چىڭگىزخاننىڭ قەبرىسى بايقىلىپتۇ

turan1001

     يېقىنقى كۈندە، تور دۇنياسىدا مۇڭغۇللارنىڭ مەشھۇر ئېمپىراتۇرى چىڭگىزخاننىڭ قەبرىسىنى تاپقانلىقى توغرۇلۇق خەۋەر تارقالدى. ھەممىمىزگە مەلۇملۇق، دۇنيادىكى نۇرغۇن مەشھۇر ئىمپېراتۇرلار، پادىشاھلارنىڭ قەبرىسى مەخپىي ھالدا كۆمۈۋىتىلگەن،  مەسىلەن، ھون تەڭرىقۇتى ئاتتىلا، چىن ئېمپىراتۇرى چىن شىخۇاڭ ۋاھاكىزالار. دۇنيا خەۋەرلىرى تورىنىڭ 6 - نويابىردىكى ئۇچۇرىدا كۆرسىتلىشچە، موڭغۇلىيە ئارخېئولوگلىرى چەتئەل مۇتەخەسسىسلىرى بىلەن بىرلىكتە ئونۇن دەرياسىنىڭ كونا ئېقىنىدىن 13 - ئەسىردىكى موڭغۇل ئىمپىراتورى چىڭگىزخاننىڭ قەبرىسىنى تاپقانلىقىنى ئىلگىرى سۈرگەن. مەلۇم بولۇشىچە، موڭغۇلىيە يول ياساش ئىشچىلىرى ئونۇن دەرياسى بويىدا يول ياساۋېتىپ مەزكۇر قەبرىلەرنى بايقىغان. ئارقىدىنلا موڭغۇلىيە ئارخېئولوگلىرى بېيجىڭ ئۇنىۋېرسىتېتىنىڭ مۇتەخەسسىسلىرى بىلەن بىرلىكتە مەزكۇر قەبرىلەرنى ئاچقان.
     قەبرىلەر ئەسلىدە ئونۇن دەرياسىنىڭ كونا ئېقىنى ئاستىدا بولۇپ ئىككى قەۋەت قىلىپ ياسالغان. ئۈستى قەۋىتىگە نەچچە ئونلىغان ئات، لەشكەر ۋە خىزمەتچىلەر قۇربانلىق قىلىپ كۆمۈلگەن. ئاستى قەۋىتىدىكى چوڭ قەبرىدىن بىر بەستلىك ئەركەكنىڭ ئىسكىلىتى بىلەن ئۇنىڭغا ھەمدەپنە قىلىنغان 16 ئايالنىڭ ئىسكىلىتى بايقالغان. قەبرىدىن يەنە زور مىقداردىكى ئالتۇن، كۆمۈشلەر تېپىلغان. پەرەز قىلىنىشىچە، نەچچە يۈز يىللار مابەينىدە مەزكۇر قەبرىلەر ئونۇن دەرياسىنىڭ ئېقىنى ئاستىدا پىنھان ساقلانغان. 18 - ئەسىردە ئونۇن دەرياسى ئېقىنىنى يۆتكىگەندىن كېيىن ئاندىن قۇرۇقلۇققا چىققان. ئارخېئولوگلار مەزكۇر قەبرىدىكى ئاساسلىق ئىسكىلىتنى ئانالىز قىلىش ئارقىلىق ئۇنىڭ 60 ياشتىن 75 ياش ئارىلىقىدىكى ئەر كىشى ئىكەنلىكىنى، ئۆلگەن يىل دەۋرىنىڭ مىلادىيە 1215 - يىلىدىن 1235 - يىللىرى ئارىلىقىغا توغرا كېلىدىغانلىقىنى بېكىتكەن. مۇتەخەسسسىلەر مەزكۇر قەبرىگە ھەمدەپنە قىلىنغان كۆپ ساندىكى لەشكەر ۋە قىز - ئاياللار شۇنىڭدەك زور مىقداردىكى ئالتۇن، كۆمۈشلەر ئۇنىڭ شەك - شۇبھىسىزكى 13 - ئەسىردىكى مەشھۇر موڭغۇل ئىمپىراتورى چىڭگىزخاننىڭ قەبرىسى ئىكەنلىكىنى كۆرسىتىپ تۇرىدۇ دېگەن.

ئەسلىي مەنبەنى كۆرمەكچى بولسڭىز تۆۋەندىكى ئادېرىستىن كۆرۈڭ.
http://naltikriti.umwblogs.org/2 ... genghiz-khans-tomb/
http://hist383f12.umwblogs.org/

ArpatKurban

ئالتۇن چىققانمىدۇ...يا... بەلكىم بۇنداق ئىمپىراتور پادىشاھلىرىنىڭ قەبرىللىردە كۆپ نەرسىلەر بار...

Qaynam1

ArpatKurban يوللىغان ۋاقتى  2014-11-13 10:08
ئالتۇن چىققانمىدۇ...يا... بەلكىم بۇنداق ئىمپىراتور پادى ...

مۇمكىن، بۇنداق ئېمپىراتۇرلار كۆپۈنچە ھالدا يېققان بايلىقلېرىنى بىللە ئېلىپ كىتىدىكەن دىسە!!!
بۇنداقلار نىمىنى ئويلايدىغاندۇ دەيمەن؟؟

tewelgha

ئونۇن دەرياسى نەلەرگە توغرا كېلەر ؟ خاتا بولۇپ قالمىغاندۇ دەيمىنا ..........

gulgina

ياخشى خەۋەر بۇلۇپتۇ ،دولىتىمىز بېيىپ قالغۇدەك....

turkan0997

Qaynam1 يوللىغان ۋاقتى  2014-11-13 10:31
مۇمكىن، بۇنداق ئېمپىراتۇرلار كۆپۈنچە ھالدا يېققان با ...

ئۆزۈم جاپا تارتىپ تاپقاندىكىن ، باشقىلار ئىگە بۇلىۋالمىسۇن دىگەندۇ ،
ياكى بايلىقنى تالىشىپ قېرىنداشلار ئارا قىرغىنچىلىق بولمسىۇن دەيدىغاندۇ .

aral52

ئۇنۇن دەرياسىنىڭ كونا ئېقىمىنىڭ قاپ ئوتتۇرسىدا تاڭسىڭ نوم ئالغىلى بارغاندا  شۇ يەردە ھاردۇق ئېلىپ  كاسايىسنى تاش ئۈستىگە قۇيۇپ، ھاسىسنى تەككۈزۈپ  بۇ ئەزىر تۇپراقنى شۇنداق جىجاپ قۇيۇپ مەنىلىلىك قىلىپ بىرنىملەرنى بىر نىمىلەرنى ئوقۇغان ئىكەن..شۇ چاغدىلا بۇ يەر ئازەلدىن .....ئاخىرى نىمىتى

oghuzkhan

tewelgha يوللىغان ۋاقتى  2014-11-13 11:16
ئونۇن دەرياسى نەلەرگە توغرا كېلەر ؟ خاتا بولۇپ قالمىغا ...

ئۇلانباتۇرنىڭ شەرقى شىمالىغا توغرا كېلىدۇ