ﻣﻪﻣﻪﺕ ﺋﺎﯞﺍﻕ ﮬﻪﻗﻘﯩﺪﻩ ﭘﺎﺭﺍﯓ(1)

boran0998

ئەجەب تاتلىق بايان قىلىسىز- ھە، يوقارقى بايانلىرىڭىزنى ئوقۇپ، ئۆزەمنى بۇ كىتابنى پەقەت ئوقۇپ باقمىغاندەكلا ھىس قىپ قالدىم يا!؟

dihkan

  ﻛﺎﻣﺎﻟﻪﺗﻜﻪ ﻳﻪﺗﻜﻪﻥ ﺋﯩﻜﻜﻰ ﺋﻪﺭ ﻧﯩﻤﺠﺎﻥ ﺑﯩﺮ ﺋﺎﺳﻼﻧﻨﻰ ﺩﻩﺳﺴﯩﮕﻪﻧﺪﻩﻙ ﺋﯘﻧﻰ ﺩﻩﺳﺴﻪﭘﺘﯘ . ﻗﺎﻗﺸﺎﻝ ﺑﯩﺮ ﺗﺎﻳﺎﻗﻨﻰ ﺳﯘﻧﺪﯗﺭﻏﺎﻧﺪﻩﻙ ﺋﯘﺳﺘﯩﺨﺎﻧﻠﯩﺮﯨﻨﻰ ﺳﯘﻧﺪﯗﺭﯗﭘﺘﯘ.
ﺑﯘ ﺩﯙﻧﻪﻧﯩﯔ ﮬﺎﻳﺎﺗﯩﺪﺍ ﺗﺎﺭﺗﻘﺎﻥ ﺋﺎﺯﺍﭘﻼﺭﻧﯩﯔ ﺋﺎﺧﯩﺮﻗﯩﺴﻰ ﺑﻮﻟﯘﭖ ﻗﺎﭘﺘﯘ. ﻳﺎﺭﺍﺗﻘﺎﻥ ﺋﯩﮕﯩﺴﻰ ﺩﯙﻧﻪﻧﻰ ﺋﻪﻣﺪﻯ ﺋﺎﺯﺍﭖ ﭼﻪﻛﻤﯩﺴﯘﻥ ﺩﻩﭘﺘﯘ. ﻳﯧﺘﻪﺭ ﺋﻪﻣﺪﻯ ﺋﺎﺭﺍﻡ ﺗﺎﭘﺴﯘﻥ ﺩﻩﭘﺘﯘ.   
ﻣﻪﻣﻪﺕ ﺋﯜﭼﯜﻥ ﺟﺎﮬﯩﻠﻠﯩﻖ ﺑﯩﻠﻪﻥ ﭼﯩﺪﺍﭖ ﻳﺎﺷﯩﻐﺎﻥ ﺩﯙﻧﻪ ﻣﻪﻣﻪﺕ ﺋﯜﭼﯜﻥ ﺑﯘ ﻗﯧﺘﯩﻤﻤﯘ ﻻﻡ-ﺟﯩﻢ ﺩﯨﻤﻪﺳﺘﯩﻦ ﺋﯜﻧﯩﻨﯩﻤﯘ ﭼﯩﻘﺎﺭﻣﺎﺳﺘﯩﻦ ﮬﺎﻳﺎﺗﯩﻨﻰ ﺋﺎﺧﯩﺮﻻﺷﺘﯘﺭﯗﭘﺘﯘ.   
ﻣﻪﻣﻪﺕ ﺋﺎﯞﺍﻗﻨﯩﯔ ﺩﯗﻧﻴﺎﺩﯨﻜﻰ ﺋﻪﯓ ﻳﯧﻘﯩﻦ ﺋﯩﻜﻜﻰ ﺋﺎﺩﯨﻤﯩﻨﯩﯔ ﺑﯩﺮﻯ ﺋﻪﺷﯘﻧﺪﺍﻕ ﺋﯚﻟﯜﭖ ﻛﯧﺘﯩﭙﺘﯘ. ﻣﻪﻣﻪﺕ ﻧﻪﭼﭽﻪ ﻣﯩﯔ ﻳﯩﻠﻼﺭ ﻳﺎﺷﯩﺴﯩﻤﯘ ﺋﻮﻧﻠﯩﻐﺎﻥ ﺧﻮﺗﯘﻧﻼﺭﻧﻰ ﺋﺎﻟﺴﯩﻤﯘ ﻳﯜﺯﻟﻪﭖ ﺑﺎﻟﯩﻠﯩﻖ ﺑﻮﻟﺴﯩﻤﯘ ﺩﺍﺩﯨﺴﯩﺪﻩﻙ ﺋﺎﻧﯩﺴﯩﺪﻩﻙ ﺋﺎﺩﯨﻤﻰ ﻣﻪﯕﮕﯜ ﺗﯘﻏﯘﻟﻤﺎﻳﺪﯨﻜﻪﻥ............   
   ﺋﺎﺑﺪﻯ ﺋﺎﻏﺎ ﺑﯩﻠﻪﻥ ﺟﯩﻴﻪﻧﻰ ﺋﺎﺩﻩﻣﻠﯩﺮﯨﻨﻰ ﺑﺎﺷﻼﭖ ﻣﻪﻣﻪﺗﻠﻪﺭﻧﻰ ﻗﻮﻏﻼﭘﺘﯘ. ﻣﻪﺭﮔﻪﻧﻠﻪﺭﻧﻰ ﺗﻮﭘﻼﭘﺘﯘ. ﺋﯩﺰﭼﻰ ﺋﻪﻟﻰ ﺗﻮﻛﯘﺭ ﻳﻮﻝ ﺑﺎﺷﻼﭘﺘﯘ. ﺋﻪﻟﻰ ﺗﻮﻛﯘﺭ ﻣﻪﻣﻪﺗﻠﻪﺭﻧﯩﯔ ﺋﯩﺰﯨﻨﻰ ﺗﯧﭙﯩﯟﺍﭘﺘﯘ. ﺋﺎﺗﯩﺴﯩﻨﯩﯔ ﺋﯩﺰﻯ ﺑﻮﻟﺴﯩﻤﯘ ﺋﯩﺰﻧﯩﻼ ﻛﯚﺭﺳﻪ ﺗﺎﭘﯩﺪﯨﻐﺎﻥ ﺑﯘ ﺗﻮﻛﯘﺭ ﮬﺎﯞﺍﺩﯨﻜﻰ ﻗﯘﺷﻨﯩﯔ ﺋﯩﺰﯨﻨﻰ ﺗﺎﭘﺎﻻﻳﺪﯨﻐﺎﻥ ﺑﯘ ﺋﯩﺰﭼﻰ ﺋﻪﻟﻰ ﺗﻮﻛﯘﺭ ﺋﯘﻻﺭﻧﻰ ﺗﯧﭙﯩﭙﺘﯘ.
ﻣﻪﻣﻪﺕ ﺋﺎﻟﺪﯨﻨﻘﻰ ﻗﯧﺘﯩﻢ ﺳﯘﻻﻳﻤﺎﻧﻨﯩﯔ ﺋﯚﻳﯩﺪﯨﻦ ﺋﺎﺑﺪﯨﻨﯩﯔ ﺋﺎﻟﺪﯨﻐﺎ ﭼﯜﺷﯜﭖ ﻣﺎﯕﻐﺎﻧﺪﻩﻙ ﻳﯘﯞﺍﺷﻠﯩﻖ ﻗﯩﻠﻤﺎﭘﺘﯘ. ﺋﯩﻜﻜﻰ ﺗﻪﺭﻩﭖ ﺋﯧﺘﯩﺸﯩﭙﺘﯘ. ﻣﻪﻣﻪﺕ ﺋﺎﺑﺪﻯ ﺋﺎﻏﺎ ﺑﯩﻠﻪﻥ ﺋﯘﻧﯩﯔ ﺟﯩﻴﻪﻧﯩﻨﻰ ﭼﻪﻧﻠﻪﭖ ﺋﯧﺘﯩﭙﺘﯘ. ﺋﯩﻜﻜﻪﻳﻠﻪﻧﻨﯩﯔ ﻳﺎﯞﺍ ﭼﻮﺷﻘﯩﺪﻩﻙ ﭼﯩﻘﯩﺮﯨﻐﺎﻧﺪﻩﻙ ﺋﺎﯞﺍﺯﻯ ﺋﺎﯕﻠﯩﻨﯩﭙﺘﯘ. ﺋﻮﻕ ﺋﯩﻜﻜﯩﺴﯩﮕﯩﻼ ﺗﯧﮕﯩﭙﺘﯘ.
   ﻣﻪﻣﻪﺕ ﺧﻪﺩﯨﭽﻪﮔﻪ ﺳﻪﻥ ﻳﯧﺰﯨﻐﺎ ﻗﺎﻳﺘﯩﭗ ﺗﯘﺭ ﻣﻪﻥ ﻳﺎﺧﺸﻰ ﺑﯩﺮ ﺟﺎﻳﻐﺎ ﺋﻮﺭﯗﻧﻠﯩﺸﯩﭗ ﺑﻮﻟﯘﭖ ﺳﯧﻨﻰ. ﺋﺎﭘﺎﻣﻨﻰ ﺋﺎﻟﻐﯩﻠﻰ ﻛﯧﻠﯩﻤﻪﻥ. ﺩﻩﭘﺘﯘ. ﺧﺎﺗﯩﺮﺟﻪﻡ ﺑﻮﻝ ﺋﺎﺑﺪﻯ ﺑﯩﻠﻪﻥ ﺋﯘﻧﯩﯔ ﺟﯩﻴﻪﻧﻰ ﺋﯚﻟﺪﻯ. ﺋﻪﻣﺪﻯ ﺳﯩﻠﻪﺭﻧﻰ ﮬﯧﭽﻜﯩﻢ ﺑﻮﺯﻩﻙ ﻗﯩﻼﻟﻤﺎﻳﺪﯗ. ﺩﻩﭖ ﺧﻪﺩﯨﭽﻪﻧﻰ ﺧﺎﺗﯩﺮﺟﻪﻡ ﻗﯩﭙﺘﯘ. ﺷﯘﻧﯩﯔ ﺑﯩﻠﻪﻥ ﻣﻪﻣﻪﺕ ﻗﺎﺭﺍﻗﭽﻰ ﺑﻮﭘﺘﯘ. ﺩﯙﻧﻪ ﺑﯩﻠﻪﻥ ﺋﯩﺒﺮﺍﮬﯩﻤﻨﯩﯔ ﺋﻮﻏﻠﻰ ﺷﯘﻧﯩﯖﺪﯨﻦ ﺑﺎﺷﻼﭖ ﻗﺎﺭﺍﻗﭽﻰ ﻣﻪﻣﻪﺕ ﺋﺎﯞﺍﻕ ﺑﻮﭘﺘﯘ. ﻣﻪﻣﻪﺕ ﺷﯘ ﻛﯧﭽﯩﺴﯩﻼ ﺋﯘﺩﯗﻝ ﻛﻪﺳﻤﻪ ﻳﯧﺰﯨﺴﯩﺪﯨﻜﻰ ﮬﯧﻠﯩﻘﻰ ﺳﯘﻻﻳﻤﺎﻧﻨﯩﯔ ﺋﯚﻳﯩﮕﻪ ﺋﯩﻜﻜﯩﻨﭽﻰ ﻗﯧﺘﯩﻢ ﺑﯧﺮﯨﭙﺘﯘ. ﻗﯩﻠﻐﺎﻧﻠﯩﺮﯨﻨﻰ ﺩﻩﭖ ﺑﯧﺮﯨﭗ ﺳﯘﻻﻳﻤﺎﻧﻨﯩﯔ ﺩﯗﺋﺎﺳﯩﻨﻰ ﺋﺎﭘﺘﯘ. ﺳﯘﻻﻳﻤﺎﻥ ﻣﻪﻣﻪﺗﻨﻰ ﺗﯘﻣﺎﻥ ﺗﯧﻐﯩﺪﺍ ﻗﺎﺭﺍﻗﭽﯩﻠﯩﻖ ﻗﯩﻠﯩﺪﯨﻐﺎﻥ ﺗﯘﺭﺩﻯ ﺗﻪﻟﯟﻩ ﺩﯨﮕﻪﻥ ﺗﯘﻗﻘﯩﻨﯩﻨﯩﯔ ﻳﯧﻨﯩﻐﺎ ﺋﺎﭘﯩﺮﯨﭗ ﻗﻮﻳﯘﭘﺘﯘ.
    ﺋﯘ ﭼﺎﻏﻼﺭﺩﺍ ﻗﺎﺭﺍﻗﭽﻰ ﺑﻮﻟﯘﺵ ﻣﻮﺩﯨﻐﺎ ﺋﺎﻳﻠﯩﻨﯩﭗ ﻗﺎﻟﻐﺎﻥ ﺋﯩﻜﻪﻥ. ﺑﯩﺮﻩﺭ ﻛﯧﻠﯩﺸﻤﻪﺳﻠﯩﻜﻜﻪ ﺋﯘﭼﺮﯨﻐﺎﻥ ﻳﺎﻛﻰ ﺧﻮﺗﯘﻧﯩﻐﺎ ﺧﺎﭘﺎ ﺑﻮﻟﯘﭖ ﻗﺎﻟﻐﺎﻧﻼﺭﻣﯘ ﻣﯩﻠﺘﯩﻘﺘﯩﻦ ﺑﯩﺮﻧﻰ ﺗﯧﭙﯩﭗ ﺗﺎﻗﻘﺎ ﭼﯩﻘﯩﭗ ﻛﯧﺘﯩﺪﯨﻜﻪﻥ. ﺗﯘﺭﺩﻯ ﺗﻪﻟﯟﯨﻤﯘ ﺷﯘﻧﺪﺍﻕ ﻗﺎﺭﺍﻗﭽﯩﻼﺭﺩﯨﻦ ﺋﯩﻜﻪﻥ. ﺋﻪﻣﻤﺎ ﺑﯩﺰﻧﯩﯔ ﻣﻪﻣﻪﺕ ﺋﺎﯞﯨﻘﯩﻤﯩﺰ ﺋﻮﺧﺸﯩﻤﺎﻳﺪﯗ. ﺋﯘ ﺩﯨﮕﻪﻥ ﺋﺎﺑﺪﯨﺪﻩﻙ ﺯﺍﻟﯩﻤﻼﺭﻧﻰ ﺋﯚﻟﺘﯜﺭﯛﭖ ﻗﺎﺭﺍﻗﭽﻰ ﺑﻮﻟﻐﺎﻥ. ﺋﯘ ﻛﻮﺯﺍﻥ ﺋﻮﻏﻠﯩﺪﻩﻙ ﻛﯘﺭﺕ ﺭﻩﺷﯩﺘﺘﻪﻙ ﻗﺎﺭﺍﻗﭽﻰ ﺑﻮﻟﯩﺪﯗ. ﺋﻮﺧﺸﯩﻤﺎﻳﺪﯨﻐﺎﻥ ﻣﯩﺠﻪﺯ ﺋﻮﺧﺸﯩﻤﺎﻳﺪﯨﻐﺎﻥ ﻛﻮﻳﻐﺎ ﺳﺎﻟﯩﺪﯗ. ﻣﻪﻣﻪﺕ ﻛﯧﻴﯩﭽﻪ ﺗﯘﺭﺩﯨﻨﯩﯔ ﺋﻪﺗﺮﯨﺘﯩﺪﯨﻦ ﭼﯩﻘﯩﭗ ﻛﯧﺘﯩﭙﺘﯘ. ﻛﯧﻠﯩﺸﻪﻟﻤﻪﭘﺘﯘ. ﺗﯘﺭﺩﻯ ﻣﻪﻧﭙﻪﺋﻪﺕ ﺋﯜﭼﯜﻥ ﻗﺎﺭﺍﻗﭽﻰ ﺑﻮﻟﻐﺎﻥ ﻣﻪﻣﻪﺕ ﮬﻪﻗﯩﻘﻪﺕ ﺋﯜﭼﯜﻥ ﻗﺎﺭﺍﻗﭽﻰ ﺑﻮﻟﻐﺎﻥ. ﺋﻪﻟﯟﻩﺗﺘﻪ ﻛﯧﻠﯩﺸﻪﻟﻤﻪﻳﺪﯗﺩﻩ.
   ﺋﯘﻧﯩﯖﻐﺎ ﺋﻪﮔﯩﺸﯩﭗ ﺟﺎﭘﭙﺎﺭ ﺑﯩﻠﻪﻥ ﺭﻩﺟﻪﭖ ﭼﺎﯞﯗﺵ ﺩﯨﮕﻪﻥ ﺋﯩﻜﻜﻰ ﻗﺎﺭﺍﻗﭽﯩﻤﯘ ﭼﯩﻘﯩﭗ ﻛﯧﺘﯩﭙﺘﯘ. ﻣﻪﻣﻪﺕ ﺑﯩﻠﻪﻥ ﺋﯜﭺ ﻛﯩﺸﯩﻠﯩﻚ ﺋﻪﺗﺮﻩﺕ ﺑﻮﭘﺘﯘ.  ﺗﺎﻏﻼﺭﻏﺎ ﭼﯩﻘﻘﺎﻥ ﻗﺎﺭﺍﻗﭽﯩﻼﺭ ﺗﯜﺭﻛﻤﻪﻧﻠﻪﺭﻧﯩﯔ ﻗﯩﺰﯨﻞ ﻓﻪﺱ(ﻳﯘﻣﯘﻻﻕ ﺩﻭﭘﭙﺎ)ﯨﻨﻰ ﻛﯩﻴﯩﺪﯨﻜﻪﻥ. ﻗﺎﻟﭙﺎﻕ ﻳﺎﻛﻰ ﺷﻪﭘﻜﻪ ﻛﻪﻳﻤﻪﻳﺪﯨﻜﻪﻥ. ﺑﻪﻟﻜﯩﻢ ﺗﺎﻏﺪﯨﻜﻰ ﻗﺎﺭﺍﻗﭽﯩﻼﺭ ﺋﯩﺴﺘﺎﻧﺒﻮﻟﺪﺍ ﺷﯩﻠﻪﭘﻪ ﺋﯩﻨﻘﯩﻼﯞﻯ ﺑﻮﻟﻐﺎﻧﻠﯩﻘﯩﺪﯨﻦ ﺧﻪﯞﻩﺭ ﺗﺎﭘﻤﯩﻐﺎﻥ ﺑﻮﻟﺴﺎ ﻛﯧﺮﻩﻙ. ﻗﺎﺭﺍﻗﭽﯩﻼﺭ ﻣﯘﺳﺘﺎﭘﺎ ﻛﺎﻣﺎﻟﻨﯩﯔ ﻓﻪﺳﻨﻰ ﭼﻪﻛﻠﯩﮕﻪﻧﻠﯩﻜﯩﺪﯨﻦ ﺧﻪﯞﯨﺮﻯ ﺑﺎﺭﻟﯩﻘﯩﻨﻰ ﺑﯩﻠﯩﺪﯨﻐﺎﻥ ﺋﺎﺩﻩﻣﻤﯘ ﻳﻮﻗﻜﻪﻥ.
ﻣﻪﻣﻪﺗﻤﯘ ﺷﯘﻧﯩﯖﺪﯨﻦ ﺑﺎﺷﻼﭖ ﻗﯩﺰﯨﻞ ﻓﻪﺳﻨﻰ ﻣﻪﮬﻜﻪﻡ ﻛﯩﻴﯩﭙﺘﯘ. ﮬﻪﻗﯩﻘﻰ ﺗﯜﺭﻛﻤﻪﻥ ﻗﺎﺭﺍﻗﭽﯩﻼﺭﻏﺎ ﺋﻮﺧﺸﺎﺵ ﺑﻮﭘﺘﯘ..............
   ﻣﻪﻣﻪﺕ ﺋﺎﺑﺪﯨﻼﺭﻧﻰ ﺋﺎﺗﻘﺎﻧﺪﺍ ﺋﯘﻧﯩﯔ ﺟﯩﻴﻪﻧﻰ ﺋﯚﻟﯜﭘﺘﯘ. ﺋﺎﺑﺪﻯ ﺋﺎﻏﺎ ﻳﺎﺭﯨﻠﯩﻨﯩﭗ ﺟﯧﻨﻰ ﺳﺎﻕ ﻗﺎﭘﺘﯘ. ﮬﻪﻣﻤﯩﺰﻧﯩﯔ ﺧﻪﯞﯨﺮﻯ ﺑﺎﺭ ﻳﺎﻟﻤﺎﯞﯗﺯﻧﯩﯔ ﻳﻪﺗﺘﻪ ﺟﯧﻨﻰ ﺑﺎﺭﻏﯘ. ﮬﻪ ﺗﻮﻏﺮﺍ ﺋﺎﺑﺪﯨﻨﯩﯔ ﺟﯧﻨﯩﺪﯨﻦ ﭘﻪﻗﻪﺕ ﺑﯩﺮﯨﻼ ﭼﯩﻘﯩﭙﺘﯘ.  ﺋﺎﺑﺪﻯ ﺋﺎﻏﺎ ﺳﺎﻗﭽﯩﻼﺭﻏﺎ ﺧﻪﯞﻩﺭ ﻣﺎﯕﺪﯗﺭﯗﭘﺘﯘ. ﺳﻮﺗﭽﯩﻼﺭﻏﺎ ﺧﻪﯞﻩﺭ ﻣﺎﯕﺪﯗﺭﯗﭘﺘﯘ.  ﻗﺎﻧﯘﻥ ﺋﺎﺩﻩﻣﻠﯩﺮﻯ ﻛﯧﻠﯩﺸﺘﯩﻦ ﺋﯩﻠﮕﯩﺮﻯ ﻣﻪﻣﻪﺗﻨﻰ ﻗﻮﻏﻼﺷﻘﺎ ﭼﯩﻘﻘﺎﻧﻼﺭﻧﯩﯔ ﮬﻪﻣﻤﯩﺴﯩﻨﻰ ﻳﯩﻐﯩﭙﺘﯘ. ﺋﻪﻟﻰ ﺗﻮﻛﯘﺭ ﻛﻪﻟﻤﻪﭘﺘﯘ. ﻗﯩﻠﻐﺎﻥ ﺋﯩﺸﯩﺪﯨﻦ ﻣﻪﻣﻪﺗﻨﻰ ﺗﯧﭙﯩﭗ ﺑﻪﺭﮔﻪﻧﻠﯩﻜﯩﺪﯨﻦ ﺧﯩﺠﯩﻞ ﺑﻮﭘﺘﯘ. ﺧﯘﺩﺍﻧﯩﯔ ﺋﺎﻟﺪﯨﺪﺍ ﺧﺎﻻﻳﯩﻘﻨﯩﯔ ﺋﺎﻟﺪﯨﺪﺍ ﻟﻪﻧﻪﺗﻜﻪ ﻗﺎﭘﺘﯘ. ﺷﯘﯕﺎ ﭘﯘﺷﺎﻳﻤﺎﻥ ﻗﯩﭙﺘﯘ.   
   ﺋﺎﺑﺪﻯ ﺋﺎﻏﺎ ﻳﯩﻐﯩﻠﻐﺎﻧﻼﺭﻏﺎ ﺟﯩﻴﻪﻧﻰ ﯞﻩﻟﯩﻨﻰ ﺧﻪﺩﯨﭽﻪ ﺋﯚﻟﺘﯜﺭﺩﻯ ﺩﻩﭖ ﺋﯚﮔﯜﺗﯜﭘﺘﯘ. ﺑﯘﻧﻰ ﮔﯘﯞﺍﮬﭽﯩﻼﺭﻧﯩﯔ ﮬﻪﻣﻤﯩﺴﻰ ﺗﻪﭘﺴﯩﻠﻰ ﻳﺎﺩﻟﯩﯟﺍﭘﺘﯘ.  ﺋﯩﻠﮕﯩﺮﻯ ﮬﯚﻛﯜﻣﻪﺕ ﺋﺎﺩﯨﻤﯩﮕﻪ ﻳﯧﺰﯨﺪﯨﻜﻰ ﺑﯩﺮﻩﺭ ﺋﯩﺶ ﺗﻮﻏﺮﯨﻠﯩﻖ ﺟﺎﯞﺍﭖ ﻻﺯﯨﻢ ﺑﻮﻟﺴﺎ ﺋﺎﺑﺪﻯ ﺋﺎﻏﺎ ﺋﺎﺩﻩﻣﻠﯩﺮﯨﻨﻰ ﭼﺎﻗﯩﺮﺗﯩﭗ ﻧﯩﻤﻪ ﺩﯨﻴﯩﺶ ﻛﯧﺮﻩﻛﻠﯩﮕﯩﻨﻰ ﺗﻪﭘﺴﯩﻠﻰ ﺋﯜﮔﯜﺗﯜﭖ ﻗﻮﻳﯩﺪﯨﻜﻪﻥ. ﺋﯘﻻﺭ ﺋﯜﮔﻪﻧﮕﯩﻨﻰ ﺑﻮﻳﯩﭽﻪ ﺗﻪﻛﺸﯜﺭﯛﺵ ﺋﯚﻣﯩﻜﯩﺪﯨﻜﯩﻠﻪﺭﻧﯩﯔ ﺋﺎﻟﺪﯨﺪﺍ ﺑﯘﻟﺒﯘﻟﺪﻩﻙ ﺳﺎﻳﺮﺍﻳﺪﯨﻜﻪﻥ. ﺳﻮﺋﺎﻝ ﺳﻮﺭﯨﻐﯘﭼﯩﻼﺭ ﺑﯘ ﺑﯘﻟﺒﯘﻟﻼﺭﻧﻰ ﻛﯩﻢ ﺳﺎﻳﺮﯨﺘﯩﯟﺍﺗﻘﺎﻧﻠﯩﻘﯩﻨﻰ ﺋﯩﭽﯩﺪﻩ ﺑﯩﻠﯩﺪﯨﻜﻪﻥ. ﺋﻪﻣﻤﺎ ﺋﯩﻨﭽﯩﻜﻠﻪﭖ ﻛﻪﺗﻤﻪﻱ ﺋﺎﺑﺪﻯ ﺋﺎﻏﯩﻨﯩﯔ ﺋﯚﻳﯩﺪﻩ ﻗﺎﻧﻐﯘﭼﻪ ﻣﯧﮭﻤﺎﻥ ﺑﻮﻟﯘﭖ ﺳﻮﻏﺎ-ﺋﯧﮭﺴﺎﻧﻼﺭ ﺑﯩﻠﻪﻥ ﻗﺎﻳﺘﯩﺪﯨﻜﻪﻥ. ﺑﯘ ﻗﯧﺘﯩﻤﻤﯘ ﺷﯘﻧﺪﺍﻕ ﺑﻮﭘﺘﯘ.
    ﮔﯘﯞﺍﮬﭽﯩﻼﺭ ﺋﯩﻠﻼ-ﺑﯩﻠﻼ ﺧﻪﺩﯨﭽﻪﻧﯩﯔ ﺋﺎﺗﻘﯩﻨﻰ ﯞﻩﻟﻰ ﺷﯧﮭﯩﺪﯗﺗﯘﻟﻼ ﺩﻩﭖ ﻳﺎﺵ ﺗﯚﻛﯜﭖ ﮔﯘﯞﺍﮬﻠﯩﻖ ﺑﯧﺮﯨﭙﺘﯘ. ﺳﻮﺗﭽﯩﻼﺭ ﺧﻪﺩﯨﭽﻪﺩﯨﻦ ﺳﻮﺭﺍﭘﺘﯘ. ﺷﯘ ﻳﯧﺸﯩﻐﯩﭽﻪ ﺑﯩﺮ ﻳﯧﺰﯨﻨﯩﯔ ﮬﺎﯞﺍﺳﻰ ﺑﯩﺮ ﺋﯧﺮﯨﻘﻨﯩﯔ ﺳﯜﻳﯩﻨﻰ ﺗﻪﯓ ﺋﯩﭽﻜﻪﻥ ﺑﯘ ﻳﯧﺰﯨﻠﯩﻘﻠﯩﺮﯨﻨﯩﯔ ﮔﯘﯞﺍﮬﻠﯩﻘﻰ ﺧﺎﺗﯩﺮﺟﻪﻡ ﺗﯘﺭﻏﺎﻥ ﺧﻪﺩﯨﭽﻪﻧﻰ ﮬﻪﻳﺮﺍﻥ ﻗﺎﻟﺪﯗﺭﯗﭘﺘﯘ. ﺋﺎﻧﯩﺴﯩﻨﯩﯔ ﻗﯩﺰﯨﻢ ﻗﻮﺭﺍﻟﺪﯨﻦ ﻗﻮﺭﻗﯩﺪﯗ. ﺋﯘ ﺗﺎﭘﺎﻧﭽﯩﻨﻰ ﻗﺎﻧﺪﺍﻕ ﺗﯘﺗﯘﺷﻨﯩﻤﯘ ﺑﯩﻠﻤﻪﻳﺪﯗ ﺩﯨﮕﻪﻥ ﻧﺎﻟﯩﻠﯩﺮﻯ ﭘﺎﻳﺪﯨﺴﯩﺰ ﺑﻮﭘﺘﯘ. ﺳﻮﺗﭽﻰ ﺑﯩﺮ ﻗﺎﺭﺍﭘﻼ ﺧﻪﺩﯨﭽﻪﻧﯩﯔ ﮔﯘﻧﺎﮬﺴﯩﺰﻟﯩﻘﯩﻨﻰ ﺑﯩﻠﯩﭙﺘﯘ. ﺋﻪﻣﻤﺎ ﺑﯘ ﻳﯧﺰﯨﻐﺎ ﺑﯩﻜﺎﺭﻏﺎ ﻛﻪﻟﺴﻪ ﺑﻮﻟﻤﺎﻳﺪﯗﺩﻩ. ﺑﯩﺮﻩﺭ ﮬﯚﻛﯜﻡ ﺋﯧﻼﻥ ﻗﯩﻠﯩﭗ ﭘﻪﻗﻪﺕ ﮔﯚﺷﻼ ﺑﺎﺭ ﺑﻪﺩﯨﻨﯩﻨﻰ ﻳﻮﺷﯘﺭﯗﭖ ﺗﯘﺭﻏﺎﻥ ﻣﺎﯞﯗ ﮬﻪﻳﯟﻩﺗﻠﯩﻚ ﻛﯩﻴﯩﻤﻠﯩﺮﯨﻨﯩﯔ ﺳﯚﻟﯩﺘﯩﻨﻰ ﻧﺎﻣﺎﻳﻪﻥ ﻗﯩﻠﻤﯩﺴﯘﻧﻤﯘ.  
ﺋﺎﺑﺪﻯ ﺋﺎﻏﺎ ﻛﯩﭽﯩﻜﻜﯩﻨﻪ ﺑﻮﻟﺴﯩﻤﯘ ﻣﯘﺭﺍﺩﯨﻐﺎ ﻳﯧﺘﯩﭙﺘﯘ. ﻣﻪﻣﻪﺗﺘﯩﻦ ﺋﯚﭼﯩﻨﻰ ﺋﺎﻻﻟﻤﯩﻐﺎﻥ ﺑﻮﻟﺴﯩﻤﯘ ﻣﯘﻧﯘ ﻗﯩﺰﺩﯨﻦ ﺋﺎﭼﭽﯩﻘﯩﻨﻰ ﺑﯧﺴﯩﭗ ﺗﯘﺭﯗﭘﺘﯘ. ﺋﻪﺟﻪﻝ ﺋﯘﻧﯩﯖﻐﺎ ﻗﯩﻠﻐﺎﻥ ﺋﯩﺸﯩﻨﻰ ﭼﯩﺮﺍﻳﻠﯩﻖ ﻛﯚﺭﺳﯩﺘﯩﭗ ﺑﺎﺭﺍ-ﺑﺎﺭﺍ ﻳﯧﻘﯩﻨﻼﭖ ﻛﻪﭘﺘﯘ.
   ﻳﯧﺰﯨﻠﯩﻘﻼﺭ ﻛﯘﺳﯘﺭﻟﯩﺸﯩﭗ ﻛﯧﺘﯩﭙﺘﯘ. ﺑﯘﺭﯗﻧﻘﯩﺪﻩﻛﻼ ﺋﯘﻻﺭ ﻳﻮﻕ ﻳﻪﺭﺩﻩ ﺋﺎﺩﺍﻟﻪﺕ ﭘﻪﺭﻳﺎﺩﯨﻨﻰ ﻳﻪﺗﻜﯜﭼﻪ ﻗﯩﻠﯩﭙﺘﯘ. ﺋﻪﻣﻤﺎ ﺑﯩﺮﻩﺭﺳﯩﻤﯘ ﺧﻪﺩﯨﭽﻪﻧﻰ ﮔﯘﻧﺎﮬﺴﯩﺰ ﺩﯨﻴﯩﺸﻜﻪ ﭘﯧﺘﯩﻨﺎﻟﻤﺎﭘﺘﯘ.  ﺧﻪﺩﯨﭽﻪﻧﯩﯔ ﯞﻩﻟﯩﻨﻰ ﺋﺎﺗﻘﺎﻧﻠﯩﻘﻰ ﻳﻪﺗﺘﻪ ﻧﻪﭘﻪﺭ ﮔﯘﯞﺍﮬﭽﻰ ﺗﻪﺭﯨﭙﯩﺪﯨﻦ ﻣﯘﻗﯩﻤﻠﯩﻨﯩﭗ ﺗﯜﺭﻣﯩﮕﻪ ﺋﯧﻠﯩﭗ ﻛﯧﺘﯩﻠﯩﭙﺘﯘ...... ﺋﻪﻣﺪﻯ ﺧﻪﺩﯨﭽﻪ ﺑﯩﻠﻪﻥ ﺑﯩﺮ ﻛﺎﻣﯩﺮﻏﺎ ﺳﻮﻻﻧﻐﺎﻥ ﺋﯩﺮﺍﺯ ﺗﻮﻏﺮﯨﺴﯩﺪﺍ ﺳﯚﺯﻟﻪﭖ ﺑﯧﺮﻩﻱ
  ﺟﻪﺳﻪﺗﻨﻰ ﺋﻪﭖ ﭼﯜﺷﺘﻰ ﮬﯧﻠﯩﺖ ﺗﯜﺯﯨﮕﻪ
ﺑﯧﺸﻰ ﻳﻮﻗﺘﯘﺭ ﻗﺎﺭﯨﺴﺎﻡ ﺋﯘﻧﯩﯔ ﻳﯜﺯﯨﮕﻪ.
ﻣﻪﻧﺪﯨﻦ ﺳﺎﻻﻡ ﺋﯧﻴﺘﯩﯔ ﺑﻪﮔﻨﯩﯔ ﻗﯩﺰﯨﻐﺎ   
ﺋﯩﺮﺍﺯ ﻣﻮﻣﺎﻱ ﺑﺎﺷﻼﭖ ﭼﯩﻘﺴﯘﻥ ﺗﺎﻏﻨﯩﯔ ﺋﯜﺳﺘﯩﮕﻪ ;
ﺩﯨﻠﯩﻢ ﻗﺎﻧﺴﯘﻥ ﮔﯜﺯﻩﻝ ﻳﯜﺯﻯ ﺋﺎﮬﯘ ﻛﯚﺯﯨﮕﻪ.......
  ﭼﯩﺮﺍﻳﻰ ﻗﺎﺭﺍ ﻗﯘﻣﭽﺎﻗﻘﯩﻨﻪ ﻳﻮﻏﺎﻥ ﻛﯚﺯﻟﯩﺮﻯ ﻳﯧﻨﯩﭗ ﺗﯘﺭﻏﺎﻥ ﺋﻪﮔﯩﻢ ﻗﺎﺷﻠﯩﺮﻯ ﯞﻩ ﻛﻪﯓ ﭘﯩﺸﺎﻧﯩﺴﯩﮕﻪ ﭼﯜﺷﯜﭖ ﺗﯘﺭﻏﺎﻥ ﺑﯩﺮ ﺗﯘﺗﺎﻡ ﭼﯧﭽﻰ ﺑﯩﻠﻪﻥ ﺗﯧﮕﻰ-ﺗﯧﮕﯩﺪﯨﻦ ﻣﯧﮭﺮﯨﻠﯩﻚ ﺑﯩﻠﯩﻨﯩﺪﯨﻐﺎﻥ ﭼﯩﺮﺍﻳﻠﯩﻘﻘﯩﻨﻪ ﺋﯘﺯﯗﻧﭽﺎﻗﺮﺍﻕ ﺋﯩﯖﯩﮕﻰ ﺑﯩﻠﻪﻥ ﮬﻪﻣﻤﯩﻨﻰ ﮬﻪﻳﺮﺍﻥ ﻗﺎﻟﺪﯗﺭﯨﺪﯨﻐﺎﻥ ﺳﺎﻛﺎﺭ ﻳﯧﺰﯨﺴﯩﺪﯨﻜﻰ ﮬﯜﺳﻪﻳﯩﻨﻨﯩﯔ ﺋﺎﻳﺎﻟﻰ ﺋﯩﺮﺍﺯ ﻳﯩﮕﯩﺮﻣﻪ ﻳﯧﺸﯩﺪﺍ ﻗﯘﭼﯘﻏﯩﺪﯨﻜﻰ ﺗﻮﻗﻘﯘﺯ ﺋﺎﻳﻠﯩﻖ ﺑﺎﻟﯩﺴﻰ ﺑﯩﻠﻪﻥ ﺗﯘﻝ ﻗﺎﭘﺘﯘ.
ﺋﯘ ﺋﯧﺮﯨﻨﻰ ﺑﻪﻛﻤﯘ ﻳﺎﺧﺸﻰ ﻛﯚﺭﯨﺪﯨﻜﻪﻥ. ﮬﯧﻠﯩﻘﻰ ﺋﺎﻗﻘﯘ ﺩﯨﮕﻪﻥ ﺟﺎﻧﯩﯟﺍﺭﺩﻩﻙ ﺋﺎﺧﯩﺮﻗﻰ ﺋﯚﻣﺮﯨﻨﻰ ﺋﯚﻟﮕﻪﻥ ﮬﻪﻣﺮﺍﮬﯩﻐﺎ ﻗﺎﺭﯨﻠﯩﻘﻘﺎ ﺋﺎﺗﺎﭘﺘﯘ. ﺋﯧﺮﯨﻨﯩﯔ ﺟﻪﺳﯩﺘﯩﻨﯩﯔ ﺋﺎﻟﺪﯨﺪﺍ "ﮬﯜﺳﻪﻳﯩﻦ ﻳﺎﺗﻘﺎﻥ ﻳﻪﺭﺩﻩ ﮬﯩﭽﻜﯩﻤﻨﻰ ﻳﺎﺗﻘﯘﺯﻣﺎﻳﻤﻪﻥ" ﺩﻩﭖ ﻗﻪﺳﻪﻡ ﺋﯩﭽﯩﭙﺘﯘ. ﺋﯧﺮﯨﻨﯩﯔ ﻗﯧﺮﯨﻨﺪﺍﺷﻠﯩﺮﻯ ﮬﯜﺳﻪﻳﯩﻦ ﺋﯚﻟﮕﻪﻧﺪﯨﻦ ﻛﯧﻴﯩﻦ ﺋﯩﺮﺍﺯﺩﯨﻦ ﻳﻪﺭﻧﻰ ﺗﺎﺭﺗﯩﯟﺍﭘﺘﯘ.
ﺷﯘﻧﺪﺍﻗﺘﯩﻤﯘ ﺋﯩﺮﺍﺯ ﻳﺎﻟﻐﯘﺯ ﺧﻮﺷﺎﻟﻠﯩﻘﻰ ﺑﻮﻟﻐﺎﻥ ﺋﻮﻏﻠﻰ ﺭﯨﺰﺍﻧﻰ ﺑﯧﻘﯩﭗ ﻗﺎﺗﺎﺭﻏﺎ ﻗﻮﺷﯘﭘﺘﯘ. ﺗﯩﺮﯨﻚ ﺟﺎﻥ ﺑﻮﻟﻐﺎﻧﺪﯨﻜﯩﻦ ﻳﻪﺭﺳﯩﺰ ﺑﻮﻟﺴﯩﻤﯘ ﺭﯨﺴﻘﯩﺴﯩﺰ ﻗﺎﻟﻤﺎﭘﺘﯘ. ﺭﯨﺰﺍ ﭼﻮﯓ ﺑﻮﭘﺘﯘ.       ﺋﯘ ﺋﻪﺭﺯ ﻗﯩﻠﯩﭗ ﻳﯜﺭﯛﭖ ﺩﺍﺩﯨﺴﯩﻨﯩﯔ ﻗﯧﺮﯨﻨﺪﺍﺷﻠﯩﺮﯨﺪﯨﻦ ﻳﯧﺮﯨﻨﻰ ﻗﺎﻳﺘﯘﺭﯨﯟﺍﭘﺘﯘ. ﺋﻪﻣﻤﺎ ﺋﺎﭼﻜﯚﺯ ﺗﯘﻗﻘﺎﻧﻠﯩﺮﻯ ﺭﯨﺰﺍﻧﻰ ﺋﯚﻟﺘﯜﺭﯞﯦﺘﯩﭙﺘﯘ..........   ﺭﯨﺰﺍ ﺋﯚﺯﯨﻨﯩﯔ ﺋﯧﺘﯩﺰﻟﯩﻘﯩﺪﺍ ﺋﯚﻟﺘﯜﺭﯛﻟﮕﻪﻥ ﺋﯩﺪﻯ. ﺋﯘ ﺗﯘﻗﻘﺎﻧﻠﯩﺮﯨﻨﯩﯔ ﻗﻮﻟﯩﺪﺍ ﺋﯚﻟﮕﻪﻥ ﺋﯩﺪﻯ. ﺋﻪﻣﻤﺎ ﺋﯘﻻﺭﻧﯩﯔ ﺋﯚﻟﺘﯜﺭﮔﻪﻧﻠﯩﻜﯩﮕﻪ ﮔﯘﯞﺍﮬﭽﻰ ﻳﻮﻕ ﺋﯩﺪﻯ. ﻣﻪﻳﻠﻰ ﺋﯩﺮﺍﺯ ﻳﺎﻛﻰ ﻳﯧﺰﯨﺪﯨﻜﻰ ﺑﺎﺷﻘﯩﻼﺭ ﺑﻮﻟﺴﯘﻥ ﺭﯨﺰﺍ ﺑﯩﻠﻪﻥ ﻧﻪﯞﺭﯨﻠﻪﺭ ﺑﻮﻟﯩﺪﯨﻐﺎﻥ ﺋﻪﻟﯩﻨﯩﯔ ﻳﻪﺭ ﺋﯜﭼﯜﻥ ﺋﯘﻧﻰ ﺋﯚﻟﺘﯜﺭﯞﻩﺗﻜﻪﻧﻠﯩﻜﯩﻨﻰ ﺑﯩﻠﯩﺪﯨﻜﻪﻥ. ﺳﻮﺩﯨﻴﻪ ﺋﯘﻻﺭﻧﯩﯔ ﺋﺎﺭﯨﺴﯩﺪﯨﻜﻰ ﻳﻪﺭ ﻣﻪﺳﯩﻠﯩﺴﯩﻨﻰ ﺗﻪﭘﺴﯩﻠﻰ ﻳﯧﺰﯨﯟﺍﭘﺘﯘ ﮬﻪﻣﺪﻩ ﺗﺎﻏﯩﺴﯩﻨﯩﯔ ﺋﻮﻏﻠﻰ ﺋﻪﻟﯩﻨﻰ ﻗﺎﺗﯩﻞ ﺩﻩﭖ ﺗﯘﺗﯘﭘﺘﯘ.   
   ﺋﯧﺘﯩﺰﻟﯩﻘﺘﺎ ﺋﯜﺳﺘﯩﮕﻪ ﻳﯧﺸﯩﻞ ﭼﯩﯟﯨﻨﻼﺭ ﺋﻮﻻﺷﻘﺎﻥ ﺭﯨﺰﺍﻧﯩﯔ ﺟﺎﻧﺴﯩﺰ ﺋﯚﻟﯩﻜﻰ ﻛﺎﻟﯩﻠﯩﺮﻯ ﻗﯧﭽﯩﭗ ﻛﻪﺗﻜﻪﻥ ﻗﯘﺭﯗﻕ ﺳﺎﭘﺎﻥ ﻳﯩﻐﻼﯞﯦﺮﯨﭗ ﻛﯚﺯﻟﯩﺮﯨﻨﯩﯔ ﻧﯘﺭﯨﻤﯘ ﻗﺎﻟﻤﯩﻐﺎﻥ ﺋﺎﻧﺎ ﻳﺎﻟﻐﯘﺯ ﻗﺎﭘﺘﯘ........ ﺋﯩﺮﺍﺯ ﺋﻪﻟﯩﻨﻰ ﺋﻪﻣﺪﻯ ﺩﺍﺭﻏﺎ ﺋﺎﺳﯩﺪﯗ ﺩﻩﭖ ﺋﻮﻳﻠﯩﻐﺎﻥ ﺋﯩﻜﻪﻥ. ﺋﻪﻣﻤﺎ ﺋﯩﻜﻜﻰ ﻛﯜﻧﺪﯨﻦ ﻛﯧﻴﯩﻦ ﺋﻪﻟﻰ ﻗﻮﻟﻠﯩﺮﯨﻨﻰ ﺳﺎﻟﻐﺎﻥ ﮬﺎﻟﺪﺍ ﻳﯧﺰﯨﻐﺎ ﺧﺎﺗﯩﺮﺟﻪﻡ ﻗﺎﻳﺘﯩﭗ ﻛﻪﭘﺘﯘ. ﭼﯜﻧﻜﻰ ﺋﻪﻟﻰ ﺭﯨﺰﺍ ﺋﯚﻟﺘﯜﺭﯛﻟﮕﻪﻧﺪﻩ ﺗﯚﺕ ﺳﺎﺋﻪﺗﻠﯩﻚ ﻳﻮﻝ ﻳﯩﺮﺍﻗﻠﯩﻘﺘﯩﻜﻰ ﺑﺎﺷﻘﺎ ﻳﯧﺰﯨﺪﺍ ﺗﻮﻳﻐﺎ ﻗﺎﺗﻨﺎﺷﻘﺎﻧﻠﯩﻘﯩﻨﻰ ﮔﯘﯞﺍﮬﭽﯩﻼﺭ ﺑﯩﻠﻪﻥ ﺋﯩﺴﭙﺎﺗﻼﭘﺘﯘ. ﻗﺎﺗﯩﻞ ﺟﺎﺯﺍﻻﻧﻤﺎﭘﺘﯘ.   
   ﺑﯩﭽﺎﺭﻩ ﺋﺎﻧﺎ ﺑﯘﻧﺪﺍﻕ ﮬﺎﻗﺎﺭﻩﺗﻨﻰ ﻛﯚﺗﯜﺭﻩﻟﻤﻪﭘﺘﯘ. ﺋﺎﺩﻩﻣﻠﻪﺭﺩﯨﻦ ﻛﻪﻟﮕﯩﻨﯩﻐﯘ ﻣﻪﻳﻠﻰ ﻗﺎﻧﯘﻧﺪﯨﻦ ﻛﻪﻟﮕﻪﻥ ﺑﯘ ﮬﺎﻗﺎﺭﻩﺕ ﺋﯘﻧﻰ ﮔﯚﺭﮔﻪ ﺗﯩﺮﯨﻚ ﻛﯚﻣﯜﻟﮕﻪﻥ ﺋﺎﺩﻩﻣﮕﻪ ﺋﺎﻳﻼﻧﺪﯗﺭﯗﭘﺘﯘ. ﺋﯚﻳﯩﺪﯨﻜﻰ ﭘﺎﻟﺘﯩﻨﻰ ﻗﻮﻟﯩﻐﺎ ﺋﺎﭘﺘﯘ. ﺩﯗﻧﻴﺎﺩﯨﻜﻰ ﺧﻮﺷﺎﻟﻠﯩﻘﯩﻨﻰ ﻳﻮﻗﺎﺗﻘﺎﻧﻼﺭ ﺑﯩﻠﻪﻥ ﺗﻪﯕﻼ ﻳﻮﻗﯩﻠﯩﺶ ﺋﯜﭼﯜﻥ ﺋﯘﻻﺭﻧﯩﯔ ﺋﯚﻳﯩﮕﻪ ﺑﯧﺮﯨﭙﺘﯘ. ﺋﻪﻣﻤﺎ ﺋﻪﻟﻰ ﺋﯚﻳﺪﻩ ﻳﻮﻕ ﺋﯩﻜﻪﻥ. ﺋﯩﺮﺍﺯ ﻏﻪﺯﻩﭖ ﺑﯩﻠﻪﻥ ﺋﯚﻳﻨﯩﯔ ﺋﯩﺸﯩﻜﯩﻨﻰ ﭼﯧﻘﯩﯟﺍﺗﻘﺎﻧﺪﺍ ﺋﻪﻟﻰ ﻛﯧﻠﯩﭗ ﻗﺎﭘﺘﯘ. ﺋﯩﺮﺍﺯﻧﯩﯔ ﻗﻮﻟﯩﺪﯨﻜﻰ ﭘﺎﻟﺘﯩﻨﻰ ﺗﺎﺭﺗﯩﯟﯦﻠﯩﭗ ﺋﯘﻧﻰ ﺩﻩﺳﺴﻪﭖ-ﭼﻪﻳﻠﻪﺷﻜﻪ ﺑﺎﺷﻼﭘﺘﯘ. ﻳﯧﺰﯨﻠﯩﻘﻼﺭ ﭼﺎﺭﻩﻙ ﺟﯧﻨﻰ ﻗﺎﻟﻐﺎﻥ ﺋﯩﺮﺍﺯﻧﻰ ﺋﯘﻧﯩﯔ ﺋﺎﻳﯩﻘﯩﺪﯨﻦ ﺗﻪﺳﺘﻪ ﺗﺎﺭﺗﯩﯟﺍﭘﺘﯘ. ﺷﯘ ﻛﯧﭽﯩﺴﻰ ﺋﯩﺮﺍﺯ ﺋﯚﻣﯩﻠﻪﭖ ﺑﯧﺮﯨﭗ ﺋﻪﻟﯩﻨﯩﯔ ﺋﯚﻳﯩﮕﻪ ﺋﯚﺕ ﻗﻮﻳﯘﭘﺘﯘ........  
ﺋﻪﻟﻰ ﺳﺎﻗﭽﯩﻼﺭﻧﻰ ﺑﺎﺷﻼﭖ ﻛﻪﭘﺘﯘ. ﻏﻪﺯﻩﭘﻠﯩﻚ ﺋﺎﻧﺎ ﮬﻪﻣﻤﯩﻨﻰ ﻣﻪﻥ ﻗﯩﻠﺪﯨﻢ. ﺋﻪﻟﯩﻨﻰ ﻛﯚﻳﯜﭖ ﺋﯚﻟﺴﯘﻥ ﺩﯨﺪﯨﻢ ﺩﻩﭘﺘﯘ.
   ﺑﯘ ﯞﻩﻗﻪ ﺑﺎﺷﻼﻧﻐﺎﻧﺪﯨﻦ ﺋﺎﺧﯩﺮﻻﺷﻘﺎﻧﻐﺎ ﻗﻪﺩﻩﺭ ﭘﻪﻗﻪﺕ ﺋﯩﺮﺍﺯ ﺩﯨﮕﻪﻥ ﻣﯘﺷﯘ ﺋﺎﺟﯩﺰ ﺋﺎﻳﺎﻟﻼ ﺭﺍﺱ ﮔﻪﭖ ﻗﯩﭙﺘﯘ. ﺋﯘ ﺋﻪﻟﯩﻨﯩﯔ ﺋﯚﻳﯩﮕﻪ ﺋﻮﺕ ﻛﻪﺗﻜﻪﻧﺪﻩ ﺑﺎﺷﻘﺎ ﻳﯧﺰﯨﺪﺍ ﺗﻮﻳﺪﺍ ﺋﯩﺪﯨﻢ ﺩﯨﻤﻪﭘﺘﯘ ﺋﯘﻧﯩﯔ ﺟﯩﻨﺎﻳﯩﺘﻰ ﺋﯜﭼﯜﻥ ﮔﯘﯞﺍﮬﭽﯩﻼﺭﻣﯘ ﻛﻪﺗﻤﻪﭘﺘﯘ. ﺳﺎﻗﭽﯩﻼﺭ ﻗﺎﻧﯘﻥ ﺑﻮﻳﯩﭽﻪ ﺋﯩﺮﺍﺯﻧﻰ ﺗﯘﺗﯘﭘﺘﯘ. ﺋﯩﺮﺍﺯ ﻗﻮﻟﻐﺎ ﺋﯧﻠﯩﻨﯩﭙﺘﯘ. ﺑﯩﺮ ﺩﯙﻟﻪﺗﻜﻪ ﺑﯩﺮ ﻣﻪﻣﻠﯩﻜﻪﺗﻜﻪ ﺗﻪﯓ ﻗﯩﻠﻤﺎﻳﺪﯨﻐﺎﻥ ﭼﯩﻨﺎﺭﺩﻩﻙ ﺋﻮﻏﻠﻰ ﺋﯜﭼﯜﻥ ﻗﺎﺗﯩﻠﻨﯩﯔ ﺋﯚﻳﯩﮕﻪ ﺋﻮﺕ ﻗﻮﻳﻐﺎﻧﻠﯩﻘﻰ ﺳﻪﯞﻩﺑﯩﺪﯨﻦ ﻗﻮﻟﻐﺎ ﺋﯧﻠﯩﻨﯩﭙﺘﯘ.   ﺋﯩﺮﺍﺯ ﺑﯩﻠﻪﻥ ﺧﻪﺩﯨﭽﻪ ﺑﯩﺮ ﻛﺎﻣﯩﺮﻏﺎ ﻗﺎﻣﯩﻠﯩﭙﺘﯘ....
   ﺋﯩﺮﺍﺯ ﺗﯜﺭﻣﯩﻨﯩﯔ ﺑﯘﻟﯩﯖﯩﺪﺍ ﻗﯧﺘﯩﭗ ﺋﻮﻟﺘﯘﺭﯨﺪﯨﻜﻪﻥ. ﻗﺎﺭﻏﯘﻻﺭﻧﯩﯔ ﻛﯚﺯﯨﺪﯨﻤﯘ ﺋﻪﺗﺮﺍﭘﻘﺎ ﺋﯩﻨﺘﯩﻠﯩﺶ ﺑﻮﻟﯩﺪﯗ. ﺋﻪﻣﻤﺎ ﺋﯘﻧﯩﯔ ﻛﯚﺯﻟﯩﺮﯨﺪﻩ ﮬﯩﭽﻨﯩﻤﻪ ﻳﻮﻕ. ﭘﺎﯕﻼﺭﻧﯩﯔ ﻗﯘﻻﻗﻠﯩﺮﯨﺪﯨﻤﯘ ﺑﯩﺌﺎﺭﺍﻣﻠﯩﻖ ﺗﯧﯖﯩﺮﻗﺎﺵ ﯞﻩ ﺋﯩﻨﺘﯩﻠﯩﺶ ﺑﻮﻟﯩﺪﯨﻜﻪﻥ. ﺋﯩﺮﺍﺯﺩﺍ ﺑﻮﻟﺴﺎ ﺑﯘﻻﺭﻣﯘ ﻳﻮﻕ. ﺋﯘﻧﯩﯖﻐﺎ ﻗﺎﺭﺍﺷﻨﯩﯔ ﺋﯚﺯﯨﻤﯘ ﺑﯩﺮ ﺩﻩﮬﺸﻪﺕ ﺋﯩﻜﻪﻥ. ﺧﻪﺩﯨﭽﻪﻧﯩﯔ ﺩﻩﺭﺩﻯ ﺑﯩﺮ ﻳﺎﻧﻐﺎ ﻗﺎﻳﺮﯨﻠﯩﭗ ﻗﺎﭘﺘﯘ. ﺑﯘ ﺋﺎﻳﺎﻟﻨﯩﯔ ﺩﻩﺭﺩﻯ ﺋﯘﻧﯩﯖﻐﺎ ﮬﻪﻣﻤﯩﻨﻰ ﺋﯘﻧﺘﯘﻟﺪﯗﺭﯗﭘﺘﯘ. ﺳﯚﺯﻟﻪﭘﺘﯘ ﺳﯩﻼﭘﺘﯘ ﺋﯘﻧﯩﯔ ﮬﺎﻟﯩﻐﺎ ﻗﺎﺭﺍﭖ ﻳﯩﻐﻼﭘﺘﯘ. ﻗﯧﺮﯨﻨﺪﯨﺸﻰ ﺑﻮﻟﺴﯩﻤﯘ ﺑﯘﻧﭽﻪ ﻗﯩﻠﻤﺎﺱ ﺋﺎﺳﺘﺎ-ﺋﺎﺳﺘﺎ ﺋﯩﺮﺍﺯ ﺑﯩﻠﻪﻥ ﺧﻪﺩﯨﭽﻪ ﺑﯩﻠﻠﻪ ﻳﯩﻐﻼﻳﺪﯨﻐﺎﻥ ﺑﯩﻠﻠﻪ ﻛﯜﻟﯩﺪﯨﻐﺎﻥ ﺑﻮﭘﺘﯘ.
   ﺋﯩﺮﺍﺯﻧﯩﯔ ﻳﻮﺭﯗﻕ ﺩﯗﻧﻴﺎ ﺑﯩﻠﻪﻥ ﺗﻪﻏﺪﯨﺮﯨﻨﻰ ﺑﺎﻏﻼﭖ ﺗﯘﺭﯨﺪﯨﻐﺎﻥ ﮬﯧﭽﻨﯩﻤﯩﺴﻰ ﻳﻮﻗﻜﻪﻥ. ﺋﻪﻣﻤﺎ ﺧﻪﺩﯨﭽﻪﻧﯩﯔ ﺑﺎﺭﺩﻩ. ﺋﻮﻏﻠﻰ ﺭﯨﺰﺍﻧﯩﯔ ﻗﯩﺴﺎﺳﯩﭽﯘ ﺗﻮﻏﺮﺍ ﻳﻮﺭﯗﻕ ﺩﯗﻧﻴﺎﺩﺍ ﻗﺎﻟﻐﺎﻥ ﺋﻮﻏﻠﯩﻨﯩﯔ ﻗﯩﺴﺎﺳﻰ ﺑﺎﺭ ﺋﯩﻜﻪﻥ. ﺋﯩﺮﺍﺯ ﺑﯘﻻﺭﻧﻰ ﺋﻮﻳﻠﯩﻐﺎﻧﺪﺍ ﻛﯚﻛﺴﻰ ﭼﯩﯖﻘﯩﻠﯩﭗ ﺋﺎﻏﺮﯨﻴﺪﯨﻜﻪﻥ. ﺑﯘ ﺋﺎﻏﺮﯨﻖ ﺋﻮﻏﻠﻰ ﺭﯨﺰﺍﻧﯩﯔ ﻗﯩﺴﺎﺳﯩﻨﻰ ﺋﯧﺴﯩﮕﻪ ﺳﺎﻟﯩﺪﯨﻜﻪﻥ. ﭼﯩﺸﻠﯩﺮﯨﻨﻰ ﻛﯩﺮﯨﺸﺘﯜﺭﯨﺪﯨﻜﻪﻥ.  
   ﻣﻪﻣﻪﺗﻨﯩﯔ ﻗﺎﺭﺍﻗﭽﯩﻠﯩﻘﻰ ﺗﯜﺭﻣﯩﮕﯩﻤﯘ ﺋﺎﯕﻠﯩﻨﯩﭙﺘﯘ. ﺋﯘﻧﯩﯔ ﺑﺎﺷﻘﺎ ﻗﺎﺭﺍﻗﭽﯩﻼﺭﻏﺎ ﺋﻮﺧﺸﯩﻤﺎﻳﺪﯨﻐﺎﻥ ﻗﺎﺭﺍﻗﭽﯩﻠﯩﻘﻰ ﺗﻮﻏﺮﯨﺴﯩﺪﺍ ﺳﯚﺯﻟﻪﺭ ﺑﻮﻟﯘﭘﺘﯘ. ﺩﯗﻧﻴﺎﺩﯨﻦ ﮬﯩﭻ ﺑﯩﺮ ﺧﻮﯞﻟﯘﻕ ﻛﯚﺭﻣﯩﮕﻪﻥ ﺷﯘﻧﭽﻪ ﺋﺎﺩﻩﻣﻠﻪﺭﺩﯨﻦ ﮬﯩﺴﺪﺍﺷﻠﯩﻘﻘﺎ ﺋﯧﺮﯨﺸﻤﯩﮕﻪﻥ ﺑﯘ ﺋﯩﻜﻜﻰ ﺋﺎﻳﺎﻝ ﮬﻪﺗﺘﺎ ﺋﯘﭼﺎﺭ ﻗﺎﻧﺎﺗﻼﺭﻧﯩﯖﻤﯘ ﻗﯘﺭﺕ-ﻗﻮﯕﯘﺯﻻﺭﻧﯩﯖﻤﯘ ﭼﺎﺗﯩﻘﻰ ﺑﻮﻟﻤﺎﻳﺪﯨﻐﺎﻥ ﺑﯘ ﺋﯩﻜﻜﻰ ﺋﺎﻳﺎﻝ ﺑﯩﺮ ﺋﯜﻣﯜﺗﻜﻪ ﺋﯧﺮﯨﺸﯩﭙﺘﯘ. ﺋﯘﻻﺭ ﻣﻪﻣﻪﺗﻨﯩﯔ ﺧﯩﻴﺎﻟﻰ ﺑﯩﻠﻪﻥ ﮬﺎﻳﺎﺗﻠﯩﻖ ﺋﺎﺭﺯﯗﺳﯩﺪﺍ ﻗﯩﻤﯩﺮﻻﺷﻘﺎ ﻣﯩﺪﯨﺮﺍﺷﻘﺎ ﺑﺎﺷﻼﭘﺘﯘ. ﺋﯘﻧﯩﯔ ﻗﺎﺭﺍﻗﭽﯩﻠﯩﻘﻰ ﺗﻮﻏﺮﯨﺴﯩﺪﯨﻜﻰ ﭘﺎﺭﺍﯕﻼﺭ ﺑﯩﻠﻪﻥ ﺗﻮﺧﺘﺎﭖ ﻗﺎﻻﻱ ﺩﯨﮕﻪﻥ ﻳﯜﺭﯨﮕﯩﮕﻪ ﻗﺎﻥ ﺗﻮﻟﯘﻗﻼﭘﺘﯘ. ﺋﻪﺩﻟﯘ-ﺋﺎﺩﺍﻟﻪﺕ ﺋﻪﺧﻼﻕ-ﺩﯨﻴﺎﻧﻪﺕ ﺋﯜﻣﯜﺩﻯ ﺑﯩﻠﻪﻥ ﺋﻪﻣﻪﺱ ﺑﻪﻟﻜﻰ ﺑﯩﺮ ﻗﺎﺭﺍﻗﭽﯩﻨﯩﯔ ﺋﯜﻣﯜﺩﻯ ﺑﯩﻠﻪﻥ ﮬﺎﻳﺎﺕ ﻗﺎﭘﺘﯘ.
    ﺋﺎﺩﺍﻟﻪﺕ ﻳﺎﻛﻰ ﺩﯨﻴﺎﻧﻪﺕ ﺩﯨﮕﻪﻧﻨﻰ ﺧﻪﺕ ﺑﯩﻠﻪﻧﻼ ﻳﺎﺯﻏﯩﻠﻰ ﺑﻮﻟﯩﺪﯨﻜﻪﻥ.ﺋﯚﺯﯨﻨﯩﯔ ﻣﯘﻗﯩﻢ ﺷﻪﻛﻠﻰ ﻳﻮﻕ ﺋﯩﻜﻪﻥ. ﺑﯘ ﺧﻪﺗﻠﻪﺭﻧﻰ ﻗﯩﺰﯨﻞ ﺭﻩﯓ ﺑﯩﻠﻪﻧﻤﯘ ﻳﺎﻛﻰ ﻗﺎﺭﺍ ﺭﻩﯓ ﺑﯩﻠﻪﻧﻤﯘ ﻳﺎﺯﻏﯩﻠﻰ ﺑﻮﻟﯩﺪﯨﻜﻪﻥ. ﺑﯩﺮﻟﯩﻜﻜﻪ ﻛﻪﻟﮕﻪﻥ ﺭﻩﯕﮕﯩﻤﯘ ﻳﻮﻕ ﺋﯩﻜﻪﻥ. ﻣﻪﻣﻪﺕ ﺋﻮﺧﺸﯩﻤﺎﻳﺪﯗ. ﺋﯘﻧﻰ ﺧﻪﺕ ﺑﯩﻠﻪﻥ ﻳﺎﺯﻣﯩﺴﯩﻤﯘ ﺋﯚﺯﯨﻨﯩﯔ ﻣﯘﻗﯩﻢ ﻗﯩﻴﺎﭘﯩﺘﻰ ﺑﺎﺭ ﺋﯩﻜﻪﻥ. ﺳﻪﻣﻪﺕ ﻳﺎﻛﻰ ﺋﻪﻣﻪﺕ ﺋﯚﺯﯨﻨﻰ ﻣﻪﻣﻪﺕ ﺩﯨﻴﻪﻟﻤﻪﻳﺪﯨﻜﻪﻥ...........
    ﺋﯜﻣﯜﺕ ﺩﯨﮕﻪﻥ ﺋﺎﺟﺎﻳﯩﭗ ﻧﯩﻤﻪ . ﺋﯜﻣﯜﺕ ﺑﻮﻟﺴﺎ ﻗﺎﺭﺍ ﺗﺎﺷﻨﯩﯔ ﺋﯩﭽﯩﺪﯨﻜﻰ ﻗﯘﺭﺗﻤﯘ ﺗﯧﺸﯩﭗ ﭼﯩﻘﯩﺪﯗ. ﺋﯜﻣﯜﺕ ﺑﻮﻟﻤﯩﺴﺎ ﺑﯩﭙﺎﻳﺎﻥ ﺋﺎﺳﻤﺎﻧﺪﯨﻜﻰ ﺑﯜﺭﻛﯜﺗﻤﯘ ﭘﺎﻻﻗﺸﯩﭗ ﭼﯜﺷﯩﺪﯗ. ﺋﯩﺮﺍﺯ ﺋﯚﻟﮕﻪﻥ ﺋﻮﻏﻠﻰ ﺭﯨﺰﺍ ﻣﻪﻣﻪﺕ ﺑﻮﻟﯘﭖ ﺗﯩﺮﯨﻠﯩﭗ ﺑﯩﭙﺎﻳﺎﻥ ﺋﺎﻧﺎﯞﺍﺭﺯﺍﺩﺍ ﺋﺎﺕ ﭼﯧﭽﯩﭗ ﺋﺎﻏﯩﻼﺭﻧﻰ ﺳﻮﺗﭽﻰ-ﺳﺎﻗﭽﯩﻼﺭﻧﻰ ﺗﯩﺘﺮﯨﺘﯩﭗ ﻳﯜﺭﮔﻪﻧﺪﻩﻙ ﺧﻮﺷﺎﻟﻠﯩﻘﻘﺎ ﺋﯧﺮﯨﺸﯩﭙﺘﯘ. ﮬﺎﺭﺩﯗﻗﻰ ﭼﯩﻘﯩﭙﺘﯘ. ﻗﯩﺴﺎﺱ ﺋﻮﺗﯩﻐﺎ ﺗﻪﺳﻪﻟﻠﻰ ﺳﯜﻳﻰ ﺗﯧﻤﯩﭙﺘﯘ.........
   ﺧﻪﺩﯨﭽﻪ ﺑﯩﻠﻪﻥ ﺋﯩﺮﺍﺯ ﻛﯚﺯﻟﯩﺮﻯ ﺗﯧﺸﯩﻠﯩﭗ ﻛﻪﺗﻜﯜﺩﻩﻙ ﺑﯧﺮﯨﻠﯩﭗ ﻛﯧﭽﻪ-ﻛﯜﻧﺪﯛﺯ ﭘﺎﻳﭙﺎﻕ ﺗﻮﻗﯘﻳﺪﯨﻜﻪﻥ. ﭘﺎﻳﭙﺎﻕ ﺳﯧﺘﯩﭗ ﺗﺎﭘﻘﺎﻥ ﭘﯘﻟﻠﯩﺮﯨﻨﻰ ﺧﻪﺟﻠﯩﻤﻪﻱ ﻣﻪﻣﻪﺗﻜﻪ ﻳﯩﻐﯩﺪﯨﻜﻪﻥ. ﻣﻪﻣﻪﺕ ﺑﯩﺮ ﻛﯜﻧﻰ ﺗﯘﺗﯘﭖ ﻛﯧﻠﯩﻨﯩﺪﯨﻜﻪﻥ. ﺗﯘﺗﯘﻟﻤﯩﻐﺎﻥ ﻗﺎﺭﺍﻗﭽﻰ ﻳﻮﻕ ﺋﯩﻜﻪﻥ. ﺋﯘ ﺗﯘﺭﻣﯩﺪﻩ ﺑﻮﻳﻨﻰ ﻗﯩﺴﯩﻠﯩﭗ ﻗﺎﻟﺴﺎ ﺑﻮﻟﻤﺎﻳﺪﯗ. ﻣﯘﮬﺘﺎﺟﻠﯩﻖ ﺗﺎﺭﺗﺴﺎ ﺑﻮﻟﻤﺎﻳﺪﯗ ﺩﻩﭖ ﻗﺎﺭﺍ ﻛﯚﺯﻟﯩﺮﯨﻨﯩﯔ ﺋﺎﺧﯩﺮﻗﻰ ﻧﯘﺭﯨﻨﻰ ﺋﻮﺭﯗﻕ ﺑﺎﺭﻣﺎﻗﻠﯩﺮﯨﻨﯩﯔ ﺋﺎﺧﯩﺮﻗﻰ ﻧﺎﺯﯗﻛﻠﯩﻘﯩﻨﻰ ﭘﺎﻳﭙﺎﻕ ﺗﻮﻗﯘﺷﻘﺎ ﺳﻪﺭﭖ ﻗﯩﻠﯩﺪﯨﻜﻪﻥ.....  
   ﺗﯜﺭﻣﯩﺪﯨﻜﯩﻠﻪﺭ ﺋﻪﻧﻘﻪﺭﻩﺩﯨﻦ ﻳﯚﺗﻜﯩﻠﯩﭗ ﻛﻪﻟﮕﻪﻥ ﺑﯩﺮ ﻣﻪﮬﺒﯘﺳﺘﯩﻦ ﻳﯧﻘﯩﻨﺪﺍ ﮬﯚﻛﯜﻣﻪﺗﻨﯩﯔ ﭼﻮﯓ ﻛﻪﭼﯜﺭﯛﻡ ﺋﯧﻼﻥ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺋﺎﯕﻼﭘﺘﯘ. ﺗﯜﺭﻣﯩﺪﯨﻜﻰ ﻣﯘﺳﺘﺎﭘﺎ ﺗﺎﻏﯩﻨﯩﯔ ﺩﯨﻴﯩﺸﯩﭽﻪ ﮬﯚﻛﯜﻣﻪﺗﻨﯩﯔ ﺷﻪﺭﯨﭙﻰ ﺋﯜﭼﯜﻥ ﺗﯜﺭﻣﯩﺪﯨﻜﯩﻠﻪﺭﻻ ﺋﻪﻣﻪﺱ ﻗﺎﺭﺍﻗﭽﯩﻼﺭﻣﯘ ﻛﯧﭽﯩﺮﯨﻢ ﻗﯩﻠﯩﻨﻐﯩﺪﻩﻙ.   ﺧﻪﺩﯨﭽﻪ ﺑﯩﻠﻪﻥ ﺋﯩﺮﺍﺯ ﺑﯘ ﺑﻮﯞﺍﻳﺪﯨﻦ ﻣﻪﻣﻪﺗﻨﯩﯔ ﻛﯧﭽﯩﺮﯨﻢ ﻗﯩﻠﯩﻨﯩﺸﯩﻨﻰ ﻧﻪﭼﭽﻪ ﻗﯧﺘﯩﻢ ﺳﻮﺭﯨﻐﺎﻧﻠﯩﻘﯩﻨﯩﻤﯘ ﺩﻩﭖ ﺑﯧﺮﻩﻟﻤﻪﻳﺪﯗ. ﻣﯘﺳﺘﺎﭘﺎ ﺗﺎﻏﯩﻤﯘ ﺳﺎﻧﺎﭖ ﺑﯧﺮﻩﻟﻤﻪﻳﺪﯗ. ﮬﻪﺭ ﻗﯧﺘﯩﻢ ﻣﻪﻣﻪﺗﻼ ﺋﻪﻣﻪﺱ ﻳﯩﺮﺗﻘﯘﭺ ﻳﻮﻟﯟﺍﺱ ﺑﯚﺭﯨﻠﻪﺭﻣﯘ ﻛﻪﭼﯜﺭﯛﻡ ﻗﯩﻠﯩﻨﯩﺪﯗ ﺩﻩﭖ ﺟﺎﯞﺍﭖ ﺑﯧﺮﯨﺪﯨﻜﻪﻥ.  
   ﺋﯩﺸﻘﯩﻠﯩﭗ ﻣﻪﻣﻪﺕ ﺑﯩﻠﻪﻥ ﺋﯘﻻﺭﻧﯩﯔ ﺋﺎﺭﯨﺴﯩﺪﯨﻜﻰ ﻗﺎﺭﺍ ﺗﺎﻡ ﻳﻮﻕ ﺑﻮﻟﯩﺪﯨﻜﻪﻥ. ﺋﯜﭼﻪﻳﻠﻪﻥ ﺑﯩﻠﻠﻪ ﺧﺎﺗﯩﺮﺟﻪﻡ ﻳﺎﺷﯩﻴﺎﻻﻳﺪﯨﻜﻪﻥ.ﺧﻪﺩﯨﭽﻪ ﺑﯩﻠﻪﻥ ﺋﯩﺮﺍﺯ ﻳﯧﯖﻰ ﭘﯩﻼﻧﻼﺭﻧﻰ ﺗﯜﺯﯛﺷﯜﭘﺘﯘ. ﻣﻪﻣﻪﺕ ﺋﯘﻻﺭﻧﻰ ﺷﻪﮬﻪﺭﮔﻪ ﺋﻪﻛﯩﺮﯨﭗ ﻛﺎﯞﺍﭖ ﺋﯧﻠﯩﭗ ﺑﯧﺮﯨﺪﯨﻜﻪﻥ ﺋﯚﺯﻟﯩﺮﻯ ﻳﯩﻐﻘﺎﻥ ﭘﯘﻟﻼﺭ ﺑﯩﻠﻪﻥ ﻣﻪﻣﻪﺕ ﺗﯜﺭﻣﯩﮕﻪ ﺋﻪﯞﻩﺗﻜﻪﻥ ﭘﯘﻟﻼﺭﻧﻰ ﻗﻮﺷﯘﭖ ﭼﻮﻗﯘﺭ ﺋﻮﯞﺍﺩﯨﻦ ﺑﯩﺮ ﭘﺎﺭﭼﻪ ﻳﻪﺭ ﺳﯧﺘﯩﯟﺍﻟﯩﺪﯨﻜﻪﻥ . ﺋﯘﻻﺭﻧﯩﯔ ﻳﯧﺮﻯ ﺷﯘﻧﺪﺍﻕ ﻣﯘﻧﺒﻪﺕ ﯞﻩ ﻛﯜﻧﮕﻪﻱ ﺋﯩﻜﻪﻥ. ﺯﯨﺮﺍﺋﻪﺗﻠﻪﺭﻧﯩﯔ ﺋﻮﺧﺸﺎﭖ ﻛﻪﺗﻜﻪﻧﻠﯩﻜﯩﺪﯨﻦ ﮬﻪﺗﺘﺎ ﻗﺎﭘﻼﻧﻤﯘ ﻳﯧﺮﯨﭗ ﺋﯚﺗﻪﻟﻤﻪﻳﺪﯨﻜﻪﻥ. ﻣﻪﻣﻪﺕ ﺋﯚﻱ ﺳﺎﻟﯩﺪﯨﻜﻪﻥ. ﺧﻪﺩﯨﭽﻪ ﻗﯩﺰﯨﻞ ﺗﻮﭘﺎ ﺑﯩﻠﻪﻥ ﺋﯚﻳﯩﻨﯩﯔ ﺋﯩﭽﻰ ﺗﯧﺸﯩﻨﻰ ﺳﯘﯞﺍﻳﺪﯨﻜﻪﻥ. ﺋﯩﺮﺍﺯ ﺋﺎﭼﯩﺴﯩﻨﯩﯔ ﻗﻮﻟﯩﻨﻰ ﺳﻮﻍ ﺳﯘﻏﺎ
ﺗﯩﻘﻘﯘﺯﻣﺎﻳﺪﯨﻜﻪﻥ.   
   ﮔﻪﭘﻠﻪﺭ ﺗﯜﮔﯩﻤﻪﭘﺘﯘ. ﺋﯘﻻﺭ ﺋﯚﻳﯩﻨﯩﯔ ﺋﺎﻟﺪﯨﺪﯨﻜﻰ ﻣﻪﺟﻨﯘﻥ ﺗﺎﻝ ﻛﯚﺯﻟﯩﺮﻯ ﻳﻮﻏﺎﻥ ﺗﻮﻕ ﻗﯩﺰﯨﻞ ﺭﻩﯕﻠﯩﻚ ﺋﯩﻨﯩﮕﻰ ﺑﯘﻏﺪﺍﻳﻠﯩﻘﻨﯩﯔ ﻗﯩﺮﯨﻐﺎ ﺗﯧﺮﯨﻴﺪﯨﻐﺎﻥ ﺋﯩﻜﻜﻰ ﻗﯘﺭ ﭘﯩﻴﯩﺰﻯ ﮬﻮﻳﻠﯩﺪﯨﻜﻰ ﺑﺎﻏﭽﯩﺴﻰ ﮔﯜﻟﻠﯩﻜﻰ ﺗﻮﻏﺮﯨﻠﯩﻖ ﺗﻮﺧﺘﯩﻤﺎﻱ ﭘﺎﺭﺍﯓ ﺳﺎﻟﯩﺪﯨﻜﻪﻥ.........  ﺋﺎﺑﺪﻯ ﺋﺎﻏﺎ ﻣﻪﻣﻪﺗﻨﯩﯔ ﻗﺎﺭﺍﻗﭽﻰ ﺑﻮﻟﻐﺎﻧﻠﯩﻘﻰ ﺗﻮﻏﺮﯨﺴﯩﺪﯨﻜﻰ ﺧﻪﯞﻩﺭﻟﻪﺭﻧﻰ ﺋﺎﯕﻼﭘﺘﯘ.
    ﺋﯚﻳﯩﺪﻩ ﺋﻮﻟﺘﯘﺭﺍﻟﻤﺎﭘﺘﯘ. ﭘﺎﭼﯩﻘﯩﻐﺎ ﭘﯩﺖ ﭼﯜﺷﯜﭘﺘﯘ. ﺷﻪﮬﻪﺭﺩﯨﻦ ﻳﯧﺰﯨﻐﺎ ﻳﯧﺰﯨﺪﯨﻦ ﺷﻪﮬﻪﺭﮔﻪ ﻗﺎﺗﺮﺍﭘﺘﯘ. ﻣﯘﻧﺎﺳﯩﯟﻩﺗﻠﯩﻚ ﺋﻮﺭﯗﻧﻼﺭﻏﺎ ﺋﺎﯕﻠﯩﺘﯩﭙﺘﯘ. ﺑﯩﺮﻧﻰ ﺋﻮﻥ ﺋﻮﻧﻨﻰ ﻳﯜﺯ ﻗﯩﻠﯩﺸﻘﺎ ﺗﯩﺮﯨﺸﯩﭙﺘﯘ. ﻣﻪﻣﻪﺗﻨﯩﯔ ﯞﺍﭘﺎﺳﯩﺰﻟﯩﻘﻰ ﺗﯘﺯﯨﻨﻰ ﻳﻪﭖ ﺗﯘﺯﻟﯩﻘﯩﻨﻰ ﭼﺎﻗﻘﺎﻧﻠﯩﻘﯩﻨﻰ ﺳﯚﺯﻟﻪﭘﺘﯘ. ﺗﻮﺧﺘﯩﻤﺎﻱ ﺳﯚﺯﻟﻪﭘﺘﯘ. ﺋﺎﯕﻠﯩﻐﯘﭼﯩﻼﺭ ﺋﯧﭽﯩﻨﯩﺪﯨﻜﻪﻥ. ﻣﻪﻣﻪﺕ ﺋﺎﯞﺍﻗﺘﯩﻦ ﻧﻪﭘﺮﻩﺗﻠﯩﻨﯩﺪﯨﻜﻪﻥ. ﮬﺎﻛﯩﻤﻰ ﺳﺎﻗﭽﻰ ﺑﺎﺷﻠﯩﻐﻰ ﺳﺎﻗﭽﯩﺴﻰ ﻛﺎﺗﯩﭙﻠﯩﺮﻯ ﺧﯩﺰﻣﻪﺗﭽﯩﻠﯩﺮﻯ ﺋﯧﭽﯩﻨﯩﺪﯨﻜﻪﻥ. ﺑﯘ ﺋﺎﯞﺍﻗﻨﻰ ﺗﯘﺗﯘﺷﻘﺎ ﺳﺎﻗﭽﯩﻼﺭ ﻣﺎﯕﯩﺪﯨﻜﻪﻥ. ﺗﯘﺗﺎﻟﻤﺎﻳﺪﯨﻜﻪﻥ. ﺗﯘﺗﺎﻟﻤﯩﻐﺎﻧﭽﻪ ﻣﻪﻣﻪﺗﻨﯩﯔ ﺷﯚﮬﺮﯨﺘﻰ ﭼﯩﻘﯩﭙﺘﯘ. ﺋﺎﺩﻩﻣﻠﻪﺭ ﺋﺎﺭﯨﺴﯩﺪﺍ ﺭﯨﯟﺍﻳﻪﺗﻠﻪﺭ ﺗﺎﺭﻗﯩﻠﯩﭙﺘﯘ.
   ﺋﺎﺑﺪﻯ ﺋﺎﻏﺎ ﺩﻩﮔﯩﺮﻣﻪﻥ ﺋﻮﻟﯜﻛﻜﯩﻤﯘ ﻛﯧﻠﻪﻟﻤﻪﻳﺪﯨﻐﺎﻥ ﺑﻮﻟﯘﭖ ﻗﺎﭘﺘﯘ. ﻣﻪﻣﻪﺗﻨﯩﯔ ﺑﯩﺮ ﻛﯧﭽﯩﺪﻩ ﻛﯧﻠﯩﭙﻼ ﺋﯚﻟﺘﯜﺭﯞﯦﺘﯩﺸﯩﺪﯨﻦ ﻗﻮﺭﻗﯘﭘﺘﯘ. ﺗﯘﺭﯗﭖ ﺋﯘ ﻳﻪﺭﺩﻩ ﺗﯘﺭﯗﭖ ﺑﯘ ﺗﯘﻗﻘﯩﻨﯩﻨﯩﯖﻜﯩﺪﻩ ﻗﻮﻧﯩﺪﯨﻜﻪﻥ. ﻣﯘﻗﯩﻢ ﺑﯩﺮ ﻳﻪﺭﺩﻩ ﻳﺎﺗﺎﻟﻤﺎﻳﺪﯨﻜﻪﻥ.
   ﺑﯩﺮ ﻛﯜﻧﻰ ﻣﻪﻣﻪﺕ ﺋﺎﺑﺪﻯ ﺋﺎﻏﯩﻨﯩﯔ ﺋﺎﻕ ﺗﯘﺯﻟﯘ ﻳﯧﺰﯨﺴﯩﺪﯨﻜﻰ ﮬﯜﺳﻪﻳﯩﻦ ﺋﺎﻏﯩﻨﯩﯔ ﺋﯚﻳﯩﮕﻪ ﺑﯧﺮﯨﯟﺍﻟﻐﺎﻧﻠﯩﻘﯩﻨﻰ ﺑﯩﻠﯩﯟﺍﭘﺘﯘ. ﮬﻪﻣﺮﺍﻟﯩﺮﻯ ﺑﯩﻠﻪﻥ ﻛﯧﭽﯩﺪﻩ ﻗﻮﺭﺷﺎﭘﺘﯘ. ﮬﯜﺳﻪﻳﯩﻦ ﺋﺎﻏﺎ ﺋﺎﺑﺪﯨﻨﻰ ﭼﯩﻘﯩﺮﯨﭗ ﺑﻪﺭﻣﻪﭘﺘﯘ. ﻣﻪﻣﻪﺗﻠﻪﺭ ﺋﯚﻳﮕﻪ ﺋﻮﺕ ﻗﻮﻳﯘﭘﺘﯘ. ﻳﻮﺷﯘﺭﻧﯩﯟﺍﻟﻐﺎﻥ ﺋﺎﺑﺪﻯ ﺋﺎﻏﺎ ﺋﯚﻱ ﺑﯩﻠﻪﻥ ﻗﻮﺷﯘﻟﯘﭖ ﻛﯚﻳﯜﭖ ﻛﯧﺘﯩﭙﺘﯘ.............  ﺋﺎﺑﺪﻯ ﺋﺎﻏﯩﻨﯩﯔ ﻛﯚﻳﯜﭖ ﺋﯚﻟﮕﻪﻧﻠﯩﻜﯩﻨﻰ ﻣﻪﻣﻪﺗﻨﯩﯔ ﺋﺎﺑﺪﻯ ﺋﯜﭼﯜﻥ ﺑﯩﺮ ﻳﯧﺰﯨﻨﻰ ﻛﯚﻳﺪﯛﺭﯞﻩﺗﻜﻪﻧﻠﯩﻜﯩﻨﻰ ﺋﺎﯕﻠﯩﻐﺎﻥ ﺩﻩﮔﯩﺮﻣﻪﻥ ﺋﻮﻟﯜﻙ ﻳﯧﺰﯨﺴﯩﺪﯨﻜﯩﻠﻪﺭ ﻛﻪﭺ ﺑﻮﻟﻐﯩﭽﻪ ﻗﯧﺘﯩﭗ ﻗﺎﭘﺘﯘ. ﭘﯜﺗﯜﻥ ﻳﯧﺰﺍ ﻗﯧﺘﯩﭙﻼ ﻗﺎﭘﺘﯘ. ﻗﯘﭼﺎﻗﺘﯩﻜﻰ ﺑﻮﯞﺍﻗﻼﺭﻧﯩﯔ ﺋﺎﯞﺍﺯﯨﻤﯘ ﺋﺎﯕﻼﻧﻤﺎﻳﺪﯨﻜﻪﻥ. ﺋﯩﺘﻼﺭﻣﯘ ﮬﺎﯞﺷﯩﻤﺎﻳﺪﯨﻜﻪﻥ.  
   ﻣﻪﻣﻪﺕ ﻳﯧﺰﯨﺴﯩﻐﺎ ﻛﻪﭘﺘﯘ. ﺩﯗﺭﻣﯘﺵ ﺋﻪﻟﻰ ﺑﯩﻠﻪﻥ ﮬﯚﺭﻯ ﺋﺎﻧﯩﻐﺎ ﺋﻪﻣﺪﻯ ﺋﺎﺑﺪﻯ ﻳﻮﻕ ﺑﻮﻟﺪﻯ. ﺋﯘ ﺗﺎﺭﺗﯩﯟﺍﻟﻐﺎﻥ ﻳﻪﺭﻟﻪﺭﻧﻰ ﺩﯨﺨﺎﻧﻼﺭﻏﺎ ﺑﯚﻟﻪﻳﻠﻰ ﺩﻩﭘﺘﯘ.  ﻣﻪﻣﻪﺗﻨﯩﯔ ﺋﺎﺑﺪﻯ ﺋﺎﻏﺎ ﺋﯩﮕﻪﻟﻠﯩﯟﺍﻟﻐﺎﻥ ﻳﻪﺭﻟﻪﺭﻧﻰ ﺩﯨﺨﺎﻧﻼﺭﻏﺎ ﻗﺎﻳﺘﯘﺭﯗﭖ ﺑﻪﺭﻣﻪﻛﭽﻰ ﺑﻮﻟﻐﺎﻧﻠﯩﻘﯩﻨﻰ ﺋﺎﯕﻼﭖ ﻣﯧﯖﯩﯟﺍﺗﻘﺎﻧﻼﺭﻧﯩﯔ ﭘﯘﺗﻠﯩﺮﻯ ﺋﺎﻟﻤﯩﺸﯩﭗ ﻛﯧﺘﯩﭙﺘﯘ. ﺋﻮﻟﺘﯘﺭﻏﺎﻧﻼﺭ ﻗﻮﻟﻠﯩﺮﻯ ﺑﯩﻠﻪﻥ ﻳﻪﺭﮔﻪ ﺗﺎﻳﯩﻨﯩﯟﺍﭘﺘﯘ. ﺩﯗﺭﻣﯘﺵ ﺋﻪﻟﯩﻨﯩﯔ ﺧﻮﺗﯘﻧﻰ ﺧﻮﺷﺎﻟﻠﯩﻘﺘﯩﻦ ﻧﯩﻤﻪ ﻗﯩﻠﯩﺸﯩﻨﻰ ﺑﯩﻠﻪﻟﻤﻪﻳﻼ ﻗﺎﭘﺘﯘ. ﺋﯘ ﻳﯧﺰﯨﻠﯩﻘﻼﺭﻧﻰ ﺗﯩﻠﻼﻳﺪﯨﻜﻪﻥ. ﻧﯩﻤﯩﺸﻘﺎ ﺧﻮﺷﺎﻝ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺳﻮﺭﺍﻳﺪﯨﻜﻪﻥ.  
   ﻳﯧﺰﯨﻠﯩﻘﻼﺭ ﻣﻪﯕﺪﻩﭖ ﻗﺎﭘﺘﯘ. ﺋﻪﺯﻩﻟﺪﯨﻦ ﺋﯘﭼﺮﺍﭖ ﺑﺎﻗﻤﯩﻐﺎﻥ ﮬﻪﺗﺘﺎ ﭼﯜﺷﻠﯩﺮﯨﮕﯩﻤﯘ ﻛﯩﺮﯨﭗ ﺑﺎﻗﻤﯩﻐﺎﻥ ﺑﯘﻧﺪﺍﻕ ﺋﯩﺸﺘﺎ ﻛﯩﻢ ﻗﯧﺘﯩﭗ ﻗﺎﻟﻤﺎﻳﺪﯗ ﺩﻩﻳﺴﯩﺰ. ﻳﯧﺰﯨﻠﯩﻘﻼﺭ ﺗﯧﺨﯩﻤﯘ ﻗﯧﺘﯩﭗ ﻗﺎﭘﺘﯘ.... ﻛﯧﻴﯩﻦ ﺩﻩﺳﻠﻪﭖ ﭘﯩﭽﯩﺮﻟﯩﺸﯩﺶ ﺋﺎﻧﺪﯨﻦ ﯞﺍﺭﻗﯩﺮﺍﺵ-ﺗﻮﯞﻻﺷﻼﺭ ﺑﺎﺷﻠﯩﻨﯩﭙﺘﯘ. ﻗﯧﺘﯩﭗ ﻗﺎﻟﻐﺎﻥ ﺋﯩﺘﻼﺭﻣﯘ ﮬﺎﯞﺷﯘﭘﺘﯘ . ﺧﻮﺭﺍﺯﻻﺭ ﭼﯩﻠﻠﯩﺸﯩﭙﺘﯘ. ﺋﯧﻐﯩﻠﺪﯨﻜﻰ ﺋﯩﺸﻪﻛﻠﻪﺭﻣﯘ ﮬﺎﯕﺮﺍﭘﺘﯘ. ﺩﻩﮔﯩﺮﻣﻪﻥ ﺋﻮﻟﯜﻙ ﻳﯧﺰﯨﺴﻰ ﺑﯩﻨﺎ ﺑﻮﻟﻐﺎﻧﺪﯨﻦ ﺑﯘﻳﺎﻥ ﺑﻮﻟﻤﯩﻐﺎﻥ ﯞﺍﺭﺍﯓ-ﭼﯘﺭﯗﯓ ﺑﻮﭘﺘﯘ. ﺑﻪﺵ ﻳﯧﺰﯨﻨﯩﯔ ﺋﺎﺩﻩﻣﻠﯩﺮﻯ ﺋﺎﺗﯩﺴﻰ ﺗﯩﺮﯨﻠﮕﻪﻧﺪﯨﻨﻤﯘ ﺑﻪﻙ ﺧﻮﺷﺎﻝ ﺑﻮﻟﯘﭘﺘﯘ.  
   ﺩﯨﻜﻪﻧﻠﻰ ﺗﯜﺯﻟﻪﯕﻠﯩﮕﻰ ﻗﺎﻳﻨﺎﭖ ﻛﯧﺘﯩﭙﺘﯘ. ﻳﯧﺰﯨﻠﯩﻘﻼﺭ ﻳﻪﺭﻧﻰ ﺗﯧﺮﯨﺸﺘﯩﻦ ﺋﯩﻠﮕﯩﺮﻯ ﺗﯩﻜﻪﻧﻠﻪﺭﻧﻰ ﻧﯩﻤﻪ ﻗﯩﻠﯩﺸﻨﻰ ﺑﯩﻠﻤﻪﻳﺪﯨﻜﻪﻥ. ﭘﯘﺗﻠﯩﺮﯨﻐﺎ ﭘﺎﻗﺎﻟﭽﺎﻗﻠﯩﺮﯨﻐﺎ ﺗﯩﻜﻪﻥ ﻛﯩﺮﯨﭗ ﺗﯘﺭﺳﯩﻤﯘ ﻳﻪﺭ ﺗﯧﺮﯨﻴﺪﯨﻜﻪﻥ. ﭼﯩﺪﺍﻳﺪﯨﻜﻪﻥ. ﻣﻪﻣﻪﺕ ﺋﻪﻣﺪﻯ ﻳﻪﺭ ﺗﯧﺮﯨﺸﺘﯩﻦ ﺋﯩﻠﮕﯩﺮﻯ ﺗﯩﻜﻪﻧﻠﻪﺭﮔﻪ ﺋﻮﺕ ﻳﺎﻗﺎﻳﻠﻰ ﺩﻩﭘﺘﯘ. ﻳﯧﺰﯨﻠﯩﻘﻼﺭ ﻧﯩﻤﯩﺸﻘﺎ ﺑﯘﻧﻰ ﺋﻮﻳﻼﭖ ﺑﺎﻗﻤﯩﻐﺎﻧﺪﯨﻤﯩﺰ ﺩﯨﻴﯩﺸﯩﭗ ﻗﺎﭘﺘﯘ.
   ﺋﻮﺗﻨﻰ ﺩﻩﺳﻠﻪﭖ ﻣﻪﻣﻪﺕ ﻳﯧﻘﯩﭗ ﺑﯧﺮﯨﭙﺘﯘ. ﻳﯧﺰﯨﻠﯩﻘﻼﺭﻣﯘ ﻳﯧﻘﯩﭙﺘﯘ. ﺋﯘﻻﺭ ﻳﺎﻗﻘﺎﻥ ﺋﻮﺕ ﺑﺎﺷﻘﺎ ﻳﯧﺰﯨﺪﯨﻜﻰ ﺗﯩﻜﻪﻧﻠﯩﻜﻠﻪﺭﮔﯩﻤﯘ ﺗﯘﺗﯩﺸﯩﭙﺘﯘ. ﺋﻮﺕ ﻛﯧﭽﯩﭽﻪ ﻛﯚﻳﯜﭘﺘﯘ. ﺗﯩﻜﻪﻧﻠﻪﺭ ﻛﯚﻳﯜﭖ ﺑﻮﻟﻐﺎﻥ ﻳﻪﺭ ﻗﺎﭘﻘﺎﺭﺍ ﺑﻮﻟﯘﭖ ﺋﯧﭽﯩﻠﯩﭙﺘﯘ. ﻛﯧﻴﯩﻦ ﻳﯩﺮﺍﻗﺘﯩﻜﻰ ﺋﻪﻟﻰ ﺗﯧﻐﯩﻨﯩﯔ ﭼﻮﻗﻘﯩﺴﯩﻤﯘ ﻳﻮﺭﯗﭘﺘﯘ . ﺑﯩﺮ ﭘﺎﺭﭼﻪ ﺋﺎﭘﭙﺎﻕ ﻳﻮﺭﯗﻗﻠﯘﻕ ﺗﺎﻏﻨﯩﯔ ﭼﻮﻗﻘﯩﺴﯩﺪﺍ ﺋﯘﺯﯗﻧﻐﯩﭽﻪ ﻛﯚﺭﯛﻧﯜﭖ ﺗﯘﺭﯗﭘﺘﯘ.
ﻳﻪﺭﮔﻪ ﺋﯩﮕﻪ ﺑﻮﻟﻐﺎﻥ ﺩﯨﺨﺎﻧﻼﺭ ﻧﺎﻏﺮﺍ ﭼﯧﻠﯩﭗ ﺋﯘﺳﯘﻝ ﺋﻮﻳﻨﺎﭘﺘﯘ.
-ﺑﯩﺰﻧﯩﯔ ﻣﻪﻣﻪﺕ ﺋﺎﯞﺍﻕ!
-ﺑﯩﺰﻧﯩﯔ ﻣﻪﻣﯩﺘﯩﻤﯩﺰ!   
-ﺋﯚﻛﯜﺯﻟﻪﺭﻣﯘ ﺑﯩﺰﻧﯩﯔ ﺑﻮﻟﯩﺪﯗ!   
-ﻣﻪﻣﻪﺗﻨﯩﯔ ﺑﯘﻧﺪﺍﻕ ﺋﺎﺩﻩﻡ ﺑﻮﻟﯩﺸﻰ ﻛﯩﭽﯩﻜﯩﺪﯨﻨﻼ ﻣﻪﻟﯘﻡ ﺋﯩﺪﻯ!   
--ﺋﻪﻣﺪﻯ ﺋﺎﭺ ﻗﺎﻟﻤﺎﻳﻤﯩﺰ!   
-ﻗﯩﺸﺘﺎ ﺋﯩﺘﺘﻪﻙ ﻳﺎﻟﯟﯗﺭﯗﭖ ﺋﺎﺑﺪﻯ ﺋﺎﻏﯩﻨﯩﯔ ﻳﯧﻨﯩﻐﺎ ﺑﺎﺭﻣﺎﻳﻤﯩﺰ!  
--ﺑﯩﺰﻧﯩﯔ ﻣﻪﻣﻪﺕ ﺑﺎﻟﯩﻤﯩﺰ!
-ﺧﻪﺩﯨﭽﻪﻣﯘ ﺗﯜﺭﻣﯩﺪﯨﻦ ﭼﯩﻘﯩﺪﯗ!  
ﺑﻪﺵ ﻳﯧﺰﺍ ﺑﯩﺮﻟﯩﺸﯩﭗ ﺋﯘﻻﺭﻧﯩﯔ ﺗﻮﻳﯩﻨﻰ ﻗﯩﻠﯩﻤﯩﺰ!  
ﺧﻪﺩﯨﭽﻪﻧﯩﯔ ﺋﯜﺳﺘﯩﺪﯨﻦ ﻳﺎﻟﻐﺎﻥ ﮔﯘﯞﺍﮬﻠﯩﻖ ﺑﻪﺭﮔﻪﻧﻠﻪﺭ ﺗﯚﯞﯞﺍ ﻗﯩﭙﺘﯘ. ﻣﻪﻣﻪﺕ ﺋﯘﻻﺭﻧﻰ ﻛﻪﭼﯜﺭﯞﯦﺘﯩﭙﺘﯘ.
     ﺩﻩﮔﯩﺮﻣﻪﻥ ﺋﻮﻟﯜﻙ ﭼﯜﺷﻠﻪﺭﺩﯨﻜﯩﺪﻩﻙ ﭘﺎﺭ-ﭘﯘﺭ ﭘﺎﺭﻗﯩﺮﺍﻳﺪﯨﻜﻪﻥ. ﻣﺎﻣﯘﻗﺘﻪﻙ ﻛﯜﻥ ﻧﯘﺭﻯ ﭼﯧﭽﯩﻠﯩﭙﺘﯘ. ﺩﻩﺭﻩﺧﻠﻪﺭ ﻳﻮﺭﯗﻗﻠﯘﻕ ﺋﯩﭽﯩﺪﻩ ﺋﯩﻐﺎﯕﻼﭘﺘﯘ........ ﺋﻪﻟﻰ ﺗﯚﻛﯜﺭ ﻗﯩﻠﻐﺎﻥ ﺋﯩﺸﯩﺪﯨﻦ ﭘﯘﺷﺎﻳﻤﺎﻥ ﻗﯩﻠﯩﭗ ﮔﯘﻧﺎﮬﯩﻨﻰ ﻳﯘﻳﯘﺵ ﺋﯜﭼﯜﻥ ﻣﻪﻣﻪﺗﻨﯩﯔ ﻣﻪﺧﭙﻰ ﺧﻪﯞﻩﺭﭼﯩﺴﻰ ﺑﻮﻟﯘﺷﻘﺎ ﻧﯩﻴﻪﺕ ﻗﯩﻠﻐﺎﻥ ﺋﯩﻜﻪﻥ. ﺑﯘﻧﻰ ﺑﯩﺮ ﻣﻪﻣﻪﺕ ﺑﯩﺮ ﺋﯚﺯﻯ ﯞﻩ ﺧﯘﺩﺍ ﺑﯩﻠﯩﺪﯨﻜﻪﻥ. ﺑﯩﺮﻩﻳﻠﻪﻥ ﺋﻪﻟﻰ ﺗﻮﻛﯘﺭ ﻛﯧﻠﯩﯟﺍﺗﯩﺪﯗ ﺩﻩﭖ ﻣﻪﻣﻪﺗﻜﻪ ﺧﻪﯞﻩﺭ ﻗﯩﭙﺘﯘ.   
   ﺋﻪﻟﻰ ﺗﯚﻛﯘﺭﻧﯩﯔ ﻳﯜﺯﻯ ﺳﺎﺭﻏﯩﻴﯩﭗ ﻗﻮﺭﯗﻟﻐﺎﻥ ﺑﻮﻟﯘﭖ ﻧﻪﭼﭽﻪ ﻛﯜﻥ ﺋﯩﭽﯩﺪﯨﻼ ﺋﻮﻥ ﺑﻪﺵ ﻳﺎﺵ ﻗﯧﺮﯨﭗ ﻛﻪﺗﻜﻪﻧﺪﻩﻙ ﻛﯚﺭﯛﻧﯩﺪﯨﻜﻪﻥ. ﻣﻪﻣﻪﺕ ﻧﯩﻤﻪ ﺑﻮﻟﺪﻯ ﺩﻩﭖ ﺳﻮﺭﺍﭘﺘﯘ. ﺋﻪﻟﻰ ﮔﻪﭖ ﻗﯩﻼﻟﻤﺎﭘﺘﯘ. ﻣﻪﻣﻪﺕ ﻗﯩﺴﺘﺎﭘﺘﯘ. ﺋﻪﻟﻰ ﻧﺎﮬﺎﻳﯩﺘﻰ ﺗﻪﺳﺘﻪ ﺋﺎﻏﺰﯨﻨﻰ ﻳﯩﺮﺗﻘﺎﻧﺪﻩﻙ ﺋﯧﭽﯩﭗ ﺋﯘ ﻛﺎﭘﯩﺮ ﺋﻮﺗﺘﯩﻦ ﻗﯘﺗﯘﻟﯘﭖ ﻛﯧﺘﯩﭙﺘﯘ......ﺩﻩﭘﺘﯘ.  ﺋﻪﺳﻠﯩﺪﻩ ﺋﺎﺑﺪﻯ ﺋﺎﻏﯩﻨﻰ ﮬﯜﺳﻪﻳﯩﻦ ﺋﺎﻏﯩﻨﯩﯔ ﺑﯘﻗﯩﺪﻩﻙ ﻳﻮﻏﺎﻥ ﺧﻮﺗﯘﻧﻰ ﻳﻮﺗﻘﺎﻧﻐﺎ ﺋﻮﺭﺍﭖ ﺋﻮﺗﺘﯩﻦ ﺳﯩﺮﺗﻘﺎ ﺋﯧﻠﯩﭗ ﭼﯩﻘﻘﺎﻥ ﺋﯩﻜﻪﻥ. ﻣﻪﻣﻪﺕ ﺑﯘ ﺧﻮﺗﯘﻧﻨﻰ ﻳﻮﺗﻘﺎﻥ-ﻛﯚﺭﭘﯩﻠﯩﺮﯨﻨﻰ ﺗﻮﺷﯘﯞﺍﺗﯩﺪﯗ ﺩﻩﭖ ﻛﺎﺭﻯ ﺑﻮﻟﻤﺎﭘﺘﯩﻜﻪﻥ. ﺑﯘﻧﻰ ﺋﺎﯕﻼﭖ ﻣﻪﻣﻪﺕ ﺳﺎﺭﻏﯩﻴﯩﭗ ﻛﯧﺘﯩﭙﺘﯘ....
   ﺩﯗﺭﻣﯘﺵ ﺋﻪﻟﯩﻨﯩﯔ ﺧﻮﺗﯘﻧﻰ ﻧﺎﻟﻪ ﻗﯩﻠﯩﺸﻘﺎ ﺑﺎﺷﻼﭘﺘﯘ. ﺗﻪﺳﻪﻟﻠﯩﻤﯘ ﻛﺎﺭ ﻗﯩﻠﻤﺎﭘﺘﯘ. ﺑﯘ ﺧﻪﯞﻩﺭ ﻳﯧﺰﯨﻐﺎ ﺗﺎﺭﻗﺎﭖ ﻛﯧﺘﯩﭙﺘﯘ. ﮬﻪﻣﻤﻪ ﺋﺎﺩﻩﻡ ﺋﯚﻳﻠﯩﺮﯨﮕﻪ ﻛﯩﺮﯨﭗ ﻛﯧﺘﯩﭙﺘﯘ. ﻛﻮﭼﯩﺪﺍ ﮬﯧﭽﻜﯩﻢ ﻗﺎﻟﻤﺎﭘﺘﯘ. ﺧﯘﺩﺩﻯ ﯞﺍﺭﻗﯩﺮﺍﺷﻼﺭﻧﻰ ﺗﻮﯞﻻﺷﻼﺭﻧﻰ ﻣﯚﺭﻩﺷﻠﻪﺭﻧﻰ ﮬﻪﻣﻤﯩﻨﻰ ﺗﯘﻳﯘﻗﺴﯩﺰ ﻛﻪﻟﮕﻪﻥ ﻛﻪﻟﻜﯜﻥ ﺑﯧﺴﯩﭗ ﻛﻪﺗﻜﻪﻧﺪﻩﻙ ﺑﯩﺮﺍﻗﻼ ﻳﻮﻗﺎﭖ ﻛﯧﺘﯩﭙﺘﯘ. ﺋﺎﺩﻩﻡ ﺋﯩﺸﻪﻧﮕﯜﺳﯩﺰ ﺟﯩﻤﺠﯩﺖ ﺑﻮﻟﯘﭖ ﻗﺎﭘﺘﯘ. ﻛﻮﭼﯩﺪﺍ ﺑﯩﺮﻩﺭ ﺗﻮﺧﻮﻣﯘ ﻗﺎﻟﻤﺎﭘﺘﯘ. ﺑﺎﻳﯩﻼ ﺑﯘ ﻳﯧﺰﯨﺪﺍ ﺑﺎﻳﺮﺍﻡ ﺑﻮﻟﻐﺎﻥ ﺋﯩﺪﻯ ﺩﯨﺴﻪ ﮬﯧﭽﻜﯩﻢ ﺋﯩﺸﻪﻧﻤﻪﻳﺪﯨﻜﻪﻥ. ﻛﺎﻻﻣﯘﻟﻼ ﺗﯘﺗﯘﭖ ﻗﻪﺳﻪﻡ ﻗﯩﻠﺴﯩﻤﯘ ﺋﯩﺸﻪﻧﻤﻪﻳﺪﯨﻜﻪﻥ. ﺟﯩﻤﺠﯩﺘﻠﯩﻖ ﭼﯜﺷﺘﯩﻦ ﻛﯧﻴﯩﻨﮕﯩﭽﻪ ﺩﺍﯞﺍﻣﻠﯩﺸﯩﭙﺘﯘ....   
  ﺩﯨﮕﻪﺭﮔﻪ ﻳﯧﻘﯩﻦ ﺑﯩﺮ ﺧﻮﺭﺍﺯ ﻗﯩﻎ ﺩﯙﯞﯨﺴﻰ ﺋﯜﺳﺘﯩﮕﻪ ﭼﯩﻘﯩﭗ ﭘﻪﻳﻠﯩﺮﯨﻨﻰ ﭘﺎﺭﻗﯩﺮﯨﺘﯩﭗ ﭼﯩﻠﻼﭘﺘﯘ. ﺋﯩﺘﻼﺭﻣﯘ ﮬﺎﯞﺷﯩﺸﯩﻘﺎ ﺑﺎﺷﻼﭘﺘﯘ. ﺋﯘﻧﯩﯔ ﺋﺎﺭﻗﯩﺴﯩﺪﯨﻦ ﺋﺎﺩﻩﻣﻠﻪﺭﻣﯘ ﺋﯚﻳﻠﯩﺮﯨﺪﯨﻦ ﭼﯩﻘﯩﭙﺘﯘ. ﺋﯘ ﻳﻪﺭ ﺑﯘ ﻳﻪﺭﮔﻪ ﺗﻮﭘﻠﯩﻨﯩﭙﺘﯘ. ﻏﯘﺩﯗﺭﺍﺷﻼﺭ ﺑﺎﺷﻠﯩﻨﯩﭙﺘﯘ.  
-ﺋﺎﺩﻩﻡ ﺑﻮﭖ ﻗﺎﭘﺘﯘ...   
ﺋﯩﺒﺮﺍﻳﯩﻢ ﮔﺎﺩﺍﻳﻨﯩﯔ ﺋﻮﻏﻠﯩﻐﯘ ﺋﯘ... !
ﺋﯚﺯﯨﭽﻪ ﺋﺎﺑﺪﻯ ﺋﺎﻏﯩﻤﯩﺰﻧﯩﯔ ﻳﻪﺭﻟﯩﺮﯨﻨﻰ ﺑﯚﻟﯜﭖ ﺗﺎﺭﻗﯩﺘﯩﭗ ﻳﯜﺭﯛﻳﺪﯗ ﺗﯧﺨﻰ.  
ﯞﺍﻱ ﻗﻪﻟﻪﻧﺪﻩﺭﻩﻱ.
-ﻗﺎﺭﺍﻗﭽﻰ ﺑﻮﭘﺘﯩﻤﯩﺶ ﺗﯧﺨﻰ.   
--ﭘﻮﭼﯩﻠﯩﻘﯩﻨﻰ..   
-ﻳﺎﺭﯨﻤﺎﺱ ﺗﯘﯕﮕﯘﺯ ! ﺑﯩﺮ ﻛﯜﻧﻰ ﺗﯘﺗﯘﻟﯩﺪﯗ.
-ﺗﯘﺭﻣﯩﺪﻩ ﭼﯩﺮﯨﻴﺪﯗ.   
-ﺑﯩﺰﻧﯩﯔ ﺋﺎﻏﯩﻤﯩﺰﻧﻰ ﺋﯚﻟﺘﯜﺭﻣﻪﻛﭽﯩﻤﯩﺶ.   
-ﺋﺎﻏﯩﻤﯩﺰ ﺋﯘﻧﺪﺍﻗﺘﯩﻦ ﻧﻪﭼﭽﻪ ﻳﯜﺯﯨﮕﻪ ﺗﯧﺘﯩﻴﺪﯗ.....  
   ﻣﻪﻣﻪﺕ ﺑﯩﻠﻪﻥ ﺟﺎﭘﭙﺎﺭ ﻳﯧﺰﯨﻠﯩﻘﻼﺭﻏﺎ ﻗﻮﺭﻗﻤﺎﯕﻼﺭ ﺋﻪﻣﺪﻯ ﺋﺎﺑﺪﻯ ﻛﯧﻠﻪﻟﻤﻪﻳﺪﯗ ﺩﻩﭘﺘﯘ. ﺑﯜﮔﯜﻥ ﺋﯚﻟﻤﯩﮕﻪﻥ ﺑﻮﻟﺴﺎ ﻛﯧﻴﯩﻦ ﺋﯚﻟﯩﺪﯗ. ﭼﻮﻗﯘﻡ ﺋﯚﻟﺘﯜﺭﯨﻤﯩﺰ ﺩﻩﭖ ﺑﯧﻘﯩﭙﺘﯘ. ﻣﯩﯖﻼﺭﭼﻪ ﻗﻪﺳﻪﻡ ﺋﯩﭽﯩﭙﺘﯘ. ﭘﺎﻳﺪﯨﺴﻰ ﺑﻮﻟﻤﺎﭘﺘﯘ. ﺋﯜﺭﻛﯜﭖ ﻛﻪﺗﻜﻪﻥ ﭘﺎﺩﯨﻐﺎ ﭘﺎﻳﺪﯨﺴﻰ ﺑﻮﻟﻤﺎﭘﺘﯘ.  
   ﺑﻪﺯﻯ ﻳﯧﺰﯨﻠﯩﻘﻼﺭ ﺋﺎﺑﺪﻯ ﺋﺎﻏﯩﻨﯩﯔ ﺋﯚﻳﯩﮕﯩﻤﯘ ﺑﯧﺮﯨﭙﺘﯘ. ﺋﺎﺑﺪﯨﻨﯩﯔ ﺧﻮﺗﯘﻧﻠﯩﺮﻯ ﺑﺎﻟﯩﻠﯩﺮﻯ ﺑﯩﻠﻪﻥ ﮬﺎﻝ-ﻣﯘﯓ ﻗﯩﻠﯩﺸﯩﭙﺘﯘ. ﻏﻪﻳﯟﻩﺕ-ﺷﯩﻜﺎﻳﻪﺕ ﻛﯧﭽﯩﭽﻪ ﺩﺍﯞﺍﻣﻠﯩﺸﯩﭙﺘﯘ......  
ﻣﻪﻣﻪﺗﻨﻰ ﻗﻮﻟﻼﻳﺪﯨﻐﺎﻧﻼﺭ ﺋﯚﻳﻠﯩﺮﯨﺪﯨﻦ ﭼﯩﻘﻤﺎﭘﺘﯘ. ﺩﯗﺭﻣﯘﺵ ﺋﻪﻟﻰ ﺑﯩﻠﻪﻥ ﺧﻮﺗﯘﻧﻰ ﺋﻮﺭﯗﻥ ﺗﯘﺗﯘﭖ ﻳﯧﺘﯩﭗ ﻗﺎﭘﺘﯘ. ﺋﺎﺑﺪﯨﻨﯩﯔ ﺋﯚﻟﻤﯩﮕﻪﻧﻠﯩﻜﯩﮕﻪ ﻏﻪﺯﻩﭘﻠﯩﻨﯩﭙﺘﯘ. ﻣﻪﻣﻪﺗﻜﯩﻤﯘ ﮔﻪﭖ ﻗﯩﻠﻤﺎﭘﺘﯘ. ﺋﯘﻻﺭﻧﯩﯔ ﻳﺎﻛﻰ ﺧﯘﺩﺍﻏﺎ ﻳﺎﻛﻰ ﻣﻪﻣﻪﺗﻜﻪ ﯞﻩ ﻳﺎﻛﻰ ﺋﺎﺑﺪﻯ ﺋﺎﻏﯩﻐﺎ ﻏﻪﺯﯨﯟﻯ ﻛﯧﻠﯩﯟﺍﺗﻘﺎﻧﻠﯩﻘﻰ ﺑﯩﻠﮕﯩﻠﻰ ﺑﻮﻟﻤﺎﻳﺪﯨﻜﻪﻥ. ﺋﻪﻣﻤﺎ ﺋﯚﺯﯨﮕﻪ ﻏﻪﺯﯨﯟﻯ ﻛﻪﻟﻤﯩﮕﻪﻧﻠﯩﻜﻰ ﺋﯧﻨﯩﻖ ﺋﯩﻜﻪﻥ.   
   ﻣﻪﻣﻪﺕ ﺑﯩﻠﻪﻥ ﺟﺎﭘﭙﺎﺭ ﻳﯧﺰﯨﺪﯨﻦ ﺑﯧﺸﯩﻨﻰ ﺳﺎﻟﻐﯩﻨﯩﭽﻪ ﭼﯩﻘﯩﭗ ﻛﯧﺘﯩﭙﺘﯘ. ﻳﯧﺰﯨﺪﯨﻦ ﭼﯩﻘﻘﺎﻧﺪﺍ ﺋﯩﻜﻜﻰ ﺋﯩﺖ ﺋﯘﻻﺭﻏﺎ ﻗﺎﺭﺍﭖ ﻗﺎﯞﺍﭘﺘﯘ. ﻣﻪﻣﻪﺕ ﺑﯘﻧﯩﻤﯘ ﺗﯘﻳﻤﺎﭘﺘﯘ. ﺟﺎﭘﭙﺎﺭ ﺋﯘﻻﺭﻧﻰ ﻗﻮﻏﻠﯩﯟﯦﺘﯩﭙﺘﯘ.
    ﻣﻪﻣﻪﺕ ﺩﯨﻜﻪﻧﻠﻰ ﺗﯜﺯﻟﻪﯕﻠﯩﻜﯩﻨﯩﯔ ﺋﻮﺗﺘﯘﺭﯨﺴﯩﻐﺎ ﺑﺎﺭﻏﺎﻧﺪﺍ ﺗﯜﺯﻟﻪﯕﻠﯩﻜﻨﯩﯔ ﻧﯧﺮﯨﻘﻰ ﺗﻪﺭﯨﭙﯩﮕﻪ ﻛﯚﺯﯨﻨﻰ ﭘﯩﭽﺎﻗﺘﻪﻙ ﻗﯩﻠﯩﭗ ﻗﺎﺭﺍﭖ "ﺧﻪﭖ ﺋﺎﺑﺪﻯ" ﺩﻩﭘﺘﯘ.........
ﺋﺎﺑﺪﻯ ﺋﺎﻏﯩﻨﯩﯔ ﻳﺎﻟﻤﺎﯞﯗﺯﻧﯩﯖﻜﯩﺪﻩﻙ ﻳﻪﺗﺘﻪ ﺟﯧﻨﯩﺪﯨﻦ ﻳﻪﻧﻪ ﺑﯩﺮﻯ ﭼﯩﻘﯩﭙﺘﯘ. ﺋﯩﻜﻜﯩﻨﭽﻰ ﻗﯧﺘﯩﻢ ﺋﯚﻟﯜﭘﺘﯘ. ﺑﯘ ﻗﯧﺘﯩﻢ ﺋﺎﻟﺪﯨﻨﻘﯩﺪﯨﻦ ﺑﻪﻛﺮﻩﻙ ﺗﯜﮔﯜﺷﯜﭖ ﻛﯧﺘﯩﭙﺘﯘ. ﮬﺎﻟﺴﯩﺰﻟﯩﻨﯩﭗ ﻛﯧﺘﯩﭙﺘﯘ ﻳﯧﺰﯨﻐﯩﻤﯘ ﺑﺎﺭﺍﻟﻤﺎﭘﺘﯘ. ﺋﯚﻳﯩﻨﻰ ﺋﯩﮕﻪﻟﻠﯩﯟﺍﻟﻐﺎﻥ ﻳﻪﺭﻟﯩﺮﯨﻨﻰ ﺋﻮﺗﺎﻗﭽﯩﻠﯩﻘﯩﻨﻰ ﻗﯩﻠﯩﺪﯨﻐﺎﻥ ﺩﯨﺨﺎﻧﻼﺭﻧﻰ ﻗﻪﺭﻩﻟﻠﯩﻚ ﺗﻪﻛﺸﯜﺭﻩﻟﻤﻪﭘﺘﯘ. ﺋﯘﻻﺭﻧﻰ ﺋﯩﻠﮕﯩﺮﻛﯩﺪﻩﻙ ﯞﺍﻗﺘﻰ-ﯞﺍﻗﺘﯩﺪﺍ ﺋﻪﺩﻩﭘﻠﻪﭖ ﺗﯘﺭﺍﻟﻤﺎﭘﺘﯘ. ﻣﻪﻣﻪﺗﻨﯩﯔ ﺳﻪﯞﻩﺑﯩﺪﯨﻦ ﻳﯩﻐﯩﯟﺍﻟﯩﺪﯨﻐﺎﻥ ﺋﺎﺷﻠﯩﻘﻠﯩﺮﻯ ﺳﯧﻠﯩﻘﻠﯩﺮﻯ ﯞﺍﻗﺘﯩﺪﺍ ﻳﯩﻐﯩﻠﻤﺎﭘﺘﯘ.  
   ﻧﯩﻤﻪ ﻗﯩﻼﺭﯨﻨﻰ ﺑﯩﻠﻤﯩﮕﻪﻥ ﺋﯩﺖ ﺋﯩﺘﺘﯩﻦ ﺳﻮﺭﺍﭘﺘﯘ. ﺩﯨﮕﻪﻧﺪﻩﻙ ﺋﯘ ﺋﻪﻟﻰ ﺳﺎﭘﺎﺑﺎﻳﻨﻰ ﺋﯩﺰﺩﻩﭘﺘﯘ. ﺋﻪﺳﻠﻰ ﺋﻪﻟﻰ ﺳﺎﭘﺎ ﺑﺎﻱ ﺋﻪﻧﻘﻪﺭﻩﮔﻪ ﺑﯧﺮﯨﭗ ﻗﺎﻧﯘﻥ ﺋﻮﻗﯘﻏﺎﻥ ﺋﯩﻜﻪﻥ. ﺋﺎﺩﯗﯞﻛﺎﺕ ﺑﻮﻟﻤﺎﻗﭽﻰ ﺋﯩﻜﻪﻥ. ﻧﯩﻤﻪ ﺋﯜﭼﯜﻧﺪﯗﺭ ﺑﯘ ﺯﯨﻴﺎﻟﯩﻴﭽﺎﻕ ﺋﺎﺩﯗﯞﻛﺎﺕ ﺑﻮﻟﻤﺎﻱ ﻳﯧﺰﯨﻐﺎ ﻗﺎﻳﺘﯩﭗ ﻛﻪﭘﺘﯘ. ﻳﻪﺭﮔﻪ ﻗﯩﺰﯨﻘﯩﭗ ﻗﺎﭘﺘﯘ. ﺩﯨﺨﺎﻧﻼﺭﻧﯩﯔ ﻳﯧﺮﯨﻨﻰ ﮬﻪﺭ-ﺧﯩﻞ ﺋﯘﺳﯘﻟﺪﺍ ﺋﯩﮕﻪﻟﻠﻪﺷﻨﻰ ﺑﺎﺷﻼﭘﺘﯘ. ﺋﻪﻧﻘﻪﺭﻩﺩﻩ ﮬﯩﻠﯩﻨﯩﯔ ﮬﻪﺭ-ﺧﯩﻞ ﻧﺎﻣﺪﯨﻜﻰ ﻣﻪﻛﺘﻪﭘﻠﯩﺮﯨﺪﻩ ﺗﻪﺭﺑﯩﻴﻠﻪﻧﮕﻪﻥ ﺑﯘ ﺋﺎﺩﻩﻡ ﺋﻪﻟﯟﻩﺗﺘﻪ ﻳﺎﻣﺎﻧﺪﻩ. ﻳﯧﺰﯨﻠﯩﻘﻼﺭ ﺋﯘﻧﯩﯔ ﺑﯩﻠﻪﻥ ﺗﻪﯓ ﻛﯧﻠﻪﻟﻪﻣﺪﯗ !
   ﻳﯧﺰﯨﺪﺍ ﺗﻮﻧﯘﺵ ﺋﺎﺩﻩﻣﻠﻪﺭ ﺋﺎﺭﺍ ﮬﯩﻠﻪ ﺑﻮﻟﻤﺎﻳﺪﯨﻜﻪﻥ. ﺋﯩﺖ-ﻣﯜﺷﯜﻙ ﺗﻮﺧﻮﻟﯩﺮﯨﻤﯘ ﺗﻮﻧﯘﺵ ﻛﻮﭼﯩﺪﺍ ﮬﯩﻠﯩﮕﻪ ﺋﻮﺭﯗﻥ ﭼﯩﻘﺎﻣﺪﯗ. ﻛﯜﻧﺪﯨﻠﯩﻚ ﺳﺎﻻﻡ-ﺳﺎﺋﻪﺕ ﺑﯩﻠﻪﻥ ﺧﻮﺷﻨﯩﺪﺍﺭﭼﯩﻠﯩﻖ ﺋﯘﻧﯩﯖﻐﺎ ﺋﻮﺭﯗﻥ ﻗﺎﻟﺪﯗﺭﻣﺎﻳﺪﯨﻜﻪﻥ. ﮬﯩﻠﻪ-ﻣﯩﻜﯩﺮ ﺩﯨﮕﻪﻥ ﻧﺎﺗﻮﻧﯘﺵ ﺋﺎﺩﻩﻣﻠﻪﺭ ﺟﯩﻖ ﻳﻪﺭﺩﻩ ﺗﻮﻻ ﺑﻮﻟﯩﺪﯨﻜﻪﻥ. ﺷﯘﯕﺎ ﺷﻪﮬﻪﺭﺩﻩ ﻗﺎﻳﺴﯩﻼ ﺩﻭﻗﻤﯘﺷﺘﺎ ﺗﯘﺭﺳﺎﯓ ﻣﯩﯔ ﮬﯩﻠﻪ-ﻧﻪﻳﺮﻩﯓ ﻛﯚﺭﯛﺷﻜﯩﻠﻰ ﻛﯧﻠﯩﺪﯨﻜﻪﻥ. ﺋﻪﻟﻰ ﺳﺎﭘﺎ ﺋﻪﺷﯘﻧﺪﺍﻕ ﭼﻮﯓ ﺷﻪﮬﻪﺭﻟﻪﺭﺩﻩ ﭼﻮﯓ ﻣﻪﻛﺘﻪﭘﻠﻪﺭﺩﻩ ﺋﻮﻗﯘﭖ ﻛﻪﭘﺘﯩﻜﻪﻥ.  
    ﺋﯘ ﺑﯩﺮﺍﻗﻼ ﻳﻪﺭﮔﻪ ﻗﯩﺰﯨﻘﯩﭗ ﻗﺎﭘﺘﯘ. ﺳﻮﺩﯨﻨﯩﯔ ﺗﻪﺭﻩﻗﯩﻴﺎﺗﻨﯩﯔ ﺩﺍﺩﯨﺴﻰ ﺑﻮﻟﻐﺎﻥ ﻳﻪﺭﮔﻪ ﻗﯩﺰﯨﻘﯩﭗ ﻗﺎﭘﺘﯘ. ﺗﯩﺮﯨﺸﯩﭙﺘﯘ. ﺟﺎﻥ-ﺟﻪﮬﻠﻰ ﺑﯩﻠﻪﻥ ﺗﯩﺮﻛﯩﺸﯩﭙﺘﯘ. ﺋﯩﺸﻨﻰ ﯞﺍﻱ ﯞﺍﻱ ﻳﯧﺰﯨﺴﯩﺪﯨﻦ ﺑﺎﺷﻼﭘﺘﯘ. ﻧﯘﺭﻏﯘﻥ ﻳﻪﺭﮔﻪ ﺋﯩﮕﻪ ﺑﻮﭘﺘﯘ. ﺋﻪﻣﻤﺎ ﻳﻪﻧﯩﻼ ﺋﺎﺭﺯﯗﺳﯩﺪﯨﻜﻰ ﻳﻪﺭﮔﻪ ﻳﻪﺗﻤﻪﭘﺘﯘ. ﻗﺎﻧﻤﺎﭘﺘﯘ. ﺋﯜﮔﻪﻧﮕﻪﻥ ﮬﻪﻣﻤﻪ ﮬﯩﻠﯩﺴﯩﻨﻰ ﺋﯩﺸﻠﯩﺘﯩﭗ ﺑﻮﭘﺘﯘ. ﺋﻪﻣﺪﻯ ﻳﯧﯖﻰ ﮬﯩﻠﻪ ﺗﺎﭘﻤﯩﺴﺎ ﻳﯧﺮﻯ ﻛﯚﭘﻪﻳﻤﻪﻳﺪﯨﻜﻪﻥ.   
   ﺋﯘﻧﯩﻤﯘ ﺗﯧﭙﯩﭙﺘﯘ. ﺋﻮﺳﻤﺎﻥ ﻗﻪﻟﻪﻳﭽﻰ ﺩﻩﭖ ﺑﯩﺮﯨﻨﻰ ﺗﯧﭙﯩﭙﺘﯘ. ﺗﺎﻏﻘﺎ ﭼﯩﻘﯩﺮﯨﭗ ﻗﺎﺭﺍﻗﭽﻰ ﻗﯩﭙﺘﯘ. ﺟﺎﮬﯩﻞ ﺩﯦﮭﻘﺎﻧﻼﺭﻏﺎ ﻗﻪﻟﻪﻳﭽﯩﻨﻰ ﺳﺎﭘﺘﯘ. ﺑﯘﻟﯩﺘﯩﭙﺘﯘ. ﺋﯚﻟﺘﯜﺭﯛﭘﺘﯘ. ﺩﯨﺨﺎﻧﻼﺭ ﻗﻪﻟﻪﻳﭽﯩﺪﯨﻦ ﻗﻮﺭﻗﯘﭖ ﺳﯩﺮﺗﻘﯩﻤﯘ ﭼﯩﻘﺎﻟﻤﺎﻳﺪﯨﻐﺎﻥ ﺑﻮﭘﺘﯘ. ﺋﻪﻟﻰ ﺳﺎﭘﺎﻧﯩﯔ ﻳﯧﺮﯨﮕﻪ ﻳﻪﻧﻪ ﻳﯧﯖﯩﺪﯨﻦ ﻳﻪﺭﻟﻪﺭ ﻗﻮﺷﯘﻟﯘﺷﻘﺎ ﺑﺎﺷﻼﭘﺘﯘ......
    ﺋﻪﻟﻰ ﺳﺎﭘﺎ ﺑﺎﻱ ﺋﻪﻧﻘﻪﺭﻩﮔﻪ ﺑﯘ ﻳﻪﺭﺩﯨﻜﻰ ﺋﯩﺸﻼﺭﻧﯩﯔ ﺑﯘﺳﯩﻨﯩﻤﯘ ﭼﯩﻘﺎﺭﻣﺎﻳﺪﯨﻜﻪﻥ. ﻛﯩﻤﻼ ﺋﻪﺭﺯ ﻗﯩﻠﺴﯘﻥ ﺋﯘﻧﯩﯔ ﺑﯩﻠﯩﺸﯩﺪﯨﻦ ﻧﯧﺮﻯ ﺑﻮﻟﻤﺎﻳﺪﯨﻜﻪﻥ. ﺑﺎﺳﺘﯘﺭﯞﺍﻟﯩﺪﯨﻜﻪﻥ. ﺑﯘﻻﺭﻧﻰ ﻗﯩﻼﻻﻳﺪﯨﻜﻪﻥ. ﭼﯜﻧﻜﻰ ﺋﯘ ﮬﯚﻛﯜﻣﻪﺕ ﺑﯩﻠﻪﻥ ﺩﯨﺨﺎﻧﻼﺭﻧﯩﯔ ﺋﻮﺗﺘﯘﺭﯨﺴﯩﺪﯨﻜﻰ ﻳﻮﻟﻨﯩﯔ ﻛﯚﯞﺭﯨﻜﯩﺪﻩ ﺋﻮﻟﺘﯘﺭﯨﺪﯨﻜﻪﻥ. ﺋﻪﻧﻘﻪﺭﻩﻣﯘ ﺑﯘ ﺗﻪﺭﻩﭘﻠﻪﺩﻩ ﭼﻮﯓ ﺋﯩﺶ ﭼﯩﻘﻤﯩﻐﺎﻧﻠﯩﻘﯩﺪﯨﻦ ﺧﺎﺗﯩﺮﺟﻪﻡ ﺑﻮﻟﯘﭖ ﺋﯘﻧﯩﯔ ﻗﯩﻠﻐﺎﻧﻠﯩﺮﯨﻐﺎ ﻛﯚﺯ ﻳﯘﻣﯩﺪﯨﻜﻪﻥ. ﭼﯜﻧﻜﻰ ﺩﯙﻟﻪﺗﻨﯩﯔ ﺷﯘ ﭼﺎﻏﺪﯨﻜﻰ ﺋﻪﮬﯟﺍﻟﻰ ﻛﯚﺯﯨﻨﻰ ﻳﯘﻣﯘﺷﻘﺎ ﻣﻪﺟﺒﯘﺭﻻﻳﺪﯨﻜﻪﻥ..  
    ﺑﯘ ﺟﻪﺭﻳﺎﻧﺪﺍ ﺋﯘﻧﯩﯔ ﺑﯩﻠﻪﻥ ﻳﯜﺯﺗﯘﺭﺍﻧﻪ ﻗﺎﺭﺷﯩﻼﺷﻘﺎﻥ ﺗﺎﻻﺷﻘﺎﻥ ﻗﺎﻧﯘﻥ-ﺩﻩﯞﺍﺩﯨﻦ ﺧﻪﯞﯨﺮﻯ ﺑﺎﺭ ﺋﺎﺩﻩﻣﻠﻪﺭ ﺋﯘﻧﯩﯔ ﺋﻪﺷﻪﺩﺩﻯ ﺩﯛﺷﻤﯩﻨﯩﻜﻪﻥ. ﺋﺎﺗﺎ ﺩﯛﺷﻤﯩﻨﯩﺪﯨﻨﻤﯘ ﺑﻪﻛﺮﻩﻙ ﺩﯛﺷﻤﻪﻧﻜﻪﻥ. ﺋﯘ ﻗﺎﺭﺍ ﺩﯛﺕ ﻳﯧﺰﯨﺴﯩﺪﯨﻜﻰ ﺑﻪﻛﺮﻯ ﺋﻪﭘﻪﻧﺪﯨﻨﻰ ﻳﻮﻗﯩﺘﯩﭙﺘﯘ. ﺋﯘﻧﻰ ﺋﻮﺳﻤﺎﻥ ﻗﻪﻟﻴﭽﯩﮕﻪ ﺋﺎﺗﻘﯘﺯﯗﭘﺘﯘ. ﻗﻪﻟﻪﻳﭽﻰ ﺑﻪﻛﺮﻯ ﺋﻪﭘﻪﻧﺪﻯ ﺑﯩﻠﻪﻥ ﺑﯩﺮ ﻧﻪﯞﺭﯨﻠﻪﺭﺩﯨﻦ ﺑﻮﻟﺴﯩﻤﯘ ﺋﯘﻧﻰ ﺋﯧﺘﯩﭙﺘﯘ. ﻣﻪﻳﻠﻰ ﻗﺎﺭﺍ ﺟﺎﮬﯩﻠﻠﯩﻖ ﻗﯩﻠﻐﺎﻥ ﺩﯨﺨﺎﻧﻼﺭ ﻳﺎﻛﻰ ﻗﺎﻧﯘﻥ ﺩﻩﯞﺍﺳﻰ ﻗﯩﻠﻐﺎﻥ ﺑﻪﻛﺮﻯ ﺋﻪﭘﻪﻧﺪﯨﺪﻩﻛﻠﻪﺭ ﺑﻮﻟﺴﯘﻥ ﮬﻪﻣﻤﯩﺴﯩﻨﻰ ﺑﯩﺮ ﺋﺎﻣﺎﻝ ﻗﯩﻠﯩﭗ ﻳﻮﻗﯩﺘﯩﭙﺘﯘ. ﻣﻪﻧﭙﻪﺋﻪﺕ ﺩﯨﮕﻪﻥ ﻧﻪﺭﺳﻪ ﺑﯘ ﻛﯜﺭﻩﺷﺘﻪ ﺗﯘﻗﻘﺎﻧﻨﻰ ﻳﺎﺕ. ﻳﺎﺗﻨﻰ ﺗﯘﻗﻘﺎﻥ ﻗﯩﭙﺘﯘ. ﺋﺎﺑﺪﻯ ﺋﺎﻏﺎ ﺋﻪﻟﻰ ﺳﺎﭘﺎﺑﺎﻳﻨﯩﯔ ﻳﯧﻨﯩﻐﺎ ﺑﯧﺮﯨﭙﺘﯘ. ﺋﯚﺯﯨﮕﻪ ﺗﯘﺗﺎﺷﻘﺎﻥ ﺋﻮﺗﻨﻰ ﮬﻪﻣﺪﻩ ﺑﯘ ﺋﻮﺗﻨﯩﯔ ﺋﯘﻧﯩﯖﻐﯩﻤﯘ ﺗﯘﺗﯩﺸﯩﺪﯨﻐﺎﻧﻠﯩﻘﯩﻨﻰ ﺋﯧﺰﯨﭗ ﭼﯜﺷﻪﻧﺪﯛﺭﯛﭘﺘﯘ.
   ﺋﻪﻟﻰ ﺳﺎﭘﺎﻱ ﺋﯘﻧﯩﯖﺴﯩﺰﻣﯘ ﻣﻪﻣﻪﺕ ﺋﺎﯞﺍﻕ ﺗﻮﻏﺮﯨﺴﯩﺪﯨﻜﻰ ﺭﯨﯟﺍﻳﻪﺗﻠﻪﺭﻧﻰ ﺋﺎﯕﻼﯞﯦﺘﯩﭙﺘﯩﻜﻪﻥ. ﺋﯘ ﻗﺎﺭﺍﻗﭽﯩﻨﻰ ﻗﺎﺭﺍﻗﭽﯩﻨﯩﯔ ﻗﻮﻟﻰ ﺑﯩﻠﻪﻥ ﻳﻮﻗﯩﺘﯩﺶ ﺋﯜﭼﯜﻥ ﺋﻮﺳﻤﺎﻥ ﻗﻪﻟﻪﻳﭽﯩﻨﯩﯔ ﺋﻪﺗﺮﯨﺘﯩﻨﻰ ﺋﯩﺸﻘﺎ ﺳﺎﻟﻤﺎﻗﭽﻰ ﺑﻮﻟﯘﭖ ﺋﯘﻧﯩﯖﻐﺎ ﺋﺎﺩﻩﻡ ﺋﯧﯟﻩﺗﯩﭙﺘﯘ. ﻗﻪﻟﻪﻳﭽﯩﻨﻰ ﭼﺎﻗﯩﺮﺗﯩﭗ ﻧﯘﺭﻏﯘﻥ ﭘﯘﻝ ﯞﻩﺩﻩ ﻗﯩﭙﺘﯘ ﯞﻩ ﻗﻮﺭﺍﻟﻠﯩﺮﯨﻨﻰ ﻳﯧﯖﯩﻼﭖ ﺑﯧﺮﯨﭙﺘﯘ.
ﻗﻪﻟﻪﻳﭽﯩﻠﯩﻜﺘﯩﻦ ﺯﯦﺮﯨﻜﯩﭗ ﻗﺎﺭﺍﻗﭽﻰ ﺑﻮﻟﻐﺎﻥ ﺑﯘ ﻗﻪﻟﻪﻳﭽﻰ ﻣﻪﻣﻪﺗﻨﻰ ﺋﯚﻟﺘﯜﺭﻩﻟﻤﻪﭘﺘﯘ. ﻣﻪﻣﻪﺕ ﺋﯘﻧﻰ ﺋﯩﻜﻜﻰ ﺋﺎﺩﯨﻤﻰ ﺑﯩﻠﻪﻥ ﻗﻮﺷﯘﭖ ﺋﯚﻟﺘﯜﺭﯞﯦﺘﯩﭙﺘﯘ. ﺋﯩﺘﻘﺎ ﻻﻳﯩﻖ ﺋﯩﺘﻼ ﺑﻮﭘﺘﯘ. ﻗﺎﺭﺍﻗﭽﻰ ﺑﻮﻻﻟﻤﺎﭘﺘﯘ.....
   ﺑﯘ ﺧﻪﯞﻩﺭ ﻗﻪﺩﯨﺮﻟﯩﺪﯨﻦ ﻛﻮﺯﺍﻧﻐﯩﭽﻪ ﺟﻪﻳﮭﺎﻧﺪﯨﻦ ﺋﺎﺩﺍﻧﺎﻏﯩﭽﻪ ﮬﻪﺗﺘﺎ ﺋﻮﺳﻤﺎﻧﯩﻴﻪﮔﯩﭽﻪ ﺗﺎﺭﻗﯩﻠﯩﭙﺘﯘ...
   ﭼﻮﻗﯘﺭ ﺋﻮﯞﺍﺩﺍ ﺗﻮﺭﯗﺱ ﺗﺎﻏﻠﯩﺮﯨﺪﺍ ﻣﻪﻣﻪﺗﻨﯩﯔ ﺋﯩﺸﻠﯩﺮﻯ ﺳﯚﺯﻟﯩﻨﯩﺪﯨﻜﻪﻥ. ﺋﯧﻐﯩﺰﺩﯨﻦ-ﺋﯧﻐﯩﺰﻏﺎ ﻛﯚﭼﯩﺪﯨﻜﻪﻥ. ﺗﺎﻏﻠﯩﻘﻼﺭ ﻣﻪﻣﻪﺗﻨﯩﯔ ﺋﯩﺸﻠﯩﺮﯨﻨﻰ ﺋﺎﯕﻠﯩﻐﺎﻧﺪﯨﻦ ﻛﯧﻴﯩﻦ ﺋﯘﻧﻰ ﺑﯩﺮﺍﻗﻼ ﻳﺎﺧﺸﻰ ﻛﯚﺭﯛﭖ ﻗﺎﭘﺘﯘ. ﺋﯘﻧﻰ ﺧﻪﺗﻪﺭﮔﻪ ﻗﺎﺭﯨﻤﺎﻱ ﻗﻮﻏﺪﺍﺷﻘﺎ ﺋﺎﻟﺪﯨﺮﺍﭘﺘﯘ. ﺑﻮﻟﯘﭘﻤﯘ ﺋﻪﻟﻰ ﺳﺎﭘﺎﺑﺎﻱ ﯞﻩ ﻗﻪﻟﻪﻳﭽﻰ ﺋﻪﺗﺮﯨﺘﯩﻨﯩﯔ ﺑﻪﻛﺮﻩﻙ ﺯﯨﻴﯩﻨﯩﻐﺎ ﺋﯘﭼﺮﯨﻐﺎﻥ ﯞﺍﻱ ﯞﺍﻱ ﻳﯧﺰﯨﺴﯩﺪﯨﻜﯩﻠﻪﺭ ﻗﻪﻟﻪﻳﭽﯩﻨﯩﯔ ﺋﯚﻟﮕﻪﻧﻠﯩﻜﯩﻨﻰ ﺋﺎﯕﻼﭖ ﻗﯘﻻﻕ ﺋﺎﯕﻠﯩﻤﯩﻐﺎﻥ ﺧﻮﺷﺎﻟﻠﯩﻘﻘﺎ ﭼﯚﻣﯜﭘﺘﯘ. ﺧﻪﯞﻩﺭ ﻛﯧﭽﯩﺪﻩ ﻛﻪﻟﮕﻪﻥ ﺑﻮﻟﺴﯩﻤﯘ ﻳﯧﺰﯨﻨﯩﯔ ﺋﯩﭽﻰ ﺩﻩﮔﯩﺮﻣﻪﻥ ﺋﻮﻟﯜﻙ ﻳﯧﺰﯨﺴﯩﺪﯨﻜﻰ ﺑﺎﻳﺮﺍﻣﺪﯨﻦ ﻧﻪﭼﭽﻪ ﺑﺎﺭﺍﯞﻩﺭ ﺋﯧﺸﯩﭗ ﻛﯧﺘﯩﭙﺘﯘ.........

داۋامى بار....

kaman1

بەك ياخشى روماندە، ئەمما يېقىنقى نەشىرىنى ئوقۇسام بەزى  يەرلىرى ئۆزگىرىپ كېتىپتۇ، نىمە قىلدىغاندۇر دەيمەن بىر ئوبدان چىققان روماننى ئۆزگەرتىپ، مەسلەن: كاۋاپچى ئۇنىڭغا كۆتەر ما نىمەڭنى دەپ بۈركۈتنى بېشىغا ئاتتى ، ئۇ خېىلىغىچە ھەپىلىشىپ ئاران تۇتىۋالدى، بۇ تەسۋىر ئوقۇرمەنگە ناھايىتى كومىدىيىلىك تۇيۇلىدۇ ، ئۆزگەرتىلگىنىدە كاۋاپچى بۈركۈتنى ئۇنىڭ بېشىغا ئاتتى ، ئۇ خىلىغىچە قوغلاپ ئاران تۇتىۋالدى، بۈركۈت قوغلاپ تۇتىدىغان توخومۇ ، ئەمما بەك ئاچچىغىم كەلدى دىسە قولى قىچىشىدىغان ئاقساقال تەھرىرگە

darteghir

ئەسسالامۇ ئەلەيكۇم قانداق ئەھۋاللىرى ئابدۇرېھىمكا، ھېىيتلىرى مارەك بولسۇن. مەمتەكنىڭ ئاخىرىنى بى يوللىماملا دەيمە، ساقلاپ كەتتىم مەن.

hayat

ھازىر كىتابخانىلاردا بارغۇ بۇ كىتاب. تۆت قىسىم . ئىلى خەلق رادىئۇ ئىستانىسىنىڭ «ئەدەبىي ئاڭلىتىش پرۇگراممىسى'»دا بۇ يىل تولۇق ئاڭلاتتى.

elturuk

داڭقىنى ئاڭلېغان ئىدىم بىراق ئوقۇشقا نىسىپ بولمىغان ئىدى ، رەھمەت سىزگە!
داۋامىنى تىزراق يوللارسىز.........

arkak007

hayat يوللىغان ۋاقتى  2015-7-19 23:32
ھازىر كىتابخانىلاردا بارغۇ بۇ كىتاب. تۆت قىسىم . ئىلى خ ...

ئېلى خەلق رادىئو ئىستانسسىنىڭ تور بېتى بارمىدۇ،بولسا بىلىدىغانلار يوللاپ بەرگەن بولساڭلار؟

uganguqi

كەينىچا？ساقلاپ قالدۇق。。。。