- داداڭ كەلسۇن ،بىر گەپ بولار، بېرىپ ئۇخلا - دىدى . مەن ئاپامنىڭ گېپىنى ھەرۋاقىت ئاڭلايتتىم شۇڭا ئارتۇق گەپ قىلمايلا ئورنۇمغا بېرىپ ياتتىم ئەمما كۆزۈمگە ھېچ ئۇيقۇ كېلىدىغاندەك ئەمەس دادامنىڭ كېلىشىنى مىنى ئوقۇسا ئوقۇسۇن دىيىشىنى ئاڭلاشنى ئارزۇ قىلىپ پات پاتلا ئىشىككە قاراپ قوياتتىم ئەمما ھەر كۇنى بالدۇرلا كېلىدىغان دادام ھېچلا كەلمەيۋاتاتتى .. قايسى ۋاخلاردا ئۇخلاپ قالغىنىمنى بىلمەيمەن ئەمما چۈشۈمدە مەنمۇ ئوقۇپتىمىشمەن ،جىق بالىلار بىلەن بىر سىنىپتا ناھايتى كۆڭۇللۇك ئويناپتىمىز ...نۇرغۇن دوستلىرىم ..نۇرغۇن ئويۇنچۇقلىرىم بار بولۇپتۇ ....
بىرچاغدا بىرلىرىنىڭ پاراڭلىرى بىلەن ئويغۇنۇپ كەتتىم .پاراڭلىشىۋاتقىنى دادام بىلەن ئاپام ئىدى . مەن يوغانراق تىنىشقىمۇ جۈرئەت قىلالماي ئۇلارنىڭ پارىڭىغا قۇلاق سالدىم ئاپام ھە دەپ مىنىڭ تەرىپىمنى قىلىۋاتاتتى ئەكسىچە دادام بولسا تەتۈرلۈك قىلىپ ئۆز گېپىنى قىلىۋاتاتتى . بولدى قوي خوتۇن بۇ بالىغا ئوقۇپ نىمە كەپتۇ؟ بىز دىگەن باشقىلار بەرگەن بىلەن ئۆتىدىغان خەق بىزگە ئوقۇشنى نىمە قويۇپتۇ ؟‹‹جىگدە ياغىچى بادرا بولماس ،دېھقان بالىسى كادېر››دىگەننى ئاڭلىغانمۇ ؟مەھەممەت ئوقۇيمەن دىگۈچە بىزنىڭ ئاتا مىراس كەسپىمىزنىڭ ئىزباسارى بولمىسا بولمايدۇ .ئەتىدىن باشلاپ ئۇمۇ ئۆز ئالدىغا بازارغا چىقسۇن ...دادام شۇ گەپتىن كىيىن ئەمدى جىق گەپ قىلما دىگەندەك قىلىپ ئۇيقۇغا چۈشۈپ كەتتى ...دادامنىڭ گېپىنى ئاڭلاپ كۆڭلۈم شۇنداق يېرىم بولدى .تۇنجى قېتىم ئاشۇنداق بىر ئائىلىدە تۇغۇلۇپ قالغىنىمغا پۇشايمان قىلدىم. شۇكېچە تاڭ ئاتقۇچە ئۇياق بۇياققا ئۆرۈلۈپ ئۇخلىماي چىقتىم ،ئاپاممۇ بىلىندۈرمىگەن بىلەن ئۇخلىمىغىنى ماڭا ئايان ئىدى . ئەتىگەندە ئورنۇمدىن تۇرۇپ تۈزۈكرەكمۇ ناشتا قىلىشقا رايىم بارمىدى شۇنداق روھسىز ئىدىم . ئاپام بىردەم بىردەم ماڭا قارايتتى ،ئەتىگەنلىك ناشتىدا دادام :
- مۇھەممەت سەنمۇ چوڭ بولۇپ قالدىڭ، ئەمدى ئۆز ئالدىڭغا بازارغا چىق،- دەپ بازارغا چىققاندا قانداق قىلىش، باشقىلارنىڭ ھېسسىداشلىقىنى قانداق قىلىپ قولغا كەلتۈرۈش ... ئەمما بۇ گەپلەرنىڭ ھېچقايسىسى قۇلۇغۇمغا كىرمەيتتى ...ئاپام ماڭا ھېچنەرسە دىمىگەن بولسىمۇ ئەمما قاراشلىرىدىن ئامالسىزمەن دىگەنلىگى مانا مەن دەپ بىلىنىپ تۇراتتى ...
دادامنىڭ بويرۇشى ،ئاپامنىڭ ياردەملىشىشى بىلەن كونىلىغىدىن ھەممىلا يېرى تۆكۈلۈپ تۈرىدىغان جەندىنى كىيىپ باشقىلا بىر سىياققا كىرىپ قالدىم . يولدا كېتىپ بارىمەن ،ئەمما يۈرۈكۈم باشقىچىلا بىر ئىستەكتە سوقماقتا ،ئاللىقانداق بىر غايىبانە كۈچ مىنى بازار تەرەپكە ئەمەس مەكتەپ تەرەپكە تارتماقتا...
قاتتىق كۈلكە ئاۋازىدىن ئېسىمگە كەلدىم .بىر توپ بالىلار مىنى كۆرسىتىپ ھەرخىل گەپلەرنى قىلىپ كۈلۈشىۋاتاتتى.ئۈستىبېشىمغا قارىدىم ھەقىقەتەن بەكلا .... كۆڭلۈم بۇزۇلدى ئۆزۈمنى پاڭڭىدە يىغلاپ تاشلاشتىن ئارانلا تۇتۇپ تۇراتتىم ،بالىلار بولسا مىنىڭ بۇ قىياپىتىمگە قاراپ بەزىلىرى ئىچ ئاغىرتسا بەزىلىرىگە ئويۇن بولغان ئىدى .توپ ئىچىدىن سېمىز ئاق پىشماق كەلگەن بىر ئوغۇلبالا ئۈنلۈك ئاۋازدا :
-تىلەمچى كېپتۇ بالىلار، قېنى سەدىقە بېرەيلى دەپ يانچۇقىنى ئاختۇرۇشىغا ئەتىراپتا تۇرغان بەزى بالىلار ئالمان تالمان يانچۇقلىرىغا قول ئۇزۇتۇشتى .مەن نىمە قىلارىمنى بىلەلمەيلا قالغان ئىدىم دەل شۇ چاغدا
-نىمە بولدى بالىلار ،بولۇڭلار ۋاقىت توشۇپ قالدى تىز كىرىپ كېتىڭلار دىگەن ئاۋاز بىلەن بالىلار چۇقۇراشقىنىچە مەكتەپ ئىچىگە كىرىپ كېتىشتى .
- نىمىش بولدى بالام ؟ مېھرىبانلارچە سورالغان سۇئالدىن بىر دەم مەڭدەپ تۇرۇپ قالدىم .مېھىر دىگەن ئاجايىپ نەرسىكەن بۇرۇندىن ئاپامدىن باشقىسىنىڭ مۇنداق مېھرىبانلىغىنى كۆرمىگەچكىمىكىن ئىچ ئىچىمدىن يىغلىغۇم كېلىپ كەتتى . مەن ئېسەدىگەچ ھېلىقى ئادەمگە قارىدىم . بۇ كىشى دەل ئاخشام بىزنىڭ غېرىپخانىمىزغا بارغان مىنى ئوقۇسۇن دىگەن مۇئەللىمنىڭ بىرسى ئىدى . ئۇ ماڭا قاراپ يېقىملىق كۈلۈمسىرەپ تۇراتتى مەن مېھىرمۇھەببەت بالقىپ تۇرغان بۇكۆزلەرگە ئۈمىت بىلەن قاراپ بوش ئاۋازدا :
- مەن ئوقۇيتتۇم ..دىگەننى ئارانلا دىيەلىدىم .
-ھە ئوقۇمتىڭ يىگىت ياخشىغۇ .بولدى بەردەم بول، ئۇ بۇسۆزلەرنى دىگەچ بېشىمنى سىلىدى مەن ھەئە دىگەن مەنىدە بېشىمنى لىڭشىتتىم . ئۇ مۇئەللىم:
- قېنى يۇر ئوغلۇم،- دەپ مىنى مەكتەپ دەرۋازىسى يېنىدىكى كىچىك بىر ئۆيگە باشلاپ كىردى . مەن ئەمدى خېلىلا جانلىنىپ قالغان ئىدىم .ئائىلىمىزنىڭ ئەھۋالىنى ،ئاخشام ،ئەتىگەن ئۆيدە بولۇنغان پاراڭلارنى بىرنى قويماي دەپ بەردىم .ئۇ كىشى گەپلىرىمنى كۆڭۈل قويۇپ ئاڭلىدى ۋە بېشىمنى سىلاپ بالام خاتېرجەم بول سەن ئوقۇيسەن ، داداڭ بىلەن ئۆزۈم سۆزلىشىمەن دەپ بىرلىرىگە تىلفۇن قىلىپ مىنىڭ بويتۇرقۇمنى دەپ بېرىپ كىيىم ئەكىلىشنى تاپىلىدى .يۇر يىگىت ئاۋال بىز سەتىراچخانىغا كىرىپ چىقايلى دەپ مىنى مەكتەپ يېنىدىكى كىچىك بىر سەتىراچخانىغا باشلاپ كىرىپ ئۇستام بىلەن بىرنىمىلەرنى دىيىشكەندىن كىيىن ئۇستام مىنى ياندىكى بىر ئۆيگە ئەكىرىپ پاكىز يۇيۇندۇردى . بىز چىققاندا ماڭا بويرۇتۇلغان كىيىملەرمۇ كېلىپ بولغان ئىدى. كىيىم بىلەن ئەپچىلگىنە كەلگەن سومكا ۋە ئىچىدە بىر قانچە دانە دەپتەر ،قەلەم بار ئىدى سەل كونا بولسىمۇ پاكىز يۇيۇلغان كىيىمنى كىيىپ چىقىۋېدىم ئۇ كىشى ماڭا قاراپ :
- ئەسلى ناھايتىمۇ ئوماق بالىكەنسەنغۇ ئوغۇلۇم دىدى ۋە:
- يۈر ئەمدى مەكتەپكە كىرىپ تىزىملىتىمىز،- دەپ قولۇمدىن يېتىلەپ سومكىنى مۇرەمگە ئېسىپ قويۇپ مەكتەپكە ئەكىردې مەن رەت رەت ئورۇندۇقلارغا چىملىقلارغا، بۈككىدە دەل-دەرەخ بىلەن قاپلانغان كىچىككىنە باغچىغا،تويماي قارايتتىم .سىنىپلاردىن بالىلارنىڭ مۇئەللىملەرگە ئەگىشىپ ئوقۇغان جاراڭلىق ئاۋازى يۈرىكىمنى لەرزىگە سالاتتى ،ئۇكىشى مىنى يېتىلەپ 1- قەۋەتتىكى بىر ئىشخانىغا ئەكىرىپ تىزىملاتتى ئاندىن مىنى يېتىلەپ يەنە شۇ 1- قەۋەتتىكى بىر سىنىپقا ئېلىپ كىرىپ:
-پاشاگۈل خانىم ماۋۇ ئوقۇغۇچىنى تىزىملاپ ئېلىڭ دىدى ۋە ئۇ خانىمنى چاقىرىپ بىر دەم كۇسۇرلاشقاندىن كىيىن ،-خوش بالام كەچتە دەرىستىن چۈشۈپ مىنى ساقلا سېنى مەن ئۆيۈڭگە ئاپىرىپ قويىمەن خاتېرجەم بولۇپ ياخشى ئوقۇ .-دەپ مۇرەمگە قېقىپ قويۇپ چىقىپ كەتتى. ئەنە شۇ كۇندىن باشلاپ مىنىڭ ئوقۇش ھاياتىم باشلاندى ..... بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @$ j5 t0 T- v5 w8 |; E$ `
داۋامى بار بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @) I4 p/ q6 J& N F: u) O
بۇ يازمىنى ئاخىرىدا ayqiqak2 تەھرىرلىگەن. ۋاقتى 2014-6-6 07:13 PM
بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @4 \) L. I6 Y- L4 P! ]: p% Uبۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @& J7 X& v8 X: W( j1 ]: O0 e
يوللىغان ۋاقتى 2014-6-5 08:32:43 PM
.gif)
.gif)
بۇ يازمىنى ئاخىرىدا musilina تەھرىرلىگەن. ۋاقتى 2014-6-6 07:40 PM 