قىل ئۈستىدىكى ئىپپەت (پوۋسىت)

خەنجىرى

	ئاخىرىنى تىزرەك يوللاڭە

iptihar2014

	ياخشى يىزىپسىز ؟

zulnuri

	ئاخىرى قېنى؟؟؟؟؟؟؟؟؟؟

zulnuri

	بەك ساقلىتىۋەتمەي يوللىۋىتەسىز -ھە!

musilina

	داۋامى چىققاندا بىرنەرسە دەي.....

پىروزە

	قوش نىكاھلىق دادا (داۋامى.....) دىمەك، ھېلىقى چاغدا شەھەردىكىلەر بىزنىڭ ئۆيگە كېلىپ جىدەل چىقارغاندىن كېيىن، دادام بۇ ئىشنى بىلىپ ئايالى ۋە بالىلىرى بىلەن جىدەللىشىپ قاپتۇ، كېيىن ئايالىدىن ئاجىرشىمەن دەپ ئۆيىدىن چىقىپ كىتىپ ئۇدۇل بىزنىڭ ئۆيگە كەپتۇ، ئەسلى دادامنىڭ ئويىچە بىزنىڭ قېشىمىزدا بىر مەزگىل تۇرغاندىن كېيىن ئۇ ئايالدىن ئاجىراشقىچە بىرەر ئىش چىقىپ قالماسلىقى ئۈچۈن باشقا يەرگە كىتىپ تۇرماقچى بولۇپتىكەن، ئەپسۇس، دادامنىڭ ئۆيدىن چىقىپ كىتىپ بىزنىڭ قېشىمىزدا تۇرۋاتقانلىقىنى بىلگەن ئۇ ئايال ئاچچىقىدا بېرىپ ساقچىخانىغا دادامنى قوش نىكاھلانغان دەپ ئەرىز قىلىپ قويۇپتۇ، شۇنىڭ سەۋەپلىك ساقچىلار تەكشۈرۈپ دەلىل-ئىسپاتلارنى تولۇق دەپ قاراپ دادامنى تۇتۇپ كەتتى. لېكىن بۇ ئىشلار بۇنىڭلىق بىلەن تۈگىمىدى، ساقچىلار بىزنىڭ ئۆيگە كېلىپمۇ، ئاپامنى «توي قىلغان ئادەم بىلەن نىكاھ ئوقۇتۇپسىز» دەپ تازا ئاۋارە قىلدى، كېيىن دادامنىڭ «نۇسىرەتخان مېنىڭ ئايالىم بارلىقىنى بىلمەيتتى، مەن ئۇنىڭدىن يوشۇرغان» دەپ گۈۋاھلىق بېرى بىلەن ئاپام قۇتۇلۇپ قالدى، ئەپسۇس، ئارىدىن ئۇزۇن ئۆيمەي دادامنى سوتتىن «قوش نىكاھلىنىش جىنايىتى» بىلەن 6يىللىق كىسىۋەتتى. تەلىيىمىزگە شەھەردىكىلەر بىزنىڭ قايتا ئاۋارە قىلمىدى، دادام تۈرمىگە كىرىپ كەتكەندىن كېيىن ئاپام ئىككمىز ئانچە يالغۈزلۇق ھېس قىلىپ كەتمىگەن بولساقمۇ، لېكىن دادامنىڭ ئالتە يىل تۈرمىدە ياتىدىغانلىقىنى ئاڭلاپ چىدىماي قالدۇق، ھەممىدىن بەك ئاپا بىراقلا 10ياش قېرىپ كەتتى... ھەممىدىن يامان بولغىنى شۇكى، بۇ ئىشتىن كېيىن ئاپام ئىككىمىز قوشنىلارنىڭ، تونۇش بىلىشلەرنىڭ ئالدىدا يۈزىمىزنى كۆتۈرەلمەيلا قالدۇق، ئاياللار ئاپامغا خۇددى ئاپام ئۇلارنىڭمۇ ئۆيىنى بۇزغاندەك نەپىرەت كۆزلىرىدە قاراشتى، ئالدىدا قارغاشتى، بىچارە ئاپام  يۈرۈگۈمنى ئېچىشتۇرۇپ، بەكلا تۈگۈشۈپ كىتىپ كەتتى. ۋاقىت ناھايتتى تېز ئۆتۈپ كىتىپ باراتتى، مەن مەكتەپتە «ھارامدىن بولغان» دېگەن نامنى يۈدۈپ يۈرۈپ  تۇلۇقسىزنى ئاران پۇتتۇردۇم- دە ئاپامنىڭ جاپاسىغا چىدىماي مەكتەپتىن ئاجىرۋالىمەن دەپ تۇرۋالدىم، مېنىڭ ئويۇمچە مەكتەپتىن ئاجىرۋىلىپ ئاپامنىڭ ئىشىغا ياردەملەشسەم ئانچە-مۇنچە يۈكىنى يىنىكلەتسەم دەپ ئويلىغان  ئىدىم، لېكىن مېنىڭ بۇ قارارىم ئاپامنى تېخىمۇ ئېغىر دەرتتە قويدى: - ئوقىمايمەن، بۇ قانداق گەپ، ئوقىماي نىمىش قىلىسىز، مەن سىزدىن نى-نى ئارزۇ-ئۈمۈدلەرنى كۈتسەم، مۇشۇنداقلا بولدى قىلىۋىتەمسىز؟ ئەگەر تولۇق ئوتتۇرىدا ئوقۇمىسىڭىز مەن سىزدىن مەڭگۈ رازى بولمايمەن. - ئاپا، ئۇنداق دىمەڭ، كۈندە كوچا سۈپۈرۈپ بەكلا چارچاپ كىتىپ بارىسىز، مەن سىزگە ياردەملىشەي، يۈكىڭىزنى يىنىكلىتەي، ماقۇلمۇ؟ - توغرا مەن كوچا سۈپۈرىمەن، شۇنداق جاپا چىكىمەن، نىمىشقا؟ چۈنكى مەن ئوقۇمىغان، بىلىمىم يوق، ئىش ئۇقمىغانلىقىمدىن ، ئەقلىمنىڭ يوقلىقىدىن دادىڭىزغا تىگىپ مانا ھازىر مۇشۇ كۈنگە قالدىم، خەقنىڭ ئۆيىنىمۇ بۇزدۇم، بالىلىرىنى يىتىم قىلدىم، ئەجىبا سىزنىڭمۇ مۇشۇنداق كۈنگە قالغىڭىز بارما؟ ھازىر مەكتەپتىن چىقىۋالسىڭىز نىمىش قىلىسىز، خەق سىزنىڭ ئارامىڭىزدا قويامدۇ، ئەتە-ئۆگۈن تويىڭىزنىڭ قىلماي ئامال بولمايدۇ، شۇڭا ئوقۇيسىز ئاڭلىدىڭىزمۇ؟- ئاپامنىڭ بۇ كەسكىن گىپىنى ئاڭلاپ ئارتۇق گەپ قىلالمىدىم، ئۇنىڭ رازىلىقى ئۈچۈن ئاپامغا كۆزۈم قېيماي ئۆيگە يالغۈز تاشلاپ قويۇپ شەھەردىكى تولۇق ئوتتۇرا مەكتەپكە يول ئالدىم. 2. ئۆگەي دادا - سىلىنىڭمۇ ياشلىرى بىر يەرگە بېرىپ قالدى نۇسىرەتخان، نەچچە يىلدىن بېرى قىزلىرى بىلەن يالغۈز ياشاپ كەلدىلە، مانا ئەمدىلىكتە قىزلىرى شەھەرگە كىتىپ، ئۆزىلىرى يالغۈز تىكەندەك قالدىلا، شۇڭا بۈگۈن سىلىنىڭ غەملىرىنى يەپ ماۋۇ قوشنا كەنىتتىكى تۇرغۇنجانغا سىلىنى سوراپ كىردۇق، ئۆزلىرى بىلىدىلا تورغۇنجان ئاللاھنىڭ ياۋاش-يۇمشاق بىر بەدىسى، كەيىپ-ساپادا يوق، تەقۋادىر، مۇئمىن ئادەم، ئۇنىڭمۇ ئايالى تۈگەپ كەتكىلى بىر قانچە يىللار بولۇپ كەتتى، ھازىرغىچە بويتاق، شۇڭا سىلىمۇ ئاللاھ رازىلىقى ئۈچۈن بۇ ئىشقا ماقۇل بولغان بولسىلىرى....،- - ئۇغۇ شۇنداق ئىمامكا، لېكىن شۇنچە ۋاقىتتىن بېرى قىزىم بىلەن يالغۈز ياشاپ كەلدىم، مانا ئەمدى قېرىغاندا توي قىلسام قاملاشماس، چوپچوڭ قىزىمنىڭ ئالدىدا سەت تۇرىدۇ، شۇڭا بۇ ئىشقا مېنى مەجبۇرلىمىسىلا. - لېكىن نۇسىرەتخان، ئۆزلىرىمۇ بىلىدىلا، ئايال كىشى ئەسلى بۇنداق يالغۈز ئۆتمىگۈلىكتى، ئايال كىشىنىڭ مەھرەمسىز باسقان ھەر بىر قەدىمى گۈناھ، ئۇنىڭ ئۇستىگە نەچچە يىلدىن بېرى تۈرمۈش ھەلەكچىلىكىدە ئاز جاپا چەكمىدىلە، بۇنى يېزىدىكى ھەممىمىز كۆردۇق، قىزلىرى چوڭ بولدى، ئوقۇشىغا، كىيىنلىكىگە پۇل كېتىدىغان گەپ، قىزلىرىنىمۇ ئويلاپ قويسىلا، ئۇنى بىر ئومۇر يىتىم قويسىلىمۇ بولماس...... يېزىمىزنىڭ ھۆرمەتكە سازاۋەر چوڭىلىرىدىن ئىمامكام قاتارلىق بىر نەچچەيلەن نەچچە كۈندىن بېرى ئاپامغا توختىماي قوشنا يېزىدىكى تۇرغۇن توڭ دېگەن ئادەمنى داڭلاپ، ئاپامنى ئۇنىڭ توي قىلىشقا ئۈندەۋاتاتتى، بىچارە ئاپامنىڭ ئۇ يىراق- يېقىنغا تۇرغۇن توڭ دەپ داڭقى چىقىپ كەتكەن 50ياشلاردىن ھالقىغان يۈزلىرىنى قورۇق بېسىۋالغان ئادەمگە تەككىسى بولمىسىمۇ، بۇ ئادەملەر ئاپامنىڭ پۇلىقىنى تىنىچ قويمىدى. ئاخىرى ئاپام ئامالسىز ماقۇل بولدى، مەنمۇ ئاپامنىڭ بۇ ئىشىغا قارشى چىقمىدىم، ھېچ بولمىسا ئۆيدە بىر ئەرنىڭ بولغىنى ياخشى دەپ ئويلىدىم، لېكىن ئەنسىرەيدىغىنىم بۇنىڭدىن ئۈچ يىل ئىلگىرى يۇرىت-مەھەللىدە تۇرغۇن توڭنى يەنى مېنىڭ بوغۇسى دادامنى ، ئايالىنى تۇغمىدىڭ دەپ ئۈرۈپ ئۆلتۇرۇپ قويۇپتۇ دەپ گەپ تارقالغان بولۇپ، ساقچىلار نەچچە ئاي تەكشۈرۈپ، ئايالىنى كىسەل سەۋەبىدىن ئۆلگەن تۇرغۇن توڭنىڭ ھېچقانداق ئالاقىسى يوق دەپ ئۇنى ئاقلىغان ئىدى، شۇنىڭ بىلەن ئۇ گەپلەرمۇ ئاستا-ئاستا يوقالغان، ئەمدىلىككە كەلگەندە ئۈستىدىن شۇنداق يامان گەپلەر چىققان  ئادەم مېنىڭ دادام بولۇپ قالسا.... داۋامى بار...........

aspelen0996

	پوۋسىت ئۇقۇيمەن دەپ ئىز قۇغلاپ كىرگىنىمگە نائۈمۈدتە قالمىدىم ، يەنىلا ئۈمۈدۋارلىق بىلەن داۋامىنى ساقلاي .

axek13999649893

	go   go  go   غەيرەت  قىلىڭ

kaqvr

	تۇرغۇن توڭغا تىگىپ تاياققا تۇتۇلۇپ تېخىمۇ تىنجىمايدىكەندە ؟

adeli

	ئاخىرىنى تىزىراق يېزىپ تەييار قېلىپ بىرشىڭىزىنى ئۈمۈد قىلمەن !