قاچان ۋىسال بىزگە كۈلۈپ باقىدۇ؟

kepanogrisi

	بەكلا ياقتۇردۇم، ھەم ئەگەشكۈم كەلدى: ئاي بۇلۇت پىنھاندا سىرداشقان دەملەر، دۇنياغا كۆز ئاچار سۆيگۈ يامغۇرى. شۇ يامغۇر كۆكسۈڭگە تامچىغان دەقىق، لېۋىڭگە سۇنىمەن ۋىسال شەربىتى. سەۋىردىن پۈتۈلگەن ئاشۇ زۇننىرىڭ، شۇ چاغدىن چاچىدۇ بەخت ئەنبىرى. بىلىمگە ھەم يەنە باغلىنىدۇ چىڭ، ۋاپادىن تۈزۈلگەن ئەرلىك كەمىرى. چۆللەردە يۇلغۇنلار قىزىرار قايتا، كۆڭۈلنى لال قىلار جىگدە پۇرىقى. تىللاردا داستان بوپ ئېيتىلار كىيىن، ئىككىمىز قالدۇرغان سۆيگۈ قوشىقى.[/align]

Aytugh

	ark-zat يوللىغان ۋاقتى  2014-10-12 01:00 AM بۇ شېئىرنى يەنىمۇ پىششىقلاش كېرەككەن، ئالدىراپ يوللىن ... ئەمەلىيەتتە ئىككى قېتىم يازغان ئىدىم.ھەر ئىككىلىسىدىن ۋاز كېچەلمىدىم...خالىساڭلار تاللىشىپ بېرىشىڭلار ئۈچۈن يەنە بىر يېزىلىشىنىمۇ يوللاپ قوياي. ۋىسال قاچان بىزگە كۈلۈپ باقىدۇ سائادەت ساتتار ئايتۇغ ھەر تامچە يامغۇرنىڭ ئىسەدىشىدىن، ھەيۋەتتە يېرىلار زېمىننىڭ تېنى. خىيالغا چېچىمنى چىلاپ ئولتۇرۇپ، يامغۇر دەپ تەسەۋۇر قىلىمەن سېنى. مۇڭدىشىپ ئولتۇرار بۇلۇت بىلەن ئاي، شىددەتلىك چېقىلىپ تۇرسىمۇ چاقماق. مەجنۇنتال تۈۋىدە ئولتۇرۇپ جېنىم، ئەسلىدىم مەن سېنى ئۇزاق بەك ئۇزاق. يامغۇرلۇق يوللاردا قالغان ئىزىمىز، ساقلىنار يۈرەكنىڭ قېتىدا پىنھان. يۇلغۇنلۇق سايلاردا ئېيتقان ناخشىمىز، يامغۇردەك سىڭىدۇ يۈرەككە ھامان. يۇيۇلۇپ كەتمەيدۇ يامغۇردا ھەرگىز، جىگدىلىك باغلاردا بەرگەن ۋەدىلەر. سېغىنىش ئىشىكى چېكىلدى تەكرار، قورقىمە ئېچىشتىن ئۇنى شۇ قەدەر. باش باھار سۈيىدەك تىترىدى لىۋىم، مىھرىمنى ئۇزاتتىم ساڭا خىيالەن. قاچانمۇ كەڭ قۇچاق ئاچىدۇ ۋىسال، ئاھ جېنىم، مەن سېنى مەڭگۈ كۈتىمەن.

ark-zat

	Aytugh يوللىغان ۋاقتى  2014-10-12 01:19 AM ئەمەلىيەتتە ئىككى قېتىم يازغان ئىدىم.ھەر ئىككىلىسىدى ... بۇ نۇسقىسى پېچەتكەنغۇ، مەتبۇئاتقا دەرھال ماڭدۇرۇڭە

azizyaxa

	كىيىنكىسنىڭ چىنلىقى يۇقىرى ئىكەن

azizyaxa

	كىيىنكىسنىڭ چىنلىقى يۇقىرى ئىكەن

باشتۇغ

	Aytugh يوللىغان ۋاقتى  2014-10-12 01:19 AM ئەمەلىيەتتە ئىككى قېتىم يازغان ئىدىم.ھەر ئىككىلىسىدى ... مەن بۇ يېزىلىشىنى ياقتۇردۇم ، يېقىملىق چىقىپتۇ . سىزگە يېڭىچە ئىلھاملار يار بولغاي .

TAXNAI2

	كىيىنكى يوللانغىننى  مەن ياقتۇردۇم،،،تىل چۈشنىشلىك ھەم ئاممىباپ ...

ئىپارە

	راست ئىككىنجىسى ياخشى چىقىپتۇ ،  ئىجادىيەتلىرىڭىزگە ئۇتۇق تىلەيمەن!

appok

	ناھايىتى ياخشى  يىزىلىپتۇ داۋاملىق تىرشىڭ

appok

	ياقتۇردۇم