NASA: ئىككى ئالەم ئۇشقۇرى يەر شارىنى رەسىمگە تارتتى

bilimxumar

	قۇمباغ79 يوللىغان ۋاقتى  2013-7-25 01:54 PM ئەسسەلامۇ ئەلەيكۇم ئەركىن ئاكا،سىزنىڭ بىزلەرنى مۇشۇن ... سالام قۇمباغ79 ئۇكام، ئەگەر بىر قاپ-قاراڭغۇ كېچىدە سىز ئاسماندىكى كۆز بىلەن بىۋاستە كۆرگىلى بولىدىغان يۇلتۇزلارنى تولۇق ساناپ چىقسىڭىز، ئۇ يۇلتۇزلارنىڭ سانى 3000 ئەتىراپىدا چىقىدۇ. ئاشۇ 3000 يۇلتۇزنىڭ ئىچىدە، بىزگە ئەڭ يېقىن يۇلتۇز بىزدىن 4.26 نۇر يىلى يىراقلىقتا.  قالغانلىرى بولسا بىزدىن نەچچە ئون نۇر يىلى ۋە نەچچە يۈز نۇر يىلى يىراقلىقتا.  بىزدىن 10 نۇر يىلى يىراقلىقتىكى بىر يۇلتۇزنىڭ 10 گرادۇس بۇلۇڭغا يۆتكىلىشى ئۈچۈن 1.75 يىل ۋاقىت كېتىدۇ.  سىز دېگەندەك غەرپتىن شەرققە، ياكى شەرقتىن غەرپكە يۆتكىلىشى ئۈچۈن، كەم دېگەندە 90 گرادۇس بۇلۇڭغا يۆتكىلىشى كېرەك.  شۇڭا سىز ئاسمانغا قاراپ تۇرغان ۋاقىت بىر سائەت بولسا، ئۇ بىر يۇلتۇزنىڭ ئۇنداق بىر بۇلۇڭغا يۆتكىلىپ بولىشى قەتئىي مۇمكىن ئەمەس.  ئۇنى يەر شارىنىڭ ئايلىنىشىدىن بولغان، دەپ قارىساق، ئۇ ھالدا ھەممە يۇلتۇزلار تەڭلا بىر تەرەپكە يۆتكىلىشى كېرەك.  ئۇنىڭ ئۈستىگە يەر شارى ئۆز ئوقىدا بىر قېتىم ئايلىنىپ بولۇش ئۈچۈن بىر كۈن ۋاقىت كېتىدۇ. دېمەك، سىزنىڭ كۆرگىنىڭىز يۇلتۇز ئەمەس.  ئۇنىڭ ئەڭ چوڭ ئېھتىماللىقى يەر شارىغا يېقىن كېلىپ قالغان كائىنات ئۇچار تاشلىرى (ئاستېرويد) بولىشى مۇمكىن. ياكى بولمىسا سىزگە ئاشۇنداق تۇيۇلۇپ قالغان بولىشى مۇمكىن. «نۇر يىلى» دېگىنىمىز ئارىلىقنىڭ ئۆلچىمى بولۇپ، «بىر نۇرى يىلى» دېگىنىمىز نۇر بىر يىلدا باسىدىغان ئارىلىقنى كۆرسىتىدۇ.  نۇر ھەر بىر سېكونتتا 300 مىڭ كىلومېتىر ئارىلىقنى باسىدىغان تېزلىك بىلەن ماڭىدۇ.  ئۇنداقتا بىر نۇر يىلى قانچە كىلومېتىر كېلىدۇ؟  ئۇنى ھېسابلاش ئۈچۈن، تۆۋەندىكى ھېسابنى ئىشلىسىڭىز بولىدۇ.  بۇ يەردىكى « x » كۆپەيتىش بەلگىسى: Bir nur yili = 365 x 24 x 60 x 60 x 300000 kilométir

قۇمباغ79

	bilimxumar يوللىغان ۋاقتى  2013-7-26 05:40 AM سالام قۇمباغ79 ئۇكام، ئەگەر بىر قاپ-قاراڭغۇ كېچىدە سىز ... رەھمەت چۈشەنچە بەرگىنىڭىزگە.كائىنات ئۇچار تاشلىرى بولشى مومكىن،مەن مومكىن بولۇپ قالسا سىنغا ئېلىپ سىزگە كۆرسىتەي.

tarim888

	تىلسىماتلارغا تولغان ئالەم بوشلىقى ، شۇڭا سەن سىرلىق ھەم جەلىپكار

tewelgha

	فىزىك يوللىغان ۋاقتى  2013-7-25 09:56 PM ئەسسالامۇ ئەلەيكۇم تىۋىلغا قېرىندىشىم ياخشمۇ سىز . مە ... چۈشەنچە بەرگىنىڭىزگە رەھمەت ،نۇرغۇن بىلىملەرنى بىلىۋالدىم .............

abdul915

	قۇمباغ79 يوللىغان ۋاقتى  2013-7-25 01:54 PM ئەسسەلامۇ ئەلەيكۇم ئەركىن ئاكا،سىزنىڭ بىزلەرنى مۇشۇن ... ۋال قىلىپ يورۇپلا ئۆچكىنى ئاقار يۇلتۇز، بەش مىنۇتتا 120گرادۇس ماڭغىنى سۈنئىي ھەمراھ ياكى ئايروپىلان. تىنىچ تۇرغىنى يۇلتۇز ۋە پلانېتلار....

abdul915

	bilimxumar يوللىغان ۋاقتى  2013-7-26 05:40 AM سالام قۇمباغ79 ئۇكام، ئەگەر بىر قاپ-قاراڭغۇ كېچىدە سىز ... مۇئەللىم، ماڭا چوڭلارنىڭ دەپ بېرىشىچە بىزگە ئەڭ يورۇق كۆرۈنىدىغان «چولپان يۇلتۇز» نىڭ ئەسلى ئىسمى «ۋېنىرا» دېگەن ئىدى، ۋېنىرانىڭ يەر شارى بىلەن ئارىلىقى نۇر يىلى دەرىجىسىدە ئەمەستۇ؟

bilimxumar

	abdul915 يوللىغان ۋاقتى  2013-7-26 08:59 PM مۇئەللىم، ماڭا چوڭلارنىڭ دەپ بېرىشىچە بىزگە ئەڭ يورۇ ... ۋىنېرا قۇياش سىستېمىسىدىكى 2-پلانېتا بولۇپ، يەر شارى بولسا 3-پلانېتا.  ئۇنىڭ يەر شارى بىلەن بولغان ئارىلىقى 38 مىليون كىلومېتىر بولۇپ، ئۇنىڭ يۈزىدىن قايتقان نۇر بىزگە 2.1 مىنۇتتا كېلىدۇ.  ئۇ بىزگە ئاشۇنداق يېقىن بولغانلىقى ئۈچۈن، ئۇ كۈن ئەمدىلا ئولتۇرغاندا، ۋە كۈن چىقىشتىن سەل بۇرۇن بىزگە ئەڭ يورۇق يۇلتۇز بولۇپ كۆرىنىدۇ.  شۇڭا غەرپ ئەللىرىدە ئۇنى بەزىدە «ئەتىگەن يۇلتىزى» ۋە «كەچ يۇلتۇزى» دەپمۇ ئاتايدۇ. يەنى، ۋىنېرا يۇلتۇز ئەمەس. بۇ بىر پلانېتا. ئۇ پەقەت كۈننىڭ نۇرىنى قايتۇرۇپ بېرىدىغان بولۇپ، بىزنىڭ كۆرىدىغىنىمىز ئۇ قايتۇرغان كۈننىڭ نۇرى.