ئامېرىكا ئىرانغا ھۇجۇم قىلىشتا كىمدىن ئەنسىرەيدۇ ؟

tograk

      چەتئەل تاراتقۇلىرىنىڭ خەۋىرىدە مۇنداق دېيىلگەن : ئامېرىكا بىلەن ئىران 16 _ ، 17 _ يانۋار تېھرانداسۆھبەت ئۆتكۈزدى . ئىران يادرو تەكشۈرۈش " قۇرۇلما لاھىيەسى" جەھەتتە خەلقارا ئاتوم ئېنېرگىيەسى ئورگىنى بىلەن بىرلىككە كېلەلمىدى . ئامېرىكا دۆلەت ئىشلىرى مەھكىمىسىنىڭ باياناتچىسى 18 _ يانۋار : ئامېرىكا ئىران بىلەن ئۆتكۈزگەن سۆھبىتىنىڭ ئوڭۇشلۇق بولمىغانلىقىدىن ئۈمىدسىزلەندى ، دېگەن .
      كانادا "خەنخې ھەربىي ئوبزورى" ژۇرنىلىدا :  ئامېرىكىنىڭ ئىرانغا ھۇجۇم قىلىش مۇمكىنچىلىكى چوڭ ، ئوتتۇرا شەرقتىكى بەزى ئەللەر بىلەن پاكىستان ئامېرىكىغا سۈيقەست پىلانلاۋاتىدۇ ، شۇڭا  ئامېرىكىنىڭ پاكىستان بىلەن ئىرانغا ھۇجۇم قىلىش مۇمكىنچىلىكى بار ، چۈنكى ھەر ئىككى دۆلەت يادروغا ئىگە ، ھەر ئىككىسىنىڭ جۇڭگو ۋە روسىيە بىلەن بولغان مۇناسىۋىتى قويۇق . ئەگەر ئامېرىكا ئىرانغا راستىنلا ھۇجۇم قىلسا ، ئامېرىكىنىڭ ئەڭ ئەنسىرەيدىغىنى جۇڭگونىڭ قۇرالى . ئامېرىكىنىڭ نۇرغۇن ئۇچقۇچىسىز رازۋېدكا ئايروپىلانىنى ئىران ئېتىپ چۈشۈردى ، ئامېرىكا ئىراننىڭ باشقۇرۇلىدىغان سىنارەد تېخنىكىسىنى كىرگۈزگەنلىكىنى جەزىملەشتۈرۈپ بولدى ، دېيىلگەن .
      پارس ئاگېنتلىقىنىڭ خەۋىرىدە : ئىران دېڭىز ئارمىيەسى ھازىر جۇڭگونىڭ يېڭى تىپتىكى باشقۇرۇلىدىغان سىنارەدلىك كاتىرى " جۇڭگو مۈشۈكى" نى سېتىۋىلىشنى ئويلىشىۋاتىدۇ ، دېيىلگەن . بۇ كاتىرنىڭ ئۇزۇنلىقى 23 مېتىر ئىكەن . ئۇنىڭغا "802 C" ۋە "701 C" بەلگىلىك پاراخۇتقا قارشى باشقۇرۇلىدىغان سىنارەدتىن تۆتنى سەپلىگىلى بولىدىكەن .
      كانادا "خەنخې ھەربىي ئوبزورى" ژۇرنىلىدا : جۇڭگونىڭ بىر تۈركۈم قۇراللىرى بۇلتۇر ئىراندا ئۆتكۈزۈلگەن پاراتتىن ئۆتۈش مۇراسىمىدا ئاشكارە قىلىندى . جۇڭگو تاشقى پېروۋۇتنى ئاشۇرۇش ھەم ئىراننىڭ ئامېرىكىغا قارشى تۇرۇش ھەرىكىتىنى قوللاش ئۈچۈن قۇرال _ ياراق ئېكىسپورت قىلماقتا، دېيىلگەن .
      جۇڭگو راستىنلا ئىرانغا ئەڭ ئىلغار " قىرغۇچى _ 10" نى سېتىپ بېرەرمۇ ؟ شېنجېن سۇنئى ھەمرا تېلۋېزىيەسىنىڭ مۇلاھىزىسىدە : جۇڭگونىڭ  ئىرانغا " قىرغۇچى _ 10" نى سېتىپ بېرىش مۇمكىنچىلىكى تۆۋەن . جۇڭگو ئىرانغا كۆپ مىقداردا قۇرال سېتىپ بەرمەيدۇ ، لېكىن بىر قىسىم باشقۇرۇلىدىغان سىنارەدلەرنى ئىرانغا سېتىپ بېرىدۇ . ئىران نۆۋەتتە نۇرغۇن نېفىتلىكنى جۇڭگونىڭ ئەرزان باھادا ئېچىشىغا ئۆتۈنۈپ بېرىۋاتىدۇ . جۇڭگو بۇ ئارقىلىق ئۆز مەنپەئەتىنى كېڭەيتىۋاتىدۇ ، ئەگەر ئىراندا بىرەر ئىش بولۇپ قالسا ، جۇڭگو قاراپ تۇرمايدۇ ، دېيىلگەن .

             مەنبە : قانۇنچىلىق گېزىتى

anaweten

بۇ خەۋەردىگەنگە بىر نەسە دەپ بولغىلى بولمايدىكەن ... ئۆتكەن يىلى 3-ئايدا ئىسرائىلىيە ئامېرىكا قول سالمىسىمۇ بىز قول سالىمىزدەپ يۈرۈيتتى ،،،، تېخىچە كەڭ كۆلەمدىكى ئۇرۇش بولمىدى ....

arkim

ئېران يېڭىلسە، ئۇ يەردىكى ئۆز كىملىكىدىن ئايرىلىپ قېلىۋاتقان نەچچە ئون مىليون تۈرك قېرىنداشلىرىمىز زۇلۇمدىن، زۇلمەتتىن قۇتىلىدۇ. بىراق، تۈركىيەدىكى كۇرتلارنىڭ كۈچى زورىيىپ بۇزغۇنچىلىقى كۈچىيىپ كېتىدۇ.

ئەنۋەر

ئۇنداق ئاسان پارتىلمايدۇ بۇ ئۇرۇش،پارتىلاپ قالدى ،ئاقىۋەت يىغىشتۇرماق بىر مەسىلە!!!

orkex

گىرمانىيە ۋە روسىيە ئىران يادرو مەسىلىسىنى ھەل قىلىشتا قورال كۈچى ئىشلەتمەسلىك كېرەك دېدى

مەنبە : news.xinhuanet.com  
شىنخۇا تورى مىيۇنخېن 2-فېۋرال تېلېگراممىسى: روسىيە دېپلوماتىيە مىنىستىرى رافۇلۇف ۋە گىرمانىيە دېپلوماتىيە مىنىستىرى ۋىستىۋېل 2-فېۋرال مىيۇنخېن بېخەتەرلىك يىغىنىدا ئاگاھلاندۇرۇپ مۇنداق دېدى: ئىران يادرو مەسىلىسىدە ھەربىي ئىشلار ۋاستىسى قوللانماسلىق كېرەك.
رافولوف شۇ كۈنىدىكى باياناتىدا مۇنداق دېدى: ئىران يادرو مەسىلىسىدە ھەربىي ئىشلار تاللىشى بىر خاتالىق، چوقۇم سۆھبەت ئۇسۇلى ئارقىلىق مەسىلىنى ھەل قىلىش كېرەك. قورال كۈچى ئىشلىتىپ ئىران يادرو مەسىلىسىنى ھەل قىلىش روسىيە قوبۇل قىلالمايدىغان تاللاش. رافولوف مۇنداق دېدى: ئىرانمۇ مۇۋاپىق بېخەتەرلىك مەنپەئەتىگە ئىگە.
رافولوف مۇنداق دېدى: ئىران يادرو مەسىلىسى رايون بېخەتەرلىكى ئارقا كۆرۈنۈشى ئاستىدا بىر تەرەپ قىلىنىشى كېرەك. روسىيە ئۆتكەن بىر قانچە يىلدا دېڭىز قولتۇقى دۆلەتلىرى بىلەن بولغان ئۇچرىشىشتا ئىران مەسىلىسى ئالتە دۆلەت ، بىرلەشكەن دۆلەتلەر تەشكىلاتى، ياۋروپا ئىتتىپاقى، ئىرانغا خوشنا دۆلەتلەر ۋە ئىران بىر ئورتاق بېخەتەرلىك يىغىنى ئېچىشنى ئويلىشىش تەكلىۋىنى بەرگەن. ئۇ مۇنداق دېدى: بۇ تەكلىپ يەنىلا ئۈستەل ئۈستىدە تۇرماقتا. بىز چوقۇم ئىرانغا ئىشىنىشىمىز كېرەك، ئىران يادرو مەسىلىسىنى ھەل قىلىش ئىراننىڭ ھازىرىقى ھاكىمىيىتىنى ئۆزگەرتىش ھېسابلانمايدۇ.
ۋىستېۋىلمۇ شۇ كۈنى باياناتىدا مۇنداق دېدى: سىياسىي ۋە دېپلوماتىيە يولى بىلەن ھەل قىلىش ئۇسۇلى زۆرۈر، بارلىق تەرەپلەر ھازىر چوقۇم دېققىتىنى بۇ تەرەپكە قارىتىشى كېرەك. ئۇ مۇنداق دېدى: ئىران يادرو مەسىلىسىنىڭ سىياسىي يول بىلەن ھەل قىلىنىشىغا قارىتا، 2013-يىل قارار بەلگىلەش خارەكتىرلىك يىل ھېسابلىنىدۇ. ئۇ ئىران ھۆكۈمىتىنى ئامېرىكىنىڭ مۇئاۋىن زۇڭتۇڭى بايدىن ئوتتۇرغا قويغان ئىران بىلەن بېۋاستە ماھىيەتلىك سۆھبەت ئۆتكۈزۈش نىيىتىگە قوشۇلۇشقا دەۋەت قىلدى.
بايدىن شۇ كۈنى مىيۇنخېن بېخەتەرلىك يىغىنىدا مۇنۇلارنى بىلدۈردى: ئامېرىكا ئىران بىلەن ئىران يادرو مەسىلىسى توغرىسىدا بېۋاستە سۆھبەت ئېلىپ بېرىشقا تەييارلىنىۋاتىدۇ، توپ ئىران ھۆكۈمىتى تەرەپتە، ئەمما ئىران ھازىر چوقۇم ئەستايىدىللىق بىلەن ياخشى نىيىتى بىلەن ئالتە دۆلەت بىلەن سۆھبەت ئېلىپ بېرىشى كېرەك. ھازىر يەنە ۋاقىت ۋە بوشلۇق بار، ئىران ئۆزىنى بېسىۋېلىپ دېپلوماتىيە ۋاستىسى ئارقىلىق ئىران يادرو مەسىلىسىنى ھەل قىلىشى كېرەك. بايدىن يەنە مۇنداق دېدى: ئامېرىكىنىڭ سىياسىتى ئىراننى چەكلەش ئەمەس بەلكى ئىراننىڭ يادرو قورالغا ئىگە بولۇشىنى توسۇشتىن ئىبارەت.
غەرىپ دۆلەتلىرى ئىزچىل ھالدا ئىراننى ئوران قويۇلدۇرۇش پائالىيىتى بىلەن شۇغۇللىنىۋاتىدۇ دەپ گۇمان قىلغان شۇنداقلا ئىراننىڭ يادرو قورالى تەتقىق قىلىپ ياسىشىدىن ئەندىشە قىلىپ كېلىۋاتىدۇ. ئەمما ئىران تەرەپ بۇنى قەتئىي ئىنكار قىلىپ، تىنچلىق ئۈچۈن يادرو ئېنىرگىيىسىگە بولۇش ئىراننىڭ قانۇنلۇق ھوقۇقى دەۋاتىدۇ.

مىنىڭچە ئامېركا ئىرانغا بىۋاستە ئۇرۇش قوزغىمسىمۇ ، ئاستىرىتتىن سۈيقەست قىلىپ ئىقدىسادىي كىرىزىس ،ئىچكى ئۇرۇش ،ئارقىلىق ھاكىمىيەتنى ئۆزگەرتىۋېتىشى مۇمكىن .

orkex

بۇ تىمىدىكى << ئەگەر ئامېرىكا ئىرانغا راستىنلا ھۇجۇم قىلسا ، ئامېرىكىنىڭ ئەڭ ئەنسىرەيدىغىنى جۇڭگونىڭ قۇرالى .>> بۇ گەپ ئانچە چەك باسماسمىكىن دەيمەن .
   ئەگەر راستىنلا ئامېركا ئىرانغا ئۇرۇش قوزغىسا ئېلىمىز قۇرال ئەمەس بەلكى دىپلوماتىيە يولى ئارقىلىق بىر تەرەپ قىلىشى مۇمكىن . بىز قۇرال ئىشلەتسەك 3. دۇنيا ئۇرۇشى باشلاندى دىگەنلىكتە ؟!

halpa

----------------------،،،،،،،،،،،،،،،،،،،،

faxsit

ئىشنى قىلىپ ئىران ياخشى دۆلەت ئەمەس.بىزلەرگە بالايى-ئاپەت ئىران،پاكىستان دىن كىلىۋاتىدۇ.بەزىلەر ئىراننى ئىسلام دۆلىتى بولغاچقىلا ياخشى دەپ ئويلايدۇ.لىكىن ماھىيەتتىن،خەلقئارا ۋەزىيتتىن ئىلىپ ئىتقاندا  ئىراننىڭ كۈچىيىپ كىتىشى بىر تەھدىت.ئىراننىڭ  بىشىدا ھامان بىر يامان كۈن بار.بۇ بالايى-ئاپاتتىن قىچىپ قۇتۇلالمايدۇ.

kotakbay

بۇ مەزمۇن 2قەۋەتتىكى arkimدە2013-02-04 11:49يوللىغان يازمىسىغا نەقىل :
ئېران يېڭىلسە، ئۇ يەردىكى ئۆز كىملىكىدىن ئايرىلىپ قېلىۋاتقان نەچچە ئون مىليون تۈرك قېرىنداشلىرىمىز زۇلۇمدىن، زۇلمەتتىن قۇتىلىدۇ. بىراق، تۈركىيەدىكى كۇرتلارنىڭ كۈچى زورىيىپ بۇزغۇنچىلىقى كۈچىيىپ كېتىدۇ.  

سىز ئىران ناۋادا ئۇرۇشتا يىڭىلىپ قالسا خۇش بۇلدىغان ئۇخشىمامسىز.؟

kotakbay

بۇ مەزمۇن 7قەۋەتتىكى faxsitدە2013-02-04 12:39يوللىغان يازمىسىغا نەقىل :
ئىشنى قىلىپ ئىران ياخشى دۆلەت ئەمەس.بىزلەرگە بالايى-ئاپەت ئىران،پاكىستان دىن كىلىۋاتىدۇ.بەزىلەر ئىراننى ئىسلام دۆلىتى بولغاچقىلا ياخشى دەپ ئويلايدۇ.لىكىن ماھىيەتتىن،خەلقئارا ۋەزىيتتىن ئىلىپ ئىتقاندا  ئىراننىڭ كۈچىيىپ كىتىشى بىر تەھدىت.ئىراننىڭ  بىشىدا ھامان بىر يامان كۈن بار.بۇ بالايى-ئاپاتتىن قىچىپ قۇتۇلالمايدۇ.  

 سىز ئىراننى ياخشى ئەمەس دەيدىغانغا ئىسپاتىڭىز بارمۇ ، ئىران ھەقىقى ئىسلام قانۇنى بۇيىچە مىڭۋاتقان دۇلەت .