خار - زار بولغان بىر ئائىلە

kirsay

           ئىسىم -فامىلەم ئەخمەت ئىسمايىل، 50 ياش،  باي ناھىيە قىزىل يېزا  2-كەنتتىن .
        ئىنىم  مەمەت  ئسمايىل كەنتتىكى ناھەقچىلىككە ئېغىر  ئالۋاڭ-ياساق ،ھاشا  ،تىل -ھاقارەت  ،خورلۇققا چىدىماي ،  2008 -يىلى 9- ئايدا  كەنت كادىرلىرى بىلەن زۇكۇنلشقان .كەنت ئامانلىق خادىمى تۇرسۇن مامۇت سېكرتارغا ياخشىچاق بۇلۇش ئۇچۇن  ئىنىم  مەمەت ئىسمايىلنى  قاتتىق ئۇرغان (كادىردىن باشقا 4 ئادەم بار) .بۇ ئىش  ئىنىمنىڭ كاللىسىغا تەسىر قىلغان تۈپەيلى ئنىم ساراڭ بوپقالدى(نېرۋا كىسەل) .زۇلۇم دەستىدىن ئقتىسادى ئەھۋالىم ياخشى بولمىغان. ئىنىمنى ئۈرۈمچى 4- دوختۇرخانا ،خوتەن مىللى تىبابەت دوختۇرخانىغا  نەچچە  قېتىم ئېلىپ بېرىپ ئقتىسادتىن تولۇق ئايرىلدىم ھەم قەرىز بوپكەتتىم. 2011-يىلى 4- ئايدا  كەنىتتىن ئىنىڭنىڭ  يېرىنىمۇ تېرىيسەن ، بولمىسا  سەنمۇ يەر تېرىما  دەپ ئۇقتۇردى. مەن قەرىز بوپكەتكەن تۇرسام ، ئالۋاڭ- ياساق ، ھاشانىڭ ئېغىرلىقىدىن  ئىنىمنىڭ  يېرىنى تېرىيالمايتتىم  .سېكىرتارغا يېلىنىپ يالۋۇرساممۇ  قۇشۇلمىدى،يېرىمنى تارتىۋالدى. يانچۇقتا پۇل ،ئۆيدە ئۇن- ياغمۇ تۈگىگەن ئىدى،ئالدى بىلەن ئازىراق ئىشلەپ ئاندىن ئەرز قىلاي دەپ ئويلىدىم . شۇنىڭ بىلەن ئىنىم ئككىمىزنىڭ ئىككى ئائىلە  11  جان  ئادەم يۇرىتتىن چىقىپ سەرگەردانلىق ھاياتىمىزنى باشلىدۇق. كورلىدا يۈرگەن كۈنلىرىمدە ،كەسىپ ئىستىلى رادىئوسىغا تېلفۇن قىلدىم ،ئۇلار سېكىرتار بىلەن ئالاقىلاشقاندا  كەلسە يېرىنى قايتۇرۇپ بېرىمىز دىدى .شۇ ئارلىقتا بۇ دەرت -ئەلەملەر دادامغا ئېغىر كېلىپ ،زورلۇق-زۇمبۇرلۇققا ،ناھەقچىلىككە تولغان باي ناھىيەسىدىن قۇتۇلۇپ ئۇ دۇنياغا سەپەر قىلدى.دادامنىڭ ئاخىرەتلىك ئىشلىرىنى تۈگىتىپ ئۇقۇشسام ،يېرىمنى 2-گورۇپ باشلىقى ئابلا قاسىم، تاغىسى  تۇنياز سەپەر، ئاياللار كادىرى بۇسارەم راخمان تېرىپتۇ . كەنىت سېكىرتارنى ئىزدىسەم، ئۇ رادىئوغا ئەرز قىلىپ تېلفۇن قىپسەن، ئشىڭنى ئۇلار ئەمەس بىز ھەل قىلىمىز دەپ تەھدىت  ئارلاش  گەپ قىلدى. شۇنىڭ بىلەن يېزىغا، ناھىيەگە بارسام مەندەك پۇقرانىڭ گېپىنى ئاڭلايدىغان بىرمۇ ئىنسان چىقمىدى . ئۆزۋاقتىدا ئىنىمنى  ئورۇنسىزساقچىغا چېقىپ ئۈچ كۈن سولىتىپ قىينىغان،مېنىمۇ شۇنداق قىلمىغاي  دەپ قورقۇپ كورلىغا قايتىپ كەتتىم.(بىر ئادەمنى ناھەق چېقىپ ساقچىغا سولىتىپ  قىيناش ئۇلارغا نىسبەتەن كىچىك ئىش).
2012  -يىلى 9- ئايدا  ئاپتونۇم رايۇنلۇق ھۆكۈمەتكە ئەرزگە كەلدىم ،ئەرزىيەت  ئىشخانىسىگە كىرسەم نەدىن كەلدىڭ دەپ سورىدى ،بايدىن دېسەم ،بىر نۇمۇرغا  تېلفۇن قىلىپ ،بىرئادىمىڭلار كەپتۇ، كۆرۇشۈڭلار دەپ تورۇپكىنى تۇتقۇزۇپ قويدى . تورۇپكىدىن سەن قايسى يېزىدىن ؟ئىسمىڭ كىمۇ؟دىدى ،دەپ بەردىم .كېيىن دەرھال قايتىپ كەل ،بىز بىرتەرەپ قىلىپ بېرىمىزدىدى .توۋا ھەيرانمەن ،ئەسلى سۇنىڭ بېشى لايكەن ئەمەسمۇ، بۇ ئەرزىيەت ئشخانىسىدا ئولتۇرغان  خادىملارنىڭ ھەممىسى شەكىلكەن ئەمەسمۇ.مەن بىر دېھقاننىڭ ئۈرۈمچىگە كېلىشى ئوڭايمۇ؟ ئۇۋالچىلىققا ئۇچۇرىمىسام ناھىيە ،يېزا بىرتەرەپ قىلغان بولسا كېلەمتىم ؟ھاياتلىق مەنبەيىم بولغان يېرىمنى تارتىۋالمىسا  ،سەن ئۆل دېمىسە كېلەمتىم؟بىر بالام ئوقۇشسىز قالمىسا كىلەمتىم؟نىمە ئشتى دەپ قويغان بولسىچۇ كاشكى. شۇڭا تۆۋەندىكىلەر خالىغانچە دېھقانلارغا جەۋرى-زۇلۇم سېلىپ، قاقتى- سوقتى قىلىپ،  ھەددىدىن ئېشىشى بىكار  ئەمەسكەندە... كۇمىنىستىك پارتىينىڭ تۇزىنى يەپ تۇزلۇغىنى چاقىدىغان، شەنىگە داغ كەلتۈردىغان  ،مۇناپىق ، چىرىك، لەنىتى ئۇنسۇرلارقاچانمۇ تۈگەر؟باي خەلقى قاچانمۇ ئالۋاڭ-ياساق، ھاشار، ناھەقچىلىك، جەبىر -زۇلۇمدىن قۇتۇلار؟   
ئىملاسى تەھرىرلەندى.

qayan123

قېرىندىشىم كۆڭلۈڭىزنى ھەرگىز يېرىم قىلماڭ ، بۇ جاھاننىڭمۇ ئىگىسى بار ، چۇقۇم بۇ دەدىڭىزنى ئاڭلايدىغانلار چىقىدۇ ، بۇنۇڭغا ئىشىنىڭ

polat315

ھازىر بەزى بىر قىسىم كەنىتتىكى خان پادىشاھ بولىۋالغان كىچىك ئەمەلدارلار دېھقانلارنى خالىغانچە بوزەك قىلىدىكەن،پۇل ئالسا تالۇن ياكى يېزىقچە بىرەر پارچە قەغەزمۇ بەرمەيدىكەن. ھاشار پۇلى شىنجاڭدىلا ،بولۇپمۇ جەنۇبى شىنجاڭدىلا بارمىكىن دەيمەن،يا تالۇن يېزىلمىغان .
قەشقەردىكى مەلۇم يېزىنىڭ مەلۇم كەنتىدە قۇربان ھېيتلىق تېرە كەنىت خادىملىرى تەرىپىدىن مەسچىتكە ئىئانە قىلىنىدۇ دەپ يىغىلغان،نۇرغۇن تېرە يىغىلىپ  مەسچىتكە ئاز بىر قىسمى بېرىلىپ كۆپ قىسمى سېتىلىپ كەنىتنىڭ پۇلى قىلماقچى بولغان،ئۇنداقمۇ قىلماي ئەكسىچە كەنىت پادىشاھسىنىڭ شەخسى پۇلىغا ئايلانغان،قۇربان ھېيىت بولۇپ بىر ھەپتىدىن كېيىن، كەنىت ئەمەلدارلىرى بىر نەچچە بۇزۇقنى تېپىپ رەڭلىك سورۇن ئويۇشتۇرغان،تېرىنىڭ پۇلى شۇ يەردە خەجلەنگەن،ھاراقلار ئىچىلگەن،تاماكىلار چېكىلگەن...كېيىن كەچتە قىمار ئوينىلىپ تېرىنىڭ پۇلى قىمار سورۇنىغا چۈشۈپ سورۇلغان،ئۇتتۇرۇلغان.باشقىلارنىڭ پاش قىلىشى بىلەن قىمارۋاز كەنىت پادىشاھى ساقچىلارنىڭ قولىغا نەق مەيداندا چۈشكەن، سەككىز كۈن توختىتىلىپ  قويۇپ بېرىلگەن،پۇلنىڭ سۈرۈشتىسىنى قىلمىغان،ئەڭ قىززىق يېرى بۇ كەنىت سېكىرتارى جامائەت ئالدىدا:
-جامائەت ،مەن ئېزىپتىمەن، ئىنساننىڭ ئازىدىغان ۋاقتى  بولۇپ قالىدىكەن،ئەپۇ قىلىشالا-،دېگەن.
جامائەتمۇ شۇ سورۇندا خوش -خوش ئىتىپ كەچۈرۋەتكەن،شۇنىڭدىن باشلاپ يەنىلا ئەلنىڭ بېشى بولۇپ كەنىت سېكىرتارى بولۇپ كەلمەكتە.

tohtigul

قانداق نا ئىنساپلار بۇ ،ئادەمنى شۇنداقمۇ بوزەك قىلغان بارمۇ؟ ئاينىڭ 15-ى ئايدىڭ ،15-ى قاراڭغۇ دەپتىكەن ،بۇئىشلار سىزبىلەن تۈگىمەيدۇ ،بۇنداق تەڭسىزلىك ھەسسسىلەپ شۇ قارا قۇساقلارنىڭ بېشىغمۇ كىلىدۇ ،سىزنىڭ دەردىڭىزنى تىڭشايدىغان ئادەم چۇقۇم چىقىدۇ ،بۇنىڭغا ئىشىنىڭ .بىز ھازىرچە سىزگە  مۇشۇنداقلا تەسەللى بىرەلەيدىكەنمىز قېرىندىشىم ،كوڭلىڭىزنى يېرىم قىلماڭ ،غەيرەتلىك چىداملىق بۇلۇڭ !!!!!

بەرچىنە

توۋا، مۇنداقمۇ ئشلار بولىدىكەن-ھە!  ئۇلۇغلىرىمىز  ناھايتى توغرا ئىيتپتىكەن‹‹ يىغى ياندىن كىلەر، بالا كەلسە قىرىنداشتىن ›› دەپ.

zemuranshah

ئىچىم ھەجەپ بىر ئاچچىق بولدى مېنىڭ ماۋۇ ئىشنى ئاڭلاپ...........بۇ جاھاننىڭ سورىقىنى قىلىدىغانلار يوقمىدۇ؟سىز قانداق قىلسىڭىز بۇلار؟بېشىم قاتتىغۇ ..........يول كۆرسىتەلەيدىغانلار بىر يول كۆرسىتىڭلار....بىر ئائىلە كىشىلىرى بۇنداق كېتىۋەرسە قانداق بۇلىدۇ،يېرىنى تارتىۋالغىنى تازىمۇ قىزىق ئىشكىنا.توۋۋا دەيمەن....كۆڭلىڭىزنى يېرىم قىلماڭ ،غەيرەتلىك بۇلۇڭ........ئائىلىڭىزگە سىز كېرەك....

eli

توۋا  ، مۇشۇنداقمۇ كادرىلار بولدىكەن .

ataata

ئۇلۇغ ئاللاھ- ئىشلىرىڭىزنى ئاسان قىلسۇن ... قېرىندىشىم سىزگە بۇنىڭدىن باشقا ياردەم بېرەلمەيمەن . ئۇ مۇناپىقلارمۇ بىر كۈنى بېشىنى يەيدۇ ! بۇ جاھان ئۆتنە جاھاندۇر ! ... ( ھەي خورلۇق ...)

tamkin6

قانۇن-سىياسەتلەردىن خەۋىرى بار، بىراز مەلۇماتلىق تۇغقانلىرىڭىزدىن بىرەرسىنى ئىزدەڭ، ياكى ۋىجدانى بار ئادۋۇكاتتىن بىرنى تېپىڭ. ئاندىن ئىشنىڭ جەريانىنى قانۇنغا تەدبىقلاپ تۇرۇپ ئەرز يېزىپ، سوت مەھكىمىسى ئارقىلىق ھەل قىلىڭ. سىز بىھۇدە ئايلىنىپ يۈرۈپ بەك جاپا تارتىپ قاپسىز.

a.sayrami

بىر يۇرىتلۇق بۇلۇش سۈپتىم بىلەن قېرىندىشىم سىزگە راستىنلا ھىسداشلىق قىلىمەن!
ناھاقچلىق ھەممە يەردە بار بولسىمۇ بايلىقلار بەكرەك يۇۋاشمىكىن دەيمەن.....
بىراق سىز قانۇنغا يەنىلا ئشىنىڭ! قانۇن مادىدىلىرى توغرا گەپ ئۇنى ئىجرا قىلىشتا. يەرلىك ئەمەلدارلار ياماندىن قورقۇپ يۇۋاشنى بوزەك ئېتىپ كۈنۈپ قالغان. سىزئازراق پۇلنىڭ مەرىدىن كېچىپ  بىرەر ئادوۋكاتنى تېپىپ تەپسىلىي ئەھۋالنى ئۇنىڭغا ئېيتىڭ ،ئاندىن قەلەم قۇۋۋىتى كۈچلۈك بىرەرسىنى تېپىپ ئەرزىنامە يېزىپ شۇ يەردىكى سوت مەھكىملىرىگە ئەزىر سۇنۇڭ!
تۆۋەندىكى ئادىرستىن  ئاقسۇ ۋىلايەتلىك ھۆكۈمەت تورى ۋالىيلار خەت ساندۇقىدىكى مەردان ۋالىينىڭ خەت ساندۇقىغا ئۇيغۇرچە-خەنزۇچە قىلىپ ئايرىم-ئايرىم يوللاڭ!
http://uygur.aks.gov.cn/zy/
ئۇندىن باشقا ئەگەر ئېيىتقانلىرىڭىزنىڭ  راستىنلاپاكىتى بولسا جامائەت پىكىرى پەيدا قىلىش ئۈچۈن   پەيدا قىلىش ئۈچۈن ئەھۋالنى يەنىمۇ تەپسلىيرەك يېزىپ چوڭ-چوڭ مۇنبەرلەرگە (تەڭىرتاغ مۇنبىرىگە ئەۋەتسىڭىزمۇ بۇلىدۇ،ئۇ دېگەن ھۆكۈمەت تورى) يوللاڭ !