|
ئىسلاھات، ئېچىۋېتىش ئۇلۇغ ئىشلىرىنىڭ يېڭى تارىخىي سەھىپىسىنى يارىتىپ، ئومۇميۈزلۈك ھاللىق جەمئىيەت قۇرۇپ چىقىش، جۇڭگوچە سوتسىيالىزمنىڭ يېڭى غەلىبىسىنى ئۈزلۈكسىز قولغا كەلتۈرۈش، جۇڭخۇا مىللەتلىرىنىڭ ئۇلۇغ گۈللىنىشىنى ئىشقا ئاشۇرىدىغان جۇڭگو ئارزۇسى ئۈچۈن ئورتاق كۈرەش قىلايلى
ئەسسىلامۇ ئەلەيكۇم تورداشلار ، مەركەزدىن ، ئاپتونوم رايوندىن ئىسلاھات ئشىكىنى كەڭ ئېچىپ مەنىۋى -مەدەنىيەت قۇرۇلىشىغا ئالاھىدە كۆڭۈل بۆلۈپ ھەرخىل شەكىللەر بىلەن يوقىرى ۋە ئاساسى قاتلاملاردا كىشىلەرنىڭ مەنىۋى تۇرمۇشىنى بېيىتىدىغان تۈرلۈك پائالىيەتلەر ئۆتكۈزىلىۋاتقان پەيتلەردە باغداش مەدەنىيەت تارقىتىش شىركىتى ، باغداش تورى بۇنىڭغا ئاۋاز قوشۇش ، خەلقنىڭ مەنىۋى تۇرمۇشىنى بېيىتىش مەقسىتىدە قومۇل ۋىلايىتىدە بىر مەيدان ئىلمى بولغان لېكسىيە ئورۇنلاشتۇرۇشنى پىلانلاپ 2014-يىلى 2-ئاينىڭ 12-كۈنى قومۇل ۋىلايىتىگە بېرىپ ۋىلايەتلىك تەشۋىقات بۆلىمى مۇئاۋىن باشلىقى غۇنچەم خانىم بىلەن بۇ توغرىسىدا سۆزلەشكەن ھەم بىر پارچە دوكلات سۇنغان ، غۇنچەم خانىم دوكلاتنى تاپشۇرۋالغاندىن كېيىن بۇ پائالىيەتنى ئۆتكۈزسەك بولدىغانلىقىنى ئېيتىپ بۇ دوكلاتقا ئىمزا قويغان ئىدى.
شىركىتىمىز تەستىق ئالغاندىن كېيىن بۇ ئىشقا يۈكسەك ئەھمىيەت بېرىپ ھەرقايسى جەھەتلەردىن تەشۋىقات خىزمىتىنى ياخشى ئىشلەپ زور تىرىشچانلىق كۆرسىتىشى نەتىجىسىدە قومۇل ۋىلايىتىدە 300 دىن ئارتۇق كىشى بېلەت سېتىۋېلىپ بۇ قېتىمقى لېكسىيەنى تەقەززالىق بىلەن كۈتۈپ پائالىيەت ئۆتكۈزۈلۈشكە 3 كۈن قالغاندا بۇ قېتىمقى لېكسىيەنى دەسلەپ تەستىقلىغان تەشۋىقات بۆلىمىنىڭ مۇئاۋىن باشلىقى غۇنچەم خانىم بىزگە بۇ قېتىمقى پائالىيەتنى ئەمەلدىن قالدۇرۇشنى جىددى ئۇقتۇردى . نىمە ئۈچۈن دەسلەپ ئۆزى تەستىقلاپ يەنە ئۆزى ئەمەلدىن قالدۇرۋەتتى ، دەسلەپ چۈشەنچە بېرىپ : ھېچقانداق پائالىيەت ئۆتكۈزۈشكە بولمايدىغانلىقىنى ئېيتقان ، كېيىن بىز داۋاملىق ئالاقىلىشىپ قومۇل پۇقرالىرى ، بولۇپمۇ ئوقۇغۇچىلار ئۈچۈن زور پايدىسى بولدىغان بۇ پائالىيەتنى ئەمەلدىن قالدۇرماي بەلگىلەنگەن ۋاقىتتا ئۆتكۈزۈشنى مۇراجەت قىلغاندا ئىزچىل جىم تۇرىۋالغان .ئارقىدىن پائالىيەتكە بىر كۈن قالغاندا غۇنچەم خانىم : مەن قىلماڭلار دىمىدىم . رەسمىيەت تولۇق ئەمەس ، دىگەن جاۋاپنى بەرگەن ، ھەمدە قانداق رەسمىيەت كېرەك ، نىمە ماتىرىياللار كېرەك بىز قىلايلى دىگەن سوئالغا جاۋاپ بەرمىگەن ،ئەگەر راستىنلا رەسمىيەت تولۇق بولمىسا نىمە ئۈچۈن دەسلەپتە ئېيتمايدۇ ، بىر ئورگاننىڭ رەھبەرلىك ۋەزىپىسىنى ئۆتەۋەتقان ئادەم نىمە ئۈچۈن رەسمىيەت تولۇق بولمىسا دەسلەپتە تەشۋىقات بۆلىمىگە ۋاكالىتەن ئىمزا قويۇپ بۇ پائالىيەتنى تەستىقلايدۇ . ئارقىدىن ئۆتكۈزمەسلىكنى ئۇقتۇرۇپ بىر شىركەتنىڭ نۇرغۇن كىشىلەرنىڭ ھېسىياتى بىلەن ئوينىشىدۇ .
نۇرغۇن تىرىشچانلىق قىلىپ قومۇل خەلقى تەقەززا بولىۋاتقان بىر مەيدان لېكسىيە مۇشۇنداق سەۋەنلىكلەر تۈپەيلى ئۆتكۈزۈلىشكە ئۈچ كۈن قالغاندا ئەمەلدىن قالدۇرۇلدى ،بىز ناھايىتى ئەپسوسلىنارلىق ئىچىدە بۇنىڭغا ئالاھىدە كۆڭۈل بۆلگەن ،بېلەت سېتىۋالغان تورداشلاردىن چوڭقۇر كەچۈرۈم سورايمىز . بېلەت سېتىۋالغان تورداشلارنىڭ بېلەت سېتىۋالغان ئورۇنغا بېرىپ بېلەتنى قايتۇرۇپ پۇلنى ئېلىۋېلىشىنى تۆۋەنچىلىك بىلەن سورايمىز .
ھۆرمەت بىلەن : باغداش تور بېكىتى
| 
[ئۇلانما كۆچۈرۈش]
يوللىغان ۋاقتى 2014-3-1 11:27:43
يوللىغان ۋاقتى 2014-3-1 11:46:21
