خوشنا مەھەللىدە قۇياش چىقىپ تاڭ ئاتقىلى نەۋاق،بىراق بىزنىڭ مەھەللە تىخىچە كىچە قاراڭغۇلىقىدا...قاراڭغۇلۇقتا ياشاۋىرىپمۇ يورۇقلۇقنىڭ قانداقلىقىنىمۇ ئۇنتۇپ قالىدىكەن ئادەم.ھەممە قۇياشنى مەرد دەپ ماختىشىدۇ،بىراق،قۇياشنىڭ شۇ سىخىي نۇرلىرى بىزنىڭ مەھەللىگىمۇ بىرە قىتىم چۈشۈپ قويمايدىغۇ تاڭ...بۇرۇن بوۋامدىن دائىم بىزنىڭ مەھەللىگىمۇ ئانچە مۇنچە يورۇقلۇق چۈشۈپ تۇرىدىغىنىنى ئاڭلايتتىم،بىراق بوۋام شۇ يورۇقلۇقىنى سىغىندىمۇ ياكى بۇ قاراڭغۇچىلىقتا ياشىغۇسى كەلمىدىمۇ،بىشىغا بىر پارچە قاتتىق كىسەكنى قويۇۋىلىپ يەر ئاستىغا كىرىۋالدى،ئاپامنىڭ دىيىشىچە بوۋام ئەمدى مەڭگۈ قاراڭغۇلۇق بولمايدىغان بىر يەرگە كىتىدىكەن...
            بىر چاغلاردا...بۇلتۇرغۇ دەيمەن،بىر خەۋەر ئوقۇغانىدىم،قايسى دۆلەتلىكى ئىسىمدە قالماپتۇ،ئىشقىلىپ ئىككى مۇسۇلمان دۆلەت ئۇرۇش ھەلەكچىلىكىدە رامزان ئىيىغا قەدەم قويۇپتۇ ھەم ئۆز ئارا بىرلىككە كىلىشىپ ئۇرۇشنى بىر ئاي توختاتقانىكەن،ھەممە ئۇلارنىڭ دۇنيانى ئۇرۇش ئوتىغا توشقۇزىۋەتكىنىنى ئۇنتۇشۇپ،رامزانغا توغرا كىلىپ قالغان ئۇرۇشنى بىر ئايلىق توختاتقىنىنى ماختاشقانىدى...بۈگۈن يەنە بىر خەۋەر كۆردۈم،بىراق بۇ خەۋەر ئۆزۈم تۇغۇلۇپ چوڭ بولغان مەركىزى شەھىرىمىزدىكى بىر "يىڭىلىق"دىسەممۇ بولىدۇ،بىشىغا يارىشىملىق دوپپا كىيىپ،تازا ياراشتۇرۇپ ساقال قويىۋالغان بىر ئاكىمىز مۇشۇ ئۇلۇغ رامزان ئىيىغا توغرىلاپ كاۋاپخانىدىن بىرنى ئىچىۋاپتۇ،ناغرا سۇنايچىلىرىمىز ئازىيىپ كەتتىمۇ ياكى ئورتاق ئىش تاشلىغانمۇ،ئىچىلىش مۇراسىمىدە ھىلىقى بىچچارە ئاكىمىز تاراسلىتىپ پوجاڭزا ئاتقۇزۇپتۇ...دادام بىر چاغلاردا ساقىلىم غوجاملارغا تازا يارىماي قىلىۋاتىدۇ دەۋاتقان،شۇ ئاكىمىزنىڭ سۈرىتىنى ئەۋەتىپ بەدىم،مۇشۇ ئادەمدەك قويۇڭ ساقالنى غوجىمىزغا يارايدۇ دەپ...
           ۋەتەندىكى چاغلىرىمدا  دادام ھەر قىتىم ئىشتىن كەلگۈچە مىسكىنلىك ھەم ھارغىنلىق ئارىلىشىپ كەتكەن چىرايىغا قاراپ مىنى يىغا تۇتاتتى،دادام قاچاندىن بىرى مۇشۇنداق بوپقالدىكىنە...ياكى بىر چاغلاردا ئاپام دوختۇرخانىسىغا مەجبۇرى ئىلىپ كىلىنىپ پىلانلىق تۇغۇت سىياسىتىگە قارشى ھالدا كۆپ پەرزەنتلىك بولغان بىر ئاجىزەگە ئۆزى ئىگە بولۇپ،ھامىلىنى ساقلاپ قالغاندا يۇقىرىدىن ئاپامغا چارە كۆرۈپ بۆلۈم باشلىقلىق ۋەزىپىسىدىن بىراقلا ئادەتتىكى خىزمەتچىگە چۈشۈرۈپ قويغىنىدا ئاپام بىراقلا خىزمەتنى تاشلاپ ئۆيگە يىنىپ كىلىۋالغاندىن بىرى دادام مۇشۇنداق بوپقالدىمۇ بىلمىدىم...ئاڭلىسام خوشنا مەھەللىدىكى داڭلىق رىستۇرانلاردا  بوۋاقلارنىڭ گۆشىىنىڭ باھاسى داۋاملىق ئۆرلەۋىتىپتۇ....بىچچارە دادام،كۈندە كاستۇم بۇرۇلكىسىنى قاتۇرۇپ كىيىپ ماتىرىيال سىلىنغان سومكىنى كۆتۈرۈپ چىقىپ كەتكەن پىتى ئۆيدە ئاز تولا ئىرىشكەن خۇشاللىقلىرىنى بىرمۇنچە پۇلغا تىگشىپ مۇئاش تارقاتقان كۈنى قوينىدىن خىلى جىق پۇللارنى چىقىرىپ ئاپامغا ساقلاشقا بەرگەندە،نەچچە رەت شۇ پۇللارنى تارتىپ ئىلىپ دادامنىڭ خۇشاللىقلىرىنى سىتىۋالغان شۇ كىشىلەردىن دادامغا تەۋە بولغان بارلىق خۇشاللىقلارنى قايتۇرۇپ كىلىشنىمۇ ئويلىغانىدىم...
             بىكار بولساملا ۋەتەندىكى ئۆزگىرىشلەردىن خەۋەر تىپىپ تۇراي دەپ تور ئارىلاپ تۇرىمەن،بىراق،نىمىشقىكىن،كۆزۈمگە كۆپرەك چىلىقىدىغىنى ئادەم ئىزدەش ئىلانى بوپقالدى مۇشۇ كۈنلەدە،بەزىلىرىدە ئانىلار يىغلاۋاتقان جاپادا چوڭ قىلغان بالام دەپ،بەزىلىرىدە كىچىك نارەسىدىلەر ئاپىلىرىنىڭ قولىغا ئىسىلىپ،ئاپىلىرى بىلەن تەڭ قار يامغۇر يىغلاپ ئۆيىنىڭ تۈۋرۈكىنى ئىزدەپ نالە قىلىۋاتقان....بۇرۇنغۇ كىچىك بالىلارنىڭ سىرتتا ئويناپ ئادىشىپ قالغىنىنى ياكى باشقىلارغا ئالدىنىپ كەتكىنىنى ئاڭلايتتىم،بىراق بىر ئائىلىگە تۈۋرۈك بوپلۇپ تۇرىۋاتقان شۇ قاۋۇل يىگىتلىرىمىزنىڭمۇ ئادىشىپ ياكى باشقىلارغا ئالدىنىپ يوقاپ كىتىشى كاللامدىن پەقەتلا ئۆتمەيدۇ...قەيەردىلا بولدسۇن،ئاللاھ ئۆزى ئاسانلىق بىرىپ قايتىپ كىلىشكە نىسىپ قىلسۇن دەپ ئولتۇردۇم...
           خىلى بوپتۇ ماڭا ئەركىنرەك نەپەس ئالغۇم كىلىپ قالسا باغداش مۇنبىرىگە كىرىپ تىما كۆرگەچ مۇشۇنداق ئەبجەش خىيال سۈرىۋاتقىنىمغا...ھەر قىتىم بۇ ئەبجەش خىياللىرىمنى ئەۋەتىپ بولۇپ كىلەر قىتىم بۇ خىياللارنى  چوقۇم بىرلىككە كەلتۈرۈپ مۇقىملىقىغا كاپالەت قىلىمەن دەپ ئۆزۈمگە ۋەدە بىرىمەن،بىراق بەك قاتتىق قول بوپكەتسەم شۇ خىياللىرىمدىن بىرى مىنى خياللىق ھوقۇقۇمغا دەخلى قىلدى دەپ ئەرز قىلامىكىن دەپ ئەنسىرەيدىكەنمەن...

چوڭقۇر تەپەككۇر بىلەن تولغان خىياللار . مەن ئويلىساممۇ يازالمايدىكەنمەن ..

«ئەبجەش خىياللار»ىڭىز ئۈزۈلمىسۇن!

ياخشى،مۇھىم مەسىللەرگە دىققەت قىلىپ كىلىۋېتىپسىز،توردا داۋاملىق يازما يېزىشىڭىزنى قارشى ئالىمەن.

>>خوشنا مەھەللىدە قۇياش چىقىپ تاڭ ئاتقىلى نەۋاق،بىراق بىزنىڭ مەھەللە تىخىچە كىچە قاراڭغۇلىقىدا...قاراڭغۇلۇقتا ياشاۋىرىپمۇ يورۇقلۇقنىڭ قانداقلىقىنىمۇ ئۇنتۇپ قالىدىكەن ئادەم.ھەممە قۇياشنى مەرد دەپ ماختىشىدۇ،بىراق،قۇياشنىڭ شۇ سىخىي نۇرلىرى بىزنىڭ مەھەللىگىمۇ بىرە قىتىم چۈشۈپ قويمايدىغۇ تاڭ...بۇرۇن بوۋامدىن دائىم بىزنىڭ مەھەللىگىمۇ ئانچە مۇنچە يورۇقلۇق چۈشۈپ تۇرىدىغىنىنى ئاڭلايتتىم،بىراق بوۋام شۇ يورۇقلۇقىنى سىغىندىمۇ ياكى بۇ قاراڭغۇچىلىقتا ياشىغۇسى كەلمىدىمۇ،بىشىغا بىر پارچە قاتتىق كىسەكنى قويۇۋىلىپ يەر ئاستىغا كىرىۋالدى،ئاپامنىڭ دىيىشىچە بوۋام ئەمدى مەڭگۈ قاراڭغۇلۇق بولمايدىغان بىر يەرگە كىتىدىكەن... >>
يۇقىرىدىكى سۆزلىرىڭىزدىن چۇڭقۇر تەسىرلەندىم،،،،،تەپەككۈرۈڭىز خېلى چۇڭقۇركەن،،،ھازىر ئۇيغۇر قىزلاردىن چۇڭقۇر تەپەككۈر خىلىدىغانلارنى ئۇچراتماق تەس،،،،،،
            

زېمىندا ھەممە ئىنسانلارنىڭ ياشاش ھوقۇقى بولىدۇ، قۇياش نۇرىدىنمۇ ئوخشاشلا تەڭ بەھىرلىنىش ھوقۇقى بولىدۇ، بىزنىڭ بېشىمىزدىكى قۇياش نۇرىنىنىڭ چۈشىشىنى توسىۋالغان شۇ توساقنى بىر كۈنلەر  چوقۇم ئېلىپ تاشلايمىز، بۇنىڭغا ئاللا ئىگەم مەدەتكار بولغاي!

بۇ ئەبجەش خىياللىرڭىزنىڭ مەنىسى بەكلا چوڭقۇركەن

نېمەدېگەن ئىسل يازما!
بىزسىزنىڭ بۇ «ئەبجەش خىيال»لىرىڭىزغا تەشنا، ئىسىڭىزدە بولسۇن، چۇقۇم داۋاملىق يېزىڭ. مەن سىزدىن كارامەت بىر يېزىقچلىق ئىقتىدارىنى كۈرۈۋاتىمەن.(قارىسام بۇ ئەبجەش خىياللىرىڭىزنىڭ 6-سى ئىكەن. مەن ئىلگىرى نېمىشقا كۆرمىگەن بولغىيدىم، كۆپ ئەپسۇس)
سالامەت بۇلۇڭ قېرىندېشىم.
باغداشتا يېقىندىن بىرى شۇنداق ئىسل يازمىلار ئۈزۈلمىدى، باغداشقىمۇ كۆپ تەشەككۇر.

ئالىمجان دىگەن سودىگەر ،باللا -ھەي.رامىزان ئايلىرىدا كوپىنچە ئۇيغۇرلار كاۋاپدانلىرىنى يىغىشتۇرىدۇ .ئالىمجان بۇپورسەتنى چىڭ تۇتاي دىگەندۇ. سودا ئەمەسمۇ.يەنە بىرى پوجاڭزا ئېتىپتۇ دەيسىز.ئەمدى ناغرا سونايچالغۇزسا پول بەرمىسە بولمايدۇ-دە< بىكارغامۇشۇك ئاپتاپقا چىقمايدۇ>دىگەن گەپ بار. پوجاڭزا ئەرزان ئەمەسمۇ.سىلەرنىڭ مىنىڭچىلىك كاللاڭلار ئېشلىمەيدىكەن- ئەمەسمۇ،

تەپەككۇر دىگەن مانا شۇ ھەقىقەتەن ياخشى يېزىلىپتۇ
سىزنىڭ مەھەللىدىغۇ قۇياش نۇرى چۈشمەپتۇ بەلكىم << قارا بۇلۇتلار >> توسىۋالغاندۇ ۋە ياكى ھاۋا << تۇمانلىق >> بولىشى مۇمكىن ئەپسۇس پۈتۈن بىر بىنا ھەتتا مۇشۇ رايۇندا بىر مەنلا ئۇيغۇر تۇرۇپ مىنىڭ ئۆيۈمنىڭ چىراقلىرى كۆيۈپ كەتتى ئادەتتە توكنى كۆپ ئىشلەتمەيمەن بولمىسا ئۆزەم يالغۇز تۇرىمەن تالەي دىگەنمۇ مۇشۇنداق كاج بولامدۇ ؟

تېما ئىگىسىگە رەخمەت...شۇنداق چوڭقۇر مەنانى ئىپادىلەپسىز...