تەكلىب -پىكىر بەرسەڭلار !!!

Alchvn

       ئەسسالامۇ -ئەلەيكۇم باغداشدىكى قېرىنداشلار :

      ئالدى بىلەن كەمىنە ئەلچۈندىن ھەربىرىڭلارغا ئوتلۇق سالام!!
مۇشۇ جۈمە كۈنى كەچتە مەكتىۋىمىزدە 12-ئايلىق قېرىنداشلار سۆھبەت يىغىنى ئاچقان ئىدۇق ،يىغىنىمىزغا مەكتىۋىمىزدىكى ھەرقايسى يىللىقلاردىكى ئۇيغۇر ئوقۇغۇچىلار قاتناشتى ۋە ئۆزلىرىنىڭ ئەستايىدىل تەييارلىغان نۇتۇقلىرىنى ياكى ئەدەبىي ئەسەرلىرىنى ئوقۇپ ئۆتتى.
بۇ قېتىمقى سۆھبەت يىغىنىدا ئۇيغۇر مەدەنىيىتى ،ئىسلام دىنىمىز ،ئانا تىل ھەققىدە نۇرغۇنلىغان ئەلا ئەسەرلەر بارلىققا كەلدى . بولۇپمۇ ھازىرقى جەمىيىتىمىزدىكى ئىچكىرىدە ئوقۇۋاتقان ئوقۇغۇچىلار ئارىسىدىكى ئانا تىل مەسلىسى ھەممەيلەن قىزغىن مۇلاھىزە قىلغان قىززىق نۇقتىغا ئايلاندى. مەنمۇ چەتئەل تىلى ئۈگۈنۈش شۇنداقلا ئانا تىل مەسلىسى توغرىسىدا ئالىمىمىز ئەركىن سىدىق ئەپەندىنىڭ ئەسەرلىرىدىكى تەرمىلىرىم بىلەن ئۆز قارىشىمنى سۆزلەپ ئۆتتۈم .

يىغىندا يەنە نۇرغۇن ئۇيغۇر يازغۇچىلىرىمىزنىڭ ياخشى كىتابلىرى ئۈستىدە مۇلائىزە ئېلىب بېرىلدى، نۇرغۇن ئۇيغۇر يازغۇچىلىرىمىزنىڭ ئەسەرلىرىگە ئوقۇغانلار  ئۆزىنىڭ كۆز قارىشى ۋە ئوقۇغاندن كېيىنكى تەسىراتىنى سۆزلەپ ئۆتتى.

يىغىندا مەكتىۋىمىز ئۇيغۇر ئوقۇغۇچىلار ئۆزلىگىمىزدىن بىر تەرەققىيات فوندى قۇرۇش ۋە يىغىلغان پۇللار ئارقىلىق ئانا يۇرتىمىزدىن ئانا تىلدا يېزىلغان ياخشى كىتابلارنى سېتىۋېلىب مەكتەپ كۈتۈپخانىسىغا سوۋغا قىلىش شۇنداقلا دىيارىمىزدىكى ياخشى مەزمۇنلۇق ئۇيغۇرچە ژۇرنالدىن بىر ئىككىسىگە مۇشتەرى بۇلۇش لاھىيەسى قاراب چىقىلدى.

ئەمما بىز بىر نەچچە يىل ئىچكىرىدە خەنزۇتىلى مۇھىتىدە ئوقۇغان بولغاچقا شىنجاڭدىكى ئۇيغۇرچە باسمىلار ئۈستىدە تازا ياخشى چۈشەنچە ھاسىل قىلالمىدۇق،قىسقىسى بىز ھازىرغىچە بىزنىڭ قايسى ژۇرنالغا مۇشتەرى بولۇشنى قانداق مۇشتەرى بولۇشنى ئانچە بىلىپ كېتەلمىدۇق .

بۈگۈن باغداشدىكى ئۇيغۇر قېرىنداشلىرىمىزنىڭ ئۆزىنىڭ تەكلىب پىكىر بېرىشىنى چىن دىلىمدىن ئۈمۈد قىلىمەن !! تاما تاما كۆل بولار دەپتىكەن ،ئەڭ ئاخىرىدا باغداشتىكى قېرىنداشلارنىڭ پىكرىگە ئاساسەن بىر نەچچە ژۇرنالغا مۇشتەرى بولۇشنى ئۈمۈد قىلىمەن .

سىلەرگە ئەلچۈندىن كۆپ تەشەككۈر!!

iltebir107

سىلەرنىڭ بۇ پائالىيتىڭىلاردىن مەن بەكلا سۆيۈندۈم . ئادەمدە نېمە بولمىسا شۇنى قولغا كەلتۈرۈشنى ئارزۇ قىلىدىكەن. ھازىر دەۋرنىڭ تەرەققىياتى ناھايىتى تېزى. كىشىلەرمۇ دەۋرگە ئەگىشىپ تەرەققىي قىلماقتا. ئىددىيەسى ئويغاق بىر قېسىم كىشىلەر بىر نەچچە تىلنى ئۆگىنىپ، جاھان كۆرگەندىن كېيىن ،ئانا تىلنىڭ يەنى ئانا مەدەنيەتنىڭ نەقەدەر مۇھىملىغنى تونۇپ يەتتى. بىر قېسىم ئانا تىلغا كامىل نەچچە تىللىق كىشىلەر ئانا تىلنىڭ مۇھىملىغىنى بىلگەندىن  كېيىن ،ئەتراپىدىكى كىشىلەرگە ئۆزىنىڭ ياخشى ئىددىيەلىرى بىلەن تەسىر كۆرسىتىپ ماڭدى. سىلەر دەل شۇلارنىڭ ۋەكىلى ئىكەنسىلەر.مەن ئىزچىل كۆرىۋاتقان ياخشى ژورنال كومپىيۇتىر ۋە تۇرمۇش.بۇرۇن كۆرگىنى بولسا تىل ۋە تەرجىمە،شىنجاڭ ياشلىرى.

yatmix

ئەسسالامۇئەلەيكۇم ئەلچۈن !
بۇ ئىشىڭلاردىن تۇلىمۇ سۆيۈندۈم،سوراپ باقسام قايسى مەكتەپتە ئوقۇيسىز؟
سىلەر ئاۋۋال شىنجاڭ ياشلىرى،جۇڭگۇ مۇسۇلمانلىرى،جۇڭگۇ مىللەتلىرى،مىراس...
قاتارلىق ژورناللارنى ئالدىن ئويلىشىڭلار،بولسا باشقا تورداشلار ژورناللارنىڭ ئالاقىلىشىش
ئادىرىسىنى يوللاپ قويساڭلار.
ئەلچۈن بولسا تىمىنى  يازغۇچىلار مۇنبىرىگە يېزىپ ياردەم سورىسىڭىزمۇ بۇلىدۇ.
پەن-تېخنىكا تۇنۇشتۇرۇلغان تىمىڭىز ئۈزۈلۈپ قالمىغاي.

amanyol

   ئەدەبى ژورناللاردىن تەڭرىتاغ بىلەن شىنجاڭ مەدەنىيىتى.

izdan2007

ئەلچۈندىكى قىرنداشلارغا كۆپ تەشەككۈرلەر بولسۇن .سلەرنىڭ بۇنداق پاليەتنى تەشكىللىگنىڭلاردىن شەخسەن مەن ئالەمچە سۆيۈندىم مىڭچە بىز ئۇيغۇر ياشلىرى ئولتا-قوپساق ھىچنىمگە پايدىسى يوق (تىخى زىيانلىق)مۇھەببەت ناخشلىلىرنى ئاڭلاپ ئولتۇرماي مۇشۇنىڭدەك پاليەتلەرنى كۆپ تەشكىللشمىز كىرەك ئىدى .مانا سىلەر باشلاپسىلەر باسقان قەدىمىڭلار قۇت بۇلسۇن....بىزنىڭ بارلىق سىتودىنت لىرىمز سىلەردەكلا بولسا مىللتمىزدە ئۈمۈت باركەن.....سىلەردىن پالىيتىڭلارنى ئۈزۈپ قويماسلىقڭلارنى ئۈمۈت قىلمەن .چۈنكى ئالەمنڭ ياراتقۇچسى تىرشقانلارنى نائۈمۈت قويمايدۇ...
مىنىڭچە سىلەر شىنجاڭ مەدىنيىتى ژۇرنىلى،تارىم ژۇرنىلى،قاشتىشى ژۇرنىلى،تەرمىلەر ژۇرنىلى غا مۇشتىرى بولساڭلار سىلەرگە پايدىسى بار بولار دەيمەن...

koktam

تېما ئىگىسىگە سالاملار بولسۇن. مەن ياتمىش دىگەن قىرىندىشىمىزنىڭ پىكىرىنى قوللايمەن. يازغۇچىلار تورى غا بۇ تېمىڭىزنى يوللىسىڭىز ژۇرنالىست ئاكىلار سىز بىلەن چۇقۇم ئالاقە ئورنىتىدۇ.  تەكلىۋىم شىنجاڭ ياشلىرى، شىنجاڭ مەدەنىيىتى، تەڭرىتاغ …قاتارلىق ژۇرناللارغا مۇشتىرى بولۇڭلار. مەنمۇ سىلەردەك ئالىي مەكتەپ ئوقۇغۇچىسى بولغاچقا بۇ روھىڭلاردىن بەكمۇ سۆيۈندۇم سەپداشلىرىم.

batur72

تارىم ژۇرنىلى ،تىلىفۇن : 09914516214.09914597601.
دۇنيا ئەدەبىياتى ژۇرنىلى : 09912827971
باشقا ژۇرناللار يازغۇچىلار مۇنبىرىدە بار ، ئۇلار بىلەن ئالاقىلشالمىساڭلار مەن بىلەن ئالاقىلاشساڭلار بولىدۇ .

alghur

كۈچلۈك تەۋسىيەم:شىنجاڭ ياشلىرى،شىنجاڭ مەدەنىيتى
شىنجاڭ ياشلىرى ژۇرنىلى رەڭلىك نەشىر قىلىنغاچقا قولغا چىقىشى بىلەنلا كىشىگە نەپىس تۇيغۇ بىرىدۇ،ئەلۋەتتە مۇھىمى مەزمۇنىدا،ئەسەرلەر بىز ياشلارنىڭ خارەكىتىرىمىزگە تولىمۇ ماس كىلىدۇ،ئىشىنىمەن سىلەرمۇ ياقتۇرۇپ قالىسىلەر.
شىنجاڭ مەدەنىيتى ژۇرنىلىغا ئەسەر ئىلان قىلىدىغان ئاپتۇرلارنىڭ دائىرسى كەڭ،دىھقانلار،تىجارەتچىلەر،دۆلەت ئورۇنلىرىدىكى ئىشچى-خىزمەتچىلەر،دىيارىمىز ئىچى سىرتىدىكى ستۇدېنتلار،شۇنداقلا ئىلغار پىكىرلىك زىيالىيلار...
يەنە كىلىپ يۇقىرىقى ئىككى ژۇرنالدىكى ئەسەرلەرنىڭ ئەدەبىي ئۇسلۇبى زىيادە چوڭقۇر ياكى كەسپىي ئەمەس،ئۇيغۇر تىل-ئەدەبىيات دەرسىدىن ئۇزۇن مەزگىل ئايرىلىپ تۇرۇۋاتقان سىلەرئۈچۈن(ئۆزۈممۇ شۇنىڭ ئىچىدە) ئوقۇپ چۈشىنىش تەسكە توختىمايدۇ