ئوتتۇرا مەكتەپ ئوقۇغۇچىلىرى تېلفون تۇتسا بولامدۇ-بولمامدۇ

nirvana

ئەسسالامۇ-ئەلەيكۇم باغداشتىكى ئەزىزلەر .
  بىز مەكتىپىمىزدە «ئوتتۇرا مەكتەپ ئوقۇغۇچىلىرى تېلفون  تۇتسا بولامدۇ-بولمامدۇ»تېمىسدا مۇنازىرە مۇسابقىسى ئۆتكۈزمەكچى ئىدۇق، شۇ مۇناسىۋەت بىلەن ئەلرايى تەكشۈرۈش سىنىقى ئېلىپ بېرىشنى ئويلاشتۇق.شۇڭا ئەزىزلەرنىڭ قىممەتلىك ۋاقتىنى چىقىرىپ بۇنىڭغا بېلەت تاشلاپ قويۇشىنى سورايمىز.ئەلۋەتتە، باغداشتا ئوچۇق پىكىرلىك زاتلار  كۆپ، لېكىن، بۇنىڭغا بېلەت تاشلىغاندا، ئوقۇغۇچىلارنىڭ تېلفوندىن مۇۋاپىق پايدىلنىش ۋە پايدىلىنالماسلىقىنى ئويلىشىپ بېقىشىنى ئۈمىد قىلىمىز. شۇنداقلا بۇ ھەقتە مۇنازىرىگە قاتنىشىپ بېرىشىنى سورايمىز.
ئەلۋەتتە يېقىندىن بېرى ئوقۇغۇچىلارنىڭ تېلفون تۇتۇشى بەكلا ئاۋۇپ قېلۋاتىدۇ. ئەلۋەتتە بىزمۇ پۈتۈنلەي چەكلىمەكچى ئەمەس. لېكىن بىز سىتاستىكا قىلغان سانلىق مەلۇماتلار بىزنى چۆچتىپ قويغانلىقى ئۈچۈن بىز بۇنىڭغا ئەستايدىل مۇئامىلە قىلىشنى ئويلاشتۇق.
تەكشۈرۈپ چىقىلغان نەتىجە ؛
ئائىلە بىلەن ئالاقىلىشىش %20.552، ئۇچۇر يوللاش %12.17، ئويۇن ئويناش %19.13، تورغا چىقىش %8.99، (مۇڭدىشىش) %39.158 نى ئىگىلەيدىكەن.
تېلفوننىڭ كېلىش مەنبەسى : %71 ئوقۇغۇچىنىڭ ئاتا-ئانىسى ئېلىپ بېرىكەن، %9ئوقۇغۇچى ئۆزلىرى ئىشلەپ تاپقان پۇلغا ئالىدىكەن.%12ئوقۇغۇچى ئۆزلىرى يىغقان پۇلغا ئالدىكەن.%8 ئوقۇغۇچى باشقىلار سوۋغا قىلغان تېلفوننى تۇتىدىكەن.
دىمەك ئوقۇغۇچىلارنىڭ تېلفوندىن پايدىلىنىشتىن كۆرە، پاراڭلىشىش ئەھۋالى ئېغىر بولغان.شۇڭا بىز بۇ مەسىلىنى ئوقۇغۇچىلارنىڭ ئۆزىگە قويۇپ، ئۆزلىرى ياخشى بىر ھەل قىلىش ئۇسۇلىنى تېپىپ چىقىشقا يېتەكلىمەكچى بولدۇق.
بىراق مەسىلە شۇكى : ئوقۇغۇچى مۇۋاپىق پايدىلىنالامدۇ ؟ ئۇنى كونترول قىلالايدىغان ھالەتتىمۇ ؟

giganit

مىنىڭچە ئوتتۇرا مەكتەپ ئوقۇغۇچىلىرى يانغۇن ئىشلەتسە پايدىسىدىن زىيىنى كۆپ، ھازىر مەكتەپلەرنىڭ ھەممىسىدە دىگۇدەك تامغا ئورنىتىلغان كارتا بىلەن سۆزلەشكىلى بولىدىغان تېلفۇنلار بار، ئائىلە باشلىقلىرىنىڭ جىددى بالىسى بىلەن كۆرىشىدىغان ئىشى بولۇپ قالسا سىنىپ مۇدىرى بىلەن ئالاقىلاشسا بولىدۇ

Umut903

قاتتىق چەكلەش كېرەك!چۇنكى تېلېفوننىڭ ئىجابى تەسىرىدىن سەلبى تەسىرى ئېغىر.شۇ نۇقتا ئىنىق بولىشى كېرەككى: ئوتتۇرا مەكتەپ ئادەم فىزلوگىيەسى تەرەققىياتى جەھەتتىن قىز ئوغۇللار يېقىنلىشىش نى كوزلەيدىغان (كۇيلەش) مەزگىلى ؛بۇ مەزگىلدە بۇنداق ئالاقە قۇرالىنىڭ بولغىنى 95% سەلبى تەسىرگە ئىگە؛ ئەلۋەتتە ئاتا-ئانا بىلەن ئالاقە قىلىش  مۇھىم ھىساپلانسىمۇ(ئايرىلىپ ئوقۇيدىغانلار)توغرا بولغان ئالاقە ۋاستىللىرىنى مەكتەپ تەمىن ئەتكەن بولىدۇ؛ شۇڭلاشقا مەخسەت  ئوقۇغۇچى بىلىم ئېلىش بولغاندىكىن كوچمە تېلېفوندىن يىراق تۇرغان ياخشى؛

yawagul0

‹‹ئوتتۇرا مەكتەپ ئوقۇغۇچىلىرى يان تېلىفۇن تۇتسا بولامدۇ، بولمامدۇ›› دېگەن مەسىلە ئوتتۇرا مەكتەپتە ئوقۇيدىغان بالىسى بار ئاتا- ئانىلارنىڭ ئەڭ باش قاتۇرىدىغان ئىشى. تېلىفۇن تۇتۇشقا يول قويمىسا، بالا ‹‹ساۋاقداشلىرىمنىڭ ھەممىسىنىڭ تېلىفۇنى بار، مېنىڭلا يوق›› دەپ جىدەل قىلىۋاتقان، تېلىفۇن ئېلىپ بەرسە، ئويۇن ئويناپ، توردا پاراڭلىشىپ، دەرسكە كۆڭۈل بۆلمەيۋاتقان.....
مېنىڭ ئوغلۇممۇ مەن ئېلىپ بېرىشكە ئۇنىمىسام، ئۆزى پۇل يىغىپ، تېلىفۇن ئالغان، شۇنىڭ بىلەن سىنىپتا 5-7-دەرىجە بولۇپ ئوقۇۋاتقان بالا چېكىنىپ 14- دەرىجە بولۇپ قالدى.
ئوتتۇرا مەكتەپ باسقۇچىدىكى بالىلارغا قاتتىق گەپ قىلسا، ئاتا- ئانىلار بىلەن قارشىلىشىش پىسخىكىسى شەكىللىنىپ قالىدىكەن، يۇمشاق گەپ قىلسا، ئۆتمەيدىكەن.
مەكتەپلەر ئوقۇغۇچىلارنىڭ يانفۇن تۇتۇشىنى ئومۇميۈزلۈك چەكلىگەن بولسا، ياكى مەخسۇس ئوقۇغۇچىلارغا ماس كېلىدىغان، ئالاقىشىشتىن باشقا ئىقتىدارى يوق تېلىفۇنلارنى ئىشلىتىشنى تەشەببۇس قىلغان بولسا... ياخشى بولامدىكىن.

taxnajan

تۇتسا بولىدۇ، لېكىن ئۇلارغا ئەقلىي ئىقتىدارلىق تېلېفۇن ئەمەس، ئەڭ ئىپتىدائىي، تېلېفۇن ئۇرغىلى، قىسقا ئۇچۇر يوللىغىلىلا بولىدىغان تېلېفۇنلارنى ئېلىپ بېرىش كېرەك.

layli0998

مىنىڭچە ئويۇن ئوينىغىلى بولدىغان تورغا چىقىدىغىننى ئەپ بەرمەسلىك كىرەك

ناغۇت

ئىنكاسلاردىن سۆيۈندىم، بەك توغرا تەھلىل قىلىپسىلەر.