تيەنجۇدا تولۇق ئوتتۇرا مەكتەپ ئوقۇغۇچىلىرى ھەقسىز ئوقۇيدىغان بولدى

naparman

تيەنجۇدا تولۇق ئوتتۇرا مەكتەپ ئوقۇغۇچىلىرى

ھەقسىز ئوقۇيدىغان بولدى

[align=justify][align=justify][align=justify]گەنسۇ ئۆلكىسى تيەنجۇ زاڭزۇ ئاپتونۇم ناھىيەسى يېقىنىدا ئېلان قىلىغان خەۋەردە مۇنداق دېيىلدى :بۇ يىل ئەتىيازلىق ئوقۇش مەۋسۇمىدىن ئېتىبارەن ناھىيەمىزدىكى تولۇق ئوتتۇرا مەكتەپ ئوقۇغۇچىلىرى ھەقسىز ئوقۇيدۇ ،ناھىيەلىك مالىيە ئوقۇغۇچىلارنىڭ پارچە خىراجىتى ،ياتاق ھەققى ۋە كىتاب پۇلىنى زىممىسىگە ئالىدۇ ،ياتاقتا يېتىپ ئوقۇيدىغان ئوقۇغۇچىلارغا يىلدا 1000 يۈەن تۇرمۇش پۇلى بېرىدۇ .

خەۋەردە يەنە مۇنداق دېيىلىدى ؛تيەنجۇ زاڭزۇ ئاپتونوم ناھىيەسى مەملىكتىمىزدىكى تولۇق ئوتتۇرا مەكتەپتە ھەقسىز ئوقۇتۇشىنى تۇنجى بولۇپ ئەمەلگە ئاشۇردى .زاڭزۇلار توپلىشىپ ئولتۇراقلاشقان بۇ ناھىيە چىڭخەي-شىزاڭ ئېگىزلىكىنىڭ شەرقىي گىرۋىكىگە جايلاشقان ،ناھىيەنىڭ 210 مىڭ نوپۇسى ئىچىدە زاڭزۇلارنىڭ نىسبىتى 31.6% كە يېتىدۇ .

مەنبەسى :ئۈرۈمچى كەچلىك گېزىتى

duttarqi

تاشلىۋېتىلگەن روسىيەلىك بىر جۈپ قوش كېزەك

[align=justify]يېقىنقى يىللاردىن بۇيان، روسىيە بىلەن ئامېرىكا ئوتتۇرىسىدا يېتىم بالىلارنى بېقىۋېلىش مەسىلىسىدە ئىزچىل دىپلوماتىك سۈركىلىش پەيدا بولۇپ كەلدى. يېقىندا بىر جۈپ روسىيەلىك قوش كېزەك بوۋاق ئامېرىكىلىق بېقىۋالغان ئاپىسى تەرىپىدىن قەھرىتان سوغۇقتا سانكىت پىتېربۇرگتىكى كوچىغا تاشلىۋېتىلدى، بۇ ئىش روسىيە جەمئىيىتىنىڭ كۈچلۈك نارازىلىقىنى قوزغىدى. شۇڭا، روسىيە ھۆكۈمىتى ئامېرىكىلىقلارنىڭ روسىيەلىك يېتىم بالىلارنى بېقىۋىلىش ھوقۇقىنى يەنە تارتىۋالىمىز دەپ تەھدىت سالدى.

روسىيە ئاگېنتىلىقىنىڭ 13-مارتتىكى خەۋىرىگە قارىغاندا، ئامېرىكىلىق بىر ئايال 15 ئايلىق بولغان روسىيەلىك قوش كېزەك بوۋاقنى يېقىندا قەھرىتان سوغۇقتا سانكىت پېتىربۇرگتىكى كوچىغا تاشلاپ قويۇپ، يېنىغا «بۇ بالىلارنى ئالمايمەن» دەپ يېزىلغان بىر قەغەزنى قويۇپ قويغان، ئۇ ۋاقىتتا سانكىت پېتىربۇرگنىڭ تېمپىراتۇرىسى نۆلدىن تۆۋەن 10 سېلسىيە گىرادۇس بولۇپ، بۇ بىر جۈپ قوش كېزەك توڭلاپ ئۆلۈپ قالغىلى ئازلا قالغانىدى. ساقچىلار ئۇلارنى تېزدىن دوختۇرخانىغا ئاپىرىپ تەكشۈرتتى، يەرلىك تەپتىش تارماقلىرى تەكشۈرگەندىن كېيىن، بۇ قوش كېزەكلەرنىڭ بېقىۋالغان ئاپىسىنىڭ روسىيە ۋە ئامېرىكا قوش دۆلەت تەۋەلىكىدىكى 33 ياشلىق ئايال ئىكەنلىكىنى، ئۇنىڭ ھازىر ئامېرىكىغا قېچىپ كەتكەنلىكىنى ئېنىقلىغان.　قوش كېزەكنى تاشلىۋېتىش ۋەقەسى روسىيەدە زور تەسىر قوزغىدى، روسىيە بالىلار ئىشلىرى تارمىقنىڭ ئەمەلدارى:بۇ ئايال تولىمۇ ئەخلاقسىزكەن، ئۇنىڭ بۇ قىلغىنى ھەقىقەتەنمۇ كىشىنىڭ غەزىپىنى كەلتۈرىدۇ دېدى. شۇڭا ئۇ روسىيە ھۆكۈمىتىنىڭ تەدبىر قوللىنىپ، ئامېرىكىلىقلارنىڭ روسىيە بالىلىرىنى بېقىۋىلىشىنى چەكلىشىنى مۇراجىئەت قىلدى، سانكىت پېتىربۇرگ شەھىرى موسكۋا رايونىنىڭ تەپتىش مەھكىمىسى بۇ ئايالغا خەلقئارالىق تۇتۇش بۇيرۇقى چىقاردى.

روسىيە تاراتقۇلىرى مۇنداق دېدى:ئۆتكەن يىلى، ئامېرىكىنىڭ تېننىسى شىتاتىدىكى بىر ئايال 7 ياشلىق بېقىۋالغان روسىيەلىك ئوغلىنى يالغۇز ئايروپىلانغا ئولتۇرغۇزۇپ موسكۋاغا قايتۇرۇۋەتكەن، ھەمدە بۇ بالىنى ئەمدى بېقىشنى خالىمايمەن دېگەن بىر خەتنى قالدۇرۇپ قويغان، 2005-يىلى ئامېرىكىدا بىر ئايال ئۆزى بېقىۋالغان 2 ياشلىق روسىيەلىك ئوغلىنىمۇ ئۇرۇپ ئۆلتۈرۈۋەتكەن. بېقىۋىلىش تۈزۈمىدە نۇقسان بولغانلىقتىن، روسىيەلىك يېتىم بالىلارنى خورلاش دىلولىرى يۈز بېرىپ تۇرماقتا. روسىيە سەھىيە ۋە مائارىپ تارماقلىرىنىڭ سىتاتىستىكا قىلىشىچە ھازىر 60 مىڭدىن كۆپرەك روسىيەلىك يېتىم بالىنى چەتئەللىكلەر بېقىۋېتىپتۇ، ئامېرىكا بۇنىڭ %70 نى ئىگىلەيدىكەن. 1991-يىلىدىن بۇيان، روسىيەلىك 10 نەچچە يېتىم بالا ئامېرىكىدا ئۆلۈپ كەتكەن. روسىيە ھۆكۈمىتى نۇرغۇن قېتىم ئامېرىكا ئائىلىلىرىنىڭ روسىيەلىك بالىلارنى بېقىشىنى چەكلىگەن، بىراق يەنىلا چەكلەش ئەمەلدىن قالدۇرۇلغان، روسىيە دۇماسىنىڭ پارلامېنت ئەزاسى مەخسۇس قانۇن چىقىرىپ، چەتئەللىكلەرنىڭ روسىيەلىك بالىلارنى بېقىۋىلىش تەرتىپىنى قېلىپلاشتۇرۇشنى، يېتىم بالىلارنى خورلىغان چەتئەللىك ئاتا ئانىلارنىڭ قانۇنىي مەسئۇلىيىتىنى سۈرۈشتۈرۈشنى تەلەپ قىلدى.

halpa

بۇ ئىشنىڭ پات يېقىندا بىزنىڭ يۇرتلاردىمۇ ئەمەلگە ئېشىشىنى ئۇمۇت قىلىمەن.

sardar

ئاراتۆرۈك ناھىيەسىدىمۇ مۇشۇ سىياسەت يولغا قويۇلغاندەك قىلغانغۇ دەيمەن،

kuychi

مەكتەپتىكى بالىلارنىڭ تۇرمۇشى ياخشىلانسا ئوقۇشىمۇ ياخشىلىنىدۇ. بۇ سىياسەت ئايرۇپىلان بىلەنلا ئۇچقاندەك بىزنىڭ يۇرتلارغا كەلگەي!!!

bilikop

قۇمۇل شەھرىنىڭ قارادۆۋە يېزىسىدا تولۇق ئوتتۇرا مەكتەپنى قۇمۇلغا كىلىپ ئوقۇسا تۈرلۈك خىراجەتلەر بىردەك كەچۈرۈم قىلىندۇ  دىگەن سىياسەت بارغۇ دەيمەن

nida

زاڭزۇ مىلىتى بەھرىمان بۇلىدىغان سىياسەتمىكەن ياكى <<جوڭخۇامىللەتلىرى>> ئورتاق بەھرىمان بولىدىغان سىياسەتمىكەن ؟

tangritag001

قېرىنداشلار:زاڭزۇ ئەمەس تىبەت دەپ توغرا ئاتايلى.