زۈبۈر تاغا قانچە قېتىم دەپنە قىلىندى؟ ئەزىز نەسىن (تۈركىيە) ئوغلانى يوللانمىسى
كىچىكلىكىمدە "زۈبەير" دىيىشكە تىلىم كەلمەي " زۈبۈر تاغا " دەيدىكەنمەن . شۇنىڭ بىلەن ئائىلە ئىچىدە ئىسمى زۈبۈر بولۇپ قالغان ئىدى .
يىللىق دەم ئېلىشىمنى زۈبۈر تاغىنىڭ يېنىدا ئۆتكۈزمەكچى ئىدىم . پويىز ئىستانسسىدىن پەيتۇنغا ئولتۇرۇپ زۈبۈر تاغىنىڭ ئۆيىگە يىتىپ بېرىشقا بەش مىنۇت قالغاندا ، ئۇ يەردىن نالە -پەريادلارنى ئاڭلىدىم .
زۈبۈر تاغا تۆمۈر يول ئىدارىسىنىڭ يەر ئاستى سىخىدا ئىشلەيتتى . شۇ كۈنى كەچقۇرۇن سىختا يىقىلىپ ئۆلۈپ كىتىپتۇ ، تۆمۈر يول دوختۇرى جەسەتنى تەكشۈرۈپ ، يۈرەك كىسىلى بىلەن ئۆلگەن دەپ مەلۇمات بېرىپتۇ .
زۈبۈر تاغىنىڭ مىېراسخورلىرى بىر-بىرى بىلەن چىقىشالمايدىغان ئىنتايىن مۇرەككەپ بەش كىشى ، يەنى ، ۋاپات بولغان دەسلەپكى خوتۇنىدىن بولغان قىزى بېرسىن بىلەن ئوغلى ئوغۇز ، ئىككىنجى خوتۇنى جەمىلە خانىم ، بۇ ئايالنىڭ باشقا ئەردىن بولغان قىزى ئاينۇر ۋە ئون ئالتە ياشلىق كەنجى ئوغلى مەتىنلەر بار ئىدى . بۇلارنى باغلاپ تۇرغان زۈبۈر تاغىنىڭ كۆزى يۇمۇلا -يۇمۇلماي . بۇ بەشەيلەن ئۆز- ئارا تۇتۇشتى . بىراق ، بۇ باشقىچە تالاش-تاتىش ئىدى . بەشىلىسى زۈبۈر تاغىنى ئۆزىنىڭ ھەممىدىن بەك ياخشى كۆرىدىغانلىقىنى ئىسپاتلاش ئۈچۈن ئۆز -ئارا بەستلىشىۋاتاتتى .
زۈبۈر تاغىدىن بىر ئۆي بىلەن بىر ئار ئۆي بىساتلىرىدىن باشقا ، بىر تىيىنمۇ پۇل قالمىغان ئىدى . بەش كىشىنىڭ ھەر بىرى مانا بۇ ئۆي بىلەن ئۆي بىساتلىرىدا ئۆزلىرىنىڭ كۆپىرەك ھەققى بارلىقىنى ئىسپاتلاش ئۈچۈن ، زۈبۈر تاغىنى قانداق ياخشى كۆرىدىغانلىقىنى كۆرسەتمەكچى بولاتتى . ئائىلىدە زۈبۈر تاغىنى كىم ھەممىدىن كۆپرەك ياخشى كۆرسە ، ئۆي بىلەن بىساتلار ئۇنىڭغا قالىدىغاندەك بىر كەيپىيات بار ئىدى .
جەمىلە خانىم ئۆزىنى ئۇرۇپ نال قىلغان ھالدا :
__ بىزنى تاشلاپ نەگە كىتىسەن ؟ __دەپ يىغلايتتى .
زۈبۈر تاغا خوتۇنىنىڭ بۇ سۇئالىغا جاۋاب بېرەلمەي ، تۆۋەنكى ئۆيدە ئاق يوپۇقنىڭ ئاستىدا پىغان بىلەن ياتاتتى .
جەمىلە خانىمنىڭ باشقا ئەردىن بولغان قىزى چاچلىرىنى يۇلۇپ ئۆزىنى تاملارغا ئۇرۇپ شۇقەدەر يىغلايتتىكى ، ماڭا قويۇپ بەرسە زۈبۈر تاغىدىن قالغان ھەممە مىراسنى ، ئۇنى بۇنچە ياخشى كۆرىدىغان بۇ قىزغا بۇيرۇپ بېرەتتىم . بەشىلىسى ئوخشاشلا:
__ بىزنى تاشلاپ نەگە كەتتىڭ ؟ __ دەپ ئۈن سېلىپ يىغلىشاتتى . زۈبۈر تاغا بۇلارنىڭ ھېچقايسىسىنى ئاڭلىمايتتى -دە ...
مانا بۇ ئېچىنىشلىق ئەھۋال ئايلىنىپ كىلىپ بىر نەرسىگە ___ دەپنە مۇراسىمىغا كىتىدىغان پۇلغا مەركەلەشتى .
دەپنە مۇراسىمىنى چىرايلىق ئۆتكۈزۈش ئۈچۈنمۇ بىر مۇسابىقە باشلاندى . جەمىلە خانىم مىيىتنىڭ ھازىر ئۇزىتىلشىغا قوشۇلمايتتى . ھېچ بولمىغاندا ئۆيدە بىر كىچە قوندۇرغىسى بار ئىدى . ئوغۇز ئۆگەي ئانىنىڭ بۇ تەكلپىگە ناھايتى خاپا بولدى . ئۇنىڭچە ،بىر كىچە ئەمەس ، مەرھۇم ئاتىسىنى ئۆز كارۋىتىدا ئىككى كىچە ياتقۇزۇۋالغۇسى بار ئىدى . ئاينۇر ئىككى كىچىنىمۇ ئاز كۆردى. ئۇنىڭ ئۆگەي دادىسىنى ئۈچ كىچە قوندۇرغۇسى بار ئىدى . مەرھۇمنى دەپنە قىلماسىلىق مومكىن بولمىغاچقا ، باشقا بىر تەكلىپ بىلەن كەينىگە سۈرەلمىدى .
ئۇنىڭدىن كىيىن ، مەرھۇمنىڭ بېشىدا تۇرىدىغان مۇھاپىزەتچىلەرنىڭ سانى ئۈستىدە يېڭى بىر تالاش-تارتىش باشلاندى . مەتىن بىر مۇھاپىزەتچىنى ئاز كۆردى . ئۇنىڭ قارىشىچە ، ئۆگەي ئانىسى ئۆزلىرىگە يوغان بىر ئۆينى قالدۇرۇپ كەتكەن ئاتسىغا پىقسىقلىق قىلىۋاتاتتى . جنازا ئېلىپ مېڭىلغىچە دادىسىنىڭ بېشىسدا ئىككى مۇھاپىزەتچى تۇرۇشى كىرەك ئىدى . ئاينۇر ئىككى مۇھاپىزەتچىنىمۇ ئاز كۆردى ، بىرسېن مۇھاپىزەتچىلەرنىڭ سانىنى بەش بولسۇن دېدى .ئۇنىڭچە بەش مۇھاپىزەتچى ئۇنىڭ بېشىدا تۇرۇشى كىرەك ئىدى .
زۈبۈر تاغىنىڭ دەپنە مۇراسىمىنىڭ بىر يوقسۇلنىڭ دەپنە مۇراسىمىدەك ئۆتكۈزۈلشىنى ھېچقايسىسى خالىمايتتى . ھەممەيلەن بىر - بىرىنىڭ دىگىنىنى ئاز كۆرەتتى .
يېقىن تۇغقان بولغانلىقىمدىن ، بۇ ئەھۋالدا ئۇلارنى تاشلاپ كىتەلمەيتتىم . زۈبۈر تاغامغا كەم ئۇچىرايدىغان كاتتا دەپنە مۇراسىمى ئۆتكۈزۈلدى . جىنازا شەھەرلىك ھۆكۈمەتنىڭ ھەشەمەتلىك مېيىت ماشىنىسىغا سېلىنغاندىن باشقا ، يىگىرمە ماشىنا كىرا قىلىندى . ئوتتۇزچە قارىي تۇپراق بېشىدا يېرىم كۈن قۇرئان ئوقۇدى . ئائىلىدىكىلەرنىڭ ھەر بىرى قىممەت باھالىق گۈل چەمبىرەك ياستىشتىمۇ بىر-بىرىدىن كىيىن قالمىدى .
بۇلارنىڭ ھەممىدى قەرىزگە قىلىنغانلىقتىن ، ئەمدى گەپ قەرىزلەرنى تۆلەشكە كەلدى .ئۆي سېتىلىپ ئالدى بىلەن قەرىزنى تۆلەپ ،قالغان پۇل تەقسىم قىلىنغان بولدى . ئىككى قەۋەتلىك ئۈچ ھۇجىرلىق كونا ،كىچىك ئۆي ئون مىڭ لىرا باھالاندى . بۇ ئۆي سودىسى بولۇۋاتقاندا يەنە بىر ئش يۈز بەردى . زۈبۈر تاغىنى دەپنە قىلىشتا ھۆكۈمەت دوختۇرىدىن "دەپنە ئىجازىتى " ئېلىنمغان ئىكەن . تۆمۈر يول دوختۇرىنىڭ مەلۇماتى شەھەرلىك ھۆكۈمەتكە ئۆتمەيدىكەن . بۇ ئەھۋالدا زۈبۈر تاغىنى قەبرىدىن چىقىرىپ شەھەرلىك ھۆكۈمەت دوختۇرىغا تەكشۈرتۈشكە توغرا كىلەتتى .
زۈبۈر تاغىنىڭ قەبرىدىن چىقىرىلىپ ئۆيگە ئېلىپ كىلىنىشى يېڭى بىر "ياخشى كۆرۈش" ئويۇنىغا سەۋەب بولدى . زۈبۈر تاغا ئىككىنجى قېتىم ئۆلگەندەك ، يېڭىۋاشتىن يىغلاش -قاقشاش باشلاندى . جەمىلە خانىم قەبرىدىن چىقىرىلغان زۈبۈر تاغىنى دوختۇرنىڭ چوقۇم ئۆيدە تەكشۈرشىنى تەلەپ قىلىپ تۇرىۋالدى ، مېيىت دەپنە قىلىنىپ تۆت كۈندىن كىيىن شەھەرلىك ھۆكۈمەت خادىملىرى بىلەن بىللە قەبرىستانلىققا باردۇق . زۈبۈر تاغىنىڭ جەسىتىنى قەبرىدىن چىقىرىپ ئۆيگە ئەكىلىپ ياتاق ھۇجىرسىغا قويدۇق .
مەنبە : ئەدەبىي تەرجىمىلەر
تەرجىمان : توختى تىللا
داۋامى بار
| 
يوللىغان ۋاقتى 2014-3-9 13:38:08
