سېھىرلىك كۇب__ئوينىيالامسىز؟(مانا ئويناپ بېقىڭ)

iwirgholl

سېھىرلىك كۇب يەنە رۇبىك كۇبى دەپمۇ ئاتىلىدۇ.1974-يىلى ۋېنگىرىيە بۇداپېشت بىناكارلىق ئىنىستىتۇتىدىكى ئېرن رۇبىك پىروفىسسور كەشىپ قىلغان بولۇپ، سېھىرلىك كۇبنىڭ ئالقىشقا ئېرىشىش دەرىجىسىنى ئەقلىي ئىقتىدار ئويۇنچۇقلىرى ساھەسىدىكى مۆجىزە دىيىشكە بولىدۇ.
ئۈچ ئۆگىلىك سېھىرلىك كۇبنىڭ بىر يادرو ئوقى بولۇپ،26 كىچىك كۇبتىن تەركىپ تاپقان، ئالتە مەركىزىي كۇب ھەركەتلەنمەي مۇقىم تۇرىدۇ، قالغان كۇبلارنىڭ ھەممىسى ئەركىن ئايلىنالايدۇ.ئۈچ ئۆگىلىك سېھىرلىك كۇبتىن باشقا يەنە ئىككى ئۆگىلىك، تۆت ئۆگىلىك ھەتتا ئون ئۈچ ئۆگىلىك سېھىرلىك كۇبمۇ بارلىققا كەلدى، بۇلاردىن باشقا يەنە غەيرى شەكىللىك سېھىرلىك «كۇب» لارمۇ يېڭىدىن بارلىققا كېلىشكە باشلىدى، ئۇلارنىڭ ھەممىسىنىڭ ئۆزئالدىغا قىزىقارلىق تەرەپلىرى بار. ئۇلارنىڭ ئورتاق ئويناش ئۇسولى قالايمىقانلاشتۇرۇلغان رەڭلەرنى ئوخشاش رەڭ قىلىپ رەتلەپ چىقىش. مۇتەخەسسىسلەرنىڭ مۆلچەرلىشىچە بىر ئۈچ ئۆگىلىك سېھىرلىك كۇبنىڭ ھەرخىل ئاڭلىنىش ئۇسول سانىنى(قايتىلانماس شەكىلنى ھېسابلىغاندا)43，252，003，274，489，856，000 يەنى 4.3×10^19 بولۇپ ئەگەر سېھىرلىك كۇبنى سىكۇنتتىغا 3 قېتىم ئايلاندۇرساق 454 مىليارد2 يۈز مىليون يىلدا ئاندىن بارلىق ئۆزگىرىش شەكىللىرىنى ئايلاندۇرۇپ بولغىلى بولىدىكەن، بۇ ھازىر مۆلچەرلەنگەن ئالەمنىڭ يېشىدىن تەخمىنەن 30 ھەسسە كۆپ.
                                                         

  
                              

  

ئەينى چاغدا ئېرن رۇبىك پروفىسسورنىڭ سېھىرلىك كۇبنى كەشىپ قىلىش مەقسىدى پەقەت ئوقۇغۇچىلىرىنىڭ بوشلۇق تەپەككۇرىگە ياردەم بېرىدىغان ئوقۇتۇش قۇرالى ياساش ئىدى. ئەمما بۇ كىچىك كۇبلارنى ئەركىن ئايلىنالايدىغان ھەمدە چېچىلىپ كەتمەيدىغان قىلىپ چىقىش ئۇنداق ئاسان ئىش ئەمەس ئىدى. سېھىرلىك كۇب پۈتۈپ چىققاندا بولسا ئۇ كۇبنى بىر نەچچىنى ئايلاندۇرغاندىن كېيىن، قالايمىغانلاشتۇرۇلغان رەڭلەرنى قانداق قىلىپ ئەسلىگە كەلتۈرۈشنىڭ بەكلا قىزىقارلىق ھەم ئاسان ئىش ئەمەسلىكىنى ھېس قىلدى. رۇبىك شۇنىڭ بىلەن بۇ خىل ئويۇنچۇقنى كۆپلەپ ئىشلەپچىقىرىش قارارىغا كەلگەن. سېھىرلىك كۇب كەشىپ قىلىنغاندىن كېيىن ئۇزاق ئۆتمەيلا پۈتۈن دۇنياغا كەڭ تارقالغان، كىشىلەر بۇ كىچىك كۇبلاردىن تۈزۈلگەن نەرسىنىڭ چەكسىز سېھرىي كۈچكە ئىگە ئىكەنلىكىنى بايقىغان.
سېھىرلىك كۇب 80-يىللاردا كەڭ ئالقىشقا ئېرىشكەن.1980-يىلدىن1982-يىلغىچە تەخمىنەن 2مىليون دانە سېھىرلىك كۇب سېتىلغان.1981-يىلى ئەنگىلىيلىك كىچىك بالا Patrick Bossert يازاغان «سىزمۇ سېھىرلىك كۇبنى ئەسلىگە كەلتۈرەلەيسىز» ناملىق كىتاب تەخمىنەن بىر مىليون 500مىڭ پارچە سېتىلغان. سېھىرلىك كۇبنىڭ غايەت زور سودا پۇرسىتىنى كۆرگەن رۇبىك ۋە ئۇنىڭ ھەمكارلاشقۇچىلىرى ئىككى ئۆگىلىك ۋە تۆت ئۆگىلىك سېھىرلىك كۇبنى بازارغا سېلىپ ئوخشاشلا غەلبە قىلغان.1980-يىلى فۇدەن ئۇنۋېرستىتىدىكى لى شىياڭجى پروفىسسور سېھىرلىك كۇبنى جۇڭگوغا ئېلىپ كىرگەن. جۇڭگودىمۇ ئەينى چاغدا قاتتىق ئالقىشقا ئېرىشكەن. خۇددى ھازىرقى بالىلار ئېلىكترونلۇق ئويۇنچۇققا قىزىققاندەك سېھىرلىك كۇب بالىلارنىڭ قولىدىن چۈشمەيدىغان ئويۇنچۇققا ئايلانغان. ئەمما ئىسلاھات ئېچىۋېتىشتىن كېيىن باشقا يېڭىچە ئويۇنچۇقلارنىڭ بارلىققا كېلىشى بىلەن سېھىرلىك كۇبنىڭ بالىلار قەلبىدىكى سېھرىي كۈچى بارغانچە ئاجىزلىشپ كەتكەن. يېقىنچى يىللاردىن بۇيان جۇڭگودىكى نۇرغۇن غەيرىي رەسمىي تەشكىلاتلارنىڭ تىرىشىشى بىلەن سېھىرلىك كۇبقا بولغان كۆز قاراش ئاستا-ئاستا ئۆزگەرمەكتە. سېھىرلىك كۇب كىچىك بالىلارنىڭلا ئويۇنچۇقى ئەمەس، ئۇ بىرخىل كۆڭۈل ئېچىش ھەم تەنتەربىيە مۇسابىقە تۈرى. ئۇنىڭ جەڭ ئېلان قىلىش خاراكتىرىدىكى بىر قوللاپ تۈزەش، كۆزنى ئېتىپ تۈزەش قاتارلىق مۇسابىقە تۈرلىرى تېخىمۇ كۆپ كىشىلەرنى ئۆزىگە تارتماقتا.
 ھەرخىل ئويناش ئۇسوللىرىنىڭ دۇنيا رېكۇرتلىرى تۆۋەندىكىچە:
تېز سۈرئەت ئۇسولى: ئۈچ ئۆگىلىك سېھىرلىك كۇبنىڭ 6.24 سىكۇنت 2011-يىلى ئاۋۇسترالىيە، 14 ياشلىق Feliks Zemdegs ياراتقان؛
تۆت ئۆگىلىك سېھىرلىك كۇبنىڭ 31.05 سىكۇنت 2011-يىلى ئاۋۇسترالىيە، Feliks Zemdegs ياراتقان؛
بەش ئۆگىلىك سېھىرلىك كۇبنىڭ 1مىنۇت 1.59 سىكۇنت 2011-يىلى ئاۋۇسترالىيە، Feliks Zemdegs ياراتقان.
كۆز ئېتىپ تۈزەش: ئۈچ ئۆگىلىك سېھىرلىك كۇب 30.90 سىكۇنت 2010-يىلى موسكۋا Alejandro Orozco Casillas ياراتقان.
بىر قوللاپ تۈزەش: ئۈچ ئۆگىلىك 11.16 سىكۇنت 2011-يىلى ئاۋۇسترالىيە Feliks zemdegs ياراتقان.
پۇت بىلەن تۈزەش: ئۈچ ئۆگىلىك 31.56 سىكۇنت 2011-يىلى فىللاندىيە Anssi Vanhala ياراتقان.
ئەڭ ئاز قەدەمدە تۈزەش: 22 قەدەم 2009-يىلى بېلگىيە Jimmy Coll ياراتقان.

سىزنىڭمۇ بۇ سېھىرلىك ئويۇنچۇقنى ئويناپ باققىڭىز بارمۇ؟ ئۇنىڭ ئاددىي ئويناش ئۇسولىنى رەتلەۋاتىمەن، كىيىنكى قېتىم يوللاپ قوياي.

zarbidar

مەنمۇ ئوينىيالايمەن،  بەك ياخشى نەرسە جۇمۇ بۇ، گەرچە بەك تېز قىلالمىساممۇ سىز گە جەڭ ئېلان قىلىمەن.

iwirgholl

بۇ مەزمۇن 1قەۋەتتىكى zarbidarدە2011-06-22 19:01يوللىغان يازمىسىغا نەقىل :
مەنمۇ ئوينىيالايمەن،  بەك ياخشى نەرسە جۇمۇ بۇ، گەرچە بەك تېز قىلالمىساممۇ سىز گە جەڭ ئېلان قىلىمەن.   

 جەڭنامىڭىزنى قوبۇل قىلدىم....

iwirgholl

1.سېھىرلىك كۇبنىڭ تۈزەش ئۇسولىنى ئۆگىنىشتىن بۇرۇن ئاساسىي نۇقتىلارنى ياخشى ئىگەللىشىمىز كېرەك. يەنى يۈز، قۇر، بۇلۇڭ، بۇرجەك، مەركەز قاتارلىق.بۇلۇڭ، بۇرجەك، مەركەزنى رەسىمدىن كۆرۈڭ

يۈزــــ ھەربىر تەرەپتىكى توققۇز كىچىك كۇب بىر يۈز بولىدۇ، قۇرـــــ ھەربىر قاتار ئۈچ كۇب بىر قۇر بولىدۇ.
2.سېھىرلىك كۇب تۈزەش فورمىلىسىدىكى بەلگىلەر
F = front face  ئالدى يۈز، B = back face كەينى يۈز،  L = left face سول تەرەپ يۈز، R = right face ئوڭ تەرەپ يۈز، U = up face ئۈستى يۈز، D = down face ئاستى يۈز.
ھەربىر ھەرىپ يالغۇز كەلگەندە ۋەكىللىك قىلغان شۇ يۈزنى سائەت ئىستىرىلكىسى يۆنىلىشى بويىچە 90 گرادوس يەنى بىر قېتىم ئايلاندۇرىمىز؛ ھەرىپنىڭ كەينىدە سان بولسا يەنى F2 دىگەندەك، سائەت ئىستىرىلكىسى يۆنىلىشى بويىچە 180 گرادوس يەنى ئىككى قېتىم ئايلاندۇرىمىز؛ ھەرىپنىڭ ئوڭ ئۈستى تەرەپتە پەش بولسا يەنى `F سائەت ئىستىرىلكىسى قارشى يۆلىنىشتە ئايلاندۇرىمىز. بۇلار تۆۋەندە تونۇشتۇرماقچى بولغان ئاددىي ئۇسولدا ئىشلىندىغان بەلگىلەر، بۇلارنى بىلىۋالغاندىن كېيىن باشقا مۇرەككەپ (يوقۇرى دەرىجە) ئۇسوللىرىنىڭ ئازراق ئوخشىماسلىقلىرىنى ئاسانلا بىلىۋالغىلى بولىدۇ.
 
ئۈچ ئۆگىلىك سېھىرلىك كۇبنى تۈزەش فورمىلىسى
ئاساسلىق ئۇسولنىڭ ئاددىي سېخىمىسى تۆۋەندىكى رەسىمدىكىدەك:
 

1-باسقۇچ:1-قۇر بۇرجەكنى توغرىلاش(يەنى ئاستىنقى يۈزنى كىرست شەكلىگە كەلتۈرۈش، ئاستىنقى 1-قۇرنىڭ بۇرجەكلىرىنى توغرىلاش)

ئاستىنقى يۈزنى كىرستقا كەلتۈرۈشنى ئۆزىڭىز ئاستا-ئاستا ئۆگىنىۋالسىڭىز بولىدۇ، بۇ يەردە دىققەت قىلىشقا تىگىشلىكى 1-قۇرنىڭ بۇرجەكلىرىنى توغرىلىغاندا ئوڭ،سول،ئالدى،كەينىدىكى رەڭلەرنىڭ توغرا كېلىشىگە دىققەت قىلىش كېرەك.ئادەتتە ئۆلچەملىك سېھىرلىك كۇبنىڭ مۇقىم رەڭگى: قارمۇ-قارشى يۈزلەرنىڭ رەڭگى، ئاق ـــ سېرىق، كۆك ـــ يېشىل، قىزىل ـــ قىزغۇچ سېرىق بولىدۇ. ئادەتتە تۈزەش فورمىلىلىرى ئاق يۈزنى ئاستىنقى يۈز قىلىپ تۇرۇپ چۈشەندۈرۈلىدۇ. بۇنداق بولغاندا 1-باسقۇچتا ئاستىنقى ئاق يۈزنى كىرىست شەكلىگە كەلتۈرۈش بىلەن تەڭ ئەتىراپتىكى تۆت رەڭگىمۇ توغرىلىنىشى كېرەك.
2-باسقۇچ:1-قۇر بۇلۇڭنى توغرىلاش(1-قۇرنىڭ قالغان تۆت بۇلۇڭىدىكى رەڭنى توغرىلاش)
سېھىرلىك كۇبنىڭ ئاستىنقى تۆت بۇلۇڭى توغرىلانغاندىن كېيىن تەتۈر T شەكلىگە كېلىدۇ، رەسىمدىكىدەك. بىز ئالدى بىلەن 2-1،2-2 رەسىمگە قارايلى،ئالدى بىلەن نىشان قىلىنغان كۇبچىنىڭ ئالدىنقى يۈز ئۈستۈنكى قۇردىكى ئورنىنى مۇقىمدايمىز، ئاندىن ئاق رەڭنىڭ قايسى تەرەپكە قارايدىغانلىقىغا قارايمىز، شۇنىڭ بىلەن تۆۋەندىكى بىر قانچە خىل شەكىلنى ئاسانلا ئەسلىگە كەلتۈرەلەيمىز.

3-باسقۇچ:ئوتتۇرا بۇرجەكنى توغرىلاش(2-قۇرنىڭ تۆت بۇرجىكىنى توغرىلاش)

ئوتتۇرىقى قۇردا بۇلۇڭ كۇبچىلىرى بولمايدۇ، شۇڭا ئەسلى 1-باسقۇچتا توغرىلىنىپ بولغان مەركەز كۇبچىنى ئاساس قىلىپ تۇرۇپ تۆت بۇرجەكنى توغرىلىساقلا بولىدۇ.1-2،3-3 رەسىمدە كۆرسىتىلگىنى دائىم ئوچرايدىغان شەكىللەر. بۇ يەردە تونۇشتۇرۇلدىغىنىمۇ ئاساسلىق موشۇ ئىككى خىل شەكىلنى تورغىلاش ئۇسولى. ئىككى فورمىلىدىكى ئوخشىماسلىقنى سېلىشتۇرساق قەدەم باسقۇچى كۆپ بولغان بىلەن ئەستە ساقلاش ناھايىتى ئاسان. 301-رەسىمدىكىدەك ئەھۋالغان يولۇققاندا 1-3ياكى2-3 -فورمىلىنى خالىغانچە بىر قېتىم ئورۇنلىساقلا نىشان كۇبچە ئۈستۈنكى قۇر بۇرجەككە چىقىدۇ، يەنى 301-رەسىمدىكى ئۈستۈنكى بۇرجەكتىكى خالىغان بىر كۇبچىنى 1-3 ياكى2-3 فورمۇلا ئارقىلىق ئوتتۇرا قۇر بۇرچەككە كەلتۈرىمىز دىگەن گەپ.
4-باسقۇچ:ئۈستۈنكى قۇر بۇرجەكنى توغرىلاش(ئۈستۈنكى يۈزنى كىرىست شەكلىگە كەلتۈرۈش)

ئاستىنقى ئىككى قۇر ئەسلىگە كېلىپ بولغاندىن كېيىن ئەڭ ئۈستۈنكى قۇردىكى بۇرجەكنى توغرىلايمىز. يەنى ئۇستۈنكى قۇر بۇرجەكتىكى كۇبچىنىڭ ئۇستۈنكى يۈزگە قارىغان رەڭگىنى ئۈستۈنكى يۈز مەركىزىي كۇب (سېرىق) رەڭگى بىلەن توغرىلايمىز(بۇرجەك كۇبچىنىڭ 3-قۇر تۆت تەرەپتىكى رەڭگىنى بۇ باسقۇچتا ئېتىبارغا ئالمايمىز، ئۈستۈنكى يۈز كىرىست شەكلىگە كەلسىلا بولىدۇ)، كىرىستقا كىلىپ بولغان بولسا بۇباسقۇچنى قالدۇرۋېتىمىز.
بۇ باسقۇچتا بىر فومۇلا ئارقىلىقلا ئۈستۈنكى يۈزنى كىرستقا كەلتۈرەلەيمىز،سىزنىڭ ھازىرقى شەكلىڭىز1-4 دە كۆرسىتىلگەن بولسا 4-فورمىلىنى بىر قېتىم ئىشلەش ئارقىلىقلا بۇ باسقۇچ ئورۇنلىندۇ.2-4 دىكى شەكىل بولسا4-فورمىلىنى ئىككى قېتىم ئىشلەيمىز،3-4 دىكى شەكىل بولسا 4-شەكىلنى ئۈچ قېتىم ئىشلەيمىز. فورمۇلىنى ئىشلىتىشتىن بۇرۇن سېھىرلىك كۇبنىڭ قولىڭىزدىكى شەكلى چوقۇم رەسىمدىكىدەك ھالەتتە بولىشى كېرەك، يەنى 1-4رەسىمدىكى توغرىلىنىپ بولغان ئىككى بۇرجەك كۇبچە چوقۇم ئوڭ-سول تەرەپتە بولۇشى كېرەك، ئالدى-كەينى تەرەپتە بولسا فورمىلىنى ئىشلىسەكمۇ كىرىستقا كەلمەيدۇ.
5-باسقۇچ:ئۈستۈنكى قۇر بۇلۇڭنى توغرىلاش(3-قۇرنىڭ بۇلۇڭ كۇبچىلىرىنىڭ ئۈستۈنكى يۈز رەڭگىنى توغرىلاش)

ئۈستۈنكى يۇزنى كىرىست شەكلىگە كەلتۈرۈپ بولغاندىن كېين، ئۈستۈنكى قۇر بۇلۇڭ كۇبچىلىرىنىڭ ئۈستۈنكى يۈزىنى توغرىلايمىز.(بۇيەردە يەنىلا 3-قۇرنىڭ تۆت تەرەپ رەڭگىنى ئېتىبارغا ئالمايمىز.)ئالدى بىلەن سېھىرلىك كۇبنىڭ تۆت بۇلۇڭ كۇبچىسىنىڭ ئورنىنى كۆزىتىمىز.ئەگەر بىر بۇلۇڭ كۇبچىسى ئۈستۈنكى يۈزگە چىقىپ بولغان بولسا قالغان ئۈچ كۇبچىنىڭ 1-2،5-5 رەسىملەردىكى قايسى ھالەتتە ئىكەنلىكىنى كۆزىتىمىز.ئاندىن ئۈستۈنكى يۈزگە چىقىپ بولغان سېرىق كۇبنى ئالدىنقى ئوڭ تەرەپ بۇلۇڭغا ئەكىلىۋالغاندىن كېيىن فورمۇلا بويىچە مەشخۇلات قىلساق بولىدۇ.ئەگەر بۇ ئىككى خىل ھالەت بولمىسا ئۇنداقتا چوقۇم ئاستىدىكى ئۈچ خىل ھالەتتە بولىدۇ.رەسىمدىكى ھالەت بويىچە سېھىرلىك كۇبىڭىزنى توغرىلىۋالغاندىن كېيىن كۆرسەتمە بويىچە مەشخۇلات قىلسىڭىز بولىدۇ.يەنى بۇرەسىملەرنىڭ ئاستىدىكى 1-قۇرنىڭ ئاستىنقى يۈزى مەشخۇلات ۋاقتىدا ئۆزىڭىزگە قارايدىغان يۈزدىن ئىبارەت.
6-باسقۇچ:3-قۇر بۇلۇڭنى ئەسلىگە كەلتۈرۈش.(ئۈستۈنكى يۈز رەڭگى توغرىلىنىپ بولغان بۇلۇڭ كۇبچىسىنىڭ قالغان ئىككى يۈز رەڭگىنى توغرا مەركىزىي رەڭ بىلەن توغرىلاش)

بۇ باسقۇچتا ئالدى بىلەن يان تەرەپ يۈز رەڭگىنىڭ ئوخشاش رەڭگە توغرىلىنىپ بولغان ئىككى كۇبچىنىڭ بار-يوقلۇقىنى كۆزىتمىز، رەسىم1-6دە كۆرسىتىلگەندەك. ئەگەر بار بولسا ئوخشاش رەڭگە كەلگەن يۈزنى ئۆزىمىزگە قارىتىمىز يەنى F يۈز، ئاندىن فورمۇلا 6ئارقىلىقلا بۇباسقۇچنى ئاخىرلاشتۇرغىلى بولىدۇ. ئەگەر ئوخشاش رەڭگە كەلگەن يۈز بولمىسا، فورمۇلا 6نى خالىغانچە بىر قېتىم ئىشلىسەك چوقۇم ئوخشاش رەڭ ھالىتىگە كېلىدۇ، ئاندىن فورمۇلا 6نى يەنە بىر قېتىم ئىشلەتسەكلا بولىدۇ.
7-باسقۇچ:3-قۇر بۇرجەكنى توغرىلاش(ئۈستۈنكى يۈزى توغرىلىنىپ بولغان بۇرجەك كۇبچىنىڭ يەنە بىر يۈزىنى قالغان تۆت يۈزنىڭ مەركىزىي كۇبچىسى بىلەن توغرىلاش)
سېھىرلىك كۇبنىڭ ئۈستۈنكى قۇر بۇلۇڭ كۇبچىلىرى ئەسلىگە كېلىپ بولغاندىن كېيىن بۇرجەك كۇبچىنىڭ ئورنىنى كۈزىتىمىز. نورمال ئەھۋالدا قولىڭىزدىكى سېھىرلىك كۇبنىڭ ھالىتى تۆۋەندىكى تۆت خىل ھالەتنىڭ بىرى بولىدۇ، ئەگەر1-7 رەسىمدىكى ھالەت بولسا فورمۇلا 7 نى بىر قېتىم ئىشلەتسەكلا تاماملىندۇ. ئەگەر قالغان ئۈچ خىل شەكىلدە بولسا رەسىمدىكى كۆرسەتمە بويىچە مەشخۇلات قىلسىڭىز بولىدۇ.

دىققەت: يوقۇرقى مەشخۇلاتلارنى ئىشلىگەندە چوقۇم F يۈزنى توغرا تاللاشقا ھەم ھەربىر باسقۇچتا باشتىن ئاخىر ئالمىشىپ كەتمەسلىككە دىققەت قىلىڭ!
 
مۇبارەك بولسۇن! سېھىرلىك كۇبنى ئەسلىگە كەلتۈرۈش ئۇسولىنى ئۆگىنىپ بولدىڭىز، تۇنجى قېتىم ئەسلىگە كەلتۈرگەندىكى ھاياجاندىن ھۇزۇرلىنىڭ.
بۇ سېھىرلىك كۇبنىڭ ئاددىي ئەسلىگە كەلتۈرۈش ئۇسولى بولۇپ ئىگەللەپ بولغاندىن كېيىن بىر مىنۇت ئىچىدە چوقۇم تۈزەپ بولالايسىز، سىناپ كۆرۈڭ.

zarbidar

سىزنىڭ ئوتتۇرىچە ۋاقتىڭىز قانچە؟   رېكوتىڭىزچۇ؟

iwirgholl

رىكورتىم 27 سىكۇنت، ئوتتۇرىچە 35-40سىكۇنت ئەتىراپىدا، لېكىن ئوينىمىغىلى ئۇزۇن بولۇپ كەتتى، مەكتەپ پۈتتۈرۈپ ئاندا-مۇندا ئويناپ قويىۋاتىمەن، ۋاقىت ئۇزارغانسېرى قوللار كەلمەس بولۇپ كېتىدىكەن. سىزنىڭچۇ؟

zarbidar

بۇ مەزمۇن 5قەۋەتتىكى iwirghollدە2011-06-22 19:59يوللىغان يازمىسىغا نەقىل :
رىكورتىم 27 سىكۇنت، ئوتتۇرىچە 35-40سىكۇنت ئەتىراپىدا، لېكىن ئوينىمىغىلى ئۇزۇن بولۇپ كەتتى، مەكتەپ پۈتتۈرۈپ ئاندا-مۇندا ئويناپ قويىۋاتىمەن، ۋاقىت ئۇزارغانسېرى قوللار كەلمەس بولۇپ كېتىدىكەن. سىزنىڭچۇ؟  

 ئوخخو نىمانداق تېز  ؟   ۋاي بولدى يېڭىلدىم، ئوتتۇرىچە 1 مىنۇت، رىكوتۇم 46سىكونت.

iwirgholl

بەلكىم ھازىرقى ھالىتىمدە مېنى يېڭىۋېلىشىڭىز مۇمكىن...