دەۋرىمىز قاشگەرلىكىنىڭ كەسپ تۈرلىرى

WWW.UYHQT.COM

	تادۇ يوللىغان ۋاقتى  2014-5-8 11:46 AM ئىنسانىيەت بۇشۇكى دىگەنلىك مەلۇم مەنىدىن شۇيەرگە يىق ... ئەسسالامۇئەلەيكۇم خوتەن قاشلىرى دىيارىمىزدىنلا چىقىدىغان قەدىمدىن تارتىپ ھازىرغىچە خەلقىمىزگە مەنپەئەت يەتكۈزۈپ كېلىۋاتقان ،تۈرلۈك شەكىلدە تۇرمۇشىمىزغا قولايلىقلارنى ھازىرلاۋاتقان بىر تۈرلۈك تەبىئىي كان بايلىقى .ئۇنىڭدىن قانداق ئۇسۇلدا بايدىلىنىش ھەر بىر پايدىلانغۇچىنىڭ نىيەت ئىقبالىغا باغلىق ئىش...... سىزنىڭ دېگىنىڭىز بويىچە بولغاندا مۇسۇلمانلار تورىدىكى خوتەن قاشلىرىغا دائىر پەتىۋا كۈچكە ئىگە ئەمەسمۇ؟........؟؟؟ سىزنىڭچە خوتەن قاشلىرىدىن تۆۋەندىكىدەك پايدىلانساقمۇ خاتا بولامدۇ؟ تېخىمۇ كونكىرىتراق ،دەلىل پاكىتلىرى بىلەن كۆرسەتمە بەرگەن بولسىڭىز. خوتەن قاشتېشىنىڭ تۇرمۇشىمىزدا ئىشلىتىلىشى http://www.uyhqt.com/uy/forum.php?mod=viewthread&tid=395

WWW.UYHQT.COM

	تادۇ يوللىغان ۋاقتى  2014-5-8 11:46 AM ئىنسانىيەت بۇشۇكى دىگەنلىك مەلۇم مەنىدىن شۇيەرگە يىق ... خوتەن قاشتېشىنىڭ تۇرمۇشىمىزدا ئىشلىتىلىشى خوتەن قاشتېشى راستىنلا بۇت ئويۇشتىن باشقا ئىشقا ئىشلىتىلمەمدۇ؟ خوتەن قاشتېشى-تېببىي دورىگەرلىك،گىرىم بۇيۇملىرى،زىننەت بۇيۇملىرى،مەدەنىيەت بۇيۇملىرى،ھەمدەپنە بۇيۇملىرى ،سوۋغات بۇيۇملىرى........قاتارلىقلارغا ئىشلىتىلگەندىن باشقا يەنە تۇرمۇشىمىزنىڭ نۇرغۇن تەرىپىدە ئىشلىتىلگەن، ئىشلىتىلىۋاتىدۇ ۋو داۋاملىق ئىشلىتىلىش دائىرىسى كېڭەيمەكتە. بىز بىلگەن بىر قىسىم قاشتېشى تۇرمۇش بۇيۇملىرىنى ھۇزۇرىڭىزغا سۇندۇق،سىزمۇ بىلگىنىڭىزنى يوللاڭ،بىرلىكتە ھۇزۇرلىنايلى! خوتەن قاشتېشىدا ئويۇلغان قۇرئان تەگلىكى خوتەن قاشتېشىدا ئۇيۇلغان كەمەرلىك خوتەن قاشتېشىدا ئۇيۇلغان تاھارەتلىك خوتەن قاشتېشىغا ئالتۇن پار قىلىنغان تاماق قاچىسى خوتەن قاشتېشى بۇلاپكا خوتەن قاشتېشىدا ئۇيۇلغان كورا خوتەن قاشتېشىدا ئۇيۇلغان لېگەن خوتەن قاشتېشى سېلىنچا قىلىنغان كارىۋات خوتەن قاشتېشىدا ياسالغان ياستۇق خوتەن قاشتېشىدىن ئۇيۇلغان قاچا ۋە قۇشۇق تېخىمۇ كۆپ مەزمۇنلارنى كۆرمەكچى بولسىڭىز ئۇيغۇر قاشتېشى تورىمىزغا مەرھەمەت تور ئادرېسىمىز:WWW.UYHQT.COM تېخىمۇ كۆپ قېرىنداشلارنىڭ بۇ ھەقتە كۆرسەتمە بېرىشىنى ئۈمۈد قىلىمىز

WWW.UYHQT.COM

	تادۇ يوللىغان ۋاقتى  2014-5-8 11:46 AM قاش مەسىلىسى ، بۇرۇنلاردا يەنى توخسىنىجى يىللاردىمۇ  ... خوتەن قاشتېشىدىن ئۇيۇلغان ئىسلام ئۇسلۇبىدىكى ئويمىلار ئابلىكىم ئاۋۇت دۆلىتىمىز قاشتېشى مەدەنىيىتى ئىنتايىن ئۇزۇن تارىخقا ئىگە بولۇپ ‹‹قاشتېشى دۆلىتى ›› دىگەن چىرايلىق نامى بار.دۆلىتىمىز قاشتېشى ئويمىچىلىقىدا  خوتەن قاشتېشىدا ئۇيۇلغان ئويمىلار ئالاھىدە ئورۇن تۇتىدۇ. دۆلىتىمىز  ئويمىچىلىق تارىخىدا نۇرغۇن ئويمىچىلىق ئۇسلۇبلىرى شەكىللەنگەن بولۇپ،بۇلاردىن  شاڭخەي ئويمىچىلىق ئۇسلۇبى،بېيجىڭ ئويمىچىلىق ئۇسلۇبى ،ياڭجوۋ ئويمىچىلىق ئۇسلۇبى ،سۇجوۋ ئويمىچىلىق ئۇسلۇبى،غەربىي يۇرت ئويمىچىلىق ئۇسلۇبى ....قاتارلىقلار قاشتېشى ئويمىچىلىقىدا گەۋدىلىك ئورۇندا تۇرىدۇ. يېقىنقى زامان قاشتېشى ئويمىچىلىق تارىخىدا  خوتەن قاشتېشىدىىن ئۇيۇلغان ئىسلام ئۇسلۇبىدىكى ئويمىلار- خوتەن قاشتېشى ئويمىچىلىق ساھەسىدە ‹‹مۇغۇل قاشتېشى ئويمىلىرى ياكى موغۇل قاشتېشى››،<<ئىسلام ئۇسلۇبىدىكى قاشتېشى ئويمىلار>> 痕都斯坦玉器 ياكى 痕玉    ،  伊斯兰玉器   دەپ ئاتىلىدۇ. بۇ ئويمىلار چىيەنلونىڭ 33-يىلىدىن باشلاپ جىياچىڭنىڭ 22-يىلىغىچە (يەنى  1768-يىلىدىن 1817-يىلىغىچە) بولغان 50 يىل جەريانىدا موغۇل ئىمپىريەسىدىن莫卧儿帝国  دىيارىمىز ئارقىلىق بېيجىڭغا كىرگۈزىلگەن.(بۇ ئېمپىرىيە ھىندىستاننىڭ شىمالىي،پاكىستان ھەم ئاغغانىستاننىڭ شەرقى ۋە  كەشمىر رايۇنى ۋە ھازىرقى دىيارىمىزنىڭ جەنۇبىدىكى  ئالتە شەھەر-رايۇنىنى  زېمىن قىلىپ مىلادىيە 1526-يىلىدىن 1858-يىلىغىچە ھاكىمىيەت سۈرگەن ئىسلام ئىمپىريەسىدۇر). چىيەنلوڭ خان زامانىسىدا بېيجىڭغا كىرگۈزۈلگەن ئىسلام ئۇسلۇبىدا ئويۇلغان قاشتېشى ئويمىلارنىڭ جەمئىي كىرگەن سانى 800 پارچىدىن كۆپرەك بولۇپ ، بۇنىڭ بىر قىسمىنى دىيارىمىزدىكى   بەگ-غوجىلىرىمىز ھەدىيە قىلغان. بۇ قاشتېشى ئويمىلارنىڭ  ھەممىسى خان ئوردىسىدا شاھانە بۇيۇم قاتارىدا ئەتىۋارلىنىپ ساقلانغان ھەم بۇ قاشتېشى ئويمىلارنىڭ شۆھرىتىنى ئاشۇرۇش ئۈچۈن ھېچقانداق يېزىق-تامغا يوق ھالەتتە كىرگەن ئەسلى ئويمىلارغا خان ئوردىسىغا كىرگەندىن كېيىن چىيەنلونىڭ مۆھىرنى  ۋە چىيەنلوڭ خاننىڭ بۇ ئويمىلارغا ئاتاپ يازغان  نەزمە قوشاقلىرىنىمۇ خەنچە يېزىقتا  ئويغان. بۇ خوتەن قاشتېشىدا ئويۇلغان ئويمىلار ئىسلام دىنىغا ئىتقاد قىلىدىغان مۇسۇلمانلار رايۇنىدىن  كىرگۈزىلگەنلىكى ۋە شۇ جايدىكى ئاۋام خەلقنىڭ ئۆرۈپ -ئادىتى،ئۆزگىچە ھۈنەر-تېخنىكىسى  بويىچە ئۇيۇلغانلىقى ،ئۇيۇلغان نەقىشلىرى  ۋە نۇسخىلىرىنىڭ  ئىسلام ئۇسلۇبىدا بولغانلىقى ئۈچۈن ‹‹ئىسلام ئۇسلۇبىدىكى قاشتېشى ئويمىلار››伊斯兰玉器دەپ ئاتالغان . بۇ ئويمىلارغا مەپتۇن بولغان چىيەنلوڭ خان بۇ خىل ئويمىلارغا  痕都斯坦  دەپ نام بەرگەن. شۇنىڭدىن باشلاپ ئىسلام ئۇسلۇبىدا ئويۇلغان بۇ ئويمىلار  伊斯兰玉器  ياكى痕都斯坦玉器 دەپ ئاتالغان. ۋاقىتنىڭ ئۆتىشى بىلەن 痕都斯坦玉器 دىگەن نام كۆپرەك قوللىنىلغان ۋە بۇ خىلدىكى  ئويمىلارنىڭ خەنلەر ئارىسىدىكى كەسپى ئاتىلىشى بولۇپ قالغان. چىيەنلوڭ خان (1736-يىلىدىن 1795-يىلىغىچە ئاتمىش يىل پادىشاھ بولغان) ھاكىمىيەت يۈرگۈزگەن ۋاقىتتا خوتەن قاشتېشى ئويمىچىلىقىنى ئىنتايىن تەرەققىي قىلدۇرغان. ئۇ خوتەن قاشتېشىغا ناھايىتى  ئامراق بولۇپ قاشتېشىغا ئاتاپ نۇرغۇن شېئىر-نەزمىلەرنى يازغان (تارىخىي خاتىرلەردە خاتىرلىنىشىچە بۇ خىلدىكى نەزمە قوشاقلار مىڭ پارچىدىن ئاشىدىكەن )ھەم ئوردا ئىچىگە دىيارىمىزدىن  مەخسۇس   قاشتېشى ئويمىچىلىق ئۇستىلىرىنى تەكلىپ قىلىپ خوتەن قاشتېشىدىن نۇرغۇن ئويمىلارنى ئويدۇرغان . ئۇندىن باشقا خوتەن قاشتېشىدىن ‹‹يۈ ۋەزىرنىڭ كەلكۈننى تىزگىللىشى››قاتارلىق ...نۇرغۇن چوڭ تىپتىكى  قاشتېشى  تىزما بۇيۇملارنىمۇ  ۋۇجۇدقا كەلتۈرگەن . سۇجۇ دىمۇ شۇ زامانلاردا ئىسلام ئۇسلۇبىدىكى ئويمىلارغا تەقلىد قىلىپ خوتەن قاشتېشى ئويمىلىرى ئويۇلغان.ئىسلام ئۇسلۇبىدىكى بۇ ئويمىلارنىڭ كۆپ قىسمى ھازىر بېيجىڭ خان سارىيى موزىيىدا ساقلانماقتا. يەنە بىر قىسمى تەيۋەننىڭ تەيبېيدىكى موزىيلاردا ساقلانماقتا. خوتەن قاشتېشىدىىن ئۇيۇلغان ئىسلام ئۇسلۇبىدىكى ئويمىلار ئۆزىنىڭ نەپىسلىكى،ھۈنەر-سەنئىتىنىڭ مۇرەككەپلىكى،ئىشلىتىلگەن قاشتېشىنىڭ ئېسىللىكى،بېزەك نۇسقىلىرىنىڭ ئۆزگىچىلىكى،ئالتۇن-كۈمۈش،ئۈنچە-مەرۋايىت بىلەن گىرەلىشىپ ھاسىل قىلغان كۆز ۋە گۈل نۇسخىسىنىڭ جۇلاسى بىلەن دۆلىتىمىزنىڭ قاشېشى ئويمىچىلىق ساھەسىدە ئۆزگىچە جۇلالىنىپ تۇرماقتا. خوتەن قاشتېشىدىن ئۇيۇلغان ئىسلام ئۇسلۇبىدىكى ئويمىلارنىڭ سۈرەتلىرىنى كۆرمەكچى بولسىڭىز،مەنزىل: http://www.uyhqt.com/uy/forum.php?mod=forumdisplay&fid=80

تادۇ

	WWW.UYHQT.COM يوللىغان ۋاقتى  2014-5-8 09:02 PM ئەسسالامۇئەلەيكۇم خوتەن قاشلىرى دىيارىمىزدىنلا چىق ... قاشچىلىق خۇددى ئازەر قەۋىمىنى ئىبرايىم ئارقىلىق سىنىغاندەك، ئۇيغۇر قەۋىمىنى سىنايدىغان بىر ئىمتاھان. يەھۇدىيلارمۇ تارىختا شۇنداق سىنالغان، يەنى شەنبە كۇنى بىلىق تۇتماسلىققا بۇيرۇلغان. باشقا كۇنلىرى بىلىق تۇتالمىغان، بىراق شەنبە كۇنى بىلىقلار كۆز ئالدىدا ئۇزۇپ يۇرۇشكەن. قاش ئارقىلىق تىجارەت قىلماق، شەنبىنىڭ بىلىقغا ئوخشاش ئاسان ئاۋۇغۇن بىر ئىش. تەپەككۇر قەلىپ بۇيىچە بۇ تامامەن توغرىدەك بىراق، كۆڭۇل تارازىسىغا چۇشمەيدۇ. كۇڭۇلنىڭ ئىشى بىلەك، مەسلەن ، ئاتا ئانىڭىز ئۆچ كۆرگەن نەرسىنى ياكى ئاتىڭىزنىڭ دۇشمىننى دوس تۇتۇڭ ، ئاتىڭىزنىڭ يۇزىگە قانداق قارايسىزكىن؟ بۇ قاش قىزىش سىتىش دادۇيدە چوشقا باققان بىلەن ، ياكى ئافغانلارنىڭ ئەپيۇن تىرىغىنى بىلەن ئوخشاش ئىش. ئىشىق ۋەسلىدە جان تالىشىپ، نازۇك كۆڭۇلنى رەنجىتكەننىڭ نىمە پايدىسى.

تادۇ

	رەببىم خالىغان كىشىنى جەننىتى، خالىغان كىشىنى دوزاق ئەھلىدىن قىلىدۇ.

WWW.UYHQT.COM

	تادۇ يوللىغان ۋاقتى  2014-5-9 11:58 AM قاشچىلىق خۇددى ئازەر قەۋىمىنى ئىبرايىم ئارقىلىق سىنى ... ئاللا زىمىندىكى بارلىق مەخلۇقات-مەۋجۇداتلارنى ئىنسانىيەتنىڭ بەختى ئۈچۈن بويسۇندۇرۇپ بەرگەن بولۇپ،قاشتېشىمۇ ئەنە شۇنىڭ جۈملىسىدىندۇر.قېرىنداشلىرىمىزنىڭ قاش سودىسى قىلىشى قانداقتۇر كىشىلەرنى بۇت ياساش ئۈچۈن خام ماتىريال بىلەن تەمىنلىگەنلىكى ئەمەس بەلكى ئۆزلىرىنىڭ تۇرمۇشىنى ئىقتىسادىي كاپالەتكە ئىگە قىلىش ئۈچۈندۇر.خوتەن قاشلىرىنىڭ ئىشلىتىلىش دائىرسىدىن قارىغاندا بۇت ياساش يۈزدە بىر نىسپەتنىمۇ ئىگىلىمەيدۇ.ئۇنىڭ ئۈستىگە بۇتلار نوقۇل ھالدا خوتەن قاشلىرىدىنلا ياسالمايدۇ.چۈنكى موسا ئەلەيھىسالامنىڭ قەۋمىمۇ ئۆز پەيغەمبىرىنى ساقلىمايلا ئالتۇن-كۈمۈشلەرنى ئىرىتىپ بۇت ياساپ چۇقۇنۇپ ئۈلگۈرگەن ۋە شۇ ۋەجىدىن ئاللانىڭ غەزىپىگە مۇپتىلا بولغان.ئۇيغۇرلار ئىسلامنى قۇبۇل قىلغان 1000 يىل مابەينىدە قاشلارنىڭ بۇت ياساشتىن باشقا تۈرلەردە بۇرۇنقىدەكلا ئىشلىتىلىشى دىنىمىزنىڭ بۇ تەبى بايلىقتىن پايدىلىنىپ ئىقتىسادىي ئۈنۈم يارىتىشنى چەتكە قاقمىغانلىقىغا يىتەرلىك پاكىتتۇر.خوتەن قاشلىرىنىڭ ئىشلىتىلىشى ‹ھاراق ياسايدۇ›دەپ ئۈزۈمنى،‹ئادەم ئۆلتۈرىدۇ›دەپ پىچاقنى يەرشىرىدىن يوقۇتىۋەتكىلى بولمىغانغا ئوخشاش ئىش بولۇپ،قاشگەرلىكنىڭ ئونمىڭ يىللىق مۇساپىسى ئەمەس،بەلكى يېقىنقى مىڭ يىللىق مۇساپىسى بىزگە خوتەن قاشلىرىدىن پايدىلانساق بولىدىغانلىقىنى ئېيتىپ بەرگەن.... سىزنىڭ مۇشۇنداق ئەقەللىي ساۋاتلارنىمۇ چۈشەنمەي،قاش سودىسىنىڭ شۇنچە كۆپ قېرىنداشلىرىمىزنىڭ خاتىرجەم تۇرمۇشىنىڭ كاپالىتى ئىكەنلىكىنى نەزەرگىمۇ ئالماي؛مۇھەممەد سالىھ قارى ھاجىم ۋە دوكتۇر ئابدۇل ئەزىزدەك ئالىملىرىمىزنىڭ مۇقەددەس كىتابىمىزنىڭ روھىغا،يۇرتىمىز خەلقىنىڭ ئەمەلىي ئەھۋالىغا ئويغۇن ھالدا بەرگەن پەتىۋالىرىنىمۇ پىسەنتىڭىزگە ئالماي قىلغان بايانىڭىز ئادەمنى تولىمۇ ئەپسۇسلاندۇرىدۇ. ئىنسانغا ئەھلى جەننەت،ئەھلى دەۋزىقىلىق تونىنى پىچىش رەببىمىزنىڭ ئىلكىدە بولۇپ،ئىنسانىيەتنىڭ جۈملىدىن مۇسۇلمانلارنىڭ بەختى،تەرەققىياتى ئۈچۈن پايدىلىق ئىشلارنى قىلغان بەندىسىگە رەببىمىزنىڭ رەھىم-شەپقىتى چەكسىزدۇر.

تادۇ

	ئىشلىتىلىش دائىرسىدىن قارىغاندا بۇت ياساش يۈزدە بىر نىسپەتنىمۇ ئىگىلىمەيدۇ. بۇرادەر ماۋۇ گەپ سەل يۇزە بۇلۇپ قاپتۇ. بۇت ياساش يۇزدە توخسان نىسبەتنى ئىگىلەيدۇ. مەيلى كىم قانداق دىسۇن، مۇنبەردە ئۆزەمنىڭ زەيىپ پىكىرنى ئايان ئىتىشكە تامامەن ھەقلىقمەن. يەنە كىلىپ ئىبرايىم ئەلەيھى سالام ، ئاتىسى ئازەردىن ئادا جۇدا بولغان ئىكەن. بۇ كىتابۇللانىڭ بىز گە كۆرسەتكەن يۇلى بۇلىدۇ. ئاددىيراق دىسەم، ئازەر قەۋىمى بۇد ياسىغان دەۋىرلەردە ئازەر بۇدنى ئالتۇندا ياسىدى دىسەك، ئىبرايىم ئەلەيھى سالامنىڭ ئاتىسىغا خام ماتىريال قىزىپ بىرىشكە، ياكى قولىنى مۇشلاپ سىتىپ بىرىشكە كۆڭلى ئۇنارمۇ؟ ياكى شۇنداق قىزىپ سىتىپ بەرگەنلىك بايانى بارمۇ؟ ئەكسىچە ئادا جۇدا بولغانلىق پاكىتى ئىنىق تۇرمامدۇ؟ ھەرقانچە ئۆلىما بۇلۇپ كەتسۇن ئايەت دىگەن ئاللاھنىڭ سۆزى.

WWW.UYHQT.COM

	تادۇ يوللىغان ۋاقتى  2014-5-9 03:48 PM ئىشلىتىلىش دائىرسىدىن قارىغاندا بۇت ياساش يۈزدە بىر ن ... ئەسسالامۇئەلەيكۇم،قېرىندىشىم خوتەن قاشگەرلىكىمىز ھەققىدە ناھايىتى ئەھمىيەتلىك كۆرسەتمىلەرنى بەردىڭىز.رەھمەت سىزگە! مۇقەددەس دىنىمىزغا بولغان بىلىش دائىرەمنىڭ چەكلىكلىگى تۈپەيلىدىن سىزنىڭ خوتەن قاشگەرلىرىمىزگە،قاشگەرلىك كەسپىگە قارىتا نېمە دېمەكچى بولغانلىقىڭىزنى ،دىنىي ئۆلىمارىمىز بەرگەن پەتىۋاغا قانداق قارايدىغانلىقىڭىزنى تازا ئېنىق بىلەلمىدىم.مالال كۆرمەي ئۆزىڭىزنىڭ كۆز قاراشلىرىنى مۇقەددەس كىتابىمىز قۇرئان كەرىم ۋە ئۆزىڭىزنىڭ قولىدىكى ئىشەنچىلىك پەتىۋا بىلەن (دەلىل-پاكىتلار بىلەن) چۈشەندۈرۈپ قويغان بولسىڭىز.سىزنى ئاۋارە قىلىدىغان بولدۇم. (چۈنكى خوتەن قاشلىرى دىيارىمىزنىڭلا ئەمەس ،جۇڭگۇنىڭ داڭلىق ماركىسى.شۇنداقلا دۇنيادىكى تەبىئىي بايلىقلار ئىچىدە ئالدىنقى ئون تۈرلۈك بايلىقنىڭ بىرسى .دىيارىمىزدا خوتەن قاشتېشى زاپاس مىقتارى خېلە سالماقنى ئىگەللەيدۇ.بۇ كەسپ بىلەن شۇغۇللىنىۋاتقان ئۇيغۇر مۇسۇلمانلىرىنىڭ سانىمۇ نەچچە يۈزمىڭغا يېتىدۇ.......) خوتەن قاشلىرى جۇڭگۇنىڭ نۆۋەتتىكى مەبلەغ سېلىش بازىرىدىكى ئەڭ قىزىق نۇقتا.قانداق قىلىپ پەقەت دىيارىمىزدىنلا چىقىدىغان خوتەن قاشتىن ئىبارەت بۇ بايلىق ئۈستۈنلىكىنى نەچچە مىڭ يىللىق ئەنئەنىگە ئىگە قاشگەرلىك ھۈنەر تېخنىكىمىز بىلەن ئورگانىڭ ھالدا بىرلەشتۈرۈپ ئىقتىسادىي ئۈستۈنلىككە ئېرىشتۈرۈپ خەلقىمىزگە ئامەت ئېلىپ كېلىدىغان كەسىپكە ئايلاندۇرۇش ھەر بىر ۋىجدان ئىگىسى سالماقلىق بىلەن ئويلىشىدىغان جىدىدي ئىشلار جۈملىسىدىندۇر. دەلىل-پاكىتلىق كۆرسەتمىڭىزنى ساقلايمەن.