شېرزات ياقۇپ ئەپەندىگە مەسلەھەت

xota

ئەسسالامۇ ئەلەيكۇم شېرزات ياقۇپ ئاكا ياخشىمۇسىز؟ سىزنىڭ رېژىسسورلىقىڭز بىلەن روياپقا چىققان كىنولارنى نۇرغۇن كۆرەرمەنلەر قاتارىدا قىزىقىپ كۆرىمەن ، چۈنكى سىز رىژىسسورلۇق قىلغان كىنولاردىكى تۇرمۇشنىڭ چىنلىقى يۇقىرى تەسىرچانلىقى كۈچلۈك ئادەمنى ئويلاندۇرىدىغان ، ئالغا ئىنتىلدۈرىدىغان ، توغرا كىشىلىك تۇرمۇش ،دۇنيا قاراش يېتىلدۈرىدىغان تەپسىلاتلار گىرەلەشكەن ھالدا ، بىزگە مەنىۋىي زوق ئاتا قىلىدۇ ، بۇ قېتىم يەنە سىزنىڭ رېژىسسورلىقىڭىز بىلەن يۈز كۆرۈشكە نېسىپ بولغان زامىنىمىزدىكى مېھرىۋان ، ئاقكۆڭۈل، جاپاكەش ھەقىقىي ئانىلىق مېھىرگە تويۇنغان ، چىن ئىنسانپەرۋەرلىكنىڭ بۈيۈك نامايەندىسى بولغان 19بالىنى بېقىپ قاتارغا قوشقان ھەنىپە ئانىمىزنىڭ بۈيىك سىماسى گەۋدىلەندۈرىلگەن فىلىمىڭزنى كۆرۈپ سىزدىن ھەقىقەتەن سۆيۈندۈم ، ئەمما قىسمەن تۇرمۇش چىنلىقىغا يات بولغان كۆرىنىشلەرنى ھېس قىلىپ سىزگە ئازراق مەسلەھەت تەرىقىسىدە بېرىشنى لايىق كۆردۈم مۇۋاپىق بولسا قوبۇل قىلىپ ، بۇندىن كېيىنكى رېژىسسورلىقىڭزدا پايدىلىنىپ قويارسىز .
بىرىنچى : ھارۋا ۋە ماشىنىغا بېسىلغان سامان چېنىپ قاپتۇ ، قانداق دەمسىز ؟ فىلىم كۆرىنىشىدە بېسىلغان سامانلار (پاخال)پىرىسلانغان ھالەتتە بېسىلىپ قاپتۇ ئەمىلىيەتتە 60-70-يىللاردا رايونىمىزغا پىرىسلانغان سامان سامان بېسىش تېخنىكىسى تېخى كىرمىگەن ئىدى ، تېخى يېقىنقى مەزگىلگىچە رايونىمىزدا بولۇپمۇ شىمالىي شىنجاڭدا ، ھارۋا ياكىي باشقا يۈك ماشىنىلىرىغا پىرىسلانغان سامان بېسىلمايتى ،يەرلىك دېھقان چارۋىچىلار ھارۋىغا جازا بېكىتىپ سامان باساتتى ،بۇنداق قىلغاندا ، ساماننىڭ سېرىلىپ كېتىشىنىڭ ئالدىنى ئېلىپ ئائىلىگە ساق ئاپىرىۋالغىلى بولاتتى ، ئەمما بۇ كىنودا بۇ مەسىلىگە سەل قاراپسىز .
ئىككىنچى : ھەنىپە ئانا دەريا بويىدا قوينىڭ ئۆپكە زاسۈيلىرىنى يۇغاندا بۈيەندىكى قوي گەندىلىرىنى چىقىرىپ تاشلىمايدۇ پەقەت سىرتىدىنلا سۇغا چىلاپ ئالىدۇ ، ئۆپكىلەرنى توختىماي سۇغا چىلايدۇ بۇ ئىشمۇ زاسۈي تازىلاش قائىدىسىگە ئۇيغۇن ئەمەس .
ئۈچىنچىسى : دىشۇلۇ ھارۋىنىڭ جازىسىغا ئىككى تال چەنزىنى بېكىتىپ قويۇپسىلەر ، مەن كىچىك ۋاقتىمدا دادام دىشىلۇ ھارۋا ھەيدەيتى ، ئەمىلىيەتتە دادام ھەيدىگەن ھارۋا بىلەن بۇ كىنودىكى ھارۋا ئوخشاش بولسىمۇ ، ئەمما ھارۋىنىڭ ئومۇمىي قۇرۇلمىسىدا پەرق چوڭ ئىكەنلىكىنى ھېس قىلدىم ،سەۋەبى ھارۋىنىڭ جازىسى چەنزە بىلەن قۇراشتۇرۇلماستىن مەخسۇس قېيىن ياغىچى بىلەن پۇختا قىلىپ  ياسىلاتتى ، مەخسۇس ۋادەكلەر بىلەن جازىنىڭ ئەتراپى زىننەتلىك تۈسكە كىرگۈزىلەتتى بۇنى ھازىرقى ياشلار تازا بىلىپ كەتمىسىمۇ ئەينى مەزگىلدىكى ھارۋىنى كۆرگەن كىشىلەر باشقىچە ئويلاپ قالىدۇ .
تۆتىنچى : ئوماق خەنزۇ قىزىنىڭ تاز بولۇپ قالغاندىكى بىچارە ھالىتى ھەقىقەتەن كىشىنىڭ ئىچىنى سېرىلدۈرىدۇ ، بىراق شەپكىنىڭ ئۇ قىزنىڭ تازلىقى تۈپەيلىدىن بېشىغا چاپلىشىپ چىقمايدىغان ھالەتكە چۈشۈپ قېلىشى تازا ئەقىلگە سىغمايدۇ ، سەۋەبى شۇ مەزگىلەردە رايونىمىزدا تاز بولۇپ قالىدىغانلار بىر قەدەر كۆپ ئىدى ، جۈملىدىن مەن ياشايدىغان رايوندىمۇ (يۇرتتا)بىر نەچچە ئوغۇل قىز تاز تەڭتۈشلىرىم بولىدىغان بىز ئۇلارنى قوماق تاز دەپ ئاتايتۇق ، شۇ ۋاقىتتىكى تازلىق نۇقتىسىدىن قارىغاندا ئۇلارنىڭ تازلىقى بېشىدىكى باش كىيىمگە چاپلىشىۋالمايتى ، باش كىيىمى ئوڭايلا سېرىلىپ چىقاتتى ،ئەگەر بۇ قىز ھەقىقەتەن شۇنداق تازلار تىپىگە كىرسە ، ئۇنىڭ شەپكىسىمۇ بېشىدىن ئوڭايلا ئاجرايدۇ ، ئەگەر بېشىدىكى كىيىم قەتئىي ئاجرىمىسا ، ئۇ چاغدا باشتىن ئىبارەت بۇ مۇھىم ئەزا خەۋىپكە ئۇچرايدۇ دەپ قارايمەن بۇ مېنىڭ ھېس قىلغانلىرىم ، بىراق بۇ ئىشلار كىنونىڭ ئومۇمىي سۈپىتىگە تەسىر يەتكۈزمەيدۇ دەپ قارايمەن ، ئەمما چىنلىقنى تېخىمۇ گەۋدىلەندۈرۈشتە بۇنداق ئىنچىكە ھالقىلارغا دىققەت قىلمىساق يەنە بولمايدۇ . شۇڭا بۇ مەسلەھەت تەرىقىسىدىكى پىكرىمنى يازدىم ، سىزنىڭ تۇخۇمدىن تۈك ئۈندۈرۈپتۇ دەپ قالماسلىقىڭىزنى ئۆتىنىمەن .
2014-يىلى 16-ئۆكتەبىر  

zayumka

شىرزات ياقۇپ ئەپەندىنىڭ رىجۇسسۇرلوق بۇ فىلىمنى كورۇپ باقمىدىم ،ئەمما بۇندىن بۇرۇن رىجۇسسورلوق قىلغان ‹‹بۇ چوش ئەمەس››،‹‹ئالىمجان بولىمسىزمۇ؟ ››‹‹مۇھەممەت 2008››دىگەندەك  بىر يۇرۇش فىلىملىرىنى كورگەن شىرزات ياقۇپ ياراملىق بىر رىجۇسسۇر .

apandim111

ھەقىقەتەن ياخشى تەكلىپ بوپتۇ.چىنىلىق فىلىمنىڭ جىنى.

sahabi

  بۇكىنونى كۆرۈپ  باقمىغان بولساممۇ ، سىزنىڭ ئىنچىكىلىك بىلەن كۆزىتىپ ھەم كۆرۈپ كىنوچىلىقىمىزدىكى يېتەرسىزلىك ۋە  كەمتۈكلۈكلەرنى دادىللىق بىلەن ئوتتۇرغا قويغىنىڭىزغا قايىلمەن .

parakanda

ۋاھ   مەن ئەزەلدىن كىنو كۆرسەم بۇنداق ئىنچىكە  كۈزۈتۈپ كۈرۈپ كەتمەيتتىم    سىزگە ھەقىقەتەن قول قويدۇم  راسلا كۈزۈتۈش ئىقتىدارىڭىز  بەك يۇقرىكەن

ataka

تىما ئىگىسگە  قىسقىچە ئەسكەرتىش: مېنىڭ  بىلىشىمچە قوينىڭ ئۇچىيىدىكى يەم-خېشەك
قالدۇقلىرىنىڭ قاتتىغىنى  «ماياق» ،سۇيۇغىنى «ژىن»،ئات-كالىنىڭكىنى «تېزەك» دەيمىز.
«گەندە»بولسا ئادەمگە  قارىتىلغان

ciao

ئالدى بىلەن تېما ئېگىسىنىڭ ئۆتكۈر كۈزىتىش ئىقتىدارىغا ھەقىقەتەن قايىل بولدۇم .
بۇ كىنودىكى مەنمۇ ھىس قىلغان بىر كەمچىلىك دەل ئاشۇ قۇشخانىدىن ئېلىپ كەلگەن ئۆپكە قېرىنلارنى تازىلاش ئىشى ، چېدىر ئالدىدىكى كۆلنىڭ مۇز تۇتقان سوغۇق سۈيىدە يۇيغان كۆرۈنۈشلەر بار . ئەمما بىز ئادەتتە قېرىننى خېلى ئۇزۇنغىچە سۇ ئېقىتىپ ، پاكىز ۋە تەپسىلى تازىلايمىز ، ئەمما بۇ كىنودا سۇغا بىر نەچچە قېتىم چىلاپلا ئېلىۋالىدۇ .
   ئەمما ئومۇمى جەھەتتتىن ئالغاندا بۇ بەك ئېسىل ئىشلەنگەن كىنو ، بولۇپمۇ كىنوغا ئارقا كۆرۈنۈش قىلغان مەنزىرە  ۋە ئىككى يەردە چىقىدىغان ناخشىسى بەك ئېسىل . شېرزات ياقۇپ ھەقىقەتەن نوچى رېژىسسور ئىكەن .

8804490

ھازىرقى سىز دىگەن كىنونىڭ ئىسمنى .تور ئادىرسىنى يوللاپ بەرگەن بولسىڭىز  مەن بىر كۇرۇپ باقسام . شىنجاڭ بەك ئامراقتىم.............