تاشپولات: 70 ياشلىق ئوقۇغۇچىم

TashpolatRozi

70 ياشلىق ئوقۇغۇچىم

تاشپولات روزى

         تۈنۈگۈن مېنىڭ Facebook غا سىنىپىمدا تارتىلغان تۆۋەندىكى رەسىمنى چىقارغان ئىدىم. بىر قېرىندىشىمىز بۇ سىنىپتىكى ئوقۇغۇچىلارنىڭ يېشىنى سوراپ خەت قالدۇرۇپتۇ. مەن ئۇ قېرىندىشىمىزغا جاۋاب يازدىم. يازغان جاۋابلىرىمنى باغداشتىكى قېرىنداشلار بىلەن ئورتاقلىشاي دەپ بۇ يازمىنى يېزىۋاتىمەن.

         بۇ رەسىم مېنىڭ مەكتىپىم جەرەن جىلغا ئۇنىۋېرسىتېت  (University of Antelope Valley)ماتېماتىكا سىنىپىدا تارتىلغان. بۇ سىنىپتا 30 دەك ئوقۇغۇچى بار. 25 تەك ئوقۇغۇچى 18 ياشتىن 25 ياشقىچە بولۇپ، قالغان 5 ئوقۇغۇچىنىڭ يېشى 26 بىلەن 35 ياش ئارىلىقىدا. بەزى سىنىپلىرىدا 50 تىن ئاشقان ئوقۇغۇچىلىرىمۇ بار. ئامېرىكادا 50 ياشتىن يۇقىرى تۇرۇپمۇ ئوقۇيدىغانلار خېلى كوپ.

       2 يىلنىڭ ئالدىدا لوس ئانجېلېس مەكتىپىدە توردا دەرس ئوتكەن ئىدىم. ئۇ  ۋاقىتتا سىنىپىمدا 20 دەك ئوقۇغۇچىم بولاتتى. بۇ سىنىپتا  بىر ئايال ئوقۇغۇچى بولۇپ يېشى 70 دىن ئاشقانغۇ دەيمەن. بۇ ياشانغان ئايال باكالاۋرلىق ئۇنۋانى ئېلىش ئۈچۈن ئوقۇپتىكەن. تور دەرسىدە مەندىن كوپ ماتېماتىكىلىق سوئاللارنى سوراتتى. ئۇ بەكمۇ تىرىشچان ئوقۇغۇچى ئىدى. بىر قېتىم ئۇنىڭدىن، نېمىشقا مۇشۇ ياشتا تۇرۇپ ئوقۇش زۆرۈر بولۇپ قالدى دەپ سورىسام، ئۇ مۇنداق دەيدۇ، "مېنىڭ نەۋرىلىرىم كۆپ بولۇپ ئۇلار دائىم مەندىن موما سىز قايسى كەسىپتە ئوقۇغان دەپ سوئال سورايدۇ. ئۇنۇڭ ئۈستىگە ئۇلار مەندىن داۋاملىق ماتېماتىكا تاپشۇرۇقلىرىنى سورايدۇ. مەن نەۋرىلىرىمنىڭ سوئاللىرىغا جاۋاب بېرەلمەي بەك خىجىل بولىمەن". ئۇ موماينىڭ تۇرمۇش ئەھۋالى بەك ياخشى ئىكەن.  شۇنداق بولسىمۇ بۇ موماي چوقۇم باكالاۋرلىق ئۇنۋانىنى ئېلىش ئۈچۈن ئوقۇپتۇ. مەن بۇ مومايدىن شۇ چاغدا بەك تەسىرلەنگەن ئىدىم. بەزىدە سىنىپىمدىكى ئوقۇغۇچىلىرىمغا بۇ ھېكايىنى سۆزلەپ بېرىمەن ئۇلارمۇ تەسىرلىنىپ كېتىدۇ. مېنىڭ ئامېرىكادا دەرس ئۆتكىنىمگە 10 يىلدىن ئاشتى. مۇشۇ جەرياندا ھېس قىلغىنىم ئامېرىكالىقلار يېشىغا قارىماي بەك تىرىشىدىكەن. ئۇلارنىڭ بەزىلىرى كۈندۈزى ئىشلەپ كەچتە ئوقۇيدۇ. يەنە بەزىلىرى كۈندۈزى ئوقۇپ كەچتە ئىشلەيدۇ. بۇلارنىڭ ئۆگىنىش روھىغا ئاپىرىن ئوقۇماي ئامال يوق. بىز ئۇيغۇرلاردا بولۇپمۇ چوڭ ياشتىكىلەردە مەكتەپتە ئوقۇش روھى توۋەن دەپ ئويلايمەن.بىزدە ياشلا تۇرۇپ ئوقۇمايدىغان ، ۋاقىتنى بىكار ئۆتكۈزۈۋېتىدىغان، 60 ياشقا كىرىپلا قېرىۋالىدىغان ئادەملەر خېلى كوپ.  بەزىدە بۇ ئىشلارغا بەك ئېچىنىمەن.

kuxlan

باشقۇرغۇچىلار ئامال بولسا رەسمنى چىقىرىپ قويغان بولساڭلار، رەسىم خاتا بەلگە چىقىپ ھېچنمە كۆرۇنمىدى. بەزىلەر ئىشتىن سىرىت خېلى مەكتەپلەرنى ئوقۇۋالدىكەن،،يىراق مۇساپلىق ئوقۇتۇش دەمدۇ شۇنداقلاردىن خەۋەردار بولساق بولاتتى. مەسلەن شىنجاڭ ئۇنىۋرسىتىتى ۋەباشقا ئۇنىۋرستىتلاردا شۇ مەكتەپكە بارماي تۇرۇپمۇ ئوقۇغلى بولارمۇ؟

anas0419

ياخشىمۇسىزتاشپۇلات ئاكا!ھەقىقەتەنمۇ  تەسىرلىك ئىكەن،ئەگەرسىز يازمىغان بولسىڭىز ئىشەنمەك تەس ئىدى،مەن چوڭلارغا ئېچىنىش ئەمەس بەلكى ئۆزەمگە قاراپ ئېچىنىۋاتىمەن.......

rushangull

ھەقىقەتەن رىغبەتلەندۈرۈش كۈچىگە ئىگە ماقالە ئىكەن

nazuk725

ئۆزىمىزدە چوقۇم ئۆمۈر بويى ئۆگىنىش ئىدىيىسىنى تۇرغۇزۇشىمىز كېرەك.

guzalyurtum

راست . مەنمۇ 40 ياشقا كىرمەي تۇرۇپ قېرىدىم دېگىلى نەۋاخ.

muhakima

ھارمىغايسىز تاشپۇلاتكا ، تىمىڭىزغا رەھمەت ، خۇددى مىنى ئۇقۇسۇن دىگەندەكلا يىزىپسىز ، ئەسلىدە داۋالانغاچ ئۇقۇش پىلانىم بار ئىدى . بۇ تىمىڭىزنى كۇرۇپ قەتئى ئۇقۇش قارارىغا كەلدىم .
مۇشۇ كۇنلەردە تىل بىلمەي قىينىلىپ كىتىپ بارىمەن ، شۇڭا يەنە ئۇقۇماقچى ئىدىم ، لىكىن مىنى ئۇقۇتىدىغان مەكتەپ نەدە ، شۇ كۇرسىدا ئۇقۇپ 90 - يىللاردا مەكتەپتە ئۇقۇغاندا چالا چىقىپ قالغان ساۋادىمنى چىقارمىسام بولمىدى .
تورداشلار مەسلىھەت بەرسەڭلار : ئۇقۇماقچى بولغان كەسپىم : ئېنگىلىز تىلى ۋە تور بەت تېخنىكىسى قاتارلىقلار ، ئۇقۇش ۋاقتىم 11 -ئايدىن باشلاپ 6 ئاي ، پۇتۇن كۇنلۇك ئۇقۇيمەن ، يەتمەكچى بولغان نىشان ئېنگىلىزچە توغرا تەلەپپۇز قىلالايدىغان ، ئېنگىلىز تىلىنى بىمالال قوللىنىپ دەسلەپكى سەۋىيەدىكى ماقالىنى يازالايدىغان بۇلۇش ، ئاددى تور بەت لايھىلىيەلەيدىغان بۇلۇش ، كومپىيوتىردا autocAD تا چىرتىيوژ سىزالايدىغان بۇلۇش (ھازىر دەسلەپكى سەۋىيەگە ئىگە )، مەتلەبنى قوللىنالايدىغان بۇلۇش ، ئۇقۇماقچى بولغان ئورنۇم ئۇرۇمچىنىڭ تىببى ئونۋېرسىتىت ئەتراپى ياكى شىنجاڭ ئونۋېرسىتىنىڭ ئەتراپى ، جەنۇپتىن بېرىپ ، يېتىپ - قۇپۇپ بىر تەرەپتىن داۋالانغاچ ئۇقۇيدىغان بولغاچقا ، ئايرىم ياتاققا ئۇرۇنلاشتۇرسا ئالدىن ئويلىشىمەن . ئۇقۇش ۋە ياتاق پۇلىنى بىراقلا تولىسەممۇ بۇلىدۇ .
سىلەرچە قايسى يەردە ئۇقۇسام بۇلىدۇ. مەسلىھەت بىرىشىڭلارنى ئۇمۇت قىلىمەن. رەھمەت.
2013.10.25

quxanmaysan

ئوقۇمىغان بەزى كىشىلەرنىڭغۇ ھەر خىل سەۋەپلەر تۈپەيلى ئوقۇشقا پۇرسەت يوق ئوقۇيالمىغاندۇ ،بىزدەك شۇنداق ياخشى پۇرسەتلىرى بار يشلارمۇ پۇرسەتنى قەدىرلىمەي ،ياخشى ئۆگەنمەيۋاتساق ،قاراپ تۇرۇپ ۋاقىتنى بىكار ئۆتكۈزىۋىتىپ بارساق ،بىزنى مۇشۇنداق ياخشى پۇرسەتلەرگە ئىرىشتۈرگەن رەببىمىزگە ئۇنىڭدىن قالسا ئاتا-ئانىمىزغا  ئەڭ مۇھىمى ئۆزىمىزگە قانداق يۈز كىلەرمىز ؟ ئاخىرەتتە سورىقىنى قانداق بىرەرمىز؟نىمىنى قەدىرلىمىسەك شۇنىڭ دەردىنى بەكرەك تارتىدىغىنىمىزنى بىلىپ تۇرۇپ يەنە ۋاقىتلىرىمىزنى بىكار ئۆتكۈزىۋىتىپ بارىمىز دېسە.............

barhanbay0996

ياخشى تىمىكەن

kuxlan

نۇرغۇن ئادەم بۈگۈن ئىچىدە ياشاۋاتىدۇ،يەنە نۇرغۇن ئادەملەر ئۆتمۈش ئىچىدە ياشاۋاتىدۇ، ئۆزىمىزنى ئالداۋاتىمىز يەنە بىلىپ تۇرۇپ يول قويىۋاتىمىز،
ئوقۇيمەن دەپلا ئوقىغلى بولمايدۇ،نۇرغۇن جاپالارنى يېڭىش ئىرادسىگەكېلىش كېرەك ئەڭ ئاۋۋال.