ئۆچ بولدۇم

rustorahbar

	رۇستەم قاراسۇ ئىجادىيتى توۋا خۇدايىم يۈزىدە ماي تەبىيلىكى يوق، ئۇ گۈزەلنىڭ سەبىيلىكى يوق، خۇددى سۈرەت بەدئىيلىكى يوق، مۇدىكەنمىش توۋا خۇدايىم. ئۇچرىغانغا نازلىنىپ قاراپ، ساچلارىنى كوچىدا تاراپ، رۇمكا سۇقۇپ ئېچىشلەر شاراپ، مودىكەنمىش توۋا خۇدايىم. شەرمى-ھايا يۇقۇلۇپ كەتكەن، گۇناھلىرى پەلەككە يەتكەن، بەدەنلەرگە خەتلەرنى چەككەن، مودىكەنمىش توۋا خۇدايىم. گۈزەللىككەن ئالتۇن جابدۇقى، كەيىپلەردىن چىقار ھاردۇقى، گىرىملەرگە تولۇش ساندۇقى، مودىكەنمىش توۋا خۇدايىم. ئېسىت-ئېسىت،ئەي گۈزەل قىزچاق، ھاياتىڭغا قىلدىڭغۇ چاقچاق، شۇ شەيتانغا بولۇشمۇ قونچاق، مودىكەنمىش توۋا خۇدايىم. رۇستەم قاراسۇ...2014.1.18كۈنى

rustorahbar

	رۇستەم قاراسۇ ئىجادىيتى تويغۇزدۇڭ ساڭا كۆيسەم قىلمىدىڭ ۋاپا، دەردىڭ بولدى جېنمغا جاپا، ئەمدى مەندىن بولمىغىن خاپا، مۇھاببەتكە بەكمۇ تويغۇزدۇڭ. ئۇيۇنچۇقتەك خارلىدىڭ مېنى، سۆيىمەن دەپ ئالدىدىڭ مېنى، كەچۈرمەيمەن بىۋاپا سېنى، مۇھاببەتكە بەكمۇ تويغۇزدۇڭ. خارلىنىشنى خالىسۇن كىممۇ، قەدرىم بىلەن ياشايمەن مەنمۇ، خىلىڭنى تاپ بولدى قىل سەنمۇ، مۇھاببەتكە بەكمۇ تويغۇزدۇڭ. رۇستەم قاراسۇ...2014.1.21. رۇستەم قاراسۇ ئىجادىيتى مەن ئاشىق گۈل يۈزۈڭگە مەن ئاشىق، قوي كۆزۈڭگە مەن ئاشىق. ئەجەپ تاتلىق گەپلىرىڭ، بال سۆزۈڭگە مەن ئاشىق. ئۆرۈكىڭنى ئىرغىتسام، غورا چۆشتى تاش ئاتسام، بېلەلمىدىڭ قاش ئاتسام، بىل ئۆزۈڭگە مەن ئاشىق. چىدىمايسەن ئايرىلىپ، مىڭ قارايسەن قايرىلىپ، سەنەم بولساڭ مەن غىرىب، سەن سەنەمگە مەن ئاشىق. سەنسىز يۈرەك ئاغرىق كەن، سانجىلمىغىن بوپ تىكەن، خۇدا سالغان ئوت ئىكەن، بىر ئۆزۈڭگە مەن ئاشىق. رۇستەم قاراسۇ.،..2014.1.21.

qaraxani

	قۇتلۇق بولسۇن قەلەملەر، مەزمۇت بولسۇن قەدەملەر. ناخشا بىلەن يۇيۇلسۇن، يۈرەكتىكى ئەلەملەر...

rustorahbar

	رۇستەم قاراسۇ ئىجادىيتى پۇشمان قىلىسەن كىتىپ قالدىڭ باشقىنى باشلاپ، مەندەك كۆيەر ئاشىقنى تاشلاپ، ھامان بىر كۈن كۆزۈڭنى ياشلاپ، قىلغىنىڭغا پۇشمان قىلىسەن. ۋاپا قىلدىم ۋاپا كۆرمىدىم، سەندىن ياتنى سۆيمىگەن ئىدىم، سېغىنغاندا مېنى ھەر قېتىم، قىلغىنىڭغا پۇشمان قىلىسەن. تاپالماستىن مەندەك ۋاپادار، ئۆزگىلەرگە بوپ قالىسەن خار، قەدرىم ئۆتسە ئەي بىۋاپا يار، قىلغىنىڭغا پۇشمان قىلىسەن. رۇستەم قاراسۇ...ئاتۇش

rustorahbar

	رۇستەم قاراسۇ ئىجادىيتى كەتسەڭ كىتىۋەر چاندۇرمايمەن ئازار بەرسەڭمۇ، يىغلىمايمەن مەندىن كەچسەڭمۇ، يالۋۇرمايمەن تاشلاپ كەتسەڭمۇ، يولۇڭ ئۇچۇق كەتسەڭ كىتىۋەر. مەن تاڭمايمەن تاياقنى تاشقا، كۆڭلىڭدىكى بولسا يار باشقا، ۋاپاسىز يار ئەرزىمەس ياشقا، يولۇڭ ئۇچۇق كەتسەڭ كىتىۋەر. كۆڭلۈڭ قالغان بولسا مېنىڭدىن، رەنجىمەيمەن ھەرگىز سېنىڭدىن، ئۆكۈنمىسەڭ قىلغانلىرىڭدىن، يولۇڭ ئۇچۇق كەتسەڭ كىتىۋەر. رۇستەم قاراسۇ ئىجادىيتى كۈلۈپ ياشايمەن تۇنۇپ قالدىم تۇنۇش چىرايىڭ، يېنىڭدا بار باشقا بىر يارىڭ. ئىشەنمەيمەن ئەمدى سۆزۈڭگە، چۆشەندۈرمە ئەنە شۇ ھالىڭ. كۆيدۈم دىسەڭ كۆيگەن ئىدىمغۇ، سۆيدۈم دىسەڭ سۆيگەن ئىدىمغۇ. ئەقىدەمنى ئالدىدىڭ نىچۈن، جاندىن ئەزىز كۆرگەن ئىدىمغۇ. كەچۈرمەيمەن كەلسەڭ ئۆكۈنۈپ، يالۋۇرمايمەن ياكى يۈكۈنۈپ. مەن ياشايمەن ۋىجدانىم بىلەن، دوست-دۈشمەننىڭ ئالدىدا كۈلۈپ. رۇستەم قاراسۇ...ئاتۇش

rustorahbar

	رۇستەم قاراسۇ ئىجادىيتى ئېشىۋالما ئېشىۋالدىڭ ھەددىڭدىن يارىم، قىلىدۇ دەپ ئويلىما تازىم، ماڭا پەقەت پاك سۆيگۈڭ لازىم، ئېشىۋالما كۆيگۈنۈم ئۈچۈن. مۇھاببەتكە قەلبىم ئىنتىزار، سەنسىز ئۆتكەن كۈندىن مەن بىزار، ئاشىق دىلىغا بەرمىگىن ئازار، ئېشىۋالما كۆيگۈنۈم ئۈچۈن. يۈرۈكۈمنى قىينار ئەلىمىڭ، بەخىتلىك مەن بولساڭ سەن مېنىڭ، خىرىدارىڭ بىلسەڭ مەن سېنىڭ، ئېشىۋالما كۆيگۈنۈم ئۈچۈن. رۇستەم قاراسۇ ئىجادىيتى كۆڭلۈڭ تىندىمۇ يۈرۈكۈمگە قىلدىڭ سەن ئەلەم، ئۇنتالمىدىم سېنى مەن بىردەم، خىيالىمدا بىر ئۆزۈڭ ھەر دەم، مەندىن كېچىپ كۆڭلۈڭ تىندىمۇ؟ چىن يۈەركتىن سۆيسەممۇ سېنى، سۆيىمەن دەپ ئالدىدىڭ مېنى، ۋاپا قىلدىم ۋاپاسىڭ قېنى، مەندىن كېچىپ كۆڭلۈڭ تىندىمۇ؟ پىراقىڭدا كۆيىدۇ باغرىم، نىمانچىمۇ باغرىڭ تاش يارىم، يۈرۈكۈڭگە يەتسۇن بۇ زارىم، مەندىن كېچىپ كۆڭلۈڭ تىندىمۇ؟

rustorahbar

	رۇستەم قاراسۇ ئىجادىيتى كىم ئىدىڭ كىم ئىدىڭ ئۇنتالماي ياشلار تۆككىدەك، كىم ئىدىڭ يالۋۇرۇپ باشلار ئەككىدەك. بىلمىدىڭ بىۋاپا قەدىرلىگەننى، كىم ئىدىڭ شۇنچىلىك قىلىپ كەتكىدەك. يۈزسىزلىك قىلدىڭ سەن باغرىمنى تىلىپ، سۆيگۈمنى خارلىدىڭ ئۇيۇنچۇق بىلىپ، سۆيگەننى بىلمىسەڭ پىچاقنى ئىلىپ، كىم ئىدىڭ يۈرەكنى يېرىپ بەرگىدەك. قەدرىمگە يەتمىدىڭ سۆيگەنتىم سېنى، جىنىمدىن ھەم ئەزىز كۆرگەنتىم سېنى، كەتسەڭ كەت يۈرۈكۈم سۆيىدۇ مېنى، كىم ئىدىڭ يۈرەكنى ئىلىپ كەتكىدەك. رۇستەم قاراسۇ ئىجادىيتى زار بوپ قالىسەن ئالدامچى يار ئۆچ بولدۇم ساڭا، ۋاپاسىزلىق قىلدىڭ سەن ماڭا، قىلغانلىرىڭ بىر كۈنى يانا، مەندەك يارغا زار بوپ قالىسەن. مەندىن كەچكەن يۈرەكىڭ تېخى، قان يىغلايدۇ سېغىنىپ مېنى، تاشلىغاندا ئۆزگىلەر سېنى، مەندەك يارغا زار بوپ قالىسەن. ئاغرىمىغان كەتكەندە ئىچىڭ، كۆككە يەتكەن بەلكىم شۇ بىشىڭ، قەدرىم ئۆتۈپ ئاققاندا يېشىڭ، مەندەك يارغا زار بوپ قالىسەن. رۇستەم قاراسۇ ئىجادىيتى مەيلى يوق سىزنى دىدىم سىزنىلا سۆيدۈم، چىن يۈرەكتىن سىزگىلا كۆيدۈم، چۆشۈمدىمۇ بىر سىزنى كۆردۈم، يۈرۈكۈمنىڭ ئۆزگە مەيلى يوق. قىلسام دەيمەن سىز بىلەن سەيلە، ناخشا ئيتسام ئايدىڭدا بىللە، بەخىت ئىدى ماڭا شۇ دەملە، يۈرۈكۈمنىڭ ئۆزگە مەيلى يوق. ساچى تال-تال بولسىمۇ سۇمبۇل، سۆيگۈسىنى قىلمايمەن قۇبۇل، سىز ئەتىرگۈل مەن كۈيچى بۇلبۇل، يۈرۈكۈمنىڭ ئۆزگە مەيلى يوق.

rustorahbar

	رۇستەم قاراسۇ ئىجادىيتى تەڭ ياشاپ تەڭ يىغلاپ تەڭ كۈلەلەمسەن، يۈرەكتىن ھەم كۆيەلەمسەن. بىر كۈنى ئايرىسا تەغدىر، بىر ئۆمۈر تەڭ كۈتەلەمسەن. كۈلپەتلەر كەلسە بېشىمغا، قاچماستىن كىلىپ قېشىمغا، تەسەللى بىرىپ يېشىمغا، دەردىمنى تەڭ يۈتەلەمسەن. غەيۋەتلەر ياغسا ئۈستۈمدىن، قان ياشلا ئاقسا كۆزۈمدىن، ۋاز كەچمەي ئاشىق كۆڭلۈمدىن، تەڭ ياشاپ تەڭ كىتەلەمسەن. رۇستەم قاراسۇ ئىجادىيتى كىچىكىسەن سۆيگۈ كۈتكەن ئاشىق يۈرەككە، خەنجىرىڭنى سالدىڭ بىۋاپا. كۆڭۈل بىرىپ مەندىن بۈلەككە، يۈرۈكۈمگە سالدىڭ مىڭ جاپا. ئۈنسىز يىغلاپ قالدى يۈرۈكۈم، سەن مېنىڭدىن كەچكەن شۇ كۈنى. مەن ئەسكىنى ئىزدەيسەن گۈلۈم، قەدرىم ئۆتۈپ قالسا بىر كۈنى. ئالالمايدۇ يۈرەك قوينىغا، ياتتىن ئاشقان بولۇپ كەلگەندە. يالۋۇرساڭمۇ كەلمەس ئورنىغا، كىچىكىسەن قەدرىم ئۆتكەندە.

rustorahbar

	رۇستەم قاراسۇ ئىجادىيتى كىچىكتىڭ بۇرۇنقىدەك يۈرەكتىن كۆيەلمەيمەن كىچىكتىڭ، قەدرىم ئۆتۈپ كەلسەڭمۇ سۆيەلمەيمەن كىچىكتىڭ. پىراقىڭدا كۈل بولۇپ كۆيگەنلىرىم ئېسىمدە، تاشلاپ كەتكەن سەن ئۆزۈڭ كەچۈرمەيمەن كىچىكتىڭ. مەن ئاشىقنىڭ قەدرىگە يەتمىگەنتىڭ بىۋاپا، سۆيگۈ سۇراپ كەلسەڭمۇ بىرەلمەيمەن كىچىكتىڭ. سۆزلىرىڭگە ئالدىنىپ داغدا قالدى يۈرۈكۈم، سۆيىمەن دەپ ئىيتساڭمۇ ئىشەنمەيمەن كىچىكتىڭ. ئەقىدەمنى خار قىلىپ يىغلاتقانتىڭ زار مېنى، سېنىڭ ئۈچۈن تامچە ياش تۆكەلمەيمەن كىچىكتىڭ. بەختىڭنى تاپ ئۆزگىدىن يار بەختىڭنى تېلەيمەن، بەخىت ئىزدەپ سەن بىلەن ئۆتەلمەيمەن كىچىكتىڭ. رۇستەم قاراسۇ...

rustorahbar

	رۇستەم قاراسۇ ئىجادىيتى يالۋۇرۇپ چىن يۈرەكتىن كۆيمىسەڭ كۆي دىمەيمەن يالۋۇرۇپ، مەيلى مېنى سۆيمىسەڭ سۆي دىمەيمەن يالۋۇرۇپ. ئاشىق يۈرەك ئوت بولۇپ پىراقىڭدا كۆيسىمۇ، غورۇر بىلەن  ۋىجدان بار خار بولمايمەن يالۋۇرۇپ. مەندىن باشقا كۆڭلۈڭنى ئالغان بولسا كىتىۋەر، قوللۇرۇڭغا ئىسىلىپ قال دىمەيمەن يالۋۇرۇپ. بەخىتلىك بول دەپ ساڭا ئاق يول تېلەپ قالۇرمەن، چىدىماستىن ئارقىڭدىن يىغلىمايمەن يالۋۇرۇپ. مەيلىڭ بولسا گەر ماڭا قەدىرلەيمەن بىر ئۆمۈر، ساڭا ئاشىق يۈرەكنى مەن تاڭمايمەن يالۋۇرۇپ. قەدرىم بىلەن ياشايمەن مېنى سۆيگىن،سۆيمىگىن، سۆيگۈ ئۈچۈن بولسىمۇ ياشىمايمەن يالۋۇرۇپ. رۇستەم قاراسۇ......2014.2.5.كۈنى ئالاتاۋدا