زادى كىم ئىشەك؟؟؟

zoklan

بار ئىدى ئىشەكتە ئېيتقىن نە گۇنا،
ئۇ ئىشلەپ  پەقەتلا تاپمايدۇ  تىنىم.
ئىشەك دەپ تىللايسەن بىكار ياتقاننى،
ئالمىشىپ قالدىمۇ ياكى بۇ ئىسىم.

كۆرمۈدۈم نە بىرەر بىكار ئىشەكنى،
بۇ دۇنيا ئۇلارچۈن ئوخشار ھەپسىگە.
بىكارغا ناننى يەپ ياتقان ئادەمنى،
ئوخشۇتۇش نومۇستۇر ئىشچان ئىشەككە.
ئىشەكلەر ساتمايدۇ پۇلغا تىپىنى،
ساتمىغان پۇل ئۈچۈن ياكى تېنىنى،
نەفسىچۈن چالمىغان خەقنىڭ دېپىنى،
ھارامدىن ياشاشنىڭ قىلىپ ئېپىنى،
ئۆز دىمەي ئۆزىنىڭ قىرىپ پېيىنى،
نە ھاجەت ئادەمنى ئىشەك بىلىشكە،
ئىشەكنى ئوخشۇتۇپ ئادەم دىيىشكە.

بەزىلەر ياشاركەن ئىشلەپ ئىشەكتەك،
ھاياتلىق يولىدا گويا تۇتقۇندەك.
بىلمەيدۇ ھېرىشنى ياكى چارچاشنى،
بوي سۇنار ھەممىگە ئاڭدىن قالغاندەك.
ئىزدىنىپ شۇنچىمۇ بىلەلمىدىم ھىچ،
زادى كىم ئادەمدۇر زادى كىم ئىشەك.

كەلمىشكە بەزىلەر قىلمايدۇ پىسەنت،
ئۆرۈلسە كەڭ پەلەك تېرىيدۇ تېزەك.
كېلىپلا بەزىلەر چېچىپ ھىيلىنى،
ئىككىمىز دوستقۇ دەپ ئالسا بارىنى،
سەن ياخشى دەپ تۇرۇپ قويسا مالىنى،
شورىسا قانىنى ئالسا جانىنى،
ئۈندىمەس سالپىيىپ بەئەينى ئىشەك.
سەيياھتەك كەزدىم مەن تالاي يۇرتلارنى،
بىلمىدىم كىم ئادەم زادى كىم ئىشەك.

                      تۇرغۇن نېرىنكىر

arman11

قولىڭىزغا دەت كەلمىسۇن ئىلھامىڭىز تىخىمۇ زىيادە بولسۇن

توغراق1

توغرا ، ئېشەكتە زادى نېمە گۇناھ، بىز ئۇيغۇرلار ئېشەككە رەھمەت ئېيتساق توغرا بولىدۇ، ئۇلار تارىختىن بۇيان بىزنىڭ خىزمىتىمىزنى قىلىپ كەلدى، بىراق بىز شۇنىڭغا شۈكرى قىلىپ يېتىۋەردۇقكى، بىچارە ئېشەكلەرنى پېنسىيەگە چىقىرىش ئۈچۈن ئەقلىمىزنى ئىشلىتىپ تىرىشچانلىق كۆرسىتىپ باقمىدۇق.

توغراق1

زادى كىم ئېشەك؟توغرا ، ئېشەكتە زادى نېمە گۇناھ، بىز ئۇيغۇرلار ئېشەككە رەھمەت ئېيتساق توغرا بولىدۇ، ئۇلار تارىختىن بۇيان بىزنىڭ خىزمىتىمىزنى قىلىپ كەلدى، بىراق بىز شۇنىڭغا شۈكرى قىلىپ يېتىۋەردۇقكى، بىچارە ئېشەكلەرنى پېنسىيەگە چىقىرىش ئۈچۈن ئەقلىمىزنى ئىشلىتىپ تىرىشچانلىق كۆرسىتىپ باقمىدۇق.

alsar

ياخشى  يېزىپسىز  ، تېخىمۇ  تىرىشىڭ

adilpayzi

ئېشەك بوپ يارالغان گۇناھى باردۇر،
ئادەم بوپ يارالسا ئۆسۈپ كېتەتتى.
چىدامدا، غەيرەتتە، كۈچتۈنگۈرلۈكتە،
مەرتلىكتە ئادەمدىن ئۆتۈپ كېتەتتى.

ئۇ تارتقان ھارۋىنى تارتالماس ئادەم،
ساخاۋەت بابىدا ئۇمۇ بىر ھاتەم.
ئىش ھەققى ئارانلا بىر سېۋەت سامان،
چىشلىمەس ئىگىسىن لېكىن بىر مەرتەم.

پۇت سۇنغان كۆۋرۈكتىن ئۆتمەس ئۇ قايتا،
شۇ ساۋاق قەلبىگە ئورنىغان مەھكەم.
قانۇن ھەم ئەخلاقتىن خەۋىرى تۇرۇپ،
بۇرنىغا سۇ كىرمەس نېمىشقا ئادەم؟!!

ohuztigin

تۇرغۇن نېرىنكىر ئەفەندىم:
ئىشەك توغرىسىدا يېزىپ مۈشۈك توغرىسىدا يازمامدىكەن،ئۆزلە پىخسىقلىق قىلماي مۇشۇ جانۇۋارلار توغرىسىدىمۇ يازسىلىرى بولۇرمۇ؟

abdukeyum78

پۇت سۇنغان كۆۋرۈكتىن ئۆتمەس ئۇ قايتا،
شۇ ساۋاق قەلبىگە ئورنىغان مەھكەم.
قانۇن ھەم ئەخلاقتىن خەۋىرى تۇرۇپ،
بۇرنىغا سۇ كىرمەس نېمىشقا ئادەم؟!!

   نىمە دىگەن ئسىل مىسرالار بۇ! ئاپىرىن!....