ، بەزىلىرى "شەھەر بويىچە ئەل رازى دۆلەت مەمۇرى" ، بەزىلىرى " مەنىۋى مەدەنىيەتلىك قۇرۇلۇشى بويىچە نەمۇنىچى . .  . " ئىدى . قارىغاندا ، ئۇلار ئۆز ۋاقتىدا مال - دۇنياغا ، ھوقۇق - ئىمتىياز  ۋە شۆھرەتكە ئىنتىلگەندىن باشقا شان - شەرەپكىمۇ ھېرىسمەن ئىكەندۇق _ دە ؟

       خىيانەتچى ئەمەلدارلارنىڭ قانداق "كارامىتى' بار ؟

      خىيانەتچى ئەمەلدارلار ئىستېدات - كارامەتتە قالتىس كىشىلەر ، شۇنداق ئەمەسمۇ ؟ ئۇلار مەنسەپ كورسىغا ئولتۇرۇشتىن ئىلگىرى كىمگە سوغات بەرمەكچى بولسا ، شۇنىڭ بوسۇغىسىدىن بىمالال ئاتلىيالايدۇ ؛  بىرەر مەنسەپكە ئېرىشكەندىن كېيىن كىمنى ئۆستۈرمەكچى بولسا شۇنى ئىككى يىنىغا قارىماي ئۆستۈرەلەيدۇ ؛  سولاققا كېرىپ قالغاندىن كېيىن كىمنى ئۆزىگە ھەمرا قىلىۋېلىشنى خالسا ، شۇنىڭ نام - شەرىپىنى ئۇدۇللا دەپ بېرەلەيدۇ .

             "شىنجاڭ مەدەنىيىتى" دىن ئېلىندى .
             " باغداش تورى" غا خاس .

        

قاتتىق بۇلغان خىيانەتچىلىككە قارشى تۇرۇش تۇزۇمى بەرپا قىلىش كىرەك.

ئۇلارنىڭ شان-شەرەپلىرى ،،،پۇل ،مال-دۇنيالىرىنى ،،،بولۇپمۇ (مەملىكەت بويىچە 1 - ماي ئەمگەك مېدالى" ساھىبى ، بەزىلىرى "ئولكە بويىچە 10 مۇنەۋۋەر خەلق چاكىرى" نىڭ بىرى ، بەزىلىرى "شەھەر بويىچە ئەل رازى دۆلەت مەمۇرى" ، بەزىلىرى " مەنىۋى مەدەنىيەتلىك قۇرۇلۇشى بويىچە نەمۇنىچى . .  . " )دېگەن ناملىرىنى ئالدىراپ بەرگەن ھۆكۈمەت قانداقمۇ قىلا.............ئۆزى ئىشەنگەن رەھبەرلىرىدىن كۆپ چىقىۋاتىدۇ بۇئىشلار،،، بولۇپمۇ شۇجىلىرىدېن ..............   

ئەمەلدارلارغا ئامال يۇق جۇمۇڭلا.ئۇلار زادى پاش بولوپ قىلىش نىسپىتى 100%يەتكەندە ئاندىن پاش بولىدۇ بولمىسا ھەرگىزمۇ پاشبولمايدۇ.بېر-بىرىنى قۇغدايدىكەن.ئەڭ ئاخىرىدا ئۇلۇۋالدىدەپلا يۇقىتىدىكەن.

بۇ مەسىلە جۇڭگودا ئاسان ھەل بولماسمىكى.........

شەيتان لۇغەتتە  جىنايەتچى دىگەنگە __تەلىيى كەلمەي تۇتۇلۇپ قالغان كىشى دەپ ئىزاھات بېرىلگىنىدەك،جۇڭگوچىلىقتا پاش بولغانلىرى دەل ئاشۇ تەلەيسىزلەر بىلەنلا چەكلىنىدۇ.

بۇ خەقنىڭ تەڭرىسىمۇ پارىخور تۇرسا بەندىسى قانچىلىك بولماقچىدى.

ئىلىمىزدە  باررىخورلوق، چىرىكلىكنىڭ 2000 يىلدىن ئارتوق تارىخى بار
ئاسانلىقچە بەل قويىۋەتمەيدۇ ، بۇ كەسىسپ

خىيانەتچىلىك-چىرىكلىك!
-بۇ دىگەن، مىللىي دارامەتنىڭ خۇپىيانە، قانۇنسىز تەقسىماتىدۇر.
   بۇ دىگەن، ئىش ھەققىدىن سىرت تاپاۋەتتۇر.
   بۇ دىگەن، ئەمەلدارلىق شېخىغا ئېسىلغان بەزى كىشىلەرنىڭ  كۆڭلىدىكى گۈلدۇر.
   بۇ دىگەن، يۇقۇرى-تۆۋەن ئورۇن ئالغان بىر قىسىم ئەمەلدارلارنى يېپىشتۇرۇپ <خەلق> ۋەكىللىرى قاتلىمىدىكى < قارا گورۇھ>قا ئايلاندرۇغان يىلىمدۇر.
   بۇ دىگەن <يۇقۇرى>دىكى ئەمەلدارنىڭ تۆۋەندىكى ئەمەلدارنى <مالاي> غا ئايلاندۇرۇشىدىكى ئەڭگۈشتەردۇر.
بۇ دىگەن...
خىيانەتچىلىك- چىرىكلىك، ئېيىتقىنا، سېنى يوق قىلىۋەتكىلى كۆڭلۈم...

   شاڭڭاڭ ، ئاۋمىندىن  نىمىشقا پارىحور  چىقمايدىعاندۇ ، ئۇلارعا ئالاھىدە ھوقۇق بىرىلگەن تۇرسا، عەرەب جاھانگىرلىگىنىڭ ئىدىيىسى سىڭىپ كەتكەن بۇ ھاماقەتلەر  نىمىشقا قانۇن ئوبدان  قوعادايدىعان ھوقۇقتىن  پايدىلىنىشنى بىلمەيدىعاندۇ دەيمەن ؟  

مەن بۇنى خەخلەردە ئەڭ ئېغىر ھەم تارىخى  ئەڭ ئۇزۇن بىر ئىللەت دەپ ئويلايتىم.ئەمما ھىكايىلەرگە قارىغاندا بىزنىڭ خەلقىمىزدىمۇ بۇرۇن بولغانىكەن بۇ ئىللەت.
بىلمىدىم بىزگە قاچان يۇققان بولغىيتىكىن؟


ئىككى -ئۈچ يىل بوپقالدى،كوچىغا چىقساملا ئىچىم سىقىلىدىغان غەيرىيلا بوپقالدىم.