ئۇيغۇرچە مىكرو فىلىم (بوۋاق)

davrcg

	ahmat888 يوللىغان ۋاقتى  2013-12-17 12:05 AM بۇ فېلىم مۇساپىرغا ھېيت بولمايدىكەن ناملىق فىلىمدىن ك ... پىكرىڭىز ئورۇنلۇق، ئەلۋەتتە بىز مۇشۇنداق پىكىرلەرگە مۇھتاج. يەنە بىر تەرەپتىن تۇرمۇشىمىزدا بۇنداق ئىشلار مەۋجۇت ،بۇنىڭغا ھەرگىز كۆز يۇمغىلى بولمايدۇ. ھەرقانداق ئېسىل سۈپەتلىك مىللەتنىڭمۇ ناچار تەرەپلىرى بولىدۇ. شۇنىڭغا ئوخشاش بۇفىلىمدىكى ئاتا ماھىيىتى رەزىل ئەمەس بەلكى تۇنجى ئاتا بولغان چېغىدا بۇنداق ئىشقا يولۇقۇپ ئەقلىنى يوقاتقان يەنە دەرھال ئەقلىنى تاپقاندا بولسا كىچىككەن. بۇپەقەت كىچىككىنە تۇرمۇش كارتىنىسى. بىزنىڭ مىللىتىمىزدە مەدھىيلەشكە تىگىشلىك ئىشلار ئىنتايىن كۆپ ئەمما ئىنسان قېلىپىدىن چىققان ئىشلارمۇ ئاز ئەمەس ئەلۋەتتە. يەنە بىرسى فىلىمنىڭ ئاخىرىنى ئەڭ ياخشىسى كۆرۈرمەنلەر كۆرۈپ ئاخىرىنىڭ قانداق بولىشىنى ئۆزىگە قويغان ياخشى. سىز فىلىمنىڭ خاتىمىسىنى كاللىڭىزدا بىر قۇر ئويلاپ بولدىڭىز دىمەك بىزمۇ شۇنداق ئويلىغان ھەم شۇنداق بولىدۇ. قىممەتلىك پىكرىگىزگە رەھمەت ھەم بىزنىڭ خىزمىتىمىزنى باشقىلارغىمۇ تەشۋىق قىلىپ قويۇڭ. www.davrcg.net

nikita01

	مۇھىت مۇ ئادەملىرىمۇ شۇنداق تەبىئىي ياخشى ئىشلىنىپتۇ. مەنمۇ بوۋاقنىڭ ئۆلگەنلىكىنى كۆرۈپ بەك ئېچىندىم، ئاخىرى چىقمىغان بولسىمۇ بىراق بىر بەخىتلىك ئىناق ئائىلىنىڭ ئاقىۋەتتە  ۋەيران بولغانلىقىنى بىلدۈرىدۇ.ئېنىق قىلغاندا بىر ئائىلىنىڭ تۈۋرىكى بولغان ئاتا بولغۇچى چىدىماس بولسا ئەنە شۇنداق ئاقىۋەت كېلىپ چىقىدۇ، گەرچە قانچە ئاقكۆڭۈل بولغان بىلەنمۇ ئۇنىڭ بۇ يۈكنى ئۈستىگە ئېلىشنى خالىمىغانلىقى چىقىپلا تۇرىدۇ. يۈرەكنى ئېزىدىغان پاجىئە ....     مەنمۇ سىلەرگە ئۇتۇق تىلەيمەن، ئۇزۇن، ئەھمىيەتلىك كىنولارنى ئىشلەپ تەڭرىتاغ كىنو سىتودىيىسىدىن ئېشىپ كېتىشىڭلارنى تىلەيمەن.

sadih

	فىلىم مەزمۇن ۋە سىنغا ئېلىش ، رول ئېلىش قاتارلىق جەھەتتىن تولىمۇ مۇۋاپىقىيەتلىك ئىشلىنىپتۇ. سىلەرگە مۇۋاپىقىيەت يار بولسۇن. ئەمما « ahmat888»  ئېيتاندەك مەزمۇن ۋە بەدىئىيلىك جەھەتتىن يەنىمۇ بېيىتىشقا  تېگىشلىك يەرلىرىمۇ بار . جوڭگۇ كىنوچىلىقىنىڭ رامكىسىدىن چىقىپ تۇرۇپ ، ئۆزىمىزنىڭ خاسلىقىغا كېلەيلى. ئۇزۇندىن ئۇزۇن مۇھىت تەسۋېرى، ئۇزۇندىن ئۇزۇن ئىزاھاتتەك تەسىر بېرىدۇ، ئۇندىن كېيىن چىنلىققا ئەھمىيەت بېرىڭ. يامغۇر ياققان ئىكەن ئادەم ۋە نەرسىلەر چوقۇم يۆل بولىدۇ. لاينى كەچكەن ئاياق ئەلۋەەتە پاتقاق بولۇشى كېرەك. ئاتمۇ مېھماندارچىلىقتىن كەلگەندەك پاكىز تۇرسا سەل ياسالمىدەك تۇرىدىكەن،.   تېخىمۇ ئېسىل كىنولارنى ئىشلىشىڭلارغا مۇھتاجمىز

muyas

	ئاھ بىچارە نارسىدە...

Suchi

	فىلىم ھەقىقەتەن ياخشى ئىشلىنىپتۇ،بولۇپمۇ سۈرەتكە ئېلىش،ئاۋاز،مۇزىكا،كىرىشتۈرۈش تېخنىكاڭلارغا ئاپىرىن. ئىككى ئېغىز پىكىر بېرىپ قويغۇم كەلدى.1-ۋەقەلىك سادىر بولغان زامان،ماكاننى تاللاشتا كەسكىن تاللاش بولۇشى كېرەكتى،ياكى مەلۇم بىر زامانغا خاس بولغان ماكان تاللانسا تېخىمۇ ياخشى بولار ئىدى.مەسىلەن:پېرسۇناجلارنىڭ چىراي تۇرقىدىن،كىيىم كېچىكىدىن،تۇرمۇش ئادىتىدىن بىز ئۇلارنى ھازىرقى زامانىۋى دۇنيادىن ئايرىپ قارايمىز،بىر قاراپلا ئۇلارنىڭ تىپىك ئۇيغۇر ئائىلىسى ئىكەنلىگى،زامان جەھەتتە بەلكىم 30-40يىللار بۇرۇنقى ھەتتا ئۇنىڭدىنمۇ ئىلگىركى دەۋىرنى ئەسلىتىدۇ،يەنى ئىلگىركى ئەنئەنىۋى تۇرمۇشنى ئەسلىتىدۇ.لېكىن كۆرۈنۈشلەردىكى كۆزىمىزگە چېلىقىدىغان كىرئالغۇ،زامانىۋى تۆمۈر ئىشىك ۋە يايلاقتىكى سىم تاناپ تۈۋرۈكلىرى تاماشىبىنلارنى ۋەقەلىك يۈز بەرگەن ۋاقىتنى قىياس قىلىشتا گاڭگىرىتىپ قويۇدۇ.مېنىڭچە ۋەقەلىك يۈزبەرگەن زامان ۋە ماكاننى خەلقىمىز ياشلىرىدىكى ئەدەپ-ئەخلاق،ئىمان-ئىنساپ كۆتۈرلۈپ كېتىۋاتقان،پۇل-مال ئۈچۈن،پايدا مەنپەئەت ئۈچۈن غۇرۇر ۋىجدانىنى قايرىپ قويۇۋاتقان،شەخسىيەتچىلىك ئۇچىغا چىققان ھازىرقى زامانغا توغىرلىساق،فىلىمنىڭ تەربىيىۋى ئەھمىيىتى تېخىمۇ ئاشقان بولاتتى. يەنى:فىلىم باشلىنىشتا شاۋقۇن-سۈرەنگە تولغان زامانىۋى قايناق شەھەر  سۇس تۇمان ئىچىدە يىراقتىن بېرىلسە،ئالدىراش يۈرىشىۋاتقان ماشىنا ئادەملەر،بىر يەرلەردىكى بەزمە-مەشرەپ،قىقاس چۇقانلار .....گۇگۇم مەزگىلىدە ئۈچەيدەك ئۇزۇن قاراڭغۇ كوچا،سۆڭەك پۇراپ يۈرگەن  لالما ئىت، سەت چىقىراپ تاماشىبىنلارنى قورقۇتىۋەتكەن ئوغرى مۈشۈكنىڭ سىماسى.....خالتا كوچىدىكى غېرىپ بىر ھويلىدا،تولىمۇ مودا ياسىنىۋالغان ئورۇق ئېگىز بوي چاچلىرى پاخما بىر يىگىتنىڭ توختىماي تاماكا چېكىپ ئۇيان-بۇيانغا مېڭىشى .....غۇۋا دېرىزىدىن ئۆي ئىچىدىكى ئۇياق-بۇياققا ئۆتىشىۋاتقان ئايال كىشىنىڭ سايىسى...ئارقىدىن بوۋاق تۇغۇلغاندىكى يىغلىغان ئاۋاز.ئارقىدىن فىلىمدىكى ۋەقەلىك يۈز بېرىپ،بالا ئاتقا مىنىپ ئەمەس موتوغا مىنىپ بالىنى شەھەر سىرتىدىكى بىر تاشلاندۇق زاۋۇتقا ئەكىلىپ تاشلىسا،كېيىن....فىلىمدىكى ۋەقەلىك تەرتىۋى بىلەن يۈز بەرسە...بالا ئاپپاق يۆگەككە ئورالسا(مەقسەت بوۋاقنى گەۋدىلەندۈرۈش،ئۇنىڭ شەبنەم سۈيىدەك پاك،بىغۇبارلىغى  ئىپادىلەنسە).......قالغىنىنى دېمىسەممۇ ھېس قىلىپ بولدۇڭلار. بۇنداق بولغاندا بۇ ۋەقەلىك زامانىمىز ئەھۋالىغىمۇ چۈشىدۇ،ياشلىرىمىزغا تەربىيىۋى رولى بولىدۇ،خەلقىمىزمۇ ھازىرقى زاماندا مۇنداق ئىشنىڭ يۈزبېرىشى ئېھتىماللىغىنى قوبۇل قىلالايدۇ.ئەكسىچە فىلىمدىكى زامان ماكان،بەكمۇ ئەنئەنىۋى،تەبىئەت شۇنچە يېقىملىق،ھاۋا شۇنچە ساپ،پېرسۇناجلارنىڭ چىراي تۇرقى،كىيىنىشىمۇ شۇنچە يېقىملىق ئەمما شۇنداق بىر ماكاندا مۇشۇنداق  پاجىئە يۈز بەرسە خەلق تازا قوبۇل قىلالمايدۇ،يەنە ياش ئۆسمۈرلىرىمىز بىزنىڭ ئىلگىركى ئەنئەنىۋى شانلىق مەدەنىيىتىمىزدىن گۇمان قىلىپ قالىدۇ.بۇنداق پەسكەشلىك بۇرۇنمۇ باركەن دېگەن تۇيغۇدا بولۇپ قالىدۇ.........................

davrcg

	Suchi يوللىغان ۋاقتى  2013-12-18 01:02 AM فىلىم ھەقىقەتەن ياخشى ئىشلىنىپتۇ،بولۇپمۇ سۈرەتكە ئېل ... پىكرىڭىز ئورۇنلۇق ھەم قايىل قىلارلىق،سەۋەپ بىلەن بىرگە ئوتتۇرغا قۇيۇپسىز. بىزنىڭ ئەكىس ئەتتۇرگىنىمىز دەل ھازىرقى زامان بولۇپ  ئاقسۇ ،باينىڭ تاغلىق رايۇندىكى يەردە مانا مۇشۇ فىلىمدىكىدەك كىشلەر بار، بۇھەرگىزمۇ بۇرۇنقى زامان ئەمەس. ھەرقانداق رەزىللىق شۇنداق گۈزەل نەرسىلەر ئىچىدە مەۋجۇت بولىشى مۇمكىن ،بەزى ئىشلار بىز ئويلىغاندە ئۇنداق تەرتىپلىك بولىشى ناتايىن فىلىمدىكىدەك كىلىشكەن چىرايلىق يىگىت،گۈزەل مەنزىردە قاتىللىقنىڭ شاھىدى بولۇپ قالغانغا ئوخشاش. دىمەك فىلىمدەئەكىس ئەتتۇرگىنىمىز ئەگەر شەھەر بولغان بولسا فىلىمنىڭ بۇنداق چىقىشى مەنچە ناتايىن ئىدى. چۈنكى ھەقىقەتنى قۇبۇل قىلىش تەس لىكىن شۇنداق قىلمايمۇ ئامال يوق.

بىگانە

	ئاللاھنىڭ بەرگېنىگە شۇكۇر قىلغۇلۇق

ZELAL530

	بۇ قاملاشمىغان فىلىمنى كىم ئىشلىگەندۇ؟ توۋا نەدە بىز ئۇيغۇرلاردا بالا مىيىپ تۇغۇلسا تاشلىۋېتىدىغان ئىش بار ، بۇئىش بىزگە قىلىنغان ھاقارەتقۇ؟

ZELAL530

	ahmat888 يوللىغان ۋاقتى  2013-12-17 12:05 AM بۇ فېلىم مۇساپىرغا ھېيت بولمايدىكەن ناملىق فىلىمدىن ك ... مۇشۇ ئەڭ دانا پىكىر بوپتۇ. مەنمۇ شۇنداق دىمەكچى ئىدىم.

davrcg

	ZELAL530 يوللىغان ۋاقتى  2013-12-18 10:22 PM بۇ قاملاشمىغان فىلىمنى كىم ئىشلىگەندۇ؟ توۋا نەدە بىز ئ ... سىز ئۇچرىمىغاچقا بىلمەيسىز، بۇنداق ئىش بىزدىمۇ بار. شۇڭا ئىشلەندى.