ﺋﺎﺑﺪﻯ ﻛﻪﺗﺘﻰ ﮬﻪﻣﺰﻩ ﻛﻪﻟﺪﻯ

ali0999

داۋامىغا تەشنا بىز

marko91

kaman1 يوللىغان ۋاقتى  2015-7-31 10:36
ﻣﺎﻧﺎ ﺋﻪﻟﻰ ﺳﺎﭘﺎ ﺑﺎﻱ ﺟﯧﻨﯩﺪﯨﻦ ﺋﯧﺰﯨﺰ ﺋﯧﺘﯩﻨﻰ ﺑﯩﺮ ﭘﺎﺭﭼﻪ ﺷﻮﺭﻟ ...

شىئە مەزھىپىدىكىلەرنى كۆرسىتەمدىكى بۇ گەپ

dihkan

ﺋﻪﻣﺪﻯ ﻣﻪﻣﻪﺕ ﺋﺎﯞﺍﻗﻨﯩﯔ ﻧﻪﻟﻪﺭﺩﻩ ﻳﯜﺭﮔﯩﻨﯩﮕﻪ ﺩﯨﻘﻘﻪﺕ ﻗﯩﻼﻳﻠﻰ.
   ﻣﻪﻣﻪﺕ ﺋﺎﯞﺍﻕ ﺋﺎﺑﺪﯨﻨﻰ ﺋﺎﻏﯩﻨﻰ ﺋﯚﻟﺘﯜﺭﮔﻪﻧﺪﯨﻦ ﻛﯧﻴﯩﻦ ﺷﯘ ﻗﺎﭼﻘﯩﻨﯩﭽﻪ ﺗﯜﺭﻛﻤﻪﻥ ﻳﺎﻳﻼﻗﻠﯩﺮﯨﻐﺎ ﺑﯧﺮﯨﭙﺘﯘ. ﺋﯘﺯﯗﻥ ﺗﯘﺭﺍﻟﻤﺎﭘﺘﯘ. ﻳﻪﻧﻪ ﻗﯧﭽﯩﭙﺘﯘ. ﻓﯩﺮﺍﺕ ﺩﻩﺭﻳﺎ ﺑﻮﻳﻠﯩﺮﯨﻐﺎ ﺑﯧﺮﯨﭙﺘﯘ. ﻳﻪﻧﯩﻼ ﺗﻮﻧﯘﯞﺍﭘﺘﯘ. "ﺳﻪﻥ ﻣﻪﻣﻪﺕ ﺋﺎﯞﺍﻗﻜﻪﻧﺴﻪﻥ" ﺩﻩﭖ ﺑﯩﻠﯩﯟﺍﭘﺘﯘ. ﮬﯚﻛﯜﻣﻪﺗﻨﯩﯔ ﺗﯘﺗﯘﺵ ﺑﯘﻳﺮﯨﻘﻰ ﺑﯩﻠﻪﻥ ﺧﻪﻟﯩﻘﻠﻪﺭﻧﯩﯔ ﭘﺎﺭﺍﯕﻠﯩﺮﻯ ﺗﯧﺰﻟﯩﻚ ﺑﯩﻠﻪﻥ ﺋﻪﺗﺮﺍﭘﻘﺎ ﺗﺎﺭﺍﻳﺪﯨﻜﻪﻥ. "ﻗﺎﺭﺍﻗﭽﻰ ﻣﻪﻣﻪﺕ ﺋﺎﯞﺍﻕ" ﺩﯨﮕﻪﻥ ﺑﯘ ﻧﺎﻡ ﺋﯘﻧﯩﯖﺪﯨﻦ ﺑﯘﺭﯗﻥ ﻣﺎﯕﯩﺪﯨﻜﻪﻥ. ﺋﯘﻧﯩﯔ ﻧﺎﻣﻰ ﺑﺎﺭﻏﺎﻧﻠﯩﻜﻰ ﻳﻪﺭﺩﻩ ﺋﯘﻧﯩﯖﻐﺎ ﺋﺎﺭﺍﻣﻠﯩﻖ ﻳﻮﻕ ﺋﯩﻜﻪﻥ. ﺑﯜﺭﻛﯜﺗﺘﻪﻙ ﺩﻩﺭﺳﯩﻢ ﻛﯘﺭﺗﻠﯩﺮﯨﻨﯩﯔ ﺋﯩﭽﯩﮕﻪ ﺑﯧﺮﯨﭙﺘﯘ. "ﻣﻪﻣﻪﺕ ﺋﺎﯞﺍﻕ" ﺩﯨﮕﻪﻥ ﺋﯩﺴﯩﻤﻨﯩﯔ ﺋﺎﭘﯩﺘﯩﺪﯨﻦ ﻗﯘﺗﯘﻻﻟﻤﺎﭘﺘﯘ. ﺋﻪﺷﯘ ﻳﯩﺮﺍﻗﺘﯩﻜﻰ ﻛﯘﺭﺕ ﯞﺍﺩﯨﻠﯩﺮﯨﺪﯨﻤﯘ ﺋﯚﺯﯨﮕﻪ ﺋﺎﺭﺍﻣﻠﯩﻖ ﺗﺎﭘﺎﻟﻤﺎﭘﺘﯘ. ﺋﯚﺯ ﺋﯩﺴﻤﻰ-ﺯﺍﺗﯩﻨﯩﯔ ﺯﯨﻴﺎﻧﻜﻪﺷﻠﯩﻜﯩﺪﯨﻦ ﻗﯘﺗﯘﻻﻟﻤﺎﭘﺘﯘ. ﺑﯘ ﺋﯩﺴﯩﻤﻨﻰ ﻗﻮﻏﻼﯞﺍﺗﻘﺎﻥ ﮬﯚﻛﯜﻣﻪﺕ ﺋﺎﺩﻩﻣﻠﯩﺮﯨﺪﯨﻦ ﻗﯘﺗﯘﻻﻟﻤﺎﭘﺘﯘ. ﺋﯩﭽﯩﺪﯨﻜﻰ ﻗﻮﺭﻗﯘﻧﯘﭺ ﺑﯩﻠﻪﻥ ﺋﺎﺭﻟﯩﺸﯩﭗ ﻛﻪﺗﻜﻪﻥ ﺳﻪﮔﻪﻛﻠﯩﻚ ﺋﯘﻧﻰ ﺑﯩﺮ ﻣﯩﻨﯘﺕ ﺋﺎﺭﺍﻣﯩﺪﺍ ﻗﻮﻳﻤﺎﭘﺘﯘ. ﻛﯩﭽﯩﻚ ﭼﺎﻏﻠﯩﺮﯨﺪﺍ ﺋﺎﺑﺪﻯ ﺋﺎﻏﯩﻨﯩﯔ ﺗﺎﻳﯩﻘﯩﺪﯨﻦ ﻗﺎﭼﻘﺎﻥ ﭼﺎﻏﻠﯩﺮﯨﻨﻰ ﺋﻮﻳﻼﭘﺘﯘ. "ﻧﯩﻤﯩﺪﯨﮕﻪﻥ ﺑﻪﺧﯩﺘﻠﯩﻚ ﭼﺎﻏﻼﺭ...ﺋﯘ ﭼﺎﻏﻼﺭﺩﺍ ﮬﯧﭽﻜﯩﻢ ﻣﻪﻣﻪﺗﻨﻰ ﺗﻮﻧﯘﻣﺎﻳﺪﯨﻜﻪﻥ. ﺋﯘﻧﯩﯔ ﺩﯛﺷﻤﯩﻨﻰ ﺑﯩﺮ ﺋﺎﺑﺪﻯ ﺋﺎﻏﯩﻠﯩﻜﻪﻥ. ﺋﺎﺑﺪﯨﺪﯨﻦ ﺑﺎﺷﻘﺎ ﺋﺎﺩﻩﻣﻠﻪﺭ ﺋﯘﻧﯩﯔ ﺑﯩﻠﻪﻥ ﻛﺎﺭﻯ ﻳﻮﻗﻜﻪﻥ. ﮊﺍﻧﺪﺍﺭﻣﯩﻼﺭﻣﯘ ﺳﺎﻗﭽﯩﻼﺭﻣﯘ ﺑﺎﺷﻘﺎ ﺋﻪﻣﻪﻟﺪﺍﺭ-ﺑﺎﻳﻼﺭﻣﯘ ﺋﯘﻧﻰ ﺋﯩﺰﺩﯨﻤﻪﻳﺪﯨﻜﻪﻥ. ﺟﺎﮬﺎﻥ ﻛﻪﯕﺮﯨﻜﻪﻥ. ﺋﻪﻣﻤﺎ ﮬﺎﺯﯨﺮﭼﯘ....." ﻣﻪﻣﻪﺕ ﺋﺎﯞﺍﻗﻨﻰ ﺗﺎﻏﻼﺭﻣﯘ-ﺗﺎﺷﻼﺭﻣﯘ ﺗﻮﻧﯘﭖ ﻛﯧﺘﯩﭙﺘﯘ. ﮬﻪﻣﻤﯩﺴﻰ ﺗﻮﻧﯘﭖ ﻛﯧﺘﯩﭙﺘﯘ. ﺩﯗﻧﻴﺎ ﻛﯩﭽﯩﻜﻠﻪﭖ ﺋﯚﺯﯨﻨﻰ ﻳﻮﺷﯘﺭﻏﯩﺪﻩﻙ ﺟﺎﻱ ﺗﺎﭘﺎﻟﻤﺎﭘﺘﯘ. ﺑﯘﺭﯗﻥ ﺋﯩﺴﺴﯩﻖ ﺟﯧﻨﯩﻨﻰ ﺋﻮﺭﯗﻕ ﺗﯧﻨﯩﻨﻰ ﻳﻮﺷﯘﺭﯗﻏﯩﻠﻰ ﺑﻮﻟﯩﺪﯨﻜﻪﻥ. ﺋﻪﻣﻤﺎ ﮬﺎﺯﯨﺮ ﺟﯧﻨﯩﻨﻰ ﻳﺎﻛﻰ ﺗﯧﻨﯩﻨﻰ ﻳﻮﺷﯘﺭﻏﺎﻥ ﺑﯩﻠﻪﻥ ﻧﺎﻣﯩﻨﻰ ﻳﻮﺷﯘﺭﺍﻟﻤﺎﻳﺪﯨﻜﻪﻥ. ﻣﻪﻣﻪﺗﻨﻰ ﻳﻮﺷﯘﺭﻏﯩﻠﻰ ﺑﻮﻟﻐﺎﻥ ﺑﯩﻠﻪﻥ "ﻗﺎﺭﺍﻗﭽﻰ ﻣﻪﻣﻪﺕ ﺋﺎﯞﺍﻕ"ﻧﻰ ﻳﻮﺷﯘﺭﻏﯩﻠﻰ ﺑﻮﻟﻤﺎﻳﺪﯨﻜﻪﻥ. ﻣﻪﻣﻪﺕ ﺋﺎﯞﺍﻗﻨﻰ ﺗﻮﻧﯘﻳﺪﯨﻐﺎﻥ ﺋﯩﻨﺴﺎﻧﻼﺭﺩﯨﻦ ﻗﯧﭽﯩﭗ ﻳﻪﻧﻪ ﭼﯚﮔﯩﻠﻪﭖ ﻣﻪﺭﻳﻪﻣﭽﯩﻞ ﻏﻮﻟﯩﻐﺎ ﺩﯗﻟﺪﯗﻝ ﺗﯧﻐﯩﻐﺎ ﻛﻪﭘﺘﯘ. ﭼﯜﻣﯜﻟﯩﺪﻩﻙ ﺋﻪﺳﻜﻪﺭ. ﻳﻪﻧﻪ ﻗﯧﭽﯩﭙﺘﯘ.  ﻗﯧﭽﯩﯟﯦﺮﯨﭗ ﺋﻪﻟﻰ ﺗﯧﻐﯩﻐﺎ ﻗﺎﻳﺘﯩﭗ ﻛﯧﻠﯩﭙﺘﯘ. ﺋﯘﻧﻰ ﺗﯘﺗﯘﺵ ﺋﯜﭼﯜﻥ ﻗﯘﺭﯗﺗﺘﻪﻙ ﻗﯩﻤﯩﻠﺪﺍﭖ ﻳﯜﺭﮔﻪﻥ ﺳﺎﻗﭽﯩﻼﺭ..........

ﻗﺎﭼﻪ ! ﻣﻪﻣﻪﺕ ﺋﺎﯞﺍﻕ. ﺋﻪﻣﺪﻯ ﻧﻪﮔﯩﻤﯘ ﻗﺎﭼﺎﺭﺳﻪﻥ. ﺷﯘﻧﯩﯔ ﺑﯩﻠﻪﻥ ﻣﻪﻣﻪﺗﻨﯩﯔ ﻗﺎﭼﯩﺪﯨﻐﺎﻥ ﻳﻪﺭﻟﯩﺮﯨﻤﯘ ﺗﯜﮔﻪﭘﺘﯘ.

ﺋﯩﺨﺘﯩﻴﺎﺭﺳﯩﺰ ﺗﯜﮔﯜﻟﯜﭖ ﻗﺎﻟﺪﯨﻢ. ﺋﯚﺯ ﺑﺎﻟﯩﺴﻰ ﺋﯘﺭﯗﭖ ﺗﯩﻠﻠﯩﻐﺎﻥ ﭼﺎﻏﺪﯨﻜﯩﺪﻩﻙ ﻳﺎﻟﻐﯘﺯﻟﯘﻕ ﺋﯩﭻ-ﺑﺎﻏﺮﯨﻤﻐﺎ ﻳﺎﻣﺎﺷﺘﻰ. ﺩﯗﻧﻴﺎﺩﺍ ﻳﺎﻟﻐﯘﺯ ﻗﺎﻟﻐﺎﻥ ﺋﺎﺩﻩﻣﻨﯩﯔ ﻗﺎﻧﺪﺍﻕ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯨﻢ. ﮬﻪﺭﻗﺎﻧﺪﺍﻕ ﺗﻪﻧﮭﺎﻟﯩﻖ ﺑﯘﻧﺪﺍﻕ ﺗﻪﻧﮭﺎﻟﯩﻘﻘﺎ ﻳﻪﺗﻤﻪﺱ.

ﮬﻪﻱ ﻣﻪﻣﻪﺕ ﺋﺎﯞﺍﻕ ﻧﻪﮔﯩﻤﯘ ﺑﺎﺭﺍﺭﺳﻪﻥ. ﻣﯘﺷﺘﯘﻣﺪﻩﻙ ﺑﯧﺸﯩﯖﻨﻰ ﻗﻪﻳﻪﺭﮔﯩﻤﯘ ﺗﯩﻘﺎﺭﺳﻪﻥ. ﺋﯚﺯﻩﯓ ﺧﺎﻟﯩﻤﺎﺳﺘﯩﻦ ﺑﯧﺸﺸﯩﯔ ﻳﻮﻏﺎﻧﻼﭖ ﻛﻪﺗﺘﻰ. ﻳﻮﻏﺎﻧﻠﯩﻤﯩﺴﺎ ﻳﺎﺧﺸﯩﺘﺘﻰ. ﺑﯩﺮﻩﺭ ﺗﯚﺷﯜﻛﻜﻪ ﺗﯩﻘﻘﯩﻠﻰ ﺑﻮﻻﺗﺘﻰ. ﺋﻪﻣﺪﻯ ﺋﺎﻣﺎﻝ ﻳﻮﻕ. ﺑﯘ ﻳﻮﻏﺎﻥ ﺑﯧﺸﺸﯩﯔ ﺋﯜﭼﯜﻥ ﮬﯧﭽﻜﯩﻤﮕﻪ ﺋﯩﺸﻪﻧﻤﻪﻳﺴﻪﻥ. ﭼﯜﻧﻜﻰ ﺑﯘ ﺑﺎﺵ ﮬﻪﺭﻗﺎﻧﭽﻪ ﻳﻮﻏﺎﻥ ﺋﯚﯕﻜﯜﺭﮔﯩﻤﯘ ﺳﯩﻐﻤﺎﻳﺪﯗ. ﺑﯘ ﺑﺎﺵ ﮬﻪﺭﻗﺎﻧﺪﺍﻕ ﺑﺎﺗﯘﺭﻧﯩﯔ ﺋﯚﻳﯩﺪﯨﻤﯘ ﺧﺎﺗﯩﺮﺟﻪﻣﻠﯩﻚ ﺗﺎﭘﺎﻟﻤﺎﻳﺪﯗ. ﺷﯘﯕﺎ ﺋﯩﺸﻪﻧﻤﻪﻳﺴﻪﻥ. ﺑﯧﺸﯩﯖﻨﯩﯔ ﺗﺎﻏﻼﺭﺩﯨﻨﻤﯘ ﺋﯧﻐﯩﺮ ﻛﺎﯞﺍﭘﺘﯩﻨﻤﯘ ﭘﯘﺭﺍﻗﻠﯩﻖ ﺋﯩﻜﻪﻧﻠﯩﻜﻰ ﺋﯜﭼﯜﻥ ﺋﯩﺸﻪﻧﻤﻪﺳﻠﯩﻜﻜﻪ ﻣﻪﺟﺒﯘﺭﺳﻪﻥ. ﺳﯧﻨﯩﯔ ﮬﯩﭽﻜﯩﻤﮕﻪ ﺋﯩﺸﻪﻧﻤﯩﮕﯩﻨﯩﯔ ﺗﻮﻏﺮﺍ. ﺷﯘﻧﺪﯨﻼ ﺑﯧﺸﯩﯖﻨﯩﯔ ﺋﯧﻐﯩﺮﻟﯩﻘﻰ ﺑﯩﻠﻪﻥ ﺑﺎﺷﻘﯩﻼﺭﻧﯩﯔ ﻳﻪﻧﭽﯩﻠﯩﭗ ﻛﯧﺘﯩﺸﯩﺪﯨﻦ ﭘﯘﺭﯨﻘﻰ ﺑﯩﻠﻪﻥ ﺑﺎﻻﻏﺎ ﻗﯧﻠﯩﺸﯩﺪﯨﻦ ﻗﯘﺗﻘﯘﺯﯨﺴﻪﻥ

ﺋﻪﻣﻤﺎ ﻳﻪﻧﯩﻼ ﻛﯚﺯﻟﯩﺮﯨﯖﻨﻰ ﻣﯚﻟﺪﯛﺭﻟﯩﺘﯩﭗ ﺋﻪﺗﺮﺍﭘﻘﺎ ﻗﺎﺭﺍﻳﺴﻪﻥ. ﺋﯩﻨﺴﺎﻥ ﺯﺍﺗﯩﺪﯨﻦ ﺑﺎﺭﻣﺎﻗﭽﯩﻠﯩﻚ ﮬﯩﺴﺪﺍﺷﻠﯩﻘﻨﻰ ﻛﯜﺗﯩﺴﻪﻥ. ﺋﯩﻠﮕﯩﺮﻯ ﻛﯜﺗﻜﻪﻥ ﺋﯩﺪﯨﯔ. ﮬﺎﺯﯨﺮﻣﯘ ﻛﯜﺗﯩﯟﺍﺗﯩﺴﻪﻥ. ﺋﯧﺴﯩﯖﺪﻩ ﺑﻮﻟﺴﯘﻥ ﻛﻪﻟﮕﯜﺳﯩﺪﯨﻤﯘ ﻛﯜﺗﯩﺴﻪﻥ. ﺗﺎ ﺋﯚﻟﮕﯜﭼﻪ ﻛﯜﺗﯩﺴﻪﻥ.

ﺑﯩﺮﺍﻕ ﻣﻪﻣﻪﺕ ﺳﯧﻨﯩﯖﻐﺎ ﮬﯧﭽﻜﯩﻢ ﺋﯩﺸﻪﻧﭻ ﻳﺎﻛﻰ ﮬﯩﺴﺪﺍﺷﻠﯩﻖ ﺑﯧﺮﻩﻟﻤﻪﻳﺪﯗ. ﻗﻮﺭﺍﻡ ﺗﺎﺷﻼﺭ ﺑﯩﻠﻪﻥ ﭘﺎﺭﭼﻪ ﻛﯧﺴﻪﻛﻠﻪﺭ ﻗﺎﺭﺍ ﻳﺎﻣﻐﯘﺭﺩﺍ ﺗﻪﯓ ﺗﯘﺭﺍﻻﻣﺪﯗ ﺑﯜﺭﻛﯜﺕ ﺑﯩﻠﻪﻥ ﻗﯘﺷﻘﺎﭺ  ﺑﯩﺮﻟﯩﻜﺘﻪ ﭘﻪﺭﯞﺍﺯ ﻗﯩﻼﻻﻣﺪﯗ !  ﺷﯘﯕﺎ ﺋﯘﻻﺭ ﺑﯩﻠﻪﻥ ﮬﻪﻣﺪﺍﺳﺘﯩﺨﺎﻥ ﺑﻮﻝ ﻣﯘﯕﺪﺍﺵ ﺑﻮﻝ. ﺋﯩﺸﻘﯩﻠﯩﭗ ﮬﻪﻣﻤﻪ ﻧﯩﻤﻪ ﺑﻮﻝ.  ﺗﻪﻏﺪﯨﺮﺩﺍﺵ ﺑﻮﻟﻤﺎ. ﺟﻪﯕﮕﺎﮬﺘﺎ ﺳﻪﭘﺪﺍﺵ ﺑﻮﻟﻤﺎ. ﻗﻮﻟﯘﯕﻨﻰ ﺋﯘﻻﺭﻏﺎ ﺳﯘﻧﻤﺎ. ﻳﺎﻟﻐﯘﺯ ﺗﺎﭘﻘﺎﻥ ﺑﺎﻻﻏﺎ ﻳﺎﻟﻐﯘﺯ ﺗﻪﻳﻴﺎﺭﻻﻥ. ﺋﺎﭘﯩﺘﯩﯖﮕﻪ ﺑﺎﻻﻳﯩﯖﻐﺎ ﺷﯧﺮﯨﻚ ﻗﯩﻠﻤﺎ.  ﮬﯧﭽﻜﯩﻢ ﺳﯧﻨﯩﯖﻐﺎ ﮬﯩﺴﺪﺍﺷﻠﯩﻖ ﻗﯩﻼﻟﻤﺎﻳﺪﯗ. ﻗﻮﻟﯩﻨﻰ ﺳﺎﯕﺎ ﺳﯘﻧﺎﻟﻤﺎﻳﺪﯗ. ﭘﻪﻗﻪﺕ ﻳﺎﺭﺍﺗﻘﺎﻥ ﺋﯩﮕﻪﯓ ﻗﻮﻟﯩﻨﻰ ﺳﯘﻧﯩﺪﯗ. ﻳﺎﻟﻐﯘﺯ ﺧﯘﺩﺍ ﻳﺎﻟﻐﯘﺯﻻﺭﻏﺎ ﻳﯧﻘﻘﯩﻦ ﺗﯘﺭﯨﺪﯗ. ﺑﯘﻧﺪﺍﻕ ﻳﺎﻟﻐﯘﺯﻟﯘﻗﻘﺎ ﺋﯩﻨﺴﺎﻥ ﮬﻪﻣﺮﺍﮪ ﺑﻮﻻﻟﻤﺎﻳﺪﯗ. ﮬﻪﻣﺮﺍﮪ ﺑﻮﻟﯘﺷﻨﻰ ﺧﺎﻟﯩﻤﺎﻳﺪﯗ. ﺑﯘ ﻳﺎﻟﻐﯘﺯﻟﯘﻗﻨﻰ ﻳﺎﺧﺸﻰ ﻛﯚﺭﯛﺷﻨﻰ ﺋﯚﮔﻪﻥ. ﺳﺎﯕﺎ ﺗﻪﻛﻜﻪﻥ ﺗﻪﮔﻤﯩﺶ ﺷﯘ. ﺭﯨﺴﻘﯩﯔ ﺷﯘ. ﻳﻮﻗﻨﯩﯔ ﺋﺎﺭﺯﯗﺳﯩﻨﻰ ﻗﯩﻠﻤﺎ. ﺷﯘﻧﯩﯖﻐﺎ ﻛﯚﻥ !

ﻣﻪﻣﯩﺘﯩﻢ ﻳﺎﻟﻐﯘﺯﯗﻡ ! ﮬﻪﻣﻤﯩﮕﻪ ﺋﯩﺸﻪﻧﮕﯩﻠﻰ ﺑﻮﻟﯩﺪﯗ. ﮬﺎﻳﯟﺍﻧﻐﺎ ﻗﯘﺷﻼﺭﻏﺎ ﺗﺎﺷﻼﺭﻏﺎ ﺗﻮﭘﯩﻼﺭﻏﺎ ﺋﯩﺸﻪﻧﮕﯩﻠﻰ ﺑﻮﻟﯩﺪﯗ. ﺋﻪﻣﻤﺎ ﺋﺎﺩﻩﻣﮕﻪ ﺋﯩﺸﻪﻧﮕﯩﻠﻰ ﺑﻮﻟﻤﺎﻳﺪﯗ. ﻳﺎﺭﺍﺗﻘﯘﭼﯩﻤﯘ ﺋﺎﺩﻩﻣﮕﻪ ﺋﯩﺸﻪﻧﻤﻪﻳﺪﯗ. ﺧﯘﺩﺍﻧﻰ ﺗﻮﻧﯘﻏﺎﻥ ﺑﻮﻟﺴﯩﻤﯘ ﻗﻪﺳﻪﻡ ﺑﯩﻠﻪﻥ ﺋﯩﻤﺎﻥ ﺋﯧﻴﺘﻘﺎﻥ ﺑﻮﻟﺴﯩﻤﯘ ﺋﯩﻨﺴﺎﻧﻐﺎ ﺋﯩﺸﻪﻧﻤﻪﻳﺪﯗ. ﺷﯘﯕﺎ ﺋﯩﻤﺎﻥ ﺋﯧﻴﺘﺴﯩﻤﯘ ﻣﯩﯖﻼﺭﭼﻪ ﻗﻪﺳﻪﻡ ﻗﯩﻠﺴﯩﻤﯘ ﻳﻪﻧﯩﻼ ﺷﻪﺭﯨﺌﻪﺕ ﺑﯩﻠﻪﻥ ﺑﺎﺷﻘﯘﺭﯨﺪﯗ. ﻳﺎﺭﺍﺗﻘﺎﻥ ﺋﯩﮕﯩﺴﻰ ﻣﯩﺠﻪﺯ-ﺧﯘﻟﻘﯩﻨﻰ ﺑﯩﻠﯩﺪﯗ. ﮬﺎﻳﯟﺍﻧﻼﺭﻧﻰ-ﻧﻪﺭﺳﯩﻠﻪﺭﻧﻰ ﻗﺎﻧﯘﻥ ﺑﯩﻠﻪﻥ ﺑﺎﺷﻘﯘﺭﻣﯩﺴﯩﻤﯘ ﺋﯚﺯﯨﻨﯩﯔ ﻳﻮﻟﯩﺪﯨﻦ ﺩﺍﺟﯩﻤﺎﻳﺪﯗ. ﻗﻮﻱ ﺋﻮﺕ ﻳﻪﻳﺪﯨﻐﺎﻥ ﮬﺎﻳﯟﺍﻥ. ﺷﯘﯕﺎ ﺋﯧﺰﯨﭗ ﮔﯚﺵ ﻳﯩﻤﻪﻳﺪﯗ. ﺑﯩﺮ ﻗﯧﺘﯩﻤﻤﯘ ﻳﯩﻤﻪﻳﺪﯗ. "ﺋﯧﺰﯨﭙﺘﯩﻤﻪﻥ" ﺩﯨﻤﻪﻳﺪﯗ. ﺗﻮﭘﯩﻐﺎ ﺳﯘ ﻗﯘﻳﺴﺎ ﻳﯘﻣﺸﺎﻕ ﻻﻱ ﺑﻮﻟﯩﺪﯗ. ﮬﻪﺭﮔﯩﺰﻣﯘ ﺗﺎﺷﻘﺎ ﻳﺎﻛﻰ ﻧﺎﯞﺍﺗﻘﺎ ﺋﺎﻳﻠﯩﻨﯩﯟﺍﻟﻤﺎﻳﺪﯗ. ﺋﻪﯞﯞﯨﻠﯩﺪﻩ ﻗﺎﻧﺪﺍﻕ ﻣﯩﺠﻪﺯﺩﻩ ﻳﺎﺭﯨﺘﯩﻠﻐﺎﻥ ﺑﻮﻟﺴﺎ ﻗﯩﻴﺎﻣﻪﺗﻜﯩﭽﻪ ﺷﯘﻧﺪﺍﻕ ﻣﯩﺠﻪﺯﺩﻩ ﺗﯘﺭﯨﺪﯗ. ﻣﻪﯕﮕﯜ ﺋﯚﺯﮔﻪﺭﻣﻪﻳﺪﯗ. ﺋﯧﮭﺘﯩﻴﺎﺗﺴﯩﺰﻟﯩﻘﺘﯩﻦ ﻛﺎﻟﯩﻨﻰ ﺋﯘﺭﯗﭖ ﺳﺎﻟﺴﺎﯓ ﻳﺎﻛﻰ ﺗﺎﺷﻨﻰ ﭘﺎﺭﭼﯩﻼﭖ ﻗﻮﻳﺴﺎﯓ ﺋﯘﻻﺭﻧﯩﯔ ﻣﯩﺠﻪﺯﻯ ﺋﯚﺯﮔﯜﺭﯛﭖ ﻗﺎﻟﻤﺎﻳﺪﯗ. ﺋﻪﻣﻤﺎ ﺋﺎﺩﻩﻡ ﺋﻮﺧﺸﯩﻤﺎﻳﺪﯗ. ﭘﺎﻳﺪﺍﯕﻨﻰ ﻛﯚﺭﺳﻪ ﺗﯩﺮﯨﻠﮕﻪﻥ ﺋﺎﺗﯩﺴﯩﻐﺎ ﻗﯩﻠﻐﺎﻧﺪﯨﻦ ﺋﺎﺭﺗﯘﻗﻨﻰ ﻗﯩﻠﯩﺪﯗ. ﺋﯧﮭﺘﯩﻴﺎﺗﺴﯩﺰﻟﯩﻘﺘﯩﻦ ﺋﺎﺯﺭﺍﻕ ﺯﯨﻴﯩﻨﯩﯔ ﺗﻪﮔﻤﯩﺴﯘﻥ. ﺧﯘﺩﺍ ﺳﺎﻗﻠﯩﺴﯘﻥ. ﺳﯧﻨﻰ ﺑﯩﺮ ﺗﯘﺗﺎﻡ ﻗﻮﻧﺎﻗﭽﯩﻠﯩﻜﻤﯘ ﻛﯚﺭﻣﻪﻳﺪﯗ. ﺋﺎﺩﻩﻣﻠﻪﺭﻧﯩﯔ ﻣﯘﻧﺎﺳﯩﯟﯨﺘﻰ ﻣﻪﻧﭙﻪﺋﻪﺕ ﺑﯩﻠﻪﻥ ﻛﯚﻛﯩﺮﯨﺪﯗ. ﺯﯨﻴﺎﻥ ﺑﯩﻠﻪﻥ ﺑﯘﺯﯨﻠﯩﺪﯗ. ﺑﯩﺮ ﻗﺎﺭﺍﻗﭽﻰ ﺑﯩﺮ ﺑﯘﺯﻏﯘﻧﭽﻰ ﻳﺎﻟﻐﯘﺯ ﺋﺎﺩﻩﻣﮕﻪ ﻗﺎﻧﭽﯩﻠﯩﻚ ﻳﺎﺧﺸﯩﻠﯩﻖ ﻗﯩﻼﻻﻳﺪﯗ !  ﻳﺎﺧﺸﯩﻠﯩﻖ ﻗﯩﻼﻟﻤﺎﻳﺪﯗ. ﻳﺎﺧﺸﯩﻠﯩﻖ ﻗﯩﻠﯩﻤﻪﻥ ﺩﯨﺴﻪ ﺯﯨﻴﺎﻧﻜﻪﺷﻠﯩﻚ ﻗﯩﻠﯩﭗ ﻗﻮﻳﯩﺪﯗ. ﻳﯧﻘﻘﯩﻦ ﺑﺎﺭﻣﺎ. ﺑﺎﺭﺳﺎﯓ ﺑﺎﻻﻏﺎ ﻗﻮﻳﯩﺴﻪﻥ.

ﮬﻪﻱ ﻗﺎﺭﺍﻗﭽﻰ ﻣﻪﻣﻪﺕ ﺋﺎﯞﺍﻕ ! ﺳﻪﻥ ﻳﺎﻟﻐﯘﺯ ﺑﯩﺮ ﺋﺎﺩﻩﻣﮕﻪ ﮬﯧﭽﻨﯩﻤﻪ ﻗﯩﻠﯩﭗ ﺑﯧﺮﻩﻟﻤﻪﻳﺴﻪﻥ. ﺋﻪﻣﻤﺎ ﺑﯩﺮ ﺩﻩﯞﺭﮔﻪ ﺑﯩﺮ ﺟﻪﻣﯩﻴﻪﺗﻜﻪ ﺑﯩﺮ ﻛﻮﻟﻠﯩﻜﺘﯩﭙﻘﺎ ﻳﺎﺧﺸﯩﻠﯩﻖ ﻗﯩﻼﻻﻳﺴﻪﻥ. ﺟﻪﻣﯩﻴﻪﺗﺘﯩﻜﻰ ﻣﯩﯖﻠﯩﻐﺎﻥ ﺋﺎﺩﻩﻣﻠﻪﺭ ﻗﯩﻼﻟﻤﺎﻳﺪﯨﻐﺎﻥ ﻳﺎﺧﺸﯩﻠﯩﻘﻨﻰ ﺑﯩﺮ ﺳﻪﻥ ﻗﯩﻼﻻﻳﺴﻪﻥ. ﺳﯧﻨﯩﯔ ﻳﺎﺧﺸﯩﻠﯩﻘﯩﯖﻐﺎ ﺋﯧﺮﯨﺸﯩﺪﯨﻐﺎﻥ ﻛﻮﻟﻠﯩﻜﺘﯩﭙﻨﯩﯔ ﺋﯩﭽﯩﺪﻩ ﺳﯧﻨﻰ ﻳﺎﺧﺸﻰ ﻛﯚﺭﯛﺩﯨﻐﺎﻧﻼﺭﻣﯘ ﺳﯧﻨﻰ ﺑﯩﻠﻤﻪﻳﺪﯨﻐﺎﻧﻼﺭﻣﯘ ﮬﻪﺗﺘﺎ ﺳﯧﻨﯩﯖﻐﺎ ﺋﯚﭼﻤﻪﻧﻠﯩﻚ ﻗﯩﻠﯩﺪﯨﻐﺎﻧﻼﺭﻣﯘ ﺑﻮﻟﯩﺪﯗ. ﺳﯧﻨﯩﯔ ﻳﺎﺧﺸﯩﻠﯩﻘﯩﯔ ﻗﯘﻳﺎﺷﻘﺎ ﺋﻮﺧﺸﺎﻳﺪﯗ. ﻗﯘﻳﺎﺷﻨﯩﯔ  ﺗﻪﭘﺘﯩﺪﯨﻦ ﺗﯜﻟﻜﯩﻤﯘ ﺗﻮﺷﻘﺎﻧﻤﯘ ﺋﻮﺧﺸﺎﺵ ﺋﯩﺴﺴﯩﻨﯩﺪﯗ. ﺋﻮﺗﺘﻪﻙ ﺗﻪﭘﺘﯩﯖﺪﯨﻦ ﺋﯧﺮﯨﮕﻪﻥ ﻣﯘﺯﻻﺭﻧﯩﯔ ﺋﺎﺳﺘﯩﺪﯨﻦ ﻳﺎﭖ-ﻳﯧﺸﯩﻞ ﭼﯩﻐﻼﺭ ﺑﯩﺪﯨﻠﻪﺭ ﭼﯧﻐﯩﺮﺗﻤﺎﻗﻼﺭ ﺋﯚﺳﯜﭖ ﭼﯩﻘﯩﺪﯗ. ﺑﺎﺷﻘﯩﻼﺭ "ﻳﺎﺯ ﻛﻪﻟﮕﻪﭼﻜﻪ ﺷﯘﻧﺪﺍﻕ ﺑﻮﻟﺪﻯ" ﺩﯨﻴﯩﺸﯩﺪﯗ. ﺋﻪﻣﻤﺎ ﻳﺎﺯﻧﯩﯔ ﻗﺎﻧﺪﺍﻕ ﻛﻪﻟﮕﻪﻧﻠﯩﻜﯩﻨﻰ ﺑﯩﻠﻤﻪﻳﺪﯗ. ﮬﻪﻣﻤﻪﻳﻠﻪﻥ ﭘﯘﺕ-ﻗﻮﻟﻠﯩﺮﯨﻨﻰ ﻛﯧﺮﯨﭗ ﮬﻮﺯﯗﺭﻟﯩﻨﯩﺪﯗ. ﺋﻪﻣﻤﺎ ﺳﯧﻨﯩﯔ ﺋﯚﻣﯜﺭ ﺑﻮﻳﻰ ﭘﯘﺕ-ﻗﻮﻟﯘﯕﻨﻰ ﺋﺎﺭﺍﻣﺨﯘﺩﺍ ﺳﯘﻧﯘﭖ  ﺑﺎﻗﻤﯩﻐﺎﻧﻠﯩﻘﯩﯖﻨﻰ ﮬﯧﭽﻜﯩﻢ ﺑﯩﻠﻤﻪﻳﺪﯗ......

ﻣﻪﻣﻪﺕ ﻗﻮﺭﻗﯘﻧﯘﭼﺘﯩﻦ ﺑﯩﺮ ﻳﻪﺭﺩﻩ ﺗﯘﺭﺍﻟﻤﺎﭘﺘﯘ. ﻗﻮﺭﻗﯘﯞﺍﺗﻘﺎﻥ ﻧﻪﺭﺳﯩﺪﯨﻦ  ﻗﯘﺗﯘﻟﯘﺵ ﺋﯜﭼﯜﻥ ﺑﺎﺗﯘﺭﻟﯘﻕ ﻗﯩﻠﯩﺪﯨﻜﻪﻥ. ﻗﻮﺭﻗﯘﻧﯘﭼﻨﻰ ﻳﯧﯖﯩﺶ ﺋﯜﭼﯜﻥ ﺋﯘﻧﻰ ﻳﻮﻗﯘﺗﯘﺵ ﻛﯧﺮﻩﻛﻜﻪﻥ. ﺩﯛﺷﻤﻪﻧﻨﯩﯔ ﺑﯩﺮ ﺷﯧﺮﯨﻜﻰ ﺑﻮﻟﯩﺪﯨﻜﻪﻥ. ﺋﯘ ﺑﯩﺰﻧﯩﯔ ﻳﯜﺭﯨﻜﯩﻤﯩﺰﺩﻩ ﺗﯘﺭﯨﺪﯨﻜﻪﻥ. ﻣﻪﻣﻪﺕ ﺋﺎﻟﺪﻯ ﺑﯩﻠﻪﻥ ﻳﯜﺭﯨﻜﯩﺪﯨﻜﻰ ﻗﻮﺭﻗﯘﻧﯘﭼﻨﻰ ﺩﯛﺷﻤﻪﻧﻨﯩﯔ ﺷﯧﺮﯨﻜﯩﻨﻰ ﻳﯧﯖﯩﺶ ﻛﯧﺮﻩﻛﻜﻪﻥ. ﻗﺎﻧﭽﻪ ﻗﻮﺭﻗﯘﻧﭽﺎﻕ ﺑﻮﻟﻐﺎﻧﭽﻪ ﺷﯘﻧﭽﻪ ﻳﯜﺭﻩﻛﻠﯩﻚ ﺑﻮﻟﯜﺵ ﻛﯧﺮﻩﻛﻜﻪﻥ. ﺑﻮﻟﻤﯩﺴﺎ ﻗﻮﺭﻗﯘﻧﯘﭺ ﻳﻪﯞﯦﺘﯩﺪﯨﻜﻪﻥ. ﺩﺍﺩﺍﻣﻨﯩﯔ ﺩﯨﻴﯩﺸﯩﭽﻪ ﻗﺎﺭﺍﯕﻐﯘﺩﺍ ﺋﺎﻟﯟﺍﺳﺘﻰ ﺋﯘﭼﺮﺍﭖ ﻗﺎﻟﺴﺎ ﻛﯚﺯﻟﯩﺮﯨﻤﯩﺰﻧﻰ ﭼﻪﻛﭽﻪﻳﺘﯩﭗ ﺋﺎﯞﺍﺯﯨﻤﯩﺰﻧﯩﯔ ﺑﺎﺭﯨﭽﻪ ﺗﯩﻠﻠﯩﺴﺎﻕ ﺋﯘ ﻗﺎﭼﯩﺪﯨﻜﻪﻥ. ﻗﻮﺭﻗﯘﭖ ﺋﯩﺸﺘﺎﻧﻐﺎ ﭼﯩﻘﯩﺮﯨﯟﻩﺗﺴﻪﻛﻤﯘ ﭼﺎﻧﺪﯗﺭﻣﺎﻱ ﺗﯩﻠﻼﺵ ﻛﯧﺮﻩﻛﻜﻪﻥ. ﺑﻮﻟﻤﯩﺴﺎ ﺋﺎﻟﯟﺍﺳﺘﻰ ﺑﯩﻠﻪﻥ ﻗﻮﺭﻗﯘﻧﯘﭺ ﺷﯧﺮﯨﻜﻠﯩﺸﯩﭗ ﺑﯩﺰﻧﻰ ﻳﻪﯞﯦﺘﯩﺪﯨﻜﻪﻥ.

ﻣﻪﻣﻪﺕ ﻗﺎﭼﻘﺎﻧﭽﻪ ﻗﻮﺭﻗﯘﻧﯘﭺ ﻛﯜﭼﯜﻳﯜﭘﺘﯘ. ﺋﺎﺩﻩﻣﻠﻪﺭﮔﻪ ﺑﻮﻟﻐﺎﻥ ﺋﯩﺸﻪﻧﭻ ﺑﺎﺭﻏﺎﻧﭽﻪ ﻳﻮﻗﺎﭘﺘﯘ. ﺋﻪﻗﯩﻞ ﻛﯜﭼﯩﻴﯩﭙﺘﯘ. ﺋﯧﮭﺘﯩﻴﺎﺗﭽﺎﻥ ﺑﻮﭘﺘﯘ. ﺋﯩﺴﯩﻨﯩﺸﻘﺎ ﺋﻮﺕ ﻳﺎﻗﻘﺎﻧﺪﺍ ﺑﯩﺮﺍﯞ ﺑﯩﻠﻪﻥ ﺳﺎﻻﻣﻼﺷﻘﺎﻧﺪﺍ ﮬﻪﺗﺘﺎ ﻛﯚﭼﻤﻪﻥ ﭘﺎﺩﯨﭽﯩﺪﯨﻦ ﺳﯧﺘﯩﯟﺍﻟﻐﺎﻥ ﻗﻮﺗﯘﺭﻣﺎﭼﻨﻰ ﻳﯩﮕﻪﻧﺪﯨﻤﯘ ﺋﯧﮭﺘﯩﻴﺎﺕ ﺑﯩﻠﻪﻥ ﻳﯩﻴﯩﺸﻜﻪ ﺋﺎﺩﻩﺗﻠﯩﻨﯩﭙﺘﯘ. ﻗﺎﺭﺍﻗﭽﻰ ﺋﻪﻟﻰ ﻏﻮﺟﯩﻨﻰ ﻣﯘﺷﯘ ﺩﯨﺨﺎﻧﻼﺭ ﺗﯧﺨﻰ ﺗﯚﻧﯜﮔﯜﻧﻼ ﺗﯘﺗﯘﭖ ﺑﻪﺭﻣﯩﺪﯨﻤﯘ. ﺋﺎﺟﯩﺰﻻﺭﻧﻰ ﻳﯚﻟﻪﭖ ﺑﺎﻳﻼﺭﻧﻰ ﻗﺎﺧﺸﺎﺗﻘﺎﻥ ﺋﻪﻟﻰ ﻏﻮﺟﯩﻨﻰ ﺩﯨﺨﺎﻧﻼﺭ ﺗﯘﺗﯩﯟﯦﻠﯩﭗ ﻳﯜﺯﻟﯩﺮﯨﮕﻪ ﺗﯜﻛﯜﺭﯛﭖ  ﭘﻪﺭﯗﺥ ﻳﯜﺯ ﺑﯧﺸﯩﻐﺎ ﺗﺎﭘﺸﯘﺭﯗﭖ ﺑﻪﺭﻣﯩﺪﯨﻤﯘ.  ﺋﺎﺩﻩﻣﮕﻪ ﺋﯩﺸﻪﻧﮕﯩﻠﻰ ﺑﻮﻟﻤﺎﻳﺪﯗ. ﻛﯩﻢ ﺑﯩﻠﯩﺪﯗ. ﺩﯨﺨﺎﻧﻼﺭ ﻣﻪﻣﻪﺗﻨﻰ ﺋﯩﻠﮕﯩﺮﻯ "ﺷﯘﯕﻘﺎﺭﯨﻤﯩﺰ"  ﺩﯨﮕﻪﻧﻠﯩﺮﯨﮕﻪ ﻛﯜﻟﮕﯩﺴﻰ ﻛﯧﻠﯩﭗ ﻳﯜﺭﻩﻣﺪﯗ ﺗﯧﺨﻰ.

ﺋﺎﺩﻩﻡ ﺩﯨﮕﻪﻥ ﺷﯘﻧﺪﺍﻕ ﻣﻪﺧﻠﯘﻗﻜﻪﻥ. ﺧﻮﺵ ﺑﻮﻟﻐﺎﻧﺪﺍ ﮬﻪﻣﻤﻪ ﺧﺎﭘﯩﻠﯩﻘﻨﻰ ﺋﯘﻧﺘﯘﻳﺪﯨﻜﻪﻥ. "ﺋﺎﺩﺍﯞﻩﺕ ﺋﯜﭺ ﻛﯜﻧﺪﯨﻦ ﻛﯧﻴﯩﻦ ﮬﺎﺭﺍﻡ" ﺩﻩﭖ ﮬﯩﺠﯩﻴﯩﺪﯨﻜﻪﻥ. ﺧﺎﭘﺎ ﺑﻮﻟﺴﺎ ﺋﻪﯞﻟﯩﻴﺎﻣﯘ ﺷﻪﻳﺘﺎﻧﻤﯘ ﭼﺎﺗﯩﻘﻰ ﻳﻮﻗﻜﻪﻥ. ﻳﺎﻗﯩﺴﯩﺪﯨﻦ ﺋﺎﻟﯩﺪﯨﻜﻪﻥ. "ﻗﯩﺴﺎﺱ ﮬﺎﻻﻝ" ﺩﻩﭖ ﻗﺎﭘﯩﻘﯩﻨﻰ ﺗﯜﺭﯨﺪﯨﻜﻪﻥ.   

ﻣﻪﻣﻪﺕ ﭼﺎﺗﻘﺎﻟﻼﺭﻏﺎ ﻗﺎﺭﺍﭘﺘﯘ. ﻳﯘﻟﻐﯘﻧﻼﺭﻏﺎ ﻗﺎﺭﺍﭘﺘﯘ. ﻛﯚﻛﯜﺵ ﺋﯩﺰﻟﯩﺮﻯ ﺑﺎﺭ ﺑﯩﺮ ﺗﺎﺷﻘﺎ ﻗﺎﺭﺍﭘﺘﯘ. ﺑﯩﺮ ﺗﺎﻝ ﮔﯩﻴﺎﮪ ﺑﻮﻟﻐﺎﻥ ﺑﻮﻟﺴﺎﻡ ﺷﺎﻣﺎﻟﺪﺍ ﺧﺎﺗﯩﺮﺟﻪﻡ ﺋﯩﻐﺎﯕﻼﭖ ﺗﯘﺭﻣﺎﺳﻤﯩﺪﯨﻢ ﺩﻩﭖ ﺋﻮﻳﻼﭘﺘﯘ. ﺑﯩﺮ ﺗﺎﻝ ﺗﺎﺵ ﺑﻮﻟﯘﭖ ﻗﺎﻟﻐﺎﻥ ﺑﻮﻟﺴﺎﻡ ﺋﺎﭘﺘﺎﭘﻘﺎ ﻣﻪﻳﺪﻩﻣﻨﻰ ﻗﺎﻗﻼﭖ ﺧﺎﺗﯩﺮﺟﻪﻣﻠﯩﻜﻨﯩﯔ ﮬﻮﺯﻭﺭﯨﻨﻰ ﺳﯜﺭﯛﭖ ﻳﺎﺗﻤﺎﺳﻤﯩﺪﯨﻢ ﺩﻩﭖ ﺋﻮﻳﻼﭘﺘﯘ.....

ﻣﻪﻣﻪﺕ ﻧﻪﮔﻪ ﺑﺎﺭﯨﺪﯗ  ﺑﯧﺸﯩﻨﻰ ﺧﺎﺗﯩﺮﺟﻪﻡ ﺗﯩﻘﻘﯘﺩﻩﻙ ﺗﯚﺷﯜﻛﻨﻰ ﺋﺎﻳﻼﭖ ﺋﯩﺴﺴﯩﻖ ﺗﺎﻣﺎﻕ ﻛﯚﺭﻣﯩﮕﻪﻥ ﺟﯧﻨﯩﻨﻰ ﺋﺎﺭﺍﻡ ﺗﺎﭘﻘﯘﺯﻏﯩﺪﻩﻙ ﻗﺎﺯﺍﻥ ﺑﯧﺸﯩﻨﻰ ﻧﻪﺩﯨﻦ ﺗﺎﭘﯩﺪﯗ ! ﺋﻮﺳﻤﺎﻥ ﭼﻮﯕﭽﯘ ﺑﻮﯞﺍﻳﻨﯩﯔ ﻳﯧﻨﯩﻐﺎ ﺑﺎﺭﺳﺎ ﻗﺎﻧﺪﺍﻕ ﺑﻮﻻﺭ. ﺧﯩﻴﺎﻟﯩﻐﺎ ﺋﻮﺳﻤﺎﻥ ﭼﻮﯓ ﻛﻪﻟﮕﻪﻧﺪﻩ ﺋﯘﻧﯩﯔ ﻣﯧﮭﯩﺮ ﺑﯩﻠﻪﻥ ﻗﯘﭼﺎﻏﻠﯩﻐﯩﻨﻰ ﺋﯧﺴﯩﮕﻪ ﻛﯧﻠﯩﭗ ﻛﯚﺯﻟﯩﺮﯨﮕﻪ ﻳﺎﺵ ﻛﻪﭘﺘﯘ.   

ﺑﯧﺮﯨﺶ ﻛﯧﺮﻩﻙ. ﺑﻮﭘﺘﯘ. ﺗﯘﺗﯘﭖ ﺑﻪﺭﺳﻪ ﺋﯘﻧﯩﻤﯘ ﻛﯚﺭﻩﺭ. ﺑﯩﺮ ﻗﯧﺘﯩﻢ ﻗﯧﻨﯩﭗ ﺋﯘﺧﻠﯩﯟﺍﻟﺴﺎ ﺋﯩﺴﺴﯩﻖ ﺑﯩﺮ ﻗﺎﭼﺎ ﺗﺎﻣﺎﻕ ﻳﻪﯞﺍﻟﺴﺎ ﻣﻪﻳﻠﻰ ﺋﻪﻣﻪﺳﻤﯘ. ﺑﻪﺭﯨﺒﯩﺮ ﺋﯚﻟﯜﻣﻐﯘ. ﺋﯚﻟﺴﻪﻣﻤﯘ ﺗﻮﺭﯗﺱ ﺗﺎﻏﻠﯩﺮﯨﺪﺍ ﺗﯘﻏﯘﻟﻐﺎﻥ ﻳﯧﺮﯨﻤﺪﻩ ﺋﯚﻟﻪﻱ ﺩﻩﭖ ﻗﺎﻳﺘﯩﭗ ﻛﻪﻟﻤﯩﺪﯨﻤﯘ......

ﻳﯧﺮﯨﻤﻰ ﺧﯩﻴﺎﻝ ﻳﯧﺮﯨﻤﻰ ﭼﯜﺷﺘﻪﻙ ﮔﺎﺭﺍﯓ ﺋﻮﻳﻼﺭ ﺑﯩﻠﻪﻥ ﺋﺎﺧﺸﺎﻡ ﻛﯩﺮﯨﭗ ﻳﺎﺗﻘﺎﻥ ﺩﻩﺭﻩﺥ ﻛﺎﯞﯨﻜﯩﺪﯨﻦ ﭼﯩﻘﯩﭙﺘﯘ. ﺋﻮﺭﻧﯩﺪﯨﻦ ﺗﯘﺭﯗﭘﻼ ﯞﺍﻱ ﯞﺍﻱ ﻳﯧﺰﯨﺴﯩﻐﺎ ﻗﺎﺭﺍﭖ ﻣﯧﯖﯩﭙﺘﯘ. ﻣﺎﯕﻐﺎﻧﭽﻪ ﺋﯩﻠﺪﺍﻣﻼﭖ ﻛﯧﺘﯩﭙﺘﯘ. ﺋﻪﻧﺪﯨﺸﯩﺪﯨﻦ ﺗﯧﺰ ﻣﯧﯖﯩﺶ ﺑﯩﻠﻪﻥ ﻗﯘﺗﯘﻟﻤﺎﻗﭽﻰ ﺑﻮﻟﻐﺎﻧﺪﻩﻙ ﺋﯚﺯﯨﻨﻰ ﺋﻮﺗﻘﺎ ﺋﺎﺗﻤﺎﻗﭽﻰ ﺑﻮﻟﻐﺎﻥ ﭘﻪﺭﯞﺍﻧﯩﺪﻩﻙ ﺋﺎﻟﺪﯨﻐﺎ ﻗﺎﺭﺍﭖ ﺋﯧﺘﯩﻠﯩﭙﺘﯘ. ﺋﯩﻠﮕﯩﺮﻯ ﺑﯩﺮﻩﺭ ﻳﯧﺰﯨﻐﺎ ﻛﯩﺮﻣﻪﻛﭽﻰ ﺑﻮﻟﺴﺎ ﺋﺎﯞﺍﻝ ﻧﻪﭼﭽﻪ ﻛﯜﻧﻠﻪﭖ ﻛﯜﺯﯨﺘﯩﺪﯨﻜﻪﻥ. ﺑﯩﺮﺍﻕ ﺑﯜﮔﯜﻥ ﺋﯘﻧﺪﺍﻕ ﻗﯩﻠﻤﺎﭘﺘﯘ. ﮬﻪﻣﻤﯩﺪﯨﻦ ﻗﯘﺗﯘﻟﻤﺎﻗﭽﻰ ﺑﻮﻟﻐﺎﻧﺪﻩﻙ ﮬﯧﭽﻨﯩﻤﯩﻨﻰ ﺋﻮﻳﻠﯩﻤﺎﭘﺘﯘ. ﺋﻮﻳﻼﯞﯦﺮﯨﺶ ﺋﯧﮭﺘﯩﻴﺎﺕ ﺑﯩﻠﻪﻥ ﻗﻪﺩﻩﻡ ﺑﯧﺴﯩﺶ ﺋﯘﻧﯩﯔ ﺟﯧﻨﯩﻐﺎ ﺗﻪﻛﻜﻪﻥ ﺋﯩﻜﻪﻥ. ﺋﻮﻱ-ﺧﯩﻴﺎﻟﺪﯨﻦ ﻣﯧﯖﯩﺶ ﺑﯩﻠﻪﻥ ﻗﯘﺗﯘﻟﻤﺎﻗﭽﻰ ﺑﻮﭘﺘﯘ. ﻛﯧﻴﯩﻦ ﻳﯜﮔﺮﻩﭘﺘﯘ. ﻳﻮﺷﯘﺭﻧﯘﺷﺘﯩﻦ ﻗﯧﭽﯩﺸﺘﯩﻦ ﺋﺎﭼﻠﯩﻘﺘﯩﻦ ﻳﺎﻟﻐﯘﺯﻟﯘﻗﺘﯩﻦ ﺑﯩﺮﺍﻗﻼ ﻗﯘﺗﯘﻟﻤﺎﻗﭽﻰ ﺑﻮﻟﻐﺎﻧﺪﻩﻙ ﺋﺎﻟﺪﯨﻐﺎ ﻗﺎﺭﺍﭖ ﻳﯜﮔﺮﻩﭘﺘﯘ.....

ﻣﻪﻣﻪﺕ ﻛﯧﭽﯩﺪﻩ ﯞﺍﻱ ﯞﺍﻱ ﻳﯧﺰﯨﺴﯩﻐﺎ ﻛﻪﭘﺘﯘ. ﺋﻮﺳﻤﺎﻥ ﭼﻮﯕﻨﯩﯔ ﺋﯚﻳﯩﻨﻰ ﺳﻮﺭﺍﭖ ﺗﯧﭙﯩﭙﺘﯘ. "ﺧﯘﺩﺍﻳﻰ ﻗﻮﻧﺎﻕ" ﺩﻩﭖ ﺋﯩﺸﯩﻜﻨﻰ ﭼﯧﻜﯩﭙﺘﯘ. ﺩﻩﺳﻠﻪﭖ ﺋﻮﺳﻤﺎﻥ ﭼﻮﯓ ﻣﻪﻣﻪﺗﻨﻰ ﺗﻮﻧﯩﻴﺎﻟﻤﺎﭘﺘﯘ. ﻛﯧﻴﯩﻦ ﺗﻮﻧﯘﭘﺘﯘ. ﺑﻮﯞﺍﻳﻨﯩﯔ ﭼﯩﺮﺍﻳﻰ ﺋﯚﻳﯩﮕﻪ ﺧﯩﺰﯨﺮ ﻛﻪﻟﮕﻪﻥ ﻣﯘﮬﺘﺎﺟﻨﯩﯔ ﭼﯩﺮﺍﻳﯩﺪﻩﻙ ﺩﻩﺭﺗﻤﻪﻧﻨﯩﯔ ﭼﯩﺮﺍﻳﯩﺪﻩﻙ ﺋﯜﻣﭽﯩﻴﯩﭗ ﻗﺎﭘﺘﯘ. ﻛﯚﺯﻟﯩﺮﯨﺪﻩ ﻳﺎﺵ ﻗﯘﭼﯩﻐﯩﺪﺍ ﻣﻪﻣﻪﺕ ﺋﯧﻐﯩﺰﯨﺪﺍ "ﺷﯘﯕﻘﺎﺭﯨﻢ" ......ﺋﻮﺳﻤﺎﻥ ﭼﻮﯓ ﺩﯨﺮ ﺩﯨﺮ ﺗﯩﺘﺮﻩﻳﺪﯨﻜﻪﻥ. ﺋﯘﻧﻰ ﻗﯘﭼﺎﻏﻼﻳﺪﯨﻜﻪﻥ. ﻣﻪﻣﻪﺗﻜﻪ ﺑﯘ ﻗﯧﺘﯩﻢ ﺑﻮﯞﺍﻳﻨﯩﯔ ﻗﯘﭼﯩﻐﻰ ﺑﯘﺭﯗﻧﻘﯩﺪﯨﻦ ﻧﻪﭼﭽﻪ ﮬﻪﺳﺴﻪ ﺋﯩﻠﻠﯩﻖ ﺑﯩﻠﯩﻨﯩﭙﺘﯘ:

- ﺑﯘ ﺳﻪﻧﻤﯘ ﺋﺎﻟﻼﻧﯩﯔ ﻣﯧﮭﻤﯩﻨﻰ...ﻣﻪﺭﮬﻪﺑﺎ....-ﺩﻩﭘﺘﯘ....."ﻣﯧﻨﻰ ﺋﺎﻧﺎﻡ ﺷﯩﯟﻯ ﻗﻪﺩﺭﻯ ﻛﯧﭽﯩﺴﻰ ﺗﯘﻗﻘﺎﻥ ﺋﻮﺧﺸﺎﻳﺪﯗ.ﻣﻪﻣﻪﺗﻨﻰ ﺷﯘﯕﻘﺎﺭﯨﻤﻨﻰ ﻳﻪﻧﻪ ﻛﯚﺭﯛﺵ ﻧﯧﺴﯩﭗ ﺑﻮﻟﺪﻯ...ﺋﻪﻣﺪﻯ ﺧﻮﺷﺎﻝ ﺋﯚﻟﯩﺪﯨﻐﺎﻥ ﺑﻮﻟﺪﯗﻡ" ﺩﻩﭘﺘﯘ....ﺷﯘﻧﺪﺍﻕ ﺧﻮﺷﺎﻝ ﺑﻮﭘﺘﯘ. ﺑﯘﻻﺭﻧﻰ ﻛﯚﺭﯛﭖ ﻣﻪﻣﻪﺕ ﻳﻮﻟﺪﺍ ﺋﻮﺳﻤﺎﻥ ﭼﻮﯕﺪﯨﻦ ﺋﻪﻧﺴﯩﺮﯨﮕﯩﻨﯩﺪﯨﻦ ﺧﯩﺠﯩﻞ ﺑﻮﭘﺘﯘ. ﻗﻪﻣﻪﺭ ﺋﺎﻧﯩﺴﻰ ﻳﯧﺮﯨﻢ ﻛﯧﭽﯩﺪﻩ "ﭘﻮﻟﻮ ﺳﺎﻟﯩﻤﻪﻥ" ﺩﻩﭘﺘﯘ. ﻣﻪﻣﻪﺕ "ﺑﻮﻟﺪﻯ ﻗﻮﺳﯩﻘﯩﻢ ﺑﻪﻙ ﺋﯧﭽﯩﭗ ﻛﻪﺗﺘﻰ. ﻧﯩﻤﯩﻼ ﺑﻮﻟﺴﺎ ﻣﻪﻳﻠﻰ ﺑﺎﺭﻧﻰ ﻳﻪﻳﻠﻰ" ﺩﻩﭘﺘﯘ. ﻗﻪﻣﻪﺭ ﺋﺎﻧﺎ ﺩﺍﺳﺘﯩﺨﺎﻥ ﺳﺎﭘﺘﯘ. ﺷﻮﺭﭘﯩﻨﻰ ﺋﯩﺴﺴﯩﺘﯩﭙﺘﯘ ﮬﻪﺳﻪﻝ ﺋﺎﺭﯨﻼﺷﺘﯘﺭﻏﺎﻥ ﻗﯧﺘﯩﻖ ﺋﻪﻛﻪﭘﺘﯘ. ﺋﯩﺴﺴﯩﻖ ﺋﻮﭼﺎﻕ ﺋﺎﻟﺪﯨﺪﺍ ﻗﺎﭼﯩﺪﯨﻜﻰ ﺋﯩﺴﺴﯩﻖ ﺗﺎﻣﺎﻗﻨﻰ ﻳﻪﭘﺘﯘ. ﻣﻪﻣﻪﺕ ﺋﯜﭺ ﻳﯩﻠﺪﯨﻦ ﺑﯧﺮﻯ ﺑﯘﻧﺪﺍﻕ ﺋﯩﺴﺴﯩﻖ ﺋﻮﻟﺘﯘﺭﯗﭖ ﮬﻮﺯﻭﺭ ﺑﯩﻠﻪﻥ ﺗﺎﻣﺎﻕ ﻳﻪﭖ ﺑﺎﻗﻤﺎﭘﺘﯩﻜﻪﻥ. ﺗﺎﻣﺎﻗﺘﯩﻦ ﻛﯧﻴﯩﻦ ﻗﻪﻣﻪﺭ ﺋﺎﻧﯩﺴﻰ ﻛﻮﻧﺎ ﺯﺍﻣﺎﻧﺪﯨﻦ ﻗﺎﻟﻐﺎﻥ ﭼﯚﮔﯜﻧﺪﻩ ﻗﻪﮬﯟﻩ ﻗﺎﻳﻨﯩﺘﯩﭙﺘﯘ. ﺋﯘﻻﺭ ﻗﻪﮬﯟﻩ ﺋﯩﭽﯩﺸﻜﻪﭺ ﭘﺎﺭﺍﯕﻠﯩﺸﯩﭙﺘﯘ. ﻣﻪﻣﻪﺕ ﺷﯘ ﻗﯧﺘﯩﻤﻘﻰ ﻗﻪﮬﯟﻩﻧﯩﯔ ﺗﻪﻣﯩﻨﻰ ﺋﯚﻟﮕﯩﭽﻪ ﺋﯘﻧﺘﺎﻟﻤﺎﭘﺘﯘ. ﮬﻪﺭ ﻗﯧﺘﯩﻢ ﻗﻪﮬﯟﻩ ﺋﯩﭽﻜﻪﻧﺪﻩ ﺷﯘ ﻗﯧﺘﯩﻤﻘﻰ ﻗﻪﮬﯟﻩﻧﯩﯔ ﺗﻪﻣﯩﻨﻰ ﺋﻪﺳﻠﻪﺵ ﺋﯜﭼﯜﻧﻼ ﺋﯩﭽﯩﭙﺘﯘ.

ﺋﻮﺳﻤﺎﻥ ﭼﻮﯓ ﻣﻪﻣﻪﺗﻨﯩﯔ ﺑﯧﺸﯩﺪﯨﻦ ﺋﯚﺗﻜﻪﻧﻠﻪﺭﻧﻰ ﺋﺎﯕﻠﯩﻐﺎﻧﺪﯨﻦ ﻛﯧﻴﯩﻦ ﻳﯧﺰﯨﺪﯨﻜﻰ ﺋﯩﺸﻼﺭﻧﻰ ﺳﯚﺯﻟﻪﭖ ﺑﯧﺮﯨﭙﺘﯘ. ﺋﻪﻟﻰ ﺳﺎﭘﺎﻧﯩﯔ ﻳﻪﺭ ﺧﯧﺘﯩﻨﻰ ﻛﯚﺗﯜﺭﯨﯟﯦﻠﯩﭗ ﻗﯩﻠﯩﯟﺍﺗﻘﺎﻥ ﮬﯩﻠﯩﻠﯩﺮﯨﻨﻰ ﺗﻪﮬﺪﯨﺪﻟﯩﺮﯨﻨﻰ ﮬﻪﻣﻤﯩﻨﻰ ﺳﯚﺯﻟﻪﭘﺘﯘ. ﻳﯧﺰﯨﻨﯩﯔ ﻳﯧﺮﯨﻤﻰ ﺋﯘﻧﯩﯔ ﺯﯗﻟﯘﻣﻠﯩﺮﯨﻐﺎ ﭼﯩﺪﯨﻤﺎﻱ ﻛﯚﭼﯜﭖ ﻛﻪﺗﻜﻪﻧﻠﯩﻜﯩﺪﯨﻦ ﺋﺎﺧﯩﺮﻏﯩﭽﻪ ﺑﻪﺭﺩﺍﺷﻠﯩﻖ ﺑﻪﺭﻣﯩﮕﻪﻧﻠﯩﻜﯩﺪﯨﻦ ﻗﺎﻳﻐﯘﺭﯗﭘﺘﯘ.

- ﺑﺎﻻﻡ ﻣﻪﻣﻪﺕ ﺳﯧﻨﻰ ﺧﯘﺩﺍ ﻳﻪﺗﻜﯜﺯﺩﻯ. ﺋﻪﻟﻰ ﺳﺎﭘﺎ ﺩﯨﮕﻪﻥ ﺑﯘ ﺋﯩﺖ ﻏﯘﺭﯗﺭﯨﻤﯩﺰﻧﻰ ﺩﻩﭘﺴﻪﻧﺪﻩ ﻗﯩﻠﺪﻯ. ﺋﻮﻥ ﺋﻮﻏﯘﻝ ﺗﯧﭙﯩﭙﺘﯩﻤﻪﻥ. ﺗﻮﺷﻘﺎﻧﺪﻩﻙ ﻗﻮﺭﻗﯘﻧﭽﺎﻕ....ﺩﯨﺨﺎﻧﻼﺭ ﻗﻮﺭﻗﺘﻰ....ﻗﻮﺭﻗﻤﯩﻐﺎﻥ ﻣﻪﻧﺪﻩﻙ ﻗﯧﺮﯨﻼ ﻗﺎﻟﺪﻯ. ﻗﯧﺮﯨﻠﯩﻖ ﻗﺎﻧﭽﯩﻠﯩﻚ ﺑﻮﻻﺗﺘﻰ...ﻛﯜﭺ ﻳﻮﻕ...ﺋﻮﺕ ﺑﺎﺭ ﺋﯩﺴﺴﯩﻘﻰ ﻳﻮﻕ. ﺷﯘﻧﺪﺍﻗﺘﯩﻤﯘ ﻛﻮﻣﺎﻙ ﺋﺎﻏﺰﯨﻢ ﺑﯩﻠﻪﻥ ﺳﯚﺯﻟﻪﭖ ﺗﯩﺘﺮﻩﭖ ﺗﯘﺭﻏﺎﻥ ﻗﻮﻟﻠﯩﺮﯨﻢ ﺑﯩﻠﻪﻥ ﺗﻮﺳﺎﯞﺍﺗﯩﻤﻪﻥ. ﺑﯩﺰ ﭼﯩﺪﺍﻳﻠﻰ ﺋﻪﻟﻰ ﺳﺎﭘﺎ ﭼﯩﺪﯨﻤﺎﻱ ﻳﯧﯖﯩﻠﮕﯩﭽﻪ ﭼﯩﺪﺍﻳﻠﻰ ﺩﻩﯞﺍﺗﯩﻤﻪﻥ. ﺧﯘﺩﺍ ﻗﻮﺭﻗﯘﻧﭽﺎﻕ ﺋﺎﺩﻩﻣﻨﯩﯔ ﺟﺎﺟﯩﺴﯩﻨﻰ ﺑﻪﺭﺳﯘﻥ....ﮬﯧﻠﯩﻤﯘ ﺟﺎﺟﯩﺴﯩﻨﻰ ﺑﯧﺮﯨﯟﺍﺗﯩﺪﯗ....ﺋﻪﻣﺪﻯ ﺳﻪﻥ ﻛﻪﻟﺪﯨﯔ. ﺧﯘﺩﺍ ﺑﯩﺰﻧﻰ ﺗﺎﺷﻠﯩﯟﻩﺗﻤﯩﺪﻯ. ﺋﻪﻟﻰ ﺳﺎﭘﺎﻧﯩﯔ ﻛﯚﺭﯨﺪﯨﻐﯩﻨﻰ ﺑﺎﺭ.......- ﺩﻩﭖ ﺋﯜﻣﯜﺗﻠﯩﻨﯩﭙﺘﯘ.

ﺋﻮﺳﻤﺎﻥ ﭼﻮﯓ ﻣﯧﮭﻤﺎﻧﺨﺎﻧﻪ ﺋﯚﻳﺪﯨﻜﻰ ﺋﻮﻳﯘﻗﻨﯩﯔ ﺋﯩﭽﯩﺪﯨﻜﻰ ﺋﺎﺷﻠﯩﻖ ﯞﻩ ﻳﻮﺗﻘﺎﻧﻼﺭﻧﻰ ﺋﯧﻠﯩﯟﯦﺘﯩﭗ ﻣﻪﻣﻪﺗﻜﻪ ﺑﯩﺮ ﺋﻮﺭﯗﻥ ﺭﺍﺳﻼﭖ ﺑﯧﺮﯨﭙﺘﯘ. ﺋﻮﻳﯘﻗﻨﯩﯔ ﺳﯩﺮﺕ ﺗﻪﺭﯨﭙﯩﮕﻪ ﻳﻮﺗﻘﺎﻧﻼﺭﻧﻰ ﺗﯩﺰﯨﭗ ﮬﯧﭽﻜﯩﻢ ﺑﯩﻠﻪﻟﻤﻪﻳﺪﯨﻐﺎﻥ ﻗﯩﻠﯩﭗ ﻗﻮﻳﯘﭘﺘﯘ. ﺋﺎﻳﺎﻟﻰ ﺑﯩﻠﻪﻥ ﺋﻮﺭﯗﻗﻼﭖ ﻗﻮﺭﺍﻳﺪﻩﻙ ﺑﻮﻟﯘﭖ ﻗﺎﻟﻐﺎﻥ ﻣﻪﻣﻪﺗﻨﻰ ﺳﯧﻤﯩﺰ ﮬﻪﻳﯟﻩﺗﻠﯩﻚ ﺋﺎﺩﻩﻡ ﻗﯩﻠﯩﭗ ﭼﯩﻘﻤﺎﻗﭽﻰ ﺑﻮﭘﺘﯘ.

ﻗﻪﻣﻪﺭ ﺋﺎﻧﺎ ﺋﻮﺳﻤﺎﻥ ﭼﻮﯕﻐﺎ:
- ﺋﻪﺗﯩﻼ ﭼﯩﺪﯨﻤﺎﻱ ﻣﻪﻣﻪﺗﻨﯩﯔ ﻛﻪﻟﮕﻪﻧﻠﯩﻜﯩﻨﻰ ﻳﯧﺰﯨﻐﺎ ﻳﺎﻳﯩﺴﻪﻥ. ﮬﯧﭽﻜﯩﻤﮕﻪ ﺋﯧﻴﺘﻤﯩﺴﺎﯕﻤﯘ ﻗﯩﻠﯩﻘﻠﯩﺮﯨﯔ ﮔﻪﭖ-ﺳﯚﺯﻟﯩﺮﯨﯔ ﺑﯩﻠﻪﻥ ﺑﯩﻠﺪﯛﺭﯨﺴﻪﻥ. ﺋﻪﻣﺪﻯ ﺋﺎﺯﺭﺍﻕ ﻛﻮﺗﯘﻟﺪﺍ...ﺑﯘ ﺑﺎﻟﯩﻨﯩﯔ ﻛﻪﻳﻨﯩﺪﻩ ﺑﯘﻟﯘﺗﺘﻪﻙ ﺳﺎﻗﭽﻰ ﺋﯩﺰﺩﻩﭖ ﻳﯜﺭﯛﻳﺪﯗ ﺋﯘ ﺋﺎﻣﺎﻥ ﺑﻮﻟﺴﯘﻥ. ﺩﯙﻟﻪﺗﻨﯩﯔ ﻣﯩﻠﻠﻪﺗﻨﯩﯔ ﺑﻪﺧﺘﻰ ﺋﯜﭼﯜﻥ ﺋﺎﻣﺎﻥ ﺑﻮﻟﺴﯘﻥ- ﺩﻩﭘﺘﯘ . ﺷﯘﻧﺪﺍﻕ ﺩﻩﭖ ﺑﻮﻟﯘﭖ ﺑﯘ ﮔﯧﭙﻰ ﺋﯚﺯﯨﮕﻪ ﻳﺎﻗﻤﺎﭘﺘﯘ.

ﭼﯜﻧﻜﻰ ﮬﯚﻛﯜﻣﻪﺗﻤﯘ ﺋﻪﻣﻪﻟﺪﺍﺭﻻﺭﻣﯘ ﻣﻪﻣﻪﺗﻨﯩﯔ ﺋﯚﻟﯩﻤﯩﻨﻰ ﺧﺎﻻﻳﺪﯨﻜﻪﻥ. ﺷﯘﯕﺎ ﻛﻪﻳﻨﯩﮕﻪ ﺋﯘﻻﭘﻼ.

- ﺯﯗﻟﯘﻡ ﺋﺎﺳﺘﯩﺪﯨﻜﻰ ﻧﺎﻣﺮﺍﺗﻼﺭﻧﯩﯔ ﺑﻪﺧﺘﯩﮕﻪ ﺧﯘﺩﺍﻳﯩﻢ ﺋﺎﻣﺎﻥ ﻗﯩﻠﺴﯘﻥ- ﺩﻩﭖ ﺗﯜﺯﯨﺘﯩﭗ ﻗﻮﻳﯘﭘﺘﯘ. ﻣﻪﻣﻪﺕ ﺋﻮﺭﯗﻧﻐﺎ ﻛﯩﺮﯨﭙﻼ ﺋﯘﻳﻘﯩﻐﺎ ﻣﯚﻛﻼ ﭼﯜﺷﯜﭘﺘﯘ.....
ﺋﻮﺳﻤﺎﻥ ﭼﻮﯓ ﻛﺎﻟﭙﯘﻛﯩﻨﻰ ﺗﺎﻣﺸﯩﺘﯩﭗ ﺑﻮﯞﺍﻗﺘﻪﻙ ﺋﯘﺧﻼﯞﺍﺗﻘﺎﻥ ﻣﻪﻣﻪﺗﻨﯩﯔ ﺑﯧﺸﯩﺪﺍ ﻗﺎﺭﺍﭖ ﺗﯘﺭﯗﭘﺘﯘ. ﺋﯘﻧﯩﯔ ﻳﯜﺯﻟﯩﺮﯨﮕﻪ ﺑﯘﺭﯗﻧﻠﯩﺮﯨﻐﺎ ﻗﯘﻻﻗﻠﯩﺮﯨﻐﺎ ﮬﻪﺗﺘﺎ ﺳﯧﺮﯨﻖ ﺗﯜﻛﻠﯩﺮﯨﮕﻪ ﻗﻪﺩﻩﺭ ﮬﻪﯞﻩﺱ ﺑﯩﻠﻪﻥ ﻗﺎﺭﺍﭖ ﻛﯧﺘﯩﭙﺘﯘ.

- ﻗﺎﺭﺍ ﻗﻪﻣﻪﺭ ﮬﯚﻛﯜﻣﻪﺕ ﻣﯘﺷﯘ ﻣﯘﺷﺘﯘﻣﺪﻩﻙ ﺑﺎﻟﯩﻨﻰ ﻛﯚﺭﺳﻪ ﺋﯚﺯﯨﺪﯨﻦ ﺧﯩﺠﺎﻟﻪﺕ ﺑﻮﻻﺭ-ﮬﻪ. ﺗﯩﺘﺮﯨﺸﯩﭗ ﻛﻪﺗﻜﯩﻨﯩﺪﯨﻦ ﺋﯘﻳﯘﻻﺭ.  ﺋﯩﺴﯩﺖ! ﺋﯘﻻﺭ ﺋﯘﻳﯘﻟﯘﺷﻨﻰ ﺑﯩﻠﻪﻣﺪﯗ...ﺋﯘﻻﺭ ﺧﯩﺠﯩﻞ ﺑﻮﻟﯘﺷﻨﻰ ﺑﯩﻠﺴﻪ ﺋﺎﺩﻩﻣﮕﻪﺭﭼﯩﻠﯩﻜﻨﻰ ﺑﯩﻠﮕﻪﻥ ﺑﻮﻟﺴﺎ ﺑﯘ ﺑﺎﻻ ﺋﯩﺴﻴﺎﻥ ﻛﯚﺗﯜﺭﻩﺭﻣﯩﺪﻯ- ﺩﻩﭘﺘﯘ....................

ﺋﻪﻟﻰ ﺳﺎﭘﺎ ﺑﺎﻱ ﻳﻮﺑﺎﺯ ﺋﻮﻏﻠﯩﻨﯩﯔ ﻳﯧﺮﯨﻨﻰ ﺋﺎﻟﻐﺎﻧﺪﯨﻦ ﻛﯧﻴﯩﻦ  ﻳﻪﺭ ﺧﯧﺘﯩﻨﻰ ﺋﯚﺯﮔﻪﺭﺗﯩﭙﺘﯘ. ﯞﺍﻱ ﯞﺍﻱ ﻳﯧﺰﯨﺴﯩﻨﯩﯔ ﻳﻪﺭﻟﯩﺮﻯ ﺋﺎﻟﻘﯩﻨﯩﻐﺎ ﻛﯩﺮﯨﭙﻼ ﻗﺎﭘﺘﯘ. ﻳﯧﺰﯨﻠﯩﻘﻼﺭﻏﺎ ﻳﻪﺗﻜﯜﺯﯛﭘﺘﯘ.
- ﺋﻪﺳﻠﯩﺪﻩ ﺑﯘ ﻳﻪﺭﻟﻪﺭ ﻣﯧﻨﯩﯔ ﺋﯩﺪﻯ. ﻣﻪﻥ ﺋﺎﺯﺍﺗﻠﯩﻖ ﺋﯘﺭﯨﺸﻰ ﻗﯩﻠﯩﯟﺍﺗﻘﺎﻥ ﭼﺎﻏﺪﺍ ﻳﻪﺭﮔﻪ ﻗﺎﺭﯨﻐﯘﺩﻩﻙ ﭼﻮﻻﻡ ﻳﻮﻕ. ﺳﯩﻠﻪﺭ ﺗﯧﺮﯨﭗ ﺗﯘﺭﯗﭘﺴﯩﻠﻪﺭ. ﺋﻪﻣﺪﻯ ﻣﻪﻥ ﻗﺎﻳﺘﯩﭗ ﻛﻪﻟﺪﯨﻢ. ﻳﻪﺭﻧﻰ ﺋﯩﮕﯩﺴﯩﮕﻪ ﻗﺎﻳﺘﯘﺭﯗﯕﻼﺭ.- ﻳﯧﺰﯨﻠﯩﻘﻼﺭ ﻏﯘﺩﯗﺭﺍﭘﺘﯘ. ﺋﺎﺯﺍﺗﻠﯩﻖ ﺋﯘﺭﯗﺷﯩﺪﯨﻦ ﺑﯘﺭﯗﻧﻼ ﻣﯘﺷﯘ ﻳﯧﺰﯨﺪﺍ ﻳﺎﺷﺎﯞﺍﺗﻘﺎﻥ ﺋﺎﺩﻩﻣﻠﻪﺭ ﺋﻮﺳﻤﺎﻧﯩﻴﻼﺭ ﺩﻩﯞﺭﯨﺪﯨﻦ ﻗﺎﻟﻐﺎﻥ ﺩﯨﺨﺎﻧﻼﺭ ﺑﯘ ﮔﻪﭘﻠﻪﺭﮔﻪ ﺋﯩﺸﯩﻨﻪﻣﺪﯗ. ﺋﯩﺸﻪﻧﻤﻪﻳﺪﯨﻜﻪﻥ. ﻳﺎﻟﻐﺎﻥ ﺩﻩﻳﺪﯨﻜﻪﻥ. "ﺗﯚﻧﯜﮔﯜﻧﻼ ﺳﯧﺘﯩﭗ ﺑﯧﺮﯨﯖﻼﺭ ﺩﯨﮕﻪﻧﺘﻰ....ﻗﺎﻣﻼﺷﺘﯘﺭﺍﻟﻤﺎﻱ ﻗﻪﻟﻪﻳﭽﯩﻨﻰ ﺋﯩﺸﻘﺎ ﺳﯧﻠﯩﭗ ﺑﯘﻟﯩﺪﻯ... ﺑﯜﮔﯜﻥ ﺑﯘ ﮬﯜﻧﻪﺭﻧﻰ ﭼﯩﻘﺎﺭﺩﻯ." ﺩﯨﻴﯩﺸﯩﭙﺘﯘ.......
   ﺑﯩﺮﺍﻕ ﮬﯚﻛﯜﻣﻪﺕ ﻗﯘﺭﯗﻕ ﮔﻪﭘﻨﻰ ﺋﯧﺘﯩﺮﺍﭖ ﻗﯩﻠﻤﺎﻳﺪﯨﻜﻪﻥ. ﮬﯚﺟﺠﻪﺕ ﺳﻮﺭﺍﻳﺪﯨﻜﻪﻥ. ﺗﺎﻣﻐﯩﻠﯩﻖ ﮬﻮﺟﺠﻪﺕ ﺋﻪﻟﻰ ﺳﺎﭘﺎ ﺑﺎﻳﻨﯩﯔ ﺑﺎﺭ ﺋﯩﻜﻪﻥ. ﺷﯘﯕﺎ ﺋﯘﻧﯩﯔ ﻗﺎﻧﯘﻧﻠﯘﻗﻜﻪﻥ. ﻳﯧﺰﯨﻠﯩﻘﻼﺭ ﺩﺍﺩﯨﺴﯩﺪﯨﻦ ﺑﻮﯞﯨﺴﯩﺪﯨﻦ ﻣﯩﺮﺍﺱ ﻳﻪﺭﻟﯩﺮﯨﻨﻰ ﻗﻮﻟﻐﺎ ﺋﺎﻟﻐﺎﻥ ﭼﺎﻏﺪﯨﻼ " ﻗﯧﻨﻰ ﺑﯩﺮ ﮬﯚﺟﺠﻪﺗﻤﯘ ﻳﯧﺰﯨﭗ ﺑﻪﺭ" ﺩﯨﺴﻪ ﺑﻮﻟﻤﺎﻣﺪﯗ. ﻳﺎﻛﻰ ﺑﻮﻟﻤﯩﺴﺎ ﺩﯙﻟﻪﺕ ﻗﯘﺭﯗﻟﻐﺎﻥ ﻛﯜﻧﻰ ﺧﻪﻟﻖ ﻣﻪﻳﺪﺍﻧﯩﺪﺍ ﻧﺎﻳﻨﺎﻗﺸﯩﭗ ﺋﯘﺳﯘﻝ ﺋﻮﻳﻨﺎﭖ ﻳﯜﺭﻣﻪﻱ ﻳﻪﺭ ﺑﺎﺷﻘﯘﺭﯗﺵ ﺋﯩﺪﺍﺭﯨﺴﯩﻨﯩﯔ ﺩﻩﺭﯞﺍﺯﯨﺴﯩﺪﺍ ﺋﯚﭼﯩﺮﻩﺕ ﺗﯘﺭﯗﭖ ﮬﯚﺟﺠﻪﺕ ﺋﯧﻠﯩﯟﺍﻟﺴﺎ ﺑﻮﻟﻤﺎﻣﺪﯗ. ﻛﯧﻴﯩﻦ ﺑﻮﻟﯩﺪﯨﻐﺎﻥ ﺋﯩﺸﻼﺭﻧﻰ ﻛﯩﻢ ﺑﯩﻠﯩﺪﯗ-ﺩﻩﻳﺴﯩﺰ.
   ﻳﯧﺰﯨﻠﯩﻖ ﺩﯨﮕﻪﻧﻨﯩﯔ ﻗﺎﺭﺍ ﻗﻮﺳﺎﻕ ﺩﯨﺨﺎﻧﻨﯩﯔ ﻗﺎﻧﯘﻥ ﻣﺎﺩﺩﯨﻠﯩﺮﻯ ﺑﯩﻠﻪﻥ ﯞﻩﺯﺧﺎﻧﻠﯩﻖ ﻗﯩﻠﯩﺪﯨﻐﺎﻥ ﺋﯩﻘﺘﯩﺪﺍﺭﻯ ﻳﻮﻗﻜﻪﻥ. ﻳﺎﻛﻰ ﻧﻪﮔﻪ ﺑﯧﺮﯨﭗ ﻧﻪﺩﯨﻦ ﻳﺎﺭﺩﻩﻡ ﺳﻮﺭﺍﺷﻨﻰ ﺑﯩﻠﮕﯜﺩﻩﻙ ﺋﻪﻗﯩﻠﻠﯩﻖ ﺋﻪﻣﻪﺳﻜﻪﻥ. ﻗﯩﻼﻻﻳﺪﯨﻐﯩﻨﻰ ﻳﻪﺭﻧﯩﯔ ﺗﯧﮕﯩﺪﯨﻦ ﻗﺎﺭﺍﭖ ﺗﯘﺭﯗﺷﻜﻪﻥ. "ﺋﯘﻧﺪﺍﻕ ﺋﻪﻣﻪﺱ. ﺑﻮﯞﺍﻣﻨﯩﯔ ﺑﻮﯞﯨﺴﯩﻤﯘ ﻣﯘﺷﯘ ﻳﻪﺭﻧﻰ ﺗﯧﺮﯨﭗ ﺟﺎﻥ ﺑﯧﻘﯩﭙﺘﯩﻜﻪﻥ" ﺩﯨﮕﻪﻧﺪﻩﻙ ﺗﻪﻳﭙﯩﻨﻪﻡ ﯞﺍﻗﺘﯩﺪﯨﻜﻰ ﮔﻪﭘﻠﻪﺭﻧﻰ ﻗﯩﻠﯩﺸﺘﯩﻦ ﺑﺎﺷﻘﯩﻨﻰ ﺑﯩﻠﻤﻪﻳﺪﯨﻜﻪﻥ. ﺑﯘﻧﺪﺍﻕ ﺋﺎﺩﻩﻣﻠﻪﺭﻧﻰ ﮬﻪﻳﺪﯨﯟﻩﺗﻤﻪﻛﻤﯘ ﺗﻪﺳﻜﻪﻥ. ﻳﺎ ﻗﺎﻧﯘﻥ ﺑﯩﻠﻤﯩﺴﻪ ﻳﺎ ﭼﯩﺮﺍﻳﻠﯩﻖ ﮔﻪﭘﻨﻰ ﺋﺎﯕﻠﯩﻤﯩﺴﺎ ﻗﺎﻧﺪﺍﻕ ﻗﯩﻠﻐﯘﻟﯘﻕ. ﺋﻪﻟﻰ ﺳﺎﭘﺎ ﺑﺎﻱ ﻗﻮﺭﻗﯘﺗﯘﺷﻘﺎ ﺋﯘﺳﺘﯩﻜﻪﻥ. ﮬﯜﻧﻪﺭ ﺩﯨﮕﻪﻥ ﺗﻮﻟﯩﻜﻪﻥ. ﮬﻪﺭ ﻛﯧﭽﯩﺴﻰ ﺋﺎﺩﻩﻣﻠﯩﺮﯨﻨﻰ ﺋﯧﯟﻩﺗﯩﭗ ﻳﯧﺰﯨﻨﻰ ﺋﻮﻗﻘﺎ ﺗﯘﺗﯘﭘﺘﯘ. ﭼﺎﯞﯗﺵ (ﺳﺎﻗﭽﯩﺨﺎﻧﻪ ﺑﺎﺷﻠﯩﻐﻰ) ﺋﺎﻏﯩﻴﻨﯩﺴﯩﻐﯩﻤﯘ ﺑﯘ ﺋﯩﺶ ﻗﯩﺰﺯﯨﻘﺎﺭﻟﯩﻖ ﺑﯩﻠﯩﻨﯩﭙﺘﯘ. ﺋﺎﺯﺍﺗﻠﯩﻖ ﺋﯘﺭﯗﺷﯩﺪﯨﻦ ﻛﯧﻴﯩﻦ ﻣﯩﻠﺘﯩﻖ ﺋﯧﺘﯩﭗ ﺑﺎﻗﻤﺎﻱ ﺯﯦﺮﯨﻜﯩﭗ ﻛﻪﺗﻜﻪﻧﺪﯗ. ﻛﯧﭽﯩﺪﻩ ﺑﯧﺮﯨﭗ ﺋﯚﻱ-ﺋﯚﻳﻠﻪﺭﻧﻰ ﺋﻮﻗﻘﺎ ﺗﯘﺗﯘﭖ ﻗﺎﻳﺘﯩﭗ ﻛﯧﻠﯩﺶ ﺭﺍﺳﺘﯩﻨﻼ ﻛﯚﯕﯜﻟﻠﯜﻙ ﺋﻮﻳﯘﻧﻜﻪﻥ.  ﻳﯧﺰﯨﻠﯩﻘﻼﺭ ﺋﯚﻳﻠﯩﺮﯨﺪﻩ ﺗﯩﺘﺮﯨﺸﯩﭗ ﺳﯩﺮﺗﻘﯩﻤﯘ ﭼﯩﻘﺎﻟﻤﺎﻳﺪﯨﻜﻪﻥ. ﺋﺎﺧﯩﺮﻯ ﻗﻮﺭﻗﯘﻧﯘﭼﻘﺎ ﭼﯩﺪﯨﻤﺎﻱ ﺑﯘﻻﺭﻣﯘ ﻳﯧﺰﯨﺪﯨﻦ ﻛﯧﺘﯩﺪﯨﻜﻪﻥ. ﭼﺎﯞﯗﺵ ﺑﯩﻠﻪﻥ ﺋﻪﻟﻰ ﺳﺎﭘﺎ ﺑﯘﻻﺭﻧﻰ ﺋﻮﻳﻼﭖ ﻛﯜﻟﯜﺷﯜﭖ ﻛﯧﺘﯩﭙﺘﯘ.   
   ﻳﯧﺰﺍ ﻛﯜﻥ ﺋﺎﺗﻼﭖ ﺋﻮﻗﻘﺎ ﺗﯘﺗﯘﻟﯘﭘﺘﯘ. ﺑﯘﻧﯩﯔ ﺋﯜﻧﯩﻤﯩﻤﯘ ﻛﯚﺭﯛﻟﯜﭘﺘﯘ. ﻳﯧﺰﯨﺪﯨﻦ ﻧﻪﭼﭽﻪ ﺋﺎﺋﯩﻠﻪ ﻛﯧﺘﯩﭙﺘﯘ. ﺋﻪﻟﻰ ﺳﺎﭘﺎ ﺑﺎﻱ ﺑﯩﺮ ﻛﯜﻧﻰ ﺋﺎﺩﻩﻣﻠﯩﺮﯨﮕﻪ ﻳﻮﺑﺎﺯ ﺋﻮﻏﻠﻰ ﮬﻪﺳﻪﻧﻨﯩﯔ ﺋﯚﻳﯩﻨﻰ ﺋﻮﻗﻘﺎ ﺗﯘﺗﯘﭖ ﻛﯚﻳﺪﯛﺭﯨﯟﯦﺘﯩﺸﻨﻰ ﺑﯘﻳﺮﯗﭘﺘﯘ. ﺑﯘ ﮬﻪﺳﻪﻥ ﻳﺎ ﺋﯧﻐﯩﺰﯨﻨﻰ ﻳﯘﻣﻤﺎﭘﺘﯘ. ﻳﺎﻛﻰ ﻳﯧﺰﯨﺪﯨﻦ ﻛﻪﺗﻤﻪﭘﺘﯘ. ﺑﺎﻳﻨﻰ ﻣﻪﺳﺨﯩﺮﻩ ﻗﯩﻠﯩﺸﻨﻰ ﺗﻮﺧﺘﺎﺗﻤﺎﭘﺘﯘ. ﺋﻪﻟﻰ ﺳﺎﭘﺎ ﺑﺎﻱ ﮬﻪﺳﻪﻧﻨﯩﯔ ﺋﯚﻱ ﯞﺍﻗﯩﻐﺎ ﻗﻮﺷﯘﭖ ﺋﯧﻐﯩﻠﻠﯩﺮﯨﻨﻰ ﮬﻪﻣﺪﻩ ﺗﻮﺭﯗﻕ ﺋﺎﺗﻨﯩﻤﯘ ﻛﯚﻳﺪﯛﺭﯞﯦﺘﯩﺸﻨﻰ ﺗﺎﭘﯩﻼﭘﺘﯘ.
   ﺷﯘ ﻛﯧﭽﯩﺴﻰ ﺋﻪﻟﻰ ﺳﺎﭘﺎﻧﯩﯔ ﺋﺎﺩﻩﻣﻠﯩﺮﻯ ﻳﻮﺑﺎﺯ ﺋﻮﻏﻠﻰ ﮬﻪﺳﻪﻧﻨﯩﯔ ﺋﯚﻳﯩﮕﻪ ﺋﻮﺕ ﻗﻮﻳﯘﭘﺘﯘ. ﺋﻮﺗﻨﯩﯔ ﻳﻮﺭﯗﻗﻰ ﭘﯜﺗﯜﻥ ﻳﯧﺰﯨﻨﻰ ﻛﯜﻧﺪﯛﺯ ﻗﯩﻠﯩﯟﯦﺘﯩﭙﺘﯘ. ﻳﯧﺰﯨﻠﯩﻘﻼﺭ ﻳﻮﺗﻘﺎﻧﺪﯨﻦ ﭼﯩﻘﯩﭙﻼ ﻳﯜﮔﯜﺭﯛﺷﯜﭘﺘﯘ. ﻳﯩﻐﯩﻠﯩﭙﺘﯘ. ﮬﯧﻠﯩﻤﯘ ﻳﺎﺧﺸﻰ ﻳﻮﺑﺎﺯ ﺋﻮﻏﻠﻰ ﺑﺎﻟﯩﻠﯩﺮﯨﻨﻰ ﺋﯚﻳﺪﯨﻦ ﺋﯧﻠﯩﭗ ﭼﯩﻘﯩﯟﺍﭘﺘﯘ....... ﺑﺎﺷﻘﺎ ﮬﻪﻣﻤﻪ ﻧﻪﺭﺳﻪ ﮬﻪﺗﺘﺎ ﺑﯩﺮ ﺗﺎﻝ ﭘﺎﻳﭙﺎﻗﻤﯘ ﻗﺎﻟﻤﺎﻱ ﻛﯚﻳﯜﭖ ﻛﯧﺘﯩﭙﺘﯘ. ﮬﻪﻣﻤﻪ ﻧﯩﻤﯩﺴﻰ ﻛﯚﻳﯜﭖ ﻛﯧﺘﯩﭙﺘﯘ. ﮬﻪﺳﻪﻥ ﺋﯧﻐﯩﻠﺪﯨﻜﻰ ﺗﻮﺭﯗﻕ ﺋﺎﺗﻨﻰ ﺑﺎﻏﻼﻗﺘﯩﻦ ﺑﻮﺷﯩﺘﯩﯟﯦﺘﯩﭙﺘﯘ. ﺗﻮﺭﯗﻕ ﺑﯩﺮ ﻛﯩﺸﻨﻪﭘﻼ ﺋﻮﺕ ﺋﯩﭽﯩﺪﯨﻦ ﻗﺎﺭﺍ ﻳﯩﻼﻧﺪﻩﻙ ﺳﯜﻏﯜﺭﻟﯜﭖ ﭼﯩﻘﯩﭗ ﻛﯧﺘﯩﭙﺘﯘ. ﺑﯩﺮ ﭘﻪﺳﺘﻪ ﻏﺎﻳﯩﭗ ﺑﻮﭘﺘﯘ. ﺋﻪﺗﺮﺍﭘﺘﯩﻜﯩﻠﻪﺭ "ﻳﺎﻧﻐﯩﻨﺪﯨﻦ ﻗﺎﭼﻘﺎﻥ ﺋﺎﺕ ﻛﻪﻟﻤﻪﻳﺪﯗ" ﺩﯨﻴﯩﺸﯩﭙﺘﯘ. ﻳﯧﺰﯨﻠﯩﻘﻼﺭﻧﯩﯔ ﭼﯩﺮﺍﻳﻰ ﺋﻮﺕ ﻳﻮﺭﯗﻗﯩﺪﺍ ﻗﯧﻨﻰ ﻗﯧﭽﯩﯟﺍﺗﻘﺎﻥ ﺋﻮﭘﻜﯩﺪﻩﻙ ﺗﺎﺗﯩﺮﯨﺸﻘﺎ ﺑﺎﺷﻼﭘﺘﯘ. ﻛﯚﻳﯜﯞﺍﺗﻘﺎﻥ ﺋﻮﺕ ﻳﻮﺑﺎﺯ ﺋﻮﻏﻠﯩﻨﯩﯔ ﺋﯚﻳﯩﻨﻰ ﺋﻪﻣﻪﺱ ﺋﯘﻻﺭﻧﻰ ﻳﯧﺰﯨﻐﺎ ﺑﺎﻏﻼﭖ ﺗﯘﺭﻏﺎﻥ ﺭﯨﺸﺘﯩﻨﻰ ﻛﯚﻳﺪﯛﺭﯨﯟﺍﺗﻘﺎﻧﺪﻩﻙ ﺑﯩﻠﯩﻨﯩﭙﺘﯘ. ﺋﺎﺧﯩﺮﻯ ﻣﯘﺷﯘﻧﺪﺍﻕ ﺑﻮﻻﺭﻣﯘ ﻳﯧﺰﯨﻨﯩﯔ ﺋﺎﺧﯩﺮﻗﻰ ﺟﺎﮬﯩﻠﻠﯩﺮﻯ ﻛﯚﻳﯜﭖ ﺗﯜﮔﻪﺭﻣﯘ
   ﺑﯩﺮ ﺋﻮﺳﻤﺎﻥ ﭼﻮﯕﻼ ﮬﯧﭽﻨﯩﻤﯩﮕﻪ ﭘﻪﺭﯞﺍ ﻗﯩﻠﻤﺎﻱ ﺋﯘﻳﺎﻥ-ﺑﯘﻳﺎﻧﻐﺎ ﺋﺎﻳﻠﯩﻨﯩﺪﯨﻜﻪﻥ. ﻳﯧﺰﯨﻠﯩﻘﻼﺭﻧﻰ ﺋﺎﺭﯨﻼﻳﺪﯨﻜﻪﻥ. ﺋﯚﺯﯨﻨﻰ ﺧﯘﺩﺩﻯ ﭼﺎﺷﻘﺎﻧﻼﺭ ﺋﺎﺭﯨﺴﯩﺪﺍ ﺋﺎﻳﻠﯩﻨﯩﭗ ﻳﯜﺭﮔﻪﻥ ﺷﯩﺮﺩﻩﻙ ﮬﯩﺲ ﻗﯩﻠﯩﺪﯨﻜﻪﻥ. ﻛﯚﻳﯜﯞﺍﺗﻘﺎﻥ ﺋﻮﺗﻘﺎ ﻗﺎﺭﺍﭖ ﻛﯜﻟﯩﺪﯨﻜﻪﻥ. ﻳﯧﺰﯨﻠﯩﻘﻼﺭﻏﺎ ﺋﯘﻧﯩﯔ ﻗﯩﻠﯩﻘﻠﯩﺮﻯ ﺋﯩﺸﻪﻙ ﺋﯚﻟﻪﻱ ﺩﻩﯞﺍﺗﺴﺎ ﺑﯩﺮﻧﯩﻤﯩﺴﻰ ﻏﯩﺠﻪﻙ ﺗﺎﺭﺗﯩﯟﺍﺗﻘﺎﻧﺪﻩﻙ ﺑﯩﻠﯩﻨﯩﭙﺘﯘ.
   ئﻮﺳﻤﺎﻥ ﭼﻮﯓ ﻛﻮﻧﺎ ﺗﯜﺭﻛﻤﻪﻥ ﻛﯩﻴﯩﻤﻠﯩﺮﯨﻨﯩﯔ ﺋﯜﺳﺘﯩﮕﻪ ﭼﺎﭘﺮﺍﺱ ﺗﺎﺳﻤﯩﻼﺭ ﺗﺎﺭﺗﯩﯟﺍﻟﻐﺎﻥ ﺋﯩﻜﻪﻥ. ﺧﯘﺩﺩﻯ ﻗﻪﺩﯨﻤﻘﻰ ﺑﺎﻳﺮﺍﻣﻼﺭﻏﺎ ﺗﻪﻳﻴﺎﺭﻻﻧﻐﺎﻧﺪﻩﻙ. ﺷﺎﻟﯟﯗﺭﯨﻨﯩﯔ ﺯﻩﺭ ﻳﯩﭙﻠﯩﺮﻯ ﺑﯩﻠﻪﻥ ﺗﺎﺳﻤﯩﻠﯩﺮﯨﺪﯨﻜﻰ ﻣﯧﺘﺎﻟﻼﺭ ﭘﺎﺭﻗﯩﺮﺍﭖ ﺗﯘﺭﯨﺪﯨﻜﻪﻥ. ﻛﯜﻥ ﺷﯘﻧﭽﯩﻼ ﺋﯩﺴﺴﯩﻖ ﺑﻮﻟﺴﯩﻤﯘ ﺑﯘ ﻗﯧﺮﯨﻨﯩﯔ ﻛﯩﻴﯩﯟﺍﻟﻐﯩﻨﻰ ﻗﯩﺰﺯﯨﻘﻜﻪﻥ. ﮔﯜﺱ-ﮔﯜﺱ ﺩﻩﺳﺴﺴﻪﭖ ﺋﯘﻳﺎﻥ-ﺑﯘﻳﺎﻧﻐﺎ ﺋﺎﻳﻠﯩﻨﯩﺪﯨﻜﻪﻥ. ﻏﺎﯕﺰﯨﺴﯩﻨﻰ ﺋﯧﻐﯩﺰﯨﻐﺎ ﻗﯩﺴﺘﯘﺭﯗﭖ ﻗﻮﻟﯩﻨﻰ ﻛﻪﻳﻨﯩﮕﻪ ﻗﯩﻠﯩﭗ ﺧﯘﺩﺩﻯ ﺋﻪﺭﻩﭖ ﺋﺎﺭﻏﯩﻤﯩﻘﻨﯩﯔ ﺋﯜﺳﺘﯩﺪﻩ ﺋﻮﻟﺘﯘﺭﯗﭖ ﻛﯧﺘﯩﯟﺍﺗﻘﺎﻧﺪﻩﻙ ﻳﯧﻨﯩﻚ ﭼﺎﻳﻘﯩﻠﯩﺪﯨﻜﻪﻥ. ﻳﯧﺰﯨﻠﯩﻘﻼﺭﻧﯩﯔ ﻛﯚﺯﯨﮕﻪ ﻳﯩﺮﺍﻗﺘﯩﻦ ﺧﯘﺩﺩﻯ ﮔﯧﭙﻰ ﺑﺎﺭﺩﻩﻙ ﺗﯩﻜﻜﯩﻠﻠﯩﭗ  ﻛﯧﻠﯩﺪﯨﻜﻪﻥ. ﺧﯘﺩﺩﻯ ﺋﯩﮕﯩﺰ ﭼﻮﻗﻘﯩﺪﺍ ﺗﯘﺭﯗﭖ ﭘﻪﺳﻜﻪ ﻗﺎﺭﯨﻐﺎﻧﺪﻩﻙ ﻗﺎﺭﺍﻳﺪﯨﻜﻪﻥ. ﻳﯧﻨﯩﻐﺎ ﻛﻪﻟﮕﻪﻧﺪﻩ ﺑﺎﺷﻘﺎ ﻳﺎﻗﻘﺎ ﻗﺎﺭﺍﭖ ﺋﯚﺗﯜﭖ ﻛﯧﺘﯩﺪﯨﻜﻪﻥ. ﺋﯘﺯﺍﻗﺮﺍﻕ ﻗﺎﺭﯨﯟﻩﺗﺴﻪﻡ ﻳﺎﻛﻰ ﺳﯚﺯﻟﻪﺷﺴﻪﻡ ﺋﯩﭽﯩﻤﺪﯨﻜﯩﻨﻰ ﺑﯩﻠﯩﯟﺍﻟﻤﯩﺴﯘﻥ ﺩﯨﮕﻪﻧﺪﻩﻙ ﻗﯩﻠﯩﺪﯨﻜﻪﻥ.

ﺑﻮﯞﺍﻱ ﻛﯚﻳﯜﯞﺍﺗﻘﺎﻥ ﺋﻮﺗﻘﺎ ﻗﺎﺭﺍﭖ ﻗﯧﺘﯩﭗ ﻗﺎﻟﻐﺎﻥ ﻳﻮﺑﺎﺯ ﺋﻮﻏﻠﯩﻨﯩﯔ ﻗﯧﺸﯩﻐﺎ ﻛﯧﻠﯩﺪﯨﻜﻪﻥ. "ﺑﯩﺮ ﻣﯘﺳﯩﺒﻪﺕ ﻣﯩﯔ ﻧﻪﺳﯩﮭﻪﺗﺘﯩﻦ ﺋﻪﻻ ﺩﻩﭘﺘﯩﻜﻪﻥ ﮬﻪﺳﻪﻥ . ﺳﻪﻥ ﻗﯩﺰﯨﻞ ﺑﺎﺷﻼﺭﺩﯨﻦ. ﺋﻪﻟﻰ ﺳﺎﭘﺎﺩﯨﻦ ﻧﯩﻤﯩﻨﻰ ﻛﯜﺗﯩﻤﯩﺰ. ﻳﺎﺧﺸﯩﻠﯩﻖ ﻳﻮﻕ. ﺑﯩﺰ ﻗﺎﺭﺍﭖ ﺗﯘﺭﯨﯟﻩﺭﺳﻪﻙ ﺋﯘ ﻛﯚﻳﺪﯛﺭﯨﯟﯦﺮﯨﺪﯗ. ﺑﯩﺰ ﺑﯘ ﻳﻪﺭﺩﯨﻦ ﻳﻮﻗﺎﻟﻐﯩﭽﻪ ﺋﺎﺗﯩﺪﯗ ﻛﯚﻳﺪﯛﺭﯨﺪﯗ. ﻗﻮﺭﻗﯘﻧﭽﺎﻗﺘﯩﻦ ﺑﯩﭽﺎﺭﻩ ﺋﺎﺩﻩﻡ ﺑﻮﻟﻤﺎﻳﺪﯗ...."

ﻳﯧﺰﯨﻠﯩﻘﻼﺭﻏﺎ ﺳﯚﺯﻟﻪﭘﺘﯘ. ﮬﯧﭽﻜﯩﻤﻨﯩﯔ ﭼﯩﺮﺍﻳﯩﻐﺎ ﻗﺎﺭﯨﻤﺎﭘﺘﯘ.
  - ﺑﯘ ﻗﻮﺭﻗﯘﻧﭽﺎﻗﻠﯩﻘﯩﯖﻼﺭﻏﺎ ﺋﺎﻟﻼ ﺑﯧﺮﯨﯟﺍﺗﻘﺎﻥ ﻣﯘﻛﺎﭘﺎﺕ. ﺑﻪﻧﺪﻩ ﺋﻪﺟﺮﯨﮕﻪ ﻳﺎﺭﯨﺸﺎ ﻣﯘﻛﺎﭘﺎﺗﻘﺎ ﺋﯧﺮﯨﺸﯩﺪﯗ. ﺳﯩﻠﻪﺭﻣﯘ ﺑﯘ ﻣﯘﻛﺎﭘﺎﺗﺘﯩﻦ ﻗﯘﺭﯗﻕ ﻗﺎﻟﻤﯩﺪﯨﯖﻼﺭ. ﻗﻮﺭﻗﯘﻧﭽﺎﻕ ﺋﺎﺩﻩﻡ ﻳﻪﺭﺩﻩ ﺑﻮﻟﺴﯘﻥ ﻛﯚﻛﺘﻪ ﺑﻮﻟﺴﯘﻥ ﺳﯘﺩﺍ ﺑﻮﻟﺴﯘﻥ ﺋﯩﻠﮕﯩﺮﻯ ﻛﻪﻟﻤﻪﻳﺪﯗ ﺭﺍﯞﺍﺝ ﺗﺎﭘﻤﺎﻳﺪﯗ...ﺑﯘ ﺋﻮﺕ ﺑﯩﺰﮔﻪ ﺋﺎﺯ...ﺑﯩﺰ ﺋﻪﺗﺮﺍﭘﺘﯩﻜﻰ ﭘﻪﺳﻜﻪﺷﻠﯩﻜﻠﻪﺭﮔﻪ ﻛﯚﻧﯜﭖ ﻗﺎﻟﻐﺎﻥ ﺋﺎﺩﻩﻣﻠﻪﺭﻣﯩﺰ...- ﺩﻩﭘﺘﯘ. ﮬﻪﻣﻤﻪ ﺋﺎﺩﻩﻣﻨﯔ ﺋﺎﺭﯨﺴﯩﺪﺍ ﺋﻮﺳﻤﺎﻥ ﭼﻮﯕﻼ ﻛﯜﻟﯜﻣﺴﯩﺮﻩﭖ ﺗﯘﺭﯨﺪﯨﻜﻪﻥ. ﻛﯚﻳﯜﯞﺍﺗﻘﺎﻥ ﺋﻮﺗﻘﺎ ﻗﺎﺭﺍﭖ ﻛﯜﻟﯜﭖ ﺗﯘﺭﯨﺪﯨﻜﻪﻥ.
   ﻳﯧﺰﯨﻠﯩﻘﻼﺭ ﺋﯘﻧﻰ " ﺋﯧﻠﯩﺸﯩﭗ ﻗﺎﻟﻐﺎﻧﻤﯩﺪﯗ " ﺩﯨﻴﯩﺸﯩﭙﺘﯘ. "ﺑﯜﮔﯜﻥ ﺋﻮﺧﺸﯩﻤﺎﻳﻼ ﻗﺎﭘﺘﯩﻐﯘ ﻧﻪﭼﭽﻪ ﻛﯜﻥ ﺋﯩﻠﮕﯩﺮﯨﻼ ﭘﯘﺗﻠﯩﺮﯨﻨﻰ ﺳﯚﺭﻩﭖ ﺋﻪﺗﯩﻼ ﺋﯚﻟﯩﺪﯨﻐﺎﻧﺪﻩﻙ ﻣﺎﯕﯩﺪﯨﻐﺎﻥ ﺑﯘ ﻗﯧﺮﻯ ﻧﯩﻤﻪ ﻳﻪﯞﺍﻟﻐﺎﻧﺪﯗ....." ﺩﯨﻴﯩﺸﯩﭙﺘﯘ. ﺋﻮﺕ ﻛﯧﭽﯩﭽﻪ ﻛﯚﻳﯜﭖ ﺗﺎﯓ ﺋﺎﺗﻘﺎﻧﺪﺍ ﺋﯚﻳﻨﯩﯔ ﺋﯧﻐﯩﻠﻨﯩﯔ ﺋﻮﺭﻧﯩﺪﺍ ﻛﯚﻳﻪﯓ ﭘﯘﺭﺍﭖ ﺗﯘﺭﻏﺎﻥ ﻗﺎﺭﺍ-ﻗﯘﺭﺍ ﻧﻪﺭﺳﯩﻠﻪﺭﻻ ﻗﺎﭘﺘﯘ.

ﺋﻪﺗﯩﺴﻰ ﺋﻪﺗﺘﯩﮕﻪﻧﺪﻩ ﺳﺎﻗﭽﯩﻼﺭ ﻛﻪﭘﺘﯘ. ﻳﻮﺑﺎﺯ ﺋﻮﻏﻠﯩﻨﻰ " ﺋﯚﺯ ﺋﯚﻳﯩﮕﻪ ﺋﻮﺕ ﻗﻮﻳﯘﺵ ﺋﺎﺭﻗﯩﻠﯩﻖ ﻳﯘﺭﺗﺘﺎ ﺋﻪﻧﺴﯩﺰﻟﯩﻚ ﭘﻪﻳﺪﺍ ﻗﯩﻠﻐﺎﻥ " ﺩﯨﮕﻪﻥ ﺟﯩﻨﺎﻳﻪﺕ ﺑﯩﻠﻪﻥ ﺗﯘﺗﯘﭖ ﺳﺎﻗﭽﯩﻐﺎ ﺋﻪﻛﯩﺘﯩﭙﺘﯘ. ﻳﯧﺰﯨﻠﯩﻘﻼﺭ:
- ﺋﯚﺯ ﺋﯚﻳﯩﮕﻪ ﺋﯚﺯﻯ ﺋﻮﺕ ﻗﻮﻳﺎﻣﺪﯗ ﺋﺎﺩﻩﻡ ﺑﺎﻟﯩﺴﻰ ﺷﯘﻧﺪﺍﻕ ﻗﯩﻼﻣﺪﯗ- ﺩﯨﻴﯩﺸﯩﭙﺘﯘ. ﺳﺎﻗﭽﯩﻼﺭ: - ﺋﻪﻣﯩﺴﻪ ﺋﻮﺕ ﻗﻮﻳﻐﯘﭼﻰ ﻛﯩﻢ ﺋﯩﺴﭙﺎﺗﯩﯖﻼﺭ ﺑﺎﺭﻣﯘ ﻗﺎﻧﯘﻥ ﺋﯩﺴﭙﺎﺗﻨﻰ ﻳﺎﻗﻼﻳﺪﯗ. ﺋﯚﻳﯩﮕﻪ ﺋﻮﺕ ﻗﻮﻳﯘﺷﻘﺎ ﺋﻪﯓ ﻳﯧﻘﻘﯩﻦ ﺟﯩﻨﺎﻳﻪﺕ ﮔﯘﻣﺎﻧﺪﺍﺭﻯ ﺋﯚﺯﻯ ﺷﯘ- ﺩﻩﭘﺘﯘ.

ﻳﻮﺑﺎﺯ ﺋﻮﻏﻠﻰ ﮬﻪﺳﻪﻧﻨﻰ ﺳﺎﻗﭽﯩﺨﺎﻧﯩﻐﺎ ﺋﻪﻛﻪﭘﺘﯘ. ﺋﯩﺸﺨﺎﻧﯩﻨﯩﯔ ﻳﯘﻗﯘﺭﻯ ﺗﯧﻤﯩﺪﺍ ﻣﯘﺳﺘﺎﭘﺎ ﻛﺎﻣﺎﻟﻨﯩﯔ ﻣﺎﺭﺷﺎﻟﻠﯩﻖ ﻛﯩﻴﯩﻤﻰ ﺑﯩﻠﻪﻥ ﺋﺎﺕ ﻣﯩﻨﯩﭗ ﺗﯘﺭﻏﺎﻥ ﺭﻩﺳﯩﻤﻰ ﺑﺎﺭ ﺋﯩﻜﻪﻥ. ﺋﺎﺩﻩﻣﮕﻪ ﻗﺎﻳﻐﯘﻟﯘﻕ ﻧﻪﺯﻩﺭ ﺑﯩﻠﻪﻥ ﻗﺎﺭﺍﯞﺍﺗﻘﺎﻧﺪﻩﻙ ﻛﯚﺭﯛﻧﯩﺪﯨﻜﻪﻥ. ﺋﯜﺳﺘﯩﺪﻩ ﻳﯧﯖﻰ ﺑﯩﺮ ﺑﺎﻳﺮﺍﻕ ﺋﯧﺴﯩﻠﻐﺎﻥ ﺑﻮﻟﯘﭖ ﺋﯘﻧﯩﯔ ﻗﯩﺴﻘﺎ ﺳﯧﭙﯩﺪﯨﻜﻰ ﭼﯩﯟﯨﻦ ﭘﻮﻗﻠﯩﺮﻯ ﺭﻩﺗﺴﯩﺰ ﭼﯧﻜﯩﺘﻠﻪﺭﺩﻩﻙ ﻛﯚﺭﯛﻧﯩﺪﯨﻜﻪﻥ. ﺳﯧﭙﻰ ﻛﻮﻧﯩﻜﻪﻥ. ﺋﯧﮭﺘﯩﻤﺎﻝ ﺑﺎﻳﺮﺍﻗﻨﻰ ﻳﯧﻘﯩﻨﺪﯨﻼ ﺋﺎﻟﻤﺎﺷﺘﯘﺭﻏﺎﻥ ﺋﻮﺧﺸﺎﻳﺪﯗ. ﺳﯩﺮﻻﻧﻤﯩﻐﺎﻥ ﺳﻮﺭﺍﻕ ﺋﯜﺳﺘﯩﻠﯩﻨﯩﯔ ﻳﯜﺯﻯ ﺗﺎﻣﺎﻕ ﻗﺎﻟﺪﯗﻗﯩﻨﯩﯔ ﺋﯩﺰﻟﯩﺮﻯ ﺗﯚﻛﯜﻟﯜﭖ ﻛﻪﺗﻜﻪﻥ ﺳﯩﻴﺎﻧﯩﯔ ﺭﻩﯕﮕﻰ ﻗﺎﻻﻳﻤﯩﻘﺎﻥ ﺟﯩﺠﺎﻟﻐﺎﻥ ﺋﯩﺰﻻﺭ ﺑﯩﻠﻪﻥ ﺑﯧﺰﻩﻟﮕﻪﻥ ﺋﯩﻜﻪﻥ.
  ﮬﻪﺳﻪﻧﻨﻰ ﺳﺎﻗﭽﻰ ﺑﺎﺷﻠﯩﻐﻰ ﺋﯚﺯﻯ ﺳﻮﺭﺍﻕ ﻗﯩﭙﺘﯘ. ﺳﻮﺭﺍﻗﺘﯩﻦ ﺑﯘﺭﯗﻥ ﻗﺎﻧﯘﻥ ﺧﺎﺩﯨﻤﻠﯩﺮﯨﻐﺎ ﺯﯨﻴﺎﻧﻜﻪﺷﻠﯩﻚ ﻗﯩﻠﯩﭗ ﺳﺎﻟﻤﺎﺳﻠﯩﻘﻰ ﺋﯜﭼﯜﻥ ﻳﻪﺭﮔﻪ ﺋﻮﺭﻧﯘﺗﯘﻟﻐﺎﻥ ﺋﻮﺭﯗﻧﺪﯗﻗﻘﺎ ﻛﻮﻳﺰﯨﻼﭖ ﻗﻮﻳﯘﭘﺘﯘ.
- ﻧﯩﻤﯩﺸﻘﺎ ﺋﯚﺯ ﺋﯚﻳﯜﯕﮕﻪ ﺋﻮﺕ ﻗﻮﻳﺪﯗﯓ- ﺩﻩﭘﺘﯘ ﺳﺎﻗﭽﻰ ﺑﺎﺷﻠﯩﻐﻰ. ﮬﻪﺳﻪﻧﻨﯩﯔ ﺟﺎﯞﺍﺑﯩﻨﻰ ﻛﯜﺗﻤﻪﻳﻼ ﺗﯩﻠﻼﺷﻨﻰ ﺑﺎﺷﻼﭘﺘﯘ:
- ﮬﻪﻱ ﺋﯩﺘﻨﯩﯔ ﻛﯜﭼﯩﻜﻰ ﻳﺎﻛﻰ ﺧﯘﺩﺍﺩﯨﻦ ﻗﻮﻗﻤﺎﻳﺴﯩﻠﻪﺭ ﻳﺎﻛﻰ ﺑﯩﺰﺩﯨﻦ ﺗﻪﭘﺘﺎﺭﺗﻤﺎﻳﺴﯩﻠﻪﺭ. ﺧﻴﺎﻟﯩﯖﻼﺭ ﺯﺍﺩﻯ ﻧﯩﻤﻪ. ﺳﻪﻧﻠﻪﺭﻧﯩﯔ ﻧﻪﺯﯨﺮﯨﺪﻩ ﮬﯚﻛﯜﻣﻪﺕ ﺑﺎﺭﻣﯘ ﻳﻮﻗﻤﯘ ! ﺳﻪﻧﺪﻩﻙ ﺗﯚﺕ ﺗﺎﻝ ﭼﯜﭘﺮﻩﻧﺪﯨﮕﻪ ﮬﯚﻛﯜﻣﻪﺗﻨﯩﯔ ﻛﯜﭼﻰ ﻳﻪﺗﻤﻪﺳﻤﯘ. ﺳﯩﻠﻪﺭﻧﻰ ﻳﺎﺧﺸﻰ ﻛﯜﻥ ﻛﯚﺭﺳﯘﻥ ﺗﯩﻨﯩﭻ ﺗﯩﺮﯨﻜﭽﯩﻠﯩﻚ ﻗﯩﻠﺴﯘﻥ ﺩﯨﺪﯗﻕ. ﺑﯘﻧﯩﯔ ﺋﯜﭼﯜﻥ ﺗﯩﺮﯨﺸﺘﯘﻕ. ﺋﻪﻣﻤﺎ ﺧﻪﻟﻖ ﮬﺎﻛﯩﻤﯩﻴﯩﺘﯩﻨﯩﯔ ﺳﺎﯕﺎ ﺋﻮﺧﺸﺎﺵ ﺑﯩﺮ ﻗﯩﺴﯩﻢ ﺩﯛﺷﻤﻪﻧﻠﯩﺮﻯ ﻳﻪﻧﯩﻼ ﺷﯜﻛﺮﻯ ﻗﯩﻠﯩﺸﻤﯩﺪﯨﯔ. ﮬﯧﻠﯩﻐﯩﭽﻪ ﺗﻪﻥ ﺑﯧﺮﯨﺸﻤﯩﺪﯨﯔ-. ﮬﻪﺳﻪﻥ ﻧﯩﻤﻪ ﺩﯨﻴﯩﺸﻨﻰ ﺑﯩﻠﻪﻟﻤﻪﭘﺘﯘ. ﺑﯧﺸﯩﻨﻰ ﺗﯚﯞﻩﻥ ﺳﯧﻠﯩﭗ ﺋﻮﻟﺘﯘﺭﯗﭘﺘﯘ.  ﺑﺎﺷﻠﯩﻖ ﻏﻪﺯﻩﭘﻠﯩﻨﯩﭙﺘﯘ. ﺳﻮﺭﺍﻕ ﺩﯨﮕﻪﻧﺪﻩ ﺟﯩﻨﺎﻳﻪﺗﭽﻰ ﺟﺎﻻﻗﺸﯩﭗ ﺗﯩﺘﯩﺮﻩﭖ ﺗﯘﺭﺳﺎ ﺳﺎﻗﭽﯩﻼﺭﻏﺎ ﮬﯚﺯﯗﺭ ﺑﯧﺮﯨﺪﯨﻜﻪﻥ. ﺗﻮﺧﺘﯩﻤﺎﻱ ﻳﺎﻟﯟﯗﺭﯗﭖ ﭘﻮﺗﻠﯩﺴﯩﻨﻰ ﺋﯧﻘﯩﺘﯩﭗ ﺗﯘﺭﺳﺎ ﺳﻮﺭﺍﻗﻨﯩﯔ ﻗﯩﺰﺯﯨﻘﻰ ﺑﻮﻟﻤﺎﻣﺪﯗ. ﺋﻪﻣﻤﺎ ﻣﺎﯞﯗ ﮔﯘﻱ ﮔﯚﺷﯜﻳﯜﭖ ﺋﻮﻟﺘﯘﺭﯨﺪﯨﻐﯘ. ﺑﺎﺷﻠﯩﻖ ﻏﻪﺯﻩﭘﻠﯩﻨﯩﭙﺘﯘ. ﺋﯘﻧﻰ ﺭﺍﺳﺘﯩﻨﻰ ﺋﯧﻴﺘﯩﺸﻘﺎ ﻗﯩﺴﺘﺎﭘﺘﯘ. ﺳﻮﺭﺍﻗﺘﺎ ﺋﯘﺭﺳﺎ ﺑﻮﻟﻤﺎﻳﺪﯨﻜﻪﻥ. ﺷﯘﯕﺎ " ﺑﯘﻳﺎﻧﻐﺎ ﻗﺎﺭﺍ " ﺩﻩﭖ ﭼﺎﻧﺪﯗﺭﻣﺎﻱ ﻛﺎﭼﯩﺘﯩﻐﺎ ﺋﯘﺭﯗﭘﺘﯘ. ﺳﻮﺭﺍﻕ ﻗﯩﻠﻐﺎﻧﺪﺍ ﮬﺎﻗﺎﺭﻩﺗﻠﯩﺴﻪ ﺑﻮﻟﻤﺎﻳﺪﯨﻜﻪﻥ. ﺋﺎﻣﺎﻟﯩﻨﻰ ﺗﯧﭙﯩﭗ ﺗﯜﻛﺮﯨﻜﻠﯩﺮﯨﻨﻰ ﭼﺎﭼﺮﺍﺗﻘﺎﻥ ﺑﻮﻟﯘﭖ ﻳﯜﺯﻟﯩﺮﯨﮕﻪ ﺗﯜﻛﯜﺭﯛﭘﺘﯘ. " ﺗﯜﺯ ﺗﯘﺭ " ﺩﯨﮕﻪﻥ ﺑﻮﻟﯘﭖ ﭘﺎﭼﯩﻘﯩﻐﺎ ﺗﯧﭙﯩﭙﺘﯘ. ﻳﻮﺑﺎﺯ ﺋﻮﻏﻠﻰ ﻛﯚﻛﯩﺮﯨﭗ ﺗﯘﺭﯨﺪﯨﻜﻪﻥ. ﺑﯘﻧﺪﺍﻕ ﺑﻮﻟﺴﺎ ﺳﻮﺭﺍﻗﻨﯩﯔ ﺋﯜﻧﯩﻤﻰ ﺑﻮﻻﻣﺪﯗ ﻛﻮﻳﺰﯨﻨﻰ ﻳﯧﺸﯩﯟﯦﺘﯩﭙﺘﯘ. ﺋﯘﺭﯗﺷﻘﺎ ﻗﻮﻻﻳﺴﯩﺰﻛﻪﻥ. ﭼﯜﻧﻜﻰ ﮬﻪﺳﻪﻥ ﻗﺎﻧﯘﻥ ﺑﯩﻠﻪﻥ ﻗﺎﺭﺷﯩﻠﯩﺸﯩﭗ ﮔﻪﭘﻤﯘ ﻗﯩﻠﻤﺎﭘﺘﯘ. ﻗﺎﻧﯘﻧﻨﯩﯔ ﺋﯩﺰﺯﻩﺕ-ﮬﯚﺭﻣﯩﺘﯩﻨﻰ ﮔﯚﺷﯜﻳﯜﭖ ﺗﯘﺭﯗﺵ ﺑﯩﻠﻪﻥ ﮬﺎﻗﺎﺭﻩﺗﻠﻪﭘﺘﯘ. ﺗﯩﺮﻧﯩﻘﯩﻨﻰ ﺗﺎﺗﯩﻼﭖ ﻗﺎﻧﯘﻥ ﺧﺎﺩﯨﻤﻠﯩﺮﯨﻐﺎ ﭘﯩﺴﺨﯩﻚ ﮬﯘﺟﯘﻡ ﻗﯩﭙﺘﯘ. ﺷﯘﯕﺎ ﻳﻮﻟﻠﯘﻕ ﺗﺎﻗﺎﺑﯩﻞ ﺗﯘﺭﻣﺎﻱ ﺑﻮﻟﻤﺎﻳﺪﯨﻜﻪﻥ. ﺑﯧﺸﯩﻨﻰ ﻗﺎﻣﺎﻟﻠﯩﺘﯩﭗ ﺋﻮﻟﺘﯘﺭﻏﯘﺯﯗﭖ ﺩﯛﻣﺒﯩﺴﯩﮕﻪ ﺋﯘﺭﯗﭘﺘﯘ. ﺳﯘﻧﻤﺎﻳﺪﯨﻐﺎﻥ ﺭﯦﺰﯨﻨﻜﻪ ﻛﺎﻟﺘﻪﻙ ﺑﯩﻠﻪﻥ ﺗﺎﺯﺍ ﺋﯘﺭﯗﭘﺘﯘ. ﺗﻪﺗﯜﺭ ﻗﺎﺭﯨﺘﯩﭗ ﺗﺎﻣﻐﺎ ﭼﺎﭘﻼﭖ ﻛﻪﻳﻨﯩﺪﯨﻦ ﺋﯘﺭﯗﭘﺘﯘ. ﺋﺎﻟﺪﯨﺪﯨﻦ ﺋﯘﺭﺳﺎ ﺟﯩﻨﺎﻳﻪﺗﭽﻰ ﺳﺎﻗﭽﯩﻐﺎ ﮬﯘﺟﯘﻡ ﻗﯩﻠﯩﺶ ﺋﯧﮭﺘﯩﻤﺎﻟﻠﯩﻘﻰ ﺑﻮﻟﯩﺪﯨﻜﻪﻥ. ﻳﻮﺑﺎﺯ ﺋﻮﻏﻠﻰ ﮬﻪﺳﻪﻥ ﺋﯜﻧﺪﯨﻤﻪﭘﺘﯘ. ﻛﯚﺯﯨﻨﻰ ﻳﯘﻣﯘﯞﺍﭘﺘﯘ. ﺳﺎﻗﭽﻰ ﺑﺎﺷﻠﯩﻐﻰ ﺋﺎﭼﭽﯩﻘﺘﯩﻦ ﺋﯚﺯﯨﻨﻰ ﺑﺎﺳﺎﻟﻤﺎﭘﺘﯘ. ﺋﯚﺯﻯ ﻛﯧﻠﯩﭙﻤﯘ ﺋﯘﺭﯗﭘﺘﯘ. ﮬﻪﺳﻪﻧﻨﻰ ﺗﺎﻣﻐﺎ ﻧﯩﻘﺘﺎﭖ ﺗﯘﻣﺸﯩﻘﯩﻐﺎ ﻧﻪﭼﭽﯩﻨﻰ ﺋﯘﺭﯗﭘﺘﯘ. ﺗﺎﻣﻐﺎ ﻗﺎﻧﻼﺭ ﭼﺎﭼﺮﺍﭖ ﻛﯧﺘﯩﭙﺘﯘ. ﺑﺎﻳﺮﺍﻗﻘﯩﻤﯘ ﭼﺎﭼﺮﺍﭘﺘﯘ. ﺑﺎﻳﺮﺍﻕ ﺋﻪﺳﻠﯩﺪﯨﻨﻼ ﻗﻪﮬﺮﯨﻤﺎﻧﻼﺭﻧﯩﯔ ﻗﯧﻨﻰ ﺑﯩﻠﻪﻥ ﺑﻮﻳﺎﻟﻐﺎﻥ ﺑﻮﻟﻐﺎﭼﻘﺎ ﭼﺎﭼﺮﯨﻐﺎﻥ ﻗﺎﻧﻤﯘ ﺑﯩﻠﯩﻨﻤﻪﭘﺘﯘ. ﻣﯘﺳﺘﺎﭘﺎ ﻛﺎﻣﺎﻝ ﭘﺎﺷﺎﻧﯩﯔ ﺭﻩﺳﯩﻤﯩﮕﻪ ﭼﺎﭼﺮﺍﭖ ﻛﯧﺘﯩﭙﺘﯘ. ﺗﻮﺭﯗﻕ ﺋﺎﺗﻨﯩﯔ ﻗﺎﺷﻘﯩﺴﯩﻐﺎ ﭼﺎﭼﺮﺍﭖ ﻛﯧﺘﯩﭙﺘﯘ. ﻛﯧﻴﯩﻦ ﺳﺎﻗﭽﯩﻼﺭ ﺋﯘﺭﯗﭘﺘﯘ. ﻧﯚﯞﻩﺕ ﺑﯩﻠﻪﻥ ﺋﯘﺭﯗﭘﺘﯘ. ﺋﯘﺭﯗﭖ ﺗﯘﺭﯗﭖ ﺑﯧﻜﯩﺘﯩﻠﮕﻪﻥ ﺟﯩﻨﺎﻳﯩﺘﯩﻨﻰ ﺋﯧﻴﺘﯩﭗ ﺑﯧﺮﯨﭙﺘﯘ:

- ﺳﯧﻨﯩﯔ ﺑﯘ ﻗﯩﻠﻤﯩﺸﯩﯔ ﺑﺎﺷﻘﯩﻼﺭﻏﺎ ﺋﯜﻟﮕﻪ ﺑﻮﻟﺴﺎ ﺑﺎﺷﻘﯩﻼﺭﻣﯘ ﺷﯘﻧﺪﺍﻕ ﺋﯚﻳﻠﯩﺮﯨﻨﻰ ﻛﯚﻳﺪﯛﺭﮔﯩﻠﻰ ﺗﯘﺭﺳﺎ ﺋﯘﻟﯘﻍ ﺗﯜﺭﻙ ﯞﻩﺗﯩﻨﻰ ﻧﯩﻤﯩﮕﻪ ﺋﻮﺧﺸﺎﭖ ﻗﺎﻟﯩﺪﯗ ﺋﯧﻴﺘﻪ ﺋﯩﭙﻼﺱ ! ﻳﻪﻧﻪ ﺷﯘﻧﺪﺍﻕ ﺋﯚﻳﯜﯕﮕﻪ ﺋﻮﺕ ﻗﻮﻳﺎﻣﺴﻪﻥ ﻳﺎﻣﺎﻥ ﺗﻪﺳﯩﺮ ﭘﻪﻳﺪﺍ ﻗﯩﻼﻣﺴﻪﻥ ﻗﯘﺗﺮﺍﺗﻘﯘﻟﯘﻕ ﻗﯩﻼﻣﺴﻪﻥ! ﺧﻪﻟﻖ ﮬﺎﻛﯩﻤﯩﻴﯩﺘﯩﮕﻪ ﺗﯜﺭﻙ ﺟﯘﻣﮭﯘﺭﯨﻴﯩﺘﯩﮕﻪ ﻗﺎﺭﺷﻰ ﺗﯘﺭﺍﻣﺴﻪﻥ! - ﺩﻩﭖ ﭼﯧﭽﯩﺪﯨﻦ ﺗﯘﺗﯘﭖ ﻳﯜﺯﯨﮕﻪ ﺗﯜﻛﯜﺭﯛﭘﺘﯘ.....ﺋﯩﺸﻘﯩﻠﯩﭗ ﻳﺎﻟﻐﯘﺯ ﺋﯚﻳﮕﻪ ﺳﻮﻟﯩﯟﺍﻟﻐﺎﻧﺪﺍ  ﺑﻮﻟﯩﺪﯨﻐﺎﻥ ﺋﯩﺸﻨﯩﯔ ﮬﻪﻣﻤﯩﺴﻰ ﺑﻮﻟﯘﭘﺘﯘ........

ﺋﺎﺧﯩﺮﯨﺪﺍ ﺋﯘﻧﯩﯖﻐﺎ:
-       ﺳﯧﻨﻰ ﺋﻪﻟﻰ ﺳﺎﭘﺎ ﺑﺎﻳﻨﯩﯔ ﺋﯩﻠﺘﯩﻤﺎﺳﻰ ﯞﻩ ﻳﺎﻟﯟﯗﺭﯗﺷﻰ ﺑﯩﻠﻪﻥ ﻗﻮﻳﯘﭖ ﺑﯧﺮﯨﻤﻪﻥ. ﺋﻪﻣﻤﺎ ﺋﻪﺗﯩﻼ ﺑﯘ ﻳﯧﺰﯨﺪﯨﻦ ﻳﻮﻗﯩﻠﯩﺴﻪﻥ. ﮬﻪﺳﻪﻥ ﺩﻩﭖ ﺑﯩﺮ ﺋﺎﺩﻩﻡ ﺋﺎﻟﺪﯨﻤﻐﺎ ﭼﯩﻘﯩﭗ ﻗﺎﻟﻤﯩﺴﯘﻥ. ﺑﻮﻟﻤﯩﺴﺎ ﺑﯘ ﻗﯧﺘﯩﻢ ﺳﺎﻗﭽﯩﺪﯨﻦ ﺋﯚﻟﯜﮔﯜﯓ ﭼﯩﻘﯩﺪﯗ- ﺩﻩﭘﺘﯘ. ﺋﺎﻧﺪﯨﻦ ﺳﺎﻗﭽﯩﻼﺭﻏﺎ:
- ﺑﯘﻧﻰ ﻳﻮﻟﻐﺎ ﺋﺎﭘﯩﺮﯨﭗ ﺗﺎﺷﻼﭖ ﻗﻮﻳﯘﯕﻼﺭ ﻧﺎﯞﺍﺩﺍ ﺋﯚﻟﯜﭖ ﻗﺎﻟﺴﺎ ﺟﯩﻨﺎﻳﯩﺘﯩﺪﯨﻦ ﻗﻮﺭﻗﯘﭖ ﻗﺎﭼﻘﺎﻥ ﺋﯩﺪﻯ ﺋﯧﺘﯩﯟﻩﺗﺘﯘﻕ ﺩﻩﺭﺳﯩﻠﻪﺭ.  ﺋﯚﻟﻤﯩﺴﻪ ﻣﻪﻳﻠﻰ- ﺩﻩﭘﺘﯘ.........

ﮬﻪﺳﻪﻥ ﺑﯩﺮ ﭘﺎﺭﭼﻪ ﻗﺎﻧﻐﺎ ﻣﯩﻠﻪﻧﮕﻪﻥ ﻻﺗﯩﻐﺎ ﺋﻮﺧﺸﺎﭖ ﻗﺎﻟﻐﺎﻥ ﺋﯩﻜﻪﻥ. ﺋﯘ ﺋﺎﺧﺸﺎﻡ ﺳﺎﻗﭽﯩﻼﺭ ﺗﺎﺷﻠﯩﯟﻩﺗﻜﻪﻥ ﻳﯧﺮﯨﺪﯨﻦ ﻣﯩﺪﯨﺮﺍﭖ ﺋﻮﺭﻧﯩﺪﯨﻦ ﺗﯘﺭﯗﭘﺘﯘ. ﺋﯚﻳﯩﮕﻪ ﻣﯧﯖﯩﭙﺘﯘ. ﻗﯘﻳﺎﺷﻨﯩﯔ ﺋﺎﺧﯩﺮﻗﻰ ﻧﯘﺭﯨﻐﺎ ﭼﯩﻠﯩﺸﯩﭗ ﻛﯧﺘﯩﯟﺍﺗﻘﺎﻥ ﮔﻪﯞﺩﯨﺴﻰ ﻧﻪﻡ  ﻻﺗﯩﺪﻩﻙ ﺋﯧﻐﯩﺮ ﭼﺎﻳﻘﯩﻠﯩﺪﯨﻜﻪﻥ. ﺑﯧﺴﯩﭗ ﻛﯧﻠﯩﯟﺍﺗﻘﺎﻥ ﺳﯘﺱ ﻗﺎﺭﺍﯕﻐﯘﻟﯘﻗﺘﺎ ﺑﯘ ﻻﺗﯩﻨﯩﯔ ﺭﻩﯕﮕﯩﻨﻰ ﺑﯩﻠﮕﯩﻠﻰ ﺑﻮﻟﻤﺎﻳﺪﯨﻜﻪﻥ....

ﺋﻪﺗﯩﺴﻰ ﺋﻪﺗﺘﯩﮕﻪﻧﺪﻩ ﮬﻪﺳﻪﻧﻨﻰ ﺧﻮﺗﯘﻧﻰ ﻗﻮﻟﺘﯘﻏﯩﺪﯨﻦ ﻳﯚﻟﻪﭘﺘﯘ. ﺋﯩﻜﻜﻰ ﺑﺎﻟﯩﺴﯩﻨﻰ ﺋﻪﮔﻪﺷﺘﯜﺭﯛﭘﺘﯘ. ﺧﻮﺷﻨﯩﻠﯩﺮﯨﻨﯩﯔ ﺋﯚﻳﻠﯩﺮﯨﮕﻪ ﺑﯩﺮ-ﺑﯩﺮﻟﻪﭖ ﻛﯩﺮﯨﭙﺘﯘ. ﺋﯘﻻﺭ ﺑﯩﻠﻪﻥ ﺧﻮﺷﻠﯩﺸﯩﭙﺘﯘ:
-       ﮬﯚﻛﯜﻣﻪﺗﻨﯩﯔ ﺑﯘﻳﺮﯗﻗﻰ ﻧﺎﺭﻟﻰ ﻗﯩﺸﻼﻗﻘﺎ ﺑﺎﺭﯨﺪﯨﻐﺎﻥ ﺑﻮﻟﺪﯗﻡ. ﺋﺎﻣﺎﻝ ﻳﻮﻕ. ﮬﯚﻛﯜﻣﻪﺕ ﺑﯩﻠﻪﻥ ﺗﻪﯓ ﻛﻪﻟﮕﯩﻠﻰ ﺑﻮﻻﺗﺘﯩﻤﯘ. ﺗﺎﺟﺎﯞﯗﺯﭼﯩﻼﺭ ﺑﯩﻠﻪﻥ ﺋﻮﻥ ﻳﯩﻞ ﺋﯘﺭﯗﺷﺘﯘﻕ. ﮬﻪﺭﻗﺎﻧﺪﺍﻕ ﺋﯘﺭﯗﺷﺘﺎ ﻳﯜﺯﯨﻤﯩﺰ ﻳﻮﺭﯗﻕ ﺑﻮﻟﺪﻯ. ﻳﯧﯖﯩﭗ ﭼﯩﻘﺘﯘﻕ. ﺋﻪﻣﻤﺎ ﮬﯚﻛﯜﻣﻪﺗﻨﻰ ﻳﻪﯕﮕﯩﻠﻰ ﺑﻮﻻﺗﺘﯩﻤﯘ..ﻣﯧﻨﻰ ﯞﻩﻳﺮﺍﻥ ﻗﯩﻠﺪﯨﻐﯘ...ﮬﯚﻛﯜﻣﻪﺕ ﻳﻪﯕﺪﻯ.....ﺑﻮﻟﺪﻯ ﻛﻪﺗﺘﯩﻢ...ﺧﯘﺩﺍﻳﯩﻤﻐﺎ ﺋﺎﻣﺎﻧﻪﺕ - ﺩﻩﭖ ﻳﯧﺰﯨﺪﯨﻦ ﻛﯧﺘﯩﭙﺘﯘ. ﺑﻮﯞﯨﺴﯩﺪﯨﻦ ﺗﺎﺭﺗﯩﭗ ﻳﺎﺷﺎﯞﺍﺗﻘﺎﻥ ﻳﯧﺰﯨﺴﯩﺪﯨﻦ ﭼﯩﻘﻘﯩﭽﻪ ﺋﯩﻜﻜﻰ ﻗﻮﻟﯩﺪﺍ ﮬﯧﭽﻨﯩﻤﯩﺴﻰ ﻳﻮﻗﻜﻪﻥ. ﺑﯩﺮ-ﺑﯩﺮﯨﻨﻰ ﻳﯚﻟﯩﺸﯩﭗ ﻛﯧﺘﯩﯟﺍﺗﻘﺎﻥ ﭼﻮﯓ-ﻛﯩﭽﯩﻚ ﺗﯚﺕ ﮔﻪﯞﺩﻩ ﻳﯧﺰﺍ ﻳﻮﻟﯩﺪﺍ ﺋﺎﺳﺘﺎ-ﺋﺎﺳﺘﺎ ﻳﻮﻗﺎﭖ ﻛﯧﺘﯩﭙﺘﯘ............

     ﺋﻪﻟﻰ ﺳﺎﭘﺎ ﺑﺎﻱ ﻳﯧﺰﯨﺪﯨﻜﯩﻠﻪﺭﻧﯩﯔ ﺋﺎﺧﯩﺮﻗﻰ ﺟﺎﮬﯩﻠﻠﯩﺮﻯ ﻧﺎﺭﻟﻰ ﻗﯩﺸﻼﻗﻘﺎ ﻛﯚﭼﻤﯩﮕﻪﻧﭽﻪ ﺟﯩﻠﻰ ﺑﻮﻟﯘﭘﺘﯘ. ﮬﻪﺳﻪﻧﻨﯩﯔ ﯞﻩﻗﻪﺳﯩﺪﯨﻦ ﻛﯧﻴﯩﻦ ﻳﯧﺰﯨﻠﯩﻘﻼﺭﻧﻰ ﺋﺎﻟﺪﯨﺮﺍﭖ ﻛﯚﭼﯩﺪﯗ ﺩﻩﭖ ﺋﻮﻳﻼﭘﺘﯩﻜﻪﻥ. ﺋﯘﻧﺪﺍﻕ ﺑﻮﻟﻤﺎﭘﺘﯘ. ﺯﻩﻳﻨﻪﻟﺪﯨﻦ ﺳﯜﺭﯛﺷﺘﯜﺭﯛﭘﺘﯘ. ﺋﯘﻧﯩﯔ ﺩﯨﻴﯩﺸﯩﭽﻪ ﻳﯧﺰﯨﻠﯩﻘﻼﺭ ﻳﻪﻧﯩﻼ ﺗﺎﻻﺵ-ﺗﺎﺭﺗﯩﺶ ﻗﯩﻠﯩﺪﯨﻜﻪﻥ. ﺋﻪﻣﻤﺎ ﻗﺎﺭﺍﺭﯨﻨﯩﯔ ﻧﻪﺗﯩﺠﯩﺴﻰ ﻳﻮﻗﻜﻪﻥ. ﺷﯘﻧﺪﺍﻗﺘﯩﻤﯘ ﺋﯩﻠﮕﯩﺮﻛﯩﺪﯨﻦ ﻛﯚﭖ ﺋﯜﻣﯜﺗﺴﯩﺰﻛﻪﻥ. ﻳﯧﻘﯩﻨﺪﺍ ﺋﻮﺳﻤﺎﻥ ﭼﻮﯕﺪﺍ ﺑﯩﺮ ﺋﯚﺯﮔﯜﺭﯛﺵ ﺑﺎﺭﻛﻪﻥ. ﻳﻪﺭﮔﻪ ﭼﺎﭘﻠﯩﺸﯩﭗ ﻗﺎﻻﻱ ﺩﯨﮕﻪﻥ ﺑﯘ ﻗﯧﺮﻯ ﺋﯚﺯﮔﯜﺭﯛﭖ ﻗﺎﭘﺘﯘ. ﮬﯩﭽﻜﯩﻤﻨﻰ ﭘﯩﺴﻪﻧﺘﯩﮕﻪ ﺋﺎﻟﻤﯩﻐﺎﻧﺪﻩﻙ ﻛﯧﺮﯨﻠﯩﭗ ﻣﺎﯕﯩﺪﯨﻐﺎﻥ ﺑﻮﻟﯘﭖ ﻗﺎﭘﺘﯘ. ﻛﯚﺯﯨﮕﻪ ﻳﯧﺰﯨﻤﯘ ﻛﯩﭽﯩﻚ ﻛﯚﺭﯛﻧﯩﺪﯨﻐﺎﻧﺪﻩﻙ ﺑﻮﻟﯘﭖ ﻗﺎﭘﺘﯘ. ﺋﺎﯞﺍﺯﻟﯩﺮﯨﻤﯘ ﺋﯚﺯﮔﯜﺭﯛﭖ ﻛﯧﺘﯩﭙﺘﯘ. ﺯﻩﻳﻨﻪﻟﻨﻰ ﻛﯚﺭﯛﭖ ﻛﯚﺯﺯﯨﻨﯩﯔ ﺋﯩﭽﭽﯩﮕﻪ ﻗﺎﺭﺍﭖ ﻳﻪﺭﮔﻪ ﺗﯜﻛﯜﺭﯛﭖ ﻗﻮﻳﯘﭖ ﺋﯚﺗﯜﭖ ﻛﯧﺘﯩﭙﺘﯘ. ﺋﻪﻟﻰ ﺳﺎﭘﺎ ﺑﺎﻱ ﺑﯘﻻﺭﻧﻰ ﺋﺎﯕﻼﭖ ﺳﻪﻝ ﺋﺎﻟﺪﯨﺮﺍﭘﺘﯘ. "ﺑﯩﺮ ﺋﻮﺳﻤﺎﻥ ﭼﻮﯕﻨﯩﯔ ﮬﺎﻟﻰ ﻳﺎﺧﺸﻰ. ﺋﻪﻣﻤﺎ ﺑﯘ ﻗﯧﺮﯨﻨﯩﯔ ﺗﻪﺳﯩﺮﻯ ﻗﺎﻟﻐﺎﻧﻼﺭﻏﺎ ﻳﯘﻗﺴﺎ ﺋﯩﺶ ﭼﺎﺗﺎﻕ. ﺑﯘ ﻗﯧﺮﯨﺪﺍ ﺯﺍﺩﻯ ﻧﯩﻤﻪ ﮔﻪﭖ ﺑﺎﺭ". ﺋﯘ ﺯﻩﻳﻨﻪﻟﮕﻪ ﺋﻮﺑﺪﺍﻥ ﻛﯚﺯ-ﻗﯘﻻﻕ ﺑﻮﻟﯘﺷﻨﻰ ﺗﺎﭘﯩﻼﭘﺘﯘ. ﺳﺎﻗﭽﻰ ﺑﺎﺷﻠﯩﻐﻰ ﺑﯩﻠﻪﻥ ﺋﻮﺳﻤﺎﻧﻨﯩﯔ ﺑﯩﺮﻩﺭ ﺋﺎﺟﯩﺰﻟﯩﻘﯩﻨﻰ ﻳﺎﻛﻰ ﺧﺎﺗﺎﻟﯩﻘﯩﻨﻰ ﺗﯧﭙﯩﭗ ﻳﻮﻗﯘﺗﯘﺷﻨﻰ ﻣﻪﺳﻠﯩﮭﻪﺗﻠﯩﺸﯩﭙﺘﯘ. ﺷﯘ ﻛﯧﭽﯩﺴﻰ ﺋﺎﺩﻩﻣﻠﯩﺮﯨﻨﻰ ﻳﻪﻧﻪ ﻳﯧﺰﯨﻨﻰ ﺋﻮﻗﻘﺎ ﺗﯘﺗﯘﺷﻘﺎ ﺋﯧﯟﻩﺗﯩﭙﺘﯘ.
   ﺋﻮﺳﻤﺎﻥ ﭼﻮﯓ ﻣﻪﻣﻪﺕ ﺋﺎﯞﺍﻗﻘﺎ ﻳﯧﺰﯨﺪﯨﻜﻰ ﺋﯩﺸﻼﺭﻧﻰ ﭘﺎﺭﺍﯓ ﺳﯧﻠﯩﭗ ﺑﯧﺮﯨﭗ ﺋﻪﻣﺪﯨﻼ ﺋﯘﺧﻼﺷﻘﺎ ﻳﺎﺗﻘﺎﻥ ﺋﯩﻜﻪﻥ. ﮬﯧﻠﯩﻘﯩﺪﻩﻙ ﺋﺎﺕ ﺗﯘﻳﺎﻗﻠﯩﺮﯨﻨﯩﯔ ﺋﺎﯞﺍﺯﻯ ﻳﯧﺰﯨﻐﺎ ﺑﯧﺴﯩﭗ ﻛﯩﺮﯨﭙﺘﯘ. ﺋﺎﻧﺪﯨﻦ ﺗﺎﺭﺍﺳﻼﭖ ﺋﯧﺘﯩﻠﻐﺎﻥ ﻣﯩﻠﺘﯩﻖ ﺋﺎﯞﺍﺯﻯ ﺋﺎﯕﻠﯩﻨﯩﭙﺘﯘ. ﺋﻮﺭﻧﯩﺪﯨﻦ ﺗﯘﺭﯗﭘﺘﯘ. ﺑﯘ ﭼﺎﻏﺪﺍ ﻣﻪﻣﻪﺗﻤﯘ ﺋﺎﻟﻠﯩﻘﺎﭼﺎﻥ ﺋﻮﺭﻧﯩﺪﯨﻦ ﺗﯘﺭﯗﭖ ﭼﻪﭘﺮﺍﺱ ﺗﻪﻳﻴﺎﺭ ﺑﻮﻟﯘﭖ ﺑﻮﻟﻐﺎﻥ ﺋﯩﻜﻪﻥ. ﺋﻮﺳﻤﺎﻥ ﭼﻮﯓ:
  - ﺑﺎﻻﻡ ﺳﻪﻥ ﺟﯩﻢ ﻳﺎﺕ. ﺗﯧﺨﻰ ﺋﻪﺳﻠﯩﯖﮕﻪ ﻛﯧﻠﯩﭗ ﺑﻮﻻﻟﻤﯩﺪﯨﯔ. ﻣﻪﻥ ﭼﯩﻘﯩﭗ ﻗﺎﺭﺍﭖ ﺑﺎﻗﺎﻱ-ﺩﻩﭖ ﺋﯘﻧﻰ ﻳﺎﺗﻘﯘﺯﯗﭖ ﻗﻮﻳﯘﭘﺘﯘ. ﺋﺎﻧﺪﯨﻦ ﻛﻮﻧﺎ ﻧﻪﺭﺳﯩﻠﻪﺭﻧﻰ ﺳﺎﻟﯩﺪﯨﻐﺎﻥ ﺋﻮﺭﯗﺱ ﺳﺎﻧﺪﯗﻗﯩﻨﻰ ﺋﺎﺧﺘﯘﺭﯗﭖ ﺋﯩﭽﯩﺪﯨﻦ ﻛﻮﻧﺎ ﺗﺎﭘﺎﻧﭽﯩﺴﯩﻨﻰ ﺗﯧﭙﯩﭙﺘﯘ. ﺑﯘ ﺗﺎﭘﺎﻧﭽﺎ ﺗﺎﭘﺎﻧﭽﺎ ﺩﯗﻧﻴﺎﻏﺎ ﻛﻪﻟﮕﻪﻥ ﭼﺎﻏﺪﯨﻜﻰ ﺗﺎﭘﺎﻧﭽﯩﻼﺭﺩﯨﻦ ﺋﯩﻜﻪﻥ. ﮬﻪﻡ ﻳﻮﻏﺎﻥ ﮬﻪﻡ ﺋﯘﺯﯗﻥ ﺗﺎﭘﺎﻧﭽﺎ ﺋﯩﻜﻪﻥ. ﺋﯘﻧﯩﯖﻐﺎ ﺩﻭﺭﯨﻨﻰ ﭼﯩﯖﺪﺍﭖ ﺳﺎﭘﺘﯘ. ﺳﯩﺮﺗﻘﺎ ﭼﯩﻘﯩﭙﺘﯘ. ﺋﯚﺯﯨﻨﯩﯔ ﻛﻮﭼﯩﺴﯩﺪﯨﻦ ﻳﻪﻧﻪ ﺑﯩﺮ ﻛﻮﭼﯩﻐﺎ ﺋﯚﺗﯜﭘﺘﯘ. ﺋﯚﺯﯨﻨﯩﯔ ﻛﻮﭼﯩﺴﯩﺪﺍ ﺋﺎﺗﺴﯩﻤﯘ ﺑﻮﻟﯩﺪﯨﻜﻪﻥ. ﺋﻪﻣﻤﺎ ﺋﻪﺗﯩﻼ ﺋﻮﻕ ﺋﯧﺘﯩﻠﻐﺎﻥ ﻳﻪﺭﻧﻰ ﺋﯧﻨﯩﻘﻼﭖ ﻣﻪﻣﻪﺗﻨﻰ ﺗﯧﭙﯩﯟﯦﻠﯩﺸﯩﺪﯨﻦ ﺋﻪﻧﺴﯩﺮﻩﭘﺘﯘ. ﺋﺎﺩﻩﻡ ﺋﻮﻟﺘﯘﺭﻣﺎﻳﺪﯨﻐﺎﻥ ﺑﯩﺮ ﺋﯚﻳﻨﯩﯔ ﮬﻮﻳﻠﯩﺴﯩﻐﺎ ﻛﯩﺮﯨﭙﺘﯘ. ﺳﻮﻗﻤﯩﺪﯨﻦ ﻣﺎﺭﺍﭖ ﻳﯧﺘﯩﭙﺘﯘ. ﺑﯩﺮ ﭼﺎﻏﺪﺍ ﺋﺎﺗﻠﯩﻘﻼﺭ ﺑﯘ ﻛﻮﭼﯩﺪﯨﻦ ﺋﯚﺗﯜﺷﻜﻪ ﺑﺎﺷﻼﭘﺘﯘ. ﺋﻮﺳﻤﺎﻥ ﭼﻮﯓ ﻛﻮﭼﯩﺪﯨﻦ ﺋﯚﺗﯜﯞﺍﺗﻘﺎﻥ ﺋﺎﺗﻠﯩﻘﻼﺭﻧﯩﯔ ﺋﻮﺗﺘﯘﺭﯨﺴﯩﻐﺎ ﺗﺎﭘﺎﻧﭽﯩﻨﻰ ﺗﻮﻏﺮﯨﻼﭖ ﺋﯧﺘﯩﭙﺘﯘ. ﻗﯧﺮﯨﻐﺎﻧﺪﺍ ﺋﻮﺑﺪﺍﻥ ﻧﯩﺸﺎﻧﻠﯩﻐﯘﺩﻩﻙ ﻛﯚﺯ ﺗﯩﺘﺮﯨﻤﻪﻱ ﺋﺎﺗﻘﯘﺩﻩﻙ ﻣﺎﻏﺪﯗﺭ ﺑﻮﻻﻣﺪﯗ. ﺗﻮﻏﺮﯨﻼﭘﻼ ﺋﯧﺘﯩﭙﺘﯘ. ﮔﯜﻣﺒﯜﺭﻟﯩﮕﻪﻥ ﺗﺎﭘﺎﻧﭽﺎ ﺋﺎﯞﺍﺯﯨﺪﯨﻦ ﻛﯧﻴﯩﻦ ﺋﻪﺭﻣﯘ ﻳﺎﻛﻰ ﺋﺎﻳﺎﻟﻤﯘ ﺑﯩﻠﮕﯩﻠﻰ ﺑﻮﻟﻤﺎﻳﺪﯨﻐﺎﻥ ﺑﯩﺮ ﭼﯩﺮﻗﯩﺮﺍﺵ ﺋﺎﯕﻠﯩﻨﯩﭙﺘﯘ. ﺋﺎﺗﻠﯩﻘﻼﺭ ﻳﯧﺰﯨﻨﯩﯔ ﺳﯩﺮﺗﯩﻐﺎ ﻗﺎﺭﺍﭖ ﺑﻪﺩﻩﺭ ﻗﯧﭽﯩﭙﺘﯘ.  ﺷﯘ ﻛﯧﭽﯩﺴﻰ ﻗﺎﻳﺘﺎ ﻛﻪﻟﻤﻪﭘﺘﯘ......

ﺋﻪﺗﯩﺴﻰ ﻳﯧﺰﯨﻠﯩﻘﻼﺭ ﻣﻪﻳﺪﺍﻧﺪﯨﻜﻰ ﭼﻮﯓ ﺩﻩﺭﻩﺧﻨﯩﯔ ﺋﺎﺳﺘﯩﻐﺎ ﻳﯩﻐﯩﻠﯩﭙﺘﯘ. ﺋﺎﺧﺸﺎﻣﻘﻰ ﺋﻮﻗﻘﺎ ﺗﯘﺗﯘﺷﻨﻰ ﺳﯚﺯﻟﯩﺸﯩﭙﺘﯘ. ﺳﻪﻳﭙﻪﻟﻰ ﮬﻪﻣﻤﻪﻳﻠﻪﻧﮕﻪ:
  - ﺑﯘﻧﺪﺍﻕ ﻳﯧﺘﯩﯟﻩﺭﺳﻪﻙ ﺑﯩﺰﻧﻰ ﺋﯚﻟﺘﯜﺭﯛﭖ ﺗﯜﮔﯩﺘﯩﺪﯨﻐﺎﻥ ﺋﻮﺧﺸﺎﻳﺪﯗ. ﺳﺎﻗﭽﻰ ﺋﯩﺪﺍﺭﯨﺴﯩﻐﺎ ﺑﯧﺮﯨﭗ ﺑﺎﻗﺎﻳﻠﻰ. ﺋﻪﻟﻰ ﺳﺎﭘﺎﻧﯩﯔ ﻗﯩﻠﻤﯩﺸﻠﯩﺮﯨﻨﻰ ﺋﯧﻴﺘﺎﻳﻠﻰ- ﺩﻩﭘﺘﯘ. ﺋﻮﺳﻤﺎﻥ ﭼﻮﯓ ﺑﯩﺮ ﭼﻪﺗﺘﻪ ﻳﯧﺰﯨﻠﯩﻘﻼﺭﻧﻰ ﻛﯜﺯﯨﺘﯩﭗ ﺗﯘﺭﯨﺪﯨﻜﻪﻥ. ﺷﯘﻧﺪﺍﻕ ﺋﯩﺴﺴﯩﻖ ﺑﻮﻟﯩﺸﯩﻐﺎ ﻗﺎﺭﯨﻤﺎﻱ ﻛﯩﻴﯩﯟﺍﻟﻐﺎﻥ ﺗﯧﺮﻩ ﺷﺎﻟﯟﯗﺭﯨﻨﯩﯔ ﻳﺎﻧﭽﯘﻗﯩﻐﺎ ﻗﻮﻟﯩﻨﻰ ﺗﯩﻘﻘﯩﻨﯩﭽﻪ ﺧﯘﺩﺩﻯ ﻳﺎﺷﻼﺭﺩﻩﻙ ﻣﻪﻧﺴﯩﺘﻤﻪﺳﻠﯩﻚ ﺑﯩﻠﻪﻥ ﺗﯘﺭﯨﺪﯨﻜﻪﻥ. ﺩﯨﺨﺎﻧﻼﺭ ﻏﯘﺩﯗﺭﯨﺸﯩﭙﺘﯘ:
-  ﺑﺎﺭﺍﻳﻠﻰ ﻧﺎﮬﯩﻴﯩﮕﻪ ﺑﺎﺭﺍﻳﻠﻰ.ﺑﯩﺰﻧﯩﯖﻤﯘ ﺋﯩﮕﯩﻤﯩﺰ ﺑﺎﺭ ﺋﺎﺩﻩﻣﻠﻪﺭﻏﯘ ﺑﯘﻧﺪﺍﻕ ﺑﻮﺯﻩﻙ ﻗﯩﻠﯩﺸﻨﻰ ﺗﻮﺧﺘﺎﺗﺴﯘﻥ.- ﺋﻮﺳﻤﺎﻥ ﭼﻮﯓ ﺋﯘﻻﺭﻏﺎ:
- ﺋﻪﮔﻪﺭ ﺳﺎﻗﭽﻰ ﺋﯩﺪﺍﺭﯨﺴﯩﻤﯘ ﮬﻪﻝ ﻗﯩﻼﻟﻤﯩﺴﺎ ﻗﺎﻧﺪﺍﻕ ﻗﯩﻠﯩﺴﯩﻠﻪﺭ -ﺋﺎﯞﺍﺯﯨﺪﺍ ﻳﻮﺷﯘﺭﯗﭖ ﺑﻮﻟﻤﺎﻳﺪﯨﻐﺎﻥ ﺑﯩﺮ ﻣﻪﺳﺨﯩﺮﻩ ﺑﺎﺭ ﺋﯩﻜﻪﻥ. ﺳﻪﻳﭙﻪﻟﻰ ﺋﯘﻧﯩﯖﻐﺎ.
- ﺋﯘﻧﯩﯖﺪﯨﻦ ﭼﻮﯓ ﻳﻪﺭﮔﻪ ﺑﺎﺭﯨﻤﯩﺰ. ﺋﻪﻧﻘﻪﺭﻩﮔﯩﻤﯘ ﺑﺎﺭﯨﻤﯩﺰ. ﻣﯘﺳﺘﺎﭘﺎ ﻛﺎﻣﺎﻟﻐﺎ ﺋﯧﻴﺘﯩﻤﯩﺰ. ﺳﻪﻥ ﺯﺍﺩﻯ ﻧﯩﻤﻪ ﺑﻮﻟﺪﯗﯓ ﮬﻪﻱ ﺋﻮﺳﻤﺎﻥ ﺑﺎﻻ ! ﻧﻪﭼﭽﻪ ﻛﯜﻥ ﺑﻮﻟﺪﻯ. ﺋﯩﭽﯩﻤﺪﯨﻜﯩﻨﻰ ﺗﺎﭖ ﺩﯨﮕﻪﻧﺪﻩﻙ ﻳﯜﺭﯛﻳﺴﻪﻥ . ﺑﯩﺰﻧﻰ ﻣﻪﺳﺨﯩﺮﻩ ﻗﯩﻠﯩﺴﻪﻥ. ﮬﯩﭽﻜﯩﻤﻨﻰ ﮬﻪﺗﺘﺎ ﺋﺎﺳﻤﺎﻧﻨﯩﻤﯘ ﻛﯚﺯﮔﻪ ﺋﯩﻠﻤﺎﻳﺪﯨﻐﺎﻧﺪﻩﻙ ﻛﯧﺮﯨﻠﯩﭗ ﻳﯜﺭﯛﻳﺴﻪﻥ. ﺳﻪﻧﻤﯘ ﻣﯜﺷﯜ ﻛﯜﻧﺪﻩ ﻗﺎﻟﺪﯨﯖﻐﯘ. ﺑﯩﺰﺩﯨﻦ ﭘﻪﺭﻗﯩﯔ ﺑﺎﻣﯘ -. ﺋﺎﭼﭽﯩﻘﺘﯩﻦ ﺳﺎﻗﺎﻟﻠﯩﺮﻯ ﺗﯩﺘﺮﻩﭖ ﻛﯧﺘﯩﭙﺘﯘ. ﺋﻮﺳﻤﺎﻥ ﭼﻮﯓ ﻛﯜﻟﯩﯟﯦﺘﯩﭙﺘﯘ. "ﺳﯩﻠﻪﺭﺩﯨﻦ ﭘﻪﺭﻗﯩﻢ ﺑﺎﺭ ﻣﻪﻥ ﻛﻪﻳﻨﯩﻤﺪﻩ ﻣﻪﻣﻪﺕ ﺋﺎﯞﺍﻕ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ ﮬﯩﭽﻜﯩﻤﺪﯨﻦ ﻗﻮﺭﻗﻤﺎﻳﻤﻪﻥ. ﺷﯘﯕﺎ ﺋﺎﺧﺸﺎﻡ ﺑﯩﺮﯨﻨﻰ ﺋﯧﺘﯩﯟﻩﺗﺘﯩﻢ. ﻗﯧﺮﻯ ﺟﯧﻨﯩﻢ ﺑﯩﻠﻪﻥ ﻗﻮﺭﻗﻤﺎﻱ ﺋﺎﺗﺘﯩﻢ. ﻗﯧﻨﻰ ﻗﺎﻳﺴﯩﯔ ﺷﯘﻧﺪﺍﻕ ﻗﯩﻼﻻﻳﺴﻪﻥ" ﺩﻩﯞﯦﺘﯩﺸﻜﻪ ﺗﺎﺱ ﻗﺎﭘﺘﯘ. ﺋﯚﺯﯨﻨﻰ ﺑﯧﺴﯩﯟﺍﭘﺘﯘ. ﺩﯨﺴﻪ ﺑﻮﻟﻤﺎﻳﺪﯨﻜﻪﻥ. ﻳﯧﺰﯨﻠﯩﻘﻼﺭ ﺋﺎﯕﻠﯩﺴﺎ ﺋﻪﻟﻰ ﺳﺎﭘﺎﻧﯩﯔ ﺋﯩﺘﻠﯩﺮﯨﻤﯘ ﺋﺎﯕﻼﻳﺪﯨﻜﻪﻥ. ﺯﻩﻳﻨﻪﻟﺪﻩﻙ ﺋﺎﺩﻩﻣﻠﻪﺭ ﺑﯘ ﮔﻪﭘﻠﻪﺭﻧﻰ ﺑﺎﻳﻐﺎ ﻳﻪﺗﻜﯜﺯﯨﺪﯨﻜﻪﻥ. ﺋﻮﺳﻤﺎﻥ ﭼﻮﯓ ﺗﯘﺭﻏﺎﻥ ﻳﯧﺮﯨﺪﯨﻦ ﺳﻪﻳﭙﻪﻟﯩﻨﯩﯔ ﻳﯧﻨﯩﻐﺎ ﻛﻪﭘﺘﯘ. ﺳﻪﻳﭙﻪﻟﯩﻨﯩﯔ ﻣﻪﮬﻜﻪﻡ ﻳﯘﻣﯘﻟﻐﺎﻥ ﺋﯧﻐﯩﺰﯨﻐﺎ ﺋﻮﻳﯘﻟﯘﭖ ﺗﯘﺭﻏﺎﻥ ﻗﻮﯞﯗﺯﻟﯩﺮﯨﻐﺎ ﺑﯘﺭﯗﺗﯩﻨﯩﯔ ﺋﯘﭼﯩﻐﺎ ﭼﺎﭘﻠﯩﺸﯩﭗ ﻗﺎﻟﻐﺎﻥ ﺗﯜﻛﺮﯛﻙ ﺩﺍﻧﭽﯩﻠﯩﺮﯨﻐﺎ ﻗﺎﺭﺍﭘﺘﯘ.ﻛﯜﻟﮕﯩﺴﻰ ﻛﻪﭘﺘﯘ. ﻛﯜﻟﯜﭘﺘﯘ. ﻗﻮﺳﺎﻗﻠﯩﺮﯨﻨﻰ ﺗﯘﺗﯘﭖ ﻛﯜﻟﯜﭖ ﻛﯧﺘﯩﭙﺘﯘ. ﻛﯜﻟﮕﯩﻨﯩﺪﯨﻦ ﻛﯚﺯﻟﯩﺮﯨﺪﯨﻦ ﻳﺎﺷﻼﺭ ﭼﯩﻘﯩﭗ ﻛﯧﺘﯩﭙﺘﯘ.
- ﯞﺍﻱ ﺳﻪﻳﭙﻪﻟﻰ  ﺳﯧﻨﻰ ﻧﺎﺩﺍﻥ ﺩﻩﭖ ﺋﻮﻳﻼﻳﺘﺘﯩﻢ.  ﺋﻪﻣﻤﺎ ﺑﯘﻧﭽﯩﻠﯩﻚ ﺋﻪﺧﻤﻪﻗﻠﯩﻘﯩﯖﻨﻰ ﻧﺎﺩﺍﻧﻠﯩﻘﯩﯖﻨﻰ ﺋﻮﻳﻠﯩﻤﺎﭘﺘﯩﻤﻪﻥ. ﺋﻪﻟﻰ ﺳﺎﭘﺎ ﺑﺎﻳﻨﯩﯔ ﻛﯜﺗﻜﯩﻨﻰ ﻣﯘﺷﯘ. ﯞﺍﻱ ﺳﻪﻳﭙﻪﻟﻰ....ﺭﺍﺳﺖ ﺋﯧﻴﺘﯩﯔ ﻗﺎﻧﯘﻧﻐﺎ ﻣﯘﺭﺍﺟﻪﺕ ﻗﯩﻼﻳﻠﻰ....ﺑﯩﺰ ﻗﺎﻧﯘﻥ ﺩﯨﮕﻪﻥ ﺋﯩﺘﻨﯩﯔ ﺋﯜﭼﯩﻴﯩﺪﯨﻦ ﭼﯩﻘﯩﭗ ﺑﻮﻟﻐﯩﭽﻪ ﻳﯧﺰﺍ ﻗﻮﻟﯩﻤﯩﺰﺩﯨﻦ ﭼﯩﻘﯩﭗ ﺑﻮﻟﯩﺪﯗ...ﮬﻪﻱ ﻧﺎﺩﺍﻥ......ﺳﻪﻥ ﺑﯘﻧﺪﺍﻕ ﭘﻪﺳﻜﻪﺷﻠﻪﺭﻧﻰ ﯞﺍﻱ ﯞﺍﻱ ﻳﯧﺰﯨﺴﯩﺪﯨﻼ ﺑﺎﺭ ﺩﻩﭖ ﺋﻮﻳﻼﻣﺴﻪﻥ. ﺋﻪﻧﻘﻪﺭﻩﻧﻰ ﺋﺎﺩﺍﻟﻪﺗﻨﯩﯔ ﻣﺎﻛﺎﻧﻰ ﺩﻩﭖ ﺋﻮﻳﻼﻣﺴﻪﻥ. ﮬﯘ ﻧﺎﺩﺍﻥ ﺋﯩﺸﻪﻙ ! ﻗﺎﭼﺎﻥ ﺳﯘﻧﯩﯔ ﺑﯧﺸﻰ ﻻﻱ ﺑﻮﻟﻤﺎﺳﺘﯩﻦ ﺋﺎﻳﯩﻘﻰ ﻻﻱ ﺑﻮﻟﯘﭖ ﻗﺎﻟﻐﺎﻥ. ﻣﺎﻗﯘﻝ ﻗﯧﻨﻰ ﻣﺎﯓ  ﺳﺎﻗﭽﯩﻐﯩﻤﯘ ﺑﺎﺭﺍﻳﻠﻰ ! ﮬﯚﻛﯜﻣﻪﺗﻜﻪ ﺗﻪﻟﻤﯜﺭﯛﭖ ﻗﺎﻟﻐﺎﻥ ﺑﯘ ﭘﺎﻗﺎﯕﻨﯩﻤﯘ ﺑﯩﺮ ﻗﺎﻧﺪﯗﺭﺍﻳﻠﻰ- ﺩﻩﭘﺘﯘ. ﺋﻮﺳﻤﺎﻥ ﭼﻮﯓ ﺳﻪﻳﭙﻪﻟﻰ ﭘﻪﺭﮬﺎﺕ ﺋﯩﻤﺎﻡ ﺋﯜﭼﯩﺴﻰ ﺳﺎﻗﭽﯩﻐﺎ ﺑﯧﺮﯨﺶ ﺋﯜﭼﯜﻥ ﻳﻮﻟﻐﺎ ﭼﯩﻘﯩﭙﺘﯘ.
  ﭘﻪﺭﮬﺎﺕ ﺋﯩﻤﺎﻡ ﺑﯘ ﻳﯧﺰﯨﻨﯩﯔ ﺋﯩﻤﺎﻣﻰ ﺑﻮﻟﯘﭖ ﺗﯧﮕﻰ ﺑﯘ ﻳﻪﺭﻟﯩﻚ ﺋﻪﻣﻪﺳﻜﻪﻥ. ﺋﯘ ﺭﺍﻣﯩﺰﺍﻥ ﻛﯜﻧﻠﯩﺮﯨﻨﯩﯔ ﺑﯩﺮﯨﺪﻩ ﻣﯘﺭﯨﺴﯩﺪﻩ ﺑﯩﺮ ﺧﺎﻟﺘﯩﻨﻰ ﻛﯚﺗﯜﺭﮔﻪﻥ ﮬﺎﻟﻪﺗﺘﻪ ﺋﺎﻧﺎﯞﺍﺭﺯﺍ ﺗﻪﺭﻩﭘﺘﯩﻦ ﻣﯘﺷﯘ ﻳﯧﺰﯨﻐﺎ ﻛﻪﻟﮕﻪﻥ ﺋﯩﻜﻪﻥ. ﺧﺎﻟﺘﯩﺴﯩﺪﺍ ﻛﯩﻴﯩﻤﻠﯩﺮﯨﺪﯨﻦ ﺑﺎﺷﻘﺎ ﻟﯩﻖ ﻛﯩﺘﺎﭖ ﺑﺎﺭ ﺋﯩﻜﻪﻥ. ﺷﯘ ﻛﯘﻧﻰ ﻳﯧﺰﯨﺪﯨﻜﻰ ﺑﯩﺮ ﺑﻮﺵ ﺋﯚﻳﻨﻰ ﻣﯩﭽﯩﺖ ﻗﯩﻠﯩﭗ ﺩﯨﺨﺎﻧﻼﺭﻧﻰ ﺗﺎﺭﺍﯞﻯ ﻧﺎﻣﯩﺰﯨﻐﺎ ﭼﺎﻗﯩﺮﯨﭙﺘﯘ. ﺷﯘﻧﺪﯨﻦ ﺑﺎﺷﻼﭖ ﻳﯧﺰﯨﻨﯩﯔ ﺋﯩﻤﺎﻣﻰ ﺑﻮﻟﯘﭖ ﻗﺎﭘﺘﯘ.ﻛﯧﻴﯩﻨﭽﻪ ﻳﯧﺰﯨﺪﯨﻜﻰ ﺑﯩﺮ ﻗﯩﺰﻏﺎ ﺋﯚﻳﻠﯩﻨﯩﭗ ﺋﯘﻧﯩﯔ ﻳﯧﺮﯨﻨﻰ ﺗﯧﺮﯨﻐﺎﭺ ﺟﺎﮬﺎﻧﺪﺍﺭﭼﯩﻠﯩﻖ ﻗﯩﻠﯩﺸﻘﺎ ﺑﺎﺷﻼﭘﺘﯘ. ﺑﯜﺩﯛﺭ ﺳﺎﻗﯩﻠﻰ ﻗﯩﺮﻟﯩﻖ ﺑﯘﺭﻧﻰ ﯞﻩ ﻛﯧﻠﯩﺸﻜﻪﻥ ﻗﻪﺩﺩﻯ ﺑﯩﻠﻪﻥ ﻣﯘﻻﻳﯩﻢ ﺗﻪﺑﻠﯩﻐﻰ ﻗﻮﺷﯘﻟﯘﭖ ﺋﯘﻧﻰ ﺩﯨﺨﺎﻧﻼﺭﻧﯩﯔ ﮬﯚﺭﻣﯩﺘﯩﮕﻪ ﺳﺎﺯﺍﯞﻩﺭ ﻗﯩﻠﻐﺎﻥ ﺋﯩﻜﻪﻥ.
  ئﯘﻻﺭ ﺳﺎﻗﭽﻰ ﺋﯩﺪﺍﺭﯨﺴﯩﻐﺎ ﭼﯜﺷﻜﻪ ﻳﯧﻘﯩﻦ ﻳﯧﺘﯩﭗ ﻛﻪﭘﺘﯘ. ﺩﻩﺭﯞﺍﺯﯨﻨﯩﯔ ﺋﯜﺳﺘﯩﺪﻩ ﻳﯧﺮﯨﻤﯩﻐﯩﭽﻪ ﻳﯩﺮﺗﯩﻠﯩﭗ ﻛﻪﺗﻜﻪﻥ ﭘﯚﭘﯜﻛﻠﯩﺮﻯ ﺳﺎﯕﮕﯩﻼﭖ ﺭﻩﯕﮕﻰ ﺋﯚﯕﯜﭖ ﻛﻪﺗﻜﻪﻥ ﺑﺎﻳﺮﺍﻕ ﻣﯩﺪﯨﺮﺍﺷﻤﯘ ﺧﻮﺵ ﻳﺎﻗﻤﯩﻐﺎﻧﺪﻩﻙ ﭘﻮﻟﺪﺍﯕﻼﭖ ﺗﯘﺭﯨﺪﯨﻜﻪﻥ. ﺋﯘﻻﺭ ﻛﯩﺮﯨﺸﺘﯩﻦ ﺋﯩﻠﮕﯩﺮﻯ ﺧﯘﺩﺩﻯ ﺧﻪﻟﭙﻪﺗﻨﯩﯔ ﺋﺎﻟﺪﯨﻐﺎ ﻛﯩﺮﯨﺪﯨﻐﺎﻥ ﺗﺎﻟﯩﭙﺘﻪﻙ ﭼﺎﭘﺎﻧﻠﯩﺮﯨﻨﻰ ﺭﻩﺗﻠﯩﺸﯩﭗ ﺗﯜﮔﻤﯩﻠﯩﺮﯨﻨﻰ ﺗﻮﻟﯘﻕ ﺋﯧﺘﯩﭙﺘﯘ. ﺋﯩﺸﺨﺎﻧﯩﺪﺍ ﻳﺎﻟﻐﯘﺯ ﺑﯩﺮ ﺳﺎﻗﭽﻰ ﺋﯜﺭﮔﯩﺪﻩﭖ ﺋﻮﻟﺘﯘﺭﻏﺎﻥ ﺋﯩﻜﻪﻥ. ﺋﯘﻧﯩﯖﺪﯨﻦ ﭼﺎﯞﯗﺵ(ﺳﺎﻗﭽﻰ ﺑﺎﺷﻠﯩﻐﻰ)ﻧﻰ ﺳﻮﺭﺍﭘﺘﯘ. ﺳﺎﻗﭽﻰ ﭘﯜﺭﻟﯩﺸﯩﭗ ﻛﻪﺗﻜﻪﻥ ﻛﯚﺯﻟﯩﺮﯨﻨﻰ ﺋﺎﺭﺍﻥ ﺋﯧﭽﯩﭗ ﻛﺎﻟﭙﯘﻛﯩﻨﻰ ﻣﯩﺪﯨﺮﺗﯩﺸﻤﯘ ﺧﻮﺵ ﻳﺎﻗﻤﺎﻱ ﺧﯘﺩﺩﻯ ﺑﻮﻏﯘﺯﯨﺪﯨﻦ ﭼﯩﻘﺎﺭﻏﺎﻧﺪﻩﻙ.
  - ﭼﺎﯞﯗﺵ ﻳﻮﻕ- . ﺩﻩﭖ ﺟﺎﯞﺍﭖ ﺑﯧﺮﯨﭙﺘﯘ.  ﺋﯘﻧﯩﯔ ﺋﯧﻴﺘﯩﺸﯩﭽﻪ ﺋﺎﺧﺸﺎﻡ ﻗﺎﺭﺍﻗﭽﯩﻼﺭ ﺑﯩﻠﻪﻥ ﺑﻮﻟﻐﺎﻥ ﺟﻪﯕﺪﻩ ﭼﺎﯞﯗﺷﻘﺎ ﺋﻮﻕ ﺗﻪﮔﻜﻪﭼﻜﻪ ﺟﯩﺪﺩﻯ ﺩﺍﯞﺍﻟﯩﻨﯩﯟﺍﺗﻘﺎﻧﻠﯩﻘﯩﻨﻰ ﺋﯧﻴﺘﯩﭙﺘﯘ. ﺋﻮﺳﻤﺎﻥ ﭼﻮﯓ ﻛﺎﻟﭙﯘﻛﯩﻨﻰ ﺋﺎﺟﺮﺍﺗﻤﺎﻱ ﻛﯜﻟﯩﯟﯦﺘﯩﭙﺘﯘ. ﭼﯩﺪﯨﻴﺎﻟﻤﺎﭘﺘﯘ. ﭼﺎﻧﺪﯗﺭﻣﺎﺳﻠﯩﻖ ﺋﯜﭼﯜﻥ.
  - ﭘﯘﻗﺮﺍﻻﺭﻧﯩﯔ ﺋﺎﻣﺎﻧﻠﯩﻘﻰ ﺋﯜﭼﯜﻥ ﻳﺎﺭﯨﺪﺍﺭ ﺑﻮﻟﻐﺎﻥ ﺑﺎﺷﻠﯩﻘﻨﯩﯔ ﻳﺎﺭﯨﺴﻰ ﺗﯧﺰﺭﺍﻕ ﺋﻪﺳﻠﯩﮕﻪ ﻛﻪﻟﺴﯘﻥ-ﺩﻩﭖ ﺩﯗﺋﺎ ﻗﯩﭙﺘﯘ. ﺩﯗﺋﺎ ﻗﯩﻠﻐﺎﻥ ﺑﻮﻟﯘﭖ ﻗﯩﺴﺘﺎﭖ ﻛﻪﺗﻜﻪﻥ ﻛﯜﻟﻜﯩﻨﻰ ﺑﻮﺷﯩﺘﯩﯟﺍﭘﺘﯘ. ﮬﯧﻠﯩﻘﻰ ﺳﺎﻗﭽﯩﺪﯨﻦ "ﭼﺎﯞﯗﺷﻨﯩﯔ ﻧﻪﺭﯨﮕﻪ ﺋﻮﻕ ﺗﯧﮕﯩﭙﺘﯘ " ﺩﻩﭖ ﺳﻮﺭﺍﭘﺘﯘ. ﺳﺎﻗﭽﻰ "ﺋﯩﭙﻼﺳﻨﯩﯔ ﺋﻮﻗﻰ ﭼﺎﯞﯗﺷﻨﯩﯔ ﺗﯩﺰ ﻟﯩﭙﯩﮕﯩﻨﻰ ﭼﯧﻘﯩﯟﯦﺘﯩﭙﺘﯘ." ﺩﻩﭘﺘﯘ.
  ﺋﻮﺳﻤﺎﻥ ﭼﻮﯓ" ﻳﺎﻣﺎﻥ ﺑﻮﭘﺘﯘ" ﺩﻩﭘﺘﯘ. ﺋﺎﻧﺪﯨﻦ "ﺑﯩﺰ ﻧﺎﮬﯩﻴﯩﮕﻪ ﮬﺎﻛﯩﻤﻨﯩﯔ ﺋﺎﻟﺪﯨﻐﺎ ﺑﺎﺭﺍﻳﻠﻰ-ﮬﻪ ﺳﻪﻳﭙﻪﻟﻰ " ﺩﻩﭘﺘﯘ. ﺳﻪﻳﭙﻪﻟﻰ ﺗﻪﻧﯩﻨﻰ ﭼﯜﺷﻪﻧﻤﻪﭘﺘﯘ. ﺋﯘﻻﺭ ﺷﻪﮬﻪﺭﮔﻪ ﻛﯩﺮﯨﭙﺘﯘ. ﮬﺎﻛﯩﻤﻨﻰ ﺋﯩﺪﺍﺭﯨﺴﯩﺪﯨﻦ ﺗﺎﭘﺎﻟﻤﺎﭘﺘﯘ. ﮬﺎﻛﯩﻢ ﺗﯚﯞﻩﻧﮕﻪ ﺧﯩﺰﻣﻪﺗﻠﻪﺭﻧﻰ ﺗﻪﻛﺸﯜﺭﮔﯩﻠﻰ ﻛﻪﺗﻜﻪﻥ ﺋﯩﻜﻪﻥ. ﺋﯘﻻﺭ ﺋﻪﻧﻘﻪﺭﻩﮔﻪ ﻣﯘﺳﺘﺎﭘﺎ ﻛﺎﻣﺎﻟﻐﺎ ﺗﯧﻠﮕﯩﺮﺍﻣﻤﺎ ﻳﯧﺰﯨﺶ ﺋﯜﭼﯜﻥ. ﺧﻪﺗﺘﺎﺗﻘﺎ ﺑﯧﺮﯨﭙﺘﯘ. ﻳﺎﻧﭽﯘﻗﻠﯩﺮﯨﻨﻰ ﻛﻮﻟﯩﺸﯩﭗ ﺗﻪﯕﮕﻪ ﺗﻮﭘﻼﭖ ﺗﯧﻠﮕﯩﺮﺍﻣﻤﺎ ﻳﺎﺯﺩﯗﺭﯗﭘﺘﯘ. ﺗﯧﻠﮕﯩﺮﺍﻣﻤﯩﻐﺎ ﺋﻮﺳﻤﺎﻥ ﭼﻮﯓ "ﻣﻪﻥ ﺩﯨﮕﻪﻧﻨﻰ ﻳﺎﺯﺳﯘﻥ" ﺩﻩﭘﺘﯘ. ﺑﯘ ﺋﺎﻟﺠﯩﻐﺎﻥ ﻗﯧﺮﻯ ﺷﯘﻧﺪﺍﻕ ﺳﯚﺯﻟﻪﺭﻧﻰ ﺩﻩﭘﺘﯘ.
   - ﺋﻪﻱ ﺗﯜﺭﻛﻠﻪﺭﻧﯩﯔ ﺋﺎﺗﯩﺴﻰ ﻏﺎﺯﻯ ﻣﯘﺳﺘﺎﭘﺎ ﻛﺎﻣﺎﻝ!  ﺳﻪﻥ ﯞﻩﺗﻪﻧﻨﻰ ﻧﯩﻤﻪ ﺩﻩﭖ ﻗﯘﺗﻘﯘﺯﻏﺎﻥ ﺋﯩﺪﯨﯔ ﺳﺎﻗﭽﯩﻠﯩﺮﯨﻢ ﮊﺍﻧﺪﺍﺭﻣﯩﻠﯩﺮﯨﻢ ﺋﻪﻣﻪﻟﺪﺍﺭﻟﯩﺮﯨﻢ ﮬﻪﺭ ﻛﯧﭽﯩﺴﻰ ﺧﻪﻟﻘﯩﻤﻨﻰ ﺋﻮﻗﻘﺎ ﺗﯘﺗﺴﯘﻥ. ﻏﯘﺭﯗﺭﯨﻨﻰ ﺋﺎﻳﺎﻕ-ﺋﺎﺳﺘﻰ ﻗﯩﻠﺴﯘﻥ ﺩﻩﭖ ﺋﺎﺯﺍﺕ ﻗﯩﻠﻐﺎﻧﻤﯩﺪﯨﯔ. ﻳﻪﺭﻟﯩﺮﯨﻨﻰ ﺗﺎﺭﺗﯩﯟﺍﻟﺴﯘﻥ. ﻳﺎﻕ ﺩﯨﮕﻪﻧﻠﻪﺭﻧﯩﯔ ﭘﯧﻴﯩﻨﻰ ﻗﯩﺮﻗﯩﯟﻩﺗﺴﯘﻥ ﺩﻩﭖ ﻗﯘﺗﻘﯘﺯﻏﺎﻧﻤﯩﺪﯨﯔ !  ﮔﻪﭘﻨﻰ ﺋﻮﭼﯘﻕ ﻗﯩﻞ ! ﺧﻪﻟﯩﻘﻨﯩﯔ ﮬﺎﻛﯩﻤﯩﻴﯩﺘﻰ ﺩﻩﻳﺴﻪﻥ. ﺋﻪﻣﻤﺎ ﮬﺎﻛﯩﻤﯩﻴﻪﺗﻨﻰ ﺋﯧﻠﯩﺸﺘﺎ ﺳﺎﯕﺎ ﻳﺎﺭﺩﻩﻡ ﻗﯩﻠﻐﺎﻥ ﺋﻪﺷﯘ ﺧﻪﻟﯩﻘﻨﻰ ﻛﯚﺯﮔﻪ ﺋﯩﻠﻤﺎﻳﺴﻪﻥ ﭘﺎﺭﺗﯩﻴﻪﻳﯩﯖﮕﻪ ﺋﻪﺯﺍ ﻗﯩﻠﯩﯟﺍﻟﻐﺎﻥ ﭼﺎﯞﯗﺷﻠﯩﺮﯨﯖﻨﻰ ﻣﯩﻠﻠﻪﺕ ﻗﯘﺭﯗﻟﺘﯩﻴﯩﻨﯩﯔ ﯞﻩﻛﯩﻠﻠﯩﺮﻯ ﺳﺎﻳﻠﯩﯟﺍﻟﻐﺎﻥ ﺋﻪﻣﻪﻟﺪﺍﺭﻟﯩﺮﯨﯖﻨﻰ ﺗﻪﺭﻩﻗﯩﻴﺎﺕ ﺋﺎﯞﺍﻧﮕﺎﺭﺗﻠﯩﺮﻯ ﺩﻩﯞﺍﻟﻐﺎﻥ ﻗﯩﺰﯨﻞ ﻛﯚﺯ ﺳﻮﺩﯨﮕﻪﺭ- ﺑﺎﻳﻠﯩﺮﯨﯖﻨﻰ ﺑﯩﺰﮔﻪ ﺳﺎﻟﯩﺴﻪﻥ. ﺧﯘﺩﺩﻯ ﺋﯩﺘﻘﺎ ﺗﺎﻻﺗﻘﺎﻧﺪﻩﻙ ﺗﺎﻟﯩﺘﯩﺴﻪﻥ.  ﻳﻪﻧﻪ ﻧﯩﻤﻪ ﺋﯜﭼﯜﻥ ﺧﻪﻟﯩﻘﻨﯩﯔ ﺩﯙﻟﯩﺘﻰ ﺩﻩﭖ ﺑﯩﺰﻧﻰ ﺋﺎﻟﺪﺍﻳﺴﻪﻥ ! – ﺑﻮﯞﺍﻱ ﺗﯩﺘﺮﻩﻳﺪﯨﻜﻪﻥ. ﺟﺎﻻﻗﻼﭖ ﺗﯩﺘﺮﻩﻳﺪﯨﻜﻪﻥ. ﺧﻪﺗﺘﺎﺕ ﺑﯩﻠﻪﻥ ﺳﻪﻳﭙﻪﻟﻰ ﭘﻪﺭﮬﺎﺕ ﺋﯩﻤﺎﻣﻼﺭ ﺋﯘﻧﯩﯖﻐﺎ ﻗﺎﺭﺍﭘﻼ ﻗﺎﭘﺘﯘ.

- ﺳﻪﻥ ﺑﯩﻠﻪﻥ ﺑﯩﺰ ﺑﯩﺮﻟﯩﻜﺘﻪ ﻧﻪﭼﭽﯩﻠﯩﮕﻪﻥ ﺩﯙﻟﻪﺕ ﺑﯩﻠﻪﻥ ﺋﯘﺭﯗﺷﺘﯘﻕ. ﮬﻪﻣﻤﯩﻨﻰ ﻳﻪﯕﺪﯗﻕ. ﺋﯘ ﺟﻪﯕﻠﻪﺭﻧﻰ ﻳﺎﻟﻐﯘﺯ ﺳﻪﻧﻼ ﻗﯩﻠﻤﯩﻐﺎﻥ. ﭘﺎﺭﺗﯩﻴﻪﻳﯩﯖﺪﯨﻜﻰ ﺗﯚﺕ ﺗﺎﻝ ﺋﺎﺩﯨﻤﯩﯔ ﺑﯩﻠﻪﻥ ﺟﻪﯓ ﻗﯩﻼﻻﻣﺘﯩﯔ ﺑﯩﺰﻣﯘ ﺑﻮﻟﻐﺎﭼﻘﺎ ﻳﻪﯕﮕﻪﻥ ﺋﯩﺪﯨﯔ.  ﺋﻪﻣﻤﺎ ﺑﯜﮔﯜﻧﻜﻰ ﺑﯘ ﺟﻪﯕﺪﻩ ﺳﻪﻥ ﺑﺎﺭﻣﯘ ﻳﺎﻛﻰ ﺋﯚﺯﯨﻤﯩﺰ ﻳﺎﻟﻐﯘﺯﻣﯘ ! ﺋﻪﺟﻪﺑﺎ ﭘﻪﺭﻩﯕﻠﻪﺭﻧﻰ ﻳﻪﯕﮕﻪﻥ ﻏﺎﺯﻯ ﻣﯘﺳﺘﺎﭘﺎ ﻣﯘﺷﯘ ﺋﻪﻣﻪﻟﺪﺍﺭﻻﺭﻧﻰ ﻳﯧﯖﻪﻟﻤﻪﻣﺪﯗ ! ....- ﺋﻮﺳﻤﺎﻥ ﭼﻮﯕﻨﻰ ﺗﯘﺗﯩﯟﺍﭘﺘﯘ. ﺗﯩﺘﺮﻩﭖ ﺗﯘﺭﯨﺪﯨﻜﻪﻥ. ﺗﻪﺭﻟﻪﭖ ﻛﯧﺘﯩﭙﺘﯘ.  ﺋﻪﻧﻘﻪﺭﻩﮔﻪ ﺋﯘﻧﺪﺍﻕ ﺗﯧﻠﮕﯩﺮﺍﻣﻤﺎ ﻳﺎﺯﺳﺎ ﺑﻮﻟﻤﺎﻳﺪﯨﻜﻪﻥ. ﻛﺎﻣﺎﻝ ﭘﺎﺷﺎ ﺧﺎﭘﺎ ﺑﻮﻟﯩﺪﯨﻜﻪﻥ. ﺧﻪﺗﺎﺗﻘﯩﻤﯘ ﺑﺎﻻﺳﻰ ﺗﯧﮕﯩﺪﯨﻜﻪﻥ. ﺋﻮﺳﻤﺎﻥ ﭼﻮﯓ .

- ﺳﻪﻥ ﺋﯩﻤﺰﺍ ﻗﻮﻳﻤﯩﻐﺎﻧﺪﯨﻜﯩﻦ. ﻧﯩﻤﯩﺪﯨﻦ ﻗﻮﺭﻗﯩﺴﻪﻥ ﻣﺎﻧﺎ ﻣﻪﻥ ﺋﯩﻤﺰﺍ ﻗﻮﻳﯩﻤﻪﻥ – ﺩﻩﭘﺘﯘ. ﺧﻪﺗﺘﺎﺕ.

- ﺋﯩﻤﺰﺍ ﻗﻮﻳﻤﯩﺴﺎﻣﻤﯘ ﺧﻪﺗﻨﯩﯔ ﻧﯘﺳﺨﯩﺴﯩﻐﺎ ﻗﺎﺭﺍﭖ ﻧﻪﺩﯨﻦ ﺑﻮﻟﻤﯩﺴﯘﻥ ﺗﺎﭘﯩﺪﯗ. ﺳﯩﻠﻪﺭ ﺑﯩﻠﻪﻥ ﺑﯩﺮ ﭼﯩﻨﺎ ﭼﺎﻱ ﺋﯩﭽﯩﭗ ﺑﺎﻗﻤﯩﻐﺎﻥ ﺑﻮﻟﺴﺎﻣﻤﯘ ﮬﺎﻛﯩﻤﯩﻴﻪﺗﻨﻰ ﺋﺎﻏﺪﯗﺭﯗﺷﻘﺎ ﺋﯘﺭﯗﻧﯘﺵ ﺟﯩﻨﺎﻳﯩﺘﯩﻨﻰ ﻳﯜﻛﻠﻪﻳﺪﯗ. ﺗﯧﻨﭻ ﺑﺎﻟﯩﻠﯩﺮﯨﻤﻨﻰ ﺑﺎﻗﻘﯩﻠﻰ ﻗﻮﻳﯘﯕﻼﺭ-ﺩﻩﭘﺘﯘ. ﺋﻮﺳﻤﺎﻥ ﭼﻮﯓ ﭘﯧﺸﯩﻨﻰ ﻗﯧﻘﯩﭗ ﻛﯧﺘﯩﭙﺘﯘ. ﺋﺎﺧﯩﺮﺩﺍ ﺧﻪﺗﺘﺎﺕ ﺋﯚﺯﻯ ﺑﯩﻠﯩﭗ ﻳﺎﺯﻣﺎﻗﭽﻰ ﺑﻮﻟﯘﭘﺘﯘ.

ﺋﯜﭼﻪﻳﻠﻪﻥ ﻳﻮﻟﺪﺍ ﺋﯩﻠﮕﯩﺮﻯ-ﻛﯧﻴﯩﻦ ﻣﯧﯖﯩﺸﯩﭗ ﻳﯧﺰﯨﻐﺎ ﻗﺎﻳﺘﯩﭙﺘﯘ.

ﻳﻮﻟﺪﺍ ﺋﻮﺳﻤﺎﻥ ﭼﻮﯓ ﺋﯘﻻﺭﻏﺎ.

- ﻛﯚﺭﺩﯛﯕﻼﺭﻣﯘ ﺳﺎﻗﭽﯩﻐﯩﻤﯘ ﺑﺎﺭﺩﯨﯖﻼﺭ ﮬﺎﻛﯩﻤﻨﯩﻤﯘ ﺋﯩﺰﺩﯨﺪﯨﯖﻠﻪﺭ . ﻛﺎﻣﺎﻝ ﭘﺎﺷﺎﻏﯩﻤﯘ ﺗﯧﻠﮕﯩﺮﺍﻣﻤﺎ ﺳﻮﻗﺘﯩﯖﻼﺭ. ﮬﻪﻱ ﺳﻪﻳﭙﻪﻟﻰ ﺧﯩﻴﺎﻟﯩﯖﺪﺍ ﻗﺎﻧﯘﻧﻐﺎ ﺑﺎﺭﺳﺎﻕ "ﺋﺎﻝ ﭘﯩﭽﺎﻗﻨﻰ ﻛﻪﺱ ﭼﻮﭼﺎﻕ"ﻧﻰ ﺩﯨﮕﻪﻧﺪﻩﻙ ﺋﻪﻟﻰ ﺳﺎﭘﺎﻧﯩﯔ ﺋﻪﺩﯨﯟﯨﻨﻰ ﺑﯧﺮﯨﺪﯗ ﺩﻩﭖ ﺋﻮﻳﻠﯩﻐﺎﻧﻤﯘ ﮬﻪﻱ ﻧﺎﺩﺍﻥ ﭼﺎﯞﯗﺷﻨﻰ ﻛﯩﻤﻨﯩﯔ ﺋﺎﺗﻘﺎﻧﻠﯩﻘﯩﻨﻰ ﺑﯩﻠﻪﻣﺴﻪﻥ ﺷﯘ ﻛﯧﭽﯩﺴﻰ ﻣﻪﻥ ﺋﺎﺗﺘﯩﻢ. ﻗﯧﺮﻯ ﺟﯧﻨﯩﻢ ﺑﯩﻠﻪﻥ ﭼﯩﻘﯩﭗ ﺋﺎﺗﺘﯩﻢ. ﺳﻪﻥ ﻛﯧﭽﯩﺪﯨﻜﻰ ﺑﯘﻻﯕﭽﯩﻨﯩﯔ ﺋﺎﻟﺪﯨﻐﺎ ﻛﯜﻧﺪﯛﺯﻯ ﺋﻪﺭﺯ ﻗﯩﻠﯩﭗ ﺑﺎﺭﺩﯨﯖﻤﺎ !  ﺗﯜﻓﯩﻲ! ﭼﺎﯞﯗﺷﯩﯖﻐﺎ ﮬﺎﻛﯩﻤﯩﯖﻐﺎ ﭘﺎﺷﺎﻳﯩﯖﻐﺎ ﮬﻪﻣﻤﯩﺴﻰ ﺑﯩﺮ ﭘﯩﭽﺎﻕ ﮬﻪﻣﻤﯩﺴﻰ ﺑﯩﺮ ﭼﻮﭼﺎﻕ ! ﺋﯚﺯﯨﻨﻰ ﻛﯧﺴﻪﻣﺪﯗ ﺩﻩﭖ ﺑﺎﻗﻪ !   ﻗﺎﭼﺎﻧﯩﻜﻰ ﭘﯩﭽﺎﻗﻨﯩﯔ ﺋﯩﮕﯩﺴﻰ ﻣﻮﻟﻼ ﺑﻮﻟﺴﺎ ﭼﻮﭼﺎﻗﻨﯩﯔ ﺋﯩﮕﯩﺴﻰ ﺑﺎﻻ ﺑﻮﻟﺴﺎ ﺋﺎﻧﺪﯨﻦ ﻛﯧﺴﯩﺪﯗ. ﻗﺎﭼﻘﯩﻨﻰ ﻗﯧﭽﯩﯟﺍﺗﯩﺪﯗ. ﻳﺎﺗﻘﯩﻨﻰ ﺗﻪﻟﻪﻱ ﺳﯩﻨﺎﯞﺍﺗﯩﺪﯗ. ﮬﻪﻣﻤﯩﻤﯩﺰ ﻣﻪﻧﺪﻩﻙ ﺑﺎﺳﺘﯘﺭﯗﭖ ﻛﻪﻟﮕﻪﻧﻨﻰ ﺋﯧﺘﯩﭗ ﺑﺎﻗﺎﻳﻠﻰ. ﻗﺎﻧﺪﺍﻕ ﻧﻮﭼﯩﻜﻪﻥ ﺋﯘ ﻳﻪﻧﻪ ﺑﻮﺯﻩﻙ ﻗﯩﻠﯩﺪﯨﻐﺎﻥ-. ﭘﻪﺭﮬﺎﺕ ﺋﯩﻤﺎﻡ ﺑﯩﻠﻪﻥ ﺳﻪﻳﭙﻪﻟﻰ ﭼﯚﭼﯜﭖ ﻛﯧﺘﯩﭙﺘﯘ. ﭼﯩﺮﺍﻳﯩﻐﺎ ﺳﺎﻏﯘﭺ ﮬﻮﺩﻭﻗﯘﺷﺘﯩﻦ ﻛﯧﻴﯩﻦ ﺑﯩﺮ ﻗﯩﺰﯨﻠﻠﯩﻖ ﺑﯩﺮ ﺧﻮﺷﻠﯘﻕ ﻳﺎﻣﯩﺸﯩﭙﺘﯘ.

- ﺭﺍﺳﺘﯩﻨﻼ ﺳﻪﻧﻤﯩﺪﯨﯔ ﮬﻪﻱ ﺋﻮﺳﻤﺎﻥ ﺷﯘ ﺋﯩﺸﻨﻰ ﺳﻪﻥ ﻗﯩﻠﻐﺎﻧﻤﯩﺪﯨﯔ - ﻗﻮﻟﻠﯩﺮﯨﻐﺎ ﺋﯧﺴﯩﻠﯩﭙﺘﯘ. ﺷﻪﮬﻪﺭﺩﯨﻦ ﻗﺎﻳﺘﻘﺎﻧﺪﯨﻜﻰ ﮔﺎﺭﺍﯕﻠﯩﻖ ﺧﺎﻣﯘﺷﻠﯘﻗﻨﯩﯔ ﺋﻮﺭﻧﯩﻨﻰ ﺑﯩﺮ ﺟﯘﺷﻘﯘﻧﻠﯘﻕ ﺋﯩﮕﻪﻟﻠﻪﭘﺘﯘ. ﺋﻮﺳﻤﺎﻥ ﭼﻮﯓ ﮬﻪﻣﺮﺍﮬﻠﯩﺮﯨﻨﯩﯔ ﺧﻮﺷﻠﯩﻘﯩﻐﺎ ﻗﺎﺭﺍﭖ ﺗﯧﺨﯩﻤﯘ ﺧﻮﺵ ﻗﯩﻠﯩﯟﻩﺗﻜﯜﺳﻰ ﻛﻪﭘﺘﯘ. ﻣﻪﻣﻪﺕ ﺋﺎﯞﺍﻗﻨﯩﯔ ﺋﯚﻳﯩﺪﻩ ﺋﯩﻜﻪﻧﻠﯩﻜﯩﻨﻰ ﺋﯧﻴﺘﺎﻱ ﺩﻩﭘﺘﯘ. ﺋﻪﻣﻤﺎ ﺗﻮﺧﺘﺎﭖ ﻗﺎﭘﺘﯘ. "ﺑﻮﻟﺪﻯ ﺷﯘﻣﯘ ﻳﯧﺘﻪﺭ ﺋﯩﻨﺴﺎﻥ ﺑﺎﻟﯩﺴﻰ ﮬﻪﺭﻧﯩﻤﻪ ﺩﻩﭖ ﺑﻮﻟﻤﺎﻳﺪﯗ" ﺩﻩﭖ ﺋﻮﻳﻼﭖ ﺗﻮﺧﺘﺎﭖ ﻗﺎﭘﺘﯘ.

- ﭘﻪﺭﯞﻩﺭﺩﯨﮕﺎﺭ ﺑﻪﻧﺪﯨﻠﯩﺮﯨﻨﻰ ﺗﺎﺷﻠﯩﯟﻩﺗﻤﻪﻳﺪﯗ. ﺑﯩﺰﮔﯩﻤﯘ ﺑﯩﺮ ﻳﯚﻟﻪﻧﭽﯜﻙ ﺋﯧﯟﻩﺗﯩﺪﯗ. ﻗﻮﺭﻗﻤﺎﻳﻠﻰ. ﻗﻮﺭﻗﻘﺎﻧﭽﻪ ﺋﻪﻟﻰ ﺳﺎﭘﺎ ﺧﻮﺵ ﺑﻮﻟﯩﺪﯗ. ﺋﻪﺭﺯ ﻗﯩﻠﯩﻤﯩﺰ ﺩﻩﭖ ﺋﺎﯞﺍﺭﻩ ﺑﻮﻟﻤﺎﻳﻠﻰ. ﺋﻪﻟﻰ ﺳﺎﭘﺎ ﺑﯩﺰﻧﯩﯔ ﺑﺎﺷﻘﺎ ﺋﯩﺶ ﻗﯩﻠﻤﺎﻱ ﺋﻪﺭﺯ ﻗﯩﻠﯩﺸﯩﻤﯩﺰﻧﻰ ﺧﺎﻻﻳﺪﯗ. ﺋﯜﻣﯜﺕ ﻗﯩﻠﯩﺪﯗ. ﺑﯩﺰ ﺋﯘﻧﯩﯔ ﺋﯜﻣﯜﺩﯨﻨﻰ ﺋﺎﻗﻼﯞﺍﺗﯩﻤﯩﺰ. ﺋﯘ ﺑﺎﺷﻠﯩﻐﺎﻥ ﻗﺎﻧﯘﻥ ﺩﯨﮕﻪﻥ ﺋﯩﺖ ﺋﯜﭼﯩﻴﯩﮕﻪ ﻛﯩﺮﯨﯟﺍﺗﯩﻤﯩﺰ. ﺷﯘﻧﺪﺍﻕ ﺑﯩﺮ ﺋﺎﺩﻩﻡ ﺑﺎﺭ. ﺋﯚﺯﻯ ﻛﯩﭽﯩﻜﻜﯩﻨﻪ ﺑﻮﻟﺴﯩﻤﯘ ﻣﯩﯖﻼﭖ ﺋﺎﺭﻣﯩﻴﯩﻨﻰ ﺳﺎﻗﭽﯩﻨﻰ ﻗﻮﺭﻗﯘﺗﯘﭖ ﺋﯚﺗﯩﻨﻰ ﺗﺎﺷﺘﯘﺭﯨﯟﻩﺗﺘﻰ. ﺋﯘ ﺑﯩﺮ ﺟﯧﻨﻰ ﺑﯩﻠﻪﻥ ﺷﯘﻻﺭﻧﻰ ﻗﯩﻼﻟﯩﺪﻯ. ﻳﯧﺰﯨﻤﯩﺰﺩﺍ ﻣﯩﯔ ﺟﺎﻥ ﺑﺎﺭ. ﺑﯩﺰﻣﯘ ﺷﯘﻧﯩﯖﺪﻩﻙ ﺑﻮﻟﯘﭖ ﺑﺎﻗﺎﻳﻠﻰ ﺋﻪﻟﻰ ﺳﺎﭘﺎ ﻧﻤﻪ ﻗﯩﻼﻻﻳﺪﯨﻜﯩﻦ. ﻳﯧﺰﯨﺪﯨﻦ ﯞﺍﺯ ﻛﯧﭽﯩﺪﯗ.....

ﺋﯩﻜﻜﻰ ﮬﻪﻣﺮﺍﮬﻰ ﺋﻮﺳﻤﺎﻥ ﭼﻮﯕﻨﯩﯔ ﺳﯚﺯﻟﯩﺮﯨﮕﻪ ﻗﯘﻻﻕ ﺳﺎﭘﺘﯘ. ﺋﯩﻠﮕﯩﺮﻯ ﺋﯘ ﺳﯚﺯﻟﯩﮕﻪﻧﺪﻩ ﻛﯚﺯﯨﻨﯩﯔ ﺋﯘﭼﯩﺪﺍ ﻗﺎﺭﺍﻳﺪﯨﻜﻪﻧﺪﯗﻕ. ﺋﻪﻣﺪﻯ ﻧﺎﮬﺎﻳﯩﺘﻰ ﺋﯩﺨﻼﺱ ﺑﯩﻠﻪﻥ ﻗﯘﻻﻕ ﺳﺎﭘﺘﯘ. "ﺋﻮﺳﻤﺎﻥ ﺭﺍﺳﺖ ﺋﯧﻴﺘﯩﯔ" ﺩﯨﻴﯩﺸﯩﭙﺘﯘ. "ﻧﯩﻤﯩﺸﻘﯩﻤﯘ ﻛﯚﻛﯩﺮﯨﭗ ﺗﯘﺭﯗﺷﺘﯩﻦ ﺑﺎﺷﻘﺎ ﺋﯩﺶ ﻗﯩﻠﻤﯩﻐﺎﻧﺪﯨﻤﯩﺰ" ﺩﯨﻴﯩﺸﯩﭙﺘﯘ. ﺋﻮﺳﻤﺎﻥ ﭼﻮﯓ ﺋﯘﻻﺭﻏﺎ.

- ﻛﻪﺗﻜﻪﻧﻠﻪﺭﻧﻰ ﻗﺎﻳﺘﯘﺭﯗﭖ ﻛﯧﻠﻪﻳﻠﻰ. ﺋﯘﻻﺭ ﺳﺎﺭﯨﭽﺎﻣﻐﯩﻤﯘ ﺗﻮﻳﻐﺎﻧﺪﯗ. ﺷﻮﺭ ﺑﯧﺴﯩﭗ ﻛﻪﺗﻜﻪﻥ ﺳﺎﻳﻠﯩﻘﻘﯩﻤﯘ ﺗﻮﻳﻐﺎﻧﺪﯗ. ﺋﺎﺗﺎ-ﺑﻮﯞﯨﺴﯩﻨﯩﯔ ﺟﺎﻳﻰ ﻛﯚﺯﯨﮕﻪ ﻛﯚﺭﯛﻧﮕﻪﻧﺪﯗ – ﺩﻩﭘﺘﯘ. ﮬﻪﻣﺮﺍﮬﻠﯩﺮﻯ "ﺷﯘﻧﺪﺍﻕ ﻗﯩﻼﻳﻠﻰ" ﺩﯨﻴﯩﺸﯩﭙﺘﯘ. ﻧﺎﺭﻟﻰ ﻗﯩﺸﻼﻗﻘﺎ ﻳﯧﺰﯨﺪﯨﻦ ﻛﻪﺗﻜﻪﻧﻠﻪﺭﻧﻰ ﻗﺎﻳﺘﯘﺭﯗﭖ ﻛﯧﻠﯩﺸﻜﻪ ﻣﯧﯖﯩﭙﺘﯘ. ﺋﻮﺳﻤﺎﻥ ﭼﻮﯓ ﺳﺎﺭﯨﭽﺎﻣﻐﺎ ﻛﯧﺘﯩﯟﯦﺘﯩﭗ ﺳﻪﻳﭙﻪﻟﯩﻨﯩﯔ ﭘﻪﺭﮬﺎﺕ ﺋﯩﻤﺎﻣﻨﯩﯔ ﭼﯩﺮﺍﻳﯩﻐﺎ ﺗﻮﺧﺘﯩﻤﺎﻱ ﻗﺎﺭﺍﻳﺪﯨﻜﻪﻥ. ﺋﯘﻻﺭﻧﯩﯔ ﭼﯩﺮﺍﻳﯩﺪﺍ  ﻳﻮﻗﺎﻟﻤﯩﻐﺎﻥ ﻧﺎﮬﺎﻳﯩﺘﻰ ﺳﯘﺱ ﻏﻪﺷﻠﯩﻜﻨﯩﯔ ﺳﺎﻳﯩﺴﯩﻤﯘ ﺑﺎﺭ ﺋﯩﻜﻪﻥ. ﺋﻪﻣﻤﺎ ﻗﻪﺩﻩﻣﻠﯩﺮﻯ ﻛﯜﭼﻠﯜﻛﻜﻪﻥ. ﻗﺎﻧﺪﺍﻗﻼ ﺑﻮﻟﻤﯩﺴﯘﻥ ﺑﯘﺭﯗﻧﻘﯩﺪﯨﻦ ﻏﻪﻳﺮﻩﺗﻠﯩﻜﻜﻪﻥ. ﭼﺎﯞﯗﺷﻨﻰ ﺋﻮﺳﻤﺎﻥ ﭼﻮﯕﻨﯩﯔ ﺋﯧﺘﯩﯟﻩﺗﻠﯩﻜﻰ ﺋﯘﻻﺭﻏﺎ ﺑﻪﻛﻼ ﺗﻪﺳﯩﺮ ﻗﯩﭙﺘﯘ. "ﺗﻮﯞﯞﺍ ! ﮬﻪﻱ ﻗﯧﺮﻯ ﺷﯘ ﺟﯧﻨﯩﯔ ﺑﯩﻠﻪﻥ-ﮬﻪ."  ﺩﻩﭖ ﺋﻪﺟﻪﭘﻠﯩﻨﯩﺪﯨﻜﻪﻥ. ﭘﯜﺗﯜﻥ ﺑﻪﺩﯨﻨﻰ ﺷﯘﻧﺪﺍﻕ ﺋﻪﺟﻪﭘﻠﯩﻨﯩﺶ ﺑﯩﻠﻪﻥ ﻗﯩﻤﯩﺮﻻﻳﺪﯨﻜﻪﻥ. ﻗﺎﺷﻠﯩﺮﻯ ﺗﯘﺭﯗﭖ-ﺗﯘﺭﯗﭘﻼ ﻟﯩﻜﯩﻠﺪﺍﻳﺪﯨﻜﻪﻥ. ﺑﯩﺮ ﺋﺎﺳﻤﺎﻧﻐﺎ ﺑﯩﺮ ﺋﻪﺗﺮﺍﭘﻘﺎ ﺗﯘﺭﯗﭘﻼ ﺋﻮﺳﻤﺎﻥ ﭼﻮﯕﻐﺎ ﻗﺎﺭﺍﭖ ﻗﻮﻳﯩﺪﯨﻜﻪﻥ. ﺋﻮﺳﻤﺎﻥ ﭼﻮﯓ " ﻗﺎﻧﺪﺍﻗﻼ ﺑﻮﻟﻤﯩﺴﯘﻥ ﺑﯩﺮ ﺋﯩﺸﻪﻧﭽﻨﻰ ﮬﯧﺲ ﻗﯩﻠﺪﯨﯖﻼﺭ. ﺋﻪﻣﺪﻯ ﻳﺎﺧﺸﻰ ﺑﻮﻟﺪﻯ" ﺩﻩﭖ ﺋﻮﻳﻼﻳﺪﯨﻜﻪﻥ. ﻛﯩﭽﯩﻜﻜﯩﻨﻪ ﺋﯜﻣﯜﺗﻨﯩﯔ ﺋﯘﻻﺭﻧﻰ ﺷﯘﻧﭽﯩﻠﯩﻚ ﺋﯚﺯﮔﻪﺭﺗﻜﻪﻧﻠﯩﻜﯩﮕﻪ ﻗﺎﺭﺍﭖ ﭼﯩﺪﺍﻟﻤﺎﻳﺪﯨﻜﻪﻥ. ﻳﻪﻧﯩﻤﯘ ﭼﻮﯓ ﺧﻮﺷﺎﻟﻠﯩﻘﻨﻰ ﻣﻪﻣﻪﺗﻨﯩﯔ ﺋﯩﺸﯩﻨﻰ ﺩﻩﯞﻩﺗﻜﯜﺳﯩﻼ ﻛﯧﻠﯩﺪﯨﻜﻪﻥ. ﺋﯘﻻﺭﻧﻰ ﮬﻪﻣﻤﻪ ﻏﻪﻣﺪﯨﻦ ﺑﺎﺭﻟﯩﻖ ﺋﯜﻣﯜﺗﺴﯩﺰﻟﯩﻜﺘﯩﻦ ﺑﯩﺮﺍﻗﻼ ﻗﯘﺗﯘﻟﺪﯗﺭﯗﺷﻨﻰ ﺋﻮﻳﻼﻳﺪﯨﻜﻪﻥ. ﺷﯘﯕﻘﺎﺭﯨﻨﯩﯔ ﺋﯚﻳﯩﺪﻩ ﺋﯩﻜﻪﻧﻠﯩﻜﯩﻨﻰ ﺋﯧﻴﺘﻤﺎﻗﭽﻰ ﺑﻮﻟﯩﺪﯨﻜﻪﻥ. ﮔﻪﭖ ﺑﻮﻏﯘﺯﯨﻐﺎ ﻛﻪﻟﮕﻪﻧﺪﻩ ﻛﯚﺯ ﺋﺎﻟﺪﯨﻐﺎ ﻣﻪﻣﻪﺗﻨﯩﯔ ﺗﺎﻣﻐﺎ ﻳﯚﻟﻪﭖ ﻗﻮﻳﻐﺎﻥ ﺋﯚﺗﻤﻪ-ﺗﯚﺷﯜﻙ ﺑﻮﻟﯘﭖ ﻛﻪﺗﻜﻪﻥ ﺟﻪﺳﯩﺘﻰ ﻛﯧﻠﯩﯟﺍﻟﯩﺪﯨﻜﻪﻥ. ﺟﻪﺳﻪﺗﻨﯩﯔ ﻣﻪﻳﺪﯨﺴﯩﮕﻪ ﺗﯧﮕﯩﭗ ﻗﺎﻟﻐﺎﻥ ﺑﯧﺸﯩﻨﻰ ﭘﯘﺗﻰ ﺑﯩﻠﻪﻥ ﺋﻮﯕﺸﺎﭖ ﻗﻮﻳﯘﭖ ﺭﻩﺳﯩﻤﮕﻪ ﺗﺎﺭﺗﯩﯟﺍﺗﻘﺎﻥ ﺳﺎﻗﭽﯩﻨﯩﯔ ﻗﯩﻴﺎﭘﯩﺘﻰ ﻛﯚﺯ ﺋﺎﻟﺪﯨﻐﺎ ﻛﯧﻠﯩﯟﺍﻟﯩﺪﯨﻜﻪﻥ. ﺑﻮﯞﺍﻳﻐﺎ ﻣﻪﻣﻪﺗﻨﯩﯔ ﺋﯩﺸﻰ ﺑﻪﻙ ﺋﻪﻟﻪﻡ ﻗﯩﭙﺘﯘ. ﺋﺎﭼﭽﯩﻘﯩﻨﻰ ﻳﺎﻛﻰ ﺗﺎﺗﻠﯩﻘﯩﻨﻰ ﺋﻮﭼﯘﻕ ﺩﻩﭖ ﺋﯚﮔﻪﻧﮕﻪﻥ ﺋﺎﺩﻩﻣﮕﻪ ﺑﯘﻧﺪﺍﻕ ﺋﯩﭽﯩﻨﻰ ﺳﯩﻘﯩﺪﯨﻐﺎﻥ ﺳﯩﺮ ﺳﺎﻗﻼﺵ ﺑﻪﻙ ﺋﯧﻐﯩﺮ ﻛﻪﭘﺘﯘ. ﺧﻮﺷﺎﻟﻠﯩﻘﯩﻨﻰ ﺩﯨﻴﻪﻟﻤﻪﺳﻠﯩﻚ ﺋﯘﻧﻰ ﻳﻪﺗﻜﯜﭼﻪ ﻗﯩﻴﻨﺎﭘﺘﯘ.

ﺋﯘﻻﺭ ﻧﺎﺭﻟﻰ ﻗﯩﺸﻼﻗﻘﺎ ﻳﯧﺘﯩﭗ ﻛﻪﭘﺘﯘ. ﻳﯩﺮﺍﻗﺘﯩﻦ ﻧﻪ ﺑﯩﺮ ﺗﯜﭖ ﺩﻩﺭﻩﺥ ﮬﻪﺗﺘﺎ ﺋﺎﻟﻘﺎﻧﭽﻪ ﻳﯧﺸﯩﻠﻠﯩﻘﯩﻤﯘ ﻳﻮﻕ ﺳﺎﺭﯨﭽﺎﻡ ﻛﯚﺭﯛﻧﯜﭘﺘﯘ. ﺑﯘ ﻳﻪﺭﺩﻩ ﺋﺎﺳﻤﺎﻧﻤﯘ ﻛﯚﭘﻜﯚﻙ ﺋﻪﻣﻪﺳﻜﻪﻥ. ﺋﯩﺴﺴﯩﻘﻨﯩﯔ ﺭﻩﯕﮕﻰ ﺑﯩﻠﻪﻥ ﺷﻮﺭﻟﯘﻕ ﺗﯘﭘﺮﺍﻗﻨﯩﯔ ﺭﻩﯕﮕﻰ  ﺋﺎﺳﻤﺎﻧﻨﯩﯔ ﺭﻩﯕﮕﯩﮕﻪ ﺋﺎﺭﯨﻠﯩﺸﯩﭗ ﻛﻪﺗﻜﻪﻥ ﺋﯩﻜﻪﻥ...........

داۋامى بار

uganguqi

قىزىقىپ ئوقۇۋاتىمەن،ئەجرىڭىزگە رەخمەت
داۋامىنى يوللاشتىن توختاپ قالمىغايسىز،بەكلا قىزىقىپ قالدىم

yexilbulut

ئۆزى ئوقۇغاندىن سىز سۆزلەپ بەرسىڭىز بۆلەكچىلا خۇشياقىدىكەنغۇ.. ھارمىغايسىز....

dihkan

ﻣﻪﻣﻪﺕ ﺋﻮﺳﻤﺎﻥ ﭼﻮﯕﻨﯩﯔ ﺋﯚﻳﯩﺪﯨﻜﻰ ﺋﻮﻳﯘﻗﺘﺎ ﻳﯧﺘﯩﯟﯦﺮﯨﭙﺘﯘ. ﻗﻪﻣﻪﺭ ﺋﺎﻧﺎ ﺗﯩﻘﯩﭗ ﻗﻮﻳﻐﺎﻥ ﺋﻪﯓ ﻳﺎﺧﺸﻰ ﺋﻮﺗﻴﺎﺵ ﻗﯘﺭﯗﺗﻘﺎﻥ ﮔﯚﺷﻠﯩﺮﻯ ﺑﯩﻠﻪﻥ ﺗﺎﻣﺎﻕ ﻗﯩﻠﯩﺪﯨﻜﻪﻥ. ﺳﯘﻳﯘﻗﺌﺎﺵ ﺋﻪﺗﺴﻪ  ﺑﯩﺮ ﺗﯘﺗﺎﻡ ﻳﯜﻣﻐﺎﻗﺴﯜﺕ ﺳﯧﻠﯩﺸﻨﻰ ﻳﺎﻛﻰ ﺳﺎﻣﺴﺎﻕ ﭼﺎﻧﯩﯟﯦﺘﯩﺸﻨﻰ ﺋﯘﻧﯘﺗﻤﺎﻳﺪﯨﻜﻪﻥ. ﺳﺎﻧﺪﯗﻗﯩﻐﺎ ﺗﯩﻘﯩﭗ ﻗﻮﻳﻐﺎﻥ ﮔﯜﻟﻘﻪﻧﺖ ﮬﻪﺳﻪﻟﻠﯩﺮﯨﻨﻰ ﻳﺎﯕﺎﻕ ﺟﯩﮕﺪﻩ ﭼﯩﻼﻧﻠﯩﺮﯨﻨﻰ ﭼﯩﻘﯩﺮﯨﭗ ﺋﯘﻧﻰ ﻳﯩﻴﯩﺸﻜﻪ ﺯﯗﺭﻻﻳﺪﯨﻜﻪﻥ. ﻗﻪﻣﻪﺭ ﺋﺎﻧﯩﻨﯩﯔ ﺋﯧﻴﺘﯩﺸﯩﭽﻪ ﮬﻪﺭ ﻛﯜﻧﻰ ﺑﯘﻻﺭﺩﯨﻦ ﻳﻪﭖ ﺑﻪﺭﮔﻪﻧﺪﻩ ﻣﯩﺠﻪﺯ ﺗﻪﯕﺸﯩﻠﯩﺪﯨﻜﻪﻥ.

ﺋﻮﺳﻤﺎﻥ ﭼﻮﯓ ﺋﻮﻳﯘﻗﺘﯩﻦ ﺋﯧﻐﯩﻠﻐﺎ ﭼﯩﻘﻘﯩﻠﻰ ﺑﻮﻟﯩﺪﯨﻐﺎﻥ ﺋﯩﺸﯩﻚ ﻳﺎﺳﺎﭖ ﺑﯧﺮﯨﭙﺘﯘ. ﻣﻪﻣﻪﺕ ﺗﻪﺭﻩﺕ ﻗﯩﻠﻤﺎﻗﭽﻰ ﺑﻮﻟﺴﺎ ﺋﯧﻐﯩﻠﻐﺎ ﭼﯩﻘﯩﭗ ﺧﺎﺗﯩﺮﺟﻪﻡ ﺋﻮﻟﺘﯘﺭﯗﭖ ﺗﻪﺭﻩﺕ ﻗﯩﻠﯩﺪﯨﻜﻪﻥ. ﺋﯩﻠﮕﯩﺮﻯ ﺋﻪﻧﺪﯨﻜﯩﺶ ﭼﯚﭼﯜﺵ ﺋﯩﭽﯩﺪﻩ ﺑﯩﺮ ﺋﺎﻟﺪﻯ ﺑﯩﺮ ﻛﻪﻳﻨﯩﮕﻪ ﻗﺎﺭﺍﭖ ﺗﻪﺭﻩﺕ ﺋﻮﻟﺘﯘﺭﻏﺎﻥ ﭼﺎﻏﻠﯩﺮﯨﻨﻰ ﺋﻪﺳﻠﻪﭘﺘﯘ. ﮬﺎﺯﯨﺮﭼﯘ  ﻳﯧﻘﯩﻤﻠﯩﻖ ﻗﯩﻎ ﭘﯘﺭﺍﻗﻠﯩﺮﻯ ﺋﯩﭽﯩﺪﻩ ﺋﯧﻐﯩﻠﻨﯩﯔ ﺗﯚﯞﯨﺴﯩﮕﻪ ﺑﺎﺳﻘﺎﻥ ﻗﻮﻧﺎﻕ ﺷﺎﺧﻠﯩﺮﯨﻨﯩﯔ ﺋﺎﺭﯨﺴﯩﺪﯨﻦ ﻗﯩﺴﯩﻠﯩﭗ ﻛﯩﺮﮔﻪﻥ ﻛﯜﻥ ﻧﯘﺭﯨﻨﻰ ﺗﺎﻣﺎﺷﺎ ﻗﯩﻠﻐﺎﭺ ﮬﯚﺯﻭﺭﻟﯘﻧﯘﭖ ﺋﻮﻟﺘﯘﺭﯨﺪﯨﻜﻪﻥ. ﺷﯘﻧﺪﺍﻕ ﺑﯩﺮ ﻳﯧﻨﯩﻜﻠﯩﻚ ﺑﯩﻠﻪﻥ ﺋﻮﺭﻧﯩﺪﯨﻦ ﺗﯘﺭﯨﺪﯨﻜﻪﻥ.........

ﻗﻪﻣﻪﺭ ﺋﺎﻧﯩﺴﻰ ﭘﺎﺭﺍﯓ ﺳﯧﻠﯩﭗ ﺑﯧﺮﯨﺪﯨﻜﻪﻥ. ﻳﯧﺰﯨﻠﯩﻘﻼﺭﻧﯩﯔ ﻧﯩﻤﯩﻠﻪﺭﻧﻰ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺋﻪﻟﻰ ﺳﺎﭘﺎﻧﯩﯔ ﺋﻮﻳﯘﻧﻠﯩﺮﯨﻨﻰ ﺷﯘﻧﺪﺍﻕ ﺑﻮﻟﯩﯟﻩﺭﺳﻪ ﺋﺎﺧﯩﺮﻯ ﺑﯩﺮ ﻛﯜﻥ ﮬﻪﻣﻤﻪ ﻳﯧﺰﯨﻠﯩﻘﻨﯩﯔ ﺑﯘ ﻳﻪﺭﻧﻰ ﺗﺎﺷﻼﭖ ﻛﯧﺘﯩﺸﯩﺪﯨﻦ ﺋﻪﻧﺴﯩﺮﻩﻳﺪﯨﻐﺎﻧﻠﯩﻘﯩﻨﻰ  ﺋﯩﺸﻘﯩﻠﯩﭗ ﮬﻪﻣﻤﯩﻨﻰ ﭘﺎﺭﺍﯓ ﺳﯧﻠﯩﭗ ﺑﯧﺮﯨﺪﯨﻜﻪﻥ. ﺋﻮﺳﻤﺎﻥ ﭼﻮﯕﻨﯩﯔ ﻣﻪﻣﻪﺕ ﻛﻪﻟﮕﻪﻧﺪﯨﻦ ﻛﯧﻴﯩﻨﻜﻰ ﺋﯚﺯﮔﯜﺭﯨﺸﯩﻨﻰ ﺑﺎﻳﺮﺍﻣﻠﯩﻖ ﻛﯩﻴﯩﻤﻠﯩﺮﯨﻨﻰ ﻛﯩﻴﯩﭗ ﺧﺎﻥ ﺑﺎﻟﯩﺴﯩﺪﻩﻙ ﮔﯩﺪﯨﻴﯩﭗ ﻣﯧﯖﯩﺸﻠﯩﺮﯨﻨﻰ ﺳﺎﺋﯩﺘﯩﻨﻰ ﭼﯩﻘﯩﺮﯨﭗ ﻗﺎﺭﺍﺷﻠﯩﺮﯨﻨﻰ ﻳﯧﺰﯨﻠﯩﻘﻼﺭﻧﯩﯔ ﺑﯘ ﻗﯧﺮﯨﻨﯩﯔ ﻏﻪﻟﯩﺘﻪ ﻗﯩﻠﯩﻘﻠﯩﺮﯨﻐﺎ ﮬﻪﻳﺮﺍﻥ ﻗﺎﻟﻐﺎﻧﻠﯩﻘﯩﻨﻰ ﺳﯚﺯﻟﻪﭖ ﺑﯧﺮﯨﺪﯨﻜﻪﻥ. ﻣﻪﻣﻪﺕ ﺋﯜﻧﭽﯩﻘﻤﺎﻱ ﺋﻮﻟﺘﯘﺭﯗﭖ ﺋﺎﯕﻼﻳﺪﯨﻜﻪﻥ. ﻛﻪﻣﺴﯚﺯﻛﻪﻥ. ﺋﺎﺩﻩﺗﺘﯩﻤﯘ ﺟﯩﻖ ﮔﻪﭖ ﻗﯩﻠﻤﺎﻳﺪﯨﻜﻪﻥ. ﺋﻮﻱ-ﺧﯩﻴﺎﻝ ﺑﯩﻠﻪﻥ ﺋﻮﻟﺘﯘﺭﯨﺪﯨﻜﻪﻥ.

ﻗﻪﻣﻪﺭ ﺋﺎﻧﺎ ﺧﺎﭘﯩﻜﻪﻥ. ﺋﻮﺳﻤﺎﻥ ﺷﯘﻧﺪﺍﻕ ﻗﯩﻠﯩﯟﻩﺭﺳﻪ ﻳﯧﺰﯨﻠﯩﻘﻼﺭ ﻣﻪﻣﻪﺗﻨﻰ ﺑﯩﻠﯩﭗ ﻗﺎﻻﺭﻣﯘ ﺩﻩﭖ ﺋﻪﻧﺴﯩﺮﻩﻳﺪﯨﻜﻪﻥ. ﺋﺎﺑﺪﯨﻨﯩﯔ ﺋﯩﺘﻠﯩﺮﻯ ﺑﯩﻠﯩﭗ ﻗﺎﻟﺴﺎ ﮬﯚﻛﯜﻣﻪﺗﻜﻪ ﺩﻩﭖ ﻗﻮﻳﺎﺭﻣﯘ ﺩﻩﭖ ﺋﻪﻧﺴﯩﺮﻩﻳﺪﯨﻜﻪﻥ.......   

ﻣﻪﻣﻪﺕ ﺋﺎﺑﺪﻯ ﺋﺎﻏﯩﻨﻰ ﺋﯚﻟﺘﯜﺭﮔﻪﻧﺪﯨﻦ ﻛﯧﻴﯩﻨﻜﻰ ﺋﯩﺸﻼﺭﻧﻰ ﺋﯚﺯﯨﻨﯩﯔ ﺋﺎﻣﺎﻟﺴﯩﺰﻟﯩﻘﺘﯩﻦ ﺋﺎﺑﺪﯨﻨﻰ ﺋﯚﻟﺘﯜﺭﯛﺷﻜﻪ ﻣﻪﺟﺒﯘﺭﻻﻧﻐﺎﻧﻠﯩﻘﯩﻨﻰ ﺋﻮﻳﻼﻳﺪﯨﻜﻪﻥ. ﮬﯚﻛﯜﻣﻪﺕ ﺋﺎﺑﺪﯨﻨﯩﯔ ﻳﯧﺰﯨﻠﯩﻘﻼﺭﻏﺎ ﻗﯩﻠﻐﺎﻥ ﺯﯗﻟﯘﻣﻠﯩﺮﯨﻨﻰ ﺑﯩﻠﻤﻪﻣﺪﯨﻐﺎﻧﺪﯗ ﺋﺎﺑﺪﯨﻨﯩﯔ ﺯﯗﻟﯘﻣﯩﻐﺎ ﭼﯩﺪﯨﻤﯩﻐﺎﻧﻠﯩﻘﻰ ﺋﯜﭼﯜﻥ ﺋﯘﻧﻰ ﺋﯚﻟﺘﯜﺭﮔﻪﻧﻠﯩﻜﯩﻨﻰ ﮬﯚﻛﯜﻣﻪﺕ ﻧﯩﻤﻪ ﺋﯜﭼﯜﻥ ﭼﯜﺷﻪﻧﻤﻪﻳﺪﯨﻐﺎﻧﺪﯗ ﺗﻮﺧﺘﯩﻤﺎﻱ ﺋﻮﻳﻼﻳﺪﯨﻜﻪﻥ. ﮬﯚﻛﯜﻣﻪﺕ ﻧﯩﻤﯩﺸﻘﺎ ﻣﻪﻣﻪﺗﺘﻪﻙ ﺋﺎﺩﻩﻣﻠﻪﺭﻧﯩﯔ ﭘﻪﻳﺪﺍ ﺑﻮﻟﯘﺵ ﺳﻪﯞﻩﺑﯩﻨﻰ ﺑﯩﻠﯩﺸﻨﻰ ﺧﺎﻟﯩﻤﺎﻳﺪﯨﻐﺎﻧﻠﯩﻘﯩﻨﻰ ﭼﯜﺷﯩﻨﻪﻟﻤﻪﻳﺪﯨﻜﻪﻥ. ﺋﯩﻠﮕﯩﺮﻯ ﺑﯩﺮ-ﺑﯩﺮﯨﮕﻪ ﺋﯚﭼﻤﻪﻧﻠﯩﻚ ﻗﯩﻠﯩﺪﯨﻐﺎﻥ ﺋﺎﻏﯩﻼﺭﻧﯩﯔ ﺋﻪﻣﻪﻟﺪﺍﺭﻻﺭﻧﯩﯔ ﻣﻪﻣﻪﺗﺘﻪﻙ ﺋﺎﺩﻩﻣﻠﻪﺭﻧﯩﯔ ﺋﯩﺸﯩﻐﺎ ﻛﻪﻟﮕﻪﻧﺪﻩ ﺋﯘﻳﯘﻝ ﺗﺎﺷﺘﻪﻙ ﺑﯩﺮﻟﯩﻜﻜﻪ ﻛﻪﻟﮕﻪﻧﻠﯩﻜﯩﮕﻪ ﮬﻪﻳﺮﺍﻥ ﻗﺎﻟﯩﺪﯨﻜﻪﻥ....

ﻣﻪﻣﻪﺕ ﻧﯘﺭﻏﯘﻥ ﻧﻪﺭﺳﯩﻠﻪﺭﻧﻰ ﺑﯩﻠﻤﻪﻳﺪﯨﻜﻪﻥ. ﮬﯚﻛﯜﻣﻪﺗﻤﯘ ﻣﻪﻣﻪﺕ ﺗﻮﻏﺮﯨﻠﯩﻖ ﺟﯩﻖ ﻧﻪﺭﺳﻪ ﺑﯩﻠﻤﻪﻳﺪﯨﻜﻪﻥ. ﺋﺎﺑﺪﯨﺪﻩﻛﻠﻪﺭﻧﻰ ﻗﻮﻏﺪﺍﺵ ﺑﯩﻠﻪﻥ ﻣﻪﯕﮕﯜ ﻗﻮﻏﺪﺍﭖ ﻗﺎﻟﻐﯩﻠﻰ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﻣﻪﻣﻪﺕ ﺋﺎﯞﺍﻗﺘﻪﻛﻠﻪﺭﻧﻰ ﻳﻮﻗﯘﺗﯘﺵ ﺑﯩﻠﻪﻥ ﻣﻪﯕﮕﯜ ﻳﻮﻗﺎﺗﻘﯩﻠﻰ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﮬﯚﻛﯜﻣﻪﺕ ﺑﯩﻠﻤﻪﻳﺪﯨﻜﻪﻥ. ﮬﻪﺭ ﻳﯩﻠﻰ ﻧﻮﺭﯗﺯ ﺋﺎﻳﻠﯩﺮﯨﺪﺍ ﻛﯚﻛﻠﻪﭖ ﭼﯩﻘﯩﯟﯦﺮﯨﺪﯨﻐﺎﻥ ﭼﯧﻐﯩﺮﺗﻤﺎﻗﻨﻰ ﺑﯩﻠﻤﻪﻣﺪﯨﻐﺎﻧﺪﯗ ! ﺋﺎﺩﻩﻣﻠﻪﺭ ﭼﯩﻐﻼﺭﻧﻰ ﭼﯧﻐﯩﺮﺗﻤﺎﻗﻼﺭﻧﻰ ﮬﻪﺭ ﻳﯩﻠﻰ ﺋﻮﺭﯗﭖ ﺗﯘﺭﯨﺪﯗ. ﺋﻪﻣﻤﺎ ﻧﻪﭼﭽﻪ ﻣﯩﯔ ﻳﯩﻠﺪﯨﻦ ﺑﯘﻳﺎﻥ ﺋﯘﻻﺭ ﮬﻪﺭ ﻧﻮﺭﯗﺯﺩﺍ ﺗﻮﺧﺘﯩﻤﺎﻱ ﻛﯚﻛﻠﻪﭖ ﺗﯘﺭﯨﯟﺍﺗﻤﺎﻣﺪﯗ ! ﺯﺍﻣﺎﻧﻨﯩﯔ ﺋﻪﯞﯞﯨﻠﯩﺪﯨﻦ ﺗﺎﺭﺗﯩﭗ ﮬﻪﻣﻤﯩﻼ ﮬﯚﻛﯜﻣﻪﺕ ﻣﻪﻣﻪﺗﻠﻪﺭﻧﻰ ﺗﯘﺗﯘﭖ ﺋﯚﻟﺘﯜﺭﯛﺷﻨﻰ ﻧﯩﺸﺎﻥ ﻗﯩﻠﯩﺪﯨﻜﻪﻥ. " ﺋﯘﻻﺭﻧﻰ ﻳﻮﻗﯘﺗﯘﺵ ﻛﯧﺮﻩﻙ"ﻧﯩﻼ ﺋﻮﻳﻼﻳﺪﯨﻜﻪﻥ. ﺋﻪﻣﻤﺎ ﺋﻪﺷﯘ ﺋﯚﻟﺘﯜﺭﯛﻟﮕﻪﻥ ﻗﺎﺭﺍﻗﭽﯩﻼﺭﻧﯩﯔ ﻛﻪﻟﮕﯜﺳﯩﮕﻪ ﻗﺎﻧﭽﯩﻠﯩﻚ ﺗﻪﺳﯩﺮ ﻛﯚﺭﺳﯩﺘﯩﯟﺍﺗﻘﺎﻧﻠﯩﻘﯩﻨﻰ ﮬﯧﺲ ﻗﯩﻠﻤﺎﻳﺪﯨﻜﻪﻥ. ﺋﻮﺧﺸﺎﺷﻼ ﺋﻪﺷﯘﻻﺭﻧﯩﯔ ﺗﻪﺳﯩﺮﻯ ﺑﯩﻠﻪﻥ ﮬﯚﻛﯜﻣﻪﺗﻠﻪﺭﻧﯩﯔ ﺯﺍﻣﺎﻥ ﻛﯧﻤﯩﺴﯩﻨﯩﯔ ﺭﻭﻟﯩﻨﻰ ﺑﯘﺭﺍﺷﻘﺎ ﻣﻪﺟﺒﯘﺭ ﺑﻮﻟﯩﯟﺍﺗﻘﺎﻧﻠﯩﻘﯩﻨﻰ ﻧﯘﺭﻏﯘﻥ ﺋﺎﺩﻩﻡ ﺳﻪﺯﻣﻪﻳﺪﯨﻜﻪﻥ.  ﻣﻪﻳﻠﻰ ﻣﻪﻣﻪﺕ ﻳﺎﻛﻰ ﮬﯚﻛﯜﻣﻪﺕ ﺑﻮﻟﺴﯘﻥ ﻗﯩﻠﻐﺎﻥ ﺋﯩﺸﯩﻨﯩﯔ ﺋﺎﻟﺪﯨﻨﻰ ﺋﻮﻳﻼﻳﺪﯨﻜﻪﻥ. ﻛﻪﻳﻨﯩﻨﻰ ﺋﯩﻜﻜﯩﺴﯩﻼ ﺋﻮﻳﻠﯩﻤﺎﻳﺪﯨﻜﻪﻥ. " ﻣﺎﻧﺎ ﻳﺎﺧﺸﻰ ﺑﻮﻻﺭ ﺋﻪﻧﻪ ﻳﺎﺧﺸﻰ ﺑﻮﻻﺭ " ﺩﻩﭖ ﺋﯜﻣﯜﺗﻠﯩﻨﯩﺪﯨﻜﻪﻥ. ........

ﺋﻮﺳﻤﺎﻥ ﭼﻮﯓ ﻣﯘﮬﻪﺑﺒﻪﺗﻠﯩﻚ ﺋﺎﺩﻩﻣﻜﻪﻥ. ﺋﻮﭼﯘﻕ ﺳﯚﺯﻟﯜﻛﻜﻪﻥ. ﮬﻪﻣﻤﻪ ﺋﯩﺸﺘﺎ ﻳﻮﺷﯘﺭﯗﭖ ﺋﻮﻟﺘﯘﺭﻣﺎﻳﺪﯨﻜﻪﻥ. ﻣﻪﻳﻠﻰ ﺑﺎﻳﺮﺍﻡ ﻳﺎﻛﻰ ﻗﺎﻳﻐﯘﻟﯘﻕ ﻛﯜﻧﻠﻪﺭﺩﻩ ﺑﻮﻟﺴﯘﻥ ﺑﯘﻧﺪﺍﻕ ﺋﺎﺩﻩﻣﻠﻪﺭ ﺋﯚﺯﯨﻨﯩﯔ ﻣﻪﻳﺪﺍﻧﯩﻨﻰ ﺋﻮﭼﯘﻕ ﺩﻩﻳﺪﯨﻜﻪﻥ. ﻳﺎﻧﻤﺎﻳﺪﯨﻜﻪﻥ. ﮬﻪﻕ ﺳﯚﺯﻟﯜﻛﻜﻪﻥ. ﺋﯘﻻﺭﻧﯩﯔ ﮔﻪﭖ- ﺳﯚﺯﻟﯩﺮﯨﻼ ﺋﻪﻣﻪﺱ ﻗﯩﻠﯩﻘﻠﯩﺮﻯ ﭼﯩﺮﺍﻳﻰ ﮬﻪﻣﻤﯩﻨﻰ ﺋﺎﺷﻜﺎﺭﺍ ﺑﯩﻠﺪﯛﺭﯛﭖ ﺗﯘﺭﯨﺪﯨﻜﻪﻥ. ﮬﻪﻣﻤﻪ ﺋﺎﺩﻩﻡ ﺑﯩﺮ ﻗﺎﺭﺍﭘﻼ ﺑﯩﻠﯩﯟﺍﻟﯩﺪﯨﻜﻪﻥ. ﻣﻪﻣﻪﺕ ﺋﻮﺳﻤﺎﻥ ﭼﻮﯕﻨﯩﯔ ﺑﯘ ﺗﻪﺭﯨﭙﯩﻨﻰ ﻳﺎﻗﺘﯘﺭﯨﺪﯨﻜﻪﻥ. ﺋﻪﻣﻤﺎ ﻳﺎﻗﺘﯘﺭﻏﺎﻥ ﻧﻪﺭﺳﯩﻨﯩﯔ ﺯﯨﻴﯩﻨﯩﻤﯘ ﺑﻮﻟﯩﺪﯗ. ﻳﯩﮕﺎﻧﻪ ﺋﺎﻟﻼ ﮬﻪﻣﻤﻪ ﻧﻪﺭﺳﯩﻨﻰ ﺟﯜﭖ ﻳﺎﺭﺍﺗﻘﺎﻥ. ﺋﻮﺳﻤﺎﻥ ﭼﻮﯓ ﺳﯩﺮ ﺳﺎﻗﻼﺷﻘﺎ ﻗﺎﻧﺪﺍﻕ ﺑﻮﻻﺭ ﺋﯘﺯﯗﻧﻐﺎ ﭼﯩﺪﯨﻴﺎﻻﺭﻣﯘ ﻗﻪﻣﻪﺭ ﺋﺎﻧﯩﻨﯩﯔ ﺩﯨﻴﯩﺸﯩﭽﻪ ﺋﯘﻧﯩﯖﺪﯨﻜﻰ ﺋﯚﺯﮔﯜﺭﯛﺷﻠﻪﺭﻧﻰ ﻳﯧﺰﯨﻠﯩﻘﻼﺭ ﺑﺎﻳﻘﺎﭖ ﺑﻮﭘﺘﯘ. ﺋﻮﺳﻤﺎﻥ ﭼﻮﯓ ﺑﯩﻠﺪﯛﺭﯛﭖ ﺑﻮﭘﺘﯘ. ﻳﯧﺰﯨﻠﯩﻘﻼﺭ ﺑﯘ ﻗﯧﺮﯨﻐﺎ ﺑﯩﺮ ﺋﯩﺶ ﺑﻮﻟﻐﺎﻧﻠﯩﻘﯩﻨﻰ ﺑﯩﻠﯩﭗ ﺑﻮﭘﺘﯘ. ﻳﺎﻏﻠﯩﻖ ﻗﺎﭘﺎﻗﻨﯩﯔ ﺋﯩﭽﯩﺪﯨﻜﻰ ﻳﺎﻍ ﺗﯧﺸﯩﻐﺎ ﺗﯧﭙﯩﭗ ﭼﯩﻘﯩﺪﯨﻜﻪﻥ. ﮬﺎﻣﯩﻨﻰ ﺗﯧﭙﯩﭗ ﭼﯩﻘﯩﺪﯨﻜﻪﻥ...........

ﺋﻮﺳﻤﺎﻥ ﭼﻮﯕﻼﺭ ﻧﺎﺭﻟﻰ ﻗﯩﺸﻼﻗﻘﺎ ﺳﺎﺭﯨﭽﺎﻣﻐﺎ ﻛﻪﭘﺘﯘ. ﺷﻮﺭﻟﯘﻗﻨﯩﯔ ﺋﯘ-ﻳﻪﺭ ﺑﯘ ﻳﯧﺮﯨﮕﻪ ﻧﻪﭼﭽﻪ ﺗﺎﻝ ﻛﯧﺴﻪﻛﻨﻰ ﺗﯩﺰﯨﭗ ﻳﺎﻛﻰ ﻳﺎﻏﺎﭼﻘﺎ ﺋﺎﺭﺗﯩﭗ ﻗﻮﻳﻐﺎﻥ ﭘﺎﻻﺯﻻﺭﻧﻰ ﺗﯩﻜﻠﻪﭖ ﺋﯚﻱ ﺗﯘﺗﯘﭖ ﺋﻮﻟﺘﯘﺭﻏﺎﻥ ﻳﯧﺰﯨﻠﯩﻘﻠﯩﺮﯨﻨﻰ ﻛﯚﺭﯛﭘﺘﯘ. ﺋﻮﺭﯗﻗﻼﭖ ﺳﺎﭖ-ﺳﯧﺮﯨﻖ ﺑﻮﻟﯘﭖ ﻗﺎﻟﻐﺎﻥ ﺑﺎﻟﯩﻼﺭﻧﻰ ﻛﯚﺭﯛﭖ ﺋﯘﻻﺭﻧﯩﯔ ﺋﯩﭽﻰ ﺋﯚﺭﺗﯩﻨﯩﭙﺘﯘ. "ﺋﺎﻣﺎﻧﻤﯘﺳﯩﻠﻪﺭ ﺗﯩﺮﯨﻜﻤﯘ ﺳﯩﻠﻪﺭ" ﺩﯨﻴﯩﺸﯩﭗ ﻛﯚﺭﯛﺷﯜﭘﺘﯘ. ﺷﻮﺭﻟﯘﻕ ﺳﯘﺩﺍ ﻗﺎﻳﻨﺎﺗﻘﺎﻥ ﭼﺎﻳﻠﯩﺮﯨﻨﻰ ﺋﯩﭽﯩﺸﻜﻪﭺ ﺋﯚﺗﻜﻪﻥ-ﻛﻪﭼﻜﻪﻧﻨﻰ ﭘﺎﺭﺍﯕﻠﯩﺸﯩﭗ ﮬﺎﻝ-ﻣﯘﯓ ﻗﯩﻠﯩﺸﯩﭙﺘﯘ. ﺋﻮﺳﻤﺎﻥ ﭼﻮﯓ ﺑﺎﺷﺘﺎ ﺳﯚﺯﻟﻪﭘﺘﯘ.

- ﺳﯩﻠﻪﺭﻣﯘ ﻛﯚﺭﯛﭘﺴﯩﻠﻪﺭ ﻳﯘﺭﺗﯩﺪﯨﻦ ﯞﻩﺗﯩﻨﯩﺪﯨﻦ ﺗﺎﻧﻐﺎﻥ ﺋﺎﺩﻩﻡ ﻳﺎﺧﺸﯩﻠﯩﻖ ﻛﯚﺭﻣﻪﻳﺪﯗ. ﺑﯩﺮ ﭘﺎﺭﭼﻪ ﻧﺎﻥ ﺋﯜﭼﯜﻥ ﺧﺎﺗﯩﺮﺟﻪﻣﻠﯩﻚ ﺋﯜﭼﯜﻥ ﻣﯘﺳﺎﭘﯩﺮ ﺑﻮﻟﺪﯗﯕﻼﺭ. ﭼﯩﺪﯨﻤﯩﺪﯨﯖﻼﺭ. ﻗﻮﺭﻗﺘﯘﯕﻼﺭ. ﺋﻪﻟﻰ ﺳﺎﭘﺎﻧﻰ ﻗﻮﺭﻗﯘﺗﺎﻟﻤﯩﺪﯗﻕ. ﺑﯩﺰ ﻗﻮﺭﻗﺘﯘﻕ ﺑﻪﺩﻩﺭ ﻗﺎﭼﺘﯘﻕ. ﻗﯧﭽﯩﭗ ﻧﻪﮔﻪ ﺑﺎﺭﺍﻟﯩﺪﯨﯖﻼﺭ ! ﻣﯘﺷﯘﻣﯘ ﻛﯜﻧﻤﯘ ﺋﯘﻧﺪﯨﻦ ﻛﯚﺭﻩ ﻳﯧﺰﯨﺪﺍ ﺗﯘﺭﯗﭖ ﺋﻪﻟﻰ ﺳﺎﭘﺎﻧﯩﯔ ﺯﯗﻟﻤﯩﺪﺍ ﻳﺎﺷﺎﺵ ﺑﯘﻧﺪﯨﻦ ﻣﯩﯔ ﻣﻪﺭﺭﻩ ﻳﺎﺧﺸﯩﺘﺘﯩﻐﯘ ! ﺑﯩﺰ ﺧﯘﺩﺍﻏﺎ ﺋﯩﺸﯩﻨﻪﻳﻠﻰ. ﻳﯜﺳﯜﭘﻨﻰ ﻗﺎﺭﺍﯕﻐﯘ ﻗﯘﺩﯗﻗﺘﯩﻦ ﭼﯩﻘﺎﺭﻏﺎﻥ ﺧﯘﺩﺍﻏﺎ ﺋﯩﺸﯩﻨﻪﻳﻠﻰ. – ﺩﻩﭘﺘﯘ. ﻛﻮﻧﺎ ﭘﺎﺭﺍﯕﻼﺭﻧﻰ ﺳﯧﻠﯩﭗ ﺑﯧﺮﯨﭙﺘﯘ. ﻗﺎﭘﺴﯩﻠﯩﭗ ﻗﺎﻟﻐﺎﻥ ﺋﺎﺩﻩﻣﻠﻪﺭﮔﻪ ﺧﯘﺩﺍ ﺑﯩﺮ ﺑﯚﺭﯨﻨﻰ ﺋﯧﯟﻩﺗﯩﭗ ﻳﻮﻝ ﺑﺎﺷﻼﭖ ﺑﻪﺭﮔﻪﻧﻠﯩﻜﯩﺪﻩﻙ ﻗﻪﺩﯨﻤﻘﻰ ﺋﯩﺸﻼﺭﻧﻰ ﺳﯚﺯﻟﻪﭖ ﺑﯧﺮﯨﭙﺘﯘ. ﺋﯧﻐﯩﺰﻟﯩﺮﯨﺪﯨﻦ ﻛﯚﭘﯜﻛﻠﻪﺭ ﻗﺎﻳﻨﯩﻐﯩﭽﻪ ﺳﯚﺯﻟﻪﭘﺘﯘ. ﭘﻪﺭﮬﺎﺕ ﺋﯩﻤﺎﻣﻤﯘ ﺳﯚﺯﻟﻪﭘﺘﯘ. ﺷﯘﻧﺪﺍﻕ ﭼﯩﺮﺍﻳﻠﯩﻖ ﻗﯩﺮﺍﺋﻪﺗﻠﻪﺭ ﻗﯩﭙﺘﯘﻛﻰ ﺋﺎﯕﻠﯩﻐﺎﻧﻼﺭﻧﯩﯔ ﻛﯚﺯﻟﯩﺮﯨﮕﻪ ﻳﺎﺵ ﻛﻪﭘﺘﯘ. ﺋﺎﻳﻪﺗﻠﻪﺭﺩﻩ ﺩﯨﺨﺎﻧﻼﺭﻧﯩﯔ ﺋﯚﺯ ﻳﯧﺰﯨﺴﯩﻐﺎ ﻗﺎﻳﺘﯩﺸﻰ ﻛﯧﺮﻩﻛﻠﯩﻜﻰ ﺳﯚﺯﻟﯩﻨﯩﺪﯨﻜﻪﻥ. ﻏﻪﻟﺒﻪ ﺗﯘﻏﯘﻟﻐﺎﻥ ﻳﯧﺮﯨﺪﻩ ﺗﯘﺭﻏﺎﻧﻼﺭﺩﺍ ﺑﻮﻟﯩﺪﯨﻐﺎﻧﻠﯩﻘﻰ ﺳﯚﺯﻟﯩﻨﯩﺪﯨﻜﻪﻥ. ﺗﺎﯓ ﺋﺎﺗﻤﺎﻳﺪﯨﻐﺎﻥ ﻛﯧﭽﻪ ﺑﻮﻟﻤﺎﻳﺪﯨﻜﻪﻥ. ﺋﯘﻻﺭ ﺗﻮﺧﺘﯩﻤﺎﻱ ﺳﯚﺯﻟﻪﭘﺘﯘ. ﺑﯩﺮﻯ ﺗﻮﺧﺘﯩﺴﺎ ﺑﯩﺮﻯ ﺳﯚﺯﻟﻪﭘﺘﯘ. ﭼﺎﯞﯗﺷﻨﻰ ﻛﯧﭽﯩﺪﻩ ﺑﯩﺮﺳﯩﻨﯩﯔ ﺋﯧﺘﯩﯟﻩﺗﻜﻪﻧﻠﯩﻜﯩﻨﻰ ﺋﯧﻴﺘﯩﭗ ﺑﯧﺮﯨﭙﺘﯘ. ﺋﻪﻟﻰ ﺳﺎﭘﺎﻧﯩﯔ ﭼﻮﻗﯘﻡ ﻳﯧﯖﯩﻠﯩﺪﯨﻐﺎﻧﻠﯩﻘﻰ ﺗﻮﻏﺮﯨﺴﯩﺪﺍ ﻗﻪﺳﻪﻣﻠﻪﺭ ﻗﯩﻠﯩﭙﺘﯘ. ﺷﯜ ﻛﯜﻧﻰ ﻗﯩﻠﻐﺎﻥ ﻗﻪﺳﻪﻣﻠﯩﺮﻯ ﭘﯜﺗﯜﻥ ﺋﯚﻣﺮﯨﺪﻩ ﻗﯩﻠﻐﺎﻥ ﻗﻪﺳﻪﻣﻠﯩﺮﯨﺪﯨﻦ ﺋﯧﺸﯩﭗ ﻛﯧﺘﯩﭙﺘﯘ. ﺗﺎﻛﻰ ﻛﻪﭺ ﻛﯩﺮﮔﯩﭽﻪ ﺳﯚﺯﻟﻪﭘﺘﯘ. ﺩﯨﺨﺎﻧﻼﺭ ﺑﯧﺸﯩﻨﻰ ﭘﻮﻟﺪﺍﯕﻠﯩﺘﯩﭗ ﺟﯩﻢ ﺋﻮﻟﺘﯘﺭﯗﭖ ﺋﺎﯕﻼﭘﺘﯘ. ﻛﻪﭺ ﻛﯩﺮﮔﯩﭽﻪ ﺋﺎﯕﻼﭘﺘﯘ. ﺋﻪﻣﻤﺎ ﺋﯘﻻﺭﺩﯨﻦ ﺑﯩﺮﯨﻤﯘ ﯞﺍﻱ ﯞﺍﻱ ﻳﯧﺰﯨﺴﯩﻐﺎ ﻗﺎﻳﺘﯩﺸﻘﺎ ﺋﯘﻧﯩﻤﺎﭘﺘﯘ. "ﻛﻪﭼﯜﺭﯛﯕﻼﺭ" ﺩﻩﭘﺘﯘ. "ﺋﻪﻟﻰ ﺳﺎﭘﺎﻧﯩﯔ ﺗﻪﺭﯨﮕﻪ ﻗﺎﺭﯨﻐﯘﻣﯩﺰ ﻳﻮﻕ" ﺩﻩﭘﺘﯘ. ﺋﻮﺳﻤﺎﻥ ﭼﻮﯓ ﭘﻪﺭﮬﺎﺕ ﺋﯩﻤﺎﻣﻼﺭ ﺋﺎﭼﭽﯩﻘﻼﭘﺘﯘ. ﺳﯩﻐﯩﻠﯩﭗ ﻗﺎﭘﺘﯘ. ﻳﯧﺰﯨﻠﯩﻘﻼﺭ ﺗﻪﻳﻴﺎﺭﻟﯩﻐﺎﻥ ﺗﺎﻣﺎﻗﻨﯩﻤﯘ ﻳﯩﻤﻪﻱ ﻳﻮﻟﻐﺎ ﭼﯩﻘﯩﭙﺘﯘ. "ﺳﯩﻠﻪﺭﺩﻩﻙ ﺋﺎﺩﻩﻣﻠﻪﺭﻧﯩﯔ ﺗﺎﻣﯩﻘﻰ ﺑﯩﺰﮔﻪ ﮬﺎﺭﺍﻡ" ﺩﻩﭘﺘﯘ. "ﺳﯩﻠﻪﺭ ﺑﯩﻠﻪﻥ ﺑﯩﺮ ﺩﺍﺳﺘﯩﺨﺎﻧﺪﺍ ﺋﻮﻟﺘﯘﺭﯗﺵ ﭼﻮﯓ ﮔﯘﻧﺎ" ﺩﻩﭘﺘﯘ. ﺋﻮﺳﻤﺎﻥ ﭼﻮﯓ ﺋﺎﭼﭽﯩﻘﺘﯩﻦ ﺩﯨﺮ ﺩﯨﺮ ﺗﯩﺘﺮﻩﻳﺪﯨﻜﻪﻥ. "ﺳﯩﻠﻪﺭ ﺋﺎﻟﻼﻧﯩﯔ ﻟﻪﻧﯩﺘﯩﮕﻪ ﺋﯘﭼﺮﯨﻐﺎﻥ ﺋﯩﺪﯨﯖﻼﺭ. ﺋﻪﻣﺪﻯ ﺋﺎﻟﻼﻧﯩﯔ ﻗﺎﻏﯩﺸﯩﻐﺎ ﺋﯘﭼﺮﺍﻳﺴﯩﻠﻪﺭ..." ﺩﻩﭘﺘﯘ.

ﻳﻮﻟﺪﺍ ﺋﯩﻠﮕﯩﺮﻯ ﻛﯧﻴﯩﻦ ﻣﯧﯖﯩﺸﯩﭗ ﻳﯧﺰﯨﻐﺎ ﻗﺎﻳﺘﯩﭙﺘﯘ. ﺳﯚﺯﻟﻪﺷﻤﻪﭘﺘﯘ. ﻛﯩﻤﮕﻪ ﺋﺎﭼﭽﯩﻘﻠﯩﻨﯩﺸﻨﻰ

ﺑﯩﻠﻤﻪﻳﺪﯨﻜﻪﻥ.  ﺑﯩﺮ ﭼﺎﻏﺪﺍ ﭘﻪﺭﮬﺎﺕ ﺋﯩﻤﺎﻡ.

- ﺑﯩﺰ ﻧﯩﻤﯩﺸﻘﺎ ﻳﯧﺰﯨﺪﯨﻜﻰ ﺋﻪﯓ ﻗﻮﺭﻗﯘﻧﭽﺎﻗﻼﺭﻏﺎ ﻳﺎﻟﯟﯗﺭﺩﯗﻕ-ﮬﻪ ! ﻳﯧﺰﯨﺪﺍ ﻧﯘﺭﻏﯘﻥ ﺋﺎﺩﻩﻣﻠﻪﺭ ﻳﻪﻧﯩﻼ ﺑﺎﺭ ﺋﻪﻣﻪﺳﻤﯘ. ﺑﯘ ﻗﻮﺭﻗﯘﻧﭽﺎﻗﻼﺭﻏﺎ ﺧﺎﭘﺎ ﺑﻮﻟﯘﺷﻤﯘ ﺋﻪﺧﻤﻪﻗﻠﯩﻖ. ﻳﯧﺰﯨﻐﺎ ﺑﺎﺭﺍﻳﻠﻰ.- ﺩﻩﭘﺘﯘ. ﺋﯘﻻﺭﻧﯩﯔ ﭼﯩﺮﺍﻳﻰ ﺷﯘﻧﯩﯔ ﺑﯩﻠﻪﻥ ﺋﺎﺳﺘﺎ ﺋﯧﭽﯩﻠﯩﭙﺘﯘ. ﺋﻮﺳﻤﺎﻥ ﭼﻮﯓ ﭘﻪﺭﮬﺎﺕ ﺋﯩﻤﺎﻣﻨﯩﯔ ﺳﯚﺯﻟﯩﺮﯨﺪﯨﻦ ﺯﻭﻗﻠﯩﻨﯩﭙﺘﯘ. ﺋﯧﻐﯩﺰﻯ ﺋﺎﻧﺪﯨﻦ ﺋﯧﭽﯩﻠﯩﭙﺘﯘ.

- ﺗﻮﻏﺮﺍ ﺋﯧﻴﺘﺘﯩﯔ ﺋﯩﻤﺎﻡ. ﺧﯘﺩﺍ ﻗﯘﺗﻘﯘﺯﺍﻟﻤﯩﻐﺎﻥ ﺋﺎﺩﻩﻣﻠﻪﺭﻧﻰ ﺑﯩﺰ ﻗﯘﺗﻘﯘﺯﺍﻻﻣﺪﯗﻕ. ﺩﯨﻠﯩﻐﺎ ﺳﺎﻟﻤﯩﺴﺎ ﺑﯩﻜﺎﺭ. ﻳﯧﺰﯨﺪﺍ ﻳﻪﻧﯩﻼ ﺋﺎﺩﻩﻣﺪﻩﻙ ﻳﺎﺷﺎﯞﺍﺗﻘﺎﻧﻼﺭ ﺑﺎﺭ ﺋﻪﻣﻪﺳﻤﯘ. ﺷﯘﻻﺭﻧﯩﯔ ﻳﯧﻨﯩﻐﺎ ﺑﺎﺭﺍﻳﻠﻰ-ﺩﻩﭘﺘﯘ. ﺳﻪﻳﭙﻪﻟﯩﻤﯘ " ﺭﺍﺳﺖ ﺑﯩﺰ ﻳﻪﻧﯩﻼ ﺋﺎﺯ ﺋﻪﻣﻪﺱ. ﺋﻪﻟﻰ ﺳﺎﭘﺎﻏﺎ ﺗﯧﺘﯩﻴﺎﻻﻳﻤﯩﺰ. ﻧﯩﻤﯩﻼ ﺑﻮﻟﺴﺎﻕ ﻣﻪﻳﻠﻰ. ﻳﯧﺰﯨﻨﻰ ﻛﯚﻳﺪﯛﺭﯛﭖ ﻛﯜﻝ ﻗﯩﻠﯩﯟﻩﺗﺴﯩﻤﯘ ﻣﻪﻳﻠﻰ. ﻳﺎﻟﺘﺎﻳﻤﺎﻳﻤﯩﺰ." ﺩﻩﭘﺘﯘ. ﺋﻮﺳﻤﺎﻥ ﭼﻮﯓ.

- ﺗﺎﯓ ﺋﺎﺗﻤﺎﻳﺪﯨﻐﺎﻥ ﻛﯧﭽﯩﻨﻰ ﻛﯚﺭﮔﻪﻧﻤﯩﺪﯨﯔ ﻣﯘﺧﺘﺎﺭ ﺳﻪﻳﭙﻪﻟﻰ ﻳﯧﺰﯨﻐﺎ ﺑﺎﺳﺘﯘﺭﯗﭖ ﻛﻪﻟﮕﻪﻧﻠﻪﺭﻧﻰ ﮬﻪﻣﻤﯩﻤﯩﺰ ﭼﯩﻘﯩﭗ ﺋﺎﺗﺴﺎﻕ. ﺋﯚﻳﻠﯩﺮﯨﻤﯩﺰﮔﻪ ﺋﻮﺕ ﻗﻮﻳﻐﺎﻧﺪﻩﻙ ﺑﯩﺰﻣﯘ ﺋﻪﻟﻰ ﺳﺎﭘﺎﻧﯩﯔ ﺋﯚﻳﻠﯩﺮﯨﮕﻪ ﺋﻮﺕ ﻗﻮﻳﺴﺎﻕ ﻗﺎﻧﺪﺍﻕ ﻧﻮﭼﯩﻜﻪﻥ ﺋﯘ. ﺑﯩﺰ ﺑﯩﻠﻪﻥ ﻳﻪﻧﻪ ﻗﺎﺭﺷﯩﻠﯩﺸﺎﻻﻣﺪﯗ !  ﻗﻮﺭﻗﯘﭖ ﺋﯚﺗﻰ ﺗﺎﺷﯩﺪﯗ. ﺋﻪﻣﻪﻟﻴﻪﺗﺘﻪ ﺋﻪﻟﻰ ﺳﺎﭘﺎ ﺳﺎﺭﯨﭽﺎﻣﺪﺍ ﻗﺎﻟﻐﺎﻧﻼﺭﺩﯨﻤﯘ ﺑﻪﻛﺮﻩﻙ ﻗﻮﺭﻗﯘﻧﭽﺎﻕ. ﺋﯘﻧﻰ ﮬﯚﻛﯜﺭﺗﯩﯟﺍﺗﻘﺎﻥ ﻧﻪﺭﺳﻪ ﮬﯚﻛﯜﻣﻪﺗﻤﯘ ﺋﻪﻣﻪﺱ ﺑﯩﺰﺩﯨﻜﻰ ﻗﻮﺭﻗﯘﻧﭽﺎﻗﻠﯩﻖ- ﺩﻩﭘﺘﯘ. ﺳﻪﻳﭙﻪﻟﻰ " ﯞﺍﻱ ﺋﻮﺳﻤﺎﻥ ﺳﻪﻥ ﺑﺎﺭﻏﺎﻧﭽﻪ ﺋﻪﻗﯩﻠﻠﯩﻖ ﺑﻮﻟﯘﭖ ﻛﯧﺘﯩﯟﺍﺗﯩﺴﻪﻥ. ﻧﯘﺭﻏﯘﻥ ﻧﻪﺭﺳﯩﻠﻪﺭﻧﻰ ﺑﯩﻠﯩﺪﯨﻐﺎﻥ ﺑﻮﻟﯘﭖ ﻛﯧﺘﯩﭙﺴﻪﻥ. ﺋﯩﻠﮕﯩﺮﻯ ﺑﯘﻧﺪﺍﻕ ﺋﻪﻣﻪﺳﺘﯩﯔ. ﻣﯧﻨﯩﻤﯘ ﻏﻪﻳﺮﻩﺗﻠﯩﻚ ﻗﯩﻠﯩﯟﻩﺗﺘﯩﯔ" ﺩﻩﭘﺘﯘ. ﭘﻪﺭﮬﺎﺕ ﺋﯩﻤﺎﻣﻤﯘ.

- ﺭﺍﺱ ﺋﯧﻴﺘﯩﯔ ﺳﻪﻳﭙﻪﻟﻰ ﺋﻮﺳﻤﺎﻥ ﭼﻮﯓ ﺋﯚﺯﮔﯜﺭﯛﭘﺘﯘ. ﺑﯘﺭﯗﻧﻘﯩﺪﻩﻙ ﻗﯘﺭﯗﻕ ﺟﯩﺪﻩﻟﻼ ﻗﯩﻠﻤﺎﻱ ﺋﻪﻗﯩﻞ ﻛﯚﺭﺳﯩﺘﯩﺪﯨﻐﺎﻥ ﺑﻮﭘﺘﯘ. ﺳﻪﻧﺪﻩﻙ ﺋﺎﺩﻩﻣﺪﯨﻦ ﻧﻪﭼﭽﯩﺴﯩﻼ ﺑﻮﻟﺴﺎ ﺋﻪﻟﻰ ﺳﺎﭘﺎﻧﻰ ﻳﯧﺰﯨﺪﯨﻦ ﻗﻮﻏﻠﯩﯟﯦﺘﯩﺸﯩﻤﯩﺰﺩﻩ ﮔﻪﭖ ﻳﻮﻕ-ﺩﻩﭘﺘﯘ. ﭘﻪﺭﮬﺎﺕ ﺋﯩﻤﺎﻡ ﺋﯧﭽﯩﻠﯩﭗ ﻛﯧﺘﯩﭙﺘﯘ. ﺋﻪﯓ ﻳﯧﻘﻘﯩﻨﻠﯩﺮﻯ ﺑﯩﻠﻪﻥ ﺋﻪﯓ ﺧﺎﻟﻰ ﺟﺎﻳﺪﺍ ﺩﯨﻴﯩﺸﯩﺪﯨﻐﺎﻥ ﮔﻪﭘﻠﯩﺮﯨﻨﻰ ﺩﯨﻴﯩﺸﻜﻪﻧﺪﻩﻙ ﺯﻭﻕ-ﺷﻮﻕ ﺑﯩﻠﻪﻥ ﺳﯚﺯﻟﻪﭘﺘﯘ.

- ﻣﻪﻥ ﻧﯩﻤﯩﺸﻘﺎ ﺷﯘﻧﺪﺍﻕ ﺑﻮﻟﺪﯗﻡ. ﺋﺎﺳﺘﺎ ﺑﯩﻠﯩﺴﯩﻠﻪﺭ. ﻣﯧﻨﯩﯔ ﺑﯩﺮ ﺷﯘﯕﻘﺎﺭﯨﻢ ﺑﺎﺭ. ﻣﯧﻨﯩﯔ ﺑﯩﺮ ﺗﯧﻐﯩﻢ ﺑﺎﺭ. ﺋﯩﺴﻤﻪﺕ ﭘﺎﺷﺎﻧﻰ ﺑﯩﻠﻪﻣﺴﯩﻠﻪﺭ ﺋﯘﻧﯩﯖﺪﯨﻨﻤﯘ ﻳﺎﻣﺎﻥ ﺑﯩﺮ ﺋﺎﺩﯨﻤﯩﻢ ﺑﺎﺭ. ﻣﯘﺳﺘﺎﭘﺎ ﻛﺎﻣﺎﻟﻨﯩﯔ ﻗﯩﻠﯩﭽﻰ ﺋﯩﺴﻤﻪﺕ ﻏﺎﺯﯨﻤﯘ ﺋﯘﻧﯩﯔ ﺋﯩﺴﻤﯩﻨﻰ ﺋﺎﯕﻠﯩﺴﺎ ﺗﯩﺘﺮﻩﭖ ﻛﯧﺘﯩﺪﯗ. ﺋﯚﻳﮕﻪ ﺑﺎﺭﻏﺎﻧﺪﺍ ﺑﯩﺮ ﺑﯜﺭﻛﯜﺗﻨﻰ ﻛﯚﺭﯨﺴﯩﻠﻪﺭ. ﻗﯩﻴﺎ ﺗﺎﺷﻼﺭﺩﺍ ﻳﺎﺷﺎﻳﺪﯨﻐﺎﻥ ﺑﯜﺭﻛﯜﺗﻨﻰ ﻛﯚﺭﯨﺴﯩﻠﻪﺭ.....

ﺋﻮﺳﻤﺎﻥ ﭼﻮﯓ ﺋﺎﺗﻘﺎ ﻗﺎﻣﭽﺎ ﺋﯘﺭﯗﭘﺘﯘ. ﺋﺎﺳﺘﯩﺪﯨﻜﻰ ﻗﯧﺮﻯ ﺑﺎﻳﺘﺎﻟﻨﻰ ﺑﯩﻠﻤﻪﻳﺪﯨﻐﺎﻧﺪﻩﻙ ﺯﻩﺭﺑﻪ ﺑﯩﻠﻪﻥ ﺋﯘﺭﯗﭘﺘﯘ. ﺋﯘﻻﺭ  ﻳﯧﺰﯨﻐﺎ ﻗﺎﺭﺍﭖ ﺋﺎﺗﻠﯩﺮﯨﻨﻰ ﭼﯧﭙﯩﺸﯩﭙﺘﯘ. ﮬﻪﻣﺮﺍﮬﻠﯩﺮﻯ ﺋﻮﺳﻤﺎﻧﻨﯩﯔ ﻧﯩﻤﻪ ﺩﻩﯞﺍﺗﻘﺎﻧﻠﯩﻘﯩﻨﻰ ﭼﯜﺷﯩﻨﻪﻟﻤﻪﭘﺘﯘ. ﺋﻪﻣﻤﺎ ﺑﯘ ﻗﯧﺮﯨﻨﯩﯔ ﻧﻪﭼﭽﻪ ﯞﺍﻗﯩﺘﺘﯩﻜﻰ ﺳﯩﺮﯨﻨﯩﯔ ﺋﻪﻣﺪﻯ ﺋﯧﭽﯩﻠﯩﺪﯨﻐﺎﻧﻠﯩﻘﯩﻐﺎ ﻛﯚﺯﻯ ﻳﯧﺘﯩﭗ ﻛﻪﻳﻨﯩﺪﯨﻦ ﻳﯧﺘﯩﺸﯩﭗ ﻣﯧﯖﯩﭙﺘﯘ.

ﺋﻮﺳﻤﺎﻥ ﭼﻮﯕﻼﺭ ﻧﺎﻣﺎﺯﺷﺎﻡ ﺑﯩﻠﻪﻥ ﻳﯧﺰﯨﻐﺎ ﻛﻪﭘﺘﯘ. ﮬﯧﭽﻴﻪﺭﺩﻩ ﺗﻮﺧﺘﯩﻤﺎﻱ ﺋﯚﻳﮕﻪ ﻛﻪﭘﺘﯘ. ﺋﺎﻟﺪﯨﺮﺍﭖ ﺋﺎﺗﻠﯩﺮﯨﻨﻰ ﺗﯜﯞﺭﯛﻛﻜﯩﻤﯘ ﺑﺎﻏﻠﯩﻤﺎﻱ ﺋﯚﻳﮕﻪ ﺋﯚﺯﯨﻨﻰ ﺋﯧﺘﯩﭙﺘﯘ.

- ﻣﻪﻣﻪﺕ ﻗﯧﻨﯩﺴﻪﻥ ﭘﻪﺭﮬﺎﺕ ﺋﯩﻤﺎﻡ ﺑﯩﻠﻪﻥ ﺳﻪﻳﭙﻪﻟﻰ ﻛﻪﻟﺪﻯ. ﮬﺎﺯﯨﺮ ﺋﯘﻻﺭ ﻣﻪﻧﺪﻩﻛﻼ ﺋﯩﺸﻪﻧﭽﯩﻠﯩﻚ. ﻗﯧﻨﻰ ﺑﺎﻻﻡ ﺳﻪﻥ!- ﺩﻩﭖ ﺋﻮﻳﯘﻗﻘﺎ ﻳﯜﮔﺮﻩﭘﺘﯘ.  ﺋﺎﻟﺪﯨﻐﺎ ﻗﻪﻣﻪﺭ ﺋﺎﻧﺎ ﭼﯩﻘﯩﭙﺘﯘ.

-  ﻣﻪﻣﻪﺕ ﻳﯧﺰﯨﺴﯩﻐﺎ ﻛﻪﺗﺘﻰ. ﻛﯚﺭﮔﯩﺴﻰ ﻛﯧﻠﯩﭗ ﺳﺎﺭﺍﯓ ﺑﻮﭘﺘﯘ. ﭼﯩﺪﯨﻤﯩﺪﻯ. ﻳﯧﺘﯩﯟﯦﺮﯨﭗ ﻳﯧﺰﯨﻠﯩﻘﻠﯩﺮﯨﻨﯩﯔ ﺋﻪﮬﯟﺍﻟﯩﻨﻰ ﺑﯩﻠﮕﯜﺳﻰ ﻛﻪﻟﺪﻯ. ﭼﯩﺪﯨﻤﯩﺪﻯ ﻛﻪﺗﺘﻰ.....ﺗﺎﻏﺎﻣﻐﺎ ﺋﯧﻴﺖ ﻳﻪﻧﻪ ﻛﯧﻠﯩﻤﻪﻥ ﺩﯨﺪﻯ- ﺩﻩﭘﺘﯘ.

ﺋﻮﺳﻤﺎﻥ ﭼﻮﯓ ﻛﺎﯕﻨﯩﯔ ﮔﯩﺮﯞﯨﻜﯩﮕﻪ ﺋﺎﺭﺍﻧﻼ ﺋﯩﻠﯩﺸﯩﭙﺘﯘ. ﺋﻮﻟﺘﯘﺭﯗﭘﻼ ﻗﺎﭘﺘﯘ. " ﮬﻪﻱ ﺋﯩﻤﺎﻡ ﺋﯘ ﻣﯘﺷﯘ ﻳﻪﺭﺩﻩ ﺋﯩﺪﻯ. ﻣﯘﺷﯘ ﺋﻮﻳﯘﻗﺘﺎ ﻳﺎﺗﺎﺗﺘﻰ. ﻛﯧﺘﯩﭙﺘﯘ. ﻣﯧﻨﻰ ﺗﺎﺷﻼﭖ ﻛﯧﺘﯩﭙﺘﯘ" ﺩﻩﭘﺘﯘ. ﻗﻪﻣﻪﺭ ﺋﺎﻧﺎ ﺋﯘﻧﻰ ﺑﻪﺯﻟﻪﻳﺪﯨﻜﻪﻥ.

- ﺋﯚﺯﯛﯕﺪﯨﻦ ﻛﻪﺗﺘﻰ ﺋﻮﺳﻤﺎﻥ ﺑﺎﻻ. ﻣﻪﻣﻪﺗﻨﯩﯔ ﻛﻪﻟﮕﻪﻧﻠﯩﻜﯩﻨﻰ ﮬﻪﻣﻤﯩﮕﻪ ﺩﻩﭖ ﺑﻮﻟﺪﯗﯓ. ﻛﻪﻟﺪﻯ ﺩﯨﻤﯩﺴﻪﯕﻤﯘ ﻛﻪﻟﮕﻪﻧﻠﯩﻜﯩﻨﻰ ﭘﯘﺭﯗﺗﯘﭖ ﺑﻮﻟﺪﯗﻕ. ﻗﯩﻠﯩﻘﻠﯩﺮﯨﯔ ﮬﻪﻣﻤﯩﻨﻰ ﺩﻩﭖ ﺑﻮﻟﺪﻯ.  ﺋﺎﻧﺎﯞﺍﺭﺯﺍﻧﯩﯔ ﺑﯘﻟﯘﯓ-ﭘﯘﺷﻘﺎﻗﻠﯩﺮﯨﻐﺎ ﻗﻪﺩﻩﺭ ﻳﯧﻴﯩﻠﺪﻯ. ﺑﯘﻧﺪﺍﻕ ﺋﻪﮬﯟﺍﻟﺪﺍ ﺑﺎﻻ ﺧﺎﺗﯩﺮﺟﻪﻡ ﺑﻮﻻﻻﻣﺪﯗ ! - ﺋﻮﺳﻤﺎﻥ ﭼﻮﯓ ﺋﯘﻧﻰ ﺗﯩﻠﻼﻳﺪﯨﻜﻪﻥ:

- ﮬﻪﻱ ﺟﺎﺩﻯ...ﻣﯧﻨﻰ ﺑﻮﻏﯘﻟﺪﯗﺭﻣﺎ. ﻣﻪﻥ ﺩﯨﻤﯩﮕﻪﻧﺪﯨﻜﯩﻦ ﮬﯧﭽﻜﯩﻢ ﺑﯩﻠﻤﻪﻳﺪﯗ- ﺩﻩﻳﺪﯨﻜﻪﻥ. ﻗﻪﻣﻪﺭ ﺋﺎﻧﺎ "ﺩﯨﻤﯩﺴﻪﯕﻤﯘ ﻗﯩﻠﯩﻘﻠﯩﺮﯨﯔ ﺑﯩﻠﻪﻥ ﺑﯩﻠﺪﯛﺭﯛﭖ ﺑﻮﻟﺪﯗﯓ"  ﺩﻩﻳﺪﯨﻜﻪﻥ...ﻛﻪﭼﻜﯩﭽﻪ ﺳﻮﻗﯘﺷﯩﺪﯨﻜﻪﻥ........

ﺋﻮﺳﻤﺎﻥ ﭼﻮﯓ ﻳﯧﺘﯩﭗ ﻗﺎﭘﺘﯘ. ﻣﺎﻏﺪﯗﺭﯨﺪﯨﻦ ﻛﯚﺯ ﻧﯘﺭﯨﺪﯨﻦ ﺋﺎﻳﺮﯨﻠﯩﭙﺘﯘ. ﻗﻮﻟﯩﺪﯨﻦ ﻗﺎﻧﯩﺘﯩﺪﯨﻦ ﺋﺎﻳﺮﯨﻠﯩﭙﺘﯘ. ﻧﻪﭼﭽﻪ ﻛﯜﻧﺪﯨﻜﻰ ﭼﺎﻗﻘﺎﻧﻠﯩﻘﻰ ﻳﯩﮕﯩﺘﻠﻪﺭﺩﻩﻙ ﭼﻪﺑﺪﻩﺳﻠﯩﻜﻰ ﻗﺎﻟﻤﺎﭘﺘﯘ. ﻳﺎﺗﯩﺪﯨﻜﻪﻧﻼ. "ﺋﯘ ﺋﻪﻣﺪﻯ ﻛﻪﻟﻤﻪﻳﺪﯗ" ﺩﻩﻳﺪﯨﻜﻪﻥ.ﭘﻪﺭﮬﺎﺕ ﺋﯩﻤﺎﻡ " ﻛﯧﻠﯩﺪﯗ. ﺑﯩﺮ ﻛﻪﻟﮕﻪﻥ ﻳﻪﺭﮔﻪ ﻳﻪﻧﻪ ﻛﯧﻠﯩﺪﯗ" ﺩﻩﻳﺪﯨﻜﻪﻥ.

ﯞﺍﻱ ﯞﺍﻳﻠﯩﻘﻼﺭ ﻣﻪﻣﻪﺗﻨﯩﯔ ﯞﺍﻱ ﯞﺍﻱ ﻳﯧﺰﯨﺴﯩﻐﺎ ﻛﯧﻠﯩﭗ ﻛﻪﺗﻜﻪﻧﻠﯩﻜﯩﻨﻰ ﺋﺎﯕﻼﭘﺘﯘ. ﺋﻮﺳﻤﺎﻥ ﭼﻮﯕﻨﻰ ﺗﯩﻠﻠﻼﭘﺘﯘ. "ﺑﯩﺰﺩﯨﻦ ﻗﯩﺰﻏﯩﻨﯩﭙﺘﯘ ﮬﯘ! ﻗﯩﺰﻏﺎﻧﭽﯘﻕ ﻗﯧﺮﻯ. ﺑﯩﺰﻧﻰ ﺋﯚﺯﯨﺪﻩﻙ ﻛﯚﺭﻣﻪﭘﺘﯘ" ﺩﻩﭖ ﺗﯩﻠﻠﯩﺸﯩﭙﺘﯘ. "ﺷﯘﯕﻘﺎﺭﯨﻤﯩﺰﻧﯩﯔ ﻳﯧﺰﯨﺪﺍ ﺗﯘﺭﻏﺎﻧﻠﯩﻘﯩﻨﻰ ﺩﯨﻤﻪﭘﺘﯘ....ﺩﯨﺴﻪ ﻛﯚﺭﺳﻪﻙ ﺑﻮﻟﻤﺎﻣﺪﯗ...ﺧﯩﺰﻣﯩﺘﯩﻨﻰ ﻗﯩﻠﺴﺎﻕ ﺑﻮﻟﻤﺎﻣﺪﯗ...." ﺩﯨﻴﯩﺸﯩﭙﺘﯘ. ﮬﻪﻣﻤﯩﺴﻰ ﺋﻮﺳﻤﺎﻥ ﭼﻮﯕﺪﯨﻦ ﻳﺎﻣﺎﻧﻼﭘﺘﯘ. ﺋﻮﺳﻤﺎﻥ ﭼﻮﯓ.

- ﻛﻪﭼﯜﺭﯛﯕﻼﺭ ﻗﻮﺭﻗﺘﯘﻡ....ﺩﻩﻱ ﺩﯨﺪﯨﻢ...ﺋﻪﻣﻤﺎ ﺷﯘﯕﻘﺎﺭﯨﻤﯩﺰﺩﯨﻦ ﺋﻪﻧﺴﯩﺮﯨﺪﯨﻢ...-ﺩﻩﭘﺘﯘ. ﮬﯚﺯﯗﺭﺧﺎﻟﯩﻖ ﺋﯧﻴﺘﯩﭙﺘﯘ...ﻳﯧﺰﯨﻠﯩﻘﻼﺭ ﻗﺎﻳﻨﺎﭖ ﻛﯧﺘﯩﭙﺘﯘ. ﺋﻪﻟﻰ ﺳﺎﭘﺎ ﺑﺎﻳﻨﯩﯔ ﻗﯩﻠﻐﺎﻧﻠﯩﺮﯨﻨﻰ ﯞﺍﻗﯩﺘﻠﯩﻖ ﺋﯘﻧﺘﯘﭘﺘﯘ. ﻣﻪﻣﻪﺕ ﺋﻮﺳﻤﺎﻥ ﭼﻮﯕﻨﯩﯔ ﺋﯚﻳﯩﮕﻪ ﻛﻪﻟﮕﻪﻧﺪﻩ ﮬﯩﭽﻜﯩﻢ ﻛﯚﺭﻣﯩﮕﻪﻥ ﺋﯩﻜﻪﻥ. ﺋﻪﻣﻤﺎ ﮬﺎﺯﯨﺮ ﻧﯘﺭﻏﯘﻥ ﺋﺎﺩﻩﻡ ﻛﯚﺭﮔﻪﻧﻠﯩﻜﯩﻨﻰ ﺋﯧﻴﺘﯩﭙﺘﯘ. ﺋﯘﻧﯩﯔ ﻳﻮﺭﯗﻗﻠﯘﻕ ﺋﯩﭽﯩﺪﻩ ﻳﻪﺭﺩﯨﻦ ﺑﯩﺮ ﻏﯧﺮﯨﭻ ﻛﯚﺗﯜﺭﯛﻟﯜﭖ ﺋﯧﺘﯩﻨﻰ ﺋﺎﺳﺘﺎ ﻣﺎﯕﺪﯗﺭﯗﭖ ﯞﺍﻱ ﯞﺍﻱ ﻳﯧﺰﯨﺴﯩﻐﺎ ﻛﯩﺮﮔﻪﻧﻠﯩﻜﯩﻨﻰ ﻛﯚﺭﮔﻪﻧﻠﻪﺭ ﺑﺎﺭ ﺋﯩﻜﻪﻥ. ﺳﺎﻗﭽﻰ ﺑﺎﺷﻠﯩﻐﯩﻨﯩﯔ ﺗﯩﺰﯨﻐﺎ ﺋﺎﺗﻘﺎﻥ ﭼﯧﻐﯩﺪﯨﻤﯘ ﺋﯘﻧﻰ ﻛﯚﺭﯛﭖ ﻗﺎﻟﻐﺎﻧﻼﺭ ﺑﺎﺭ ﺋﯩﻜﻪﻥ. ﻛﯧﻴﯩﻨﭽﻪ ﻛﯚﺭﮔﻪﻧﻠﻪﺭ ﺗﯧﺨﯩﻤﯘ ﻛﯚﭘﯩﻴﯩﭗ ﻛﯧﺘﯩﭙﺘﯘ....ﻗﺎﺭﺍﯕﻐﯘ ﻛﯧﭽﯩﺪﻩ ﺋﺎﻗﭽﺎﺳﺎﺯﻧﯩﯔ ﺋﻪﺗﺮﺍﭘﻠﯩﺮﯨﺪﺍ ﺋﺎﻳﻠﯩﻨﯩﭗ ﻳﯜﺭﮔﻪﻧﻠﯩﻜﯩﻨﻰ ﻛﻪﻳﻨﯩﺪﯨﻦ ﺑﯩﺮ ﺋﺎﻕ ﺗﯘﻟﭙﺎﺭﻧﯩﯔ ﺋﻪﮔﯩﺸﯩﭗ ﻛﯧﺘﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﮔﻪﻧﻠﻪﺭ ﺑﺎﺭ ﺋﯩﻜﻪﻥ. ﻳﻪﻧﻪ ﺑﻪﺯﯨﻠﻪﺭ ﺋﯘﻧﻰ ﻗﯩﻴﺎ ﺗﺎﺷﻨﯩﯔ ﺋﯜﺳﺘﯩﺪﻩ ﺧﯩﻴﺎﻝ ﺳﯜﺭﯛﭖ ﺋﻮﻟﺘﯘﺭﻏﺎﻧﻠﯩﻘﯩﻨﻰ ﺗﯩﺰﻟﯩﺮﯨﻐﺎ ﺋﺎﭘﭙﺎﻕ ﻗﯘﺷﻘﺎﭼﻼﺭﻧﯩﯔ ﻗﻮﻧﯩﯟﺍﻟﻐﺎﻧﻠﯩﻘﯩﻨﻰ ﻛﯚﺭﮔﻪﻥ ﺋﯩﻜﻪﻥ....ﮬﻪﻣﻤﻪﻳﻠﻪﻥ ﺷﯘ ﮬﻪﻗﺘﻪ ﺳﯚﺯﻟﯩﺸﯩﺪﯨﻜﻪﻥ...ﺋﻪﻣﻤﺎ ﮬﯩﭽﻜﯩﻢ "ﻣﻪﻣﻪﺕ" ﺩﯨﮕﻪﻥ ﺋﯩﺴﯩﻤﻨﻰ ﺗﯩﻠﻐﺎ ﺋﺎﻟﻤﺎﻳﺪﯨﻜﻪﻥ. "ﺋﯘ" ﻳﺎﻛﻰ "ﺷﯘﯕﻘﺎﺭﯨﻤﯩﺰ"...ﺩﯨﮕﻪﻧﺪﻩﻙ ﺳﯚﺯﻟﻪﺭ ﺑﯩﻠﻪﻥ ﺋﺎﺗﺎﻳﺪﯨﻜﻪﻥ. ﻣﻪﻣﻪﺗﻨﯩﯔ ﻳﯧﺰﯨﻐﺎ ﻛﻪﻟﮕﻪﻧﻠﯩﻜﯩﻨﻰ ﺋﯘﻧﯩﯔ ﻳﻪﻧﻪ ﻛﯧﻠﯩﺪﯨﻐﺎﻧﻠﯩﻖ ﺧﻪﯞﯨﺮﻯ ﻧﺎﺭﻟﻰ ﻗﯩﺸﻼﻗﻘﯩﻤﯘ ﺑﯧﺮﯨﭙﺘﯘ. ﺳﺎﺭﯨﭽﺎﻣﺪﯨﻜﯩﻠﻪﺭ ﺋﯩﺴﯩﺖ!  ﺩﻩﭘﺘﯘ. "ﻧﯩﻤﯩﺸﻘﺎ ﺋﻮﺳﻤﺎﻥ ﭼﻮﯕﻨﯩﯔ ﮔﯧﭙﯩﻨﻰ ﺋﺎﯕﻼﭖ ﻛﻪﺗﻤﯩﮕﻪﻧﺪﯨﻤﯩﺰ" ﺩﻩﭘﺘﯘ. "ﺷﯘﯕﻘﺎﺭﯨﻤﯩﺰﻧﯩﯔ ﭼﯩﺮﺍﻳﯩﻨﻰ ﻛﯚﺭﺳﻪﻙ ﺑﻮﻟﻤﺎﻣﺪﯗ" ﺩﯨﻴﯩﺸﯩﭙﺘﯘ. ﻳﻮﺑﺎﺯ ﺋﻮﻏﻠﻰ ﮬﻪﺳﻪﻥ ﺑﺎﺷﻠﯩﻖ ﺑﯩﺮ ﻧﻪﭼﭽﻪ ﺋﺎﺋﯩﻠﻪ ﻗﺎﻳﺘﯩﭗ ﻛﻪﭘﺘﯘ................

ﻣﻪﻣﻪﺗﻨﯩﯔ ﺧﻪﯞﯨﺮﻯ ﺋﻪﺗﺮﺍﭘﻘﺎ ﭘﯘﺭ ﻛﯧﺘﯩﭙﺘﯘ. ﺋﻪﻣﻤﺎ ﺋﻪﻟﻰ ﺳﺎﭘﺎﻧﯩﯔ ﮬﯚﻛﯜﻣﻪﺗﻨﯩﯔ ﻗﯘﻟﯩﻘﯩﻐﺎ ﻛﯩﺮﻣﻪﭘﺘﯘ. ﺯﻩﻳﻨﻪﻟﺪﻩﻛﻠﻪﺭ ﺳﻪﺯﻣﻪﻳﻼ ﻗﺎﭘﺘﯘ. ﻳﯧﺰﯨﻠﯩﻘﻼﺭ ﮬﯧﭽﻜﯩﻤﮕﻪ ﺳﻪﺯﺩﯛﺭﻣﻪﭘﺘﯘ..........

   ﮬﺎﻛﯩﻢ ﺳﯧﻤﯩﺰ ﭘﺎﻛﺎﺭ ﺑﻮﻳﻠﯘﻕ ﻗﯧﻠﯩﻦ ﻗﺎﺷﻠﯩﻖ ﻣﯘﺯ ﭼﯩﺮﺍﻱ ﺋﺎﺩﻩﻡ ﺋﯩﻜﻪﻥ. ﺗﯧﮕﻰ-ﺗﯧﮕﯩﺪﯨﻦ ﺋﻮﺳﻤﺎﻧﻠﻰ ﺋﯩﻜﻪﻥ. ﺩﻭﭘﯩﺴﯩﻨﻰ ﺗﺎﺷﻼﭖ ﻳﺎﯞﺭﻭﭘﺎﻟﯩﻘﻼﺭﻧﯩﯔ ﻗﺎﻟﭙﯩﻘﯩﻨﻰ ﻛﯩﻴﯩﯟﺍﻟﻐﺎﻥ ﺑﻮﻟﺴﯩﻤﯘ ﺋﻪﺳﻠﯩﺪﯨﻨﻼ ﺗﯩﭙﯩﻚ ﺋﻮﺳﻤﺎﻧﭽﻰ ﺋﯩﻜﻪﻥ. ﺩﻭﭘﭙﺎﭘﻪﺭﻩﺱ ﺋﯩﻜﻪﻥ. ﻗﺎﻟﭙﺎﻗﭙﻪﺭﻩﺱ ﻣﯘﺳﺘﺎﭘﺎ ﻛﺎﻣﺎﻟﻐﺎ ﺧﺎﭘﺎ ﺋﯩﻜﻪﻥ. ﺩﯨﺨﺎﻧﻼﺭﻏﯩﻤﯘ ﺧﺎﭘﺎ ﺋﯩﻜﻪﻥ. ﺳﯧﺮﯨﻖ ﺑﺎﺷﻘﺎ ﺋﻪﮔﯩﺸﯩﭗ ﺳﯘﻟﺘﺎﻧﻨﻰ ﻗﻮﻏﻼﺷﻘﺎ ﻳﺎﺭﺩﻩﻣﺪﻩ ﺑﻮﻟﻐﺎﻥ ﺑﯘ ﺗﯧﮕﻰ ﭘﻪﺱ ﻳﯧﺰﯨﻠﯩﻘﻼﺭﻧﻰ ﻛﯚﺭﺳﻪ ﺟﯘﺩﯗﻧﻰ ﺋﯚﺭﻟﻪﻳﺪﯨﻜﻪﻥ. ﮬﻪﺭ ﻛﯜﻧﻰ ﺧﯘﭘﺘﻪﻧﺪﯨﻦ ﻛﯧﻴﯩﻦ ﺋﯘﻳﻘﯘﺳﻰ ﻛﻪﻟﻤﻪﻳﺪﯨﻜﻪﻥ. ﻳﺎﻟﻐﯘﺯ ﺋﻮﻟﺘﯘﺭﯗﭖ ﺑﻮﻏﯘﻟﯩﺪﯨﻜﻪﻥ. ﺳﯘﻟﺘﺎﻥ ﺳﻪﻟﯩﻤﻨﯩﯔ ﺳﯘﻟﺘﺎﻥ ﺳﯘﻻﻳﻤﺎﻧﻨﯩﯔ ﻣﯘﮬﻪﻣﻤﻪﺕ ﭘﺎﺗﯩﮭﻨﯩﯔ ﺑﯘ ﮔﯜﺯﻩﻝ ﯞﻩﺗﯩﻨﻰ ﺗﯧﮕﻰ ﻧﺎﻣﻪﻟﯘﻡ ﻛﯩﺸﯩﻠﻪﺭﮔﻪ ﺑﻮﻟﺸﯩﯟﯨﻜﻼﺭﻏﺎ ﻗﺎﺭﺍﻗﭽﯩﻼﺭﻏﺎ ﻗﺎﻟﯘﺭﻣﯘ ﺩﻩﭖ ﻗﺎﻳﻐﯘﺭﯨﺪﯨﻜﻪﻥ. ﻳﯩﮕﺎﻧﻪ ﺋﺎﻟﻼﻧﯩﯔ ﺑﯘﻧﯩﯖﻐﺎ ﻳﻮﻝ ﻗﻮﻳﻤﺎﻳﺪﯨﻐﺎﻧﻠﯩﻘﯩﻐﺎ ﺑﯩﺮ ﻛﯜﻧﻰ ﺋﺎﻣﯩﺮﯨﻜﯩﻠﯩﻘﻼﺭﻧﯩﯔ ﺋﯩﻨﮕﯩﻠﯩﺰﻻﺭﻧﯩﯔ ﻛﯧﻠﯩﭗ ﺑﯘ ﺗﯧﮕﻰ ﭘﻪﺳﻠﻪﺭﺩﯨﻦ ﮬﻮﻗﻮﻗﻨﻰ ﺗﺎﺭﺗﯩﯟﯦﻠﯩﭗ ﺳﯘﻟﺘﺎﻧﻐﺎ ﺧﻪﻟﯩﭙﯩﮕﻪ ﺑﯧﺮﯨﺪﯨﻐﺎﻧﻠﯩﻘﯩﻐﺎ ﺋﯩﺸﯩﻨﯩﺪﯨﻜﻪﻥ. ﺑﻪﺵ ﯞﺍﻕ ﻧﺎﻣﯩﺰﯨﺪﺍ ﺗﯩﻠﻪﻳﺪﯨﻜﻪﻥ. ﺑﻮﻟﺸﯩﯟﯨﻜﻼﺭﻧﻰ ﻗﺎﻏﺎﻳﺪﯨﻜﻪﻥ.........

ﺋﻪﻟﻰ ﺳﺎﭘﺎ ﺑﺎﻱ ﮬﺎﻛﯩﻢ ﺑﯩﻠﻪﻥ ﻳﯧﺰﯨﻐﺎ ﺑﯧﺮﯨﭗ ﺋﻪﻟﻰ ﺳﺎﭘﺎﻏﺎ ﺗﻪﯞﻩ ﻳﻪﺭﻧﯩﯔ ﺩﺍﺋﯩﺮﯨﺴﯩﻨﻰ ﻳﻪﻧﻪ ﺑﯩﺮ ﺟﺎﻛﺎﻟﯩﻤﺎﻗﭽﻰ ﺑﻮﻟﯘﭘﺘﯘ. ﻳﻪﺭ ﺧﯧﺘﯩﻨﻰ ﻳﯧﺰﯨﻠﯩﻘﻼﺭﻧﯩﯔ ﻛﯚﺯﯨﮕﻪ ﺗﯩﻘﻤﺎﻗﭽﻰ ﺑﻮﭘﺘﯘ. ﻣﯩﻠﻠﻪﺕ ﯞﻩﻛﯩﻠﻰ ﺋﺎﺭﯨﭗ ﺳﺎﻳﯩﻢ ﺑﺎﻳﻨﯩﯔ ﻣﺎﺷﯩﻨﯩﺴﯩﻨﻰ ﺋﺎﺭﯨﻴﻪﺕ ﺋﺎﭘﺘﯘ. ﻳﯧﺰﯨﻠﯩﻘﻼﺭ ﺋﺎﻟﺪﯨﺪﺍ ﻗﺎﻧﭽﻪ ﺋﺎﻻﮬﯩﺪﻩ ﺑﻮﻟﺴﺎ ﺷﯘﻧﭽﻪ ﻛﯜﭼﻠﯜﻙ ﻛﯚﺭﯛﻧﯩﺪﯨﻜﻪﻥ. ﭼﺎﯞﯗﺷﺘﯩﻦ ﻳﯩﮕﯩﺮﻣﯩﺪﻩﻙ ﺳﺎﻗﭽﯩﻨﻰ ﺋﺎﺭﯨﻴﻪﺕ ﺋﺎﭘﺘﯘ.

ﮬﺎﻛﯩﻤﻐﺎ ﺑﯘ ﺋﯩﺶ ﺑﻪﻙ ﻳﯧﻘﯩﭙﺘﯘ. ﺋﻪﻟﻰ ﺳﺎﭘﺎ ﺑﺎﻳﻐﺎ ﺋﻮﺧﺸﺎﺵ ﺟﯘﻣﮭﯘﺭﯨﻴﻪﺗﭽﯩﻠﻪﺭ ﺗﯜﺭﻛﯩﻴﻪﺩﻩ ﺟﯩﻘﻜﻪﻥ. ﺋﯘﻻﺭ ﺟﯘﻣﮭﯘﺭﯨﻴﻪﺗﭽﻰ ﺑﻮﻟﻐﺎﻥ ﺑﯩﻠﻪﻥ ﺟﯘﻣﮭﯘﺭﯨﻴﻪﺗﻨﻰ ﻏﺎﺟﯩﻼﭖ  ﻳﻪﻳﺪﯨﻜﻪﻥ. "ﻳﻪﺗﺘﻪ ﻳﯜﺯ ﻳﯩﻠﻠﯩﻖ ﺋﻮﺳﻤﺎﻧﯩﻲ ﺩﻩﯞﺭﯨﺪﻩ ﻛﯚﺭﻣﯩﮕﻪﻥ ﺋﻪﻟﻰ ﺳﺎﭘﺎﻻﺭﻧﻰ ﻛﯚﺭﯛﯞﺍﺗﯩﻤﯩﺰ. ﺋﯚﺯﯨﮕﻪ ﺗﻪﻳﭙﯘﻥ ﺑﺎﻱ ﺩﻩﭖ ﺋﯩﺴﯩﻢ ﻗﻮﻳﯘﯞﺍﻟﻐﺎﻥ ﺑﯘﻧﺪﺍﻕ ﻳﺎﻟﻐﺎﻥ ﻗﻪﮬﺮﯨﻤﺎﻧﻼﺭﻧﻰ ﺋﻮﺳﻤﺎﻧﯩﻴﻼﺭﺩﯨﻤﯘ ﻛﯚﺭﻣﯩﮕﻪﻥ.... ﺑﯘﻻﺭ ﭼﯩﺮﯨﺘﯩﺪﯗ. ﭘﻮﺭ ﻛﯚﺗﻪﻛﺘﻪﻙ ﭼﯩﺮﯨﺘﯩﺪﯗ. ﺋﺎﺧﯩﺮﻯ ﺑﯩﺮ ﻛﯜﻥ ﺑﯘﻧﯩﯖﻐﺎ ﺋﻮﺧﺸﺎﺵ ﺋﯩﭙﻼﺱ ﻏﺎﻟﭽﯩﻼﺭ ﻣﯘﺳﺘﺎﭘﺎ ﻛﺎﻣﺎﻟﻨﯩﯔ ﺑﯧﺸﯩﻐﺎ ﭼﯩﻘﯩﺪﯗ......" ﺷﯘﯕﺎ ﺋﻪﻟﻰ ﺳﺎﭘﺎﺩﻩﻛﻠﻪﺭﻧﯩﯔ ﺋﯩﺸﻠﯩﺮﯨﻐﺎ ﻛﯚﺯﯨﻨﻰ ﻳﯘﻣﯘﭖ ﻳﺎﺭﺩﻩﻡ ﻗﯩﻠﯩﺶ ﻛﯧﺮﻩﻛﻜﻪﻥ. ﺑﯘ ﺋﻮﺳﻤﺎﻧﯩﻲ ﺳﯘﻟﺘﺎﻧﻠﯩﻘﯩﻨﻰ ﺗﯩﺮﯨﻠﺪﯛﺭﯛﺷﻜﻪ ﻗﻮﺷﻘﺎﻥ ﺷﻪﺭﻩﭘﻠﯩﻚ ﺗﯚﮬﭙﻪ ﮬﯩﺴﺎﭘﻠﯩﻨﯩﺪﯨﻜﻪﻥ. ﺳﯧﺮﯨﻖ ﺑﺎﺷﻨﻰ ﻳﯩﻘﯩﺘﯩﺶ ﺋﯜﭼﯜﻥ ﺷﯘﻧﺪﺍﻕ ﻗﯩﻠﯩﺶ ﻛﯧﺮﻩﻛﻜﻪﻥ.

ﺋﯘﻻﺭ ﻣﺎﺷﯩﻨﺎ ﺑﯩﻠﻪﻥ ﯞﺍﻱ ﯞﺍﻱ ﻳﯧﺰﯨﺴﯩﻐﺎ ﺑﯧﺮﯨﭙﺘﯘ. ﺷﺎﮬﯩﺘﻼﺭﻧﯩﯔ ﮔﯘﯞﺍﮬﻠﯩﻘﯩﺪﺍ ﺋﻪﻟﻰ ﺳﺎﭘﺎ ﺑﺎﻳﻨﯩﯔ ﻳﯧﺮﯨﻨﯩﯔ ﺩﺍﺋﯩﺮﯨﺴﯩﻨﻰ ﺋﯧﻼﻥ ﻗﯩﭙﺘﯘ. ﯞﺍﻱ ﯞﺍﻱ ﻳﯧﺰﯨﺴﻰ ﺑﯘ ﺩﺍﺋﯩﺮﯨﻨﯩﯔ ﺋﻮﺗﺘﯘﺭﯨﺴﯩﺪﺍ ﺋﯩﻜﻪﻥ.

ﺩﯨﺨﺎﻧﻼﺭ ﻳﯧﺰﯨﻨﻰ "ﺋﻪﻟﻰ ﺳﺎﭘﺎ ﺑﺎﻱ ﺗﯘﻏﯘﻟﯘﺷﺘﯩﻦ ﺑﯘﺭﯗﻧﻼ ﺋﺎﺗﺎ-ﺑﻮﯞﯨﻤﯩﺰﻧﯩﯔ ﺋﯩﺪﻯ. ﺋﯘﻧﯩﯔ ﻳﻪﺭ ﺧﯧﺘﻰ ﻳﺎﻟﻐﺎﻥ" ﺩﻩﭘﺘﯘ. ﮬﺎﻛﯩﻢ ﺋﯘﻻﺭﻧﻰ ﺗﯩﻠﻼﭘﺘﯘ. "ﮬﯘ ﻳﺎﻟﻐﺎﻧﭽﯩﻼﺭ!  ﺋﻮﺕ-ﭼﯚﭖ ﺑﯩﻠﻪﻥ ﻗﯘﺭﺍﺷﺘﯘﺭﯞﺍﻟﻐﺎﻥ ﺑﯘ ﻳﯧﺰﺍ ﻳﯜﺯ ﻳﯩﻠﻠﯩﻘﻤﺎ ﺗﯧﺨﻰ ﺋﯚﺗﻜﻪﻥ ﻳﯩﻠﯩﻼ ﻗﯘﺭﯗﯞﺍﻟﻐﺎﻧﺴﯩﻠﻪﺭ ﺗﺎﻳﯩﻨﻠﯩﻖ" ﺩﻩﭘﺘﯘ. ﯞﺍﻗﺘﯩﺪﺍ ﻛﯚﭼﻤﯩﺴﻪ ﮬﻪﻣﻤﻪ ﺋﯚﻳﻠﻪﺭﻧﻰ ﺑﯘﺯﯗﭖ ﺋﯘﻻﺭﻧﻰ ﻣﻪﺟﺒﯘﺭﻯ ﺑﯩﺮ ﺗﻪﺭﻩﭖ ﻗﯩﻠﯩﺶ ﮬﯚﻛﯜﻣﻪﺕ ﻗﺎﻧﯘﻧﯩﺪﺍ ﺑﺎﺭ ﺋﯩﻜﻪﻥ. ﻳﯧﺰﯨﻠﯩﻘﻼﺭﺩﺍ ﻳﻪﺭ ﺧﯧﺘﻰ ﻳﻮﻗﻜﻪﻥ. ﮬﻪﺗﺘﺎ ﺋﻮﻟﺘﯘﺭﻏﺎﻥ ﺋﯚﻳﻠﯩﺮﯨﻨﯩﯖﻤﯘ ﻳﻪﺭ ﺧﯧﺘﻰ ﻳﻮﻗﻜﻪﻥ. ﺑﯘ ﻗﺎﻧﯘﻧﺴﯩﺰﻟﯩﻖ ﺑﻮﻟﯩﺪﯗ-ﺩﻩ. ﺋﻪﻟﻰ ﺳﺎﭘﺎ ﺑﺎﻳﻨﯩﯔ ﻳﻪﺭ ﺧﯧﺘﻰ ﺑﺎﺭ ﺗﯘﺭﺳﺎ ﮬﻪﺗﺘﺎ ﮬﺎﺟﻪﺗﺨﺎﻧﯩﺴﯩﻨﯩﯖﻤﯘ ﻳﻪﺭ ﺧﯧﺘﻰ ﺑﺎﺭ ﻗﺎﻧﯘﻧﻠﯘﻕ ﮔﯩﺮﺍﮊﺩﺍﻥ ﺗﯘﺭﺳﺎ ﺩﯙﻟﻪﺕ ﺑﯘ ﺋﺎﺩﻩﻣﻨﻰ ﻗﻮﻏﺪﯨﻤﺎﻱ ﺋﻪﺷﯘ ﻳﻮﻟﺴﯩﺰ ﻛﯚﻛﻪﺭﻣﻪ ﻳﯧﺰﯨﻠﯩﻘﻼﺭﻧﻰ ﻗﻮﻏﺪﺍﻣﺪﯗ !

ﮬﺎﻛﯩﻤﻨﯩﯔ ﺩﯨﻴﯩﺸﯩﭽﻪ ﺑﯘ ﺩﯨﺨﺎﻧﻼﺭ ﺟﯘﻣﮭﯘﺭﯨﻴﻪﺗﻨﯩﯔ ﺋﯩﮕﯩﻠﯩﺮﻯ ﺩﯨﻴﯩﻠﮕﻪﻥ ﺩﯨﺨﺎﻧﻼﺭ ﺋﻪﻣﻪﺳﻜﻪﻥ. ﺑﯘﻻﺭ ﺑﺎﺷﻘﯩﻜﻪﻥ. ﻗﺎﺭﺍﻗﭽﯩﻼﺭﻛﻪﻥ. ﺗﯧﮕﻰ ﭘﻪﺳﻠﻪﺭﻛﻪﻥ. ﻣﯘﺳﺘﺎﭘﺎ ﻛﺎﻣﺎﻝ ﺩﺍﯞﺍﻣﻠﯩﻖ ﺗﻪﻛﯩﺘﻠﻪﻳﺪﯨﻐﺎﻥ "ﺩﯙﻟﻪﺗﻨﯩﯔ ﺧﻮﺟﺎﻳﯩﻨﻠﯩﺮﻯ" ﺩﯨﮕﻪﻥ ﺧﻪﻟﻖ ﺑﯘﻻﺭ ﺋﻪﻣﻪﺳﻜﻪﻥ. ﺋﯘﻻﺭﻏﺎ ﺗﯜﺭﻙ ﺟﯘﻣﮭﯘﺭﯨﻴﯩﺘﯩﻨﯩﯔ ﻣﯘﺳﺘﻪﮬﻜﻪﻡ ﻗﺎﻧﯘﻧﯩﻨﯩﯔ ﻛﯜﭼﻰ ﻳﯧﺘﯩﺪﯨﻜﻪﻥ. ﺑﯘ ﺑﯩﺮ ﻗﯩﺴﯩﻢ ﺑﯘﺯﻏﯘﻧﭽﯩﻼﺭﻧﻰ ﺟﺎﺯﺍﻻﺵ ﺗﯜﺭﻙ ﺩﯙﻟﯩﺘﯩﻨﯩﯔ ﻗﻮﻟﯩﺪﯨﻦ ﻛﯧﻠﯩﺪﯨﻜﻪﻥ.  ﺑﯘ ﺑﯩﺮ ﻗﯩﺴﯩﻢ ﺑﯘﺯﻏﯘﻧﭽﻰ ﺩﯨﺨﺎﻧﻼﺭﺩﻩﻙ ﻣﻪﺩﻩﻧﯩﻴﻪﺗﻨﯩﯔ ﺩﯛﺷﻤﻪﻧﻠﯩﺮﻯ ﺋﯩﻨﺴﺎﻧﯩﻴﻪﺗﻨﯩﯔ ﺩﯛﺷﻤﻪﻧﻠﯩﺮﻯ ﮬﺎﻣﺎﻥ ﻳﻮﻗﯩﺘﯩﻠﯩﺪﯨﻜﻪﻥ.

ﺋﯘﻻﺭ ﻣﺎﺷﯩﻨﺎ ﺩﯨﮕﻪﻥ ﻧﻪﺭﺳﻪ ﺑﯩﻠﻪﻥ ﻛﻪﭘﺘﯘ. ﺋﻮﻥ-ﻳﯩﮕﯩﺮﻣﻪ ﺳﺎﻗﭽﯩﻨﻰ ﺋﻪﮔﻪﺷﺘﯜﺭﯛﭖ ﻛﻪﭘﺘﯘ. ﺳﺎﻗﭽﯩﻼﺭﻧﯩﯔ ﺑﺎﺭﻣﺎﻗﻠﯩﺮﻯ ﻗﻮﺭﺍﻟﻨﯩﯔ ﺗﻪﭘﻜﯩﺴﯩﺪﻩ ﺗﯘﺭﯨﺪﯨﻜﻪﻥ. ﺑﯘﻳﺮﯗﻗﻘﺎ ﺗﻪﻳﻴﺎﺭﻛﻪﻥ. ﺩﯛﺷﻤﻪﻥ ﻛﯜﭼﻠﻪﺭﻧﻰ ﺋﯘﺟﯘﻗﺘﯘﺭﯗﭖ ﺧﻪﻟﯩﻖ ﮬﺎﻛﯩﻤﯩﻴﯩﺘﯩﻨﻰ ﻗﻮﻏﺪﺍﺷﻘﺎ ﺗﻪﻳﻴﺎﺭﻛﻪﻥ. ﺋﻪﻟﻰ ﺳﺎﭘﺎ ﺑﺎﻱ ﺑﯩﻠﻪﻥ ﮬﺎﻛﯩﻤﻨﯩﯔ ﺳﯚﺯﻟﯩﺮﯨﺪﯨﻦ ﻗﺎﻧﯘﻧﻨﯩﯔ ﺭﻩﮬﯩﻤﺴﯩﺰ ﻗﯩﻴﺎﭘﯩﺘﻰ ﻧﺎﻣﺎﻳﻪﻥ ﺑﻮﻟﯩﺪﯨﻜﻪﻥ. ﺑﯘﻧﺪﺍﻕ ﮬﻪﻳﯟﻩﺗﻠﯩﻚ ﮬﯚﻛﯜﻣﻪﺗﺘﯩﻦ ﻳﯧﺰﯨﻠﯩﻘﻼﺭ ﻗﻮﺭﻗﻤﺎﻱ ﻗﺎﻻﺗﺘﯩﻤﯘ ﻗﻮﺭﻗﯘﭘﺘﯘ. ﻻﺳﺴﯩﺪﻩ ﺑﻮﺷﯩﺸﯩﭗ ﻗﺎﭘﺘﯘ. ﺗﻮﻏﺮﺍ ﻳﺎﻣﺎﻥ ﻳﯧﺮﯨﮕﻪ ﻛﻪﻟﮕﻪﻧﺪﻩ ﻳﯧﺰﯨﻠﯩﻘﻼﺭ ﻳﻪﺭ ﺧﯧﺘﯩﻨﻰ ﭼﯩﻘﯩﺮﺍﻟﻤﺎﻳﺪﯨﻜﻪﻥ. ﺋﯩﻠﮕﯩﺮﻯ ﮬﯚﻛﯜﻣﻪﺕ ﮬﻪﺭ-ﺧﯩﻞ ﺳﻪﯞﻩﭘﻠﻪﺭ ﺑﯩﻠﻪﻥ ﺩﯨﺨﺎﻧﻼﺭﻏﺎ ﻳﻪﺭ ﺧﯧﺘﻰ ﻛﯧﺴﯩﭗ ﺑﯧﺮﯨﺸﻨﻰ ﻛﻪﻳﻨﯩﮕﻪ ﺳﯜﺭﯛﭖ ﻛﻪﻟﮕﻪﻥ ﺋﯩﻜﻪﻥ. ﺷﯘﯕﺎ ﻳﻪﺭ ﺧﯧﺘﻰ ﺋﺎﻻﻟﻤﺎﭘﺘﯩﻜﻪﻥ.

ﻳﻪﺭ ﺧﯧﺘﯩﻨﻰ ﮬﻪﻣﻤﯩﻼ ﻳﻪﺭﺩﻩ ﮬﯚﻛﯜﻣﻪﺗﻨﯩﯔ ﻳﻪﺭ ﺋﯩﺪﺍﺭﯨﺴﻰ ﻛﯧﺴﯩﺪﯨﻜﻪﻥ. ﻳﻪﺭﻧﯩﯔ ﻧﯩﻤﯩﻠﯩﻜﯩﻨﻰ ﺑﯩﻠﻤﯩﺴﯩﻤﯘ  ﻳﻪﻧﯩﻼ ﻛﺎﺩﯨﺮﻻﺭ ﻛﯧﺴﯩﺪﯨﻜﻪﻥ. ﺩﯨﺨﺎﻥ ﺑﻮﯞﯨﺴﯩﻨﯩﯔ ﺑﻮﯞﯨﺴﯩﺪﯨﻦ ﺗﺎﺭﺗﯩﭗ ﺗﯧﺮﯨﻐﺎﻥ ﻳﯧﺮﯨﮕﯩﻤﯘ ﻳﻪﺭ ﺧﯧﺘﻰ ﻛﯧﺴﻠﻤﻪﻳﺪﯨﻜﻪﻥ. ﮬﯚﻛﯜﻣﻪﺕ ﺋﺎﺩﯨﻤﻰ ﻛﯧﺴﯩﺪﯨﻜﻪﻥ. ﮬﺎﻛﯩﻤﯩﻴﻪﺗﻨﯩﯔ ﺑﯘﺭﯗﻧﻘﻰ ﺧﻮﺟﺎﻳﯩﻨﻰ ﺋﺎﻟﻤﺎﺷﺴﯩﻼ ﺑﯩﺮ ﭘﺎﺭﭼﻪ ﻳﻪﺭﻧﯩﯖﻤﯘ ﺧﻮﺟﺎﻳﯩﻨﻰ ﺋﺎﻟﻤﯩﺸﯩﺪﯨﻜﻪﻥ. ﺋﺎﻟﺪﻯ ﺑﯩﻠﻪﻥ ﮬﻪﻣﻤﻪ ﻳﻪﺭ ﺩﯙﻟﻪﺕ ﺩﯨﮕﻪﻧﻨﯩﯔ ﺑﻮﻟﯩﺪﯨﻜﻪﻥ. ﺩﯙﻟﻪﺕ ﺩﯨﮕﻪﻥ ﺋﯚﺯﻯ ﻛﻪﺗﻤﻪﻥ ﺗﯘﺗﺎﻟﻤﯩﻐﺎﭼﻘﺎ ﺑﯘﻏﺪﺍﻱ ﺋﻮﺭﺍﻟﻤﯩﻐﺎﭼﻘﺎ  ﻛﺎﺩﯨﺮﻟﯩﺮﻯ ﻳﺎﺭﺩﻩﻣﻠﯩﺸﯩﺪﯨﻜﻪﻥ. ﺑﯘ ﺋﺎﺩﻩﻣﻠﻪﺭ ﺩﯙﻟﻪﺗﻨﯩﯔ ﺗﺎﻣﯩﻘﯩﻨﻰ ﻳﯩﺪﯛﺭﯛﭖ ﺋﯩﺸﺘﯩﻨﻰ ﻛﯩﻴﮕﯜﺯﯛﭖ ﻗﻮﻳﯩﺪﯨﻜﻪﻥ. ﺋﯧﮭﺘﯩﻴﺎﺕ ﻗﯩﻠﻤﺎﻱ ﺋﯘ ﻳﻪﺭ ﺑﯘ ﻳﻪﺭﮔﻪ ﭼﯩﭽﯩﭗ ﻗﻮﻳﻐﺎﻥ ﭘﻮﻗﯩﻨﯩﻤﯘ ﺋﺎﺩﺍﻻﻳﺪﯨﻜﻪﻥ. ﺑﯘﻧﺪﺍﻕ ﻣﯘﻧﺎﺳﯩﯟﻩﺗﻨﯩﯔ ﻛﯜﭼﻰ ﺑﯩﻠﻪﻥ ﺩﯙﻟﻪﺗﻨﯩﯔ ﻳﯧﺮﯨﻨﯩﻤﯘ ﺷﯘﻻﺭ ﺗﻪﻗﺴﯩﻢ ﻗﯩﻠﯩﺪﯨﻜﻪﻥ. ﻳﻪﺭ ﺧﯧﺘﯩﻨﯩﻤﯘ ﺷﯘﻻﺭ ﻛﯧﺴﯩﺪﯨﻜﻪﻥ. ﻳﻪﺭﻧﯩﯔ ﺋﯩﻠﮕﯩﺮﻛﻰ ﺋﯩﮕﯩﺴﻰ ﺑﻮﻟﻐﺎﻥ ﺩﯨﺨﺎﻧﻐﺎ ﻧﯚﯞﻩﺕ ﺋﻪﯓ ﻛﻪﻳﻨﯩﺪﻩ ﺗﯧﮕﯩﺪﯨﻜﻪﻥ. ﺷﯘﻧﯩﯖﻐﯩﻤﯘ ﺷﯜﻛﺮﻯ ﻗﯩﻠﯩﺸﻰ ﻛﯧﺮﻩﻛﻜﻪﻥ. ﭼﯜﻧﻜﻰ ﮬﯚﻛﯜﻣﻪﺕ ﺋﺎﺩﻩﻣﻠﯩﺮﻯ ﺗﺎﻳﭙﯘﻥ ﺑﺎﻳﻐﺎ ﺋﻮﺧﺸﺎﺵ ﻗﻪﮬﺮﯨﻤﺎﻧﻠﯩﺮﻯ ﺋﯩﺴﺴﯩﻖ ﻗﺎﻧﻠﯩﺮﯨﻨﻰ ﺗﯚﻛﯜﭖ ﻳﯧﯖﻰ ﺩﯙﻟﻪﺗﻜﻪ ﮬﻪﺳﺴﻪ ﻗﻮﺷﻘﺎﻥ ﺋﯩﻜﻪﻥ. ﺋﻪﺷﯘ ﻳﻮﻗﺴﯘﻟﻼﺭﻧﻰ ﻳﻮﺭﯗﻗﻠﯘﻗﻘﺎ ﭼﯩﻘﺴﯘﻥ ﺩﻩﭖ ﺷﯘﻧﭽﯩﻼ ﻣﯘﺷﻪﻗﻘﻪﺕ ﺗﺎﺭﺗﻘﺎﻥ ﺗﯘﺭﺳﺎ ﺷﯘﻧﭽﯩﻼ ﺋﻪﺟﺮﻯ ﺋﯜﭼﯜﻥ ﺑﯩﺮ ﭘﺎﺭﭼﻪ ﻳﻪﺭﻧﻰ  ﺋﺎﻟﻐﺎﻧﻐﺎ ﻧﯩﻤﻪ ﺑﻮﻻﺗﺘﻰ !

ﺋﻪﻟﻰ ﺳﺎﭘﺎ ﺑﺎﻱ ﺑﯩﻠﻪﻥ ﮬﺎﻛﯩﻢ ﻳﯧﺰﯨﺪﯨﻦ ﻗﺎﻳﺘﯩﭗ ﻛﻪﭘﺘﯘ. ﺑﯩﺮﻧﻪﭼﭽﻪ ﻛﯜﻥ ﻣﺎﺭﺍﭘﺘﯘ. ﺯﻩﻳﻨﻪﻟﺪﯨﻦ ﻳﯧﺰﯨﺪﯨﻜﯩﻠﻪﺭﻧﯩﯔ ﺋﻪﻣﺪﻯ ﻗﺎﻧﺪﺍﻕ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺳﯜﺭﯛﺷﺘﯜﺭﯛﭖ ﺗﯘﺭﯗﭘﺘﯘ. ﺋﯚﺯﮔﯜﺭﯛﺷﻨﯩﯔ ﺗﺎﻳﯩﻨﻰ ﻳﻮﻗﻜﻪﻥ. ﻳﯧﺰﯨﻠﯩﻘﻼﺭ ﺟﯩﻖ ﮔﻪﭖ ﻗﯩﻠﻤﺎﻳﺪﯨﻐﺎﻥ ﺑﻮﻟﯘﭖ ﻗﺎﭘﺘﯘ. ﺑﯩﺮ-ﺑﯩﺮﯨﮕﻪ ﺋﯘﺯﯗﻧﻐﯩﭽﻪ ﻗﺎﺭﯨﺸﯩﭗ ﻗﻮﻳﯩﺪﯨﻜﻪﻥ. ﭼﯩﺮﺍﻳﻠﯩﻖ ﺳﺎﻻﻣﻠﯩﺸﯩﺪﯨﻜﻪﻥ. ﺋﯩﻠﮕﯩﺮﻯ ﺑﯧﺸﯩﻨﻰ ﻛﯚﺗﯜﺭﯛﺷﻤﯘ ﺧﻮﺵ ﻳﺎﻗﻤﺎﻳﺪﯨﻜﻪﻧﺪﯗﻕ. ﺋﻪﻟﻰ ﺳﺎﭘﺎ ﺑﺎﻱ ﺑﯘﻧﻰ ﺑﯩﺮ ﮬﯩﻠﻪ ﺩﻩﭘﺘﯘ. ﯞﺍﻗﯩﺖ ﺑﻪﺭﻣﻪﺳﻠﯩﻚ ﻛﯧﺮﻩﻛﻜﻪﻥ. ﺋﺎﺭﯨﺴﻰ ﺋﯘﺯﯗﺭﺍﭖ ﻛﻪﺗﺴﻪ ﺑﯘﺭﯗﻥ ﺑﻪﺭﮔﻪﻥ ﺩﻭﺭﯨﻨﯩﯔ ﻛﯜﭼﻰ ﺑﻮﻟﻤﺎﻳﺪﯨﻜﻪﻥ. ﻛﻮﻧﺎ ﺩﻩﺭﺕ ﺳﺎﻗﺎﻳﻤﯩﻐﺎﻧﺪﺍ ﻳﯧﯖﯩﺪﯨﻦ ﺩﻩﺭﺕ ﻗﻮﺷﯘﻟﺴﺎ ﺋﯜﻧﯩﻤﻰ ﺑﻮﻟﯩﺪﯨﻜﻪﻥ. ﻛﻮﻧﺎ ﮬﯜﻧﯩﺮﯨﻨﻰ ﺑﺎﺷﻼﭘﺘﯘ. ﻛﯜﻥ ﺋﺎﺭﯨﻼﭖ ﺋﺎﺩﻩﻣﻠﯩﺮﯨﻨﻰ ﻳﯧﺰﯨﻐﺎ ﺋﯧﯟﻩﺗﯩﭗ ﺋﻮﻗﻘﺎ ﺗﯘﺗﻘﯘﺯﯗﭘﺘﯘ. ﻳﯧﺰﯨﻠﯩﻖ ﺩﯨﮕﻪﻧﻨﻰ ﺗﻮﺧﺘﯩﻤﺎﻱ ﺋﻪﺩﻩﭘﻠﻪﺵ ﻛﯧﺮﻩﻛﻜﻪﻥ. ﻗﻮﺭﻗﯘﺗﯘﺵ ﻛﯧﺮﻩﻛﻜﻪﻥ. ﺋﺎﺭﺍﻡ ﺋﯧﻠﯩﺶ ﭘﯘﺭﺳﯩﺘﻰ ﺑﻪﺭﻣﻪﺳﻠﯩﻚ ﻛﯧﺮﻩﻛﻜﻪﻥ. ﺑﻮﻟﻤﯩﺴﺎ ﺋﻮﻳﻠﯩﻨﯩﺸﻘﺎ ﭘﯘﺭﺳﻪﺕ ﺑﯧﺮﯨﭗ ﻗﻮﻳﯩﺪﯨﻜﻪﻥ.

ﻳﺎﻏﻤﯘﺭ ﺋﺎﻏﺎ ﺩﯨﮕﻪﻥ ﺋﺎﺕ ﺋﻮﻏﺮﯨﺴﯩﻨﻰ ﺋﯧﯟﻩﺗﯩﭗ ﻳﯧﺰﯨﻨﯩﯔ ﮬﻪﻣﻤﻪ ﺋﺎﺗﻠﯩﺮﯨﻨﻰ ﺋﻮﻏﯘﺭﻟﯩﺘﯩﭙﺘﯘ. ﺑﯘ ﻳﺎﻏﻤﯘﺭ ﺋﺎﻏﯩﻨﯩﯔ ﺧﻪﻟﻘﺎﺭﺍﻟﯩﻖ ﺋﻮﻏﺮﯨﻠﯩﻖ ﮔﯘﺭﯗﮬﻰ ﺑﺎﺭ ﺋﯩﻜﻪﻥ. ﺋﯘﻧﯩﯔ ﺋﺎﺩﻩﻣﻠﯩﺮﻯ ﭼﻪﺗﺌﻪﻟﺪﯨﻦ ﺋﺎﺕ ﺋﻮﻏﯘﺭﻻﭖ ﺩﯙﻟﻪﺕ ﺋﯩﭽﯩﺪﻩ ﺳﺎﺗﯩﺪﯨﻜﻪﻥ. ﺩﯙﻟﻪﺕ ﺋﯩﭽﯩﺪﯨﻜﻰ ﺋﺎﺗﻼﺭﻧﻰ ﺋﻮﻏﯘﺭﻻﭖ ﭼﻪﺗﺌﻪﻟﮕﻪ ﺋﯩﺮﺍﻥ ﺳﯜﺭﯨﻴﻪ ﺗﻪﺭﻩﭘﻠﻪﺭﮔﻪ ﺋﺎﭘﯩﺮﯨﭗ ﺳﺎﺗﯩﺪﯨﻜﻪﻥ. ﺋﻪﻟﻰ ﺳﺎﭘﺎ ﺑﺎﻳﻨﯩﯔ ﺩﯨﻴﯩﺸﯩﭽﻪ ﺑﯘﻧﺪﺍﻕ ﺋﺎﻳﻼﻧﺪﯛﺭﯛﺵ ﺗﯜﺭﻙ ﺋﺎﺗﻠﯩﺮﯨﻨﯩﯔ ﻧﻪﺳﻠﯩﻨﻰ ﻳﺎﺧﺸﯩﻼﺷﺘﺎ ﻣﯘﮬﯩﻢ ﺭﻭﻝ ﺋﻮﻳﻨﺎﻳﺪﯨﻜﻪﻥ. ﺑﯘ ﺗﯚﮬﭙﯩﺴﻰ ﺑﯩﻠﻪﻥ ﺋﯘ ﭘﺎﺕ ﻳﯧﻘﯩﻨﺪﺍ ﻗﯘﺭﯗﻟﺘﺎﻱ ﯞﻩﻛﯩﻠﻰ ﺑﻮﻟﯘﺵ ﺋﯧﮭﺘﯩﻤﺎﻟﻠﯩﻘﯩﻤﯘ ﺑﺎﺭ ﺋﯩﻜﻪﻥ.

ﻳﺎﻏﻤﯘﺭ ﺋﺎﻏﺎ ﺋﺎﺩﻩﻣﻠﯩﺮﯨﻨﻰ ﺋﻪﯞﻩﺗﯩﭙﺘﯘ. ﯞﺍﻱ ﯞﺍﻳﻠﯩﻘﻼﺭﻧﯩﯔ ﺋﺎﺗﻠﯩﺮﯨﺪﯨﻦ ﺑﯩﺮﻧﻰ ﻗﻮﻳﻤﺎﻱ ﺋﻮﻏﯘﺭﻻﭘﺘﯘ. ﻗﯧﺮﻯ ﻗﯩﺮﭼﺎﯕﻐﯘ ﺋﺎﺗﻠﯩﺮﯨﻨﯩﻤﯘ ﻗﻮﻳﻤﺎﭘﺘﯘ.

ﻳﯧﻘﻘﯩﻨﻠﯩﺮﯨﻨﻰ ﺳﺎﻧﯩﻐﺎﻧﺪﺍ ﺋﺎﻟﺪﻯ ﺑﯩﻠﻪﻥ ﺋﯧﺘﯩﻨﻰ ﺳﺎﻧﺎﻳﺪﯨﻐﺎﻥ ﺩﯨﺨﺎﻧﻼﺭﻧﯩﯔ ﻛﯜﻧﻰ ﭘﯜﺗﯜﻥ ﺑﯩﺮ ﻳﯧﺰﯨﻨﯩﯔ ﺋﯧﻐﯩﺮﭼﯩﻠﯩﻘﻰ ﺋﻪﻣﺪﻯ ﻧﻪﭼﭽﻪ ﺗﺎﻝ ﻗﻮﺗﯘﺭ ﺋﯩﺸﻪﻛﻜﻪ ﻗﺎﭘﺘﯘ...............

ﻣﻪﻣﻪﺕ ﺋﺎﯞﺍﻕ ﺋﻮﺳﻤﺎﻥ ﭼﻮﯕﻨﯩﯔ ﺋﯚﻳﯩﺪﯨﻦ ﭼﯩﻘﯩﭗ  ﺋﯩﻜﻜﻰ ﻛﯜﻥ ﺗﺎﻍ ﺋﯩﭽﯩﺪﻩ ﻳﯜﺭﯛﭘﺘﯘ

ﺋﺎﻧﺪﯨﻦ ﻳﯧﺰﯨﺴﯩﻐﺎ ﻳﯧﻘﯩﻨﻼﺷﻘﺎﻧﺪﺍ ﺗﯜﺯﻟﻪﯕﻠﯩﻜﻜﻪ ﭼﯜﺷﯜﭘﺘﯘ. ﻳﻮﻝ ﺋﯜﺳﺘﯩﺪﻩ ﻛﻪﺳﻤﻪ ﻳﯧﺰﯨﺴﯩﺪﯨﻦ ﺋﯚﺗﯜﭘﺘﯘ. ﺑﺎﻟﯩﻠﯩﻖ ﺩﻩﯞﺭﯨﺪﯨﻜﻰ ﻳﯧﻘﻘﯩﻨﻠﯩﺮﻯ ﺋﯧﺴﯩﮕﻪ ﻛﻪﭘﺘﯘ. ﻳﯧﺰﯨﺴﯩﺪﯨﻦ ﻗﺎﭼﻘﺎﻧﺪﺍ ﺋﯩﺴﺴﯩﻖ ﻗﯘﭼﯩﻐﯩﻐﺎ ﺋﺎﻟﻐﺎﻥ ﺳﯘﻻﻳﻤﺎﻥ ﺧﻮﺟﺎ ﺑﯩﻠﻪﻥ ﺋﺎﻳﺎﻟﻰ ﻣﯘﺷﯘ ﻳﯧﺰﯨﺪﺍ ﺋﻪﻣﻪﺳﻤﯘ.  ﻛﻪﭺ ﻛﯩﺮﮔﯩﭽﻪ ﻳﯧﺰﯨﻨﯩﯔ ﺳﯩﺮﺗﯩﺪﺍ ﻳﻮﺷﯘﺭﻧﯘﭖ ﻳﯧﺘﯩﭙﺘﯘ. ﻛﻪﭺ ﻛﯩﺮﮔﻪﻧﺪﻩ ﺳﯘﻻﻳﻤﺎﻧﻨﯩﯔ ﺋﯚﻳﯩﮕﻪ ﺑﯧﺮﯨﭙﺘﯘ.  ﺳﯘﻻﻳﻤﺎﻥ ﺋﯘﻧﻰ ﻛﯚﺭﯛﭖ ﮬﻮﺩﯗﻗﯘﭘﺘﯘ. ﺑﺎﺷﻘﯩﻼﺭﺩﯨﻦ ﺋﺎﯞﺍﻕ ﻣﻪﻣﻪﺗﻨﯩﯔ "ﻗﺎﺭﺍﻗﭽﻰ ﻣﻪﻣﻪﺕ ﺋﺎﯞﺍﻕ" ﺑﻮﻟﻐﺎﻧﻠﯩﻘﯩﻨﻰ ﺋﺎﯕﻼﭖ ﺗﯘﺭﯨﯟﺍﺗﻘﺎﻥ ﺋﯩﻜﻪﻥ. ﻛﯚﺯﯨﮕﻪ ﺋﯩﺸﻪﻧﻤﻪﭘﺘﯘ. ﺑﻮﯞﺍﻱ ﻣﻪﻣﻪﺗﺘﯩﻜﻰ ﻧﺎﺗﻮﻧﯘﺵ ﺑﻪﻟﮕﯩﻠﻪﺭﮔﻪ ﮬﻪﺭﻛﻪﺗﻠﻪﺭﮔﻪ ﮬﻪﻳﺮﺍﻥ ﺑﻮﻟﯘﭖ ﻗﺎﺭﺍﻳﺪﯨﻜﻪﻥ. ﻣﻪﻣﻪﺕ ﺑﻮﻟﺴﺎ ﺳﯘﻻﻳﻤﺎﻧﻨﯩﯔ ﺋﯜﺳﺘﻰ-ﺑﯧﺸﯩﺪﯨﻦ ﺋﯘﻧﯩﯔ ﺋﯚﻳﯩﺪﯨﻦ ﺑﺎﻟﯩﻠﯩﻖ ﺩﻩﯞﺭﯨﺪﯨﻜﻰ ﺋﯚﺯﯨﮕﻪ ﺗﻮﻧﯘﺵ ﺑﻮﻟﻐﺎﻥ ﻳﻪﺭﻟﻪﺭﻧﻰ ﺋﯩﺰﺩﻩﻳﺪﯨﻜﻪﻥ.  ﻣﯘﯕﺪﯨﺸﯩﭙﺘﯘ. ﻛﯧﭽﯩﭽﻪ ﺋﯘﺧﻠﯩﻤﺎﭘﺘﯘ.

ﭘﺎﺭﺍﯓ ﺋﺎﺭﯨﻠﯩﻘﯩﺪﺍ ﺳﯘﻻﻳﻤﺎﻥ ﭼﺎﻝ ﻣﻪﻣﻪﺗﺘﯩﻦ:

- ﺋﻪﻣﺪﻯ ﻧﻪﮔﻪ ﺑﺎﺭﻣﺎﻗﭽﯩﺴﻪﻥ ﺋﻮﻏﻠﯘﻡ- ﺩﻩﭖ ﺳﻮﺭﺍﭘﺘﯘ. ﻣﻪﻣﻪﺕ ﺑﺎﻟﯩﻠﯩﻖ ﭼﯧﻐﯩﺪﺍ ﺋﯧﻴﺘﻘﺎﻧﺪﻩﻙ:
- ﮬﯧﻠﯩﻘﻰ ﻳﯧﺰﯨﻐﺎ ﻛﯧﺘﯩﯟﺍﺗﯩﻤﻪﻥ- ﺩﻩﭘﺘﯘ. ﺋﺎﻧﺪﯨﻦ:
- ﺗﺎﻏﺎ ﻣﻪﻥ ﺋﯘ ﻳﯧﺰﯨﻨﻰ ﮬﯧﻠﯩﻐﯩﭽﻪ ﺗﺎﭘﺎﻟﻤﯩﺪﯨﻢ . ﺋﻪﻣﺪﻯ ﻧﻪﮔﻪ ﺑﯧﺮﯨﺸﻨﯩﻤﯘ ﺑﯩﻠﻤﯩﺪﯨﻢ. - ﺩﻩﭘﺘﯘ.

ﺳﯘﻻﻳﻤﺎﻥ ﺑﺎﺷﻘﺎ ﮔﻪﭖ ﻗﯩﻠﻤﺎﭘﺘﯘ. ﺋﯩﭽﯩﺪﻩ "ﺟﯧﻨﯩﻢ ﺑﺎﻻﻡ ﻣﻪﻧﻤﯘ ﺷﯘ ﻳﯧﺰﯨﻨﻰ ﺋﯩﺰﺩﻩﯞﺍﺗﻘﯩﻠﻰ ﻣﺎﻧﺎ ﺳﻪﻛﺴﻪﻥ ﻳﯩﻞ ﺑﻮﻟﺪﻯ. ﮬﯧﻠﯩﻐﯩﭽﻪ ﺋﯘﭼﺮﯨﻤﯩﺪﻯ" ﺩﻩﭖ ﺋﻮﻳﻼﭘﺘﯘ. ﻣﻪﻣﻪﺗﻜﻪ
-       ﺟﯧﻨﯩﻢ ﺑﺎﻻﻡ ﺷﯘ ﻳﯧﺰﯨﻨﯩﯔ ﺩﻩﺭﺩﯨﻐﯘ ﺑﯘ - ﺩﻩﭘﺘﯘ.

ﻣﻪﻣﻪﺕ ﺋﯧﮭﺘﯩﻴﺎﺕ ﻗﯩﻠﻤﯩﺴﺎ ﮬﻪﻣﻤﻪ ﻧﻪﺭﺳﻪ ﻳﻮﻗﺎﭖ ﻛﯧﺘﯩﺪﯨﻐﺎﻧﺪﻩﻙ ﺷﯘﻧﺪﺍﻕ ﺋﺎﺟﯩﺰ ﻳﺎﻟﯟﯗﺭﻏﺎﻥ ﺋﺎﯞﺍﺯ ﺑﯩﻠﻪﻥ.

- ﺗﺎﻏﺎ ﺷﯘ ﻳﯧﺰﺍ ﺑﺎﺭﻣﯘ ﻳﺎﻛﻰ ﻳﻮﻗﻤﯘ ﻣﻪﻥ ﻳﻮﻕ ﻧﻪﺭﺳﯩﻨﻰ ﺋﯩﺰﺩﻩﭖ ﻳﯜﺭﮔﻪﻧﺪﯨﻤﻪﻧﻤﯘ - ﺩﻩﭖ ﺳﻮﺭﺍﭘﺘﯘ. ﺳﯘﻻﻳﻤﺎﻥ ﭼﻮﯓ ﻣﯜﻛﭽﯩﻴﯩﭗ ﻗﺎﭘﺘﯘ. ﺑﯩﭽﺎﺭﻩ ﺋﺎﺩﻩﻡ ﻧﯩﻤﯩﻤﯘ ﺩﯨﻴﻪﻟﯩﺴﯘﻥ. "ﻣﺎﻧﺎ ﻳﺎﺧﺸﻰ ﺑﻮﻻﺭ ﺋﻪﻧﻪ ﻳﺎﺧﺸﻰ ﺑﻮﻻﺭ" ﺩﻩﭖ ﺑﯩﺮ ﺋﯚﻣﯜﺭ ﻳﺎﺧﺸﯩﻠﯩﻘﻨﯩﯔ ﺗﺎﻣﺎﺳﻰ ﺑﯩﻠﻪﻥ ﻳﺎﺷﯩﻐﺎﻥ ﺋﺎﺩﻩﻡ ﻧﯩﻤﻪ ﺩﯨﻴﯩﺸﯩﻨﻰ ﺑﯩﻠﻪﻟﻤﻪﭘﺘﯘ.     
- ﺑﺎﻻﻡ  ﺧﯘﺩﺍﻧﯩﯔ ﻧﻪﺩﯨﻠﯩﻜﯩﻨﻰ ﺑﯩﻠﺪﯨﻢ. ﺋﻪﻣﻤﺎ ﺋﯘ ﻳﯧﺰﯨﻨﯩﯔ ﻧﻪﺩﯨﻠﯩﻜﯩﻨﻰ ﻣﻪﻧﻤﯘ ﺑﯩﻠﻤﯩﺪﯨﻢ. – ﺩﻩﭖ ﺑﯧﺸﯩﻨﻰ ﺗﯚﯞﻩﻥ ﺳﺎﭘﺘﯘ. ﻛﻪﻳﻨﯩﺪﯨﻦ ﻣﻪﻣﻪﺗﻜﻪ ﺋﯩﻠﺘﯩﺠﺎ ﻗﯩﻠﻐﺎﻧﺪﻩﻙ:
- ﺗﻪﻟﯩﻴﯩﯔ ﺑﻮﻟﺴﺎ ﺳﺎﯕﺎ ﺋﯘﭼﺮﺍﭖ ﻗﺎﻻﺭ- ﺩﻩﭖ ﭘﯩﭽﯩﺮﻻﭖ ﻗﻮﻳﯘﭘﺘﯘ.

ﻣﻪﻣﻪﺕ ﺳﯘﻻﻳﻤﺎﻥ ﭼﻮﯕﻨﯩﯔ ﺋﯚﻳﯩﺪﻩ ﺋﯩﻜﻜﻰ ﻛﯜﻧﺪﯨﻦ ﺋﺎﺭﺗﯘﻕ ﺗﯘﺭﺍﻟﻤﺎﭘﺘﯘ. ﺑﺎﻟﯩﻠﯩﻖ ﺩﻩﯞﺭﯨﺪﯨﻜﯩﺪﻩﻙ ﺧﺎﻟﯩﻐﺎﻧﭽﻪ ﺗﯘﺭﺳﺎ ﺑﻮﻟﻤﺎﻳﺪﯨﻜﻪﻥ. ﮬﺎﺯﯨﺮ ﺑﯩﺮﻻ ﺋﺎﺑﺪﻯ ﺋﺎﻏﺎ ﺋﯩﺰﺩﯨﻤﻪﺳﺘﯩﻦ ﺧﯘﺩﺍﻧﯩﯔ ﺟﯩﻤﻰ ﻣﻪﺧﻠﯘﻗﺎﺗﻰ ﺋﯘﻧﻰ ﺋﯩﺰﺩﻩﯞﺍﺗﻘﺎﻥ ﺋﯩﻜﻪﻥ. ﺷﯘﯕﺎ ﺗﯘﺭﺍﻟﻤﺎﻳﺪﯨﻜﻪﻥ. ﺑﯘﺭﯗﻥ ﺳﯘﻻﻳﻤﺎﻧﻨﯩﯔ ﺋﯚﻳﯩﺪﯨﻦ ﺋﺎﺑﺪﻯ ﺋﺎﻏﺎ ﺋﯧﻠﯩﭗ ﻛﻪﺗﻜﻪﻥ ﺑﻮﻟﺴﺎ ﺑﯘ ﻗﯧﺘﯩﻢ ﻗﺎﺭﺍﻗﭽﻰ ﻣﻪﻣﻪﺕ ﺋﯧﻠﯩﭗ ﻛﯧﺘﯩﭙﺘﯘ. ﺋﯚﺯﯨﮕﻪ ﺩﯛﺷﻤﻪﻥ ﺑﻮﻟﯩﯟﺍﺗﻘﺎﻥ ﺋﯚﺯﯨﻨﯩﯔ ﻧﺎﻣﻰ ﺋﯧﻠﯩﭗ ﻛﯧﺘﯩﭙﺘﯘ. ﻣﻪﺟﺒﯘﺭﻯ ﺋﯧﻠﯩﭗ ﻛﯧﺘﯩﭙﺘﯘ. ﻣﻪﻣﻪﺗﻨﯩﯔ  ﺋﯩﺨﺘﯩﻴﺎﺭﯨﭽﻪ ﺑﻮﻟﺴﺎ ﻣﯘﺷﯘ ﺋﯚﻳﺪﻩ ﺑﯩﺮ ﺋﺎﻱ ﺧﺎﺗﯩﺮﺟﻪﻡ ﻳﯧﺘﯩﯟﺍﻟﻐﯘﺳﻰ ﺑﺎﺭ ﺋﯩﻜﻪﻥ. ﺋﻪﻣﻤﺎ ﮬﺎﺯﯨﺮ ﻣﯜﻣﻜﯩﻦ ﺑﻮﻟﻤﺎﻳﺪﯨﻜﻪﻥ. ﻗﺎﺭﺍﻗﭽﻰ ﻣﻪﻣﻪﺕ ﺋﺎﯞﺍﻗﻨﻰ ﺟﯩﻤﻰ ﻣﻪﯞﺟﯘﺩﺍﺕ ﺋﯩﺰﺩﻩﻳﺪﯨﻜﻪﻥ.

ﻣﻪﻣﻪﺕ ﻛﻪﺳﻤﻪ ﻳﯧﺰﯨﺴﯩﺪﯨﻦ ﭼﯩﻘﯩﭗ ﻳﯧﺮﯨﻢ ﻛﯧﭽﻪ ﺑﯩﻠﻪﻥ ﺩﻩﮔﯩﺮﻣﻪﻥ ﺋﻮﻟﯜﻛﻜﻪ ﺗﯘﻏﯘﻟﯘﭖ ﺗﻮﻧﯘﻏﺎﻥ ﻳﯧﺰﯨﺴﯩﻐﺎ ﻛﻪﭘﺘﯘ.

ﻳﯧﺰﯨﺴﯩﻨﻰ ﻳﯩﺮﺍﻗﺘﯩﻦ ﻛﯚﺭﮔﯩﻠﻰ ﺑﺎﺭﯨﺪﯨﻐﺎﻥ ﮬﯧﻠﯩﻘﻰ ﺩﻭﯕﮕﻪ ﺑﯧﺮﯨﭙﺘﯘ. ﺑﺎﻟﯩﻠﯩﻖ ﭼﺎﻏﻠﯩﺮﯨﺪﺍ ﻳﺎﻟﻐﯘﺯ ﺋﻮﻳﻨﺎﻳﺪﯨﻐﺎﻥ ﺑﯘﻻﻕ ﺑﻮﻳﯩﻐﺎ ﺑﯧﺮﯨﭙﺘﯘ. ﺑﯘﻻﻗﻨﯩﯔ ﺗﯧﮕﻰ ﻛﯚﻛﯜﺵ ﻗﯘﻣﻠﯘﻕ ﺋﯩﻜﻪﻥ. ﻳﯩﺮﺍﻗﺘﯩﻦ ﻳﯧﺰﯨﺴﯩﻐﺎ ﻗﺎﺭﺍﭘﺘﯘ. ﺑﺎﻟﯩﻠﯩﻖ ﭼﺎﻏﻠﯩﺮﻯ ﺑﯘ ﺋﻪﺗﺮﺍﭘﺘﺎ ﻗﻮﻱ ﺑﺎﻗﻘﺎﭺ ﺋﻮﻳﻨﯩﻐﺎﻧﻠﯩﺮﻯ ﺋﯧﺴﯩﮕﻪ ﻛﻪﭘﺘﯘ. ﻛﯚﺯﻟﯩﺮﯨﮕﻪ ﻳﺎﺵ ﻛﻪﭘﺘﯘ. ﺷﯘ ﭼﺎﻏﻼﺭﺩﺍ ﺑﯜﮔﯜﻧﻜﯩﺪﻩﻙ ﻛﯜﻧﮕﻪ ﻗﯧﻠﯩﺸﻨﻰ ﺋﻮﻳﻼﭘﻤﯘ ﺑﺎﻗﻤﯩﻐﺎﻧﻠﯩﻘﻰ ﺋﯧﺴﯩﮕﻪ ﻛﻪﭘﺘﯘ. ﺋﯧﻠﯩﯟﺍﻟﻐﺎﻥ ﻣﯘﺯﺩﻩﻙ ﮔﯚﺵ ﺑﯩﻠﻪﻥ ﭘﯩﻴﺎﺯﻧﻰ ﯞﻩ ﻧﺎﻧﻨﻰ ﭼﯩﻘﯩﺮﯨﭗ ﺗﺎﻣﺎﻕ ﻳﻪﭘﺘﯘ. "ﮬﯚﻛﯜﻣﻪﺗﻜﻪ ﺗﻪﺳﻠﯩﻢ ﺑﻮﻟﺴﺎﻡ ﻛﻪﭼﯜﺭﯛﻡ ﻗﯩﻼﺭﻣﯘ ﺑﯘﻧﺪﺍﻕ ﻛﯜﻧﺪﻩ ﻳﺎﺷﯩﻐﺎﻧﺪﯨﻦ ﮬﻪﻣﺰﻩﻧﯩﯔ ﻳﺎﻛﻰ ﺋﻪﻟﻰ ﺳﺎﭘﺎ ﺑﺎﻳﻨﯩﯔ ﺋﻮﺗﺎﻗﭽﯩﻠﯩﻘﯩﻨﻰ ﻗﯩﻠﺴﺎﻣﻤﯘ ﻣﻪﻳﻠﯩﺘﺘﻰ" ﺩﻩﭖ ﺋﻮﻳﻼﭘﺘﯘ.

ﺋﯚﺯﯨﻨﻰ ﻛﻪﭼﯜﺭﯛﻣﮕﻪ ﺋﯩﺸﻪﻧﺪﯛﺭﯛﺷﻜﻪ ﺗﯩﺮﯨﺸﯩﭙﺘﯘ. "ﭼﻮﻗﯘﻡ ﻛﻪﭼﯜﺭﯨﺪﯗ. ﮬﯚﻛﯜﻣﻪﺕ ﺩﯨﮕﻪﻥ ﻳﯜﺯﯨﻨﻰ ﺋﻮﻳﻼﻳﺪﯗ. ﻳﺎﻟﻐﺎﻥ ﺋﯧﻴﺘﻤﺎﻳﺪﯗ..... ﻳﺎﻕ ﻳﺎﻕ..." ﺩﻩﻳﺪﯨﻜﻪﻥ ﻛﻪﻳﻨﯩﺪﯨﻨﻼ. "ﻛﻪﭼﯜﺭﯛﻣﮕﻪ ﺋﯩﺸﯩﻨﯩﭗ ﺗﺎﻏﺪﯨﻦ ﭼﯜﺷﻜﻪﻥ ﻗﺎﺭﺍﻗﭽﯩﻼﺭ ﻛﻮﺯﺍﻥ ﺗﯜﺭﻣﯩﺴﯩﮕﻪ ﻗﺎﻣﺎﻟﺪﯨﻐﯘ ﻛﻪﭼﯜﺭﯛﻡ ﺩﯨﮕﯩﻨﻰ ﺷﯘﻣﯘ. ﺋﺎﺳﺘﯩﯖﺪﺍ ﻳﯧﺘﯩﭗ ﺋﺎﻛﺎ ﺩﯨﮕﻪﻧﮕﻪ ﺋﯩﺸﻪﻧﮕﯩﻠﻰ ﺑﻮﻻﻣﺪﯗ.......ﯞﺍﻱ ﻛﻪﭼﯜﺭﯛﻣﯩﯖﻨﻰ ﺳﻰ......" ﻛﺎﻟﻠﯩﺴﯩﺪﯨﻜﻰ ﺋﻮﻳﻼﺭ ﺋﯘﻧﻰ ﻳﯧﺘﯩﻠﻪﭘﺘﯘ. ﻛﯚﺭﮔﻪﻥ ﺋﺎﯕﻠﯩﻐﺎﻧﻠﯩﺮﻯ ﮬﻪﻣﻤﯩﺴﻰ ﺧﯩﻴﺎﻟﯩﻐﺎ ﻛﯧﻠﯩﯟﺍﭘﺘﯘ. ﺋﻮﻱ-ﺧﯩﻴﺎﻟﻨﯩﯔ ﻟﻪﺯﺯﻩﺗﻠﯩﻚ ﮬﯧﺲ-ﺗﯘﻳﻐﯘﺳﻰ ﺋﯘﻧﻰ ﭘﻪﭘﯩﻠﻪﭘﺘﯘ. ﺷﻪﮬﯟﻩﺕ ﺑﯩﻠﻪﻥ ﭘﻪﭘﯩﻠﻪﭖ ﭘﯜﺗﯜﻥ ﯞﯗﺟﯘﺩﯨﻨﻰ ﺋﯜﻣﯜﺗﺴﯩﺰﻟﯩﻚ ﺋﻮﺗﯩﺪﺍ ﺗﻮﻟﻐﺎﭘﺘﯘ.

ﺩﻩﮔﯩﺮﻣﻪﻥ ﺋﻮﻟﯜﻙ ﻧﺎﻣﺎﺯﺷﺎﻣﺪﯨﻦ ﻛﯧﻴﯩﻨﻜﻰ ﺳﯘﺱ ﻗﺎﺭﺍﯕﻐﯘﻟﯩﻘﻘﺎ ﺳﯩﯖﯩﭗ ﻛﯧﺘﯩﯟﺍﺗﻘﺎﻥ ﺋﯩﻜﻪﻥ. ﻛﻮﭼﯩﻼﺭﺩﺍ ﺋﺎﺩﻩﻣﻤﯘ ﻳﻮﻗﻜﻪﻥ. ﭘﻪﻗﻪﺕ ﺑﯩﺮﻧﻪﭼﭽﻪ ﺗﯘﺭﺧﯘﻧﺪﯨﻦ ﭼﯩﻘﯩﯟﺍﺗﻘﺎﻥ ﺋﯩﺲ ﺑﯩﻠﻪﻧﻼ ﻳﯧﺰﯨﺪﺍ ﮬﺎﻳﺎﺗﻠﯩﻘﻨﯩﯔ ﺑﺎﺭﻟﯩﻘﯩﻨﻰ ﺑﯩﻠﮕﯩﻠﻰ ﺑﻮﻟﯩﺪﯨﻜﻪﻥ.  ﻣﻪﻣﻪﺕ ﺗﺎﻣﯩﻘﯩﻨﻰ ﻳﻪﭖ ﺑﻮﻟﯘﭖ ﺋﺎﯞﺍﻝ ﻳﯧﺰﯨﻨﯩﯔ ﺋﻪﮬﯟﺍﻟﯩﻨﻰ ﺑﯩﻠﯩﭗ ﺑﯧﻘﯩﺶ ﺋﯜﭼﯜﻥ ﺋﯜﻣﻤﻪﺗﻨﯩﯔ ﺋﯚﻳﯩﮕﻪ ﻣﯧﯖﯩﭙﺘﯘ. ﺋﯜﻣﻤﻪﺕ ﺳﯧﺮﯨﻘﻨﯩﯔ ﺋﯚﻳﻰ ﻳﯧﺰﯨﻨﯩﯔ ﺋﻪﯓ ﭼﯧﺘﯩﺪﻩ ﺋﯩﻜﻪﻥ. ﻣﻪﻣﻪﺕ ﺋﯚﻳﻨﻰ ﺑﯩﺮ ﺳﺎﺋﻪﺗﺘﻪﻙ ﻛﯜﺯﯨﺘﯩﭗ ﺋﺎﻧﺪﯨﻦ ﻳﯧﻘﻘﯩﻦ ﺑﯧﺮﯨﭙﺘﯘ. ﺋﯩﺸﯩﻜﻜﻪ ﺋﯘﺩﺩﯗﻝ ﺑﺎﺭﻣﺎﻱ ﻣﯜﺷﯜﻛﺘﻪﻙ ﺋﯧﮭﺘﯩﻴﺎﺕ ﺑﯩﻠﻪﻥ ﺋﯚﻳﻨﯩﯔ ﺗﯚﯞﯨﺴﯩﮕﻪ ﭼﯩﻘﯩﭙﺘﯘ. ﺋﯩﻠﮕﯩﺮﻛﯩﺪﻩﻙ ﺋﯚﮔﺰﯨﻨﻰ ﻳﯧﻨﯩﻚ ﺋﯘﺭﯗﭖ ﺋﯩﺸﺎﺭﻩﺕ ﻗﯩﭙﺘﯘ. ﺷﯘﻧﺪﺍﻕ ﻗﯩﻠﺴﺎ ﺋﯜﻣﻤﻪﺕ ﺳﯧﺮﯨﻖ ﭼﯩﻘﯩﺪﯨﻜﻪﻥ. ﺑﯩﺮ ﭼﺎﻏﺪﺍ ﺋﯚﻳﺪﯨﻦ ﺑﯩﺮ ﮔﻪﯞﺩﻩ ﭼﯩﻘﯩﭗ ﺗﺎﻡ ﻳﺎﻗﯩﻼﭖ ﺋﯚﻳﻨﯩﯔ ﻛﻪﻳﻨﯩﮕﻪ ﺋﯚﺗﯜﭘﺘﯘ. ﻣﻪﻣﻪﺗﻨﯩﯔ ﺋﯘﺩﺩﯗﻟﯩﻐﺎ ﻛﻪﻟﮕﻪﻧﺪﻩ ﻣﻪﻣﻪﺗﻜﻪ "ﺗﯧﺰ ﻳﺎﺕ" ﺩﻩﭘﺘﯘ. ﺋﯜﻣﻤﻪﺕ ﺳﯧﺮﯨﻖ ﺷﯩﯟﯨﺮﻻﭖ ﺗﯘﺭﯗﭖ.

- ﺳﯧﻨﯩﯔ ﺗﻮﺭﯗﺱ ﺗﺎﻏﻠﯩﺮﯨﻐﺎ ﻗﺎﻳﺘﯩﭗ ﻛﻪﻟﮕﻪﻧﻠﯩﻜﯩﯖﻨﻰ ﮬﯚﻛﯜﻣﻪﺕ ﺑﯩﻠﯩﭙﺘﯘ. ﮬﺎﺯﯨﺮ ﺋﯚﻳﺪﻩ ﻟﯩﻖ ﺋﻪﺳﻜﻪﺭ ﺋﯘﺧﻼﯞﺍﺗﯩﺪﯗ. ﺑﯘ ﺑﻮﺭﺍﻥ ﺋﯚﺗﯜﭖ ﻛﻪﺗﻜﯜﭼﻪ ﺗﻮﺭﯗﺳﺘﯩﻦ ﻳﯩﺮﺍﻕ ﺗﯘﺭ- ﺩﻩﭘﺘﯘ.  

ﻣﻪﻣﻪﺕ "ﻳﯧﺰﺍﻡ ﻗﺎﻧﺪﺍﻗﺮﺍﻕ ﺗﯘﺭﯨﺪﯗ " ﺩﻩﭖ ﺳﻮﺭﺍﭘﺘﯘ. ﺋﯜﻣﻤﻪﺕ ﺋﺎﭼﯩﻘﻼﭘﺘﯘ:

- ﻳﯧﺰﺍﯓ ﻗﺎﻧﺪﺍﻕ ﺗﯘﺭﺍﺗﺘﻰ. ﺟﺎﻳﯩﺪﺍ ﺗﯘﺭﯗﭘﺘﯘ. ﺧﯘﺩﺍ ﺳﺎﻗﻠﯩﺴﯘﻥ ﻳﯧﺰﺍﯕﻐﺎ ﺑﺎﺭﻣﯩﻐﯩﻦ ﺗﻮﺯﺍﻗﻘﺎ ﭼﯜﺷﯩﺴﻪﻥ. ﺋﻪﺳﻜﻪﺭﻟﻪﺭ ﺗﯩﻤﯩﺴﻘﯩﻼﭖ ﻳﯘﺭﯨﻴﺪﯗ. ﺩﯨﺨﺎﻧﻼﺭ ﻏﺎﻟﺠﯩﺮﻟﯩﺸﯩﭗ ﻛﻪﺗﺘﻰ. ﺩﺍﺩﺍﯓ ﺑﻮﻟﺴﯩﻤﯘ ﻗﯧﺮﯨﻨﺪﯨﺸﯩﯔ ﺑﻮﻟﺴﯩﻤﯘ ﻛﯚﺭﯛﻧﻤﻪ. ﺗﻮﺭﯗﺳﺘﯩﻦ ﻛﻪﺕ- ﺩﻩﭘﺘﯘﺩﻩ ﻣﻪﻣﻪﺗﻨﯩﯔ ﻣﯜﺯﺩﻩﻙ ﺑﻮﻟﯘﭖ ﻛﻪﺗﻜﻪﻥ ﻗﻮﻟﯩﻨﻰ ﺳﯩﻘﯩﭗ ﻗﻮﻳﯘﭘﺘﯘ. ﺋﺎﻧﺪﯨﻦ ﺋﺎﺳﺘﺎ ﺗﺎﻡ ﻳﺎﻗﯩﻼﭖ ﺋﯚﻳﮕﻪ ﻛﯩﺮﯨﭗ ﻛﯧﺘﯩﭙﺘﯘ.

ﻣﻪﻣﻪﺕ ﺑﯘ ﻳﻪﺭﺩﯨﻦ ﺗﯧﺰﻻ ﺋﺎﻳﺮﯨﻠﯩﭙﺘﯘ. ﺋﯚﺯﻯ ﺑﯩﻠﯩﺪﯨﻐﺎﻥ ﭼﯩﻐﯩﺮ ﻳﻮﻝ ﺑﯩﻠﻪﻥ ﺋﯩﺘﺘﯩﻚ ﻣﯧﯖﯩﭗ ﻳﯩﺮﺍﻗﻠﯩﺸﯩﭙﺘﯘ. ﻳﯜﺭﯨﮕﯩﺪﯨﻜﻰ ﻗﻮﺭﻗﯘﻧﯘﭺ ﺗﯘﻳﻐﯘﺳﻰ ﺑﺎﺭﻏﺎﻧﭽﻪ ﻛﯜﭼﯩﻴﯩﭙﺘﯘ. ﻳﯧﺰﯨﺴﯩﻐﺎ ﻛﻪﻟﮕﯜﭼﻪ ﻗﻮﺭﻗﯘﭖ ﺗﯘﺭﺳﯩﻤﯘ ﺋﻪﻣﻤﺎ ﻗﻪﻟﺒﯩﺪﻩ ﺑﯩﺮ ﺧﯩﻞ ﻗﯩﺰﯨﻘﯩﺶ ﺋﺎﺭﯨﻼﺷﻘﺎﻥ ﺳﯧﻐﯩﻨﯩﺶ ﺑﺎﺭ ﺋﯩﻜﻪﻥ. ﺋﻪﻣﻤﺎ ﮬﺎﺯﯨﺮ ﮬﯧﭽﻨﯩﻤﻪ ﻳﻮﻕ ﻗﺎﭖ-ﻗﺎﺭﺍﯕﻐﯘﻟﯘﻕ ﺋﯩﭽﯩﺪﻩ ﻳﺎﻟﻐﯘﺯ ﻗﺎﭘﺘﯘ. ﺋﯜﻣﻤﻪﺗﻨﯩﯔ "ﻗﯧﺮﯨﻨﺪﯨﺸﯩﯔ ﺑﻮﻟﺴﯩﻤﯘ ﻛﯚﺭﯛﻧﻤﻪ ﺩﯨﮕﯩﻨﻰ ﻧﯩﻤﯩﺴﻰ ﺩﯨﺨﺎﻧﻼﺭ ﻏﺎﻟﺠﯩﺮﻟﯩﺸﯩﭗ ﻛﻪﺗﺘﻰ ﺩﯨﮕﯩﻨﯩﭽﯘ"....ﻣﻪﻣﻪﺕ ﮬﻪﺭ-ﺧﯩﻞ ﻗﯩﻴﺎﺳﻼﺭﻧﻰ ﻗﯩﭙﺘﯘ. "ﻳﯧﺰﺍﻣﻐﺎ ﻧﯩﻤﻪ ﺑﻮﻟﻐﺎﻧﺪﯗ ﺩﯨﺨﺎﻧﻼﺭ ﻳﻪﺭﻟﯩﺮﯨﻨﻰ ﺋﯚﺯﻯ ﺗﯧﺮﯨﻐﺎﻧﻤﯩﺪﯗ ﺩﯨﺨﺎﻧﻼﺭﻏﺎ ﻧﯩﻤﻪ ﺑﻮﻟﻐﺎﻧﺪﯗ ﮬﻪﻱ ﺋﯜﻣﻤﻪﺕ ﺳﯧﺮﯨﻖ ﻣﯧﻨﻰ ﻛﻪﺕ ﺩﯨﺪﯨﯔ. ﻧﻪﮔﻪ ﻛﯧﺘﯩﻤﻪﻥ. ﺩﯗﻧﻴﺎﻧﯩﯔ ﺋﯚﺯﻩﻡ ﺑﺎﺭﺍﻻﻳﺪﯨﻐﺎﻧﻠﯩﻜﻰ ﻳﯧﺮﯨﮕﻪ ﺑﺎﺭﺩﯨﻢ. ﺋﺎﻣﺎﻧﻠﯩﻖ ﺗﯩﻨﯩﭽﻠﯩﻖ ﺗﺎﭘﺎﻟﻤﯩﺪﯨﻢ. ﺗﻮﺭﯗﺳﻘﺎ ﻛﻪﻟﺪﯨﻢ. ﺋﺎﺧﯩﺮﻗﻰ ﻗﯧﺘﯩﻢ ﻛﯚﺭﯛﯞﯦﻠﯩﺶ ﭘﯘﺭﯨﯟﯦﻠﯩﺶ ﺋﯜﭼﯜﻥ ﻛﻪﻟﺪﯨﻢ. ﺋﯚﻟﺴﻪﻡ ﺗﻮﺭﯗﺳﺘﺎ ﺋﯚﻟﻪﻱ ﺩﻩﭖ ﻛﻪﻟﺪﯨﻢ......" ﻣﯧﯖﯩﯟﺍﺗﻘﺎﻥ ﻗﻪﺩﻩﻣﻠﯩﺮﻯ ﺗﻮﺧﺘﺎﭖ ﻗﺎﭘﺘﯘ. "ﻧﻪﮔﻪ ﺑﺎﺭﺍﻱ. ﺑﯘﻧﺪﺍﻕ ﺗﯧﺰ ﻣﯧﯖﯩﭗ ﻧﻪﮔﻪ ﺑﺎﺭﻣﺎﻗﭽﯩﺪﯨﻢ....." ﻛﯧﭽﯩﻨﯩﯔ ﻗﺎﺭﺍﯕﻐﯘﻟﯩﻘﯩﺪﺍ ﺗﯘﺭﯗﭖ ﻗﺎﭘﺘﯘ. ﻗﺎﻳﺎﻗﻘﺎ ﻣﯧﯖﯩﺸﻨﻰ ﺑﯩﻠﻪﻟﻤﻪﭘﺘﯘ. ﺋﺎﻧﯩﺴﯩﻨﻰ ﺧﻪﺩﯨﭽﻪﻧﻰ ﺋﻮﻳﻼﭘﺘﯘ. ﺑﺎﻟﯩﺴﯩﻨﻰ ﺋﯩﺮﺍﺯ ﺋﺎﭼﯩﺴﯩﻨﻰ ﺋﻮﻳﻼﭘﺘﯘ. ﮬﻮﺭﻯ ﺋﺎﻧﯩﺴﯩﻨﻰ ﭘﺎﻧﺠﺎﺭ ﮬﯚﺳﯜﻛﻨﻰ ﺋﻮﻳﻼﭘﺘﯘ. ﺟﺎﭘﭙﺎﺭﻧﻰ ﺋﻮﻳﻼﭘﺘﯘ ﻛﻪﺭﯨﻢ ﺋﻮﻏﻠﯩﻨﻰ ﺋﻮﻳﻼﭘﺘﯘ.....

ﻣﻪﻣﻪﺕ ﺑﯘ ﻛﯧﭽﻪ ﺋﯚﺯﯨﻨﯩﯔ ﺷﯘﻧﭽﯩﻠﯩﻚ ﻳﺎﻟﻐﯘﺯ ﺋﯩﻜﻪﻧﻠﯩﻜﯩﮕﻪ ﺋﯩﺸﯩﻨﯩﭙﺘﯘ. ﺋﯚﺯﯨﮕﻪ ﻳﯧﻘﯩﻦ ﺋﺎﺩﻩﻣﻠﻪﺭﻧﯩﯔ ﮬﻪﻣﻤﯩﺴﯩﻨﻰ ﺋﻮﻳﻼﭖ ﻳﺎﻟﻐﯘﺯﻟﯘﻗﺘﯩﻦ ﻗﯘﺗﯘﻟﻤﺎﻗﭽﻰ ﺑﻮﭘﺘﯘ. ﺋﻪﻣﻤﺎ ﻳﻪﻧﯩﻼ ﻗﯘﺗﯘﻻﻟﻤﺎﭘﺘﯘ. ﺷﯘﻧﺪﯨﻼ ﺋﯚﺯﯨﻨﯩﯔ ﻗﺎﻧﭽﯩﻠﯩﻚ ﺑﯩﭽﺎﺭﻩ ﺋﯩﻜﻪﻧﻠﯩﻜﯩﻨﻰ ﺑﯩﻠﯩﭙﺘﯘ. ﺷﯘ ﺗﺎﭘﺘﺎ ﻗﺎﺭﺍﯕﻐﯘﻟﯘﻗﻘﺎ ﻟﯩﻖ ﺗﻮﺷﻘﺎﻥ ﺩﯗﻧﻴﺎﺩﺍ ﻳﺎﻟﻐﯘﺯ ﺋﯚﺯﻯ ﻗﺎﻟﻐﺎﻧﺪﻩﻙ ﺗﯘﻳﻐﯘ ﺑﯧﺴﯩﭗ ﻛﻪﭘﺘﯘ. ﺷﯘﻧﺪﺍﻕ ﺑﯩﺮ ﺩﻩﮬﺸﻪﺗﻠﯩﻚ ﺋﯜﻣﯜﺗﺴﯩﺰﻟﯩﻚ ﺋﯘﻧﯩﯖﻐﺎ ﻳﺎﻣﯩﺸﯩﭙﺘﯘ. ﻳﯜﺭﻩﻛﻠﯩﺮﻯ ﺳﯩﻘﯩﻠﯩﭗ ﻛﯧﺘﯩﭙﺘﯘ. ﻳﯩﻐﻼﻱ ﺩﯨﺴﻪ ﻗﺎﻧﺪﺍﻕ ﻳﯩﻐﻼﺷﻨﻰ ﺑﯩﻠﻤﻪﻳﺪﯨﻜﻪﻥ. ﭘﻪﻗﻪﺕ ﺧﯘﺩﺍﻻ ﺑﯩﻠﯩﺪﯨﻐﺎﻥ ﺑﯘ ﻳﺎﻟﻐﯘﺯﻟﯘﻕ ﺑﯘ ﺋﯜﻣﯜﺗﺴﯩﺰﻟﯩﻚ ﺋﯘﻧﯩﯔ ﺭﻭﮬﻰ ﺩﯗﻧﻴﺎﺳﯩﻨﻰ ﻟﻪﺧﺘﻪ-ﻟﻪﺧﺘﻪ ﻗﯩﻠﯩﯟﯦﺘﯩﭙﺘﯘ.

ﻣﻪﻣﻪﺕ ﻗﯩﻤﯩﺮ ﻗﯩﻠﻤﺎﻳﺪﯨﻜﻪﻥ. ﺳﯘﺱ ﺋﺎﻱ ﻳﻮﺭﯗﻗﯩﺪﺍ ﻳﯩﺮﺍﻗﺘﯩﻦ ﻗﺎﺭﯨﻐﺎﻥ ﺋﺎﺩﻩﻣﮕﻪ ﮬﻪﻳﻜﻪﻟﺪﻩﻙ ﻛﯚﺭﯛﻧﯩﺪﯨﻜﻪﻥ. ﺗﺎﺵ ﮬﻪﻳﻜﻪﻟﮕﻪ ﺋﻮﺧﺸﺎﻳﺪﯨﻜﻪﻥ............

ﺑﯩﺮ ﭼﺎﻏﺪﺍ ﺑﯘ ﮬﻪﻳﻜﻪﻝ ﻣﯩﺪﯨﺮﺍﭘﺘﯘ. ﻗﻮﺯﻏﯘﻟﯘﭖ ﻣﯧﯖﯩﭙﺘﯘ. ﻣﻪﻣﻪﺕ ﺋﺎﯞﺍﻕ ﻛﻪﻳﻨﯩﮕﻪ ﻳﯧﻨﯩﭙﺘﯘ. ﺷﯘﻧﭽﻪ ﻳﻪﺭﺩﯨﻦ ﻛﯧﻠﯩﭗ ﻳﯧﺰﯨﺴﯩﻨﯩﯔ ﺋﻪﮬﯟﺍﻟﯩﻨﻰ ﻳﯧﺰﯨﻠﯩﻘﻼﺭﻧﯩﯔ ﺋﻪﮬﯟﺍﻟﯩﻨﻰ ﺑﯩﻠﻤﻪﻱ ﻛﻪﺗﺴﻪ ﻗﺎﻧﺪﺍﻕ ﺑﻮﻟﯩﺪﯗ ﻣﻪﻣﻪﺕ ﻗﺎﻧﺪﺍﻗﻼ ﺑﻮﻟﻤﯩﺴﯘﻥ ﺑﯩﺮﻩﺭ ﻳﯧﺰﯨﻠﯩﻘﯩﻨﻰ ﻛﯚﺭﯛﺷﻨﻰ ﺋﯘﻧﯩﯖﺪﯨﻦ ﻳﯧﺰﯨﺴﻰ ﺗﻮﻏﺮﯨﻠﯩﻖ ﺋﺎﺯﺭﺍﻕ ﺑﻮﻟﺴﯩﻤﯘ ﺋﺎﯕﻼﺷﻨﻰ ﺋﻮﻳﻼﭘﺘﯘ. "ﻳﻪﻧﻪ ﺑﯩﺮ ﻛﻪﻟﮕﯜﭼﻪ ﻛﯩﻢ ﺑﺎﺭ ﻛﯩﻢ ﻳﻮﻕ. ﺟﺎﻥ ﺩﯨﮕﻪﻥ ﺗﻪﻧﺪﻩ ﺋﺎﻣﺎﻧﻪﺕ. ﻗﺎﻧﺪﺍﻗﻼ ﺑﻮﻟﻤﯩﺴﯘﻥ ﺑﯩﺮﻩﺭ ﻳﯧﺰﯨﻠﯩﻘﯩﻤﻨﻰ ﺑﻮﻟﺴﯩﻤﯘ ﻛﯚﺭﯛﯞﺍﻻﻱ" ﺩﻩﭖ ﺋﻮﻳﻼﭘﺘﯘ. ﻛﯧﺘﯩﯟﯦﺘﯩﭗ ﻧﺎﺧﺸﺎ ﺋﯧﻴﺘﯩﭙﺘﯘ. ﺩﻩﺳﻠﻪﭘﺘﻪ ﺋﺎﯞﺍﺯﻯ ﺑﻮﻏﯘﻟﯘﭖ ﺋﯜﺯﯛﻟﯜﭖ ﺋﯧﻴﺘﯩﭙﺘﯘ. ﺋﺎﺳﺘﺎ-ﺋﺎﺳﺘﺎ ﺋﺎﯞﺍﺯﯨﻤﯘ ﺋﻮﯕﺸﯩﻠﯩﭗ ﻗﺎﭘﺘﯘ. ﺧﯘﺩﺩﻯ ﺗﻮﻳﻐﺎ ﻣﺎﯕﻐﺎﻧﺪﻩﻙ ﮔﺎﺩﺍﻳﺪﻩﻙ ﻳﯧﺰﯨﺴﻰ ﺗﻪﺭﻩﭘﻜﻪ ﻧﺎﺧﺸﺎ ﺋﯧﻴﺘﻘﯩﻨﯩﭽﻪ ﻣﯧﯖﯩﭙﺘﯘ. ﺋﯘﻧﯩﯔ ﺋﺎﯞﺍﺯﻯ ﻳﯘﻗﯘﺭﻯ ﺑﻮﻟﺴﯩﻤﯘ ﺑﯩﭽﺎﺭﻩ ﺋﺎﯕﻠﯩﻨﯩﺪﯨﻜﻪﻥ. ﺋﯘﻧﯩﯔ ﻧﺎﺧﺸﯩﺴﻰ ﺗﯚﻣﯜﺭ ﺟﯩﺴﺎ ﮬﺎﺟﯩﻨﯩﯔ ﺋﯚﻟﯜﻣﮕﻪ ﻛﯧﺘﯩﯟﯦﺘﯩﭗ ﯞﺍﺭﻗﯩﺮﺍﭖ ﺋﯧﻴﺘﻘﺎﻥ ﯞﻩﺳﯩﻴﯩﺘﯩﺪﻩﻙ ﺋﯧﭽﯩﻨﯩﺸﻠﯩﻖ ﺋﯩﻜﻪﻥ........   

ﻛﯚﺯﯛﻡ ﻳﺎﺷﻠﯩﻖ ﺑﺎﻟﯩﺘﺘﯩﻢ.
ﻗﻮﻟﻰ ﻗﺎﻧﻠﯩﻖ ﺋﻪﺭ ﺑﻮﻟﺪﯗﻡ
..........

ﻣﻪﻣﻪﺕ ﻳﯧﺰﯨﻨﯩﯔ ﺷﻪﺭﻕ ﺗﻪﺭﯨﭙﯩﮕﻪ ﺋﯩﺴﻤﺎﺋﯩﻞ ﭼﻮﻻﻗﻨﯩﯔ ﺗﯜﮔﻤﯩﻨﯩﮕﻪ ﻳﯧﻘﯩﻦ ﻳﻪﺭﮔﻪ ﻛﯧﻠﯩﭗ ﺋﻮﻟﺘﯘﺭﯗﭘﺘﯘ. ﺗﺎﯓ ﻳﻮﺭﯗﯞﺍﺗﻘﺎﻥ ﺋﯩﻜﻪﻥ. ﻳﯩﺮﺍﻗﺘﯩﻦ ﯞﻩﻳﺮﺍﻧﻪ ﺗﯜﮔﻤﻪﻧﻨﻰ ﻛﯜﺯﻩﺗﻜﻪﭺ ﺋﻮﻟﺘﯘﺭﯗﭘﺘﯘ. ﺑﺎﻻ ﯞﺍﻗﯩﺘﻠﯩﺮﯨﺪﺍ ﺷﻪﮬﻪﺭﮔﻪ ﺑﺎﺭﻏﺎﻥ ﭼﺎﻏﻠﯩﺮﯨﻨﻰ ﺋﻪﺳﻠﻪﭘﺘﯘ......"ﻧﯩﻤﯩﺸﻘﯩﻤﯘ ﺷﻪﮬﻪﺭﮔﻪ ﺑﺎﺭﻏﺎﻧﺪﯨﻤﻪﻥ ! ﮬﻪﺳﻪﻥ ﺋﻮﻥ ﺑﯧﺸﯩﻐﺎ ﻧﯩﻤﯩﺸﻘﯩﻤﯘ ﺋﯘﭼﺮﺍﭖ ﻗﺎﻟﻐﺎﻧﺪﯨﻤﻪﻥ. ﺋﯘﻧﯩﯔ ﮔﻪﭘﻠﯩﺮﯨﻨﻰ ﻧﯩﻤﯩﺸﻘﺎ ﺋﺎﯕﻠﯩﻐﺎﻧﺪﯨﻤﻪﻥ" ﺩﯨﮕﻪﻧﻠﻪﺭﻧﻰ ﺋﻮﻳﻼﭘﺘﯘ......"ﭘﯘﺗﻠﯩﺮﯨﻢ ﭼﻮﻻﻕ ﺑﻮﻟﻐﺎﻥ ﺑﻮﻟﺴﺎ ﺷﻪﮬﻪﺭﮔﻪ ﺑﺎﺭﺍﻟﻤﯩﻐﺎﻥ ﺑﻮﻟﺴﺎﻡ. ﺑﯜﮔﯜﻧﻜﯩﺪﻩﻙ ﻣﯘﺷﯘ ﭘﯘﺗﻠﯩﺮﯨﻢ ﺗﻮﺧﺘﯩﻤﺎﻱ ﻗﺎﭼﻤﯩﻐﺎﻥ ﺑﻮﻻﺗﺘﻰ. ﻛﯚﺯﻟﯩﺮﯨﻢ ﻗﺎﺭﻏﯘ ﺑﻮﻟﻐﺎﻥ ﺑﻮﻟﺴﺎ ﻗﯘﻻﻗﻠﯩﺮﯨﻢ ﭘﺎﯓ ﺑﻮﻟﻐﺎﻥ ﺑﻮﻟﺴﺎ ﮬﻪﺳﻪﻥ ﺋﻮﻥ ﺑﯧﺸﯩﻨﻰ ﻛﯚﺭﻣﯩﮕﻪﻥ ﺑﻮﻻﺗﺘﯩﻢ. ﺑﯜﮔﯜﻧﻜﯩﺪﻩﻙ ﻳﺎﻣﺎﻥ ﻛﯜﻧﮕﻪ ﻗﺎﻟﻐﺎﻥ ﻗﻪﮬﺮﯨﻤﺎﻧﻤﯘ ﺑﻮﻟﻤﺎﻳﺘﺘﯩﻢ....." ﺩﻩﭖ ﺋﻮﻳﻼﭘﺘﯘ. "ﮬﻪﻱ ﻗﻪﮬﺮﯨﻤﺎﻥ...ﻛﯚﺭﯨﯟﺍﺗﻘﺎﻥ ﻛﯜﻧﯩﯖﮕﻪ ﺗﯘﺭﻏﺎﻥ ﺋﻪﭘﺘﯩﯖﮕﻪ ﻗﺎﺭﯨﻐﯩﻨﺎ....ﻳﯜﺭﮔﻪﻥ ﻛﯜﻧﯩﯔ ﺷﯘﻣﯘ...ﺳﻪﻧﺪﯨﻦ ﺋﺎﭺ ﻗﺎﻟﺴﯩﻤﯘ ﺧﺎﺗﯩﺮﺟﻪﻡ ﺗﯧﺮﯨﻘﭽﯩﻠﯩﻖ ﻗﯩﻠﯩﺪﯨﻐﺎﻥ ﺩﯨﺨﺎﻧﻨﯩﯔ ﻳﺎﻛﻰ ﺗﺎﻣﻨﯩﯔ ﺗﯜﯞﯨﺪﻩ ﻏﻪﻣﺴﯩﺰ ﺋﻮﻟﺘﯘﺭﻏﺎﻥ ﻗﻪﻟﻪﻧﺪﻩﺭﻧﯩﯔ ﻛﯜﻧﻰ ﻳﺎﺧﺸﯩﻐﯘ....." ﺩﯨﮕﻪﻧﻠﻪﺭﻧﻰ ﺋﻮﻳﻼﭘﺘﯘ. ﺋﯚﺯﯨﮕﻪ ﺋﯩﭽﻰ ﺋﺎﻏﺮﯨﭙﺘﯘ. ﺗﯜﻧﺠﻰ ﻗﯧﺘﯩﻢ ﺋﯩﭽﻰ ﺋﺎﻏﺮﯨﭙﺘﯘ. ﮬﯧﭽﻜﯩﻢ ﻣﻪﻣﻪﺗﻨﯩﯔ ﺋﯚﺯﯨﮕﻪ ﺋﯩﭽﻰ ﺋﺎﻏﺮﯨﻐﺎﻧﻠﯩﻘﯩﻨﻰ ﺑﯩﻠﻤﻪﻳﺪﯨﻜﻪﻥ. ﺋﻮﻳﻼﭘﻤﯘ ﺑﺎﻗﻤﺎﻳﺪﯨﻜﻪﻥ. ﺑﺎﺷﻘﯩﻼﺭ "ﺋﯘ ﺩﯨﮕﻪﻥ ﻗﺎﺭﺍﻗﭽﻰ ﻣﻪﻣﻪﺕ ﺋﺎﯞﺍﻕ! ﺗﺎﻏﻼﺭﻧﯩﯔ ﺑﯜﺭﻛﯜﺗﻰ! ﺋﯘ ﺑﯩﭽﺎﺭﻩ ﺑﻮﻻﻣﺪﯗ" ﺩﻩﭖ ﺋﻮﻳﻼﻳﺪﯨﻜﻪﻥ. ﻣﻪﻣﻪﺗﻨﯩﯔ ﺩﻩﺭﺩﯨﻨﻰ ﺋﯘﻧﯩﯔ ﻣﯘﺷﺘﯘﻣﺪﻩﻙ ﻗﻮﺭﻗﯘﭖ ﺗﯩﺘﺮﻩﭖ ﺗﯘﺭﻏﺎﻥ ﻳﯜﺭﯨﻜﯩﻨﻰ ﻛﯚﺭﯛﭖ ﺑﺎﻗﻤﯩﻐﺎﭼﻘﺎ ﺑﯩﻠﻤﻪﻳﺪﯨﻜﻪﻥ.

ﺋﯘﻻﺭ  ﻣﻪﻣﻪﺗﻨﯩﯔ ﺋﻮﻗﻼﺭﻧﻰ ﭼﻪﭘﺮﺍﺱ ﺑﺎﻏﻠﯩﻐﺎﻥ ﺗﺎﺳﻤﯩﻠﯩﻖ ﻣﯩﻠﺘﯩﻘﯩﻨﻰ ﻣﯜﺭﯨﺴﯩﮕﻪ ﺋﺎﺳﻘﺎﻥ ﺗﺎﭘﺎﻧﭽﯩﺴﯩﻨﻰ ﺋﻮﯓ ﺗﻪﺭﻩﭘﻜﻪ ﺧﻪﻧﺠﯩﺮﯨﻨﻰ ﺳﻮﻝ ﺗﻪﺭﻩﭘﻜﻪ ﺗﺎﻗﯩﯟﺍﻟﻐﺎﻥ ﻗﯩﻴﺎﭘﯩﺘﯩﻨﯩﻼ ﻛﯚﺭﯨﺪﯨﻜﻪﻥ. ﭘﻪﻗﻪﺕ ﺋﻪﺷﯘ ﮬﻪﻳﯟﻩﺗﻠﯩﻚ ﻗﯩﻴﺎﭘﯩﺘﯩﻨﯩﻼ ﻛﯚﺭﯨﺪﯨﻜﻪﻥ. ﭼﺎﺷﻘﺎﻧﺪﻩﻙ ﺗﯩﻤﯩﺴﻘﯩﻼﭖ ﺋﺎﻟﻘﺎﻧﭽﯩﻠﯩﻚ ﺑﻮﻟﺴﯩﻤﯘ ﺗﯩﻨﯩﭻ ﺑﯩﺮ ﻳﻪﺭﮔﻪ ﻣﯘﮬﺘﺎﺟﻠﯩﻘﯩﻨﻰ ﺑﯩﻠﻤﻪﻳﺪﯨﻜﻪﻥ.   

ﺋﺎﺳﯩﻢ ﭼﺎﯞﯗﺵ" ﻣﻪﻣﻪﺕ ﺋﻪﺳﻠﻰ ﺋﻪﯞﻟﯩﻴﺎ ﺑﻮﻟﯩﺪﯨﻐﺎﻥ ﺋﺎﺩﻩﻡ ﻧﯩﻤﯩﺸﻘﯩﻤﯘ ﻗﺎﺭﺍﻗﭽﻰ ﺑﻮﻟﯘﭖ ﻗﺎﻟﻐﺎﻧﺪﯗ" ﺩﻩﭘﺘﯩﻜﻪﻥ. ﻣﯧﻨﯩﯖﭽﻪ ﺋﻪﯞﻟﯩﻴﺎ ﺋﺎﭘﭙﺎﻕ ﺳﺎﻗﺎﻟﻠﯩﻘﻼ ﺑﻮﻟﻤﺎﻱ ﺑﻪﺯﯨﺪﻩ ﻛﻮﺳﺎ ﺑﻪﺯﯨﺪﻩ ﻗﺎﺭﺍﻗﭽﻰ ﯞﻩ ﻳﺎﻛﻰ ﺑﻪﺯﯨﺪﻩ ﺋﻮﻏﺮﻯ ﺷﻪﻛﯩﻠﻠﯩﻜﻤﯘ ﺑﻮﻻﻣﺪﯨﻜﯩﻦ. ﺋﺎﻕ ﺳﺎﻗﺎﻟﻠﯩﻖ ﺧﯩﺰﯨﺮ ﺩﯗﺋﺎﺳﻰ ﺑﯩﻠﻪﻥ ﺑﺎﺷﻘﯩﻼﺭﻏﺎ ﻳﺎﺭﺩﻩﻡ ﺑﯧﺮﯨﺪﯗ. ﺋﻪﻣﻤﺎ ﻛﯧﻴﯩﻨﻜﻰ ﺧﯩﺰﯨﺮﻻﺭ ﺋﯩﻜﻜﻰ ﻗﻮﻟﻰ ﺋﯩﻜﻜﻰ ﭘﯘﺗﻰ ﯞﻩ ﺋﯩﺴﺴﯩﻖ ﺟﯧﻨﻰ ﺑﯩﻠﻪﻥ ﺧﻪﻟﯩﻘﻠﻪﺭﮔﻪ ﺑﺎﺷﭙﺎﻧﺎ ﺑﻮﻟﯩﺪﯗ.

ﮬﻪﻣﻤﯩﻤﯩﺰ ﺑﯩﻠﯩﻤﯩﺰ. ﺧﯩﺰﯨﺮ ﮬﺎﺟﻪﺗﻤﻪﻧﻠﻪﺭﻧﯩﯔ ﮬﺎﺟﯩﺘﯩﺪﯨﻦ ﭼﯩﻘﯩﺪﯗ. ﺋﯘﻧﺪﺍﻗﺘﺎ ﺧﯩﺰﯨﺮﻧﯩﯖﻤﯘ ﮬﺎﺟﯩﺘﻰ ﺑﻮﻻﻣﺪﯗ  ﮬﺎﺟﯩﺘﻰ ﻳﻮﻕ ﻣﯘﮬﺘﺎﺟﯩﻠﯩﻘﻰ ﻳﻮﻕ ﺧﯩﺰﯨﺮ ﺑﻮﻟﻤﺎﻳﺪﯗ. ﭼﯜﻧﻜﻰ ﻣﯘﮬﺘﺎﺟﻠﯩﻘﻨﯩﯔ ﻧﯩﻤﯩﻠﯩﻜﯩﻨﻰ ﺑﯩﻠﻤﯩﺴﻪ ﻗﺎﻧﺪﺍﻗﻤﯘ ﺧﯩﺰﯨﺮ ﺑﻮﻟﯩﺪﯗ ! ﺧﯩﺰﯨﺮﻧﯩﯔ ﻣﯘﮬﺘﺎﺟﻠﯩﻘﯩﻐﺎ ﻛﯩﻢ ﻳﺎﺭﺩﻩﻡ ﺑﯧﺮﯨﺪﯗ ﮬﯧﭽﻜﯩﻢ ﻳﺎﺭﺩﻩﻡ ﺑﻪﺭﻣﻪﻳﺪﯗ. ﮬﻪﻡ ﺑﯧﺮﻩﻟﻤﻪﻳﺪﯗ. ﺋﯘ ﺑﯩﺮ ﺋﯚﻣﯜﺭ ﻣﯘﮬﺘﺎﺟﻠﯩﻘﺘﺎ ﻳﺎﺷﺎﭖ ﺋﺎﺧﯩﺮﻯ ﻣﯘﮬﺘﺎﺟﻠﯩﻘﺘﺎ ﺋﯚﻟﯩﺪﯗ. ﺷﯘﻧﺪﯨﻼ ﺑﯩﺮ ﺋﯚﻣﯜﺭ ﺧﯩﺰﯨﺮ ﺑﻮﻻﻻﻳﺪﯗ. ﺑﺎﺷﻘﯩﻼﺭﻏﺎ ﻳﺎﺭﺩﻩﻡ ﺑﯧﺮﯨﭗ ﺋﯚﺯﻯ ﻳﺎﺭﺩﻩﻣﮕﻪ ﺋﯧﺮﯨﺸﻪﻟﻤﯩﮕﻪﻥ ﺋﺎﺩﻩﻣﻨﻰ ﺋﻪﯓ ﻳﺎﺧﺸﻰ ﺧﯩﺰﯨﺮ ﺩﯨﺴﻪﻙ ﺑﻮﻟﯩﺪﯗ.....

ﻣﻪﻣﻪﺕ ﻗﯩﺰﺍﺭﻏﺎﻥ ﺷﻪﭘﻪﻗﻘﻪ ﻗﺎﺭﺍﭘﺘﯘ. ﻳﻪﻧﻪ ﺋﻮﻟﺘﯩﺮﯨﯟﻩﺭﺳﻪ ﺑﻮﻟﻤﺎﻳﺪﯨﻜﻪﻥ. ﺋﻪﺗﺮﺍﭖ ﻳﻮﺭﯗﭖ ﻛﻪﺗﻤﻪﺳﺘﻪ ﺋﯩﺸﯩﻨﻰ ﺗﯜﮔﻪﺗﺴﯘﻥ. ﺋﯘ ﻳﯧﺰﯨﻨﯩﯔ ﭼﯧﺘﯩﺪﯨﻜﻰ ﺋﯩﺴﻤﺎﺋﯩﻞ ﭼﻮﻻﻗﻨﯩﯔ ﺗﯜﮔﻤﯩﻨﯩﮕﻪ ﻗﺎﺭﺍﭖ ﻣﯧﯖﯩﭙﺘﯘ.

ﻣﻪﻣﻪﺕ ﺗﯜﮔﻤﻪﻧﮕﻪ ﺑﺎﺭﻏﺎﻧﺪﺍ ﺋﯩﺴﻤﺎﺋﯩﻞ ﭼﻮﻻﻕ ﺋﯘﺧﻼﯞﺍﺗﻘﺎﻥ ﺋﯩﻜﻪﻥ. ﺋﻪﺳﻠﯩﺪﻩ ﺑﯘ ﭘﻪﺳﯩﻠﺪﻩ ﺗﯜﮔﻤﻪﻧﭽﻰ ﺋﯘﺧﻠﯩﻴﺎﻟﻤﺎﻳﺪﯨﻜﻪﻥ. ﺗﯜﮔﻤﻪﻧﻨﯩﯔ ﺑﯧﺴﯩﻘﻠﯩﻘﯩﺪﯨﻦ ﻧﻪﭼﭽﻪ ﻛﯜﻧﻠﻪﭖ ﺋﯘﺧﻠﯩﻴﺎﻟﻤﺎﻳﺪﯨﻜﻪﻥ. ﺋﻪﻣﻤﺎ ﺋﯩﺴﻤﺎﺋﯩﻞ ﺋﯘﺧﻼﯞﺍﺗﻘﺎﻥ ﺋﯩﻜﻪﻥ. ﻳﯧﺰﯨﻠﯩﻘﻼﺭﻧﯩﯔ ﺗﯜﮔﻤﻪﻧﮕﻪ ﺋﻪﻛﻪﻟﮕﯜﺩﻩﻙ ﺑﯩﺮ ﺗﯘﺗﺎﻡ ﺋﺎﺷﻠﯩﻘﻰ ﺑﻮﻟﻤﯩﺴﺎ ﺗﯜﮔﻤﻪﻧﭽﻰ ﺋﯘﺧﻠﯩﻤﺎﻱ ﻧﯩﻤﻪ ﺋﯩﺶ ﻗﯩﻠﺴﯘﻥ.

ﻣﻪﻣﻪﺕ ﺋﯘﺧﻼﯞﺍﺗﻘﺎﻥ ﺗﯜﮔﻤﻪﻧﭽﯩﻨﻰ ﺋﻮﻳﻐﯘﺗﯘﭘﺘﯘ.

- ﺋﯩﺴﻤﺎﺋﯩﻞ ﺋﺎﻛﺎ ﻳﺎﺧﺸﯩﻤﯘﺳﻪﻥ ﻣﻪﻥ ﻣﻪﻣﻪﺕ ﺋﺎﯞﺍﻕ- ﺩﻩﭖ ﺗﻮﻧﯘﺷﻠﯘﻕ ﺑﯧﺮﯨﭙﺘﯘ. ﺗﯜﮔﻤﻪﻧﭽﻰ ﺋﻮﻳﻐﯘﻧﯘﭘﺘﯘ. ﻗﺎﻳﺴﻰ ﻣﻪﻣﻪﺕ ﺋﺎﯞﺍﻗﻠﯩﻘﯩﻨﻰ ﺳﻮﺭﺍﭘﺘﯘ. ﻣﻪﻣﻪﺕ ﺋﯘﻧﯩﯔ ﺑﯩﻠﻪﻥ ﺑﯩﺮ ﻳﯧﺰﯨﻠﯩﻖ ﻗﺎﺭﺍﻗﭽﻰ ﺑﻮﻟﯘﭖ ﻛﻪﺗﻜﻪﻥ ﻣﻪﻣﻪﺕ ﺋﺎﯞﺍﻗﻠﯩﻘﯩﻨﻰ ﺋﯧﻴﺘﯩﭙﺘﯘ. ﺋﯘﻳﻘﯘﻟﯘﻕ ﻛﯚﺯﻟﯩﺮﯨﻨﻰ ﺋﺎﭼﺎﻟﻤﺎﻱ ﺗﯘﺭﻏﺎﻥ ﺗﯜﮔﻤﻪﻧﭽﻰ ﺋﻮﺭﻧﯩﺪﯨﻦ ﺗﯘﺭﯗﭖ ﻛﯧﺘﯩﭙﺘﯘ. ﺳﻪﻛﺮﯨﮕﻪﻧﺪﻩﻙ ﺗﯘﺭﯗﭘﺘﯘ:

- ﺳﻪﻥ ﺋﺎﺑﺪﻯ ﺋﺎﻏﯩﻤﯩﺰﻧﻰ ﺋﯚﻟﺘﯜﺭﮔﻪﻥ ﻣﻪﻣﻪﺕ ﺋﺎﯞﺍﻕ ﺷﯘﻣﯘ- ﻳﻮﺭﯗﻗﻘﺎ ﻛﯚﻧﻪﻟﻤﻪﻳﯟﺍﺗﻘﺎﻥ ﭼﻮﭘﺎﻕ ﻛﯚﺯﻟﯩﺮﻯ ﭼﻪﻛﭽﯩﻴﯩﭗ ﻛﯧﺘﯩﭙﺘﯘ. "ﺷﯘ" ﺩﯨﮕﻪﻥ ﺟﺎﯞﺍﭖ ﺑﯩﻠﻪﻥ ﺟﯩﺪﺩﯨﻠﯩﺸﯩﭙﺘﯘ. ﺋﯘﻳﺎﻕ-ﺑﯘﻳﺎﻗﻨﻰ ﺳﯩﭙﺎﺷﺘﯘﺭﯗﺩﯨﻜﻪﻥ. ﺑﯩﺮ ﭼﺎﻏﺪﺍ ﻗﻮﻟﯩﻐﺎ ﺑﯩﺮ ﺗﻮﺧﻤﺎﻕ ﺋﯩﻠﯩﺸﯩﭙﺘﯘ.

- ﺳﻪﻥ ﻛﺎﭘﯩﺮ ﮔﯜﻟﺪﻩﻙ ﺋﺎﻏﯩﻤﯩﺰﻧﻰ ﻧﯩﻤﯩﺸﻘﺎ ﺋﯚﻟﺘﯜﺭﯨﺴﻪﻥ. ﮬﻪﻱ ﻗﺎﻧﺨﻮﺭ ﺋﺎﻏﯩﻤﯩﺰﻧﻰ ﺋﯚﻟﺘﯜﺭﺩﯛﯓ ﺑﯩﺰﻧﻰ ﺧﺎﺭﺍﭖ ﻗﯩﻠﺪﯨﯖﻐﯘ......- ﻧﻪﺩﯨﻨﺪﯗ ﭘﻪﻳﺪﺍ ﺑﻮﻟﯩﯟﺍﺗﻘﺎﻥ ﻳﺎﺵ-ﻣﺎﯕﻘﯩﻠﯩﺮﻯ ﺋﯧﻐﯩﺰﯨﺪﯨﻦ ﺋﺎﻗﻘﺎﻥ ﺷﯚﻟﮕﻪﻳﻠﯩﺮﻯ ﺋﺎﺭﯨﻠﯩﺸﯩﭗ ﻛﯧﺘﯩﭙﺘﯘ. ﻳﯩﻐﻼﻳﺪﯨﻜﻪﻥ. ﺗﯩﻠﻼﻳﺪﯨﻜﻪﻥ. ﻗﺎﻏﺎﻳﺪﯨﻜﻪﻥ. ﻣﻪﻣﻪﺗﻨﻰ ﺋﯘﺭﯗﺷﻘﺎ ﺗﺎﺗﯩﻼﺷﻘﺎ ﺗﯩﺮﯨﺸﯩﺪﯨﻜﻪﻥ. ﻣﻪﻣﻪﺕ ﮬﻮﺩﯗﻗﯘﭖ ﻛﯧﺘﯩﭙﺘﯘ. ﻧﯩﻤﻪ ﺑﻮﻟﻐﺎﻧﻠﯩﻘﯩﻨﻰ ﻗﯘﺭﺗﻘﯩﻤﯘ ﺋﺎﺯﺍﺭ ﺑﻪﺭﻣﻪﻳﺪﯨﻐﺎﻥ ﺑﯘ ﺗﯜﮔﻤﻪﻧﭽﯩﻨﯩﯔ ﺑﯜﮔﯜﻥ ﻧﯩﻤﻪ ﺑﻮﻟﻐﺎﻧﻠﯩﻘﯩﻨﻰ ﺑﯩﻠﻪﻟﻤﻪﻳﺪﯨﻜﻪﻥ. ﮬﻪﻳﺮﺍﻥ ﻗﺎﻟﯩﺪﯨﻜﻪﻥ. ﺗﺎﻳﺎﻗﺘﯩﻦ ﺋﯚﺯﯨﻨﻰ ﺋﻪﭘﻘﺎﭼﯩﺪﯨﻜﻪﻥ.   

ﺋﯘﻧﯩﯔ ﺋﻮﺭﯗﻕ ﺑﯩﻠﻪﻛﻠﯩﺮﯨﺪﯨﻦ ﺗﯘﺗﯩﯟﺍﭘﺘﯘ. ﻣﻪﮬﻜﻪﻡ ﺗﯘﺗﯩﯟﺍﭘﺘﯘ. ﺋﯩﺴﻤﺎﺋﯩﻞ ﭼﻮﻻﻕ ﺩﯨﺮ-ﺩﯨﺮ ﺗﯩﺘﺮﻩﻳﺪﯨﻜﻪﻥ. ﺑﻮﺷﯩﻨﯩﺸﻘﺎ ﺗﯩﺮﯨﺸﯩﺪﯨﻜﻪﻥ. ﺋﯧﻐﯩﺰﻯ ﺗﻮﺧﺘﯩﻤﺎﻱ ﻧﺎﻟﻪ ﻗﯩﻠﯩﺪﯨﻜﻪﻥ. ﺋﯜﭺ ﻳﯩﻞ ﺑﯜﺭﯛﻥ ﺋﯚﻟﮕﻪﻥ ﺋﺎﺑﺪﻯ ﺋﺎﻏﯩﺴﯩﻐﺎ ﮬﺎﺯﺍ ﺗﯘﺗﯩﺪﯨﻜﻪﻥ. ﻣﻪﻣﻪﺗﻨﻰ ﻗﺎﻏﺎﻳﺪﯨﻜﻪﻥ.......

ﻣﻪﻣﻪﺕ ﺋﺎﻣﺎﻝ ﻗﯩﻼﻟﻤﺎﭘﺘﯘ. ﺳﯩﻠﻜﻪﭖ ﺑﯧﻘﯩﭙﺘﯘ. ﺗﻮﺧﺘﯩﻤﺎﭘﺘﯘ. ﻳﺎﻟﯟﯗﺭﯗﭖ ﺑﯧﻘﯩﭙﺘﯘ. ﺋﯩﺴﻤﺎﺋﯩﻞ ﭼﻮﻻﻕ ﺗﻮﺧﺘﯩﻤﺎﻳﺪﯨﻜﻪﻥ ﺗﯩﻠﻼﻳﺪﯨﻜﻪﻥ.

داۋامي بار!

obulqasim

ھەقچان كىتابى بۇنىڭدەك قىزىق ئەمەس

uganguqi

ۋاقىت چىقىرىپ داۋامىنى يوللاپ قويسىڭىز بولاتتى،بۇ روماننى كىچىكىمدە ئوقۇغۇنۇم ئېسىمدە بىراق سىز بايان قىلغاندەك قىزىقتۇرالمىغان ئىدى،بەلكىم شۇ ۋاقىتلاردا چۈشەنمەيلا ئوقۇغان بولسام كېرەك،ھازىر تېگىدىن چۈشىنىپ ئوقۇيدىغان زامانلار كەلدى
ئەجەپ بىر زامان بولدى
ئالەم چۆرگىلەي دەيدۇ
يۈرەكتىكى زەرداپ سۇ
قانغا ئۆرۈلەي دەيدۇ