تۈرلۈك كەسپتىكىلەرنىڭ قىزىقارلىق سۆيگۈ تەلەپلىرى

alsuyer

سودىگەر: بولغاچقا مەن ئىللىق چىراي، ئاچقىنىم دۇكان – ساراي، تىلىم تاتلىق ناۋاتتەك، دىلىم يۇمشاق قايماقتەك، دۇكاندا لىق مېلىم بار، پورتمالدا لىق پۇلۇم بار، ئۆيۈممۇ بار، ئاپتوموبىلىممۇ كەم ئەمەس، بۇنداق ياخشى پۇرسەت تەستە كېلەر، ئاسانلا ئەمەس، شۇڭا پۇشايمان قىلماي دېسىڭىز تەكلىپىمگە قوشۇلغايسىز.
شائىر: شېئىرسىراپ كەتمىسۇن دۇنيا، شېئىرسىراپ كەتمىسۇن ھايات، شېئىرسىراپ ئۆتمىسۇن ئادەم، شېئىرسىراش مەنىۋى مامات، شۇڭا قىزچاق شائىرنى تاللاڭ، گەپ – سۆزلەرنى قاپىيەلىك ئاڭلاڭ.
بانكىر: مۇبادا سىز توي تەكلىپىمگە قوشۇلسىڭىز، سىزگە بولغان مۇھەببىتىمنى پۇل ئورنىدا بانكىغا رەنىگە قويىمەن، ئاندىن سىزگە بولغان بىر ئۆمۈرلۈك مۇھەببىتىم ئۈچۈن بانكىدىن ئۆسۈم ئېلىپ، سىزگە سوۋغا قىلىمەن؟ قانداق، پايدىغا تۇرامسىز، زىيانغىمۇ؟
ئاشپەز: سىز ئۈچۈن يۈرىكىم كۆيۈپ كاۋاپ بولغىلى ئۇزاق بولدى، مۇبادا توي تەكلىپىمگە بىر قېتىملا قوشۇلسىڭىز، تۇرمۇشتا سىز ئۈچۈن بىر ئۆمۈر قازاندىكى گۆشتەك قۇرۇلۇپ ئۆتۈشكە رازىمەن، قورسىقىڭىز مەڭگۈ كاپالەتكە ئىگە بولىدۇ.
شوپۇر: قەدىرلىكىم، مېنىڭ توي تەكلىپىمگە قوشۇلسىڭىز، تۇرمۇشتا مەڭگۈ سىزنىڭ ماي كلاپانىڭىز بولىمەن، سىز «سۈرىتىڭنى تېزلەت» دېسىڭىز، مەن دەرھال سۈرىتىمنى تېزلىتىمەن، «سۈرىتىڭنى ئاستىلات» دېسىڭىز، دەرھال سۈرىتىمنى ئاستىلىتىمەن. سىز مەڭگۈ مېنىڭ رولۇم بولۇپ، مېنى باشقۇرۇسىز، سىز بېشىمنى ئوڭغا بۇرىسىڭىز ئوڭغا ماڭىمەن، سولغا بۇرىسىڭىز سولغا ماڭىمەن.
رېژىسسۇر: يېقىندا مەن بىر مۇھەببەت فىلىمى ئىشلەشكە تەييارلىنىۋاتقانىدىم، بۇ فىلىمدىكى ئەر باش پېرسۇناژنىڭ رولىنى ئۆزۈم ئالماقچى، لېكىن بۇ فىلىمگە دەل سىزگە ئوخشاش گۈزەل قىز باش پېرسۇناژدىن بىرى كەملىك قىلىۋاتىدۇ.
بېلەت ساتقۇچى: ئادەم ياشىغانىكەن سەپەرگە چىقىدۇ، سەپەرگە چىققانىكەن بېلەت سېتىۋالىدۇ، دېمەك مېنىڭ مۇھىم ئادەم ئىكەنلىكىمنى ھېس قىلىپ بولدىڭىز، مۇبادا سىز توي تەكلىپىمگە قوشۇلسىڭىز سەپەرگە چىقىشتا بېلەت سېتىۋالالماسلىقتىن ئەنسىرىمەيسىز، مانا مەن سىزگە ھەر ۋاقىت ھەر جايدا بېلەت ئېلىپ بېرەلەيمەن.
بوغالتىر: سىزنىڭ ماڭا سۆيۈش پۇرسىتى بېرىشىڭىزگە بىر پۇڭلۇقمۇ تەنەرخ كەتمەيدۇ، ئەمما سىز ماڭا سۆيۈش پۇرسىتى بەرسىڭىز، شۇنداق كاپالەت بېرەلەيمەنكى، ماڭا بېغىشلىغان مۇھەببىتىڭىزنىڭ ھەقىقىي قىممىتىنى ھېس قىلالايسىز.
ھاۋا رايىدىن مەلۇمات بەرگۈچى: ھەركۈنى سەھەردىن چۈشكىچە سىزنى ياخشى كۆرۈش ھېسياتىم زىچلىقتىن شالاڭلىققا قاراپ ئۆزگىرىدۇ، چۈشتىن كېيىن تېخىمۇ شالاڭلىشىدۇ، كەچ بولغاندا، ئۇزاق مەزگىللىك مۇھەببەت بېسىمىنىڭ تەسىرىدە كەيپىيات كۆرسەتكۈچۈم ℃ 8 دىن تۆۋەنلەپ ℃ 5 غا چۈشۈپ قالىدۇ، كەيپىياتىمدىكى بۇ خىل ناچار ھاۋا كېلىماتى تاكى سىز بىلەن توي قىلىۋالغىچە داۋاملىشىشى مۇمكىن.
ئەسقەرجان ئەلسۆيەر تەييارلىغان

alsuyer

دوختۇر: سىز مېنىڭ مەڭگۈلۈك داۋالاشقا تېگىشلىك ‹‹بىمار››ىمسىز، مەسئۇلىيەتچان دوختۇرلارنىڭ ‹‹بارلىقىمىز بىمارلار ئۈچۈن!›› دېگىنىدەك مېنىڭ بارلىقىممۇ سىز ئۈچۈندۇر. ）

alsuyer

مۇخبىر:  مۇخبىر ـــ دەۋرنىڭ گۇۋاھچىسى، تارىخنىڭ خاتىرلىگۈچىسى، جەمئىيەتنىڭ بارومېتىرىدۇ، شۇڭا «بىرى مۇخبىردىن، يەنە بىرى دوختۇردىن چۇقۇم دوستۇڭ بولسۇن» دېگەن سۆز بىكارغا ئېيتىلمىغان. مۇخبىرغا تە‍گكەن قىز دەۋر بىلەن تەڭ ئىلگىرلىيەلەيدۇ، تارىخقا ئەينەك بولالايدۇ، جەمئىيەتنى كۆزىتىشكە دۇربۇن بولالايدۇ، مۇبادا سىز باشقا كەسپتىكىلەرگە كېتىپ قالسىڭىز، كېيىنكى ئۆمرىڭىزدە «ئىككىنچى قېتىم ياتلىق بولۇشقا توغرا كەلسە چوقۇم مۇخبىرغا ياتلىق بولىمەن» دەپ پۇشمان قىلىشىڭىز مۇمكىن، شۇڭا ياخشىراق ئويلىنىڭ، توي كىچىك ئىش ئەمەس...
بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @7 a  v2 ]  u0 n
ـــ قېنى تورداشلار تۈرلۈك كەسپنى داۋاملاشتۇرمامدۇق؟{:34:}...

alsuyer

ناۋاي: كۆردىڭىزمۇ، كۆردىڭىزمۇ ئاۋۇ تونۇردىن كۆتۈرۈلۈپ چىقىۋاتقان يالقۇنلۇق ئوتلارنى؟ بىلسىڭىز ئىدى، مېنىڭمۇ يۈرۈكۈم خۇددى ئاشۇ تونۇردەك بولۇپ كەتتى... قاراڭ تونۇر ئىچىگە، ئوت كۆيۈپ بولۇپ نان ياققۇدەك بولدى. بىلسىڭىز ئىدى، مېنىڭمۇ يۈرۈكۈم تەييار بولۇپ قالدى. كېلىڭ، يۈزلىرىمگە تۇزلىرىڭىزنى چېچىپ ياقىدىغان نانلىرىڭىزنى دەرھال يېقىڭ، تونۇر سوۋۇپ قالسا نان چاپلاشمايدۇ...

alsuyer

قېنى تورداشلار تۈرلۈك كەسپنى داۋاملاشتۇرمامدۇق！！！！，，？؟

باغداشتا سۆزمەنلەر خېلى كۆپقۇ؟

Wolkanii

ئەلسۆيەر ئەپەندىم ئۆزگىچە يازمىڭىزغا ئاپىرىن !قەلەملرىڭىز ئۆكسىمىگەي !

sahabi

  ئۇچقۇچى:  پەرۋاز قىلغىڭىز بارمۇ ، كىتاپلاردا كۆرگەن يەتتە قىتئە ، تۆت ئوكيانغا بېرىپ ھاياتنىڭ پەيزىنى مەن بىلەن بىللە سۈرۈشكە قوشۇلامسىز ، ئۇنداقتا تەكلىۋىمگە ماقۇل بولۇڭ .  سىز قوشۇلغاندىن كىيىن تويىمىزنى ئاسىيادا ، شېرىن ئاينى ياۋروپادا قىلىمىز . كەچلىك تاماقنى تېچ ئوكياننى كىسىپ ئۆتۈپ ئامىركا قىتئەسىدە يەيمىز ، يازدا ئىسسىقتا تەرلەپ كەتسىڭىز شىمالى مۇز ئوكياندا سالقىندىتىمەن ، قىشتا توڭلاپ كەتسىڭىز جەنۇبى ئامىرىكىدا قىشنىڭ راھىتىنى كۆرسىتىمەن .باشقا قىتئە ، ئوكيانلارغا سىز خالىغان ۋاقىتتا خىزمەتتىن چارچىغان ۋاقىتلىرىڭىزدا مەن سىزنىڭ يېنىڭىز دىلا ، قالغىنى سىزگە قالدى .

huxruy

قىزىقارلىقكەن جۇمۇ ، تەشەككۈر !