رۇسىيە بىلەن ياپونىيە جۇڭگوغا قارشى بىر سەپتە تۇرالمايدۇ

tograk

                        رۇسىيە بىلەن ياپونىيە جۇڭگوغا قارشى بىر سەپتە تۇرالمايدۇ

        ياپونىيە " يوميورى گېزىتى" نىڭ 3 - نويابىردىكى خەۋىرىگە قارىغاندا ، ياپونىيە بىلەن رۇسىيە 2 - نويابىر توكيودا تۈنجى نۆۋەتلىك "2 + 2 " سۆھبىتى ئۆتكۈزگەن . ئىككى تەرەپ دېڭىز قوغدىنىش ئەتىرىتى بىلەن رۇسىيە دېڭىز ئارمىيەسىنىڭ يېقىندا ئۆتكۈزگەن قۇتقۇزۇش بىرلەشمە مانېۋىرىنى تېرورلۇققا قارشى تۇرۇش ، دېڭىز قاراقچىلىرىغا زەربە بېرىش قاتارلىق ساھەلەرگە كېڭەيتىپ ، ھەمكارلىقنى كۈچەيتىشكە بىردەك قوشۇلغان .
        ياپونىيە دىپلوماتىيە ۋەزىرى سۆھبەتتە : ياپونىيە بىلەن رۇسىيەنىڭ بۇ قېتىملىق سۆھبىتى ئىككى دۆلەت مۇناسىۋىتىنىڭ يېڭى سەھىپىسىنى ياراتتى . ئىككى دۆلەتنىڭ رايون خەۋپسىزلىكى ۋە مۇقىملىقىغا پايدىلىق ، دېگەن . ئۇ يەنە ياپونىيەنىڭ كوللىكتىپ قوغدىنىش ھوقۇقىنى يۈرگۈزۈش تەلىپىدە تېنچلىقنى ئىلگىرى سۈرۈشكە پايدىلىق مەزمۇنلارنىڭ بارلىقىنى چۈشەندۈرگەن .
        سۆھبەتتە يەنە تور ھۇجۇمىغا قارىتا يېڭى ھەمكارلىق ئاپپاراتى قۇرۇشنى پىلانلىغان ، ئۇنىڭدىن باشقا ، چاۋشيەننى يادروسىزلاشتۇرۇش ھەققىدە كېڭەشكەن . سۆھبەت ئاخىرىدا روسىيە كېلەر يىلى موسكۋادا يەنە " 2 + 2 " سۆھبىتى ئۆتكۈزۈش پىكرىنى ئوتتۇرىغا قويغان .
       ياپونىيە " كۈندىلىك خەۋەرلەر گېزىتى"نىڭ 3 - نۇيابىردىكى خەۋىرىدە : بۇ قېتىمقى سۆھبەت ئىككى دۆلەت ئالاقىسىنى چوڭقۇرلاشتۇرۇپلا قالماي ،  ئامانلىق قوغداش ساھەسىدىكى ھەمكارلىقنى كۈچەيتتى، بۇ ئىككى دۆلەتنىڭ ئىستراتېگىيەلىك ھەمكارلىق مۇناسىۋىتى ئورنىتىشىدا ئىنتايىن مۇھىم ئەھمىيەتكە ئىگە . رۇسىيە تەرەپ سۆھبەت داۋامىدا ياپونىيە بىلەن ئامېرىكىنىڭ باشقۇرۇلىدىغان سىنارەدتىن مۇداپىئەلىنىش سېستىمىسىنى ئورتاق تەرەققى قىلدۇرۇپ ، روسىيەنىڭ يادرو تەھدىت كۈچىگە خىرس شەكىللەندۈرگەنلىكىنى ئېيتىپ ، ياپونىيە تەرەپتىن بۇ ھەقتە قەرەللىك سۆھبەتلىشىشنى تەلەپ قىلدى . بۇ ياپونىيەنى ئوسال ئەھۋالدا قالدۇردى ، دېيىلگەن .
       رۇسىيە بىلەن ياپونىيەنىڭ " 2 + 2 "  سۆھبىتى توغرىسىدىكى خەۋەر ئېلان قىلىنغاندىن كېيىن ، خەلقارا جەمئىيەت ياپونىيە بىلەن رۇسىيەنىڭ جۇڭگونى چەكلەش سېپىدە بىرلەشكەنلىكىنى پەرەز قىلغان . بىراق  خوككايدو ئونىۋېرسىتېتىنىڭ پىروفېسورى بۇ ھەقتە توختىلىپ مۇنداق دېگەن :  تاراتقۇلار ياپونىيە بىلەن رۇسىيەنىڭ بۇ قېتىمقى سۆھبىتىنى ئىككى دۆلەت مەنپەئەتى بىردەك بولغان ئەھۋالدا ئۆتكۈزۈلگەن ، دەپ قارىسىمۇ ، مەن ئىككى دۆلەت سۆھبىتىنى دەل ئەكسىچە چۈشەندىم .  ياپونىيە بىلەن رۇسىيەنىڭ ئوي _ خىيالى باشقا - باشقا . ئېنىق قىلىپ ئېيىتقاندا ، مەن ياپونىيەنىڭ بۇ ھەقتىكى مەقسىتىدىن ئەنسىرەيمەن .، چۈنكى ئىككى دۆلەت ئىقتىسادى ھەمكارلىقنى ئىلگىرى سۈرۈش مەسىلىسى ھەل بولمىغان ئەھۋالدا ئامانلىق قوغداش ھەمكارلىقىنى ئوتتۇرىغا چىقاردى ، ' 2 - 2 ' سۆھبىتى روسىيەنىڭ زېمىن دەتالاش مەسىلىسىنى ئارقىغا سۆرەش ئىستراتېگىيەسىنىڭ پايدىلىنش قۇرالىغا ئايلىنىپ قالىدۇ . ياپونىيە جۇڭگونى چەكلەش مەقسىتىگە يېتىش ئۈچۈن رۇسىيەگە يېقىنلىشىۋاتىدۇ ، بىراق ئۇلار جۇڭگونى چەكلەش سېپىدە بىللە تۇرالمايدۇ .

        " شىنجاڭ قانۇنچىلىق گېزىتى" دىن ئېلىندى                                      

kitabhumar

رۇسلار بىلەن پەقەت يىقىنلاشمىغۇلۇق دەپ قارايمەن

ablimitt

روسيەنى بۇنداق سودىنى قىلمايدۇ دىگىلى بولمايدۇ. بۇرۇنمۇ ئامىركا بىلەن شۇنداق بىر سودا قىلغان.

arslan428

رۇسلار بىلەن قوراللىق ھالدا بىر سەپتە تۇرغىلى بۇلىدۇ، بولمىسا بىكار

alkanat

ياپونىيە رۇسىيە بىلەن ھەر قانداق شەكىلدىكى ھەمكارلىق ئورناتماقچى بولسا چوقۇم ھېلىقى تۆت ئارالدىن ۋاز كېچىشى كېرەك.ھالبۇكى، ياپونىيىلىكلەرنىڭ ئۇ ئاراللارنى قايتۇرۇۋېلىش ئارزۇيىنىڭ پەسەيگىنىنى كۆرسىتىدىغان ئالامەتلەر تېخى كۆرۈلگىنى يوق.

zayumka

رۇسىيەنىڭ ھىندىستان،ۋىيىتنام قاتارلىق دولەتلەرنى ئىلغار قوراللار بىلەن تەمىنلىشى ،دولىتمىز بىلەن ياپۇنىيەنىڭ زىمىن تالاش تارتىشى كەسكىنلىشۋاتقان ۋاقىتلاردا ياپۇنىيە بىلەن تىنىچلىق سوھبىتى ئوتكۇزىشى قاتارلىق ئىشى ھەركەتلىرى رۇسىيەنىڭ دولىتمىزنىڭ ھەقىقى دوستىمۇ ئەمەسمۇ دىگەن مەسلىسىدە گوماننى قوزغىماي قالمايدۇ ،شۇڭا ھەر قانداق دولەت باشقىلاردىن ئۇمۇت كوتمەي ئوز كۈچىگە تايانغان توغرا ئوخشايدۇ.

orkex

روس ئېيىقلىرىغا قىتئىي ئىشىنىشكە بولمايدۇ .لىۋېيە ئۇرۇشىدا قايتا  ئىسپاتلىنىپ بولدى .

erkax

ئىشەنمەڭلار روسلارغا ،
قەست قىلىدۇ دوستلارغا.

ئەرتۈڭە

رۇسلار ئەزەلدىن ئىنتايىن سولچىل خەق، تەپەككۈرى يېرىم تەتۈر ،كېلىشكىلى بولمايدۇ

..تەنھا..

بۇ روسلارزە،،،،،،،،،،،،