بۈگۈن دوستلار بىلەن چۈشلۈك تاماق يەۋېتىپ سۆھبىتىمىز تەبىئىلا ھازىر چىقىۋاتقان رومانلارغا مەركەزلەشتى، ئارىمىزدىن بىر دوستىمىز - جالالىدىن بەھرامنىڭ يېڭى چىققان رومانىنى ئوقۇدۇڭلارمۇ ؟ مەن يېڭى رومانى چىقىپتۇ -دەپ شۇنداق خوشاللىقتا ئالسام ، پۈتۈن رومان بۇرۇنقى زاماندىكى چۆچەكلەر ئاساسىدا ئەينەن يېزىلىپتۇ ، مۇنداقچە ئېيتقاندا يازغۇچىمىزغا پۇل كېرەك بولۇپ قېلىپ يازغاندەكلا بىر ئىش بولۇپتۇ - دىيىشىگە يەنە بىر دوستىمىز - ھەي ئۇنداقمۇ دەپ كەتمە ، مېنڭچە بۇ رومان دەل ۋاختىدا يېزىلدى. كۆپلىگەن قىزلىرىمىز ،بۇرۇنقى قىزلىرىمىزغا قارىغاندا ئەقىل-پاراسەت، ئەدەپ - ئەخلاق ۋە جاسارەتتىن قەپ قالدى، مانا موشۇ رومان ئارقىلىق ئۇلارنىڭ ئىدىيىسى ئۆزگىرەش ياساپ ئوشبۇ كىتابتىكى قىزلاردەك ھەر قايسى تەرەپلەردىن يىتىشكەن ھايالىق بولۇپ يىتىلىپ چىقسا بەك ياخشى بولغان بولاتتى - دىيىشىگە يەنە بىر دوستىمىز - ئەگەر قىزلارغا پەندى - نەسىھەت تەرەقىسىدە بىر نەرسە يازىمەن دىسە پىشقان بۇ يازغۇچىمىز ئۆزىنىڭ تالانتى ئارقىلىق يازسا پۈتۈنلەي يېزىپ بولغىلى بولاتتى ، نىمىشقىمۇ باشتىن - ئاخىر پۈتۈن كىتاپنى چۆچەك بىلەن توشقۇزىۋاتقاندۇ؟ يەنە كىلىپ بۇرۇندىن بار چۆچەكلەر بىلەن . مەن ئالدىراپ بىر نەرسە دەپ قويۇشتىن ئۆزەمنى تارتىپ ئولتاردىم ، ئۆيگە قايتىپ كىلىپ ئويلىنا -ئويلىنا ئاخىرى بۇ مۇنازىرىنى تورداشلارغا سۇنۇشنى لايىق كۆردۈم ، قېنى تورداشلارمۇ ئاز - تولا بىر نەرسە دەپ باقسا .

دەۋاتقىنىڭز<<ئەقىللىق قىز>>ناملىق كىتاپكەندە؟
دىمىسىمۇ بۇ كىتاپنىڭ ئاساسلىق مەزمۇنى چۆچەككەن، لىكىن مەنچە بۇنىڭ ھازىرقى قىزلىرىمىزغا پايدىسى بار دەپ ئويلايمەن.ئاپتۇرمۇ مەلۇم ئەھمىيىتى بولمىسا بۇنداق ئەسەرلەرنى يازماستى ؟ئۇنىڭ ئۇستىگە جالالىدىن بەھرام ئۇنداق مۇنداق ئەسەرلەنى يازمايدۇ مەنچە.قىزلار ئىچىدە يونىلىۋېلىش پىسخىكىسى ئېغىرلار بەك كۆپ شۇلار ئوقۇپ باقسا ياخشىكەنتۇق....ئەپسۇس بىزدە كىتاپ ئوقۇيدىغانلار كۆپ ئەمەستە....   

‏‏سىز يېڭى رومان دەپ ئەقىللىق قىزنى دېمەكچىمۇ؟ ئۇنىڭدىن كېيىن جالالىدىن بەھرامنىڭ كونا قاپقان ۋە تاغ جۇدۇنلىرى دېگەن ئىككى تارىخى رومانى بازارغا سېلىندى،بىلەمسىز؟  سىز باشقىلارنىڭ سۆزلىرىدىنلا بۇ تېمىنى يازدىڭىزمۇ ياكى ئۆزۈڭىزمۇ بىر ئوقۇپ كۆردىڭىزمۇ؟ جالالىدىن بەھرامنىڭ بىر مول ھوسۇللۇق يازغۇچى ئىكەنلىكى ھەممىمىزگە ئايان، ئۇنىڭ لېيىغان بۇلاق، ئامەت ۋە ئاپەت، مېھرىگىياھ، ناتىۋانلار، كۆمۈرچى بالا، تەكلىماكان ئوغلى، ھايات قىسمەتلىرى، ۋە يوقۇرىدا دېيىلگەن رومانلىرىدەك كۆپلىگەن تارىخى ۋە ئەدەبىي ئەسەرلىرى بار، جالالىدىن بەھرامنىڭ تۇرمۇشنى تەسۋىرلەش ئۇسلۇبىنى مەن ئەڭ ياقتۇرىمەن، ئۇنىڭ ھەربىر كىتابىدىن ئۆزگىچە زوق ئالالايمەن، بولۇپمۇ لېيىغان بۇلاق رومانىنى 3 قېتىم ئوقۇغان بولساممۇ روماندىن زېرىكىپ باقمىدىم، ھازىرمۇ ئوقۇسام ئوقۇغۇم كېلىدۇ، تېخى نەچچە كۈن ئالدىدىلا تاغ جۇدۇنلىرى ۋە كونا قاپقاننى ئوقۇدۇم،يەنە ئۆزگىچە ھېس تۇيغۇلار، جانلىق تەسۋىرلەر، قىزىقارلىق ۋەقەلىكلەر مېنى ئۆزىگە جەلب قىلدى،
‏سىز جالالىدىن بەھرامنىڭ قانچىلىك ئەسىرىنى ئوقۇغان؟ ئۇنىڭ يېزىش ئۇسلۇبىنى قانچىلىك چۈشىنىسىز؟  ئاۋال مۇشۇلارغا ئۆزىڭىز جاۋاب بېرىپ بېقىڭ، ئاندىن بىر نەرسە دەيلى

جالالىدىن بەھرام ھەممىمىزنىڭ قەلبىمىزدىكى ئەڭ ئالقىشقا ئېرىشكەن ، ئىقتىدارلىق يازغۇچىمىز . ئۇنىڭ بۇ ئەسىرىمۇ ھەرگىز ئاساسسىز ئەمەس ! پەقەت ئۇنى قايسى نۇقتىدىن ئوقۇپ چۇشىنىش ۋە  قوبۇل قىلىش مەسىلىسى مۇھىم ئورۇندا تۇرىدۇ .

‏‏چۆچەكلەر قايتىلىنىپتۇ، بۇرۇن بار نەرسىلەر تەكرارلىنىپتۇ دېدىڭىز، ئۇنداقتا نېمە ئۈچۈن ئەھمەت زىيائىينىڭ رابىئە سەئدىنى قايتا يازغانلىقىنى، ئابدۇرېھىم نىزارىنىڭ قايتا يازغانلىقىنى كىم چۈشەندۈرۈپ باقىدۇ؟ خەمسە قانچە قېتىم يېزىلدى؟ غېرىب سەنەم، فەرھاد شېرىنچۇ ؟ ئوخشاش بىر ۋەقەلىكنىڭ ئوخشىمىغان دەۋىردە ئوخشىمىغان كىشىلەر تەرىپىدىن يېزىلىشىنىڭ ھەممىسى كونىلىقنى قايتىلىغانلىق ياكى پۇل تېپىش ئۈچۈنمىدۇ؟ قايتىلاپ يېزىشنىڭ، ئۆزگىچە بەدئىي پۇراق بىلەن بېزەشنىڭ قىلچىلىك پايدىسى يوقمۇ؟ تورداشلار مۇشۇ سوئاللارغا بىر جاۋاب بېرىپ باققان بولسا. 

جالىلىدىن بەھرام ئاكىنىڭ ئەقىلىق قىزدىگەن كىتابىنى قايتا -قايتا ئۇقۇپ بېقىڭە ئاندىن ئۇكىتاپنىڭ مۇشۇ زامان ،مۇشۇ ماكاندا نىمە مەقسەتتە يېزىلغانلىقىنى شۇۋاقىتتا ھىس قىلىسىز  ،جالالدىن بەھرام ئاكىنىڭ لېيىغان بۇلاق دىگەن كىتاۋى ھەقىقەتەن كىنۇ قىىلپ ئىشلىگىدەك بىر كىتاپ جۇمۇ .

دوستلار مەنمۇ جالالىدىن بەھرامنىڭ سادىق ئوقۇرمىنى ھەر قانداق رومانى چىقسا ئېلىپ ئوقۇمىغىچە ئۇيقۇم كەلمەيدۇ ، مەن پەقەت سورۇندا بولغان مۇنازىرىنى دوستلارغا سۇندۇم ، بۇ ئارقىلىق جالالىدىن بەھرامنى ئۇنداق ، مۇنداق دەيدىغانغا سالاھىيىتىممۇ توشمايدۇ ،مەقسىدىم ئىلمى ئاساستا سورۇندا بولغان گەپ سۆزلەرگە نىسبەتەن كۆز - قارىشىمىزنى ئوتتۇرغا قويۇپ باقساق، بۇ يەردە قىزىرىپ تاتىرىپ تاكالىشىشنىڭ ئورنى يوققۇ دەيمەن.

مەنمۇ جالالىدىن بەھرەمنىڭ ئەسەرلىرىنى ياقتۇرۇپ ئوقۇيمەن ...مەبلەغ بۇلغان بۇلسا شۇ ئامەت ۋە ئاپات دىگەن ئەسەرنىممۇ كىنو قىلىپ ئىشلەنگەن بولسا بەك ياخشى بۇلاتتى............

ئەتراپىمىزداشۇنداق ياخشى رىۋايەت ھېكايە پوۋىست رومانلىرىمىز بار ...شۇلارنى ھەقىقىي بىر مەبلەغ سىلىپ كىنو قىلىپ ئىشلىسەك ئۇنداق چەتئەلنىڭ ئوسكار پوسكار دىگەندەك كىنو لىرى بىريەرلەرلەردە قالاتتىدە............

شۇ كىنولارنى ئىشلەيدىغانغا يېشىل چىراق بولسا بولىدۇ.

مىېنىڭچە كىتاب ئوقۇيدىغانلار بارغانسېرى كۆپىيۋاتىدۇ، بولۇپمۇ بۈگۈنكى كۈندە .......يازمىغاندىن يازغان ياخشى ،بىز مۆھتىرەم يازغۇچىمىز جالالىددىن بەھرامنىڭ «ئەقىللىىق قىز» رومانىننىڭ شەكلىگە قاراپلا چۆچەككە ئوخشاپ قاپتۇ دېسەك ياخشى بولماس .....بۇنداق ئۇسلۇبتىكى كىتابلارمۇ يېزلىشى كېرەك.....ئامال بولسا قوللايلى ،مەدەت بېرەيلى!!!!