ئۈرۈمچىنىڭ تاۋار ئۆي ئوتتۇرىچە باھاسى ھەر كۋادرات مېتىرى 7481 يۈەن

makit

ئۈرۈمچىنىڭ نۆۋەتتىكى تاۋار ئۆي ئوتتۇرىچە باھاسى

   9-دېكابىر، سوخۇ قىزىق نۇقتا تور بىتى ئېلان قىلغان تەكشۈرۈش دوكلاتىدا كۆرسىتىلىشىچە، 11-ئايدا، ئۈرۈمچى شەھىرىدىكى تاۋار تاۋار ئۆينىڭ ئوتتۇرىچە باھاسى ھەر كۋادراتى 7481 يۈەنگە يەتكەن. دوكلاتتا كۆرسىتىلىشىچە، 11-ئايدا، ئۈرۈمچى شەھىرىدىكى تاۋار ئۆينىڭ ئوتتۇرىچە باھاسى ھەر كۋادراتى 7481 يۈەنگە يېتىپ، ھالقىما نىسبەتتە %1.49 ئاشقان، ئوخشاش نىسبەتتە %14.9 ئاشقان، پۈتۈن مەملىكەتتىكى شەھەرلەر ئىچىدە ئۆي باھاسى جەھەتتە 40-ئورۇندا تۇرغان، غەربى شىمال رايوندىكى ئۆلكە شەھەر ئىچىدە 2-ئورۇندا تۇرغان، 1-ئورۇندا تۇرىدىغىنى لەنجۇ بولۇپ، بۇ يەردىكى ئۆينىڭ ھەر كۋادراتى 8479 يۈەنگە يەتكەن، شىئەندىكى ئۆي باھاسى ھەر كۋادراتى 7244 يۈەنگە يەتكەن. كەسپى خادىمنىڭ ئانالىز قىلىشىچە، يېقىنقى بىر نەچچە يىلدا، ئۈرۈمچى شەھىرىنىڭ ھالقىما خاراكتېردىكى تەرەققىياتىغا ئەگىشىپ، بارغانسېرى كۆپىيىۋاتقان ئىچكىرى ئۆلكىلەردىكى كارخانىلار ئاستا ئاستا شىنجاڭغا كېلىپ تۈرنى كېڭەيتكەن.
   تاۋار ئۆي تۈرى بولسا كۈندىن كۈنگە كۆپىيىپ، شەھەرنىڭ قىياپىتى ئۈزلۈكسىز ئۆزگىرىپ، يول ياساشقا مۇۋاپىق تۇر قۇرۇلۇشى، كىشىلەرنىڭ ئولتۇراقلىشىش تۇرمۇش تەلىپى ئۈزلۈكسىز يۇقىرى كۆتۈرۈلۈپ، شەھەر مۇھىتىنىڭ ياخشىلىنىشىغا ئەگىشىپ، ئۈرۈمچى شەھىرى «خەلقئارالاشقان چوڭ مەركىزى شەھەر» ئورنىغا قاراپ ماڭغان، بۇ ئەھۋاللارنىڭ ھەممىسى ئۈرۈمچى شەھىرىدىكى ئۆي باھاسىنى ئۆرلەتكەن ئاساسلىق ئامىللارنىڭ بىرى بولغان. ئۈرۈمچىدىكى ئالتە چوڭ رايون ئىچىدە، 11-ئايدا ئۆي باھاسى ئوخشاش نىسبەتتە ئۆرلەش دەرىجىسى ئەڭ چوڭ بولغىنى شىمىگو رايونى بولۇپ، ئوتتۇرىچە باھاسى ھەر كۋادراتى 7852 يۈەنگە يېتىپ، ھالقىما نىسبەتتە %6.12 ئاشقان، ئوخشاش نىسبەتتە %19.64 ئاشقان.
    دوكلاتتا كۆرسىتىلىشىچە، 2013-يىلىنىڭ كېيىنكى يېرىمىدا، ئۈرۈمچى شەھىرىدىكى تاۋار ئۆينىڭ باھاسى ئۈزلۈكسىز ئۆرلەپ، 6-ئايدا، ئوتتۇرىچە باھاسى ھەر كۋادراتى 6985 يۈەنگە، 7-ئايدا، 7108يۈەنگە، 8-ئايدا، 7126 يۈەنگە، 9-ئايدا، 7237يۈەنگە، 10-ئايدا، 7371 يۈەنگە، 11-ئايدا ئۆي باھاسى 7418 يۈەنگە يەتكەن. ئۆتكەن 11-ئايدا، ئۈرۈمچىدىكى ئۆينىڭ باھاسى ھەر كۋادراتى 6511 يۈەن بولغان.

KAMRAN1

نىمىدىگەن قىممەت.  بېيجىڭدىن 100كىۋادىرات مىتېرلىق ئۆيدىن بىرنى سېتۋېلىش ئۈچۈن ھەر ئايدا 3000 يۈەندىن مۇئاش ئېلىپ،يەپ-ئىچىپ، نورمال تۇرمۇش كەچۈرۈپ، كىسەل بولمىسا تاڭ سۇلالىسىدىن باشلاپ ھازىرغىچە  ئىشلىسە ئاندىن بىر ئۆي ئالالايدۇ دەپ ئاڭلىغانتىم. قارىغاندا بىزنىڭ ئۈرۈمچىمۇ يېتىشىپ قالىدىغان ئوخشايدۇ.

706

مانا قۇيمىچىلىك باشلاندى

begir

كورلىغا كەلمەمسىلەر ھەي باللا ! ئۆي ئەرزان ، سودا پۈرسىتى ھەر جايدا تېپىلىپ تۇرىدۇ ، سىياسەت جەھەتتىنمۇ سىزنى يۆلەيدىغان تۈرلەر بار . ئەڭ مۇھىمى ئادەم يەكلىمەيدۇ ، مېھرى ئىللىق ھەم گۈزەل شەھەر بۇ .

budunya

ئۆي باھاسى ھەممىلا يەردە ئوخشاش ئۆسۈۋاتىدۇ.........

زىرەك

قەۋەتلىك ئۆيلەر سىلىنغاندا ئۆيلەر دەششەت ئەرزانلايدۇ دەۋاتاتتى ھەممىسى قۇرۇق گەپلىكى ئىسپاتلاندىغۇ ئەنە .ھۆكۈمەت جانلىق تەدبىر قوللانمىسا پات ئۆتمەي نامراتچىلىققا قايتىشىمىز ئىنىق !!!

yusup823

ئۈرۈمچىدە ئۆي ئېلىش تەس ئەمەس ، پەقەت سىز 3000 يۈەن مائاش ئالسىڭىز ، بىر يىلدىلا بىر ئۆي ئالالايسىز . قانداق قىلپ دەمسىز ؟ ئەمسەقۇلاق سىلىڭ ھە .
1. تاماكا ھاراقتى يىراق تۇرسىڭىز ئايدا 300 يۈەن تىجەپ قالالايسىز .
2. 3000 يۈەن مائاشتىن ھەر ئايدا 1500 يۈەننى بانكىغا قويسىز .
3. كىيىم - كىچەكنى ئاز ئالسىز ياكى ئالمايسىز .
4. باشىقىلار بىلەن باردى كەلدى قىلمايسىز .
مۇشۇنداق بولغاندا سىز ئايدا 1000 يۈەن خراجەت قىلغان بولسىز ، يىلدا 20 مىڭ يۈەن بانكىغا قۇيالايسز ......
ئارقىدىن ئاتا- ئانىڭىز ئۈرۈمچىگە سىزنى كۆرگىلى كىلىدۇ ، ئۇلارغا دەردڭىزنى بىر تۆكسىڭىز ، بالامنىڭ كۈنى تەسكەن دەپ سىزگە 500 مىڭ يۈەنگە بىر ئۆي ئىلىپ بىرىدۇ ، شۇنىڭ بىلەن ئۈرۈمچىدە ئۆي ئېلىش ئارزۇيىڭىز بىر يىلدا ئەمەلگە ئاشىدۇ ......
چاقچاق جۇمۇ بۇ . ھەرگىز بۇ خىل ئۇسۇلدا ئۆي ئىلىش كويىدا بولماڭ .

sewriyar

ھۆكىمەت زور كۈچ بىلەن نۇرغۇن  كاپالەت   ئويلەرنى سالغاندىلا  ئۆي باھاسىنى تىزگىنلىگىلى بولۇدۇ دەۋاتقان .
لېكىن ھازىر ئۈرۈمچى بىرىچى دەرىجىلىك شەھەرلەر دەرىجىسىگە يېتىپ قالاي دەپتۇ .ئەگەر  ئۈرۈمچى ھەقىقەتەن خەلقىئارالىق ئاكىتسىيە بازىرى بولىدىغان بولسا ،ئۈرۈمچىدە ئۆي باھاسى  يەنە ئۆسىشى مۇمكىن .