تاشپولات: مېنىڭ ئوغلۇم فىرات

TashpolatRozi

ۋەتەندىكى قېرىنداشلار مېنىڭدىن دائىم بالىلىرىمنىڭ قانداق ئوقۇۋاتقانلىقى توغرىلىق سوئال سورايدۇ. بۈگۈن بۇنىڭغا قىسقىچە جاۋاب بېرەي. مېنىڭ ئىككى بالام بولۇپ بىرى قىز ئۇ ۋەتەندە تۇغۇلغان. قىزىم ئالىي مەكتەپنىڭ ئىختىساس فاكۇلتېتىنى پۈتتۈرۈپ ھازىر خىزمەتچىسى 30،000 دەك چوڭ بىر شىركەتنىڭ باش شتابىدا ئىشلەيدۇ. ئۇ كەلگۈسىدە كارخانىچى بولۇش ئۈچۈن تىرىشىۋاتىدۇ. ئوغلۇم ياپوندا تۇغۇلغان بولۇپ بۇ يىل ئوتتۇرا مەكتەپنىڭ 9-سىنىپىدا ئوقۇۋاتىدۇ. ئۇنىڭ دەرسىدىن سىرتقى ۋاقىتلىرىدا ئەڭ ياخشى كۆرۈپ ئوينايدىغان تەنھەرىكەت تۈرى ۋاسكېتبول  بولۇپ، ئۇ ھازىر مەن تۇرۇۋاتقان شەھەردىكى بىر ۋاسكېتبول كوماندىسىنىڭ خېلى ياخشى ئوينايدىغان تەنھەرىكەتچىسى.

2014-يىلى 2-ئاينىڭ 24-كۈنى يەنى مۇشۇ دۈشەنبە كۈنى ئائىلىمىزنىڭ ئوغلىمىزدىن پەخىرلىنىدىغان كۈنى دېسەكمۇ ئارتۇق كەتمەيدۇ! ئوغلۇم ھازىر 9-سىنىپتا ئوقۇۋاتقان بولۇپ، ئۇنىڭ 2013-يىللىق كۈز مەۋسۇملۇق نەتىجىسى 4.0 (تولۇق نومۇر) بولغانلىقى ئۈچۈن مەكتەپتىن 4.0 ئاكادېمىك مۇكاپاتىنى تاپشۇرۇپ ئالدى. بىز ئائىلە بويىچە ئوغلۇم فىراتتىن پەخىرلەندۇق!

ئوغلۇم فىرات مەكتەپتە ماتېماتىكا قاتارلىق تەبىئىي پەن دەرسلىرىدە بىرىنچى بولۇپ قالماي تىل دەرسىدە ئالاھىدە ياخشى بولغانلىقى ئۈچۈن بۇ يىل مەكتەپ ئۇنى ئامېرىكا قولغا كەلتۈرمەك ئىلمى جەمئىيىتىنىڭ مۇكاپات فوندى (The United States Achievement Academy Scholarship Foundation) نىڭ دۆلەتلىك تىل ئىجتىمائىي پەن مۇكاپاتىغا (National Language Artis Award)كۆرسىتىلدى. ئەگەر ئۇ بۇ مۇكاپاتنى ئۇتۇپ چىقسا 10،000 ئامېرىكا دوللىرى بىلەن مۇكاپاتلىنىدۇ.

ئوغلۇم فىرات بۇلتۇر 8-سىنىپنى پۈتتۈرگەن بولۇپ، ئۇ ئوقۇش پۈتتۈرۈش مۇراسىمىدا تۆۋەندىكىدەك 4 مۇكاپاتقا ئېرىشكەن ئىدى.

1. كالىفورنىيە شتات كېڭەش پالاتاسى بەرگەن گۇۋاھنامە بولۇپ، ئۇ 2013 يىللىق ئەڭ مۇنەۋۋەر ئوقۇغۇچى مۇكاپاتى (Student of the Year Award)

2. مائارىپ باشلىقىنىڭ 4.0 شەرەپ تىزىملىك (Superintendent's 4.0 Honor Roll)

3. دەرس قالدۇرمىغانلىق مۇكاپاتى (Attendance Award)

4. مۇزىكا مېدال (Music/Band Medal)

iltebir107

نېمە دىگەن شەرەپلىك ئىشلار -ھە!  بىزمۇ ئىز باسارلىرىمىزنىڭ فىراتقا ئوخشاش يارملىق بۇلۇشىنى ئۈمىد قىلىمىز.

lawa0998

تاش پولات ئاكا ۋە ئۇنىڭ ئائىلىسىگە بەخىت-سائادەت تىلەيمىز، فىراتقا تېخىمۇ ئۇتۇقلار يار بولغاي-!!!

karmanshah

ئوغلىڭىزدىن تولىمۇ سۆيۈندۇم،،،،ياخشى ئاتا بولۇپسىز،،،،،،

نارات

رەھمەت تاشپولات قېرىندىشىم بالىنى ياخشى تەربىيلەپسىز بۇ مىلىتىمىزغا قىلغان زور تۆھپىڭىز ياراملىق ئەۋلات تەربىيەش مىلىتىمىزنىڭ ساپاسى بىلەن مۇناسىۋەتلىك رەھمەت سىزگە ئوغلىمىز پىراتقا ئالقىشلار بولسۇن ئۇنىڭغا ۋەتىنىدىكى دادىلىردىن ئانىلىردىن قېرىنداشلىردىن سالام يەتۆۆزىپ قويارسىز تېخىمۇ تىرىشىپ ئوقۇپ قالتىس نەتىجىلەر يارىتىپ بىزنىڭ ۋە سىزنىڭ ئۆمىدىڭىزنى ئاخلىسۇن جانابى ئاللاھ چەكسىز بەخىت ۋە ئىمان ئاتا قىلسۇن ئاىىلەڭلارنى تۆمەنمىڭ تۆرلىك بالا قازالاردىن ئامان قىلسۇن.ئامىن.....

ahgul914

يول كۆرسىتىش ئۇستازدىن،
ئەقىل تېپىش ئۆزۈڭدىن.

سىز ئوغلىڭىزغا ياخشى ئۇستاز بولغىنىڭىز ئۈچۈن ئوغلىڭىزمۇ ياراملىق بىلىم ئىگىسى بولۇپدۇ.

kamsoz

ئوغلىڭىزنىڭ نەتىنجىللىرىدىن پەخىرلەندىم .

arkim

پەخىرلىك ئالىمىمىزنىڭ پەرزەنتلىرىمۇ بىزنى پەخىرلەندۈرىۋاتىدۇ...