تاشپولات: مەۋجۇت بولمايدىغان ئوربىتىدا ئايلىنىپ يۈرگەن زور پلانې...

TashpolatRozi

مەۋجۇت بولمايدىغان ئوربىتىدا ئايلىنىپ يۈرگەن زور پلانېتا بايقالدى

تاشپولات روزى

قۇياش سىستېمىسىنىڭ سىرتىدا، ئەسلىدە مەۋجۇت بولمايدىغان ئوربىتىدا ئايلىنىپ يۈرگەن بۇ زور پلانېتا ئىسمى "HD 106906 b" دەپ ئاتىلىدىكەن. بۇ پلانېتا يەر شارىدىن 300 يورۇقلۇق يىل يىراقلىقتا تۇرىدىكەن. ئۇنۇڭ ئېغىرلىقى يۇپىتېر (Jupiter) نىڭ 11 ھەسسىگە ھەم ئۇنىڭ ئانا يۇلتۇز بىلەن بولغان ئارىلىقى يەر شارى بىلەن قۇياش ئارىلىقىنىڭ 650 ھەسسىگە توغرا كېلىدىكەن.

ئاسترونومىيە ئالىملىرىنىڭ بۇ زور پلانېتاغا قىزىقىشى، بۇ پلانېتانىڭ مەۋجۇتلۇقىنى ھازىرقى ئاسترونومىيە نەزەرىيىسى ئارقىلىق چۈشەندۈرۈشكە بولمايدىكەن.

ئاسترونومىيە نەزەرىيىسىدە، يۇلتۇزنى ئايلىنىدىغان پلانېتا ئۇنۇڭغا يېقىن بولىدىكەن. مەسىلەن يەر شارىغا ئوخشاش. يەر شارىغا ئوخشاش پلانېتىلار يۇلتۇزنىڭ ئەتراپىدىكى قويۇقلاشقان چاڭ توزاڭ بىلەن گازلارنىڭ ئىپتىدائىي دىسكاسى (Disk) ئارقىلىق پەيدا بولىدىكەن. بىراق بۇ پلانېتا ئانا يۇلتۇزدىن بەكمۇ يىراق بولغاچقا بۇنداق زور پلانېتا ھاسىل بۆلىشى ئۈچۈن كېتىدىغان تېزلىك بەكمۇ ئاستا بولۇپ، يۇقىرىدىكى نەزەرىيىنى قوللانغىلى بولمايدىكەن. شۇنىڭ ئۈچۈن يۇلتۇزدىن بەك يىراقلىقتا ئايلىنىپ يۈرگەن بۇ زور پلانېتا، پلانېتا ھاسىل بولىدىغان دەسلەپكى دىسكانىڭ پارچىلانغان ماددىلىرى ئارقىلىق پەيدا بولغان بۆلىشى مۇمكىن دەپ پەرەز قىلىنغان. بىراق  قۇياش سىستېمىسىنىڭ دەسلەپكى ھاسىل بولۇش جەريانىدا، دىسكادىن پارچىلانغان ماددا، بۇنداق زور پلانېتىنى ھاسىل قىلىش ئۈچۈن يېتەرلىك ماسسىغا ئىگە دەپ پەرەز قىلىش مۇمكىن ئەمەس ئىكەن.  شۇڭا بۇ بايقاش ئاسترونومىيە ئالىملىرىغا قارىتىلغان چوڭ بىر جەڭ ئىكەن.

تېخىمۇ كۆپ ئۇچۇرلارغا ئېرىشمەكچى بولسىڭىز تۆۋەندىكى ئۇلىنىشنى چېكىڭ.

http://www.astronomy.com/news/20 ... t-shouldnt-be-there

mustapa222

دېمەك ئالەمدىكى تېخى بايقالمىغان يېڭى پىلانىتلارنىڭ ھەممىسى ئىنسانلار ئوتتۇرىغا قويغان ئاسترونومىيە نەزەرىيىسىگە بويسۇنىشى ناتايىن ئىكەن-دە...بۇ يېڭى تېمىڭزغا رەھمەت تاشپولاتكا!

ziya

ياخشى،بۇ پىلانتا،سەرگەردان يۇلتۇزلار،...سەرگەردان قارا ئۇڭكۇر قاتارلىقلارنىڭ ھەممىسى شۇڭغىچە شەكىللەنگەن ئاسىتىرونۇمىيە،ئالەمشۇناسلىققا ئائىت بىلىملىرىمىزنىڭ چەكلىمىلىككە ئىگىلىگىنى ئىسپاتلاۋاتىدۇ.

vmvt

تاشپولاتكام ۋە بىلىمخۇمار ئاكىمىزنىڭ ، كائىناتتىكى زور بايقاشلاردىن  بىزنى ئەڭ تېز سۈرئەتتە خەۋەرلەندۈرۈپ تۇرىشىدىن پەخىرلىنىپ كىتىمەن دىسە...بىزنىڭ ئىشخانىدىكى ،يېڭىلىقلار كۆزىدىن قېچىپ قۇتۇلالمايدىغان ئەڭ بىلىملىك قېرى يولداشمۇ، مەندىن نەچچە كۈن ھەتتا بىرەر ھەپتە-ئاي بولغاندا بۇ خەۋەرلەرنى باشقىلارنىڭ ئاڭلاش-ئاڭلىماسلىقى بىلەن كارى يوق ھالدا كۈچەپ سۆزلەپ كىتىشىگە قاراپ ،ئىچىمدە‹ يائاللا مۇشۇنىڭدا بولسىمۇ ئالدىڭغا چىقىپتىمەن› دەپ ئويلاپ كىتىمەن...مازاق قىلماڭلار ھە...

kuxlan

بۇ قانداق ئىش بولۇپ كەتتى ئەمدى؟
ئاللاھ خالىغان ئىش بولىدۇ. بارلىق مەدھىيە ماختاشلار ئالەملەرنىڭ پەرۋەردىگارى ئاللاھقا خاستۇر.

بىرەر مۆجىزە ياكى ئادەمنى ھەيران قالدۇردىغان نەرسىلەرنى كۆرگەندە ئاڭلىغاندا ئاللاھنى ياد ئېلىش كېرەك دەپ قارايمەن.

uyghun

ziya يوللىغان ۋاقتى  2013-12-12 17:15
ياخشى،بۇ پىلانتا،سەرگەردان يۇلتۇزلار،...سەرگەردان قار ...

بۇ سىلە ئۈچۈن بىر خوش خەۋەر.

ziya

uyghun يوللىغان ۋاقتى  2013-12-12 21:31
بۇ سىلە ئۈچۈن بىر خوش خەۋەر.

شۇنداق،بۇنداق خەۋەرلەر قۇلۇقۇمغا بەك خۇش ياقىدۇ.

boran0998

vmvt يوللىغان ۋاقتى  2013-12-12 20:07
تاشپولاتكام ۋە بىلىمخۇمار ئاكىمىزنىڭ ، كائىناتتىكى زو ...

مازاق قىلمايمىز، ئىچىمىز كۆيۈۋاتىدۇ