شېھىدىمىز ئابدۇخالىق ئۇيغۇرنى ھۆرمەت بىلەن ياد ئېتىمىز.

qinturk

بىزگە ئەنە شۇنداق ئوغلانلار كېرەك!

kuju

qinturk يوللىغان ۋاقتى  2013-3-17 20:34
بىزگە ئەنە شۇنداق ئوغلانلار كېرەك!

شېھىدىمىزنىڭ ئۇرۇغ-تۇغقانلىرى ھېلىمۇ ئۈزۈمچىلىك يېزىسىدا بار.(ئاللاھ ياتقان يېرىنى جەننەتە قىلغاي،پۇتكۈل ئۇيغۇرغا ياخشىلىقلارنى بۇيرىغاي.ئامىن!)

pidakarroh

ئۇ مىللىتىمىزنىڭ  قەھرىمانى، بىز چىن   دىلىمىزدىن سېغىنىپ ياد ئېتىمىز.

BANU12

مەن‹‹ ئويغانغان زىمىن›› رومانىدىن ئوت يۇرەك شائېرنىڭ قەتلى قىلىنغان جەرياننى ئوقىۋېتىپ يېغلاپ كەتكەن ئىدىم، بەزىلەر بۇنداق كىشىلەرنى‹‹ 100 يىلدا بىر قېتىم يارىلىدۇ ›› دەيدىكەن، ئەپسۇس،،،،نەچچە ئەسىردىمۇ تۇغۇلمايدىغان ئوخشايدۇ. مەن كوپچىلىكە ئوت يۇرەك شائرىمىز ئابدۇرېھىم ئوتكۇرنىڭ ‹‹ يارەب›› ناملىق شئېرىنى سۇنغۇم كەلدى.
                                                                يارەب
                             
                                 ئېلاھا،ھېكمىتىڭ كۆپـتۇر،بىلەي دەپمۇ بىلەلمەيمەن،
                                 ئۆزۈڭدىن بولمىسا رەھمەت،ئۆزۈم يېغلاپ كۈلەلمەيمەن.
                                 كۇلەرمەن دەپ ئۈمىت قىلسام ،قالۇرمەن گاھىدا يېغلاپ،
                                 تۇرۇپ بىردەم بۇلۇر ئىشنى ماراپ تۇرسام كۈرەلمەيمەن.

                                 ئۆزۈم قىلدىم، ئۆزۈم بىلدىم دىگەن بىرلا جاھالەتتە،
                                 ئۆزۈڭدىن بولمىسا رەھمەت ،بازاردىنمۇ كېلەلمەيمەن.
                                 بېرىپ كەلدىم پەقەت بىرلا ھەرەم -مەككە، مەدىنەمگە،
                                 ئۆزۈڭ يەتكۈزمىسەڭ يارەب، باراي دەپمۇ بارالمايمەن.     
                                 
                                 ئەجەپ ئاجىز ئىكەن بەندە، جېنى بولغان بىلەن تەندە،
                                  ئۆزۈڭ بىلدۇرمىسەڭ يارەب ،ئۆزۈمنى ھەم بىلەلمەيمەن.
                                  تىنىمنىڭ ساقلىقى بىلسەم،سېنىڭ فەزلى-كەرەمىڭدۇر،
                                  ئۆزۈڭدىن بولمىسا ساقلىق ،تېنىمنى ساق ئىتەلمەيمەن.
              
                                 ئۆزۈڭنىڭ كۇدرىتى بىرلە، كۆزۈم ئاچتىم بۇ دۇنياغا،
                                ئۆزۈڭ ئەپ كەتمىسەڭ يارەب، كىتەي  دەپمۇ كىتەلمەيمەن.                              

                                       

turpan

باردۇر            
جاھالەت سەمەرەسىدىن بىزگە بىركۈن كۆپ جاپا باردۇر،
ئېيتىڭىزچۇ بۈگۈنكى ھالىمىزدىن قايسى بىرىدە ساپا باردۇر.
  
زاماننىڭ ھالىدىن ۋاقىپ بولۇپ تۇرماقنىڭ ئورنىغا،
بىرىنى شاڭيو سايلاپ ئارقىدىن دەۋايىمىز باردۇر.

ئىلىمنىڭ ئىجتاھاتىغا كۆڭۈل قويمىدۇق بىزلەر،ئوقۇرمىز ئوقۇتۇرمىز سېغىز چايناشىمىز باردۇر.

تەانۇـ تاناسىر ئورنىغا بىزلەردە بىر ئادەت،
يېڭى باشنى كۆتۈرگەننى ئۇرۇپ يىقىتقانىمىز باردۇر.

يەنە يۇرت پايدىسىغا جەمئىي بولماقلىق بەسى مۈشكۈل،
ئەگەر بىر يەردە توي بولسا بېرىپ ياتقانىمىز باردۇر.

ئومۇمنىڭ پايدىسىغا يۈز يىلدا ھەم ئەسلا چۈشەنمەيمىز،
زىيان قىلماق ئۈچۈن بولسا ئەجەپ چاققانىمىز باردۇر.

بىرى بىر ياخشىلىق قىلسا ئۇنىڭ يادىنى قىلماق يوق،
ئېپى كەلسە بېرىپ ئەۋرەتلېرىنى ئاچقانىمىز باردۇر.

ئەگەر مىللەت ئۈچۈن بىر پۇل چىقىش كەلسە تاپالماسمىز،
چىقىمى يوق ناۋا پۇلغا تولا ئىخلاسىمىز باردۇر.

ئىخۋان ھەم بۇرادەرلىك نىشانى قالمىدى بىزدە،
مەگەر دوست بولساقمۇ ئەسلى،بۆلەك مۇددايىمىز باردۇر.

خاتائەن دوستىمىزدا بىر ئەيىپ زاھىر بولۇپ قالسا،يوشۇرماي بىرگە ئوننى تېپىپ قاتقانىمىز باردۇر.

بابالار شۆھرىتى غەيرىتىنى ھېچ سېغىنماسمىز،
قېلىپ غەپلەت جاھالەتتە يۇمۇپ كۆز،پو ئاتقانىمىز باردۇر.

كېرەكسىز مۇستەھەپ ئىشلار ئۈچۈن جاننى پىدا قىلماق،
چى لېكىن ھەجگە باج ئالسا توزۇپ قاچقانىمىز باردۇر.

ئويۇن -چاقچاق تۈپەيلىدىن ئۆزـ ئارا بىئەپ بولساق،
ياراشتۇرۇپ قويۇش نەدە،ئارىغا ئوت ياققانىمىز باردۇر.

خۇشامەت بابىدا بىزدىن بۆلەك ئۇستىسى ھەم يوقتۇر،
قۇۋلۇغۇ شۇملۇق بىلەن رەڭمۇرەڭ يالغانىمىز باردۇر.

ئىت ئۇرغاننى تونۇر دەپ بار ئىدى بىر تەمسىلى،
لويى ئامبال ۋە دارېن دەپ، سېمىز باققانىمىز باردۇر.

ئىلىم ـ پەنگە يۈرۈش قىلغان ئۇچار كۆكتە ئۈزەر سۇدا،
مىنىشكە قوتۇر ئېشەك يوق، پىيادە قالغانىمىز باردۇر.

گۈركىرەپ كەلسە ئاپتوموبىل، ۋاي خۇدايىم ئەي نېمە بۇ دەپ،
ئەقىلنى ئىشلىتەلمەي ھاڭ ـ تاڭ قېتىپ قالغانىمىز  باردۇر.

ھۈنەر بىلەن سانائەتتە«يېتىشتۇق»ئەمدى ئىش پۈتتى،
ئۇماچ ئىچمەككە خۇمداندا غېدىر قۇيغانىمىز باردۇر.

مىسلى جەننەت تاغۇ ـ دەريانى بېزەشكە يوق كىشى،
ياستۇقنى قىرلاپ قويۇپ بىغەم ياتقانىمىز باردۇر.

مۇنەججىم ھەم ئېنژىنېر، ئالىملارنىڭ ئورنىغا،
تونۇر سەللە نەپسى بالا موللىمىز ـ سۇلتانىمىز باردۇر.

قىزىل كۆزلۈك،كۆرەلمەسلىك،يا ئۆزى قىلالماسلىق،
قىلاي دەپ بەل باغلىغانلارغا تۈرلۈك ـ تۈمەن بوھتانىمىز باردۇر.

ئەل ـ يۇرتنىڭ دەردىگە قىلچىمۇ دەرمان بولمىدۇق بىزلەر،
كېلۇر بىركۈن ئاشۇ چاغدا ئورنىغا كەلمەس پۇشايمانىمىز باردۇر.

ئابدۇخالىق بەس يېتەر، ئاۋارە بولما قاقشىما،
شۇچاغ كەلگەندە بىزلەردە ئازابقا تەييار ۋىجدانىمىز باردۇر.

turpan

تېلفوندا يازغان بولغاچقا ئىملا خاتالىقى كۆرۈلدى. «ۋە لېكىن ھەجگە باج ئالسا، توزۇپ قاچقانىمىز باردۇر»  ئىدى. «چى» دەپ چىقىپ قاپتۇ. تۈزۈتۈپ ئوقۇۋېلىشىڭلارنى تەۋسىيە قىلىمەن.

BANU12

turpan يوللىغان ۋاقتى  2013-3-21 02:03
باردۇر            
جاھالەت سەمەرەسىدىن بىزگە بىركۈن كۆپ جا ...

    بارىكاللا. يارايسىز، ئۆزىڭىز يازدىڭىزمۇ؟
‹ھەجگە باج›دەپ ئىقامەت نى دىمەكچىمۇ؟
ئۇ باج ئەمەس، ئەلمىساقتىن تارتىپ ئەرەپ ئېلىگە سىرىتتىن كىشىلەر بارسا ،شۇ يەردىكى يەرلىك كىشىدىن بىر ئادەم كېپىل بولىدىغان ئادەت باركەن، بارغۇچى تىجارەتتە خىيانەت قىلسا ،ياكى يەرلىكلەرگە زىيان-زەخمەت يەتكۇزۈپ قويسا كېپىل بولغۇچى ئۈستىىگە ئالىدىكەن،بۈگۈنكى كۇندە كېپىللىك ھەققىمۇ ئۆسۈپ كىتىپتۇ.

gullan

باشقىلار سۇدا ئۇزۇپ كوكتە، ئۇچۇپ كەتتى يىراق،
  مەن  مىسال يالاڭ ئاياق دەسسەپ تىكەن ماڭارىمەن......