م.ئوغۇز : ئەركىنلىك ۋە چەكلىمىلىك

mustafaoguz

ماقالەمنىڭ تەرىپىنى قىلىپ ئىنكاس يازغان قېرىنداشلىرىمغا تەشەككۇر. قەلىمىڭىز توختاپ قالمىسۇن دىگەنلەرمۇ بوپتۇ. ئىنشائاللاھ ئامانلام بولسام توختاتمايمەن. خىزمەت ئالدىراشلىقى تۈپەيلى خىلى ئۇزۇن بولدى مۇنبەرلەرنى ئارلىيالمىدىم ھەم ماقالە يىزىپمۇ بولالمىدىم. توغرا چۈشەنگەيسىلەر ! ئەمما پۇرسەت بولسىلا يىزىپ تۇرىمەن.

ADAM-Z ئىسىملىك قېرىندىشىمىز كىتابنىڭ ئەسلى نۇسخىسىنى ئوقۇشنى مۇراجىئەت قىلىپتۇ، تۆۋەنچىلىك بىلەن قۇبۇل قىلىمەن. دىگىنىڭىز تۇغرا ھەر نەرسىنىڭ ئەسلىسىگە نىمە يەتسۇن. بىراق، بۇ قىتىم يۇرتقا قايتقىنىمدا كىتابخانا ئارىلاپ، كۆزۈمگە چۈشۈپ قالغان ئىلىپ ئوقۇپ باقتىم. يازغان تىمام ئەسلى بۇرۇنلا كۆڭلۈمدە بار ئىدى. پەلسەپىنى مۇبالىغىلەشتۈرگەن مەزمۇن ئىلمىنتى ماقالەمدە بولسا تۈزىتەي. ماڭا كۆرسىتىپ قويسىڭىز خوش بولىمەن. چۈنكى خاتالىق ھەركىمدە بولىدۇ. شۇڭا مەن ماقالەمدىن قۇسۇر تاپىدىغان ئادەمگە ئامراق. چۈنكى ئۆزەممۇ باشقىلارنىڭ ماقالىسىدىن كۆپ قۇسۇر تاپىدىغان ئادەم. بۇنى مىنى بۇ مۇنبەردە تونۇيدىغانلار بىلىدۇ. بىزدە تەنقىدىي تەپەككۇر شەكلى يىتىلىشى كىرەك. قارشى تەرەپنى ھۆرمەت قىلغان ئاساستا مۇنازىرە ھەم تەنقىد ئىلىپ بىرىشىمىز، ئۆزىمىزنى، ئائىلىمىزنى ۋە جەمئىيىتىمىزنى دىئاگنوز قىلىپ تۇرىشىمىز بۈگۈنكى كۈندە بەك زۆرۈر بولۇپ قالدى. بىزدە ساغلام ئىلىم تىخى ئومۇملىشىپ بولالمىدى. شۇ سەۋەبتىن نا ئۇستىلارنىڭ سۆزلىرى بەك ئۈنلۈك ھەم پۇللۇق.

پەلسەپەگە كەلسەك، پەلسەپە مۇتلەق ھەقىقەت ياكى مۇتلەق ساختا نەرسە ئەمەس. ئۇنىڭ ئىنساننى ئازدۇرىدىغان ھەم توغرا يولغا باشلايدىغان تەرەپلىرى بار. مەن شۇنداق قارايمەن، بۈگۈنكى غەرپ پەيلاسۇپلىرى خەتەرلىك. ئۇلارنىڭ كىتابلىرىنى ئوقىغاندا بىزدە ئالاھىدە تەپەككۇر ئەلگىكى بولۇشى كىرەك ! شۇڭا مەن پەلسەپىۋى كىتابلارنى ئارىلاپ ئوقۇيمەن، ئۆرنەك ئالىمەن. بىراق پەلسەپەگە ئەگەشمەيمەن. مانا بۇ مىنىڭ مىزانىم. سىز دىگەندەك بىزگە كىرمىگەن نۇرغۇن ئىسىل كىتابلار بار. پەقەت غەرپ پەلسەپىۋى كىتابلىرىلا ئەمەس ئەلۋەتتە. ئۇيغۇر ياشلىرىدا ئويغۇنۇش بولىۋاتىدۇ. بىز كۆڭلىمىزنى پۇچەك قىلىدىغان تەرىپىمىزگە دىققىمىتىمىزنى بەكرەك مەركەزلەشتۇرۋالساق ئۇ ئوڭشىلىپ قالمايدۇ. بەلكى بىزنى تەرەققىي قىلدۇرماي، بىر ئىزدا توختىتىپ قويىدۇ. بىز بولسا ئاكتىپ ئىنىرگىيەنى كۆپرەك تارقاتساق، كىسەللىكىمىز ئۆزلۈكىدىن ئوڭشىلىپ كىتىدۇ.

قېرىنداشلىرىمدىن ئۈمىدىم، ئامال بار ئەتراپقا ئاكتىپ ئىنىرگىيە تارقىتايلى ! ئەمما كۆپتۈرۋەتمەيلى ! بىز ياشلار تىرىشمىساق قەتئىي بولمايدۇ. ياشلار بوشاشماي تىرىشايلى !  

kalbahar

يازمىڭىزغا رەخمەت قىرىندىشىم،ئەلۋەتتە چەكلىمىلىگى دائىرىسى بولمايدىغان مۇتلەق ئەركىنلىك بولمايدۇ.       ئەگەر بار دىيىلسە ئۇنداق ئەركىنلىك‹‹ھاياتلىق پەقەت بىرلا قىتىم››دەپ قارايدىغان ئازغۇنلارنىڭ ئازغۇن ئەقىدىسىدۇر خالاس.

tuyghum

تېمىڭىزدىن ئارىيە:

بىر تەرەپتە، قۇتۇپلىشىشنى تەرغىپ قىلغۇچى ئاشقۇن ئىندىۋىدۇئال ئەركىنلىك تەرغىباتچى ئەخلاق دۈشمىنى زىيالىي قاتلىمىمىز؛ يەنە بىر تەرەپتە، زامان تەرەققىياتىدىن يىراق قالدۇرۇپ، قوپماي دۇرۇت ئوقۇسۇن دەيدىغان ساختا دىندارلار قاتلىمىمىز؛ مانا بۇ بىزدىكى پاجىئە.

بۇ گەپلەر بەكلا چەكتىن ئېشىپ كىتىپتۇ، چۈنكى زىيالىلار قاتلىمىمىز ئەخلاق دۈشمىنى ئەمەس، قوپماي دۇرۇت ئوقۇسۇن دەيدىغان دىندارلار قاتلىمىمۇ مەۋجۇت ئەمەس.
يازدىم دەپ  يېزىۋەرمەيلى، ئىش كۆرمىگەنلەر ئېزىپ كىتىدۇ. گەپ سۆزنىڭمۇ ھىساۋى بار. ئەڭ ئاددى بىر زىيان مۇشۇنداق ئەمەلىيەتتىن ئايرىلغان يازمىلار مۇنبەرنىڭ نوپۇزىنى چۈشۈرىدۇ.

tursunjan1

بەلەن تىما بوپتۇ

SATAN

ئەمىلىيەتتە  دىنى ئەككاملار جەمىيەت ئەزالىرىنى كىلىشتۇرۇش رولىنى ئوينايدۇ . لىكىن دىننى قوللانغۇچى ئىنسانلار ئۇزىنىڭ ھەر تۇرلۇك مەنپەئەتلىرى  تۇپەيلى  دىندىن ئۇزىنىڭ مەنپەئەتىگە پايدىلىق بايانلارنى يۇلۇپ ئېلىپلام  تېخىمۇ كۆپ مەنپەئەتكە ئېرىشىش  ئۇچۇن بۇنى باشقىلارغا ھەقلىق قىلىپ تەشۋىق قىلىپ باشقىلارنىڭ مەنپەئەتلىرىگە  ھۇجۇم قىلىدۇ . بۇگۇنكى كۇندە ھەقىقەت دەپ كۇچەپ تەشۋىق قىلىنىۋاتقان دىنلار ئاللى بۇرۇن ھەرقايسى مەنپەئەت گوروھلىرى تەرىپىدىن  ئېغىر دەرىجىدە بۇرمىلىۋىتىلدى . ئۇلار دىندىن ئۇزىنىڭ قىلـمىش ـ ئەتمىشلىرىگە  زىيانلىق بايانلارنى باستۇرۇپ قۇيۇپ پايدىلىق دەپ قارىغان  بايانلارنى  كۇتۇرۇپ چىقىپ ئۇنىڭغا نەچچە ھەسسە رەڭ بېرىپ  پەقەت گوروھۋازلارنىڭ يۇقۇرى قاتلىمىدىكى ئاز ساندىكى كىشىلەرنىڭلام  ئالى  مەنپەمەتىنى قوغدايدىغان بىر تۇزۇم شەكلىگە ئەكىۋالدى . ئۇلار ئۇزىنىڭ مەنپەتىنى داۋاملىق كاپالەتكە ئىگە قىلىش ئۇچۇن  كىشىلەرنىڭ ھەركەت پائالىيىتىدىن ھالقىپ ئۇتۇپ ھەتتا ئوي پىكرىگىمۇ يۇگەن سالدى   
ھىلىگەر كەپتەۋازلار  كەپتەرنىڭ دانلىرىغا كەندىر ئۇرىغىنى ئارلاشتۇرۇپ  بېرىپ  كەپتەرنى خۇمار قىلىش ئارقىلىق  ئۇنۇملۇك كونتىرول ئاستىغا ئالىدۇ
شۇنىڭدەك  دىندىن پايدىلىنىۋاتقان رەزىل نىيەتلەر كىشىلەرنى  خۇددى كەپتەرنى ئوينىغاندەك ئويناۋاتىدۇ .

ھەرە ـ تۇمۇر كىشەننىڭ سۇرى بەك يامان
لىكىن ئۇ  قوقىدۇ بازغاندىن ھامان
ئەگەر روھتا بولسا قۇللۇق كىشەنى
بازغانمۇ كار قىلـماس ئاڭا ھېچ ـ قاچان

ئابدۇرىھىم . ئوتكۇر ...

خەلىل

ناھايتى ياخشى يېزىلغان، كۆپ ئەھمىيەتلىك تېما ئىكەن ، زور كۆپچىلىك دەل مۇشۇنداق   ئادەمىڭ تەپەككۇرىنى ئويغىتىدىغان ماقالىلەرگە ئىنتىزار دەپ ئويلايمەن ، رەھمەت.

Abduhalim75

ھەممە دىن بىراقلا بۇرمىلىۋېتىلمەيدۇ . ئۇنداق بولسا ‹ھىچ بىر قەۋىم ئاگاھلاندۇرۇلماي قالماسلىق›قا خىلاپ بولۇپ قالىدۇ . نەپسىگە ئەركىنلىك ئىزدەپ دىن پەتىۋاسىدا ئاينىغانلارنىڭ تارتقان زىيىنى مۇشۇ دۇنيادىلا ئاشكارا بولۇپ تۇرىدۇ .

mustafaoguz

tuyghum يوللىغان ۋاقتى  2016-7-9 22:45
تېمىڭىزدىن ئارىيە:

بىر تەرەپتە، قۇتۇپلىشىشنى تەرغىپ  ...

پىكرىڭىزگە ھۆرمەت بىلدۇرىمەن قېرىندىشىم.
مىنىڭ يۇقاردىكى قۇرلاردا ئىلىپ ئىيتقىنىم قانداقتۇر بىر پۈتۈن پەننىي زىيالىي قاتلىمى ياكى دىنىي زىيالىي قاتلىمىغا ۋەكىللىك قىلمايدۇ. بۇ يەردە قاتلام دەپ ئىشلەتكىنىم مەلۇم قىسىم كىشىلەر توپىغا ۋەكىللىك قىلىدۇ خالاس. مىنىڭچە، ئوقۇرمەنلەر سىز ئويلىغاندەك ئۇنچىلىك ئەقىلسىز ئەمەس دەپ قارايمەن، ئۇلار ئۇنى قىسمەنلىككە قاراتقىنىمنى ھىس قىلالايدۇ. ئۇنداق كىشىلەر توپى بىزدە مەۋجۇت ئەمەس دەپسىز. ئۆزىدىكى نۇقساننى ئېتىراپ قىلىشمۇ بىر ئايرىم پەزىلەت. ئۇ قۇرلاردىن مىنىڭچە ئۇنچىلىك تەھدىت ھىس قىلىپ كەتمەيلى قېرىندىشىم !