ئىلغار ئىدىيىگىمۇ قورساق تويمايدۇ

Wallow

ئىلغار ئىدىيىگىمۇ قورساق تويمايدۇ

‏  مۇنچىخانامنىڭ سۇ پۈركۈگىچىنىڭ تۇتاشتۇرغۇچى بۇغۇمى بوشاپ قېلىپ سۇ سىرغىيدىغان بولۇپ قېلىۋېدى، ئۇنى ئوڭشاشقا كۆزۈم يەتمەي ئائىلە ئۈسكۈنىلىرىنى رېمۇنت قىلىش مۇلازىمەت ئورنىدىكى بالىلارغا قىلدۇرسام بىرتال تۇتاشتۇرغۇچى بۇغۇمنى ئالماشتۇرۇپلا 50 يۇەن ئالدى. ئەسلىدە ئۇ پولونى كاپامداپ يىيىش «تېخنىكىسى»نى ئۆگىنىشتىنمۇ ئاسان ئىش بولۇپ، تۇتاشتۇرغۇچى بۇغۇمنىڭ ئىچىگەئازراق ھىملەشتۈرگۈچى پىلاستىرنى سېلىپ چىڭىتىپ قويساملا پۈتىدىغان بىر ئىشكەن.كىچىگىمدىن تارتىپ ئوقىغان «ئىلغار ئىدىيە»لەر مۇشۇنچىلىك ئىشقىمۇ ئەسقاتمىدى.كاللامغا توشۇپ كەتكەن «دېمۇكراتىيە»، «ھەقىقەت»، «ئادالەت» ئۇقۇملىرى تۈپەيلىدىن نۇرغۇن قېتىم ئادالەتسىز مۇئامىلىگە ئۇچرىدىم، چەتكە قېقىلدىم، ئاخىرى چەتكەقېقىلىشلارمۇ كارغا كەلمەي، «رەھبەرسىز رايۇن»غا «پالاندى» قىلىندىم .

     بۇماڭانىسبەتەن راھەت بىر ئىش بولسىمۇ، ئەمما باشقىلارنىڭ نەزىرىدە بەرىبىر بىر پۇخادىن چىققۇدەك «جازا» ئىدى. ھازىر مەن ئىلغار ئىدىيەنى ھېچقانداق پىراكتىكا قىلىش پۇرسىتىگە ئىگە ئەمەسمەن. يوغان بىر ئىشخانىدا يەككە-يىگانە ھالدا پەقەت ئۆز-ئۆزۈمنىلا ئىدارە قىلىمەن. ناۋادا، مەندە ھازىرقىدەك ئۇنچىۋالا كۆپ ئىدىيە بولماي،پەقەت بىرىنچى قول رەھبەرنىڭ تاپشۇرۇقلىرىنى بىجانىدىل چۈشىنىپ ئورۇنلىغۇدەك ئىدىيە بولغان بولسىلا ناھىيىتى كۆپ كىشىنى ئىدارە قىلىدىغان بىر ئىمتىيازغائېرىشكەن بولاتتىم...نۇرغۇن كىشىلەر ماڭا ئامراق ئىدى، چۈنكى ئۇلار مېنى «ھەق سۆزلەيدۇ» دەپ ئوتتۇرىغا چىقىشقا تەكلىپ قىلسا مەن ھېچقانداق رەت قىلمايلائوتتۇرىغا چىقاتتىم. لېكىن، ئىش تۈگىگەندىن كېيىنلا ئۇلار مېنى «ئەخمەق» ياكى«ساراڭ»غا چىقىرىپ چۆرۈپ تاشلايتتى. مەن ئۇنىڭغا ئۆكۈنۈپمۇ كەتمىدىم. ئەمىلىيەتتە،مەن ئۇلار مېنى تەكلىپ قىلمىغان تەقدىردىمۇ كاللامدىكى ئىدىيەنى پىراكتىكاقىلىدىغان پۇرسەت بولسىلا ئۆزۈم ئىزدەپ تاپاتتىم، ئۇنىڭ ئۈچۈن تۆلىگەن نۇرغۇن بەدەللىرىمدىن ۋايسىغان ئەمەسمەن. دادام ھەمىشە شۇنداق دەيتتى: ھەقىقەتچى بولغىنى ئۈچۈنلا زىيان تارتىپ كېلىۋاتقان بالام بۇ، شۇنداقتىمۇ شۈكرى، بىلىمى ھامان ئەسقاتىدۇ.

‏   مەن بۇرۇن دادامنىڭ شۇ گېپىگە، بىلىمىم ئەسقاتىدىغان گۈزەل كېلىچەكنىڭ ھامان يېتىپ كېلىدىغانلىقىغا مۇتلەق ئىشىنەتتىم ۋەتاتلىق تەسەۋۋۇرلارغا چۆمۈلۈپ كۈچكە تولاتتىم.

‏   لېكىن، ھازىر ئۇنىڭغا ئىشەنمەس بولدۇم.كىچىگىمدىن تارتىپ ئوقىغان نۇرغۇن كىتاپلىرىم كىچىككىنە يېرى ئاجراپ كەتكەن سۇپۈركۈگۈچنى ئوڭشاشقىمۇ ئەقىل بېرەلمىسە ئۇ قانداقسىگە كەلگۈسۈمگە كاپالەت بېرەلىسۇن!

‏   كىشىلەر ھازىر «قالاق ئىدىيە» دەپ بەزى ئەنئەنىلەرگە قارشى تۇرىۋاتىدۇ، لېكىن قارشى تۇرۇش ئۇسۇلى مېنىڭ ئىدىيەمگەنىسبەتەن، ئاشۇ ئاتالمىش قالاق دەۋاتقان ئەنئەنىدىنمۇ قالاق بولۇپ، مەندە بۇ خىل قالاقلىققا قارشى ناھىيىتى سەۋرچان بىر كۈچ يوشۇرۇنۇپ ياتماقتا. ئەگەر بىر كۈنى ئۇكۈچ پارتلاپ كەتسە كىشىلەر ماڭىمۇ ئەسەبىيلەرچە قارشى تۇرىشى مۈمكىن. كېچىدەكوچىدا ھۇقۇيتۇپ يۈرىدىغان ماشىنىلار ماڭا شۇنداق ئەنسىزلىكتىن بىشارەت بەرمەكتە...

   تەھقىقكى، مېنىڭ ئىلغار ئىدىيەممۇ بىر ئاشقۇنلۇق بولساكېرەك! ئۇ ماڭا ھازىرغىچە بىر ناننى ئىككى قىلغۇدەك بىر ئەقىل بەرمىدى، بەلكى،ھەرقاچان يەۋاتقان نېنىمنى قولۇمدىن چۈشۈرىۋېتىدىغان خەۋپ-خەتەرلەردىن بىشارەت بەرمەكتە.

‏   ئىلگىرى بىلىمسىزلىگى، ئىدىيىسىزلىگى سەۋەبىدىن پارىڭى تېتىمايدىغان دوست- بۇرادەرلىرىمنى بىر-بىرلەپ ئۇزىتىپ قويغان ئىدىم، ئۇلارھازىر ئىلگىرىكى مەندەك بىر «ئىلغار ئىدىيە»لىك ئاغىينىسىنىمۇ تونىماي نەچچەيۈزمىڭ سوم قىممىتىدىكى ئېسىل ماشىنىلىرىنىڭ توپىسى ئاستىغا كۆمىۋەتتى .

‏   ئۇلاردا ئىدىيە يوق ئىدى، لېكىن رېياللىققادەرھال يۈزلىنەلەيدىغان، دەرھال ئەمىلىيەتكە چۆكەلەيدىغان، قول سېلىپ ئىشلەيدىغان ئەمىلىيەتچىلىك بار ئىدى، ئۇلار پوستمودېنىزمنىڭ ئاڭسىز مايسىلىرى ئىدى...

‏   پوستمودېرنىزم ئىدىيىسىزلىكنى تەرغىپ قىلىدىغان بىر ئىدىيىۋىي ئېقىم. يەنى، بۇرۇنقىلارنىڭ بارلىق ئىدىيەلىرىنى سۈپۈرۈپ تاشلاپ قايتىدىن سىستېما تۇرغۇزىدىغان بىر ئېقىم. ئۆزۈمنى ئۆز ئىچىگە ئالغان ئاتالمىش ھەرخىل  ئىدىيىگە ئىگە كىشىلەر مانا مۇشۇ بۆھراندا قاقشاتقۇچ زەربىگە ئۇچراپ سۈپۈرۈلۈپ كېتىشىمىز مۈمكىن. بۇ فانتازىيە ئەمەس، ئاللىقاچان باشلىنىپ بولغان بىردولقۇن.

‏ كۈچلۈك دولقۇننىڭ شەپىسى كەلمەكتە...

parangqi

ئوتوپىيە بىلەن ئەمەلىيەتچىل روھ ئىككىسى ئىككى خىل ‹تەقدىر›نىڭ ئاساسى. ئەمەلىيەتكە يېقىن ياكى ئۇيغۇن بولغان ئىلغار ئىدىيىگە ‹قوساق تويىدۇ›، چۈنكى شۇنداق ئىدىيىلا سىزگە  قوساق تويغۇزۇشنىڭ ئېپىنى دەپ بېرىدۇ.

putin

قوساق تويغۇزىدىن  نەرسىلەر بەك جىق  يەپ  باقسىز  بىلىسىز  .يىڭى ئىدىيە ۋە  ئىلغار  ئىدىيە بالىڭىزنىڭ ،نەۋرىڭىزنىڭ  قورسىقىنى  غەم ـ ئەندىسىسىز  تويغۇزۇشىا بولىدىغان  يىمەكلىك  

parangqi

ئالىي مەكتەپتە ئۆزلىرىنىڭ ‹ئاشىق-مەشۇقلار ھېكايىسى›نى ياراتقان بىر جۈپ ياش ئوقۇش پۈتتۈرگەندىن كېيىن، ئۇنىڭ-بۇنىڭغا يېلىنىپ، ئۇ يەر- بۇ يەرگە دوقۇرۇپ ئاران تەستە  ئۈرۈمچىدىكى بىر يەرگە ئورۇنلاشقاندىن كېيىن بىر مەزگىل ياشىغان، بىراق ئىقتىساددا تولا قىسىلىپ تۇرمۇش ئىشلىرى تازا ئوڭۇشلۇق يۈرۈشمىگەندىن كېيىن قىز ئانامنى كۆرۈپ كېلىمەن دەپ يۇرتىغا كېتىۋېلىپ ئۈرۈمچىگە كەلمەي قويغان. ئۇ ‹ئەلچى›لەرگە مۇنداق دىگەن : مۇھەببەتكە قوساق تويمايدىكەن.
(يۇقارقى يازما شۇ ئىشلارنى ئەسلەتتى دىسە)

ئاڭ، ھېسسىيات، ئىدىيە...دىگەنلەر ماددىي نەرسە ئەمەس، مەنىۋى نەرسە. ئۇلارنى تۇتۇپ يىگىلى بولمايدۇ. ئەمما، ئۇلار توغرا بولىدىكەن، بىز نانسىز قالمايمىز؛ خاتا بولىدىكەن، نانسىز قېلىشلا ئەمەس، جانسىز ، باشسىز قېلىشىمىزمۇ مۈمكىن.

TOR

ئىدىيىسى يوق ھايۋانمۇ چوپ-شەلەڭ يەپ قوسقىنى تويدۇرىدۇ...بىراق ئىنسانچۇ...؟!

yoloqi822

نۇرغۇن كىشىلەردە ئىزچىل خاتا قاراش شەكىللىنىپ كىلىۋاتىدۇ.« مۇۋاپىقيەت قازىنىش ئۈچۈن نىشان بولۇش كىرەك»،«غايە بولۇش كىرەك»،«تېرىشىشى كىرەك» دەيدىغان، بۇلارنىڭ ھەممىسى ئابىستىراكىت ئۇقۇم خالاش، بۇلار بولغانغىلا مۇۋاپىقىيەت قازانغىلى بولمايدۇ، بۇلار ھەم بولماي ئادەمدە يۆلىنىش بولمايدۇ،شۇنىڭدەك يىتەرلىك زۆرۆرشەرتنىڭ مۇناسىۋىتىنى توغرا بىرتەرەپ قىلالمىسا ئىشنىڭ نەتىجىسى يەنىلا«نۆل» كىلىپ چىقىدۇ. «تاللاش»،«نىشان»دىن مۇھىم، «ئۇسۇل»،«تىرىشچانلىق»تىن مۇھىم.
شۇنىڭدەك يالغۇر« ئىلغار ئىدىيە »بولۇپ «ئالغار ئۇسۇل» بولمىسا نەتىجە يەنىلا «نۆل». ئالىي مەكتەپ ئوقوغۇچىلىرى ئابىستىراكىت ئۇقۇملار ئۈستىدە دە-تالاش قىلىشقا ئامراق، لىكىن كونكىرىت ئۇسۇللار ئۈستىدە ئاساسەن دىگۈدەك باش قاتۇرۇپ باقمايدۇ. شۇڭلاشقا جەمىيەتكە بالدۇر چىققانلار كونكىرىت ئۇسۇللارنى بۇرۇن ئىگىلىگەنلىكى، ۋە شۇلار ئۈستىدىلا باش قاتۇرۇپ كەلگەن بولغاچقا ، ئىلغار ئىدىيسى بولمىسىمۇ، تۇرمىشى يەنىلا ناھايىتى ياخشى ئۆتىۋىرىدۇ،چۈنكى ئۇلار «مەسىلىنى قانداق ھەل قىلىش»نى ئوبدان بىلىدۇ.  ئالىي مەكتەپ ئوقوغۇچىلىرى ئىلغار ئىدىيەگە ئىگە بولسىمۇ ھەممىسى ئېغىزدىكى نەزەرىيە، شۇئارلار بولۇپ كونكىرىت ئۇسۇللار بىلەن بىرلەشتۈرمەيدۇ، مەسىلىلەرنى قانداق ھەل قىلىش ئۈستىدە ئىزدەنمىگەچكە جەمىيەتكە نىسبەتەن «ۋايىز»ھىسابلىنىدۇ خالاس، شۇڭلاشقا قورساقتا بىرپانمان ئىلغار نەزەرىيە بولغىنى بىلەن ئىلغار ئەمەلىيتى بولمىغاچقا كۈنىنىڭ ئۆتمىكى ئاسان ئەمەس. بىز ئىلغار ئىدىيەلەرنى ئىلغار ئۇسۇللار بىلەن بىرىكتۈرۈپ تىخىمۇ ياخشى ئۆتۈش ھەم ئالاقىدارلارنى ئۆتكۈزۈش ئۈچۈن ئۈگۈنىمىز.  
يەھۇدىيلاردا مۇنداق بىرگەپ بار «كىتاب يۈدىۋالغان ئىشەك» ،بۇ سۆز قۇرئاندىمۇ بار، لىكىن قۇرئاندا بۇ سۆز يەھەدىيلارغا قارىتا ئىيتىلغان. لىكىن يەھۇدىيلار بۇ سۆزنى«شۇنچە بىلىمى تۇرۇپ ئۇنى ئەمەلى قوللىنىشچان نەرسىگە ئايلاندۇرۇپ قىممەت يارىتالمىغان»ئادەملەرگە قارىتا ئىيتىلىدۇ.  ئىدىيڭىزنىڭ ئىلغارلىقى سىزنىڭ بەختىڭىز، ئەمدى سىز ئىلغار ئۇسۇلنى ئۈگۈنىڭ، يەنى مەسىلىنى ھەل قىلىش ئۇسۇللىرىنى ئۈگۈنىڭ.ئىلغار ئىدىيلىك ئادەم باشقىلارنىڭ ھەششىيسىگە ماڭىدىغان ئادەم ئەمەس، بەلكى«قانداق جايدا سۆزلەش، قانداق جايدا سۆزلىمەسلىكنى، قانداق سۆزلەشنى»بىلىدىغان ئادەمدۇر.

ilqi62

ئاڭلىسام خۇتەننىڭ گۇما ناھىيىسىنىڭ بىر يېزىسىدا بىر كەنتە بارمىش. ئۇلار يۇقۇرى دەرىجىلىك ھۇكۈمەتلەرگە ‹‹يوللىرىمىز ئىلگىرى ناھايىتى ياخشى ئىدى، ئات-ئۇلغلىرىمىز خاتىرجەم ماڭاتتى، لېكىن يوللارنى ئاسپالىتلاشتۇرۇلغاندىن كىيىن ئات ئۇلاغلىرىمىز خاتىرجەم ماڭالمايدۇ، ئات-ئۇلاغلىرىمىزنىڭ تاقىسى چىدىمىدى، بىز ئىختىزادى جەھەتتىن زور زىيانلارنى تاررتتۇق›› دەپ ئەرىز قىلغان ئىكەن. يۇقۇرى دەرىجىلىك ھۈكۈمەتلەر بۇ ئەرىزنى سوردىمۇ-قانداق بىلمىدىم لېكىن شۇ يەردىكى كىشىلەرنى باشقىلار قاتتى مازاق قىلارمىش.

ilqi62

ئىلغار ئىدىيە بولمىغان بولسا ھازىر كومپىيوتىردا خەت يازماي، خام قەغەزگە خەت يازغان بۇلاتتۇق. سىىز ئىشلىتىۋاتقان لېكىن ئوڭشىيالمىغان سۇ تۇببىسىنى ئىشلەتمىگەن بۇلاتتىڭىز. ھەر قانداق يىڭى نەرسە پەقەت ئىلغار ئىدىيەنىڭ مەھسۇلىدۇر.  قەتئى قوساق تويغۇزغىلى بولمايدىغان لېكىن ئايرىلالمايدىغان نەرسىلەر ناھايىتى كۆپ .  مۇنداقچە قىلىپ ئېيتقاندا ئەمەل-ئىبادەت قىلغانغىمۇ قۇساق تويمايدۇ. ئەمما بىزئۇنىڭدىن ئايرىلالمايمىز.