شەھەرلەشتۈرۈش ئىستىراگىيسىنىڭ تەلىپىگە ئاساسەن كونا ئۆيلەر چېقىلىشقا باشلىغىلى بىر قانچە يىللار بولۇپ قالدى . كونا ئۆيلەر چېقىلىپ ئورنىغا ئېگىز بىنالار سېلىنىپ زور ئۆزگىرەشلەر بولدى ،ئۆزگىرەش بۇلا ئەمەس ،ئەلۋەتتە ئەسلى ئۆي ئىگىلىرىنىڭ تۇرمىشىدىمۇ ئالامشۇمۇل ئۆزگىرەشلەر بولدى . كىشىلەرنىڭ قولى پۇل كۆردى. كۆرگەندىمۇ ئوبدانلا  كۆردى .
 توي -تۆكۈن ، ئولتۇرۇشلاردا ، كىمنىڭ ئۆيى چېقىلىپ يېرى يولغا كىرگەنلىكى ، قانچە پۇل ئالغانلىقى ،يەنە قايسى ئورۇنلار چېقىلىش ئالدىدا دىگەندەك پاراڭلار ئەڭ قىززىق نۇقتا بوپ قالدى دېيىشكە بولىدۇ.
-پالانچىنىڭ ئۆيلىرى چېقىلىپ 3 يۈرۈش ئۆي .800مىڭ يۈەن پۇل بېرىپتۇ ، ھازىر قوڭڭىدا ماشىنا ، بېيىپ كەتتى . شۇنداق بېيىپ كەتتى ،نۇرغۇنلار بېيىپ كەتتى .خېلى يوقىرى مائاشلىق كادىر ۋە سودىگەرلەر ھەيدىيەلمەيدىغان ماشىنىلارنى بەك كۆپ كىرىمى يوق ئۆي چېقىلغانلار ھەيداۋاتمامدۇ .
بىرەر ياش بالىلارنىڭ ئېسىل پىكاپنى ھەيدەپ ناھايىتى مەغرۇر كېتىۋاتقانلىقىنى كۆرۈپ قالسام شەكسىزلا ئۆيى چېقىلىپتۇدە دەپ ئويلايدىغان بولدۇم .
ئۆتكەندە مەلۇم بىر تويدا مۇنداق ئىش بولدى ،ئەزەلدىن ئۇچرىشىپ قالساق گەپلەشمەيدىغان كونا بىر تونۇشۇم مەن ئولتارغان جوزىغا رومكىسىنى كۆتۈرۈپ كەپتۇ .
-ھە ئاداش قانداق ئەھۋالىڭ .دەپ سورىغان سوئالىغا يامان ئەمەس دەپ قىسقىلا جاۋاپ بەردىم
-بىزنىڭ ئۆيلەر چېقىلدى، 1 مىليوندىن ئارتۇق پۇل كەلدى دىگەچ يەنە بىر رومكىغا لىقلاپ ھاراق قۇيدى،ئىزدىشىپ تۇرايلى جۇمۇ كېلە سەن بىلەن بىر رومكا چېقىشاي، خوشە دەپلا بىر رومكىنى ئىچىۋېتىپ مەن باللارنىڭ قېشىغا باراي ئەمىسە دەپ كېتىپ قالدى .
-خوشە ئاداش ، مۇبارەك بولسۇن .ئۆيۈڭلارنىڭ چېقىلغىنىغا ، دىگەچ ئالدىمدىكى رومكىنى قولۇمغا ئېلىپ گۈپلا  كۆتۈرۋەتتىم . 
ئويلاپ قالدىم .تۇلۇمدىن توقماق چىققاندەك بۇ ئاداش نىمە ئۆيى چېقىلغىنىنى ماڭا ئالاھىدە دەپ يۈرۈيدىغاندۇ دەپ ئويلاپ قالدىم .ھازىر بىزدە پۇل بار دەپ ماڭا ئۆزىنىنى كۆرسىتىۋاتامدىغاندۇ يە؟
     بىر كىچىك يىغىلىشقا بېرىپ قالدىم ،ئارىمىزدىن بىرى ھەي دەپ ئېغىر ئۇھسۇنۇپ تۇرۇپ:
-بىزنىڭ ئۆيلەرمۇ ئىتتىكرەك چېقىلسا بولاتتى دەپ سۆزلەپ كەتتى .توۋۋا دىدىم ئىچىمدە ئۆيى چېقىلىشىنىمۇ تىلامدىغاندۇ دەپ ، توغرا ،ئۆي چېقىلسا پۇل كېلىدۇ ئەمەسمۇ ،ئەلۋەتتە بالدۇرراق چېقىلىپ قولىغا پۇل كېلىشىنى تىلەيدۇ دە . ئۇنىڭمۇ باشقىلارغا ئوخشاش ئېسىل پىكاپلارنى ھەيدىگۈسى كېلىۋاتقاندۇ بەلكىم.
بىر ئاغىنەم بولىدىغان ، مۇقەددم  7-8 يىل بۇرۇن ھويلىسىغا قىزىل رەڭدە چوڭ قىلىپ چېقىلىدۇ دەپ تامغا ئۇرۇپ قويۇقلۇق ئىدى . پات -پات ئۆيىمىز چېقىلسا  پالانچىنىڭكىدەك ماشىنا ئالايمىكىن ، رېستۇران ئاچسام بولارمۇ ، تاكسى سېلىپ قويايمىكىن دىگەندەك سۆزلەرنى قىلىپ قوياتتى.
  تىلىسەڭ تاپىسەن دىگەندەك ئالدىنقى يىلى بۇ دوستىمىزنىڭ ئۆيىمۇ چېقىلىپ قالدى. بىر ئىككى يۈرۈش ۋە يامان ئەمەس تۆلەمگە ئېرىشتى ، ئېسىل پىكاپتىن بىرنى ئالغانمۇ بولدى . پات-پات ئۈلپەتلىشىپ قالغان چاغلاردا  - ھازىر بىزدە خېلى پۇل بار ، ئۇنداق قىلايمىكىن ،مۇنداق قىلايمىكىن دىگەندەك ئانچە مۇنچە پو ئېتىپ قويىدۇ ، نەچچە مىليوننىڭ پارىڭىنى قىلغاندەكمۇ قىلدى .
   بەك جىق پۇل كەلمىسىمۇ مانچە مىليون بەردى، مانچە يۈرۈش ئۆي بەردى .دەپ پۇلنى ئازراق چاپلاپ بىرەر يۈرۈش ئوينى ئاغزىدا قوشىۋالدىغانلا توللاپ قالدى دەپ ئاڭلىدىم .
چۈنكى باشقىلارنىڭ نەزىرىدە ئۇلار قانچە كۆپ پۇللۇق ، قانچە كۆپ ئۆي بىساتلىق دەپ قارالسا شۇنچە ئابرويلۇق بولىدۇ ئەمەسمۇ ؟
 ئۆيۈڭلەر قاچان چېقىلدىكەن ،  بىزنىڭ ئۆيگە ئالدىنقى ھەپتە ئۆلچەشكە كىرىپتۇ دىگەندەك سۆزلەرنى ھازىر كۆپرەك ئاڭلايدىغان بولۇپ قالدۇق . مىليون پۇلى بار كىشىلەر خېلىلا كۆپىيىپ قالدى .
  شەھەردە بىر ئۆي چېقىلسا ئاز دىگەندە بىر ماشىنا كۆپىيىدۇ . ئۆتكەندە بىر قىز ساۋاقدىشىم بىلەن توردا پاراڭلىشىپ قالدىم ، ئۇ ئۆزىنىڭ  بىرسى بىلەن يۈرۋاتقانلىقىنى يىل ئاخىرىدا توي قىلاي داۋاتقانلىقىنى ئېيتتى  . ئوغۇل دوستۇڭنىڭ خىزمىتى بارمۇ دەپ سوراپ باقتىم ،
-ياق .خىزمىتى يوق ، ئۇدا ئىككى يىل ئىمتىھان بېرىپ ئۆتەلمەپتۇ ..يېقىندا ئۆيى چېقىلىدۇ .ئۆيى چېقىلسا بىرەر ئىش قىلارمىز .  تويىمىزدە ماشىنا ئالايلى دەيدۇ - دەپ ناھايىتى پەخىرلەنگەن ھالدا سۆزلەپ قالدى.
خىزمىتى بولمىسا ،چېقىلدىغان ئۆيى بولسىمۇ بولدىكەندە ھازىر دەپ ئويلاپ قالدىم ،
ئۆيى چېقىلغانلاردىن بىر قانچىسى ئاشۇ مىليون پۇلنى نەچچە ھەسسىلەش ئۈچۈن سودىغا تۇتۇش قىلىپ ۋەيران بولۇپ قالغانلارمۇ باركەن . يەنە نۇرغۇنلارنىڭ قايسى بىر چوڭ سودىلارنى پىلانلاۋاتقىنى ئېنىق .
   -ئاداش بىرەر كۈن باللارنى يىغىپ ئولتاساق بولاتتى ،مەن جوزىدىن بىرنى ئالاي ، پۈتۈن چىقىمنى مەن كۆتۈرەي ، مېنىمۇ كۆتۈرۈلۈپ قاپتۇ دەپ بىلىپ قالسۇن باللار  - دەپ تېلفۇن كەلدى يېقىندىلا ئۆيى چېقىلغان بىر دوستۇمدىن .
  -ماقۇل ،مەن بىر ئورۇنلاشتۇرۇش قىلاي دەپ قويدۇم  .مانا مۇشۇنداق ھەرخىل دىئالوگلار ، ھەرخىل پاراڭلارنى ئاڭلاپ تۇرىمەن .  ئاشۇ كىشىلەر ئاشۇ پۇلنى ئېلىپ ھوشىنى يوقىتىپ ئۈستى -ئۈستىگە ماشىنا ئېلىپ نوچىلىق قىلىشنىلا  بىلمەي ، ئازراق بىر كېيىنگە ئۇل سېلىپ قويۇشنى ئويلاۋاتامدىغاندۇ ، يېتىپ يىسە تاغمۇ تاشمايدۇ ئەلۋەتتە :
  ئىككى كۈننىڭ ئالدىدا مۇنبەردە ئاق قان كېسىلىگە گىرىپتار بولغان ئۈمىدجاننىڭ ئەھۋالىدىن ھەممىمىز خەۋەردار ، ئەتراپىمىزدىكى ئۆيى چېقىلغانلارغا  تەۋسىيە قىلىپ قويساق ياردەم قوللىرىنى بىر سۇنۇپ قالسا ھەجەپ ئەمەس .
    شۇنداق قىلىپ بىزنىڭ چېقىلدىغان ئۆي بولمىغاندىكىن ئۆيى چېقىلغانلارنىڭ ئازراق غەيۋىتىنى قىلىپ قويدۇم . بۇ ھەممە كىشىنى شۇنداق دىگەنلىك ئەمەس ، ئاز بىر قىسمى ئەلۋەتتە . كىم بىلىدۇ ،دادام بىزدىن يوشۇرىۋاتقان يەر -زېمىنلىرىمىز بارمۇ تېخى ؟  كۈنلەرنىڭ بىرىدە چېقىلىپ قالسا مەنمۇ  تونۇشلارنىڭ ھەممىنى رېستۇرانغا چاقىرىپ مېھمان قىلىپ ئۆزەمنى بىر كۆرسىتىپ قويامدىم تېخى !!! تويلاردا كونا تونۇشلۇرۇم ئۇچراپ قالسا رومكىنى قولۇمغا ئېلىپ ئېغىر قەدەملەر بىلەن ئالدىغا بېرىپ ئەھۋال سورىغاچ ئۆيىمىزنىڭ قانچىلىك پۇلغا يارىغانلىقىنى ئەسكەرتىپ قويامدىم ئۇنىمۇ بىر نەرسە دېگىلى بولمايدۇ ؟
  
 مەنبە : ئۆزەم :

موشۇنداق كېتىۋەرسە كېيىن قانداق بولۇپ كېتەر ھە ؟

شۇنداق ئوي چېقىش قومۇللۇقلارنىڭ قىممەت قارىشغا خېلى زور  تەسىر كورسىتىپتۇ جۇمۇ .ئاللا ئاقىۋىتىنى خەيرىلىك قىلسۇن

يا پاناھ!  ئەمدى ئۆيى چېقىلىپ قولى ئازراق پۇل كۆرسە بۇنىمۇ بىر نەرسە دەيدىغان گەپمۇ.....توۋا دەيمەن بىز زادى نىمىلا قىلساق، ئۇ -بۇ دەيدىغان گەپ چىقىدىكەن.....تېما ئىگىسىنىڭ ئۆيى چېقىلماي ، ئىچى تىدىلداپ بۇ تېمىنى يازغان ئوخشايدۇ...خەقنى بىر نېمە دېمەي سەۋىر قىلسىڭىز سىزنىڭمۇ چېقىلىپ قالا!!!

ئۆي چېقىلىپ ھازىرچە قولى پۇل كۆرگىنى بىلەن ئۆزىگە ئەجداتتىن ئەۋلادقا مىراس بولۇپ قېلىۋاتقان ەۆھەر زىمىنىدىن ئايرىلىپ قېلىۋاتقانلىقىنى ئۆيلاپ يتەلمەيۋاتقاندىمۇ؟ ئىشقىلىپ ئۆيلىرىمىز چېقىلغانچە زېمىنسىز قالىدىغانلار كۆپىيىۋاتىدۇ...............

يەر دىگەن ئالتۇن قوزۇق. يېرى يوقنىڭ جېنى يوق دىگەن گەپ بارغۇ.

ھەقىقەتەن  يەر-زىمىن، ئۆي قاتارلىق مۈلۈكلىرىمىزنىڭ ئورنىغا كېلىۋاتقان تۇمەنلەپ پۇللار نۇرغۇن ئائىلىلەرگە ئوخشاش بولمىغان كۆڭۇلسىزلىك ۋە ئۆزگىرىشلەرنى ئېلىپ كېلىۋاتىدۇ .بۇنىڭدىكى ئاساسلىق سەۋەبلەرنى ئەستايىدىل ئويلىنىشىمىز ، ئۆزىمىزنىڭ تۇرمۇش قارىشىمىزنى مۇكەممەللەشتۈرىشىمىز ، توغرا بولغان ئىقتىسادىي ئېڭىمىزنى يېتىلدۈرىشىمىز كېرەك ئىدى............................

ئىشلىتىش

بۇ مەزمۇن 3قەۋەتتىكى xaxدە2011-01-30 18:22يوللىغان يازمىسىغا نەقىل :
يا پاناھ!  ئەمدى ئۆيى چېقىلىپ قولى ئازراق پۇل كۆرسە بۇنىمۇ بىر نەرسە دەيدىغان گەپمۇ.....توۋا دەيمەن بىز زادى نىمىلا قىلساق، ئۇ -بۇ دەيدىغان گەپ چىقىدىكەن.....تېما ئىگىسىنىڭ ئۆيى چېقىلماي ، ئىچى تىدىلداپ بۇ تېمىنى يازغان ئوخشايدۇ...خەقنى بىر نېمە دېمەي سەۋىر قىلسىڭىز سىزنىڭمۇ چېقىلىپ قالا!!!

تېما ئىگىسى ئۆز مەقسىتىنى ئېنىق دەپتۇ ، ئۆيى چېقىلغان ھەممە ئادەمنى ئەمەس ، ئازراق پۇلنى كۆرۈپ ئەقلى ھۇشىنى يوقۇتۇپ قويغانلارنى ، ئويىنىڭ چېقىلىپ قولىغا پۇل كىرگەندىن خوش بولۇپ قىن-قېنىغا پاتماي قېلىۋاتقان ، ئۆزىنىڭ  كەلگۈسى توغۇرسىدا ئازراقمۇ ئويلىنىشنى ، كەلگەن پۇلنى قانداق خەجلەشنى بىلەمەي قېلىۋاتقان قېرىنداشلىرمىزغا يېنىك بىر قامچا سەپتۇ خالاس ، ئارىمىزدا شۇنداقلار يوق دىيەلمەيمىز  

شۇنداق نۇرغۇن ئادەملەرنىڭ ئۆيى چېقىلدى ، قولىغا پۇل كەلدى ، ماشىنا ئېلىۋاتماقتا ، يەنە بىر قىسىملار پۇللانى  بۆلۇشتۇرالماي قېرىنداشلار ئارا ئۇرۇشماقتا، دۇنيا كۆپەيگەنسېرى ئىنساپ ئازايماقتا . ھەر قەدەمنى پۇختا باسقىنىمىز ياخشى .

ئىشلىتىش

بۇ مەزمۇن 3قەۋەتتىكى xaxدە2011-01-30 18:22يوللىغان يازمىسىغا نەقىل :
يا پاناھ!  ئەمدى ئۆيى چېقىلىپ قولى ئازراق پۇل كۆرسە بۇنىمۇ بىر نەرسە دەيدىغان گەپمۇ.....توۋا دەيمەن بىز زادى نىمىلا قىلساق، ئۇ -بۇ دەيدىغان گەپ چىقىدىكەن.....تېما ئىگىسىنىڭ ئۆيى چېقىلماي ، ئىچى تىدىلداپ بۇ تېمىنى يازغان ئوخشايدۇ...خەقنى بىر نېمە دېمەي سەۋىر قىلسىڭىز سىزنىڭمۇ چېقىلىپ قالا!!!

پىچاق ساتىمەن ،پىچاق ،،پىچاق ئالدىغانلار بارمۇ ؟

يا ئاللاھ  نىمە بۇلۇپ كىتىۋاتىدۇ ئەمدى كىچىككىنە پۇلنى كۇرۇپ  ئۇزنىڭ شۇ ئاتا مىراس ئۆيىنى ساتىمەن دەۋاتسا  سەۋىر قىلىڭ سىزگىىمۇ نۇۋەت كىلىپ قالا  خۇدا بۇيرىغان بىر كۇنلەرى بۇلمىسا مىنىڭ ئۇيىنىڭ ئورنىغا سىزنىڭكىنى چاقسا بۇلامدۇ  ؟