رۇستەم قاراسۇ : ئانامغا

rustorahbar

	رۇستەم قاراسۇ ئىجادىيتى بولدى كۆڭلۈم بولدى كۆڭلۈم ئۆز-ئۆزۈڭنى ئالدىما، تاشلاپ كەتتى بىۋاپا يار ئەمدى بەس. ئۇ كەلمەيدۇ تاشلىمىغىچە يات بىرى، قايتىپ كەلسە كەچۈرمىكىم بەكمۇ تەس. بېغىمدىكى رەيھان دىدىم بىلمىدى، باياۋانغا تاشلىدى ئۇ چاندۇرماي. باھاردىكى سىم-سىم يامغۇر بۇ داغنى، يۇيۇۋەتكىن يۈرۈكۈمدىن قالدۇرماي. ئىچىشىدۇ يۈرۈكۈمنىڭ قات-قېتى، ئەسلىسەم گەر ئاشۇ گۈزەل ئۆتمۈشنى. ئىچىڭدىلا قالسۇن دەرتنىڭ ھەممىسى، سۆزلەپ يۈرمە قايتا كۆڭلۈم بۇ چۈشنى. بولدى كۆڭلۈم ئۆز-ئۆزۈڭنى ئالدىما، ئالدامچى يار خوش بولىدۇ يېغلىساڭ. سىمايىنى ئەسكە ئالما ئىككىنجى، ئۇنتۇپ كەتكىن ھەم بەرىبىر تېللىساڭ. رۇستەم قاراسۇ.....2013.12.29كۈنى

asrari

	مەن داۋاملىق ئۇقۇپ كىلىۋاتىمەن، مەزمۇنى ياخشى چىقىپتۇ، ئەمما تىلى بەك ئاددىي. سىزگە ئۇتۇق تىلەيمەن.

rustorahbar

	ئۇيغۇرۇمنىڭ تائاملىرى دۇنياغا داڭلىق، بىر يىگەنلەر لەۋ يالايدۇ دىيىشكەنچە ۋاھ. شۇ تائاملار جەۋھرىنى مۇجەسسەملىگەن، مېھمانلارنىڭ سايىبخانى ئۆشبۇ ئەل دوئا. ئەل دوئا مېھنەت قىلساق قەدىرلەيدۇ ھاياتمۇ بىزنى، مېھنەتكەشلەر ئەل تۆرىدە جىمى ئەل گۇۋاھ. مېھنىتىدىن سۇنار بىزگە ئۆزگىچە تائام، تائاملارنىڭ جەمگاھى بۇ ئىسمى ئەل دوئا. رۇستەم قاراسۇ بېغىشلىمىسى

turukkiz

	ئاللا رازى بوسۇن بەك ياخشى يىزىپسىز.

rustorahbar

	رۇستەم قاراسۇ ئىجادىيتى مۇمكىنمۇ يۈرۈكۈڭ تاندىمۇ ياتنى يار دىدى، ئەقىدە سۆيگۈنى ئەجەپ خارلىدى، سېنىڭدىن بۇ كۆڭلۈم بەك ئازار يېدى، قالغان بۇ كۆڭۈلنى ئېلىش مۇمكىنمۇ؟ يېغلايدۇ يۈرۈكۈم يېغلايدۇ كۆزۈم، ئەيىبلەپ ئۈتەرمەن ئۆزۈمنى ئۆزۈم، سانجىلدىڭ تىكەن بوپ دىسەم جان گۈلۈم، ئەمدى بۇ سۆيگۈنى تېڭىش مۇمكىنمۇ؟ كىلىسەن كەچۈر دەپ تېخى ئالدىمغا، ئۆتكەن شۇ كۈنلەرنى سىلىپ يادىمغا، ئەلۋىدا دىگەنتىم سەندەك يارىمغا، ئىچكەن شۇ قەسەمدىن يېنىش مۇمكىنمۇ؟ رۇستەم قاراسۇ....ئاتۇش رۇستەم قاراسۇ ئىجادىيتى يۈرۈكۈڭدە كىتىپ قالدىڭ پىراققا تاشلاپ، كۆزلىرىمنى ھىجراندا ياشلاپ، مەندىن كەچكەن شۇ كۈندىن باشلاپ، يۈرۈكۈڭدە قالىدۇ ئېتىم. ساڭا يازغان خەتلىرىم تالاي، بەلكىم دىدىڭ ئوتلارغا سالاي، كۆيدۈرسەڭمۇ بىرنى قالدۇرماي، يۈرۈكۈڭدە قالىدۇ خېتىم. ئۇنتۇش ئەمەس ئۇنچىلىك ئاسان، سېغىنىسەن مېنى ھەر قاچان، ئۆتۈلىدۇ قەدرىممۇ ھامان، يۈرۈكۈڭدە قالىدۇ گىپىم. رۇستەم قاراسۇ.....ئالاتاۋدا رۇستەم قاراسۇ ئىجادىيتى زىرىكتىم تاشلاپ كەتتى دىلى كور، ئەتراپىمدا غەيۋەتخور، ئارقىمدا كۆپ ھەسەتخور، ھەممىسىدىن زىرىكتىم. يېقىن دوستۇم ئالدىدى، سۆيگەن يارىم خارلىدى، بىر يېقىنىم قالمىدى، ھەممىسىدىن زىرىكتىم. يالغان كۈلۈپ ئالدىمدا، قەسلىگەنلەر يادىمدا، باشپاناھىم سەن خۇدا، ھەممىسىدىن زىرىكتىم. بولدى ئۆتمۈش ئەسلىمە، ئۇنتۇش بەكمۇ تەس دېمە، مېنى كۆڭلۈم بەزلىمە، ھەممىسىىن زىرىكتىم. قارىمايمەن ئارقىمغا، تارتىشمايمەن يارىمغا، قويساڭلارچۇ ھالىمغا، ھەممىسىدىن زىرىكتىم. يار باشلىغان باغچىنى، دوستقا ئاسى غالچىنى، ئۇنتۇپ كېتەي بارچىنى، ھەممىسىدىن زىرىكتىم . رۇستەم قاراسۇ...ئاتۇش

dawakol1

	كۆزۈمگە ياش كەپكەتتى .كەتكەن چاغدا ئانا دىگۈچە ھاياتلىقىدا مانا دە دەپ راست ئېيتقان. ئۆمەرجان ئالىمنىڭ بىر ناخشىسى بولىدىغان،ئىنتايىن ياخشى .يوقلاپ تۇرغىن ئاتا-ئاناڭنى دەپ.  ئاتا-ئانىلارنىڭ ئۆمرى ئۇزۇن بولسۇن،ئۇزۇن بولغانغا يارىشا پەرزەنتلىرىدىن خوۋلۇق كۆرسۇن.ئاللاھ ھەممە پەرزەنتلەرگە ئىنساپ تىلەيمەن.

rustorahbar

	رۇستەم قاراسۇ ئىجادىيتى پالۋانلار يۇرتى سالام مەندىن پالۋانلار يۇرتى، يۈرۈكۈمدە يۇرت ئىشقى ئوتى. پالۋانلارنىڭ يېلىكى بولغان، ئۆشبۇ يۇرتنىڭ نېنى ئاش تۇزى. ھەسەن نوچى ھاۋاز پالۋانلار، يېنى يەرگە تەگمەي ئۆتكەنلەر. ئەۋلادلارغا قالدۇرۇپ مىراس، پالۋانلىقنى قۇيۇپ كەتكەنلەر. توققۇز بۇلاق سۈيىنى ئىچكەن، ئەركەكلەردە بار پالۋان جىسمى. يۇرتىمىزنى ئەلگە تۇنۇتقان، پالۋانلارنىڭ يۈرەكتە ئىسمى. پەخرىم مېنىڭ يۇرتۇم قاراسۇ، قاراسۇلۇق پالۋان ئەۋلادى. چېلىشىشتا شان-شەرەپ قۇچقان، ئەزەلدىن بۇ پالۋانلار يۇرتى. ئېناق يۇرت كېچىڭىزدە قاينايدۇ ئەمگەك، قېر بېشىدا سايرايدۇ ئەركەك. ئېتىزىدا كۆك باش چامغۇرى، يېگەنلەرنىڭ يۈرۈكى سەگەك. ئەزىز يۇرتنىڭ پەرزەنتى ئەزىز، بۇ تۇپراققا ھەمىمىز قەرىز. ۋاقۋاق دىگەن ئەزىزنىڭ يۇرتى، سەيپىدىندىن قالغان ئۆچمەس ئىز. باغلامنىڭكى باغلىرى گۈزەل، سۈيى شەربەت مىسالى ھەسەل. باغ ياسالدى زەيلىك سازلىققا، ئىشچان خەلقىم تۆلىگەچ بەدەل. قاراسۇدۇر چوڭ ئۆينىڭ ئۆزى، ئۈچ كەنىتنىڭ بىر كۇپتا تۇزى. كۈيگە قاتتىم ئېناق يۇرتۇمنى، بولغاچ ئەلنىڭ قۇتلۇق نورۇزى. تولۇقلىما مەزمۇن (2014-1-17 06:06 PM):

rustorahbar

	رۇستەم قاراسۇ ئىجادىيتى ئەتىۋا يارىم ھەر قارىسام ناز بىلەن بېقىپ، كۆيدۈرۋالدى ئوتلارنى يېقىپ، كۆيدۈم دىسەم قېشىمنى ئىتىپ، ناز قىلىدۇ ئەتىۋا يارىم. مەھەللىسى يارنىڭ بەك يىراق، ئېلىپ بارار ئېشقى ئوت پىراق، يار ئۆيىدە يانىدۇ چىراق، يا،چىقمايدۇ ئەتىۋا يارىم. كۆزلىرىگە باققاندا كۆزۈم، قېزىرىدۇ ئاناردەك يۈزۈم، لەيلى بولسا مەجنۇن مەن ئۆزۈم، كۆيدۈرىدۇ ئەتىۋا يارىم. نازلىنىدۇ نازى باشقىچە، خىيالىم ئۇ تۈندىن تاڭغىچە، ھامان بىر كۈن يۈرەك قانغىچە، سۆيدۈرىدۇ ئەتىۋا يارىم. رۇستەم قاراسۇ

rustorahbar

	رۇستەم قاراسۇ ئىجادىيتى بەخىت تېلەيمەن سېنى يامان دىمەيمەن چۈنكى ياخشى كۆرگەن مەن، تاشلاپ كەتكەن بولساڭمۇ ساڭا بەخىت تېلەيمەن. يۈز چىدىماس كەينىڭدىن ۋاپاسىز دەپ يۈرۈشكە، ئۆزۈم تاللاپ سۆيگەچكە كۆزۈم ئوچۇق كور دەيمەن. بولسۇن ساڭا يوللۇغۇم بەخىتلىك بول دىگەن سۆز، بولۇپ قالما مېنىڭدەك تەگمىسۇن ھەم يامان كۆز. كەتسۇن مېنىڭ بىلەنلا مۇھاببەتنىڭ ئازابى، پۇراپ تۇرسۇن گۈل بېغىڭ كەلمىسۇن ھىچ كەچكى كۈز. قەدرىمنىمۇ ھىچقاچان ئۆتۈلسىكەن دىمەيمەن، يىغلاپ كەلسەڭ ئالدىمغا ياندىمۇ دەپ كۈلمەيمەن. شۇ كۈنلەرنى خۇدايىم كۆرسەتمىسۇن ھەرگىزمۇ، يېغلىسىمۇ يۈرۈكۈم مەيلى بەخىت تېلەيمەن. رۇستەم قاراسۇ....2014.1.14.كۈنى ئالاتاۋ

ah~tilek

	بۇشېرىڭىزنى ئۇقۇپ  رەھمەتلىك ئانام يادىمغا كىلىپ  كۆڭلۈم شۇنداق يېرىم بولدى ...........