كىتاپخانىدىن ھەيدەلگەندە......

musapir114

	بۇنداق مەسىللەرگە زادى قانداق قاراش كىرەك

mercury

	خوتەندە ئىنساپ كۈتۈپخانىسىنىلا بىلىدىكەنمەن ، مۇھىتىمۇ شۇنداق ياخشى ، كىتابلىرىمۇ خىلىلا كۆپ ،  لىكىن  مەيلى  باشقا كۈنلەر بولسۇن  ياكى شەنبە يەكشەنبە كۈنلىرى بولسۇن ، كىتاب ئوقۇۋاتقانلار تولىمۇ ئاز ، بۇنى كۆرۈپ تولىمۇ ئەپسۇسلىنىپ قالىمەن . بەلكىم كۈتۈپخانا سودا سارىيىنىڭ 4- قەۋىتىدە بولغاچقا سرتتىن كەلگەن كىشىلەر ئانچە بىلىپ بولالمىغاندۇ ياكى چىقىشقا ئىرىنگەندۇ . ئەمما كىتابخانىدا ئۆرە تۇرۇپ كىتاپ ئوقۇۋاتقانلار ھەر ۋاقت خىلىلا كۆپ ، ھەم  ھازىرغىچە شىنخۇا كىتابخانىسى بولسۇن ياكى كىچىك كىتابخانىلار بولسۇن ، كىتابخانا خادىملىرىنىڭ كىتاب ئوقۇۋاتقانلىرىنى قوغلىغىنىنى ئۇچراتماپتىمەن ،  ئاڭلايدىغىنىم  پەقەت  كىتاب جازىسىدا ئولتۇرماڭلار ، كىتابنى ئۆزىنىڭ جايىغا قويۇڭلار ، بالىلار  بۇنىڭ ئىچىدە يۈگرىمەڭلار    دىگەندەك سۆزلەر .

nasif

	mercury يوللىغان ۋاقتى  2014-12-30 08:09 PM خوتەندە ئىنساپ كۈتۈپخانىسىنىلا بىلىدىكەنمەن ، مۇھىتى ... نەۋاخ ئۇ 4-قەۋەتتىكى ئىنساپنى يۆتكىۋەتكىلى، كائىناتنىڭ ئۆي جاھازىلىرى بازىرى قىلىۋەتتى ئۇ يەرنى ھازىر.

مەلىكە

	izqel يوللىغان ۋاقتى  2014-12-30 04:11 PM كىتاپخانىنىڭ بەلگىلىمىسى بار.تىجارەت قىلىدىغان سۇرۇن ... مەنمۇ بالىلىقىمدىكى بىر مەخپىيىتىمنى كۆپچىلىككە ئىيتىپ بىرەي، باشلانغۇچ ۋاقىتلىرىم ئىدى، ئەدەبىي كىتابلارغا شۇنچىلىك ھىرىسمەن ئىدىم، ساۋادىمنى چىقىرىپ بولۇپلا ھىكايە-چۆچەكلەرگە باشچىلاپلا چۆكۈپ كەتتىم. تاپشۇرۇقلىرىمنى ئىشلەپ بولاتتىم-دە، قەيەرلەردىندۇر ئارىيەت ئالغان چۆچەك، رومان، ھىكايە، ژورناللارنى ئىشتىياق بىلەن ئوقۇپ كىتەتتىم، باشلانغۇچ 6-يىللىقققا چىققان ۋاقتىمدا مەكتەپتىن چۈشلۈك دەم ئالدۇق، ئۇ كۈنى قىش پەسلى بولغاچقىمۇ بىر ساۋاقدىشىم ئىككىمىز ئۆيگە قايتماي، بازاردىن تاماق يەپ ۋىلسىپىتىمىزنى مىنىپ ناھىيەلىك شىنخۇا كىتابخانىسىغا كىردۇق. كىتابخانىغا كىرسەملا ھەممە كىتابنى ئۆزۈمنىڭ قىلىۋالغۇم كىلەتتى. ھەممە كىتابلارغا زوق بىلەن قاراپ چىققاندىن كىيىن بىر ھىكايىلەر توپلىمىنى كۆرۈشكە باشلىدىم، ساۋاقدىشىممۇ كىتابلارنى ئارلاپ ئوقۇشقا باشلىدى. شۇنچە تىز سۈرەت بىلەن ئوقۇساممۇ ھىكايە ھىچ تۈگەيدىغاندەك ئەمەس، دەرسكە بارىدىغان ۋاقتىمىز توشۇپ قىلىۋاتاتتى. دىمەك كىتابنى ئوقۇپ تۈگۈتىشىم ئەسلا مۈمكىن ئەمەس ئىدى. كىتابنى سىتىۋالايچۇ دەپ ئويلاپ باھاسىغا قارىسام 4يۇەن 8مو ئەتراپىدا ئىدى.  يىنىمدا 5يۇەندەك پۇل بار ئىدى، لىكىن يىرىمىنى ئوقۇپ تۈگەتكەن كىتابنى تولۇق باھاغا سىتىۋىلىشقا كۆزۈم قىيمىدى، شۇنىڭ بىلەن كۆڭلۈمگە يامان نىيەتتىن بىرنى پۈكتۈم، يەنى كىتابنى بوغچامغا سىلىۋىلىپ كىتابخانىدىن چىقىپ كىتىش ئىدى. كىملەرنىڭدۇر بىر چاغدا ‹كىتاب ئوغرىسى ئوغرى ئەمەس، ئۇ دىگەن  بىلىم ئوغرىسى› دىگەن سۆزى ئىسىمگە كىلىۋىلىپ ئۆزۈمنى ئاقلىدىم. ئاخىرى كاللامدا خىيالىمنى تەستىقلىدىم-دە،كىتابنى چاندۇرماي سومكامغا سىلىۋالدىم. يۈرەك دىگەن دەككە-دۈككىدە قاتتىق سىلىپ كەتتى، بۇ يەردىن تىزراق ئايرىلىشنى ئويلاپ، ساۋاقدىشىمنى چىقىپ كىتىشكە ئالدىراتتىم، ساۋاقدىشىم كىتابقا  قىيمىغاندەكقاراپ قويۇپ كەينىمدىن ئەگەشتى. مانا ئىشىككە ئاز قالدىم، يائاللا، نەپەسلىرىم جىددىيلىشىپ بىشىم چىڭقىلىپ كىتىۋاتاتتى، بۇ ئوغۇرلۇق دىگەنگىمۇ يۈرەك تازا چوڭ بولمىسا ئۆزىنى كىسەل قىلىۋالىدىغان نەرسە ئوخشايدۇ. ساۋاقدىشىم ئىككىمىز ئارقىمۇ ئارقا ئىشىكتىن چىقىتۇق، نىمىسىنى دەي، ئىشىكتىن ئاتلاپ، ساۋاقدىشىم كەينىمدىن قەدىمىنى ئالا-ئالمايلا ئۈسكىنىدىن ئۇزۇن قىلىپ ‹دىت-دىت-دىت› قىلغان ئاۋاز چىقماسمۇ؟! پۇت قوللىرىم بوشىشىپ بىرسى ئايلاندۇرۇپ قويىۋەتكەندەك بولۇپ قالدىم. كىتابخانا خادىمىنىڭ دىققىتى ئويلىمىغان يەردىن ماڭا ئەمەس، كەينىمدىن ئەگىشىپ قەدەم ئالغان ساۋاقدىشىمغا تىكىلدى. ‹ بۇياققا كىلىڭ، سومكىڭىزنى كۆرۈپ باقاي›  ئۇلار ساۋاقدىشىمغا ئىشارەت قىلىشتى. مەن بولسام جايىمدا دەقىقە تۇرىۋەتكەندىن كىيىن ئىشنىڭ سەل چاتاق بولىدىغانلىقىنى پەملىدىمدە، نىمە ئىش بولغانلىقىنى ئاڭقىرالماي سومكىسىنى كۆتۈرۈپ كىتابخانا خادىمىنىڭ يىنىغا كىتىۋاتقان ساۋاقدىشىمغا سوڭداشتىم. ۋە تىزدىن چىرايىمغا قولاشمىغان كۈلكە يۈگۈرتۈپ:‹ ۋوي راست، ما كاللامنى كۆرمەمدىغان، كىتابنى سىتىۋالىمەن، دەپ سومكامغا سىلىپ قويۇپ پۇل تۆلەشنى ئۇنتۇپ قاپتىمەن ئەمەسمۇ؟!› يەنە  نىمىلەرنى دىدىمكىن، ئىسىمدە يوق، جىقلا چۈشەندۈرۈشلەرنى بىرىپ يۈزى قىلىن كىتابنى ئاستا سومكامدىن ئىلىپ پۇل تۆلىدىم، كىتابخانا خادىمىمۇ ناھايتتى قاملاشقان بىر يىگىت ئىدى ئەينى چاغدا،   ئۇ يىگىت مۆتىۋەرلەرچە ‹ھىچقىسى يوق› دەپ پۇلنى ئالدى، ساۋاقدىشىم بولسا ماڭا غەلىتە نەزەر بىلەن قاراپ قويدى، كىتابخانىدىن مەكتەپكە بارغۇچە يۈزۈمنىڭ قانچىلىك قىزارغىنى ھىلھەممۇ ئىسىمدە. شۇ ئىشتىن كىيىن ئۆزۈمنى ھىىقى ساۋاقدىشىمدىن قاچۇرۇپ يۈردۈم. ھى..ھى... ئارىدىن ئون نەچچە يىل ئۆتۈپ كەتتى، لىكىن ناھىيىمىزدىكى شۇ كىتابخانا ئازراقمۇ ئۆزگەرگىنى يوق، ھەتتا ھىلىقى قاملاشقان يىگىتمۇ، قىززىق يىرى ھەر قىتىم ئۈرۈمچىدىن يۇرتۇمغا قايتقاندا شۇ كىتابخانىغا كىرىپ كىتاب ئوقۇپ ياكى سىتىۋالىمەن. 10نەچچە ياشلىق كىچىك قىزچاقتىن 20نەچچە ياشلىق بەرنە قىزغا ئايلانغان مەن كىيىنچە ھىلىقى قاملاشقان يىگىت بىلەن(ئەلۋەتتە يىگىت دىيىشكە بولمايدۇ، دىيىش توغرا كەلسە ئاكاش دىيىش كىرەك) كىتاب سىتىۋىلىش جەرياندا يىقىن تۇنۇشلاردىنمۇ بولۇپ قالدۇق. لىكىن ئەينى ۋاقتىدىكى كىتاب ئوغرىسىنىڭ مەن ئىكەنلىكى ئۇ يىگىتنىڭ خىيالىغا كىرىپمۇ چىقمىسا كىرەك.

BUEREZAT

	تۇران يوللىغان ۋاقتى  2014-12-30 12:56 PM مېنىڭ كىتابخانامغا كەلسە، ئورۇندۇق قويۇپ بېرىمەن كىت ... ئەينى مۇددئا،ئىجتمائى ئۈنۈم بىلەن ئىقتىسادى ئۈنۈمنى تەڭ ئويلاش كىرەك，پايدېلىنى كۆزلەپ خېرىدارنى ئەلا بىلمگەن كارخانا ھامان بىر كۈنى رىقابەتچىسىدىن يېڭىلىپ قالىدۇ،ئەگەردە شىنخۇا كىتاپخانىللىرىنىڭ رىقابەتچىلللىرى كۆپرەك بۇلۇپ كىتاپچىلىقمۇ قاساتلىشىلىپ قالمىغان بولسا بەلكىم بۇنداق ئەھۋال يۈ بەرمىگەن بۇلاتتى،مەن ئىچىكىرىنىڭ مەيلى كىتاپ ساتىدىغان كىتاپخانا بولسڭن مەيلى ئارىيەت بېرىدىغان كۇتۇپخانا بولسۇن ھېچقانداق بىر كىتاپخانىدا كىتاپ ئۇقۇيدىغان كىشىنى ھەيدەپ چىقىرىدىغان ئەھۋالنى ئۇچراتتىم،بۇ ياقلاردىكى كىتاپخانىلاردا ئولتۇردىغان يەر بولسىلا تىنچلىقىنى ساقلاپ ئۆز ئىشنى قىلىپ خاتىرە قالدۇرۇپ خاتىرە كومىيوتىرلىرىنى ئىشلىتىپ ۋە ياكى ئارام ئېلىپ چىقىپ كەتسىمۇ ھېچكىم گەپ قىلمايدۇ تېخى بىر كويلۇق تەڭگە تاشلايدىغان ئاپتوماتىك قەھۋە ماشىنسى دىگەندەك نەرسىلەر بار، ئەگەردە ئۇنداق ئىش باشقا يەردە يۇز بەرگەن بولسىمۇ مەيىلتى لىكىن ئۈرۈمچىدەك چوڭ بىر مەدەنىي شەھەردە ئۇنداق ئىش يۈز بەرسە سەل ئادەم قۇبۇل قىلالماي قالىدىكەن،ئۇ كىتاپخانىنىڭ كارخانا مەدەنىيتى سەل قالاقكەن كىتاپ ئالمىسىمۇ دوكانغا كىرگەن خېرىدارغا ئۇنداق مۇئامىلە قىلىدىغانغا ھازىر قايسى زامان؟ ئۆتكەندە ئۈرۈمچىدە چايخانىغا كىتاپ تىزىلغانلىقى كىشنىنىڭ دىلىنى سۈيۈندۈرگەن، مۇشۇنداق  شەكىلىدىكى ئۇسۇلنى كۆپرەك قوللانسا ياخشى بۇلىدىكەن،مەسلەن بۇرۇن كىچىك چاغلىرىمىدا جەنۇپ تەرەپتىكى بازارلاردا دوغاپ ساتىدىغانلار سىنئالغۇدا كىنولارنى قۇيۇپ قۇيۇپ دوغاپ ساتاتتى،بەزى ئادەملەر بەش مولۇق دوغاپ ئېلىپ قۇيۇپ يېرىم كۈنگۈچە كىنو كۆرۈپ كىتەتتى،ۋە ياكى بەزىلەر كىنوغا قىزىقىپ قېىلىپ دوغاپ ئالاتتى شۇنىڭدەك بىر ئىش...

uyghur05

	albax يوللىغان ۋاقتى  2014-12-30 12:42 PM ئۇرۇمچىدە كىتاپخانىلارنى خېلى بىلىمەن ، بىراق مەڭگۈت ... ئۈرۈمچىدە مەن بىلىدىغان كۈتۈپخانىدىن بىلكۈچ كۇتۇپخانىسى بار . ئادرىسى يەنئەن يولى چىگرا رايون مىھمانخانىسى رۇيدا سودا بىناسى 12-قەۋەتتە . كىتابنى كارتا ئارقىلىق ئارىيەت ئالىسىز كارتا تۈرلىرىدىن： كۈمۈش كارتا ئالتۇن كارتا ئالماس كارتا ھەممە كارتىغا يىللىق ئىجارە تاپشۇرىسىز پۇلى ئوخشىمايدۇ بىر قېتىمدا 1دىن 20گىچە ئارىيەت ئالغىلى بولىدىكەن. مەنمۇ مۇشۇ كۈتۈپخانىنى بىلگەندىن كېيىن داۋاملىق مۇشۇ يەرگە كېلىدىغان بولدۇم مۇھىتىمۇ ياخشى كىتاب تۈرلىرىمۇ ناھايىتى موللىشىۋاتىدۇ. بولسا مۇشۇ يەرگە كېلىڭ كىتابتىن باشقا يەنە قەھۋە ئۇششاق چۈششەك يىمەكلىك دىگەندەك مۇلازىمەتلەرمۇ باركەن . چىگرا رايوننىڭ يىنىدىكى شىنجاڭ ئۇنۋېرسىتىتى دەرۋانىڭ يىنىدىكى بانكىنىڭ ئۈستىدە 12-قەۋەتتە

uyghur05

	بىلكۈچ كۇتۇبخانىسىنىڭ كىتاب ئارىيەتكە ئېلىش كارتىلىرى بىلكۈچ كۇتۇبخانىسى خەلققە تېخىمۇ قولايلىق كىتاب ئارىيەتكە ئېلىش شارائىتى يارتىپ بېرىش ئۈچۈن، تۆۋەندىكىدەك كارتىلارنى ئىشلەپ تارقاتتى (ئەسكەرتىش: كىتاب ئارىيەتكە ئېلىش پۈتۈنلەي ھەقسىز بولۇپ تۆۋەندىكى ھەقلەر پەقەتلا مۇلازىمەت ھەققى ھېساپلىندۇ): 1.كۈمۈش كارتا: خالىغانچە كىتاب ئارىيەتكە ئالالايدۇ، زاكالەت تاپشۇرمايدۇ، لېكىن بىر قېتىمدا بىرلا كىتاب ئەكەتكىلى بولىدۇ. بىر يىللىق مۇلازىمەت ھەققى 49  يۈەن.بۇ كارتا ئوتتۇرا باشلانغۇچ مەكتەپ ئوقۇغۇچىلىرى ۋە كۇتۇپخانىغا كېلىش ئىمكانىيىتى بار.ھەم ھەر  ساھەدىكى تۆۋەن كىرىملىق ۋە ئوتتۇرا ياشلىق كىشىلەرگە ماس كېلىدۇ. 2.كۈمۈش كارتا (VIP): تېلېفون ئارقىلىق كىتاب تىزىملىكىنى ئېيتىپ بەرسە، ئائىلە، ئىشخانا ۋە دۇكان-سارايلارغىچە ئاپىرىپ بېرىلىدۇ. لېكىن، بىر قېتىمدا بىرلا كىتاب ئاپىرىپ بېرىلىدۇ. زاكالەت تاپشۇرمايدۇ. يىللىق مۇلازىمەت ھەققى 99  يۈەن.بۇ مۇلازىمىتىمىز ئاساسلىقى ياشانغانلار .مىيىپ. ئاجىزلار. تىجارەتچى-سودىگەرلەر .قىسقىسى كۈتۇپخانغا كىلىپ كىتاب ئارىيەت ئىلىش قولايسىز بولغان قىرىنداشلارغا ماس كىلدۇ. 3.ئالتۇن كارتا: بىر قېتىمدا 1-5 كىتابنى زاكالەت تاپشۇرماستىن ئارىيەتكە ئالايدۇ، بۇ كارتىنىڭ يىللىق مۇلازىمەت ھەققى 180  يۈەن.بۇ مۇلازىمىتىمىز كۇتۇپخانىمىزغا كىلىپ كىتاب ئارىيەتكە ئېلىش ئىمكانىيىتى بار .بىراق ئۆيى سەل يىراق كىشىلەر ياكى تۇرۇشلۇق ئورنى كۇتۇپخانىمىزغا يىقىن بولسىمۇ دائىم كۇتۇپخانىغا كېلىشكە ۋاقىت چىقىرالمايدىغان ھەر ساھەدىكى كىشىلەرگە ماس كېلىدۇ.   4.ئالتۇن كارتا (VIP): تېلېفون قىلىپ كىتاب تىزىملىكىنى ئېيتىپ بەرسىە، ئائىلە، ئىشخانا ۋە دۇكان-سارايلارغىچە 1-5 كىتاب ھەقسىز يەتكۈزۈپ بېرىلىدۇ. قۇشۇمچە بىر يىل ئىچىدىكى خالىغان1 لېكسىيەگە ھەقسىز قاتنىشالايدۇ. مۇلازىمەت ھەققى280يۈەن/يىل.بۇ مۇلازىمىتىمىز ئاساسلىقى ياشانغانلار. مىيىپ -ئاجىزلار. ئالدىراش كارخانچىلار. قىسقىسى كۇتۇپخانىغا كىلىپ كىتاب ئارىيەت ئىلىش قولايسىز. بولغان ئىقتىسادىي ئەھۋالى بىر قەدەر ياخشى بولغان قىرىنداشلىرىمىزغا ماس كىلىدۇ.   5.ئالماس كارتا: بىر قېتىمدا بىراقلا 1-20 كىتابلارنى ئارىيەتكە ئالالايدۇ، قوشۇمچە بىر يىل ئىچىدىكى خالىغان3 لېكسىيەگە قاتنىشالايدۇ. مۇلازىمەت ھەققى580  يۈەن/يىللىق.بۇ مۇلازىمىتىمىز شىركەت. ئامىۋى سورۇن. ئاشخانا. دوختۇرخانا كارخانا لىدىرلىرى. تەتقىقاتچىلار .جامائەت ئەربابلىرىغا ماس كىلدۇ. 6.ئالماس كارتا (VIP): تېلېفون ئارقىلىق كىتاب تىزىملىكىنى ئېيتىپ بەرسە ئائىلە،ئىشخانا دۇكان-سارايلارغىچە 1-20 كىتاب يەتكۈزۈپ بېرىلىدۇ. قۇشۇمچە بىريىل ئىچىدىكى خالىغان 5 لېكسىيەگە ھەقسىز قاتنىشالايدۇ.  يىللىق مۇلازىمەت ھەققى 980يۈەن. بۇ مۇلازىمىتىمىز ئاساسلىقى كۈنلىرى ئالدىراش ئۆتىدىغان شىركەت. كان-كارخانا خوجايىنلىرى ۋە جامائەت ئەربابلىرىغا تولىمۇ ماس كىلدۇ. مەنزىل: ئۈرۈمچى، يەنئەن يولى، رۈيدا چىگرا رايون دۇنيا سودا مەركىزى 12-قەۋەت ( بىلكۈچ كۇتۇپخانىسى)

كاشكارى

	مەلىكە يوللىغان ۋاقتى  2014-12-30 08:32 PM مەنمۇ بالىلىقىمدىكى بىر مەخپىيىتىمنى كۆپچىلىككە ئىي ... بۇندىن كىيىن ئۇنداق قىلماڭ جۇمۇ!كىتاب ئوغرىسى ئوغرى ئەمەس كىتاب ئوغۇرلاشمۇ توغرى ئەمەس.

كاشكارى

	uyghur05 يوللىغان ۋاقتى  2014-12-30 09:26 PM بىلكۈچ كۇتۇبخانىسىنىڭ كىتاب ئارىيەتكە ئېلىش كارتىلىر ... كىتابلىرى داۋاملىق يىڭلىنىپ تۇرىدىغاندۇ ھە شۇنىڭغا قارىغاندا؟

mercury

	nasif يوللىغان ۋاقتى  2014-12-30 06:17 PM نەۋاخ ئۇ 4-قەۋەتتىكى ئىنساپنى يۆتكىۋەتكىلى، كائىناتن ... ھە ،  تىخى  ئۈلۈشكۈنمۇ ئۆز جايىدا   بار  ئىدى ،  ئۆي جاھازىلىرى سىرتىدىكى بوش جايلارغا تىزىقلىقكەن .