|
ﻛۆﺭﻩﺵ ﺭﻩﺟﻪﭘﻜﻪ ئوﭼﯘﻕ ﺧﻪﺕ!
يالقۇن روزى
ﻗﻪﺩﯨﺮﻟﯩﻚ ﺋﯘﺳﯘﻟﭽﯩﻤﯩﺰ ﻛﯜﺭﻩﺵ ﺋﻪﭘﻪﻧﺪﻯ، ﺳﯩﺰﻧﯩﯔ ﺷﯩﻨﺠﺎﯓ ﺗﯧﻠﯩﯟﯨﺰﯨﻴﻪ ﺋﯩﺴﺘﺎﻧﺴﯩﺴﻰ 5-ﻗﺎﻧﯩﻠﯩﻨﯩﯔ<<ﺗﻪﯕﺮﯨﺘﺎﻍ ﻛﯜﻳﻠﯩﺮﻯ>> ﭘﯩﺮﻭﮔﯩﺮﺍﻣﻤﯩﺴﯩﺪﺍ ﺭﯨﻴﺎﺳﻪﺗﭽﻰ ﺑﯩﻠﻪﻥ ﺋﯚﺗﻜﯜﺯﮔﻪﻥ ﺳﯚﮬﺒﯩﺘﯩﯖﯩﺰﺩﯨﻜﻰ ﺑﯩﺮ ﺑﯩﻤﻪﻧﻪ ﻗﺎﺭﯨﺸﯩﯖﯩﺰﺩﯨﻦ ﺧﻪﯞﻩﺭ ﺗﯧﭙﯩﭗ، ﺋﺎﺗﺎﻳﯩﺘﻪﻥ ﺗﯧﻠﯩﯟﯨﺰﯨﻴﻪ ﺋﯩﺴﺘﺎﻧﯩﺴﯩﻐﺎ ﺑﯧﺮﯨﭗ ﺳﯩﺰﻧﻰ ﺯﯨﻴﺎﺭﻩﺕ ﻗﯩﻠﻐﺎﻥ 51-ﺳﺎﻥ ﭘﯩﺮﻭﮔﯩﺮﺍﻣﻤﯩﻨﻰ ﻛﯚﺭﯛﭖ، ﻛﯩﺸﯩﻠﻪﺭﻧﻰ ﺋﯚﻛﯜﻧﺪﯛﺭﮔﻪﻥ ﮬﯧﻠﯩﻘﻰ ﻗﺎﺭﯨﺸﯩﯖﯩﺰﻧﻰ ﻗﯘﺭﻣﯘ-ﻗﯘﺭ ﺧﺎﺗﯩﺮﻩﻣﮕﻪ ﻛﯚﭼﯜﺭﯛﭖ ﻛﻪﻟﺪﯨﻢ:
ﺭﯨﻴﺎﺳﻪﺗﭽﻰ: ﻛﯜﺭﻩﺷﻜﺎ، ﺳﯩﺰ ﺋﯘﺳﯘﻝ ﺋﻮﺭﯗﻧﺪﺍﺵ ﻳﺎﻛﻰ ﺋﯘﺳﯘﻝ ﺋﯩﺠﺎﺩ ﻗﯩﻠﯩﺸﺘﺎ ﺑﻮﻟﺴﯘﻥ ﺋﯚﺯ ﺧﺎﺳﻠﯩﻘﯩﯖﯩﺰﻧﻰ ﻳﺎﺭﯨﺘﺎﻻﻳﺪﯨﻐﺎﻥ ﺳﻪﻧﺌﻪﺗﻜﺎﺭﻟﯩﺮﯨﻤﯩﺰﻧﯩﯔ ﺑﯩﺮﻯ. ﺋﯘﻧﺪﺍﻗﺘﺎ ﻳﯩﺘﯩﺸﯩﯟﺍﺗﻘﺎﻥ ﻳﺎﺵ ﺋﯘﺳﯘﻟﭽﯩﻠﯩﺮﯨﻤﯩﺰﻏﺎ ﺩﻩﻳﺪﯨﻐﺎﻥ ﻗﺎﻧﺪﺍﻕ ﮔﯧﭙﯩﯖﯩﺰ ﺑﺎﺭ؟
ﻛﯜﺭﻩﺵ ﺭﻩﺟﻪﺏ: ﺳﯩﺰ ﺑﯩﺮ ﺋﯚﻣﯜﺭ ﺋﯘﻳﻐﯘﺭ ﺋﯘﺳﯘﻟﻰ ﻳﺎﻛﻰ ﺑﺎﺷﻘﺎ ﻣﯩﻠﻠﻪﺕ ﺋﯘﺳﯘﻟﻰ ﺑﯩﻠﻪﻥ ﺷﯘﻏﯘﻟﻼﻧﺴﯩﯖﯩﺰ ﺷﯘ ﺋﯩﺠﺎﺩ ﻗﯩﻠﻐﺎﻥ ﺋﯘﺳﯘﻟﯩﯖﯩﺰ، ﺷﯘ ﻣﯩﻠﻠﻪﺗﻜﻪ ﺗﻪﯞﻩ ﺑﻮﻟﺴﯘﻥ. ﺑﯩﺮ ﻣﯩﻠﻠﻪﺗﻨﯩﯔ ﺋﯘﺳﯘﻝ ﻣﻪﺩﻩﻧﯩﻴﯩﺘﻰ، ﺋﯘﺳﯘﻟﻨﯩﯔ ﮬﺎﻟﯩﺘﻰ ﺋﻪﺑﺠﻪﺷﻠﯩﺸﯩﭗ ﻛﻪﺗﺴﻪ ﺑﯘﻧﻰ ﺗﻮﻟﺪﯗﺭﯞﺍﻟﻐﯩﻠﻰ ﺑﻮﻟﯩﺪﯨﻐﺎﻥ ﻧﻪﺭﺳﻪ ﺋﻪﻣﻪﺱ. ﻗﻮﺑﯘﻝ ﻗﯩﻠﯩﺶ، ﻳﯧﯖﯩﻠﯩﻖ ﻳﺎﺭﯨﺘﯩﺶ ﺋﯘﻳﻐﯘﺭ ﺋﯘﺳﯘﻟﯩﻨﻰ ﻳﻮﻗﯩﺘﯩﺵ ﺋﻮﺭﻧﯩﻨﻰ ﺩﻩﺳﺴﻪﭖ ﻗﺎﻟﺴﺎ، ﺑﯘ ﺑﯩﺰﻧﯩﯔ ﻣﻪﻏﻠﯘﺑﯩﻴﯩﺘﯩﻤﯩﺰ.
ﺑﯩﺰ ﺋﺎﺷﯘ ﻛﯩﻼﺳﺴﯩﻚ ﺋﯘﺳﯘﻟﻠﯩﺮﯨﻤﯩﺰﻧﻰ، ﺋﺎﺗﺎ-ﺑﻮﯞﯨﻠﯩﺮﯨﻤﯩﺰ ﻳﺎﺭﯨﺘﯩﭗ ﺑﻪﺭﮔﻪﻧﻨﻰ ﻗﯘﭼﺎﻏﻼﭖ ﺗﯘﺭﺳﺎﻕ ﺑﻮﻟﻤﺎﻳﺪﯗ. ﺋﯘﻳﻐﯘﺭ ﺋﯘﺳﯘﻟﭽﯩﻠﯩﻘﯩﻨﯩﯔ 10 ﺗﯜﺭﯨﺪﯨﻦ ﺑﺎﺷﻘﺎ ﻗﯘﻳﺎﺵ ﺋﯘﺳﯘﻟﭽﯩﻠﯩﻘﻰ، ﻗﯧﻠﯩﭻ ﺋﯘﺳﯘﻟﭽﯩﻠﯩﻘﻰ، ﺋﺎﺕ ﺋﯜﺳﺘﻰ ﺋﯘﺳﯘﻝ ﻗﺎﺗﺎﺭﻟﯩﻖ ﻧﯘﺭﻏﯘﻥ ﺟﻪﯕﮕﯩﯟﺍﺭ ﺋﯘﺳﺴﯘﻟﻠﯩﺮﯨﻤﯩﺰ ﺑﺎﺭ. ﺋﻪﻟﯟﻩﺗﺘﻪ ﺋﯩﺴﻼﻣﻐﺎ ﻛﯩﺮﮔﻪﻧﺪﯨﻦ ﻛﯧﻴﯩﻦ، ﺑﻪﺯﻯ ﺋﯘﺳﯘﻟﻠﯩﺮﯨﻤﯩﺰ ﻣﯚﻣﯩﻦ ﭼﯩﺮﺍﻱ ﺑﻮﻟﯘﭖ ﻗﺎﻟﺪﻯ. ﺋﺎﺳﺘﺎ ﺋﻮﻳﻨﺎﻳﺪﯨﻐﺎﻥ ، ﻛﯩﻴﯩﻤﻠﻪﺭ ﺋﯘﺯﯗﻥ، ﺑﺎﺵ ﻛﯩﻴﯩﻤﯩﻤﯩﺰ ﺋﯧﻐﯩﺮ ﺑﻮﻟﯘﭖ ﺟﻪﯕﮕﯩﯟﺍﺭﻟﯩﻘﯩﻤﯩﺰ ﺋﺎﺟﯩﺰﻻﭖ ﻛﻪﺗﺘﻰ. ﺑﯩﺰ ﺋﺎﺷﯘ ﺟﻪﯕﮕﯩﯟﺍﺭﻟﯩﻘﯩﻤﯩﺰﻧﻰ ﺗﻪﻛﯩﺘﻠﯩﮕﻪﻥ ﺋﺎﺳﺎﺳﺘﺎ، ﺋﯘﺳﯘﻟﯩﻤﯩﺰﻧﻰ ﺑﯧﻴﯩﺘﯩﺸﻨﻰ ﺋﯘﻧﺘﯘﭖ ﻗﺎﻟﻤﺎﺳﻠﯩﻘﯩﻤﯩﺰ ﻛﯩﺮﻩﻙ. ﺋﯘﺳﯘﻝ ﺋﯩﺠﺎﺩﯨﻴﻪﺗﭽﯩﻠﯩﺮﻯ ﺋﯘﺳﯘﻟﻼ ﺑﯩﻠﺴﻪ، ﺋﯘﻳﻐﯘﺭ ﻣﻪﺩﻩﻧﯩﻴﯩﺘﯩﻨﯩﯔ ﺗﺎﺭﯨﺨﻰ، ﺋﻪﺩﻩﺑﯩﻴﺎﺗﻰ، ﺭﻩﺳﺴﺎﻣﭽﯩﻠﯩﻘﻰ، ﺳﻪﻧﺌﻪﺗﻨﯩﯔ ﺗﯜﺭﯨﺪﯨﻦ ﺑﺎﺷﻘﺎ، ﺗﻮﻟﯘﻕ ﻣﻪﺩﻩﻧﯩﻴﻪﺕ ﺋﺎﺳﺎﺳﯩﻐﺎ ﺋﯩﮕﻪ ﺑﻮﻟﻤﯩﺴﺎﻕ ﺑﻮﻟﻤﺎﻳﺪﯗ. ﺋﯘﻳﻐﯘﺭ ﺳﻪﻧﺌﻪﺗﻜﺎﺭﻯ ﺑﻮﻟﺪﯨﻜﻪﻧﺴﯩﺰ، ﺋﯘﻳﻐﯘﺭ ﺋﯘﺳﯘﻟﭽﯩﺴﻰ ﺑﻮﻟﯩﺪﯨﻜﻪﻧﺴﯩﺰ ﭘﯜﺗﯜﻥ ﺯﯦﮭﻨﯩﯖﯩﺰ ﺑﯩﻠﻪﻥ ﺋﯘﻳﻐﯘﺭ ﺋﯘﺳﯘﻟﭽﯩﻠﯩﻘﯩﻨﯩﯔ ﺗﻪﺭﻩﻗﻘﯩﻴﺎﺗﯩﻨﻰ ﻛﯚﺯﻟﯩﺸﯩﯖﯩﺰ ﻛﯩﺮﻩﻙ. >>
ﻗﻪﺩﯨﺮﻟﯩﻚ ﺋﯘﺳﯘﻟﭽﯩﻤﯩﺰ ﻛﯜﺭﻩﺵ ﺋﻪﭘﻪﻧﺪﻯ! ﺳﯩﺰﻧﯩﯔ ﭘﯜﺗﻜﯜﻝ ﮬﺎﻳﺎﺗﯩﯖﯩﺰ ﺋﯘﻳﻐﯘﺭ ﺋﯘﺳﯘﻝ ﺳﻪﻧﺌﯩﺘﯩﻨﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺵ ﺑﯩﻠﻪﻥ ﻣﻪﺷﻐﯘﻝ ﺑﻮﻟﻐﺎﻥ ﮬﺎﻳﺎﺕ. ﺳﯩﺰ ﺑﯘ ﺳﺎﮬﻪﺩﻩ ﻣﯘﯞﻩﭘﭙﯩﻘﯩﻴﻪﺕ ﻗﺎﺯﺍﻧﻐﯘﭼﻰ. ﺷﯘﻧﺪﺍﻗﻼ ﺋﯘﻳﻐﯘﺭ ﺋﯘﺳﯘﻟﭽﯩﻠﯩﻘﻰ ﮬﻪﻗﻘﯩﺪﻩ ﺳﯚﺯﻟﻪﺵ ﺳﺎﻻﮬﯩﻴﯩﺘﯩﮕﻪ ﺋﯩﮕﻪ ﺷﻪﺧﯩﺲ. ﻣﻪﻥ ﺳﯩﺰﻧﯩﯔ ﺋﯘﺳﯘﻝ ﺳﻪﻧﺌﯩﺘﻰ ﮬﻪﻗﻘﯩﺪﯨﻜﻰ ﻗﺎﺭﺍﺷﻠﯩﺮﯨﯖﯩﺰﻏﺎ ﺭﻩﺩﺩﯨﻴﻪ ﺑﯩﺮﻩﻟﻤﻪﻳﻤﻪﻥ. ﭼﯜﻧﻜﻰ ﺋﯘﺳﯘﻝ ﺳﻪﻧﺌﯩﺘﯩﻨﯩﯔ ﻗﺎﺋﯩﺪﻩ-ﻗﺎﻧﯘﻧﯩﻴﯩﺘﯩﻨﻰ ﺑﯩﻠﻤﻪﻳﻤﻪﻥ. ﺋﻪﻣﻤﺎ، ﺋﯘﺳﯘﻝ ﺳﻪﻧﺌﯩﺘﯩﻨﯩﯔ ﺑﯩﺮ ﻣﯩﻠﻠﻪﺗﻨﯩﯔ ﺋﯩﺠﺘﯩﻤﺎﺋﯩﻲ ﮬﺎﻳﺎﺗﯩﻐﺎ ﻛﯚﺭﺳﯩﺘﯩﺪﯨﻐﺎﻥ ﭘﺎﻳﺪﯨﻠﯩﻖ ﻳﺎﻛﻰ ﺯﯨﻴﺎﻧﻠﯩﻖ ﺗﻪﺳﯩﺮﺍﺗﻘﺎ ﺧﯧﻠﻰ ﺋﯩﮕﻪ ﻣﻪﻥ. ﺑﯘ ﺋﯘﭼﯘﻕ ﺧﻪﺗﺘﻪ ﺳﯩﺰﮔﻪ ﺑﯘ ﺟﻪﮬﻪﺗﺘﯩﻜﻰ ﺗﻪﺳﯩﺮﺍﺗﻠﯩﺮﯨﻤﻨﻰ ﺗﻮﻟﯘﻕ ﺋﺎﺷﻜﺎﺭﻟﯩﻐﯘﻡ ﻳﯘﻕ. ﺳﯩﺰﮔﻪ ﺑﯘ ﺋﻮﭼﯘﻕ ﺧﻪﺗﻨﻰ ﻳﯧﺰﯨﺸﺘﯩﻜﻰ ﻣﻪﻗﺴﯩﺪﯨﻢ ﺳﯩﺰﻧﯩﯔ ﻳﯘﻗﯩﺮﯨﻘﻰ ﺟﺎﯞﺍﺑﯩﯖﯩﺰﺩﯨﻜﻰ ﺑﯩﻤﻪﻧﻪ ﭼﯜﺷﻪﻧﭽﯩﯖﯩﺰﮔﻪ ﺭﻩﺩﺩﯨﻴﻪ ﺑﯩﺮﯨﺶ (ﺟﺎﯞﺍﺑﯩﯖﯩﺰﺩﯨﻜﻰ ﻟﻮﮔﯩﻜﺎ ﯞﻩ ﮔﯩﺮﺍﻣﻤﺎﺗﯩﻜﯩﻐﺎ ﻳﺎﺗﯩﺪﯨﻐﺎﻥ ﺧﺎﺗﺎﻟﯩﻘﻼﺭﻏﺎ ﺑﯩﺮ ﻧﯩﻤﻪ ﺩﯨﻴﻪﻟﻤﻪﻳﻤﻪﻥ. )
ﺳﯩﺰ <<ﺋﻪﻟﯟﻩﺗﺘﻪ ﺋﯩﺴﻼﻣﻐﺎ ﻛﯩﺮﮔﻪﻧﺪﯨﻦ ﻛﯧﻴﯩﻦ، ﺑﻪﺯﻯ ﺋﯘﺳﯘﻟﻠﯩﺮﯨﻤﯩﺰ ﻣﯚﻣﯩﻦ ﭼﯩﺮﺍﻱ ﺑﻮﻟﯘﭖ ﻗﺎﻟﺪﻯ. ﺋﺎﺳﺘﺎ ﺋﻮﻳﻨﺎﻳﺪﯨﻐﺎﻥ، ﻛﯩﻴﯩﻤﻠﻪﺭ ﺋﯘﺯﯗﻥ، ﺑﺎﺵ ﻛﯩﻴﯩﻤﯩﻤﯩﺰ ﺋﯧﻐﯩﺮ ﺑﻮﻟﯘﭖ ﺟﻪﯕﮕﯩﯟﺍﺭﻟﯩﻘﯩﻤﯩﺰ ﺋﺎﺟﯩﺰﻻﭖ ﻛﻪﺗﺘﻰ.>> ﺩﻩﭘﺴﯩﺰ . ﺑﯘ ﺳﯚﺯﯨﯖﯩﺰﺩﯨﻦ ﻗﺎﺭﯨﻐﺎﻧﺪﺍ، ﺳﯩﺰﻧﯩﯖﭽﻪ ﺋﻪﯞﺭﻩﺗﻠﯩﺮﯨﻨﻰ ﺋﯩﻜﻜﻰ ﺗﺎﻝ ﺩﻩﺭﻩﺥ ﻳﻮﭘﯘﺭﻣﯩﻘﻰ ﺑﯩﻠﻪﻥ ﺗﻮﺳﯩﯟﯨﻠﯩﭗ، ﻳﯜﺯ-ﻛﯚﺯﻟﯩﺮﯨﻨﻰ ﺋﺎﻻ-ﻳﯧﺸﯩﻞ ﺑﻮﻳﯩﯟﯨﻠﯩﭗ، ﻳﺎﻻﯓ ﺋﺎﻳﺎﻍ ﭘﯘﺗﻠﯩﺮﻯ ﺑﯩﻠﻪﻥ ﻳﻪﺭﻧﻰ ﻛﯜﭼﻪﭖ ﺩﻩﺳﺴﻪﭖ، ﻳﺎﯞﺍﻳﻰ ﮬﺎﻳﯟﺍﻧﺪﻩﻙ ﭼﯩﻘﯩﺮﺍﭖ، ﺋﻪﺳﻪﺑﯩﻴﻠﯩﻚ ﺑﯩﻠﻪﻥ ﺋﻮﻳﻨﺎﻳﺪﯨﻐﺎﻥ ﺋﺎﻓﺮﯨﻘﯩﺪﯨﻜﻰ ﺋﯩﭙﺘﯩﺪﺍﺋﯩﻲ ﻣﯩﻠﻠﻪﺗﻠﻪﺭ ﺋﻪﯓ ﺟﻪﯕﮕﯩﯟﺍﺭ ﺑﻮﻟﺴﺎ ﻛﯩﺮﻩﻙ. ﺋﯘﻻﺭﻧﯩﯔ ﺋﯘﺳﯘﻝ ﺭﯦﺘﯩﻤﯩﻤﯘ ﺗﯧﺰ، ﺋﯘﺯﯗﻥ ﻛﯩﻴﯩﻤﯩﻤﯘ ﻳﻮﻕ، ﺗﯧﺨﻰ ﺋﯧﻐﯩﺮ ﺑﺎﺵ ﻛﯩﻴﯩﻤﯩﻤﯘ ﻳﯘﻕ، ﺷﯘﻧﺪﺍﻕ ﺋﻪﻣﻪﺳﻤﯘ ؟!
ﺭﯨﻴﺎﺳﻪﺗﭽﻰ ﺳﯩﺰﺩﯨﻦ <<ﻛﯜﺭﻩﺷﻜﺎ ﮬﺎﺯﯨﺮ ﺑﻪﺯﯨﻠﻪﺭ ﺋﯘﻳﻐﯘﺭ ﺋﯘﺳﯘﻟﻰ ﺑﯘﺯﯗﻟﯘﭖ ﻛﻪﺗﺘﻰ، ﮬﻪﺗﺘﺎ ﭘﯜﺗﯜﻧﻠﻪﻱ ﺗﯜﮔﻪﺷﺘﻰ ﺩﻩﻳﺪﯨﻜﻪﻥ. ﺳﯩﺰ ﺷﯘ ﻗﺎﺭﺍﺷﻘﺎ ﻗﺎﻧﺪﺍﻕ ﻗﺎﺭﺍﻳﺴﯩﺰ ؟>> ﺩﻩﭖ ﺳﻮﺭﯨﻐﺎﻥ ﺳﯘﺋﺎﻟﻐﺎ ﺟﺎﯞﺍﺏ ﺑﻪﺭﮔﻪﻧﺪﻩ << ﻗﯘﺳﺎﻗﻨﻰ ﺋﯧﭽﯩﭗ ﻛﺎﺳﺴﯩﻨﻰ ﺋﻮﻳﻨﯩﺘﯩﭗ ﭘﯜﺗﯜﻧﻠﻪﻱ ﭼﻪﺗﻨﯩﯖﻜﯩﻨﻰ ﺩﻭﺭﯨﻐﺎﻥ. ﺋﯘﻻﺭﻧﯩﯔ ﺋﯧﮭﺘﯩﻴﺎﺟﻰ ﭘﻪﻗﻪﺗﻼ ﺋﯩﻘﺘﯩﺴﺎﺩﯨﻲ ﺋﯜﻧﯜﻣﻼ ﻗﯘﻏﻠﯩﺸﯩﭗ ﻗﯩﻠﯩﯟﺍﺗﻘﺎﻥ ﻧﻪﺭﺳﻪ، ﺑﯘﻧﺪﺍﻕ ﻧﻪﺭﺳﯩﻠﻪﺭﮔﻪ ﺑﯩﺰ ﻗﺎﺭﺷﻰ ﺗﯘﺭﯗﺷﯩﻤﯩﺰ ﻛﯧﺮﻩﻙ. ﺑﯘﻧﯩﯔ ﺑﯩﺰﻧﯩﯔ ﺳﺎﭖ ﺳﻪﻧﺌﯩﺘﯩﻤﯩﺰﮔﻪ ﻛﯩﺮﯨﯟﯨﻠﯩﺸﻨﯩﯔ ﺋﺎﻟﺪﯨﻨﻰ ﺋﺎﻟﻤﯩﺴﺎﻕ ﺑﻮﻟﻤﺎﻳﺪﯗ >> ﺩﻩﭖ ﺳﯚﺯﻟﻪﭘﺴﯩﺰ . ﺑﯘ ﺳﯚﺯﯨﯖﯩﺰﺩﯨﻦ ﻗﯘﺳﺎﻗﻨﻰ ﺋﯧﭽﯩﭗ، ﻛﺎﺳﺴﯩﻨﻰ ﺋﻮﻳﻨﯩﺘﯩﭗ ﺋﯘﺳﯘﻝ ﺋﻮﻳﻨﺎﺷﻘﺎ ﻗﺎﺭﺷﻰ ﺗﯘﺭﯨﺪﯨﻐﺎﻧﻠﯩﻘﯩﯖﯩﺰ ﭼﯩﻘﯩﭗ ﺗﯘﺭﯨﺪﯗ. ﺋﯘﻧﺪﺍﻗﺘﺎ ﺋﻮﻳﻐﯘﺭ ﺳﻪﻧﺌﯩﺘﯩﻨﻰ ﻣﯚﻣﯩﻦ ﭼﯩﺮﺍﻱ ﻗﯩﻠﯩﯟﻩﺗﻜﻪﻥ <<ﺋﺎﺳﺘﺎ ﺭﯦﺘﯩﻢ>>، <<ﺋﯘﺯﯗﻥ ﻛﯩﻴﯩﻢ >>،<<ﺋﯧﻐﯩﺮ ﺑﺎﺵ ﻛﯩﻴﯩﻢ>> ﻗﺎﻳﺴﻰ ؟ ﺳﯩﺰ ﻣﯘﺷﯘ ﺋﯜﭺ ﻧﻪﺭﺳﯩﻨﻰ ﺗﯩﻠﻐﺎ ﺋﺎﭘﺴﯩﺰﻏﯘ ؟ ﻣﯧﻨﯩﯔ ﺑﯩﻠﯩﺸﯩﻤﭽﻪ ﺋﺎﻳﺎﻝ ﺋﯘﺳﯘﻟﭽﯩﻼﺭﻧﯩﯔ ﺋﻪﯓ ﺋﯧﻐﯩﺮ ﺑﺎﺵ ﻛﯩﻴﯩﻤﻰ ﺋﺎﺗﯘﺷﻨﯩﯔ ﻛﻪﻣﭽﻪﺕ ﺗﯘﻣﯩﻘﻰ، ﺋﻪﺭ ﺋﯘﺳﯘﻟﭽﯩﻼﺭﻧﯩﯔ ﻳﯧﯖﯩﺴﺎﺭ ﺗﯘﻣﯩﻘﻰ: ﺋﺎﻳﺎﻝ ﺋﯘﺳﯘﻟﭽﯩﻼﺭﻧﯩﯔ ﺋﯘﺯﯗﻥ ﻛﯩﻴﯩﻤﻰ ﺑﯧﻐﯩﺸﯩﻐﯩﭽﻪ ﻳﯧﯖﻰ ﺑﺎﺭ، ﮬﻮﺷﯘﻗﯩﻐﯩﭽﻪ ﺋﯩﺘﯩﻜﻰ ﺑﺎﺭ ﻛﯚﯕﻠﻪﻛﻠﻪﺭ، ﺋﻪﺭ ﺋﯘﺳﯘﻟﭽﯩﻼﺭﻧﯩﯔ ﺋﯘﺯﯗﻥ ﻛﯩﻴﯩﻤﻰ ﭘﯩﺸﻰ ﺋﯩﺸﺘﺎﻧﻨﯩﯔ ﺋﯩﭽﯩﮕﻪ ﺗﯩﻘﯩﯟﯨﺘﯩﻠﯩﺪﯨﻐﺎﻥ ﺋﻮﺧﺸﯩﻤﯩﻐﺎﻥ ﺭﻩﯕﺪﯨﻜﻰ ﻛﯚﯕﻠﻪﻛﻠﻪﺭ، ﺋﻪﯓ ﺋﺎﺳﺘﺎ ﺋﻮﻳﻨﯩﻠﯩﺪﯨﻐﺎﻥ ﺋﯘﺳﯘﻝ << ﺗﻪﺯﻩ ﺋﯘﺳﯘﻟﻰ >> ﻣﯩﻜﯩﻦ ﺩﻩﻳﻤﻪﻥ.
ﻗﺎﺭﺍﭖ ﺑﺎﻗﺴﺎﻡ ﻣﻪﻳﻠﻰ ﺋﺎﻳﺎﻝ، ﻣﻪﻳﻠﻰ ﺋﻪﺭ ﺋﯘﺳﯘﻟﭽﯩﻠﯩﺮﯨﻤﯩﺰﻧﯩﯔ ﻛﯚﯕﻠﯩﻜﯩﻨﻰ ﺩﺍﯞﺍﻣﻠﯩﻖ ﻗﯩﺴﻘﺎﺭﺗﯩﻘﯩﻠﻰ ﺑﻮﻟﻤﺎﻳﺪﯨﻐﺎﻧﺪﻩﻙ ﺗﯘﺭﯨﺪﯗ. ﺋﯘ ﺗﯘﻣﺎﻗﻼﺭﻧﯩﻤﯘ ﭼﯚﺭﯛﭖ ﺗﺎﺷﻠﯩﯟﻩﺗﻜﯩﻠﻰ ﺑﻮﻟﻤﺎﻳﺪﯨﻐﺎﻧﺪﻩﻙ ﻗﯩﻠﯩﺪﯗ. ﭼﯜﻧﻜﻰ، ﺋﺎﺷﯘ ﻛﯩﻴﯩﻤﻠﻪﺭﻻ ﺑﯩﺰﮔﻪ ﮬﻪﻗﻘﯩﻲ ﻣﯩﻠﻠﯩﻲ ﺋﻮﺑﺮﺍﺯ ﺑﯧﻐﯩﺸﻼﻳﺪﯗ. ﺋﯘﺳﯘﻝ ﮬﻪﺭﻛﯩﺘﯩﻨﻰ ﻗﺎﺭﺍ-ﻗﯘﻳﯘﻕ ﺗﯧﺰﻟﯩﺘﯩﺸﯩﻨﯩﯔ ﺯﯙﺭﯛﺭﻳﯩﺘﻰ ﻳﯘﻕ ﺑﻮﻟﺴﺎ ﻛﯩﺮﻩﻙ، ﺩﻩﭖ ﻗﺎﺭﺍﻳﻤﻪﻥ . ﭼﯜﻧﻜﻰ ﺋﺎﺳﺘﺎ ﻳﺎﻛﻰ ﺋﯩﺘﺘﺘﯩﻚ ﮬﻪﺭﻛﻪﺗﻠﻪﺭﻧﯩﯔ ﮬﻪﻣﻤﯩﺴﯩﻼ ﺋﯧﮭﺘﯩﻴﺎﺟﻐﺎ ﺑﯧﻘﯩﭗ ﺋﯚﺯ ﺟﺎﻳﯩﺪﺍ ﺯﯙﺭﯛﺭﻣﯩﻜﯩﻦ؟! ﺑﯘ ﺑﻪﻙ ﺋﻪﻗﻪﻟﻠﯩﻲ ﺳﺎﯞﺍﺕ ﺑﻮﻟﺴﺎ ﻛﯩﺮﻩﻙ.
ﻣﻪﻥ ﮔﯧﭙﯩﯖﯩﺰﻧﯩﯔ ﺋﻮﺭﺍﻣﯩﺪﯨﻦ <<ﺋﯘﺳﯘﻟﭽﯩﻠﯩﺮﯨﻤﯩﺰﻧﻰ ﺋﯩﺴﻼﻣﯩﻴﻪﺕ ﻣﯚﻣﯩﻦ ﭼﯩﺮﺍﻱ ﻗﯩﻠﯩﯟﻩﺗﺘﻰ>>، <<ﺟﻪﯕﮕﯩﯟﺍﺭﻟﯩﻘﯩﻨﻰ ﻗﻮﻳﻤﯩﺪﻯ >> ﺩﯨﻤﻪﻛﭽﻰ ﺑﻮﻟﺴﺎ ﻛﯧﺮﻩﻙ ﺩﻩﭖ ﭘﻪﺭﻩﺯ ﻗﯩﻠﺪﯨﻢ. ﭼﯜﻧﻜﻰ ﺳﯩﺰﻧﯩﯔ ﻗﯘﺳﺎﻗﻨﻰ ﺋﯧﭽﯩﭗ ﺋﻮﻳﻨﺎﻳﺪﯨﻐﺎﻥ ﺋﯘﺳﯘﻟﻐﺎ ﻗﺎﺭﺷﻰ ﻣﻪﻳﺪﺍﻧﯩﯖﯩﺰ ﺑﯩﻠﻪﻥ ﺋﯘﺯﯗﻥ ﻛﯩﻴﯩﻤﮕﻪ ﺑﻮﻟﻐﺎﻥ ﻧﺎﺭﺍﺯﯨﻠﯩﻘﯩﯖﯩﺰ ﺋﻮﺗﺘﯘﺭﯨﺴﯩﻜﻰ، ﻛﺎﺳﺴﯩﻨﻰ ﭼﺎﻳﻘﺎﭖ ﺗﯧﺰ ﺋﻮﻳﻨﺎﻳﺪﯨﻐﺎﻥ ﺋﯘﺳﯘﻟﻐﺎ ﻗﺎﺭﺷﻰ ﻣﻪﻳﺪﺍﻧﯩﯖﯩﺰ ﺑﯩﻠﻪﻥ ﺋﺎﺳﺘﺎ ﺋﻮﻳﻨﺎﻳﺪﯨﻐﺎﻥ ﺋﯘﺳﯘﻟﻐﺎﻥ ﺑﻮﻟﻐﺎﻥ ﻗﺎﺭﺷﻰ ﭘﻮﺯﯨﺘﺴﯩﻴﯩﯖﯩﺰ ﺋﻮﺗﺘﯘﺭﯨﺴﯩﺪﯨﻜﻰ ﺯﯨﺘﻠﯩﻖ ﻣﯧﻨﻰ ﺟﯩﻨﻨﯩﯔ ﻗﻪﺳﺘﻰ ﺷﺎﭘﺘﻮﻟﺪﺍ ﺑﻮﻟﺴﺎ ﻛﯧﺮﻩﻙ ﺩﯦﮕﻪﻥ ﺋﻮﻳﻐﺎ ﻛﻪﻟﺘﯜﺭﯛﭖ ﻗﻮﻳﺪﻯ. ﻗﺎﺭﯨﻐﺎﻧﺪﺍ،<< ﮔﻪﭘﻨﯩﯔ ﺗﯩﮕﯩﺪﻩ ﮔﻪﭖ ﺑﺎﺭﺩﻩﻙ، ﺳﺎﻗﺎﻟﻨﯩﯔ ﺗﯩﮕﯩﺪﻩ ﺧﻪﭖ ﺑﺎﺭﺩﻩﻙ>> ﺗﯘﺭﯨﺪﯗ. ﺳﯩﺰ ﺋﯩﯩﺴﻼﻣﯩﻴﻪﺗﻨﯩﯔ ﺋﯚﺯﯨﻨﻰ ﻣﯚﻣﯩﻦ ﭼﯩﺮﺍﻱ، ﺋﯘ ﺟﻪﯕﮕﯩﯟﺍﺭﻟﯩﻘﺘﯩﻦ ﻣﯘﺳﺘﻪﺳﻨﺎ ، ﺩﻩﭖ ﭼﯜﺷﻨﯩﺪﯨﻜﻪﻧﺴﯩﺰ. ﮬﻪﺗﺘﺎ ﺑﯜﮔﯜﻧﻜﻰ ﺋﺎﺭﻗﯩﺪﺍ ﻗﯧﻠﯩﺸﯩﻤﯩﺰﻧﯩﯔ ﺳﻪﯞﻩﺑﯩﻨﯩﻤﯘ ﺋﯩﺴﻼﻡ ﺩﯨﻨﯩﻐﺎ ﺋﯧﺘﯩﻘﺎﺩ ﻗﯩﻠﻐﺎﻧﻠﯩﻘﯩﻤﯩﺰﺩﯨﻦ ﻛﯚﺭﯨﺪﯨﻐﺎﻧﺪﻩﻙ ﻗﯩﻠﯩﺴﯩﺰ.
ﻗﻪﺩﯨﺮﻟﯩﻚ ﺋﯘﺳﯘﻟﭽﯩﻤﯩﺰ ﻛﯜﺭﻩﺵ ﺋﻪﭘﻪﻧﺪﻯ، ﺋﻪﮔﻪﺭ ﺭﺍﺳﺘﻨﯩﻼ ﻣﯘﺷﯘﻧﺪﺍﻕ ﻗﺎﺭﯨﻐﺎﻥ ﺑﻮﻟﺴﯩﯖﯩﺰ ﺗﺎﻣﺎﻣﻪﻥ ﺧﺎﺗﺎ ﺑﻮﻟﯩﺪﯗ. ﮬﻪﻗﯩﻘﻪﺗﻪﻧﻤﯘ ﻧﯘﺭﻏﯘﻥ ﻧﺎﺩﺍﻥ ﻛﯩﺸﯩﻠﻪﺭ ﺩﯨﻦ ﺑﯩﻠﻪﻥ ﺗﻪﺭﻩﻗﻘﯩﻴﺎﺗﻨﻰ ﻣﯘﻧﺎﺳﯩﯟﻩﺗﻠﻪﺷﺘﯜﺭﯛﭖ ﭼﯜﺷﯩﻨﯩﯟﺍﻟﯩﺪﯗ. ﺋﯘﻻﺭﻧﯩﯖﭽﻪ، ﺑﯜﮔﯜﻧﻜﻰ ﺩﯗﻧﻴﺎﺩﺍ ﺗﻪﺭﻩﻗﻘﯩﻲ ﺗﺎﭘﻘﺎﻥ ﺋﻪﻝ ﺧﻪﻟﯩﻘﻠﯩﺮﯨﻨﯩﯔ ﺋﯧﺘﯩﻘﺎﺩ ﻗﯩﻠﯩﯟﺍﺗﻘﺎﻥ ﺩﯨﻨﻰ ﺋﯩﻠﻐﺎﺭ، ﺷﯘﯕﺎ ﺋﯘﻻﺭﻧﯩﯔ ﺟﻪﻣﯩﻴﺌﯩﺘﻰ ﺗﻪﺭﻩﻗﻘﯩﻲ ﻗﯩﻠﻐﺎﻥ. ﺋﯩﺴﻼﻡ ﺩﯨﻨﻰ ﻗﺎﻻﻕ، ﺷﯘﯕﺎ ﺋﯩﺴﻼﻡ ﺋﻪﻟﻠﯩﺮﻯ ﯞﻩ ﺋﯩﺴﻼﻡ ﺋﯧﺘﯩﻘﺎﺩﯨﺪﯨﻜﻰ ﻣﯩﻠﻠﻪﺗﻠﻪﺭﻧﯩﯔ ﺟﻪﻣﯩﻴﺌﯩﺘﻰ ﻗﺎﻻﻕ.
ﻗﺎﺭﺍﻳﺪﯨﻐﺎﻥ ﺑﻮﻟﺴﺎﻕ، ﺑﯜﮔﯜﻧﻜﻰ ﺩﯗﻧﻴﺎﺩﺍ ﭼﻮﯓ ﮬﻪﻡ ﻣﯘﮬﯩﻢ ﺩﯨﻨﻼﺭﺩﯨﻦ ﺋﯩﺴﻼﻡ ﺩﯨﻨﻰ، ﺧﯩﺮﯨﺴﺘﯩﻴﺎﻥ ﺩﯨﻨﻰ ، ﺑﯘﺩﺩﺍ ﺩﯨﻨﻰ، ﮬﯩﻨﺪﻯ ﺩﯨﻨﻰ ﻗﺎﺗﺎﺭﻟﯩﻘﻼﺭ ﺑﺎﺭ. ﺑﯘ ﺩﯨﻨﻼﺭﻧﯩﯔ ﭘﻪﻳﺪﺍ ﺑﻮﻟﻐﯩﻨﯩﻐﺎ ﻧﻪﭼﭽﻪ ﻣﯩﯔ ﻳﯩﻠﻼﺭ ﺑﻮﻟﺪﻯ. ﺋﻪﻣﻤﺎ، ﺑﯘ ﺩﯨﻨﻼﺭﻏﺎ ﺋﯧﺘﯩﻘﺎﺩ ﻗﯩﻠﻐﺎﻥ ﻣﯩﻠﻠﻪﺕ ﯞﻩ ﺩﯙﻟﻪﺗﻠﻪﺭﻧﯩﯔ ﺗﺎﺭﯨﺨﯩﻐﺎ ﻧﻪﺯﻩﺭ ﺳﺎﻟﯩﺪﯨﻐﺎﻥ ﺑﻮﻟﺴﺎﻕ، ﮬﻪﻣﻤﯩﺴﯩﺪﻩ ﺋﻮﺧﺸﺎﺵ ﺑﻮﻟﻤﯩﻐﺎﻥ ﺩﻩﯞﯨﺮﻟﻪﺭﺩﻩ ﮔﯜﻟﻠﯩﻨﯩﺶ، ﺧﺎﺭﺍﺑﻠﯩﺸﯩﺶ ﺑﻮﻟﻐﺎﻧﻠﯩﻘﯩﻨﻰ ﻛﯚﺭﯨﯟﺍﻻﻻﻳﻤﯩﺰ. ﺑﯘ ﺧﯩﻞ ﺩﻭﻟﻘﯘﻧﺴﯩﻤﺎﻥ ﺋﻪﮬﯟﺍﻟﺪﯨﻦ ﻧﺎﮬﺎﻳﯩﺘﻰ ﻛﯚﭖ ﻣﯩﻠﻠﻪﺕ ﻳﺎﻛﻰ ﺩﯙﻟﻪﺕ ﺧﺎﻟﯩﻲ ﺋﻪﻣﻪﺱ. ﻣﯘﺷﯘ ﻣﻪﻧﯩﺪﯨﻦ ﻣﯘﺗﻪﭘﭙﻪﻛﻜﯜﺭﻻﺭ ﺩﯨﻦ ﺑﯩﻠﻪﻥ ﺗﻪﺭﻩﻗﻘﯩﻴﺎﺗﻨﯩﯔ ﻣﯘﻧﺎﺳﯩﯟﯨﺘﯩﻨﻰ ﻣﯘﺗﻠﻪﻗﻠﻪﺷﺘﯘﺭﯗﭖ ﭘﯩﻜﯩﺮ ﻗﯩﻠﯩﺸﻘﺎ ﻗﯘﺷﯘﻟﻤﺎﻳﺪﯗ. ﺋﯩﻨﺴﺎﻧﯩﻴﻪﺕ ﺗﺎﺭﯨﺨﯩﺪﯨﻜﻰ ﮬﻪﺭ ﻗﺎﻧﺪﺍﻕ ﺑﯩﺮ ﺩﯨﻨﻨﯩﯔ ﭘﻪﻳﻐﻪﻣﺒﻪﺭ ﺋﻪﯞﻟﯩﻴﺎﻟﯩﺮﻯ ﺋﯚﺯﻟﯩﺮﯨﻨﻰ ﮬﻪﺭﮔﯩﺰﻣﯘ <<ﺋﯩﻠﯩﻢ ﭘﻪﻧﻨﯩﯔ ﺋﻪﻟﭽﯩﻠﯩﺮﻯ ﺩﯨﮕﻪﻥ ﺋﻪﻣﻪﺱ. ﮬﻪﺭ ﻗﺎﻧﺪﺍﻕ ﺑﯩﺮ ﻣﯩﻠﻠﻪﺕ ﺗﻪﺑﯩﺌﻪﺕ ﺩﯗﻧﻴﺎﺳﯩﻨﻰ ﺋﯚﺯﮔﻪﺭﺗﯩﭗ، ﺗﻪﺑﯩﺌﯩﻲ ﭘﻪﻧﻨﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺷﺘﺎ، ﺋﯚﺯ ﭘﻪﻳﻐﻪﻣﺒﻪﺭﻟﯩﺮﯨﻨﯩﯔ ﺗﻪﻟﯩﻤﺎﺗﯩﻐﺎ ﺗﺎﻳﺎﻧﻐﺎﻧﻤﯘ ﺋﻪﻣﻪﺱ. ﭘﻪﻗﻪﺕ ﺋﯩﻠﯩﻢ-ﭘﻪﻥ ﻧﻪﺗﯩﺠﯩﻠﯩﺮﯨﻨﻰ ﺗﯧﺨﻨﯩﻜﺎ ﯞﺍﺳﺘﯩﻠﯩﺮﯨﻨﻰ ﺋﯩﺸﻠﯩﺘﯩﺸﺘﯩﻜﻰ ﻧﯩﺸﺎﻧﯩﻨﻰ ﺑﯩﻜﯩﺘﯩﺸﺘﻪ ﺋﯘﻻﺭﻧﯩﯔ ﺗﻪﻟﯩﻤﺎﺗﯩﻐﺎ ﻣﯘﺭﺍﺟﯩﺌﻪﺕ ﻗﯩﻠﻐﺎﻥ ﺧﺎﻻﺱ.
ﻗﻪﺩﯨﺮﻟﯩﻚ ﺋﯘﺳﯘﻟﭽﯩﻤﯩﺰ ﻛﯜﺭﻩﺵ ﺋﻪﭘﻪﻧﺪﻯ ، ﺳﯩﺰ ﺋﯧﻴﯩﺘﻘﺎﻥ ﺟﻪﯕﮕﯩﯟﺍﺭﻟﯩﻘﻤﯘ ﺋﯘ ﺩﯨﻨﺪﺍ ﺑﺎﺭ، ﺑﯘ، ﺩﯨﻨﺪﺍ ﻳﻮﻕ ﻧﻪﺭﺳﯩﻤﯘ ﺋﻪﻣﻪﺱ. ﺑﯩﺰ ﺋﺎﻟﺪﻯ ﺑﯩﻠﻪﻥ ﺟﻪﯕﮕﯩﯟﺍﺭ ﺩﯨﮕﻪﻥ ﺳﯚﺯﻧﯩﯔ ﺗﯩﻞ ﺗﻪﯞﻩﻟﯩﻜﻰ ﯞﻩ ﻟﯘﻏﻪﺕ ﻣﻪﻧﯩﺴﯩﮕﻪ ﻗﺎﺭﺍﭖ ﺑﺎﻗﺎﻳﻠﻰ :<<ﺟﻪﯕﮕﯩﯟﺍﺭ>> ﺳﯜﭘﻪﺕ ﺳﯚﺯﻯ ﺑﻮﻟﯘﭖ، ﺋﯘ ﭘﺎﺭﯨﺲ ﺗﯩﻠﯩﺪﯨﻦ ﺋﯘﻳﻐﯘﺭ ﺗﯩﻠﯩﻐﺎ ﻛﯩﺮﮔﻪﻥ. ﻣﻪﻧﯩﺴﻰ :1. ﺟﻪﯓ ﯞﻩ ﻛﯚﺭﻩﺵ ﻗﯩﻠﯩﺸﻘﺎ ﮬﻪﺭ ﯞﺍﻗﯩﺖ ﺗﻪﻳﻴﺎﺭ ﺗﯘﺭﯨﺪﯨﻐﺎﻥ، ﻛﯜﺭﻩﺵ ﻗﯩﻠﻐﯘﭼﻰ، ﻛﯜﺭﻩﺷﻜﻪ ﻗﺎﺗﻨﺎﺷﻘﯘﭼﻰ، ﻛﯜﺭﻩﺷﭽﺎﻥ. 2. ﺟﻪﯕﻠﻪﺭﻧﻰ ﺑﯧﺸﯩﺪﯨﻦ ﺋﯚﺗﻜﯜﺯﮔﻪﻥ ﺟﻪﯕﮕﻪ ﺋﯚﺯﯨﻨﻰ ﺋﺎﺗﯩﻐﺎﻥ. ﺟﻪﯕﺪﯨﻦ ﻗﺎﻳﯩﺘﻤﺎﻳﺪﯨﻐﺎﻥ، ﻛﯚﭼﻤﻪ ﻣﻪﻧﯩﺪﻩ : ﻛﯜﺭﻩﺷﻜﻪ ﺗﻪﻳﻴﺎﺭ ﯞﻩ ﻛﯜﺭﻩﺵ ﺭﻭﮬﯩﻐﺎ ﺑﺎﻱ. ﺟﻪﺳﯘﺭ. ﺳﯩﺰ <<ﺋﯩﺴﻼﻣﻐﺎ ﻛﯩﺮﮔﻪﻧﺪﯨﻦ ﻛﯧﻴﯩﻦ >> ﺩﯦﮕﻪﻥ ﺳﯚﺯﻧﻰ ﺗﯩﻠﻐﺎ ﺋﯩﻠﯩﺶ ﺋﺎﺭﻗﯩﻠﯩﻖ ﺋﯩﺴﻼﻣﯩﻴﻪﺗﺘﯩﻦ ﺋﯩﻠﮕﯩﺮﯨﻜﻰ ﺋﯘﺳﯘﻟﻠﯩﺮﯨﻤﯩﺰ ﺟﻪﯕﮕﯩﯟﺍﺭ ﺋﯩﺪﻯ، ﺑﯩﺰﻣﯘ ﺟﻪﯕﮕﯩﯟﺍﺭ ﺋﯩﺪﯗﻕ، ﺩﯨﻤﻪﻛﭽﯩﺪﻩﻙ ﻗﯩﻠﯩﺴﯩﺰ.
ﺗﻮﻏﺮﺍ، ﺑﯩﺰ ﺋﯩﻠﮕﯩﺮﯨﻜﻰ ﮬﻪﺭ ﻗﺎﻳﺴﻰ ﺟﺎﻳﻼﺭﺩﺍ ﯞﻩ ﮬﻪﺭ ﻗﺎﻳﺴﻰ ﺗﺎﺭﯨﺨﯩﻲ ﺑﺎﺳﻘﯘﭼﻼﺭﺩﺍ ﻛﯚﻙ ﺗﻪﯕﺮﯨﮕﻪ، ﺷﺎﻣﺎﻥ ﺩﯨﻨﯩﻐﺎ، ﻣﺎﻧﻰ ﺩﯨﻨﯩﻐﺎ، ﺑﯘﺩﺩﺍ ﺩﯨﻨﯩﻐﺎ ﺋﯧﺘﯩﻘﺎﺩ ﻗﯩﻠﻐﺎﻥ. ﺋﯘﺳﯘﻟﻠﯩﺮﯨﻤﯩﺰ ﺗﺎﺯﺍ ﺗﻪﺭﻩﻗﻘﯩﻲ ﻗﯩﻠﻐﺎﻥ، ﺷﯚﮬﺮﯨﺘﻰ ﮬﻪﺭ ﻳﺎﻗﻘﺎ ﺗﺎﺭﺍﻟﻐﺎﻥ ﻣﻪﺯﮔﯩﻞ ﺧﻪﻟﻘﯩﻤﯩﺰ ﺑﯘﺩﺩﺍ ﺩﯨﻨﻐﺎ ﺋﯧﺘﯩﻘﺎﺩ ﻗﯩﻠﻐﺎﻥ ﺩﻩﯞﯨﺮﮔﻪ ﺗﻮﻏﺮﺍ ﻛﯧﻠﯩﺪﯗ. ﺋﻪﺟﻪﺑﺎ، ﺑﯩﺰ ﺑﯘﺩﺩﺍ ﺩﯨﻨﯩﻲ ﺟﻪﯕﮕﯩﯟﺍﺭ ﺧﯘﺳﯘﺳﯩﻴﻪﺗﻜﻪ ﺋﯩﮕﻪ ﺑﻮﻟﻐﺎﭼﻘﺎ، ﺋﯘﺳﯘﻟﻠﯩﺮﯨﻤﯩﺰ ﺗﻪﺭﻩﻗﻘﯩﻲ ﻗﯩﻠﯩﭗ ﭼﺎﯕﺌﻪﻥ ﺷﻪﮬﺮﯨﻨﻰ ﺯﯨﻠﺰﯨﻠﯩﮕﻪ ﺳﺎﻟﻐﺎﻥ، ﺳﯜﻱ-ﺗﺎﯓ ﺳﯘﻻﻟﯩﺴﯩﺪﯨﻜﻰ ﺑﻪﻱ ﺟﯜﻳﻰ ﻗﺎﺭﺗﺎﺭﻟﯩﻖ ﺷﺎﺋﯩﺮﻻﺭﻧﯩﯔ ﻧﻪﺯﯨﻢ ﺑﯩﻴﯩﺘﻠﻪﺭﻧﻰ ﺗﯘﻗﯘﺷﻐﺎ ﺳﻪﯞﻩﺏ ﺑﻮﻟﻐﺎﻥ ﺩﻩﭖ ﻗﺎﺭﯨﺴﺎﻕ ﺑﻮﻻﻣﺪﯗ؟ ﮬﯩﻨﺪﯨﺴﺘﺎﻧﻠﯩﻘﻼﺭﻧﻰ ﺟﻪﯕﮕﯩﯟﺍﺭ ﺧﻪﻟﻖ ﺩﻩﭖ ﺗﯘﻧﯘﺳﺎﻕ ﺗﺎﺭﯨﺨﻲ ﺋﻪﻣﻪﻟﻴﻪﺗﻜﻪ ﺋﯘﻳﻐﯘﻥ ﻛﯩﻠﻪﺭﻣﯘ ؟ ﺋﯘﻧﺪﺍﻗﺘﺎ ﺑﯘﺩﺩﺍ ﺩﯨﻨﻰ ﭘﻪﻳﺪﺍ ﺑﻮﻟﻐﺎﻥ ﮬﯩﻨﺪﯨﺴﺘﺎﻧﻐﺎ ﺑﯘﻧﯩﯖﺪﯨﻦ 1000ﻳﯩﻞ ﺋﯩﻠﮕﯩﺮﻯ ﻣﯘﺳﯘﻟﻤﺎﻥ ﺗﯜﺭﻛﻠﯩﺮﯨﺪﯨﻦ ﺑﻮﻟﻐﺎﻥ ﺩﺍﯕﻠﯩﻖ ﭘﺎﺩﯨﺸﺎﮬ ﻣﻪﮬﻤﯘﺕ ﻏﻪﺯﻧﻪﯞﯨﻴﻨﯩﯔ ﺋﻮﻥ ﻳﻪﺗﺘﻪ ﻗﯧﺘﯩﻢ ﻏﻪﻟﺒﯩﻠﯩﻚ ﻳﯜﺭﯛﺵ ﻗﯩﻠﻐﺎﻧﻠﯩﻘﯩﻨﻰ ﻗﺎﻧﺪﺍﻕ ﭼﯜﺷﯩﻨﯩﺶ ﻛﯩﺮﻩﻙ؟ ﺳﯘﻟﺘﺎﻥ ﻣﻪﮬﻤﯘﺕ ﻏﻪﺯﻧﻪﯞﯨﻲ ﮬﯩﻨﺪﯨﺴﺘﺎﻧﻠﯩﻘﻼﺭﻧﻰ ﺑﻮﻳﺴﯘﻧﺪﯗﺭﯗﺵ ﯞﻩ ﮬﯩﻨﺪﯨﺴﺘﺎﻧﻨﻰ ﺋﯩﺴﺘﯩﻼ ﻗﯩﻠﯩﺸﯩﻨﻰ ﮔﻮﻳﺎ ﺷﯩﻜﺎﺭﻏﺎ ﭼﯩﻘﻘﺎﻧﺪﻩﻙ ﭘﯜﺗﻜﯜﺯﮔﻪﻥ. ﭘﺎﻛﯩﺴﺘﺎﻧﻠﯩﻖ ﺋﺎﻟﯩﻢ ﺳﻪﺋﯩﺪ ﻓﻪﻳﻴﺎﺯ ﻣﯘﮬﻤﯘﺩﻧﯩﯔ ﺳﯚﺯﻯ ﺑﯩﻠﻪﻥ ﺋﯩﻴﯩﺘﻘﺎﻧﺪﺍﻕ :<<ﺑﯩﺮ ﻣﻪﺯﮔﯩﻞ ﺋﯘ ﯞﻩ ﺋﯘﻧﯩﯔ ﻗﯘﻣﺎﻧﺪﺍﻥ ﺟﻪﯕﭽﯩﻠﯩﺮﻯ ﮬﯩﻨﺪﯨﺴﺘﺎﻧﻨﻰ ﺋﯩﺴﺘﯩﻼ ﻗﯩﻠﯩﺸﻨﻰ ﮬﻪﺗﺘﺎ ﻳﯩﻠﺪﺍ ﺑﯩﺮ ﻗﯧﺘﯩﻢ ﺑﻮﻟﯩﺪﯨﻐﺎﻥ ﺋﯘﺯﯗﻥ ﻳﻮﻟﻠﯘﻕ ﺳﺎﻳﺎﮬﻪﺕ ﺩﻩﭖ ﻗﺎﺭﺍﺷﻘﺎﻥ .>>
ﺋﺎﺭﯨﺪﯨﻦ 500ﻳﯩﻞ ﺋﯚﺗﻜﻪﻧﺪﻩ، ﻳﻪﻧﻰ 1520-ﻳﯩﻠﻠﯩﺮﻯ ﺋﯘﻟﯘﻍ ﺋﯩﺮﺍﺩﯨﮕﻪ ﺋﯩﮕﻪ، ﺟﻪﺳﯘﺭ ﺷﺎﮬﺰﺍﺩﻩ، ﻳﻪﻛﻪﻥ ﺧﺎﻧﻠﯩﻘﯩﻨﯩﯔ ﺧﺎﻧﻰ ﺳﯘﻟﺘﺎﻥ ﺳﻪﺋﯩﺪﺧﺎﻧﻨﯩﯔ ﻧﻪﯞﺭﻩ ﺋﺎﻛﯩﺴﻰ ﺑﺎﺑﯘﺭ ﮬﯩﻨﺪﯨﺴﺘﺎﻧﺪﺍ ﻗﯘﺩﯨﺮﻩﺗﻠﯩﻚ ﺑﺎﺑﯘﺭﻳﯩﻼﺭ ﺳﯘﻟﺘﺎﻧﻠﯩﻘﯩﻨﻰ، ﻣﯘﺷﯘﻝ ﺋﯩﻤﭙﯩﺮﻳﯩﺴﯩﻨﻰ ﻗﯘﺭﻏﺎﻥ. ﺋﯘﻧﯩﯔ ﺋﻪﯞﻻﺩﻟﯩﺮﻯ ﺗﺎﻛﻰ 1850-ﻳﯩﻠﻼﺭﻏﯩﭽﻪ ﺑﯘ ﺋﯩﻤﭙﯩﺮﻳﯩﻨﻰ ﺩﺍﯞﺍﻡ ﺋﻪﺗﻜﯜﺯﮔﻪﻥ. ﺋﯘﻻﺭ ﮬﯩﻨﺪﯨﺴﺘﺎﻥ ﺗﺎﺭﯨﺨﯩﻐﺎ ﺋﯚﺯﻟﯩﺮﯨﻨﯩﯔ ﺟﻪﯕﮕﯩﯟﺍﺭﻟﯩﻘﻰ، ﺋﯩﺠﺎﺩﭼﺎﻧﻠﯩﻘﻰ، ﻣﻪﺩﻩﻧﯩﻴﻪﺕ ﺭﻭﮬﻰ ﺑﯩﻠﻪﻥ ﺋﯚﭼﻤﻪﺱ ﺋﯩﺰﻻﺭﻧﻰ ﻗﺎﻟﺪﯗﺭﻏﺎﻥ.
ﻗﻪﺩﯨﺮﻟﯩﻚ ﺋﯘﺳﯘﻟﭽﯩﻤﯩﺰ ﻛﯜﺭﻩﺵ ﺋﻪﭘﻪﻧﺪﻯ، ﻣﻪﻥ ﻳﻪﻧﻪ ﺳﯩﺰﻧﯩﯔ ﺳﻪﻣﯩﯖﯩﺰﮔﻪ ﺳﯘﻟﺘﺎﻥ ﻣﻪﮬﻤﯘﺕ ﻏﻪﺯﻧﻪﯞﯨﻴﺪﯨﻦ ﺋﯩﻤﭙﯩﺮﺍﺗﯘﺭ ﺑﺎﺑﯘﺭﻏﯩﭽﻪ ﺑﻮﻟﻐﺎﻥ 500 ﻳﯩﻠﻠﯩﻖ ﺋﺎﺭﯨﻠﯩﻘﺘﺎ ﮬﯩﻨﺪﯨﺴﺘﺎﻧﻐﺎ ﻗﺎﺭﺍ ﺑﻮﺭﺍﻧﺪﻩﻙ ﺑﺎﺳﺘﯘﺭﯗﭖ ﻳﻪﻧﻪ ﺑﯩﺮ ﻛﯩﺮﯨﭗ، ﮬﯩﻨﺪﯨﺴﺘﺎﻧﻠﯩﻘﻼﺭﻧﯩﯔ ﺋﺎﻟﻼ-ﺗﻮﯞﯨﺴﯩﻨﻰ ﭼﯩﻘﯩﺮﯨﯟﻩﺗﻜﻪﻥ ﻳﻪﻧﻪ ﺑﯩﺮ ﺑﯜﻳﯜﻙ ﺋﯩﻤﭙﯩﺮﺍﺗﯘﺭ ﺋﻪﻣﯩﺮ ﺗﯚﻣﯜﺭﻧﯩﻤﯘ ﺳﯧﻠﯩﭗ ﻗﯘﻳﻐﯘﻡ ﻛﯧﻠﯩﯟﺍﺗﯩﺪﯗ. ﺑﯜﻳﯜﻙ ﺋﯩﻤﭙﯩﺮﺍﺗﯘﺭ ﺋﻪﻣﯩﺮ ﺗﯚﻣﯜﺭ ﺋﻪﺗﯩﺮﺍﭘﯩﺪﯨﻜﻰ ﺋﺎﻟﺘﯘﻥ ﺋﯘﺭﺩﺍ ﺧﺎﻧﻠﯩﻘﻰ، ﺋﻮﺳﻤﺎﻥ ﺋﯩﻤﭙﯩﺮﯨﻴﯩﺴﻰ، ﭘﯩﺮﯨﺴﯩﻴﻪ، ﮬﯩﻨﺪﯨﺴﺘﺎﻥ ﺧﺎﻧﻠﯩﻘﻠﯩﺮﯨﻨﻰ ﺩﻩﮬﺸﻪﺗﻠﯩﻚ ﻣﻪﻏﻠﯘﺏ ﻗﯩﻠﯩﭗ، ﻳﺎﭘﺮﺍﻗﺘﻪﻙ ﺗﯩﺘﯩﺮﻩﺗﻜﻪﻥ. ﻳﯩﻠﺪﺍ ﺑﯩﺮ ﻗﯧﺘﯩﻢ ﺋﻪﺗﯩﺮﺍﭘﯩﺪﯨﻜﻰ ﺩﯙﻟﻪﺗﻠﻪﺭﮔﻪ ﮬﯘﺟﯘﻡ ﻗﯩﻠﯩﭗ ﺩﯛﺷﻤﻪﻧﻠﯩﺮﯨﻨﻰ ﭼﻪﻛﺴﯩﺰ ﯞﻩﮬﯩﻤﯩﺪﻩ ﻗﯘﻳﻐﺎﻥ ﺑﯘ ﻏﺎﻟﯩﺐ ﺋﯩﻤﭙﯩﺮﺍﺗﯘﺭ ﻳﺎﺯﺩﺍ ﺋﯩﺴﺘﯧﻼ ﻳﯜﺭﯨﺸﯩﮕﻪ ﺋﺎﺗﻠﯩﻨﯩﭗ، ﻗﯩﺸﺘﺎ ﭘﺎﻳﺘﻪﺧﯩﺖ ﺳﻪﻣﻪﺭﻗﻪﻧﯩﺘﻜﻪ ﻗﺎﻳﺘﯩﭗ ﻛﯧﻠﻪﺗﺘﻰ. ﻧﺎﭘﺎﻟﯩﺌﯘﻥ ، ﮔﯩﺘﻠﯩﺮﺩﻩﻙ ﺷﻪﺧﯩﺴﻠﻪﺭﻧﻰ ﺋﯧﺴﯩﺪﯨﻦ ﭼﯩﻘﻤﺎﻳﺪﯨﻐﺎﻥ ﺩﻩﺭﯨﺠﯩﺪﻩ ﮬﻪﺳﺮﻩﺗﺘﻪ ﻗﯘﻳﻐﺎﻥ ﻣﻮﺳﻜﯩﯟﺍ ﺷﻪﻫﺮﯨﮕﻪ ﺑﯧﺴﯩﭗ ﻛﯩﺮﯨﭗ، ﺑﯩﺮ ﻳﯩﻞ ﺗﻮﺭﻏﺎﻧﺪﻯ. ﺗﯚﺕ ﺋﻪﺗﯩﺮﺍﭘﯩﺪﯨﻦ ﺋﯚﺯﯨﮕﻪ ﺗﻪﯓ ﻛﻪﻟﮕﯜﺩﻩﻙ ﺑﯩﺮﻩﺭ ﺩﯛﺷﻤﻪﻥ ﺗﺎﭘﺎﻟﻤﺎﻱ ﺋﯩﭽﻰ ﭘﯘﺷﻘﺎﻥ ﺋﻪﻣﯩﺮ ﺗﯚﻣﯜﺭ 1405-ﻳﯩﻠﻰ 1-ﺋﺎﻳﺪﺍ ﺋﯧﺘﯩﻨﯩﯔ ﺑﯧﺸﯩﻨﻰ ﺷﻪﺭﯨﻘﻘﻪ ﺑﯘﺭﺍﭖ ﺳﻪﺩﺩﯨﭽﯩﻨﻨﯩﯔ ﺋﯩﭽﯩﻨﻰ ﻛﯚﺭﯛﭖ ﺑﯩﻘﯩﺸﻨﻰ ﻛﯚﯕﻠﯩﮕﻪ ﭘﯜﻛﻜﻪﻥ ﺋﯩﺪﻯ. ﺋﯘ ﮬﻪﺭﮔﯩﺰﻣﯘ ﺳﻪﻣﻪﺭﻗﻪﻧﯩﺘﻨﯩﯔ ﺳﻪﻧﺌﻪﺕ ﺋﯚﻣﯩﻜﯩﻨﻰ ﺑﺎﺷﻼﭖ <<ﺋﺎﺕ ﺋﯜﺳﺘﻰ ﺋﯘﺳﯘﻟﻰ>>ﻧﻰ ﺋﻮﻳﻨﺎﭖ ﻛﯧﻠﯩﺶ ﺋﯜﭼﯜﻥ ﻳﻮﻟﻐﺎ ﭼﯩﻘﻤﯩﻐﺎﻥ، ﺑﻪﻟﻜﻰ ﻳﯧﯖﯩﻠﯩﺶ ﺩﯨﮕﻪﻧﻨﻰ ﺑﯩﻠﻤﻪﻳﺪﯨﻐﺎﻥ ﺋﯩﻜﻜﻰ ﻳﯜﺯ ﻣﯩﯔ ﻛﯩﺸﯩﻠﯩﻚ ﺟﻪﯕﮕﯩﯟﺍﺭ ﻗﯘﺷﯘﻧﻨﻰ ﺑﺎﺷﻼﭖ ﻳﻮﻟﻐﺎ ﭼﯩﻘﻘﺎﻥ. ﺑﯜﻳﯜﻙ ﺋﯩﻤﭙﯩﺮﺍﺗﯘﺭ ﺋﻪﻣﯩﺮ ﺗﯚﻣﯜﺭﻧﯩﯔ ﺑﯘ ﺯﻭﺭ ﻗﻮﺷﯘﻧﻰ ﻧﻪﭼﭽﻪ ﻛﯜﻥ ﻳﻮﻝ ﻳﯜﺭﯛﭖ ﺋﺎﻣﯘ ﺩﻩﺭﻳﺎﺳﯩﺪﯨﻦ ﺋﯚﺗﻜﻪﻧﺪﻩ ﺑﯘ ﻗﺎﺑﯩﻠﻴﻪﺗﻠﯩﻚ ﮬﯚﻛﯜﻣﺮﺍﻧﻐﺎ ﺗﯘﻳﯘﻗﺴﯩﺰ ﻛﯧﺴﻪﻝ ﺗﯩﮕﯩﭗ ﻗﺎﺯﺍ ﻗﯩﻠﻐﺎﻥ.
ﻗﯩﺴﻘﯩﺴﻰ، <<ﺋﯩﺴﻼﻣﻐﺎ ﻛﯩﺮﮔﻪﻧﺪﯨﻦ ﻛﯧﻴﯩﻦ، ﺑﻪﺯﻯ ﺋﯘﺳﯘﻟﯩﺮﯨﻤﯩﺰ ﻣﯚﻣﯩﻦ ﭼﯩﺮﺍﻱ ﺑﻮﻟﯘﭖ ﻗﺎﻟﺪﻯ >> ﺩﯨﻴﯩﺶ ﺋﺎﺭﻗﯩﻠﯩﻖ ﺋﯩﻠﮕﯩﺮﯨﻜﻰ ﺩﯨﻨﯩﻲ ﺋﯩﺘﯩﻘﺎﺩﻟﯩﺮﯨﻤﯩﺰ ﺷﺎﺭﺍﺋﯩﺘﯩﺪﺍ ﺋﯘﺳﯘﻟﻠﯩﺮﯨﻤﯩﺰ ﺟﻪﯕﮕﯩﯟﺍﺭ ﺋﯩﺪﻯ، ﺑﯩﺰﻣﯘ ﺟﻪﯕﮕﯩﯟﺍﺭ ﺋﯩﺪﯗﻕ، ﭼﯜﻧﻜﻰ ﺋﯘ ﺩﯨﻨﻼﺭ ﺟﻪﯕﮕﯩﯟﺍﺭ ﺩﯨﻨﻼﺭ ﺋﯩﺪﻯ ﺩﯨﻤﻪﻛﭽﻰ ﺑﻮﻟﻐﺎﻧﻠﯩﻘﯩﯖﯩﺰ ﺗﺎﻣﺎﻣﻪﻥ ﺧﺎﺗﺎ. ﺷﯘﻧﺪﺍﻗﻼ <<ﺑﯩﺰ ﺋﯩﺴﻼﻣﻨﻰ ﻗﯘﺑﯘﻝ ﻗﯩﻠﻐﺎﻧﻠﯩﻘﯩﻤﯩﺰ ﺋﯜﭼﯜﻥ ﺗﻪﺭﺍﻗﻘﯩﻴﺎﺗﺘﺎ ﺋﺎﺭﻗﯩﺪﺍ ﻗﺎﻟﻐﺎﻥ >> ﺩﯦﮕﻪﻥ ﺗﯘﻧﯘﺷﺘﺎ ﺗﯘﺭﯗﭖ ﺋﻮﻳﻠﯩﻐﺎﻥ ﺋﻮﻳﻠﯩﺮﯨﯖﯩﺰ ﻗﯩﻠﭽﻪ ﺋﺎﺳﺎﺳﺴﯩﺰ. ﭼﯜﻧﻜﻰ، ﺟﻪﯕﮕﯩﯟﺍﺭﻟﯩﻖ ﮬﻪﺭ ﻗﺎﻳﺴﻰ ﺩﯨﻨﯩﻲ ﺋﯧﺘﯩﻘﺎﺩﺗﯩﻜﻰ ﻣﯩﻠﻠﻪﺕ-ﻗﯘﯞﯗﻣﻼﺭﻧﯩﯔ ﯞﯗﺟﯘﺩﯨﺪﺍ ﺋﻮﺧﺸﯩﻤﯩﻐﺎﻥ ﺩﻩﯞﯨﺮﻟﻪﺭﺩﻩ ﺋﻮﺧﺸﯩﻤﯩﻐﺎﻥ ﺋﺎﻣﯩﻠﻼﺭ ﺗﯜﭘﻪﻳﻠﻰ ﺋﻮﻳﻐﯩﻨﯩﺪﯨﻐﺎﻥ ﺑﯩﺮ ﺧﯩﻞ ﻳﯜﻛﺴﻪﻙ ﺭﻭﮬ. ﺗﺎﺭﯨﺨﺘﺎ ﺗﯜﺭﻟﯜﻙ ﺋﯧﺘﯩﻘﺎﺩﺗﯩﻜﻰ ﺗﯜﺭﻟﯜﻙ ﻣﯩﻠﻠﻪﺗﻠﻪﺭ ﺋﯚﺯ ﯞﯗﺟﯘﺩﯨﺪﯨﻜﻰ ﺑﯘ ﺧﯩﻞ ﺭﻭﮬﻨﻰ ﺋﻮﺧﺸﯩﻤﯩﻐﺎﻥ ﺩﻩﯞﯨﺮﻟﻪﺭﺩﻩ، ﺋﻮﺧﺸﯩﻤﯩﻐﺎﻥ ﺩﻩﺭﯨﺠﯩﺪﻩ ﺟﻪﯞﻻﻥ ﻗﯩﻠﺪﯗﺭﻏﺎﻥ.
ﻗﻪﺩﯨﺮﻟﯩﻚ ﺋﯘﺳﯘﻟﭽﯩﻤﯩﺰ ﻛﯜﺭﻩﺵ ﺋﻪﭘﻪﻧﺪﻯ. ﺑﯩﺰﮔﻪ ﺋﻮﺧﺸﺎﺵ ﺗﻪﭘﻪﻛﻜﯜﺭ ﺗﯩﭙﯩﺪﯨﻜﻰ ﺋﻪﻣﻪﺱ، ﮬﯧﺴﯩﻴﺎﺕ ﺗﯩﭙﯩﺪﯨﻜﻰ ﻣﯩﻠﻠﻪﺗﻠﻪﺭﺩﻩ ﺋﯩﻠﻤﯩﻲ ﺭﻭﮬ ﻛﻪﻣﭽﯩﻞ، ﻗﺎﺭﯨﻐﯘﻻﺭﭼﻪ ﻗﯩﺰﻏﯩﻨﻠﯩﻖ ﻛﯜﭼﻠﯜﻙ ﺑﻮﻟﯩﺪﯗ. ﺳﯩﺰﻧﯩﯔ ﻗﺎﺭﺍﺷﻠﯩﺮﯨﯖﯩﺰ ﺩﻩﻝ ﻣﯘﺷﯘﻧﺪﺍﻕ ﻗﺎﺭﯨﻐﯘﻻﺭﭼﻪ ﻗﯩﺰﻏﯩﻨﻠﯩﻖ ﺑﯩﻠﻪﻥ ﺳﯘﻏﯘﺭﯗﻟﻐﺎﻥ. ﺳﯩﺰ ﭘﯜﺗﯜﻥ ﺩﯗﻧﻴﺎﻏﺎ ﺋﯘﺳﯘﻟﻨﯩﯔ ﻛﯚﺯﻯ ﺑﯩﻠﻪﻥ ﻗﺎﺭﺍﻳﺴﯩﺰ.ﺟﻪﻣﯩﻴﺌﻪﺗﻨﯩﯔ ﺗﻪﺭﻩﻗﻘﯩﻴﺎﺕ ﺳﻪﯞﯨﻴﺴﯩﻨﻰ ﺋﯘﺳﯘﻟﻨﻰ ﺋﯚﻟﭽﻪﻡ ﻗﯩﻠﯩﭗ ﺋﯚﻟﭽﻪﻳﺴﯩﺰ. ﭘﻪﻗﻪﺕ ﺳﯩﺰﻻ ﺋﻪﻣﻪﺱ، ﺑﯩﺰﺩﯨﻜﻰ ﻧﯘﺭﻏﯘﻥ ﻛﯩﺸﯩﻠﻪﺭ ﻧﻪﻏﻤﻪ-ﻧﺎﯞﺍ، ﻧﺎﺧﺸﺎ ﺋﯘﺳﯘﻟﻨﻰ ﻣﯩﻠﻠﻪﺗﻨﯩﯔ ﺑﺎﺭﻟﯩﻘﻰ ﺩﻩﭖ ﻗﺎﺭﺍﻳﺪﯗ. ﺷﯘﻧﺪﺍﻗﻼ، ﻧﻪﻏﻤﻪ-ﻧﺎﯞﺍ، ﻧﺎﺧﺸﺎ ﺋﯘﺳﯘﻟﻠﯩﺮﯨﻤﯩﺰ ﻣﯩﻠﻠﯩﺘﯩﻤﯩﺰﻧﻰ ﺩﯗﻧﻴﺎﻏﺎ ﺗﻮﻧﯩﺘﯩﯟﺍﺗﯩﺪﯗ ﺩﻩﭖ ﭘﻪﺧﯩﺮﻟﯩﻨﯩﺸﯩﺪﯗ. ﺗﻮﻏﺮﺍ، ﺳﻪﻧﺌﻪﺗﻤﯘ ﻣﻪﺩﻩﻧﯩﻴﻪﺗﻨﯩﯔ ﺑﯩﺮ ﻗﺎﻧﯩﺘﻰ. ﺋﯘﻣﯘ ﺧﻪﻟﻘﯩﻤﯩﺰﻧﯩﯔ ﺋﯚﺯﯨﮕﻪ ﺧﺎﺱ ﺑﯩﺮ ﺑﺎﻳﻠﯩﻘﻰ. ﺋﻪﻣﻤﺎ ﺑﺎﺭﻟﯩﻘﻰ ﺋﻪﻣﻪﺱ!!! ﺋﯘﻧﺘﯘﭖ ﻗﺎﻟﻤﺎﺳﻠﯩﻘﯩﻤﯩﺰ ﻛﯧﺮﻩﻛﻜﻰ، ﺋﯩﻘﺘﯩﺴﺎﺩ، ﮬﺎﻛﯩﻤﯩﻴﻪﺕ، ﻣﺎﺋﺎﺭﯨﭗ، ﭘﻪﻥ-ﺗﯧﺨﻨﯩﻜﺎ ﻗﺎﺗﺎﺭﻟﯩﻘﻼﺭ ﺟﻪﻣﯩﻴﺌﻪﺗﻨﯩﯔ ﺗﻪﺭﻩﻗﻘﯩﻴﺎﺗﯩﺪﯨﻜﻰ ﺑﯩﺮﻟﻪﻣﭽﻰ ﺋﺎﻣﯩﻞ. ﺳﻪﻧﺌﻪﺕ ﺋﯩﻜﻜﯩﻠﻪﻣﭽﻰ ﺋﺎﻣﯩﻞ. ﺑﯩﺮﻟﻪﻣﭽﻰ ﺋﺎﻣﯩﻠﻨﻰ ﺷﻪﻛﯩﻠﻠﻪﻧﺪﯛﺭﮔﯜﭼﯩﻠﻪﺭ ﭘﺎﺭﺍﺳﻪﺕ ﺗﯩﭙﻠﯩﻖ ﺑﻮﻟﺴﺎ، ﺋﯩﻜﻜﯩﻠﻪﻣﭽﻰ ﺋﺎﻣﯩﻠﻨﻰ ﺷﻪﻛﯩﻠﻠﻪﻧﺪﯛﺭﮔﯜﭼﯩﻠﻪﺭ ﻣﺎﮬﺎﺭﻩﺕ ﺗﯩﭙﻠﯩﻖ ﺑﻮﻟﯩﺪﯗ. ﺑﯜﮔﯜﻧﻜﻰ ﺩﯗﻧﻴﺎ ﺭﯨﻘﺎﺑﻪﺕ ﺩﯗﻧﻴﺎﺳﻰ ﺋﯩﻜﻪﻧﻠﯩﻜﻰ ﮬﻪﻣﯩﻤﯩﺰﮔﻪ ﺋﺎﻳﺎﻥ. ﺷﯚﮬﺒﯩﺴﯩﺰﻛﻰ، ﺑﯩﺮ ﻣﯩﻠﻠﻪﺗﻨﯩﯔ ﻧﻪﻏﻤﻪ-ﻧﺎﯞﺍ، ﻧﺎﺧﺸﺎ -ﺋﯘﺳﯘﻟﻰ ﮬﻪﺭ ﻗﺎﻧﭽﻪ ﺗﻪﺭﻩﻗﻘﯩﻲ ﻗﯩﻠﺴﯩﻤﯘ، ﻣﯩﻠﻠﯩﻲ ﺋﻪﺯﺍﻟﯩﺮﻯ ﺳﻪﻧﺌﻪﺕ ﺩﯦﺴﻪ ﺟﯧﻨﯩﻨﻰ ﺑﻪﺭﮔﯜﺩﻩﻙ ﭘﯩﺪﺍﻛﺎﺭﺍﻧﻪ ﺭﻭﮬﻘﺎ ﺋﯩﮕﻪ ﺑﻮﻟﺴﯩﻤﯘ، ﺋﯘﻧﺪﺍﻕ ﻣﯩﻠﻠﻪﺕ ﺋﯩﻜﻜﯩﻨﭽﻰ ﺑﯩﺮ ﻣﯩﻠﻠﻪﺗﻨﯩﯔ ﻧﻪﺯﯨﺮﯨﺪﻩ ﺭﯨﻘﺎﺑﻪﺕ ﺋﻮﺑﯩﻜﺘﻰ ﺩﻩﭖ ﺗﻪﻥ ﺋﯧﻠﯩﻨﻤﺎﻳﺪﯗ. ﮬﻪﺗﺘﺎ ﮬﺎﻳﺎﺗﻰ ﻛﯜﭼﻜﻪ ﺋﯩﮕﻪ ﻣﯩﻠﻠﻪﺕ ﺩﻩﭘﻤﯘ ﺗﯘﻧﯘﻟﻤﺎﻳﺪﯗ. ﺋﯩﻨﺴﺎﻧﯩﻴﻪﺕ ﺟﻪﻣﺌﻴﯩﺘﯩﺪﻩ ﺑﯩﺮ ﻣﯩﻠﻠﻪﺗﻨﯩﯔ ﺳﻪﻧﺌﻪﺕ ﺋﯩﺸﻠﯩﺮﯨﻨﯩﯔ ﺗﻪﺭﻩﻗﻘﯩﻴﺎﺕ ﺳﻪﯞﯨﻴﯩﺴﻰ ﻳﺎﻛﻰ ﻛﯚﻟﯩﻤﯩﻨﻰ ﺭﯨﻘﺎﺑﻪﺕ ﻛﯜﭼﻰ ﺩﻩﭖ ﻗﺎﺭﺍﻳﺪﯨﻐﺎﻥ ﺋﺎﺩﻩﺕ ﻳﻮﻕ. ﺷﯘﯕﺎ ﻧﺎﺧﺸﺎ-ﺋﯘﺳﯘﻝ، ﻧﻪﻏﻤﻪ-ﻧﺎﯞﺍﻧﯩﯔ ﻣﯩﻠﻠﯩﺘﯩﻤﯩﺰﻧﯩﯔ ﺋﯩﯩﺠﺘﯩﻤﺎﺋﯩﻲ ﮬﺎﻳﺎﺗﯩﺪﯨﻜﻰ ﺭﻭﻟﯩﻨﻰ ﺑﻪﻙ ﻣﯘﺑﺎﻟﯩﻐﯩﻠﻪﺷﺘﯘﺭﯗﭖ ﭼﯜﺷﯩﻨﯩﯟﯨﻠﯩﭗ<<ﺳﻪﻧﺌﯩﺘﯩﻤﯩﺰ ﻣﯩﻠﻠﯩﺘﯩﻤﯩﺰﻧﻰ ﺩﯗﻧﻴﺎﻏﺎ ﺗﻮﻧﯩﺘﯩﯟﺍﺗﯩﺪﯗ>> ﺩﻩﭖ ﺑﯩﺮ ﺗﻪﺭﻩﭘﻠﯩﻤﻪ ﻗﺎﺭﺍﺷﺘﺎ ﮬﺎﻳﺎﺟﺎﻧﻠﯩﻨﯩﭗ ﻳﯜﺭﯛﺵ ﻧﺎﺩﺍﻧﻠﯩﻖ. ﺧﻪﻟﻘﯩﻤﯩﺰ ﮬﯧﺴﯩﻴﺎﺕ ﺗﯩﭙﯩﺪﯨﻜﻰ ﺧﻪﻟﻖ ﺑﻮﻟﻐﺎﭼﻘﺎ ﻧﺎﺧﺸﺎ -ﺋﯘﺳﯘﻝ، ﻧﻪﻏﻤﻪ-ﻧﺎﯞﺍﻏﺎ ﺑﻪﻙ ﮬﯧﺮﯨﺴﻤﻪﻥ. ﻧﺎﺧﺸﺎ -ﺋﯘﺳﯘﻝ، ﻧﻪﻏﯩﻤﻪ-ﻧﺎﯞﺍ ﻛﯩﺸﯩﻨﻰ ﺋﻮﯕﺎﻱ ﮬﺎﻳﺎﺟﺎﻧﻼﻧﺪﯗﺭﯨﺪﯗ، ﮬﻪﻡ ﮬﻮﺯﯗﺭ ﮬﯧﺲ ﻗﯩﻠﻐﯘﺯﯨﺪﯗ. ﺑﯘ ﺋﯘﻧﯩﯔ ﻏﯩﺪﯨﻘﻼﺵ ﻛﯜﭼﯩﻨﯩﯔ ﻛﯜﭼﻠﯜﻛﻠﯩﻜﯩﺪﯨﻦ ﺑﻮﻟﻐﺎﻥ. ﺑﯩﺰﮔﻪ ﺋﻮﺧﺸﺎﺵ ﮬﯧﺴﯩﻴﺎﺕ ﺗﯩﭙﯩﺪﯨﻜﻰ ﻣﯩﻠﻠﻪﺕ ﺑﯘﻧﺪﺍﻕ ﻏﯩﺪﯨﻘﻼﺷﻘﺎ ﺩﯛﭺ ﻛﻪﻟﮕﻪﻧﺪﻩ ﺳﯘﻧﻰ ﻛﯚﺭﮔﻪﻥ ﺑﯧﻠﯩﻘﺘﻪﻛﻴﺎﻳﺮﺍﭖ ﮬﻪﻣﻤﯩﻨﻰ ﺋﯘﻧﺘﯘﻳﺪﯗ. ﺧﯘﺩﯨﻨﻰ ﻳﯘﻗﯩﺘﯩﭗ ﻣﻪﺳﺘﺎﻧﻪ ﮬﯧﺴﻼﺭﻏﺎ ﭼﯚﻣﯜﻟﯩﺪﯗ. ﮬﻪﻗﯩﻘﻪﺗﻪﻧﻤﯘ ﺑﯘ ﺧﯩﻞ ﮬﺎﻟﻪﺕ ﮬﺎﺯﯨﺮ ﺳﯧﺮﯨﻖ ﺳﯩﺰﯨﻘﺘﯩﻦ ﺋﯚﺗﯜﭖ ﻗﯩﺰﯨﻞ ﺳﯩﺰﯨﻘﻘﺎ ﻳﯧﻘﯩﻨﻼﭖ ﻗﺎﻟﺪﻯ. ﺋﯩﻨﯩﻘﯩﻨﻰ ﺋﯧﻴﯩﺘﻘﺎﻧﺪﺍ ﻣﯩﻠﻠﯩﻲ ﺭﻭﮬﯩﻤﯩﺰﻧﯩﯔ ﭼﯜﺷﻜﯜﻧﻠﻪﺷﻜﻪﻧﻠﯩﻜﯩﻨﯩﯔ ﺋﯩﭙﺎﺩﯨﺴﻰ ﺑﻮﻟﯘﭖ ﻗﺎﻟﺪﻯ. ﺑﯘﻧﯩﯖﺪﯨﻦ ﻣﯩﯔ ﻳﯩﻠﻼﺭ ﺋﯩﻠﮕﯩﺮﯨﻜﻰ ﺋﯚﺗﻜﻪﻥ ﺩﺍﻧﯩﺸﻤﻪﻥ ﺑﻮﯞﯨﻤﯩﺰ ﺋﻪﻝ ﻓﺎﺭﺍﺑﻰ <<ﭘﻪﺯﯨﻠﻪﺗﻠﯩﻚ ﺷﻪﮬﻪﺭ ﺋﺎﮬﺎﻟﯩﺴﻰ ﺗﻮﻏﺮﯨﺴﯩﺪﺍ >> ﺩﯦﮕﻪﻥ ﻛﺎﺗﺘﺎ ﺋﻪﺳﯩﺮﯨﺪﻩ ﭘﺎﺳﯩﻖ ﺷﻪﮬﻪﺭﻧﯩﯔ ﭘﯘﻗﺮﺍﻟﯩﺮﻯ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ <<ﺑﯘ ﺷﻪﮬﻪﺭﻧﯩﯔ ﺧﻪﻟﻘﻰ ﺗﯘﺭﻣﯘﺷﻨﯩﯔ ﻣﺎﺩﺩﯨﻲ ﺋﯩﻨﺘﯩﻠﯩﺸﻠﯩﺮﯨﮕﻪ ﻗﯘﻝ ﺑﻮﻟﻐﺎﻧﺪﯗﺭ. ﻳﯩﻤﻪﻙ-ﺋﯩﭽﻤﻪﻙ، ﺷﻪﮬﯟﻩﺗﭙﻪﺭﻩﺳﻠﯩﻚ ﻗﯩﻠﻤﺎﻕ، ﻗﯘﺭﯗﻕ ﺧﯩﻴﺎﻟﻐﺎ ﺑﯩﺮﯨﻠﻤﻪﻙ ﻗﺎﺗﺎﺭﻟﯩﻖ ﻧﻪﺭﺳﯩﻠﻪﺭﻧﻰ ، ﺑﻪﺯﻣﻪ-ﻣﻪﺷﺮﻩﭖ ، ﻛﯜﻟﻜﻪ ﭼﺎﺧﭽﺎﻗﻼﺭﻧﻰ ﮬﻪﻣﻤﻪ ﻧﻪﺭﺳﯩﺪﯨﻦ ﯞﻩ ﮬﻪﻣﻤﻪ ﺗﻪﺭﻩﭘﺘﯩﻦ ﺋﯜﺳﺘﯜﻥ ﻗﻮﻳﯩﺪﯗ >> ﺩﻩﭖ ﻛﯚﺭﺳﻪﺗﻜﻪﻥ. ﺋﻪﻝ ﻓﺎﺭﺍﺑﯩﻴﻨﯩﯔ ﺑﯘ ﺳﯚﺯﯨﻨﯩﯔ ﺋﯚﺯﯨﻤﯩﺰﻧﯩﯔ ﺋﯩﺠﺘﯩﻤﺎﺋﯩﻲ ﮬﺎﻳﺎﺗﯩﻜﻰ ﺋﻪﮬﯟﺍﻟﻼﺭﻏﺎ ﺑﯩﺮ-ﺑﯩﺮﻟﻪﭖ ﺑﺎﻏﻼﭖ ﺑﺎﻗﺴﺎﻕ ﺑﯩﺰ ﺋﯚﺯﯨﻤﯩﺰﻧﯩﯔ ﭘﻪﺯﯨﻠﻪﺗﻠﯩﻚ ﺷﻪﮬﻪﺭ ﭘﯘﻗﺮﺍﺳﻰ ﻳﺎﻛﻰ ﭘﺎﺳﯩﻖ ﺷﻪﮬﻪﺭﻧﯩﯔ ﭘﯘﻗﺮﺍﺳﻰ ﺋﯩﻜﻪﻧﻠﯩﻜﯩﺰﻧﻰ ﺩﻩﺭﮬﺎﻝ ﺑﯩﻠﯩﻤﯩﺰ. ﺑﯩﺰ ﻣﯘﺷﯘ ﻳﯩﻠﻼﺭﺩﺍ ﺋﯩﻜﻜﯩﻠﻪﻣﭽﻰ ﺋﺎﻣﯩﻠﻨﻰ، ﻣﺎﮬﺎﺭﻩﺕ ﺗﯩﭙﻠﯩﻖ ﻛﯩﺸﯩﻠﻪﺭﻧﻰ ﮬﻪﻣﻤﯩﺪﯨﻦ ﺋﯜﺳﺘﯜﻥ ﻗﻮﻳﯩﯟﺍﺗﯩﻤﯩﺰ. ﺑﻪﺯﻣﻪ-ﻣﻪﺷﺮﻩﭘﻠﻪﺭﺩﯨﻦ ﺑﯧﺮﻯ ﻛﯧﻠﻪﻟﻤﻪﻳﯟﺍﺗﯩﻤﯩﺰ. ﻣﻪﻧﯩﺴﯩﺰ ﻛﯜﻟﻜﻪ-ﭼﺎﺧﭽﺎﻗﻠﯩﺮﯨﻤﯩﺰ، ﺑﯩﺰﻩﭖ ﻳﯘﻣﯘﺭﻟﯩﺮﯨﻤﯩﺰ، ﭘﺎﺧﭙﺎﻕ ﭘﺎﺭﺍﯕﻠﯩﺮﯨﻤﯩﺰ ﺳﻮﺭﯗﻥ-ﺳﻮﺭﯗﻧﺪﺍ ﻳﺎﯕﺮﺍﭖ ﺗﯘﺭﯗﭘﺘﯘ. ﺋﺎﺗﺎﻟﻤﯩﺶ ﺋﯘﺳﯘﻟﭽﻰ ﻗﯩﺰﻟﯩﺮﯨﻤﯩﺰ ﺷﻪﻣﯘ-ﺷﻪﮬﻪﺭﺩﯨﻜﻰ ﻗﺎﯞﺍﻕ-ﻗﺎﯞﺍﻗﻼﺭﺩﺍ ﻏﯩﻠﺠﯩﯖﻼﭖ ﺗﯘﺭﯗﭘﺘﯘ. ﮬﻪﺭ ﺧﯩﻞ ﻧﺎﻣﺪﯨﻜﻰ ﺳﻪﻧﺌﻪﺕ ﻛﯩﭽﯩﻠﯩﻜﻠﯩﺮﯨﻨﻰ ﺗﯘﺷﻤﯘ-ﺗﯘﺷﺘﯩﻦ ﺋﯚﺗﻜﯜﺯﯛﭖ، ﭼﻮﯓ-ﻛﯩﭽﯩﻚ ﺳﻪﻧﺌﻪﺕ ﭼﻮﻟﭙﺎﻧﻠﯩﺮﯨﻤﯩﺰﻏﺎ ﮔﯘﻳﺎ ﻛﯩﯟﻩﺯﮔﻪ ﺳﯘﻟﻴﺎﯞ ﻳﯘﭘﯘﻕ ﻳﺎﭘﻘﺎﻧﺪﻩﻙ ﻛﻪﻟﺴﻪ-ﻛﻪﻟﻤﻪﺱ ﺗﻮﻥ ﻛﯩﻴﮕﯜﺯﯛﺷﻠﻪﺭ ﻣﯘﺷﯘ ﻛﯜﻧﻠﻪﺭﺩﻩ ﺗﯘﺭﻣﯘﺷﯩﻤﯩﺰﻧﯩﯔ ﺋﺎﺳﺎﺳﯩﻲ ﻣﻪﺯﻣﯘﻧﻰ ﺑﻮﻟﯘﭖ ﻗﺎﻟﺪﻯ. ﻣﯘﺷﯘﻧﺪﺍﻕ ﺋﻪﮬﯟﺍﻟﺪﺍ ﺷﯘﻧﺪﺍﻕ ﻳﻪﻛﯜﻧﮕﻪ ﻛﯧﻠﯩﺸﻜﻪ ﺑﻮﻟﯩﺪﯗﻛﻰ، ﺑﯜﮔﯜﻧﻜﻰ ﻛﯜﻧﺪﻩ ﻧﻪﻏﻤﻪ- ﻧﺎﯞﺍﺳﻰ ﻗﺎﻧﭽﻪ ﻛﯜﭼﻠﯜﻙ، ﺗﯘﻱ - ﺗﯜﻛﯜﻧﻰ ﻗﺎﻧﭽﻪ ﻛﯚﭖ ﻣﯩﻠﻠﻪﺗﻨﯩﯔ ﺋﯘﺯﺍﻗﻘﺎ ﺑﺎﺭﻣﯩﻐﺎﻥ ﻛﻪﻟﮕﯜﺳﯩﺪﻩ ﻗﺎﻳﻐﯘ ﮬﻪﺳﺮﯨﺘﻰ ﺷﯘﻧﭽﻪ ﻛﯚﭖ، ﻳﯩﻐﺎ ﺯﺍﺭﯨﺴﻰ ﺷﯘﻧﭽﻪ ﻗﺎﺗﺘﯩﻖ ﺑﻮﻟﯩﺪﯗ. ﻣﻪﻥ ﺑﯘ ﺋﺎﺭﻗﯩﻠﯩﻖ ﻣﯘﺗﻪﺋﻪﺳﺴﯩﭗ ﻣﻪﻳﺪﺍﻧﺪﺍ ﺗﯘﺭﯗﭖ ﻧﻪﻏﻤﻪ-ﻧﺎﯞﺍﻧﻰ ﺗﻪﺭﻙ ﺋﯩﺘﻪﻳﻠﻰ ﺩﯦﻤﻪﻛﭽﻰ ﺋﻪﻣﻪﺱ. ﺑﯩﺮﻟﻪﻣﭽﻰ ﺋﺎﻣﯩﻞ ﺑﯩﻠﻪﻥ ﺋﯩﻜﻜﯩﻠﻪﻣﭽﻰ ﺋﺎﻣﯩﻠﻨﯩﯔ ﺭﻭﻟﯩﻨﯩﯔ ﻣﯘﮬﯩﻤﻠﯩﻖ ﺩﻩﺭﯨﺠﯩﺴﯩﻨﻰ ﭼﯜﺷﻨﯩﻪﻳﻠﻰ، ﭘﺎﺭﺍﺳﻪﺕ ﺗﯩﭙﻠﯩﻖ ﻛﯩﺸﯩﻠﻪﺭ ﺑﯩﻠﻪﻥ ﻣﺎﮬﺎﺭﻩﺕ ﺗﯩﭙﻠﯩﻖ ﻛﯩﺸﯩﻠﻪﺭﻧﯩﯔ ﻗﯩﻤﻤﯩﺘﯩﻨﻰ ﭘﻪﺭﻕ ﺋﯧﺘﯩﺸﻨﻰ ﺑﯩﻠﻪﻳﻠﻰ، ﻧﻪﻏﻤﻪ-ﻧﺎﯞﺍ، ﻧﺎﺧﺸﺎ -ﺋﯘﺳﯘﻟﻨﻰ ﮬﻪﻣﻤﻪ ﻧﻪﺭﺳﯩﺪﯨﻦ ﺋﯜﺳﺘﯜﻥ ﻗﻮﻳﯩﯟﯨﻠﯩﭗ ﺳﯧﺮﯨﻖ ﺳﯩﺰﯨﻘﺘﯩﻦ ﺋﯚﺗﻜﯜﺯﯞﻩﺗﻤﻪﻳﻠﻰ ﺩﯦﻤﻪﻛﭽﻰ. ﻧﯘﺭﻏﯘﻥ ﻛﯩﺸﯩﻠﯩﺮﯨﻤﯩﺰﺩﯨﻜﻰ << ﺗﺎﺭﯨﺨﺘﺎ ﺗﺎﻻﻱ ﺧﺎﻥ- ﭘﺎﺩﯨﺸﺎﮬﻼﺭ ﺋﯘﻧﺘﯘﻟﯘﭖ ﻛﯧﺘﯩﺪﯗ، ﺳﻪﻧﺌﻪﺗﻜﺎﺭﻻﺭ ﺋﯘﻧﺘﯘﻟﻤﺎﻳﺪﯗ >> ﺩﯦﮕﻪﻥ ﺑﯩﻤﻪﻧﻪ ﻗﺎﺭﺍﺵ ﭘﻪﻗﻪﺕ ﺑﯩﺰﮔﻪ ﺋﻮﺧﺸﺎﺵ ﻧﻪﻏﻤﻪ- ﻧﺎﯞﺍ، ﻧﺎﺧﺸﺎ - ﺋﯘﺳﯘﻟﻨﯩﯔ ﺑﻪﻧﺪﯨﻠﯩﺮﯨﮕﻪ ﺧﺎﺱ ﻗﺎﺭﺍﺷﺘﯘﺭ. ﺳﻪﻧﺌﻪﺗﻜﻪ ﺑﻮﻟﻐﺎﻥ ﺑﯘﻧﺪﺍﻕ ﺋﻪﺧﻤﯩﻘﺎﻧﻪ ﻣﯘﮬﻪﺑﺒﻪﺕ ﮬﺎﺯﯨﺮ ﭼﯧﻜﯩﮕﻪ ﻳﻪﺗﺘﻰ. ﺋﺎﮔﺎﮬ ﺑﻮﻟﯩﺸﯩﻤﯩﺰ ﻛﯩﺮﻩﻛﻜﻰ، ﻣﯩﻠﻠﯩﻲ ﭘﯩﺴﺨﯩﻜﯩﻤﯩﺰﺩﯨﻜﻰ ﺑﯘ ﺧﯩﻞ ﺳﻪﻧﺌﻪﺕ ﻣﻪﺳﺘﺎﻧﯩﻠﯩﻘﻰ ﻻﻳﯩﻘﯩﺪﺍ ﺑﻮﻟﻤﺎﻱ ﭼﻪﻛﺘﯩﻦ ﺋﯧﺸﯩﭗ ﻛﻪﺗﺴﻪ، ﺧﻪﻟﻘﯩﻤﯩﺰﻧﯩﯔ ﮬﺎﻳﺎﺗﯩﺪﺍ ﺟﻪﺯﻣﻪﻥ ﭘﯘﺷﺎﻳﻤﺎﻧﻠﯩﻖ ﺋﺎﻗﯩﯟﻩﺕ ﺷﻪﻛﯩﻠﻠﯩﻨﯩﺪﯗ. ﺧﯘﺩﺩﻯ ﺧﻪﻟﻘﺎﺭﺍﻟﯩﻖ ﺗﻪﺳﺴﯩﺮﮔﻪ ﺋﯩﮕﻪ ﻣﯩﺴﯩﺮﻟﯩﻖ ﻣﯘﺗﻪﭘﭙﻪﻛﻜﯜﺭ ﻳﯜﺳﯜﭖ ﻗﻪﺭﺯﺍﯞﻯ ﺋﯧﻴﯩﺘﻘﺎﻧﺪﻩﻙ <<ﻧﻪﻏﻤﻪ-ﻧﺎﯞﺍ، ﺋﯘﺳﯘﻝ-ﻧﺎﺧﺸﺎ ﻣﯩﻠﻠﻪﺗﻨﻰ ﻣﯘﮬﯩﻢ ﻏﺎﻳﯩﻠﯩﺮﻯ ﯞﻩ ﭼﻮﯓ ﻣﻪﺳﺴﻠﻠﯩﺮﻯ ﺋﯜﺳﺘﯩﺪﻩ ﻏﻪﻡ ﻳﯩﻴﯩﺸﺘﯩﻦ ﮔﻮﻝ ﻗﯩﻠﯩﺪﯨﻐﺎﻥ ﺧﻪﺗﻪﺭﻟﯩﻚ ﻗﯘﺭﺍﻝ.>>ﺩﯗﺭ.
ﻗﻪﺩﯨﺮﻟﯩﻚ ﺋﯘﺳﯘﻟﭽﯩﻤﯩﺰ ﻛﯜﺭﻩﺵ ﺋﻪﭘﻪﻧﺪﻯ، ﺋﯩﻠﮭﺎﻣﺒﻪﺧﯩﺶ ﺳﯚﮬﺒﯩﺘﯩﯖﯩﺰﻧﯩﯔ ﺗﯜﺭﺗﻜﯩﺴﯩﺪﻩ ﺳﯩﺰﮔﻪ ﺩﻩﻳﺪﯨﻐﺎﻧﻠﯩﺮﯨﻢ ﮬﺎﺯﯨﺮﭼﻪ ﻣﯘﺷﯘﻧﭽﯩﻠﯩﻚ. ﺋﻪﺭﻛﯩﻦ-ﺳﯚﮬﺒﻪﺕ ﻣﯘﻧﺎﺯﯨﺮﯨﻠﻪﺭ ﺋﻮﺗﺘﯘﺭﯨﻤﯩﺰﺩﯨﻜﻰ ﭼﯜﺷﯩﻨﯩﺸﻨﻰ ﭼﻮﯕﻘﯘﺭﻻﺷﺘﯘﺭﯨﺪﯗ ﺩﻩﭖ ﺋﯩﺸﯩﻨﯩﻤﻪﻥ.
مەنبە: << ﺋﯩﻠﻰ ﺩﻩﺭﻳﺎﺳﻰ >> ﮊۇﺭﻧﯩﻠﻰ 2006- يىل 3- ﺳﺎن | 
يوللىغان ۋاقتى 2011-2-28 15:15:43
