قەلبنىڭ داۋاسى

QUTLUQJAN

قەلبنىڭ داۋاسى

ئەلى بۇلاچ/قۇتلۇق بىلگە تەرجىمىسى

ئىنساننىڭ ئۆز نەپسىنى تىزگىنلىشى دېگەنلىك ئېھتىياج ۋە ئارزۇلارغا توسالغۇ بولۇش دېگەنلىك بولمايدۇ. مۇھەممەد سەللالاھۇ ئەلەيھى ۋەسەللەم ئادەتتىكى ئىنسانلارغا ئوخشاش يەپ-ئىچەتتى، تەبىئىي ئېھتىياجلىرىنى قامدايتتى. بىراق روھىنى تېنىنىڭ بۇيرۇقىغا بويسۇندۇرمايتتى، نەپسىنى قىينايدىغان جاپا-مۇشەققەتلەرنى قىلمايتتى.

لىۋاننىڭ ئەپسانىۋى مۇجاھىدى ئۆمەر مۇختەر ئىتالىيەلىكلەرنىڭ قولىغا چۈشۈپ قالغاندا ئىتالىيەلىكلەر ئۇنىڭدىن «سىزنى بۇنچىلىك كۈچلۈك قىلغان زادى نېمە؟» دەپ سورايدۇ. ئۆمەر مۇختەر ئاددىيلا قىلىپ مۇنداق جاۋاب بېرىدۇ: «بىز ئېھتىياجىمىز قانچىلىك بولسا شۇنچىلىك يەپ-ئىچىمىز. دۇنياغا بېرىلىپ كەتمەيمىز. قورال ۋە ئىقتىسادى كۈچىمىز ئاجىز بولسىمۇ پىكىرلىرىمىز، ئىدىيەلىرىمىز ناھايىتى كۈچلۈك، بۇ دەل بىزنى سىلەردىن ئۈستۈن قىلىدۇ.» بۇ جاۋاب ئۆزىنى تىزگىنلەشنىڭ ئىنساننى ھەققىي يوسۇندا ئەركىن قىلالايدىغانلىقىنى، ھەتتا ھەربىي ۋە سىياسىي مۇستەقىللىقىنڭمۇ بۇنىڭغا تايىنىدىغانلىقىنى كۆرسىتىپ بېرىدۇ. ھايات تاللاش يولى بولىدىغان بولسا،شەخسلەرگە ئوخشاش جەمئىيەتلەرمۇ تاللاش ھوقۇقىغا ئىگە، دېگەن گەپ. بەزىلەر نوقۇل تىرىكچىلىكنى تاللىغان بولسا، بەزىلەر ئەركىنلىكنى تاللايدۇ. زۆرۈر تېپىلسا يەۋاتقان نېنىمىزدىن پىدا قىلمىغۇچە ئەركىنلىككە مەلۇم دەرىجىدە بولسىمۇ ئېرىشەلمەيمىز. ئىنسان ئابروي، ھوقۇق، كۈچ، مەنپەئەت قاتارلىقلاردىن ئۇزاق تۇرالىسا ياكى بۇلارغا توغرا مۇئامىلە قىلالىسا ئاندىن ھەققىي ئەركىنلىككە ئېرىشەلىگەن بولىدۇ. 20-ئەسىردە ياشاپ ئۆتكەن داڭلىق مۇتەپەككۇر ۋەجەمئىيەتشۇناس ئەلى شەرىئاتى ئىنساننىڭ داۋاملىق تۆت زىنداننىڭ ئىچىگە قامىلىپ ياشايدىغانلىقىنى ئېيتىدۇ. بۇ تۆت زىندان تۆۋەندىكىچە: ئىنسان جەمئىيەتنىڭ مەھسۇلى دەپ قارىلىدىغان جەمئىيەت زىندىنى، بۇنىڭدا ئىنسان جەمئىيەت ئالدىدا تامامەن پاسسىپ ئورۇندا تۇرىدۇ. ئىنسان تارىخنىڭ مەھسۇلى دەپ قارىلىدىغان تارىخ زىندىنى، يەنى مەجبۇرىي تېڭىلغان تارىخ، جۇغراپىيە زىندىنى، ئەڭ ئاخىرقىسى نەپىس زىندىنى بولۇپ، بۇ زىندانلاردىن قۇتۇلۇپ چىقالىغان ئىنسان ھەققىي ھۆرلۈككەئېرىشكەن ئىنسان بولىدۇ. ئەلۋەتتە، بۇ تۆت خىل زىندان جەمئىيەتتىن جەمئىيەتكە، بىرمىللەتتىن  يەنە بىر مىللەتكە ئوخشىمايدۇ.

يەر شارىلىشىش، لېبىرال ئىقتىسادى،   ھۆكۈمەتلەرنىڭ ھەرتۈرلۈك «كەڭرى» سىياسەتلىرى ياكى «قانۇنلارغا رىئايە قىلىش»نىڭ تۈرتكىسىدەئالىي ماشىنىلاردا، ئېگىز بىنالاردا ئولتۇرالىغان، ئىلغار تېلېفونلارنى ئىشلىتەلىگەن، قورسىمىقىزغا تويغۇدەك تائاملارنى يېيەلىگەن  بولساق مۇنۇ سوئالنى سوراپ باقساق بولىدۇ: بىزبۇ شارائىتلارغا ئىگە بولدۇق، بىراق مۇشۇلارغا ئاساس سالغۇچىلار، تۈزۈم مۇھاپىزەتچىلىرى  ياكى پۇلدارلار ۋەياكى كۆرۈنمەس كۈچلەر قانچىلىك بېيىدى، ئۇلار بۇلارنى يارىتىپ بېرىپ ئۆزىنىڭ ھەر تۈرلۈك غەرىزىگە قانچىلىك ئېرىشتى؟ بىزنى «بېيىتىش»نى نىشان قىلدىمۇ؟ ياكى سىياسىي ۋاسىتە قىلدىمۇ؟ۋەياكى بىزگە بىرنىلا بېرىپ ئۆزىگە 99 نى ئېلىۋالدىمۇ؟ بۇ سېلىنمىلارنى بىزدىن ھەرخىل ئۇسۇللار بىلەن ئېلىپ يەنە بىزگە قايتۇرۇپ بەردىمۇ؟ ئېيتايلۇق، يېقىنقىيىللاردا مىللىي ئىشلەپچىقىرىش ئومۇمىي قىممىتى پالان تىرىليون دوللاردىن پالان تىرىليون دوللارغا يەتتى، ئۇنداقتا بۇنچىلىك كۆپ تىرىليون دوللار پۇقرالارئارىسىدا قانداق تەقسىم قىلىندى؟

ئەجەبا بۇلار ھەيۋەتلىك ئېگىز بىنالىرى ئاسمانغا دۇئېل ئېلان قىلىدىغان چوڭ شەھەرلەربەرپا قىلىش ئۈچۈنمۇ؟ ئىنساننىڭ زېمىندا ئارام تاپالايدىغان يېرى چەكلىك. ئاشقازىنىمىزنىڭ قۇربى  تېخىمۇ چەكلىك. كۈندە ئۈچ ۋاخ تاماق يەيمىز، ئون ۋاخ تاماق يېيىشكە ئۇرۇنساق قورسىقىغا ئامراق رىملىقلارغا ئوخشاش ئۆيلىرىمىزدە ھامام داسلىرى ياساپ ھەر يېرىم سائەتتە قۇسۇشقا باشلايمىز. بۇنىڭ ئاقىۋىتى مۇشۇنداق بولىدۇ. ئىنسان مال-دۇنيا توپلاپ ئەڭ تەبىئىي ھەققىي بولغان ئەمگىكىنىڭ كونكرېت ئىپادىسى «مۈلۈكچىلىك»نى «مۈلۈك»كە ئايلاندۇرىدۇ. مۈلۈك ئىقتىسادى ۋە سىياسىي كۈچ دېگەنلىك بولىدۇ. ھەزرىتى ئۆمەر«ئادالەت مۈلۈكنىڭ ئاساسى» دېگەن. مۈلۈك ئادالەتنىڭ ئاساسىغا تىكلەنسە كۈچ ئىشلىتىشنىڭ دائىرىسىنى ئەخلاق ۋە قانۇن بېكىتىدۇ. بۇنى نىشان قىلغان سىياسەت مۈلۈكنى قانۇنلۇق سالاھىيەتكە ئىگە قىلالايدۇ. بىراق مۈلۈك ۋە سىياسەت شەھۋەتكە،كۈچكە، ئابرۇيغا، مەنپەئەتكە مەركەزلەشسە ئىنسان ماددىغا يەنى كۈچكە يۈزلىنىدۇ. دەۋرىمىزدە ھەر قايسى دۆلەتلەردە بولۇپمۇ مۇستەبىت دۆلەتلەردە بۇنىڭ ئىپادىلىرىنىئومۇميۈزلۈك ئۇچراتقىلى بولىدۇ. بىر دۆلەت كادىرى ئۆز نەپىسى، ئايالى ۋەئەتراپىدىكىلەرنىڭ بېسىمى سەۋەبلىك راھەتلىك ئارزۇسىغا بېرىلسە، چوقۇم قوشۇمچە كىرىمگە ئېھتىياجى چۈشىدۇ، بۇنداق بولغاندا تەبىئىي ھالدا ناتوغرا يولدىن كىرىم قىلىشقا يۈزلىنىدۇ. بۇ باشقا كەسىپ ئىگىلىرىدىمۇ ئوخشاش. دېمەككى، نەپىسنىڭ ئارزۇ-ئارمانلىرىنى چوقۇم بىر مەلۇم نۇقتىغا كەلگەندە تىزگىلىمىسەك قەتئىي بولمايدۇ. چۈنكى نەپىسنىڭ ئارزۇ-ئىستەكلەرنىڭ ھەممىسىنى ئەمەلگە ئاشۇرۇش قەتئىي مۇمكىن بولمايدىغان بىر ئىش. ئەكسىچە بولسا ئىنسان ئۆزىنىڭ ھارام، جىنايەت ۋە ئەخلاقسىزلىق پاتقىقىغا كىرىپ قالغىنى بىلمەيلا قالىدۇ.

مۇنۇسوئالىنى ئۆزىمىزدىن سوراپ باقايلى: بىز قايسى نۇقتىغىچە راھەت ۋە بەھۇزۇر تۇرمۇش تەلەپ قىلالايمىز؟ مۇھەممەد سەللەلاھۇ ئەلەيھى ۋەسەللەمنىڭ مۇنۇ ھەدىسىنى ئەسلىتىپ ئۆتمەكچىمەن: «دۇنيادا راھەتلىك يوق». يەنى دۇنيا راھەت تاپىدىغان جاي ئەمەس. بۇئۆزىمىزنىڭ نەپسىگە زۇلۇم قىلايلى، ماددىي تەرەققىياتقا سەل قارايلى دېگەنلىك ئەمەس. بۇ دۇنيادا جەننەت بەرپا قىلغىلى بولمايدۇ، دېگەن مەنىگە كېلىدۇ.  بۇ زامانىۋىلىقنىڭ تۇزىقى خالاس. ئەبەدىي ھۇزۇر ۋە ئامانلىق ئۇ دۇنيادا. بۇ دۇنيا ئۇ دۇنيادىكى ھۇزۇرغا ھازىرلىقتۇر. «دۇنيامۆمىننىڭ زىندانىدۇر» بۇ روھىمىزنىڭ ئەسلى ۋەتىنىگە قايتىش ئارزۇسىغا مۇناسىۋەتلىك. دۇنيا بىر «پىتنە يۇرتى»دۇر. پىتنە يۇرتى بولۇشى ئىنسانغا نىسبەتەن ئالتۇنغا ئوخشاش ساپلىشىشى ئۈچۈن قىيىنچىلىقلاردىن ۋە مۇشكۈل سىناقلاردىن ئۆتۈش دېگەنلىكتۇر. دۇنيادا تولۇق مەنىدە كۆيۈپ ساپلاشمىغان ئىنساننىڭ ئاخىرەتتە دوزاختا كۆيۈپ ساپلىشىشنى تاماملىشىشى كېرەك بولۇپ قالىدۇ. دۇنيا ئوتىغا سەبىر قىلالمىغان ئىنسان دوزاخ ئوتىغا چىداشقا مەجبۇر بولىدۇ. بەلكىم بۇنىڭ تۈرتكىسىدە ساپلىشىشىنى تاماملىشى مۇمكىن. كىچىك بىر شىپاخانىدا داۋالىنالمىغان بىمار چوڭ شىپاخانىلارغا ئەۋەتىلىدۇ. ئەڭ چوڭ كېسەللىك قەلبنىڭ كېسەللىكىدۇر. شۇڭلاشقا ئۇنى بۇ دۇنيادىلا داۋالاشقا باشلاش كېرەك. داڭلىق ئىسلام ئۆلىملارىدىن بىرى : «جەننەت ئەرزان نەرسە ئەمەس،دوزاخ كېرەكسىزمۇ ئەمەس» دېگەن ئىكەن.

مەنبە:«دۇنيا بۇلتەنى گېزىتى»دىن ئېلىندى

elikaram

barhak,dunya moiminning zindani bopkeliwatidu ham boldi.

beshtash

     «ئەڭ چوڭ كېسەللىك قەلبنىڭ كېسەللىكىدۇر» ئاللا ئىگىمىز ھەممىمىزنى ھىدايەت يولىغا باشلىغاي !!! ئامىن !!!

AKHUN

مەسىلىلەرگە ئېتىقاد يۈكسەكلىكىدىن قاراش ئەلى بۇلاچ ئەسەرلىرىنىڭ گەۋدىلىك ئالاھىدىلىكى ھېسابلىنىدۇ.
دوستىمىز قۇتلۇق بىلگە بۇلاچنىڭ بىر ئۆمۈرگە تەڭ ئىلمىي بىرىكمىلىرىنى ئۇيغۇرچىلاشتۇرۇشقا بەل باغلىغاندەك قىلىدۇ. ئاللاھ غەيرىتىگە غەيرەت قوشقاي !

mobul

ئىنتايىن ئابستراكىتنى مەزمۇنلاركەن،بولسا تەرجىمىدىن كېيىن، دىيارىمىزنىڭ ئەمەلى ئەھۋالىغا بىرلەشتۇرۇپ ئىككى كەلىمە شەرھى يېزىلغان بولسا تېخىمۇ سىڭىشلىك بولاركەن!

kokboraa

بۇئەسەرمىنىڭچە  شۇنداق چۈشۈنۈشلۈك بولۇپتۇ،ھەم ناھايىتى ياخشى چىقىپتۇ.

ئەگەرمەندىن بىرى سەن كىم ؟،يۇرتۇڭ قەيەر؟نىشانىڭ نىمە؟ دەپ سورىسا مەن ئۇنۇڭغا ،
مەن ئىنسان ،يۇرتۇم جەننەت ،نىشانىم ئاللاھ دىدارىنى كۆرمەك  دەپ جاۋاپ بەرگەن بولار ئىدىم.

9903

ئادەمنىڭ كۆڭلىنى ئېلىشتۇرىدىغان ساختا يېمەكلىك دېلوسى ئاشكارىلاندى  دىگەن  تىمىنى  نىمىشقا  تەستىق  لىمايسىلى

9903

          گېرمانىيە «سۈزۈك ئەينەك» ھەپتىلىك ژورنىلى تور بېكىتىنىڭ 9-ماي خەۋىرى: جۇڭگو دائىرىلىرى ساختا تاۋار ماركىسى چاپلانغان، ساختا، ھەتتا زەھەرلىك گۆش تۈرى مەھسۇلاتلىرىغا زەربە بېرىش ھەرىكىتىدە 900 دىن ئارتۇق جىنايەت گۇماندارىنى قولغا ئالدى. ئاڭلاشلارغا قارىغاندا، قىسمەن چاشقان گۆشى ياكى تۈلكە گۆشى كالا-قوش گۆشى ئورنىدا سېتىلغان.
          باشقا دېلو مىساللىرىدا گۆش تۈرلىرىگە سۇ ئۇرۇلغان ياكى خىمىيەلىك ماددا قېتىلغان، يەنە «پاتوگېن (كېسەل سەۋەپچىسى) دىن يۇقۇملانغان زەھەرلىك ھەم سالامەتلىككە زىيانلىق گۆش بايقالغان.
        ئامېرىكا بىرلەشمە ئاگېنتلىقى، بېيجىڭ، 9-ماي تېلېگراممىسى: جۇڭگونىڭ ئەڭ ئالىي سوت مەھكىمىسى ئەدلىيە ئىزاھاتى ئېلان قىلىپ، بىخەتەر بولمىغان يېمەك ياسىغان ياكى ساتقان قىلمىشلارغا قارىتا تېخىمۇ قاتتىق جازا بېرىشنى تەلەپ قىلغان، بۇ ئاممىنى قاتتىق غەزەپلەندۈرگەن، بۇلغانغان يېمەكلىك سەتچىلىكىگە قايتۇرۇلغان ئەڭ يېڭى ئىنكاس ھىسابلىنىدۇ.
           ئەڭ ئالىي خەلق سوت مەھكىمىسى، بۈگۈن بۇ ئەدلىيە ئىزاھاتى تۆۋەندىكى يەنى خۇرۇچى مىقدارىدىن ئېشىپ كەتكەن  ياكى ئۆلچەم دائىرىدىن ھالقىپ كەتكەن يېمەكلىك شۇنداقلا كېسەل سەۋەبىدىن ئۆلگەن ياكى ئۆلۈش سەۋەبى ئېنىق بولمىغان ھايۋانلاردىن ياسالغان گۆش تۈرىدىكى يېمەكلىكلەرنى سېتىش  قاتارلىق قىلمىشلارنى قانۇنغا خىلاپ جىنايەت دەپ ئېنىق بېكىتتى، دېدى.
           يېڭى ئەدلىيە ئىزاھاتىدا، بالىلار يېمەكلىكىگە ساختىلىق قىلىپ، ئۇلارنىڭ ئۆسۈپ يېتىلىشىگە زۆرۈر بولغان ئوزۇقلۇق ماددىلىرىنىڭ كەمچىل بولىشىنى كەلتۈرۈپ چىقىرىش قىلمىشىمۇ جىنايەت ھېسابلىنىدۇ، دېيىلدى. يېمەكلىك بىخەتەرلىكىنى نازارەت قىلىپ باشقۇرۇشتا بىپەرۋالىق قىلغان ھۆكۈمەت خادىملىرى جىنايى ئىشلار بويىچە جازالاش نىشانى قىلىنغان.
ئامېرىكا «نيۇيورك ۋاقىت گېزىتى» تور بېكىتىنىڭ 9-ماي خەۋىرى: جۇڭگودىكى ئىستىمالچىلار سەتچىلىكلەرنى تولا ئاڭلاپ كۆنۈپ كەتكەن بولسىمۇ، لېكىن قازاندا پىشۇرۇلغان قوي گۆشى ئەمەلىيەتتە چاشقان گۆشى بولۇپ قېلىشى مۇمكىن، دېگەن يېڭى خەۋەر بۇ دۆلەتنىڭ يېمەكلىك زىيىنىغا بولغان چەكسىز غەزەپ-نەپرىتىنى يېڭى دەرىجىگە كۆتۈرىشى مۇمكىن.
          جامائەت خەۋپسىزلىكى مىنىستىرلىكى پەيشەنبە كۈنى ھۆكۈمەتنىڭ يېمەكلىك بىخەتەرلىكىنى يۇقىرى كۆتۈرۈش ئىرادىسىنى ئىپادىلەشنى مەقسەت قىلغان ئۇقتۇرۇش ئېلان قىلىپ، ساقچى دائىرىلىرى جۇڭگونىڭ شەرقىي رايونىدا بىر قىسىم سېتىقچىلارنى قولغا ئالدى، ئۇلار چاشقان، تۈلكە ۋە سۇ بۇلغۇنى سېتىۋىلىپ قوي گۆشىنىڭ ئورنىدا ساتقان. بۇنىڭ ئىستېمالچىلار ئارىسىدا ئىشەنچ تۇرغۇزىشى تەس، چۈنكى ئىستىمالچىلار گۆش تۈرى، كۆكتات تەركىبىدە كېسەللىك باكتېرىيەسى، توكسىن، چەكلەنگەن پىگمېنت ۋە چىرىتمەس دورىنىڭ بولىشى سەۋەپلىك يېمەكلىك بىخەتەرلىكىدىن قاتتىق ئۈمىدسىزلەنگەن، دېدى.
            ئۇقتۇرۇشتا تىلغا ئېلىنغان دېلو مىسالى ئىچكى موڭغۇلدىكى بىر شىركەتنى ئۆز ئىچىگە ئالغان بولۇپ، ساقچى دائىرىلىرى بۇ شىركەتتە 20 توننىدىن ئارتۇق خىمىيەلىك تەم تەڭشىگۈچ قېتىلغان، باكتېرىيە ئۆلچەمدىن زىيادە ئېشىپ كەتكەن ساختا قۇرۇتۇلغان كالا گۆشى شۇنداقلا پىششىقلاپ ئىشلەنمىگەن توڭلىتىلغان گۆشنى تەكشۈرۈپ قولغا چۈشۈرگەن. ساقچى دائىرىلىرى يەنە گۇيجۇدا 0.8 توننا قانۇنسىز خۇرۇچ قېتىلغان «زەھەرلىك توخۇ پۇتى» نى تەكشۈرۈپ قولغا چۈشۈرگەن.
         جۇڭگونىڭ ئالاقىدار تارماقلىرى تۈلكە گۆشى، سۇ بۇلغۇنى گۆشى ۋە چاشقان گۆشىنى ئۆز ئىچىگە ئالغان كارانتىن قىلىنمىغان گۆش يېمەكلىككە ئىشلىتىدىغان پىگمېنت ۋە خىمىيەلىك مەھسۇلات قېتىلغاندىن كېيىن قوش گۆشىنىڭ ئورنىدا شاڭخەي ۋە جياڭسۇ شەھىرىگە سېتىلغان، دېدى.
        جۇڭگودىكى گۆش ئىستېمال قىلغۇچىلار تاللىغۇدەك گۆش قالمىغاندەك تۇرىدۇ. قۇش زۇكىمى سەۋەپلىك كىشىلەر توخۇ-ئۆردەك گۆشلىرىدىن گۇمان قىلىشىدۇ،  شاڭخەيدىكى بىر دەريا يۈزىگە كۆپ مىقداردىكى چوشقا لەيلەپ چىقىپ قالغاندىن كېيىن، كىشىلەر بۇ ئۆلۈك چوشقا گۆشىنىڭ ئايلىنىپ قۇشخانىلارغا بېرىپ قېلىشىدىن ئەندىشە قىلماقتا.
        تۇرۇشلۇق مۇخبىر  روشەنكى يېمەكلىك بىخەتەرلىكى جۇڭگوغا نىسبەتەن يېڭىلىق ھىسابلانمايدۇ. جۇڭگودا  مارىي كاي ماگې ئامارې، جۇڭگودا غىزالىنىش «غىزالانغۇچىلارغا نىسبەتەن ھۇزۇرلۇق ئىش بولىشىمۇ، يېڭى بىر مەيدان كىشىنى ساراسىمىغا سالىدىغان قىمار ئويىنى بولىشىمۇ مۇمكىن». بايلار ئىمپورت قىلىنغان يېمەكلىكلەرنى سېتىۋالسا بولىدۇ، لېكىن باشقا كىشىلەر تەلىيىگە تايىنىدۇ، دېدى.
          ئەنگلىيە «مۇھاپىزەت گېزىتى» تور بېكىتىنىڭ 9-ماي خەۋىرى: جۇڭگو جامائەت خەۋپسىزلىكى مىنىستىرلىقى ساقچى دائىرىلىرى 904 كىشى قولغا ئالدى، بۇ كىشىلەر «گۆش تۈرىگە مۇناسىۋەتلىك قانۇن-بەلگىلىمىلەر» گە خىلاپلىق قىلغان، دەپ ئېلان قىلدى. ئەڭ ئالىي خەلق سوت مەھكىمىسى بىلەن ئەڭ ئالىي خەلق تەپتىش مەھكىمىسى يېڭى ئەدلىيە ئىزاھاتى ئېلان قىلىپ، بىخەتەر بولمىغان يېمەكلىكلەرنى ئىشلەپ چىقارغان ياكى ساتقان كىشىلەرگە تېخىمۇ قاتتىق جازا بېرىشنى تەلەپ قىلدى.

112

لىۋاننىڭ ئەپسانىۋى مۇجاھىدى ئۆمەر مۇختەر ئىتالىيەلىكلەرنىڭ قولىغا چۈشۈپ قالغاندا ئىتالىيەلىكلەر ئۇنىڭدىن «سىزنى بۇنچىلىك كۈچلۈك قىلغان زادى نېمە؟» دەپ سورايدۇ.

ئۆمەر مۇختەر لىۋىيەنىڭ قەھرىمانى، لىۋاننىڭ ئەمەس. بۇ يەرنى ئالماشتۇرۇپ قويۇپسىز.

korkom

تىمىڭىزغا رەھمەت، دىمىسىمۇ ھازىر بىز ئۇيغۇرلار « ئىھتىياج» ،«جەمئىيەتنىڭ يۈزلىنىشى »«قانداق قىلىمىز؟»دەپلا قۇيۇپ ،نۇرغۇن ئىسراپچىلىقلارنى قىلىۋاتىمىز .ئەگەر ھەممەكىشى ئاخىرەتلىكنى ،ئۇدۇنيادىكى ئاسايىشلىقنى ئىزلىگەن بولسا نىمە دىگەن ياخشى بۇلاتتى ھە؟توي تۆكۈن ،ئۆيلىرىمىزنى بىزەش ،كىيىم- كىچەك كىيىش جەھەتتىكى «ئۈزەڭگە سوقۇشتۇرۇش »بارغانچە ئەۋىج ئېلىۋاتىدۇ.بۇئىسراپچىلىقلار شەھەرلەردىكى خىزمەتچىلەر قۇشۇنىدىن بارابارا يېزىلىرىمىزدىكى ئائىللەرگە قەدەر سىڭىپ كىرىپ كىشىنى ھەقىقەتەن ساراسىمىگە سېلىۋاتىدۇ .