ناۋادىكى رىياسەتچىلەر مونۇپوللىقى

mujuk

	بىزدە ئارتىسنى ئارتىس داڭلاپ ماختاپلا يۈرسە قانداقمۇ  سەنئەتنى گۈللەندۈرەلەيمىز ، خەلق ماختايدىغان ئارتىس قانچىلىك ، تۆت تال پۇل تاپسا ،بەش پىروگراممىغا چىقىپ قويسا شۇنى چولپان قىلىپ پىلاستىنكا چىقىرىپ تۇرىۋالسا قانداقمۇ قىلارمىز، مەجبۇرى ھالدا باشقىلارغا پۇرسەت بەرمەيدۇ دە

خاككېر

	راس ، مەن ھەجەپ ئۇيلاپ باقماپتىمەن ، ئەمدى ئويلاپ باقسام سەھنە ئۇلا تۆتىنىڭ كىدەكلا بۈلىنىپ قالدى،،،،،،،،

qintax

	ناۋا -لاۋا  بولۇپ قىلىۋاتقاندەك تۇيۇلىۋاتىدۇ

abudula12

	326ayixa يوللىغان ۋاقتى  2013-11-19 10:54 PM ئۇلارمۇ مىنى قاتناشتۇرمىغۇدەك . مەنمۇ بۇ نىيىتىمدىن ي ... قاتناشتۇرماسلىقى دىكى سەۋەپ نىمىكەن بىلىپ باقساق بولامدۇ؟

BUEREZAT

	بىزنىڭ يەنە گۈلىستان سۈرەت،دىلرابا ئابىلىز قاتارلىق شۇنداق يېقىشلىق رىياسەتچىلرىمىز بۇلدىغان قېنى شۇلار؟

hokumran

	ئۇكام توخۇتۇر: ھەرقىتىم يازمىڭىزنى كۆرگەندە يازمىڭىزنى ئوقۇپلا ئۆتۈپ كېتەي دەيمەنۇ يەنىلا باشقا تورداشلارنىڭ يازمىڭىزنىڭ ئېقىمىغا ئەگىشىپ خاتا ئويلاپ قالماسلىقى ئۈچۈن يەنىلا ئىنكاس يېزىشقا مەجبۇر بولىمەن. 1. سىزدىن سوراپ باقاي: سىز تېلىۋىزىيە ئىستانسىسىنىڭ خىزمەت تۈزۈمىنى، خىزمەتچىلىرىنىڭ ئىش ئورنى مەسئۇليىتى، خىزمەت تەقسىماتىنى زادى قانچىلىك چۈشىنىسىز؟ قولاقنى دىڭ تۇتۇپ ئاڭلاڭ! تېلۋىزىيە ئىستانسىسىنىڭ خىزمىتى سىزنىڭ ئۆيىڭىزگە قوتان سالغاندەك ئاددىلا ئىش ئەمەس. قوتان سالسىڭىز بىرەر ئىشلەمچى كەلمەي قويسا يۈگۈرۈپ چىقىپلا كوچىدىن باشقا بىرىنى ياللىۋالسىڭىز بولغىنى بىلەن رىياسەتچىلىككە ئۇنداق قىلغىلى بولمايدۇ. ئالدىنقى ئايدا ئېلىپ بېرىلغان دېكتور، رىياسەتچىلەرنى تاللاش مۇسابىقىسىنىڭ قانچىلىك كەسكىن رىقابەتتە ئېلىپ بېرىلغانلىقىنى كۆرگەنسىز. كۆرمىگەن بولسىڭىز ماۋۇ تېمىدىن قايتا كۆرۈۋېلىڭ؛ تېما ئادرىسى: https://uyghur-archive.com/misranim/thread-111360-1-1.html رېھىم قاننىڭ ۋاقىتلىق سەھنىدىن ئايرىلىشى بىلەنلا جەمىيەتتىن بىرەر كىشىنى رىياسەتچى قىلىپ ئەكىرىش ئۇنچە ئاسان ئىش ئەمەس، ھەر بىر ئىدارە-ئورگانغا مۇقىم بېكىتىپ بېرىلگەن شىتات بولىدۇ. ئەڭ مۇھىمى تېلۋىزىيە ئىستانسىسىدىكى ھەر بىر بۈلۈم ئىشخانىدىكى خادىملارنىڭ ئۆز ئالدىغا ئىش ئورنى مەسئۇليىتى، خىزمەت تەقسىماتى بولىدۇ. ھەر بىر خادىم ئۆز خىزمەت تەقسىماتى بويىچە ئىش قىلىدۇ، رىياسەتچىلەر بولسا ئۆز مەسئۇل بولغان پىروگرامما ئۈچۈن مەخسۇس مەشىق ئېلىپ بارىدۇ. (بىر پىروگراممىنىڭ رىياسەتچىلىكىگە باشقا پىروگراممىدىكى رىياسەتچىنى ئالماشتۇرۇپ شۇ پىروگراممىغا لايىقلاشتۇرۇش ئۈچۈنمۇ خېلى ۋاقىت كېتىدۇ. 2. تېلۋىزىيەدە ئونۋېرسال ساپاغا ئېگە ھەييار رىياسەتچىلەر، ۋە ھەجۋى رىياسەتچىلەر يوق دېيەرلىك نېمىشقا مۇشۇنداق رىياسەتچىلەر مەيدانغا كەلمەيدۇ دېگەندەك گەپلەرنى قىلىپسىز. ئۆزىڭىز ماۋۇ يەر شارىدا بارمۇ-يوق زادى؟ ئىككى يىل ئىلگىرى شىنجاڭ تېلۋىزىيە ئىستانسىسىنىڭ ‹‹مەشرەپ›› پىروگراممىسىدا رىياسەتچىلىك قىلىدىغان يۈزىگە مەشرەپ دېگەن خەتنى چېكىۋالغان رىياسەتچى(ئىسمى يادىمدا قالماپتۇ) بىلەن مەمەتجان روزى سايىت رىياسەتچىلىك قىلغان ‹‹مەشرەپ›› پىروگراممىسىدا تاماشىبىنلارنى كۈلدۈرۈش ئۈچۈن قىسمەن يومۇرىستىك قىلىقلارنى قىلغاندا توردا شۇ ئىككىيلەن توغرۇلۇق نۇرغۇن ئەپسانە گەپلەر تارقالدى. بەزى تورداشلار ئەڭ ئاددىسى غىلجىڭ، خەنەك دېگەنلەردىن تارتىپ ئېغىرراقى ئاتا-ئانىسىغىچە ھاقارەت قىلىشتىن يانمىدى. ئۇلار شۇ ھاقارەتكە قالغۇدەك نېمە گۇناھ قىلغان؟ پەقەت خەلقىمىزنى كۈلدۈرۈش ئۈچۈن يومۇرىستىك قىلىقلارنى قىلغان ئىدىغۇ. شۇلار ھاقارەتكە ئۇچرىغاندا سىز قايسى جاڭگالدىكى چىغ تۈۋىدە ئۇخلاپ قالغان ئىدىڭىز؟ رىياسەتچىلىرىمىزدە ئونۋېرسال ساپا ھەرگىزمۇ كەم ئەمەس. ئەنسىرەيدىغىنى توردىكى كىچىك بالىلارنىڭ سۆز-چۆچەك قىلىپ ئىززەت-ئابرويىنى تۆكۈشى. خەنزۇلارنىڭ ياكى چەتئەللىكلەرنىڭ تېلۋىزىيە پىروگراممىلىرىغا قاراپ بېقىڭ، ئۇلار شۇنچىلىك ئەركىن، سەھنىدىمۇ خۇددى دوستلار ئولتۇرىشىدىكىدەك خىلمۇ- خىل يۇمۇرىستىك قىلىقلارنى قىلىدۇ. بەزىدە ئەدەپ چېگرىسىدىنمۇ چىقىپ كېتىدىغان قىلىقلارنى قىلىدۇ. لېكىن توردا ئۇلار ھەققىدە ماقالە يېزىلسا تورداشلار ئۇلارنى ھاقارەت بىلەن ئەمەس تىللاش ئەمەس بەلكى ئەڭ سەمىمىي تىلەكلىرى بىلەن ئالقىشلايدۇ، مەدەت بېرىدۇ. لېكىن بىزدىچۇ؟ بىرەر نەتىجە قازانغان كىشى ھەققىدە يازما يېزىلسىلا ‹‹ئىشتىنى قىسقىكەنەي، چېچى شالاڭكەنەي، غىلجىڭكەنەي، ئۇكەنەي، بۇكەنەي›› دەپ ئۆزىنىڭ غەيۋەت خالتىسىدىكى دەشناملارنى تۆكۈۋېتىدىغانلار نۇرغۇن. سىز تور دۇنياسىدا مەشغۇلات قىلىۋاتقان تارىخىڭىزدا بىرەر داڭلىق شەخسگە قىلىنغان ھاقارەتكە مەيدىڭىزنى كېرىپ تۇرۇپ ئىككى ئېغىز رەددىيە بېرىپ باقتىڭىزمۇ؟ ياق قىلالمىدىڭىز، چۈنكى سىزدە ئۇنچىلىك يۈرەك يوق، قورقىدىغىنىڭىز توردىكى توخۇتۇر نامىڭىزنىڭ تىل-دەشنامغا ئۇچراپ قېلىشى. سىزدە باشقىلارنىڭ ئىززەت-ئابرويىنى قوغدۇغۇدەك جۈرئەت يوق ئىكەنۇ، رىياسەتچىلەردىن ئۇنى بۇنى- تەلەپ قىلىش ھوقۇقىڭىز بارمىتى؟ شۇڭا يازما يازغاندا توردىكى تورداشلارنىڭ مەدەنىيەت، بىلىم قۇرۇلمىسى ھەققىدە ئويلىنىپ بېقىپراق تەكلىپ بېرەرسىز. ئىززەت-ئابرۇي تىكلىمەك تولىمۇ تەس، ئەمما ئىززىتىدىن چۈشمەك دەقىقىچىلىكلا ئىش. قۇرۇق ئىشلار ئۈچۈن ئاۋارە بولغۇچە جاڭگالغا بېرىپ ئېشەك باققان ئەۋزەل.

ئەلشاھ

	تېلېۋېزور دۆلىتىمىزدە بولۇپمۇ شىنجاڭ تېلېۋېزىيىسىدە سىياسەتنىڭ تەشۋىق قورالى ھېسابلىنىدۇ. ئاساسلىق مەقسىدىمۇ شۇ. ھەرگىزمۇ خەلقنى ئويلىمايدۇ. ئۇ دىيارىمىزدىكى ئەڭ نوپۇزلۇق، ئەڭ ڭەڭ تارقىلىدىغان تەشۋىقات ۋاستىسى بولغانلىقى سەۋەبلىك يۇقىرىنىڭ ئورۇنلاشتۇرىشىمۇ ئىنتاىن قاتتىق بولىدۇ. بىز رىياسەتچى، دىكتورلاردىن رەنجىسەكمۇ پايدىسى يوق، ئۇلار پەقەت بەلگىلەپ بەرگەن دائىرىدىلا خىزمەت قىلالايدۇ.  ناۋە پروگگراممىسى، تەلەي يۇلتۇزى، كۆڭۈلدىكى سۆز... دېگەندەكلەر تېلېۋېزىيەنىڭ قوشۇمچە تارقىتىشى يەنى كۆرۈرمەنلەرنى  سىرىتقى ۋاستىلەردىن تارتتىپ تۇرىدىغان تاكتىكىسى. ئىچكىرى ئۆلكىلەردە نوپۇس كۆپ بولغاچقا تېلېۋېزىيە ئىستانسىسى ئۆز چىقىمىنى قامدىغاندىن سىرت كىرىم يارىتالايدۇ. بىراق شىنجاڭ، شىنزاڭ دېگەندەك نوپۇسى شالاڭ ئاپتونۇم رايۇنلارنىڭ تېلېۋېزىيە ئىستانسىلىرىچىقىمىنى قامدىيالمايدۇ. ئۇلارغا ھۆكۈمەتتىن تولۇقلىما بېرىدۇ. شۇڭا ئىچكىرى ئۆلكىلەردەك خۇسۇسى ئىگىلىكتىكىلەرگە پىروگگرامما ياسىتالمايدۇ. ياسىتاي دېسىمۇ دىيارىمىزدا ئۇنداق شىركەتلەريوق. مەن ئويلايمەن تېلېۋېزىيە ئىستانسىدىكى خادىملارنىڭ مىللەت، يۇرت سۆيگۈسى بىزدىن يۇقىرى بولىشى مۇمكىنكى ھەرگىزمۇ تۆۋەن ئەمەس. پەقەت ئۇلاردا ئۇنداق ھوقۇق يوقلىقى ئېنىق.

ATAMAN25

	hokumran يوللىغان ۋاقتى  2013-11-20 01:41 AM ئۇكام توخۇتۇر: ھەرقىتىم يازمىڭىزنى كۆرگەندە يازمىڭىزن ... ھەقىقەتەن جانلىق ئىنكاس بوپتۇ. مەن تېلېۋىزىيە ئىستانسىسىدا ئىشلىمەيمەن. لىكىن كەسپىم يەنىلا شۇ دائىرىدە. شۇڭا مەن ئۇلارنىڭ قانچىلىك مەسئۇلىيىتى بارلىقىنى ئوبدان چۈشىنىمەن. تىما ئىگىسى كىچىك بالىلارچە خىيالنى بەك جىق قىلىدىكەن. ھېلىمۇ تور دۇنياسىدا ناخشىچى، ئۇسۇلچى، ئاكتىيور، رىياسەتچى...... ئىشقىلىپ مۇشۇ سەنئەت ساھەسىدە شۇنداقلا بىر كۆزگە كۆرۈنگەن ئادەم بولسا تىللاپ بىر قىلىۋېتىدۇ. شۇنداق تىللاشلارنىڭ ئورنىغا ئالقىشلاپ، مەدەت بەرگەن بولساق بىزگە تېخىمۇ كۆپ مەنىۋى ئۇزۇقلارنى ئېلىپ كېلىدۇ ئەمەسمۇ. بىر رىياسەتچىنىڭ ئورنىغا خالىغانچە بىر رىياسەتچىنى ئالماشتۇرۇش ......... تازا كۈلكىلىك گەپ بولدىدە بۇ؟ خالىغان ۋاقىتتا بىر رىياسەتچىنىڭ ئورنىغا يەنە بىر ئادەمنى رىياسەتچىلىككە قويۇش شۇنداق ئاسانما؟ رىياسەتچىلىكنى خالىغان ئادەم قىلالايدىغان ئىشمۇ؟ قېرىنداشلار، بۇنداق قىلمايلى! قارىمنىمۇ، ئالىمنىمۇ، باينىمۇ، نامراتنىمۇ، سودىگەرنىمۇ، مەمۇرنىمۇ، ئارتىسنىمۇ ....................... تىللىدۇق، ھارماي تىللاۋاتىمىز، بىرسى ئورنىدىن تۇرۇپ بولغۇچە ئۇنى تىللاپ يەنە تۇرغان يىرىگە ئولتۇرغۇزۇپ قويدۇق. بىزمۇ كاللىمىزنى سىلكىۋېتىپ ئوبدان ئويلىنىپ باقايلى. سىز تىللاۋاتقان ئاشۇ كىشىلەر نىمە گۇناھى بار؟ سىزنىڭ ئاشۇ كىشىلەرنى تىللايدىغان نىمە ھوقۇقىڭىز بار؟ سىز باشقىلارغا باھا بەرگۈدەك كىم؟ سىز بىر ئادەمگە رەدىيە بىرىشنىڭ ئالدىدا ئوبدان ئويلۇنۇڭ، سىز خەلقىڭىزگە نىمە ئىش قىلىپ بەردىڭىز؟

ATAMAN25

	ئەلشاھ يوللىغان ۋاقتى  2013-11-20 02:04 AM تېلېۋېزور دۆلىتىمىزدە بولۇپمۇ شىنجاڭ تېلېۋېزىيىسىدە  ... ئەسسالامۇ ئەلەيكۇم مۇنبەر باشقۇرغۇچىسى پىكرىڭىزنى قوللايمەن. لىكىن (شۇڭا ئىچكىرى ئۆلكىلەردەك خۇسۇسىي ئىگىلىكتىكىلەرگە پروگرامما ياسىتالمايدۇ، ياسىتاي دېسىمۇ دىيارىمىزدا ئۇنداق شىركەتلەر يوق) ماۋۇ گېپىڭىزنى تازا چۈشىنەلمەي قالدىم. سىز قانداق پروگرامما دىمەكچى؟