يېزا ئاساسى قاتلام كادىرلىرىنىڭ دەردىگە كىم يېتەلەيدۇ؟

ئانىجان

	بۇ تېمىنى ئوقۇپ بولغۇچە مەن بىلەن تەقدىرداش ئاپتورنىڭ خۇددى مېنىڭ تۇرمۇشىمنى يازغاندەك ھىس قىلىپ، خىزمەتنى دەپ ئىككى بالامغا تۈزۈك قارىيالماي ئۆتكەن كۈنلىرىم ئېسىمگە كېلىپ ئۆپكىلىرىم ئۆرىلىپ كەتكەنتى، لېكىن  بەزىلەرنىڭ ئىنكاسىنى كۆرۈپ ھەجەپ ئىچىم ئاچچىق بولدى، تۈتۈننىڭ ئاچچىقىنى مورا بىلىدۇ، ئاساسى قاتلام كادىرلىرىنى ھارام مائاش ئالىدۇ دىيىشكە توغرا كەلسە، خېلى  نۇرغۇن خىزمەتلەرنى قىلىۋاتقانلار ئۇنىڭدىنمۇ بەكرەك ھارام مائاش ئالىدۇ دىيىش كېرەك، بەزىلەر دىگەندەك خىزمەتنىئېغىر دەپ ھىچكىم قىلمىسا، ھەممە ئورۇنلارنى ئاكاملار ئىگەللەپ كەتكەندە كۆرەتتىڭلار تېخى ئىشنىڭ نوچىسىنى، بىزمۇ باشقا ئىشقا قۇدرىتىمىز يەتمەي ئەمەس............. ئىششقىلىپ سۆزلىسەم سۆزلەپ قالىمەن،   ئاساسى قاتلام كادىرلىرى تۆۋەن تۇرمۇش كاپالەت پۇلىنى يەپ كەتتى دەپ، يەپ كەتكىنى ئاساسى قاتلام كادىرلىرى ئەمەس، كەنت كادىرلىرى، بۇ توغرىسىدا مەنمۇ خىزمەت جەريانىدا نۇرغۇن ئىشلارنى ھىس قىلدىم، يېزىدا بىرىنچى قول كىم؟  سايلامدا كىمنىڭ گېپى بەك ئۆتىدۇ، شۇلارنى ئويلىساڭلارلا ئىشنىڭ ھەقىقىتىگە يېتىسىلەر، لېكىن يىغىپ كەلگەندە ئاساسى قاتلامدىكى يېزا كادىرى بىلەن بىر كەنتنىڭ شۈجىسىنىڭ قايسىسىنىڭ ھوقوقى چوڭ؟ بۇنى كىم ئويلاپ باقتى، يېزا كادىرلىرى پەقەت چاكار، كەنتتە پۇقرالارغا ئەڭ يېقىن مۇلازىمەت قىلىدىغىنى كەنت كادىرلىرى،ئۇلارنى باشقا يەردىن ئەكەپ قويمىدى، شۇ يۇرتتىن پۇقرا سايلاپ چىقتى، ھەممىسى ئارقا ئىشىك، غەيرى يوللار بىلەن بولىۋالغان ئەمەس، بەزى كەنتلەردە تېخى كەنتتە ئىشلەيدىغانغا ئادەم تاپقىلىمۇ بولمايدۇ، نىمىشقا؟ خىزمەت بېسىمى، مىقتارى ھەقىقەتەن ئېغىر، ھەم ھەممە ئادەم ھۆددىسىدىن چىقىپ كېتەلمەيدۇ،شۇڭا نەچچە يىلدىن بۇيان كەنت كادىرلىرىنىڭ ئىش ھەققى ئۆسۈپ دۆلەت كادىرلىرى بىلەن تەڭ بوپ قالدى.  ئۇندىن سىرت ئۇلارنىڭ كەنتتە ئالىدىغان نەپلىرى ئاز ئەمەس، ئازدىگەندە يۈز نەچچە مولاپ يەر تېرىيدۇ......دىگەندەك. لېكىن شۇنداق تۇرۇپبەزى كەنت كادىرلىرى نىمىشقا ھۆكۈمەت بەرگەن پۇقرانىڭ ھەققىگە كۆز قىزارتىدۇ؟ بۇ ئەھۋاللار نىمىشقا تۈگىمەيدۇ؟ كىچىككىنە مەنپەئەت ئالدىدا نىمىشقا ئۆز پۇقرالىرىنى قاخشىتىدۇ؟ بۇنى پەقەت شۇ كەنت كادىرلىنىڭ ساپاسىغا باغلاپ تەھلىل قىلىش كېرەك.  يېقىندا مەن ناھىيىدىكى رەھبەرلەرگە ئەگىشىپ  كەنت شۈجىلىرىنىڭ سۆھبەت يىغىنىغا قاتناشتىم، شۇ يىغىندا مۇئاۋېن ھاكىم خۇددى كۆڭلۈمدىكى گەپنى قىلدى، «نىمىشقا ھازى يۇقىرىنىڭ سىياسەتلىرى شۇنداق ياخشى، لېكىن پۇقرا ھۆكۈمەتتىن نارازى، بۇنى كىم كەلتۈرۈپ چىقىرىۋاتىدۇ، دەل بارلىق سىياسەتنى ئەمەلىلەشتۈگۈچى بولغان سىلەر ، بارلىق سىياسەتلەر ئەڭ ئاخىرىدا كەنتلەردە سىلەرنىڭ قولۇڭلاردا ئەمىلىلىشىدۇ، شۇنداق بولغانكەن، ئەگەر سىلەر ھەقىقى خەلىقپەرۋەر بولۇپ، شۇ ياخشى سىياسەتلەردىن پۇقرانى تولۇق بەھرىمەن قىلساڭلار،پۇقرا يەنە نازارى  بولۇپ يۈرەمدۇ؟ پۇقرا ئۆزىمىزنىڭ، يۇرت ئۆزىمىزنىڭ تۇرۇپ، نىمىشقا يەنە ئۆزىمىنىڭ پۇقراسىنىڭ ھەققى غېمىنى يىمەيمىز، بۇ توغرۇلۇق ئويلاپ باققانلار بارمۇ »دىدى، يەنە نۇرغۇن گەپلەرنى قىلغان، بۇيەردە ھەممىنى دىيىش ئەپسىز، لېكىن ھەممىسى مەن ئويلىغان گەپلەر،   شۇ شۈجىلەر بۇ گەپلەرنىڭ تېگى ماھىيىتىنى چۈشىنىپ تەھلىل قىلىپ، ئۆزى توغرۇلۇق ئويلىنىپ باقتىمۇ يوق بىلمەيمەن، مەن خىزمەت جەريانىدا نۇرغۇن دېھقانلارنىڭ ئىنكاسىنى تاپشۇرۇپ ئالدىم، بەزىلىرى ھەتتا، بىزگە بۇنداق كەنت كادىرلىرى لازىم ئەمەس، ھەممىنى ئىشتىن قالدۇرىۋېتىپ ئىچكىرىدىن باشقا مىللەتتىن كادىر ئەكەپ بەرسۇن دەيدۇ، بۇنداق گەپلەرنى ئاڭلىغاندا دېھقانلىرىمىنىڭ نادانلىقىدىن ئېچىنسام، كەنت كادىرلىرىنىڭ دېھقانلارنى شۇ دەرىجىدە نەپرەتلەندۈرگىدەك دەرىجىگە بېرىپ يەتكەنلىكىدىن ئېچېنىپ كېتىمەن، بۇنداق گەپلارنى شۇلار ئۆزلىرى ئاڭلىسا قانداق ئويلا؟ ئۆزلىرىنىڭ قىلمىشى توغرىسىدا ئويلىنىپ باقامۇ ياكى يەنىلا شۇ پۇقرانى تىللاپ، ئۆز سەنىمىگە دەسسەپ يۈرىۋېرەمۇ؟  گەپ چۆگىلەپ باشقا تەرەپكە كېتىپ قاپتۇ، دىمەكچى بولغۇنۇمنى چۈشەندۈرەلىدىممۇ بىلمەيمەن، لېكىن يېزىلاردىكى بىچارە ئاساسى قاتلام كادىرلىرى كەنت شۈجىلىرىنى باشقۇرالمايدۇ، يېزىدا گېپى ئۆتىدىغىنى ئاكاملار، بەزى سىياسەتنى ئاستىن ئۈستۈن قىلىۋاتقىنى ئاز ساندىكى رەھبىرى كادىرلار، شۇلارغا ماسلىشىپ، ئۆز خەلقىنى ئېزىپ بېرىۋاتقىنى ئۆزىمىزدىن چىققان كەنت شۈجىلىرى(ئەلۋەتتە كەنت شۈجىلىرىنىڭ ئىچىدە ھەقىقى خەلقپەرۋەرلىرىمۇ يوق ئەمەس،بار، ئەمما ئىنتايىن ئاز).  ئاخىرىدا ئەڭ بىچارىلىرى يەنىلاخۇددى تېمىدا دىيىلگەندەك بىزگە ئوخشاش «ئادەتتىكى ئاساسى قاتلام كادىرلىرى»

shoruq

	sahiba33 يوللىغان ۋاقتى  2014-7-15 07:33 PM شۈكرى...... راسىتىمنى ئېيىتسام مەنمۇ بىر ئاساسى قاتلام ي ... ئەگەر يېزىلرىمىزدىكى بەزى رەھبىرى يولداشلار ھەممە ئىشتا ‹ شەكىل› قوغلاشماي، ئۈنۈم قوغلاشسا؛ خىزمەتلەرنى قانات يايدۇرۇشنىڭ مەقسىتى ئاللاقانداق يۇقىرى دەرىجىلىك ئورۇن ۋە خىزمەت گورۇپپىلىرىنىڭ تەكشۈرۈشىنى قۇبۇل قىلىش ئۈچۈن ئەمەس، بەلكى، پارتىيە ۋە ھۆكۈمەتنىڭ ئەلگە نەپ سىياسەتلىرىنى ھەقىقى ئىجرا قىلىش ئۈچۈن بولسا، مەيلى دېھقانلار بولسۇن، مەيلى ئاساسى قاتلام كادىرلىرى بولسۇن، ئىشقىلىپ ھەممە تەرەپنىڭ ھال ئېيتىدىغان دەردىمۇ قالمايتى.

shoruq

	بۈگۈن يېقىن ئەتراپتىكى مەلۇم بىر يېزا ئاساسى قاتلام رەھبىرىنىڭ خىزمەتتىن توختىتىلىپ تەكشۈرىلۋاتقانلىقىدىن خەۋەر تاپتىم، مەركەز ۋە ئۆلكە-ئاپتۇنۇم رايۇنلاردا ‹يولۋاس›لارغا ئارام بولمايۋاتاتتى. ئەمدى ئاساسى قاتلاملاردىكى‹چىۋىن›لەرگىمۇ نۆۋەت كەلگەن ئوخشايدۇ.

shoruq

	تورلاردا روزى ھېيىتلىق دەم ئېلىشنى بەش كۈن بولغۇدەك دېگەن خەۋەرلەر ئېقىپ يۈرۈيدۇ، ئەكسىچە، جەنۇبى شىنجاڭدىكى مەلۇم بىر يېزىنىڭ بۈگۈنكى يىغىننىڭ روھىدىن مەلۇم بولۇشىچە، بۇ يېزىدىكى ئىشچى-خىزمەتچىلەر 29-چىسىلا  بىر كۈن چالا-پۇچۇق ھېيىت ئۆتكۈزگۈدەك.

shoruq

	http://bbs.bagdax.cn/thread-25987-1-1.html بۇ ئادرستا يېزا ئاساسى قاتلام رەھبەرى كادىرلىرىلىرىغا بېرىلگەن قاتتىق ئاگاھلاندۇرۇش بېرىلگەن خەۋەر بار ئىكەن. پات ئارىدا يېزا ئاساسى قاتلام كادىرلىرى ۋە كەڭ خەلق ئاممىسىنىڭ ئىشلىرىنىڭ تېخىمۇ ياخشىلىنىپ كېتىشىدىن ئۈمىد زور.

ablimitt

	shoruq يوللىغان ۋاقتى  2014-7-21 01:28 PM تورلاردا روزى ھېيىتلىق دەم ئېلىشنى بەش كۈن بولغۇدەك دې ...   مۇقىملىق ۋەزىيتى بولغاندىكىن شۇنداق بۇلىدۇ. ئاندىن كىيىن ئۈگۈنۈپ قالساق  قۇربان ھېيتلېرىمىزدا بىرەكۈن قۇيۇپ بەرسە شۈكرى دەپ ئولتۇرىمىز...   مۇقىملىق دىگەننى ۋىلايەت، ناھىيە دەرىجىلىك ئەمەلدارلارنى قول ئاستىدىكىلەرنى خەلىقنى شىلىمەسلىككە كاپالەت بەردۈرسىلا، ناۋادا چاتاق چىقسا مەسئوللارنى خىزمەتتىن، پارتىيدىن ھەيدەپ مال-مۈلكىنى مۇسادىرە قىلىپ، بەش يىلدىن يۇقىرى 40يىلدىن تۈۋەن قاماققا ھۈكۈم قىلسا بەك چىرايلىق ئوڭشىلىپ كىتەتتى...

belga

	ئۆزى كادىر خەلىققە دەت ئىتىشنىڭ ئورنى يوققۇ ... كادىر غوجىلىرىمىزنىڭ ھالى ئۇ بولسا دىھقان بىچچارىلەرنىڭ ھالى نىمىكىن تاڭ؟!

babur99

	shoruq يوللىغان ۋاقتى  2014-7-13 11:38 AM قاراخان بۇرادەر، ئەگەر پەقەت ‹تۆمۈر تاۋاق› نىلا كۆزل ... ئەسسالامۇ ئەلەيكۇم ،بەلكىم دىگەنلىرىم مۇنبەردىكى بەزى كادىرلارنىڭ ئاچچقىنى كەلتۈرۈپ قويغاندۇ ،مەنمۇ  كادىر، كۆرۈپ تۇرۋاتقان ناھەقچىلىق توغرىسىدا قاقشسام سىزدىن ئېشىپ چۈشىمەن .ئاساسىي قاتلامدىكى ھەقىقىي ئىشلەيدىغان ، ھالال نىيەتلىك ساپالىق كادىرلارنى  ھەققەتەن ھۆرمەتلەيمەن  .سىزگە بىرلا مىسال ئالاي ئويلاپ بېقىڭ: بىز كادىرلار دائىم بىرقىسىم باشلىقلاردىن ،تۈزۈلمىدىن قاقشايمىز، ئازراقلا بىكار قالساق قىلشىدىغان پاراڭ تېمىسى ئاساسلقى جەمئىيتىمىزدە بىيۇكراتلىق ،ھاكىمۇتلەقلىق ،چىرىكلىكنىڭ ئەۋج ئەپ كېتىشدىكى سەۋەبلەر ئۈستىدە بولىدۇ -دە ئاخىرىدا بۇ نازارەتچىكنىڭ كەملكى ،پۇقرادا (جۈملىدىن بىزدەك ئادەتتكى كادىرلاردا) ئەمەلدارلارنى نازارەت قىللايدىغان ،دادىل پىكىر-تەنقىت بىرەلەيدىغان دىمۇكراتىينىڭ يوقلىقى توغرىسىدا قاقشاپ كېلىپ ،ئاخرىدا ھەممىنى تۈزۈلمىدىكى مەسىلە دەپ خۇلاسە قىلىش دائىملىق ئەھۋال ،بىز جۇڭگۇلۇقلار ھەممىلا ئىشتا تۈزۈلمىدىن قاقشاپ ،ھەممىنى تۈزۈلمىگە ئارتىپ ئادەتلەنگەنمىز . يىللىق خۇلاسە ، رەھبەرلەرنى دىمۇكراتىك باھالاشتا قولىمىزدىكى  شۇنداق ناچار باشلىقلارنى موللاق ئاتقۇزالايدىغان ،ھېچبولمىغاندا سەگىتىپ قويالايدىغان نازارەتچىكىك ،دىمۇكراتىك باھالاش ھوقۇقىمىزنى   يىلدا بىر قېتىم بولسىمۇ ئىشلىتەلەيدىغان چاغدا ،كۆپىنچىمىز دائىم ئاغزىمىزدىن چۈشۈرمەيدىغان ئادالەت ،دىمۇكراتىيە...دىگەنلەرنى قايرىپ قويۇپ ،ئاشۇ قولىمىزدىكى نامسىزبىر بىلەتتىكى «لاياقەتسىز»دىگەن گراپىنى تاللاشقا جۈرئەت قىلالماي قانداقتۇر خۇدۇكسىرەش ،مەسئۇليەتسىزلىك ھەتتا تاما -خۇشامەت بىلەن ۋىجدانىمىزغا خلاپ ھالدا «ئىلغار »دەپ تاللاپ ،شۇ بىرقىسىم بىيۇكرات ،ساپاسىز باشلىقلارنىڭ داۋامىلىق ئەمەل كۇرسىدا ئولتۇرشىغا بىر كىشلىك ھەسسە قوشىمىز  ،ھەتتا بەزى نائەھلىلەر ئوغرى چاشقاندەك ماراپ يۈرۈپ ،كىمنىڭ «لاياقەتسىز»نى تاللىغانلقىنى بىردەمدە باشلىققا چېقىپ ،ياخشىچاق بولۇشقا ئامراق .باشلقنى لاياقەتسىز باھالىغان كادىر بولسا كېلىدىغان بىر يىل ئىچدە شۇ تاللغىنىغا بۇرنى -قۇلاققىچە تويغىچە زەربىگە ئۇچرايدۇ....بۇ بىز دائىم كۆرۈپ تۇردىغان ئىشلار. مانا بۇ بىزدىكى  خېلى كۆپ قىسىم كادىرلارنىڭ ساپاسى ....بىز كادىرلاريالغۇز خزمەت ئىقتىدارمىزنى ،ساپايىمىزنى  ئۆستۈرۈپلا قالماي ئەڭ مۇھمى ھەققانىيەت تۇيغۇمىزنى ،ئىجتىمائىي ئادالەت تۇيغۇمىزنى ئۆستۈرسەك بولغىدەك ، بىزدەك جەمئىيەت سەرخللىرى ھېسابلىنىدىغان خان ئاشلقى يەيدىغانلار بۇنداق جۈرئەتسىز بولۇپ ،قانۇن بەرگەن دىمۇكراتىك نازارەتچىلىك ھوقۇقىمىزنى ئىشلىتەلمايۋاتساق ،ئاۋامدىن يەنە نېمە كۈتۈش مۇمكىن ؟ ئۆزىمىزنى ئىتراپ قىلىش ساختا ئالىيجاناپلىقتىن مىڭ ئەۋزەل . ئەمدى بىرقانچەيلەننىڭ مۇنبەردە قاقشىشى پەقەت «بېگىم يوق يەردە ئالىيىۋالاي »دىگەندەك بىر ئىش خالاس ،چۈنكى ھېچقانداق باشلىق مىسرانىمغا كىرىپ بۇ تېمىنى كۆرۈپ ئولتۇرمايدۇ .بۇنى ھەممىمىز بىلىمز. ئاخرىدا دەيدىغىنىم  بىزنىڭ زادى قانداق ئىشلەۋاتقىنىمىزنى ،كىم ئۈچۈن خىزمەت قىلۋاتقىنىمىزنى ،قانداق جاپا تارتىۋاتقىنىمزنى ئۆزىمىز قانچە سۆزلىسەكمۇ چاك باسمايدۇ ، يەنىلا باج تاپشۇرۇپ بىزنى بېقىۋاتقان ،بىزنىڭ خزمىتمىزنى كۆرۈپ تۇرۋاتقان خەلقىمىز باھالىسىۇن .

shoruq

	babur99 يوللىغان ۋاقتى  2014-7-23 01:17 AM ئەسسالامۇ ئەلەيكۇم ،بەلكىم دىگەنلىرىم مۇنبەردىكى بە ... مەنمۇ دەل شۇنداق دېمەكچى، قانۇن بەرگەن دىمۇكىراتىك نازارەتچىلىك ھوقۇقىمىزنى توغرا، جايىدا ئىشلىتەلىسەك، دېھقانلارمۇ ئۆزلىرىنىڭ نازارەتچىلىك ھوقۇقىنى جايىدا ئىشلەتسە، يېزىدىن يۇقىرى دەرىجىلىك بەزى ئورۇنلار دېھقانلارنىڭ ئەرزلىرىنى، ئۆزۈڭلار تەكشۈرۈپ بىر تەرەپ قىلىڭلار، دەپ يەنە ئاشۇ ئەرز قىلنىغان يېزا ۋە رەھبىرى كادىرغا قايتا يوللاپ بەرمىسە،ئەلۋەتتە، ئاساسى قاتلامنىڭ خىزمەتلىرى تېخىمۇ جايىدا يۈرۈشۈپ كەتكەن، بىزمۇ بۇ يەردە ‹ھال ئېيتىپ› ئولتۇرمىغان بولاتتۇق.

ۋېجدان

	شۇنداق