بۇ ئايالغا جەرىمانە قويۇش كېرەكمۇ؟

polat315

         توردىشىمىز قارا ھىجراننىڭ "ئەخلەت "يەۋاتقان بالىلار ۋە قىزىم دېگەن تېمىسىنى كۆرۈپ تۆۋەندىكى يازمىنى يوللىغۇم كەلدى.

      يىمەكلىك بىخەتەرلىك قانۇنى بويىچە ۋاقتى ئۆتكەن يىمەكلىكنى ساتقانلارغا 2مىڭ يۇەندىن يۇقىرى،20مىڭ يۇەندىن تۆۋەن جەرىمانە قويۇلىدۇ،ۋاقتى ئۆتكەن يىمەكلىك سېتىش ئادەمنىڭ ھاياتى بىخەتەرلىكىگە تاقىشىدىغان بولغاچقا ئاگاھلاندۇرۇش ياكى يىنىڭ جازا بېرىش قوللىنىلمايدۇ،جەرىمانە قويۇش ئارقىلىق ۋاقتى ئۆتكەن يىمەكلىك سېتىش قىلمىشىغا قاتتىق زەربە بېرىلىدۇ.
يېقىندا قانۇن ئىجىرا قىلىش جەريانىدا ،بىر ئۇيغۇر ئايالنىڭ تاللا بازىرىنى تەكشۈرۈپ نۇرغۇن ۋاقتى ئۆتكەن بالىلار يېمەكلىكى بايقىدۇق،ھەممىسىنى ئېلىپ كېتىپ تەكشۈرسەك ،بەزى بالىلار پىرەنىكىنىڭ ۋاقتى 2يىل ئۆتۈپ كېتىپتۇ،ۋاقتى ئۆتكەن يىمەكلىك خېلى كۆپ.قانۇنى تەرتىپ بويىچە ۋاقتى ئۆتكەن ماللارنى تۇتۇپ قېلىپ ،ساتقۇچى ئايالنى ئىشخانىغا چاقىرىپ كەلدۇق،ساتقۇچى ئۇيغۇر ئايال بولغاچقا،بارلىق تەرتىپنى مەن بىجەردىم،سوئال -سوراق ئېلىشتا ماللارنى نەدىن كىرگۈزگەنلىكىنى،قانچىلىك ساتقانلىقىنى ،كىملەرگە ساتقانلىقىدىن تارتىپ ھەممىنى خاتىرلىدىم،ئاخىرىدا يىمەكلىك بىخەتەرلىك قانۇنى ئوقۇپ بەردىم،ئۆزىنىڭ ھەقىقەتەن خاتا قىلغانلىقىنى ئېتىراپ قىلدى، دېيىشىچە ۋاقتى ئۆتكەن يىمەكلىكنىڭ خەتەرلىك ئىكەنلىكىنى بىلمەيدىكەن،ھەتتا ئۆزى ۋە باللىرىمۇ ئېستىمال قىپتۇ.سېتىش جەريانىدا قايسىنىڭ ۋاقتى ئۆتكەن ،قايسىنىڭ ئۆتمىگەن دىققەتمۇ قىلماپتۇ،مال كىرگۈزگەن ئورۇنمۇ ۋاقتى ئۆتكەن ماللارنى تەمىنلەپتۇ(بۇ ئورۇنمۇ تەكشۈرىلىۋاتىدۇ)،بۇ ئايال دىققەت قىلماي مال كىرگۈزۈپ ساتقان گەپكەن.
3كۈن ئۆتۈپ بۇ ئايالنىڭ ۋاقتى ئۆتكەن يىمەكلىك سېتىش قىلمىشىغا قارىتا  مەمۇرى جازا ئۇقتۇرۇشنامىسىنى  يەتكۈزدۇق،قانۇن بەلگىلىمىسى بويىچە 5000يۇەن جەرىمانە قويۇلدى،ئوقتۇرۇشنى قولىغا يەتكۈزگىنىمدە شۇنداق يىغلاپ كەتتى،ئۆزىنىڭ يولدىشى يوقلۇقىنى ،تۆت بالىسى   بىلەن مۇشۇ كىچىك تاللا بازىرىنى  ئېچىپ  تۇرمۇش ئۆتكۈزىدىغانلىقىنى يىنىك بىر تەرەپ قىلىشنى ئۆتۈندى،ۋاقتى ئۆتكەن يىمەكلىك ساتقۇچى بولسىمۇ ،لېكىن ئاپامدەك بىر ئايالنىڭ كۆز ئالدىمدا يىغلىشى ،تۆت بالا كۆز ئالدىمغا كېلىۋېلىپ ئۇقتۇرۇشنامىنى بەرمەي ئېلىپ كەتتىم ، مەمۇرى جازاقارارى قانۇن بويىچە چىقىرىلىپ بولدى،بىكار قىلغىلى بولمايدۇ،ئىجىرا قىلاي دېسە ھېلقى ئايالنىڭ يىغىسى،تۆت بالا.ئاخىرى باشلىقىمغا دەپ جەرىمانىنىڭ سوممىسىنى ئەڭ تۆۋەن چەككە چۈشەردىم،تەڭشەيدىغان يېرىنى تەڭشەپ قايتا ئېلىپ بارغىنىمدا 2000يۇەن جەرىمانە تۆلىيەلمەيدىغانلىقىنى ،تۆت بالىنىڭ تۇرمۇشى دەپ يىغلاپلا كەتتى،ئامال يوق ئۇقتۇرۇشنامىگە قول قويغۇزۇپ بىر نۇسخا بېرىپ ئۈچ كۈن ئىچىدە بەلگىلەنگەن ھېسابات نۇمۇرىغا پۇلنى كىرگۈزۈپ تاپشۇرۇشنى،بولمىسا ئېشىپ كەتكەن ھەر بىر كۈنگە جەرىمانە سوممىسىنىڭ 3پىرسەنلىك ئېشىشى بويىچە قوشۇلۇپ ماڭىدىغانلىقىنى ،بۇندىن كېيىن تىجارەت قىلغاندا ئالاھىدە دىققەت قىلىشنى تاپىلاپ قويۇپ چىقىپ كەتتىم.ئەتە سۈرۈك توشىدۇ،تېخىچە تاپشۇرمىدى،لېكىن ھەقىقەتەن ئىچىم ئاغرىدى،تۇرمۇشتا قىيىنچىلىق باركەن،لېكىن قانۇن دېگەن قانۇن،تەرتىپ بېجىرىلىپ بولدى،ھەم مېنڭ بىكار قىلىۋىتىش ھوقۇقۇممۇ يوق،قانۇن ئىجىرا قىلغۇچى بولۇپ مۇشۇ دېلودىكىدەك تەڭقىسلىقتا قالغان ۋاقىتلىرىم بەك كۆپ بولدى،لېكىن بۇ قېتىم ھەقىقەتەن ئىچىم ئاغرىدى ،پۇقرالارغىمۇ ئوڭاي ئەمەس، بىرنى ئىككى قىلىمەن دەپ جاپا تارتىدۇ.
بىكار قىلدۇراي دېسەم يىمەكلىك بىخەتەرلىكىگە چاقچاق قىلغىلى بولمايدۇ،ئەگەر بىرەرسى شۇ ۋاقتى ئۆتكەن يىمەكلىكنى يەپ زەھەرلەنسە ياكى ھاياتى بىخەتەرلىكى خەۋىپكە ئۇچىرىسا شۇ رايونغا مەسئۇل كادىر ۋە ساتقۇچى تۈرمىگە كىرىدۇ،ئىدارە مەسئۇلى ۋەزىپىسىدىن ئېلىپ تاشلىنىدۇ،يىمەكلىككە مەسئۇل ھاكىمنىڭ دەرىجىسى تۆۋەنلەيدۇ.
بۇ مەسىلىنى بىر تەرەپ قىلىش قانۇن بويىچە ناھايىتى ئېنىق بەلگىلەنگەن بولسىمۇ يەنىلا كۆڭلۈمدە شۇ ئايالنىڭ يىغىسى ، زادى قانداق قىلىش كېرەك.

naprat2009

قانۇن دېگەن قانۇن، ھېسىياتنى دەپ قانۇنغا بۇزغۇنچىلىق قىلساق ئوخشاشلا قانۇنغا خىلاپلىق قىلغان بولىمىز، يېمەكلىككە چاخچاق قىلسا بولمايدۇ، دىن ھەم قانۇنغا تاقىشىدىغان ئىش.
5000 يۈەنلىك جازانى ساقلاپ قېلىشىڭىز، قىيىنچىلىقىنى نەزەردە تۇتۇپ، 5 قېتىمغا پارچىلاپ تاپشۇرۇشنى ئۇقتارسىڭىز بوپتىكەن.
بىرىنى دەپ قانۇنغا بۇزغۇنچىلى قىلساق، يەنە نەچچىسى چىقىدۇ. ئۇ چاغدا ئاۋارىچىلىق كۆپىيىپ كېتىدۇ.

guzalyurtum

ئەلۋەتتە  قانۇن  بويۇنچە  ئىش كۆرۈش كېرەك.

arslan428

دىيارىمىزدا قانۇننى ئىجرا قىلىپ كەتمەيدۇ، ھەممىمىز بىلىمىز. مەن بولسام قۇيىۋەتكىدەك بولسا قۇيىۋىتەتتىم. ھەممە قانۇن جايىدا ئىجرا بۇلىدىغان ۋاقىتتا مەنمۇ ئىجرا قىلاتتىم.

sutapanqisi

بۇ تىمىنى ئوقۇپ ناھايىتى ئاچچىغىم كەلدى، ئويلاپ باقايلى قىرىنداشلار، بۇ ئايال ۋاختى ئۈتكەن يىمەكلىكلارنى بىلىپ تۇرۇپ قەستەن ساتمىغان، بىراق شۇنداقتىمۇ سەۋەنلىكى بار. شۇڭا 2000يۇەن مۇۋاپىق بوپتۇ.بۇ ئايالغا مۇنداق تەكلىۋىم بار. ھەدە سىز 2000يۇەننى تاپشۇرماي تۇرۇپ دەرھال 30 يۇەن زىيان تارتىپ ئەرىز نامىدىن بىرنى يازغۇزۇپ مال يەتكۈزگەن ئورۇننىڭ ئۈستىدىن سوتقا ئەرىز سۇنۇڭ، شۇنداق قىلسىڭىز ھۈكۈمنامە چىقىپ بولغۇچە مەزكۇر ئىدارە سىزنى ئالدىرىتالمايدۇ.قانۇنى ھوقۇق مەنپەتىڭىز قوغدىلىدۇ.ئەمدى ئۈزۈمنىڭ شەخسى كۈز قارىشىمنى دەپ باقاي ؛ تىما ئىگىسى ،قارىسام سىز خىلى سەمىمى ئادەم ئىكەنسىز ،ئاللاھ سىزدىن رازى بولغاي، سىزدىن سوراپ باقاي مال يەتكۈزگەن  ئۇرۇننى قانداق جازالايسىز؟. قانچە پۇل جەرىمانە قويماچقچى؟ ئەگەر سىز مال يەتكۈزگەن ئورۇننى قانۇن بۇيىنچە جازاغا تارتالىسىڭىز بۇ ئايالنىڭ 2000 يۇەن جەرىمانە پۇلىسىنى مەن ئۈستۈمگە ئالىمەن. ئەگەر مال يەتكۈزگەن  ئۇرۇننى جازاغا تارتالماي ،بۇ بىچارە ئايالغا ئىسىلىۋالسىڭىز سىزنى ھەرگىز بوش قويىۋەتمەيمەن. گىپىم قوپال كەتكەن بولسا كەچۈرۈڭ، مەن مۇشۇنداق ئوچوق گەپ قىلىشنى ياخشى كۈرىمەن. جاۋابىڭىزنى كۈتىمەن.

aktuqi

لىكىن بىرسىگە ئىچ ئاغرىتقانبىلەن .شۇ بىرئادەم ساتقان يىمەكلىكنى قانچە ئادەم يەيدۇ .؟
چوقۇم تەرتىپ بويچە ئىجىرا قىلىشكىرەك.
شۇئايالنىڭ تاتلىق باللىرى بالا ، باشقىلانىڭ قانداق بالا؟ بۇنىمۇ ئويلىشىش كىرەك .ئۇنداق نامراتلىق ھازىرچە .بىزگە قەتسەن كۆچىۋاتقان بىرمەسىلە .بىز ئۇنى ئىگىسىگە قايتۇرۇپ بەرگىچە ئاماليوق . چىداپ ھەممىنى ئورتاق جازا-مۇكاپاتلار ئارقىلىق قوغدىشىمىز كىرەك
بىرنى دەپ مىڭ نىڭ بېشىغا چىقىدىغان ئىشبولمىسۇن.

amatjan

ئەسسالامۇئەلەيكۇم قېرىندىشىم،تېمىڭىزنى ئوقۇدۇم ھەم چوڭقۇرئويغاچۆمدۈم.سىزنىڭ ئورنىڭىزدامەن بولسام ئەھۋال راستىنلائۇئايال دىگەندەك بولساقولۇمدىن كېلىدىغانلائىش بولسائۇئايالغابۇندىن كېيى بۇنداق ئىشلارغادىققەت قىلىشنى،بۇنىڭ ئاقىۋىتىنىڭ ئېغىربولىدىغانلىقىنى چۈشەندۈرگەندىن كىيىن جازانى بىكارقىلىۋىتەتتىم،ھىلىمۇھەم ئۇئايالغۇقىلغان شۇياردىمىڭىزمۇئازئەمەسكەن،3000كوي دىگەن باشقىلارغاقانداقكىن مەن ۋەيۇرتۇمدىكى كىشلەرگەسېلىشتۇرغاندائازپۇل ئەمەس.ئۇئايالمۇھەرگىزقەستە قىلغان ئەمەستە.سىزمۇبىلىسىزبىزنىڭ جانجان مەنپەئەتىمىزگەچىتىشلىق نۇرغۇن قانۇنلاريولىدائىجراقىلىنمايۋاتىدۇياكى ئادەمگەقاراپ ئىجراقىلىنىۋاتىدۇ،مەن دىمىسەممۇبۇھەممىزگەئايان بىرئاشكارامەخپىيەتلىك بوپ قالدى ھازىر.ئەلۋەتتە مەنمۇئۇئايالنىڭ ئەھۋالىنى كۆزدەتۇتۇپ شۇنداق ئويلىدىم.ۋاقتى ئۆتكەن مەھسۇلاتنى ئېلىپ قالغان ئادەممۇشۇمەھسۇلاتنىڭ ۋاقتى ئۆتكەنلىكىنى بىلگەندەئاچچىقى كىلىدۇ.مەنمۇبۇنداق ئىشقانۇرغۇن قىتىم يولۇققاچقاھازىربىرنەرسەسېتىۋالسام ئاۋۋال ئىشلەپ چىقارغان ۋاقتىغاقارايدىغان بولدۇم.

banker625

مىنىڭ ئاتاممۇ ئون نەچچە يىلدىن بىرى تۇرمۇش  بۇيۇملىرى تاللا دۇكىنى ئېچىپ كىلىۋاتىدۇ ، ئاتام ئادەتتە يىمەكلىك قاتارلىق نەرسىلەرنىڭ ئىشلەپچىقىرىلغان ۋاقتىغا بەك دىققەت قىلىدۇ ، مىنىڭچە ئۇ ئايالنىڭ ھەقىقەتەن بۇ ئىشتا تەجىربىسى يوق ،  قىيىنچىلىقى ئېغىر بولسا ، شۇ مالنى تەمىنلەپ بەرگەن ئورۇنغا جەرىمانە قۇيۇش كېرەك .

tarboguz

        مىنىڭچە بۇنى ئىجرا قىلىشنىڭ ئۆزى بىر قانۇنسىزلىق دەپ قارايمەن.سىزنىڭ قايسى ئىدارىدا نىمە خىزمەت بىلەن شۇغۇللىنىدىغىنىڭىزنى بىلمەيمەن ،لىكىن سىلەردەك قانۇن ئىجراچىلىرى پەقەتلا بىر شەكىلۋازلىق ئۈچۈنلا،شۇنداق نەچچە يۇزنىڭ ئىچىدىكى ئاشۇنداق بىچچارىلەردىن بىر نەچچەگە جەرىمانە قويۇپلا يۇقۇرغا ياخشىچاق بولۇش ئۈچۈن،شۇنداقلا ئۆزەڭلارنىڭ خىزمەت مەسۇلىيتىڭلارنى ئادا قىلىش ئۈچۈنلا شۇنداق قىلىسىلەر.سىلەردە نە باشقىلارنىڭ بىخەتەرلىكى ،سالامەتلىكى دەيدىغان ئىددىيە يوق.ئەگەر سىلەر ھەقىقىتەن كەڭ ئاۋامنىڭ سالامەتلىكىنى ئويلىغان بولساڭلار بۇنى بۇ ئايالغا جەرىمانە قويۇش بىلەنلا تۈگەتمەي مال كىرگۇزۈش مەنبىينى سۇرۇشتۇرۇپ ئنىقلايتىڭلار، شۇنداق بولغاندا شۇ مال كىرگۇزگۇچى قولغا چۈشەتتى، دىمەك سىلەر چىن دىلىڭلاردىن خەلىق ئۈچۈن دىسەڭلار ئۇ ئايالغا خىزمەت ئىشلەپ ئۇ ئايلنى قايىل قىلىپ ئۇنىڭ ئەمىلىيتىنى چىقىش قىلىپ مال كىرگۇزۇش مەنبىيى(يەنى توپ تارقاتقۇچىنى ئاشكارلىتىپ)ئۇ ئايالغا قويماقچى بولغان جەرىمانىنىمۇ شۇ توپ تارقاتقۇچىغا قويۇش كىرەك. شۇنداق بولغاندىلا نۇرغۇن كىشىلەرنىڭ يىمەكلىكتە زەھەرلىنىشنىڭ ئالدىنى ئالغىلى بولىدۇ .توپ تارقاتقۇچىغا جازا بەرمەي بىر كىچىك دۇككاننغا جەرىمانە بەرگەنلىك كىچىك باللارنىڭ ئويۇندىن باشقا نەرسە ئەمەس .

tarboguz

    بۇنى ئۆمۇچۇك مۇساپىر ،دۆ غىرىپ دىسەك بولغىدەك.