قارلۇق ۋە بىلقۇت شىركىتىگە تەنقىدى پىكىر

kokdingiz

قارلۇق شىركىتى بىزنىڭ مىللى ئىگىلىك ساھەسى ۋە مەدەنىيەت بازىرىمىزدىكى بىر بوشلۇقنى تولدۇردى، يەنە بىلقۇت شىركىتى بىلەن ھەمكارلىشىپ ئەپ ئىشلىدى! ھەر ئىككى شىركەتكە ھۆرمىتىم چوڭقۇر، يەنە ھەمكارلىشىپ ئىش قىلغىنىڭلارغا بارىكاللا! لىكىن مەن بۇ يازمىنى تەنقىد يۈزىسىدىن يازدىم،

      مەن سىلەر بىرلىشىپ ئىشلىگەن "شەخىسلەر" دىگەن ئەپنى كۆرۈپ مەمنۇن بولدۇم،لىكىن بەزى مەزمۇنلارنى ئىددىيەمدىن ئۆتكۈزەلمەي بۇ خەتنى يېزىپ ئولتۇرۇپتىمەن.
   "شەخىسلەر"نىڭ "مەھمۇد كاشىغەرى" دىگەن كىتابنىڭ 15-بېتىدە ئەسكەر ھەسەن تېگىننىڭ پەرمانىنى تىزلىنىپ تۇرۇپ ئاڭلايدۇ، 23-بېتىدە بوۋىمىز "تۈركىي تىللار دىۋانى"نى باغداد خەلىپىسىگە سوۋغا قىلغاندا خەلىپە ئالدىدا تىزلىنىپ تۇرۇپ دىۋاننى قوش قوللاپ بېشىدىن ئىگىز تۇتۇپ خەلىپىگە سۇنغان ھالاتتە سىزىلغان.
    بۇ زادى نىمە ئىش؟  ئىسلامنى قوبۇل قىلىپ بولغان چاغدىكى كىشىلەرنى ھوقۇقدارلارغا تىزلانغان ھالەتتە سىزىش ھەقىقەتەن قوبۇل قىلغىسىز ھاقارەت.بۇ بوۋىمىزغىلا  قىلىنغان ئەدەپسىزلىك ئەمەس، بەلكى مىللى روھىمىزغا قىلىنغان ھاقارەت. بەلكى سۆزۈم ئىغىر كەتكەندەك بىلىنىشى مۇمكىن، لىكىن بۇ دىگەن بالىلار ئوقۇشلۇقى،تەلىم-تەربىيە كىتابى. شۇڭا بۇنداق كىتابتا ئەقىدىمىزگە يات ياكى ھاقارەت قىلىنغان ئىشلارنىڭ نورماللاشتۇرۇلىشى پەقەت شۇ قۇلچىلىق ئىددىيىسىنىڭ سىڭىشىنى تىزلىتىپ، ئەۋلادلارنىڭ كىشىلىك ئىززەت-ھۆرمىتىگە بولغان كۈچلۈك قوغداش ئەقىدىسنىڭ سۇسلىشىغا تۈرتكە بولىدۇ خالاس.
ئىنسانغا تىزلىنىش بىزلەرگە يات، جۇڭگونىڭ خانلىق تۈزۈم ۋاقتى ئەكىس ئەتتۈرۈلگەن كىنولار بىزلەرگە كىرىپ كەلدى، لىكىن ئۇ بىزنىڭ مەدەنىيىتىمىز ئەمەس. چىڭ سۇلالىسى شىنجاڭنى سورىغاندىمۇ ئۇيغۇرلار خانغا تىزلىنىشنى رەت قىلغان ۋە تىزلانماسلىققا خان ماقۇل كەلگەن. لىكىن بۇ بۇنداق قەدەمدە بىر تىزلىنىپ چىقىدىغان كىنولار بىزگە خىلى تەسىر قىلغان چىغى،دوستۇمنىڭ مەندىن بىر ئىشنى ئۆتۈنۈپ رەت قىلىنغىنىدا "مەن ساڭا تىزلىناي" دىگەن سۆزى ھازىرغىچە قۇلاق تۈۋىمدە(ئەلۋەتتە،دوستۇمنى بۇ گىپى ئۈچۈن تازا تىللىغانتىم".
شۇڭا قارلۇق ۋە بىلقۇت شىركىتىنىڭ بۇ ئەپنى قايتا بىر تەكشۈرۈپ تۈزۈتۈپ تەھرىرلىشىنى سورايمەن.

karakhan07

نۇقسانىسز ئادەم يوق!بۇ ياخشى پىكىر بوپتۇ،قوللايمەن.قارلۇقتىكلەرنىڭ بۇ پىكىرنى قوبۇل قىلالايدىغانلىقىغا ئىشىنىمەن.

okyan2014

مەن بۇ تېمىنى كۆرۈپ، دېرىكتورغا دەرھال يەتكۈزۈپ قويدۇم!

تارخان

باغداش تورىغا يېزىلغان ئوچۇق خەت، نارازىلىقلارنىڭ نەق جايىنى تېپىپ تېگەلەيدىغانلىقى كىشىنى سۆيۈندۈرىدۇ...بۇ ھەم باغداشنىڭ باشقا مۇنبەرلەردىن ئەڭ زور پەرقى...
بۇ ئىشقا چوقۇم ياخشى بىر جاۋاب قايتىدىغىنىغا ئىشىنىمەن..

atlanjan

يارايسىز بۇرادەر ھەجەپ ياخشى تەكلىپ بوپتۇ.
توغرا بىز ئۇيغۇرلاردا ئەزەلدىن خانغا تىزلىنىش دەيدىغان گەپ يوق.ئەينى خانلىق دەۋىرلەردىكى كىنولاردىمۇ ئۇيغۇرلار تىزلانمايدۇ،بەلكى خانغا ئىگىلىپ تۇرۇپ سالام بەجا كەلتۈرىدۇ...

يىڭى ئىشلەنگەن ئانارخان فىلىمىنىمۇ بىر چاغلاردا پۈتۈن ئۇيغۇر مۇنبەرلىرىدە
كۈچەپ نارازىلىق بىلدۈرۋىدۇق.ئۇ كىنونى،ھەرقايسى تور بىكەتلەردىن ئۈچۈرۈپ تاشلاپ ئۈن-سىن دوكاندىكىللىرىمۇ بىراقلا يىغىشتۇرۇلغان،،دىمەك دىيارىمىزدا ئەل-جامائەت پىكىرىنىڭ رولى چوڭ..

uqkunbeg

بالىلار ئوقۇشلۇقىدا خاتالىقلار بەك كۆپ دەپ بولمايدۇ.... تەكلىپ : بۇندىن كىيىنكى بالىلار ئوقۇشلۇقىدىكى ۋە كارتونلاردىكى جادۇگەر ئوبرازىغا گىرىمنى ئۆلتۈرىشىچە قىلغان ،چاچلىرى ۋەيرانە بۈدۈر ، ئىشتاننى مىقداپ كىيىپ قوڭلىرى قوينىڭكىدەك ساڭگىلاپ كەتكەن  خوتۇن قىزلارنى تاللىساق... كارتون ۋە بالىلار ئوقۇشلۇقىدىكى ئوبرازلار ياغلىق ئاتقان ، مەيسە كالاچلىق ئاقباش مومايلار . بۇ سەبىلەر قەلبىدە سەلبى تەسىر پەيدا قىلىدۇ . ئانداق گىرىم ئارقىلىق كىرىم قىلىدىغانلارنى «ئوبراز ۋەكىلى» قىلىپ قويساق بالىلار كىچىكىدىنلا ئۇنداق ئىشلارنى ياختۇرماس بولىدۇ دەپ قارايمە . مۇشۇ ساھەدىكىلەر ئويلۇشۇپ باقساق .
   (شەخسى پىكىرىم ، ئوققا تۇتمىغايسىلەر!)

albax

  ئالدى بىلەن بۇ ئىككى شىركەتنىڭ ئەجرىگە رەھمەت !
  يازما ئىگىسىنىڭ پىكرىنى كۈچلۈك قوللايمەن ، مۇشۇنداق جايىنى تاپقان توغرا پىكىرلەر بىلەن  شىركەتلىرىمىز تېخىمۇ مەزمۇت تەرەققى قىلغۇسى ...............
  ئوقۇتقۇچى ۋاقتىمدا تۇلۇق ئوتتۇرىنىڭ 2-يىللىقىدا ئۇقۇيدىغان بىر بالىنى تەنقىتلىسەم « دادامغا دىمىسىڭىز مەن تىزلىناي .......» دەپلا تىزلانغان ئىدى ، ئادىتىمگە يات ھالدا گەدىنىدىن قاماللاپ تۇتۇپ تۇرغۇزۇپ يازما ئىگىسىنىڭ بايىقى گەپلىرىنى قىلغىنىم يادىمدا ...............

apandim111

ياخشى تەكلىپ.