ﻣﯧﻨﻰ ﺳﻪﻥ ﺑﯩﯟﺍﭘﺎ ﺩﻩﻳﺴﻪﻥ، ﺋﯚﺯﻩﯓ ﻗﺎﻧﭽﻪ ﯞﺍﭘﺎ ﻗﯩﻠﺪﯨﯔ،
ﺋﻪﺟﻪﭖ ﮔﻪﭘﻘﯘ، ﻧﯩﻤﯩﺸﻘﺎ ﺑﯘ ﺋﺎﮬﺎﻧﻪﺗﻨﻰ ﻣﺎﯕﺎ ﻗﯩﻠﺪﯨﯔ.
ﻟﯩﯟﯨﻤﺪﯨﻦ ﻣﻪﻱ ﺑﯧﺮﻩﻱ، ﮔﯜﻟﺪﻩﻙ ﺋﯧﭽﯩﻠﻐﯩﻦ ﺩﻩﭖ ﻣﯧﻨﻰ ﺋﺎﻟﺪﺍﭖ،
ﺳﯧﻠﯩﭗ ﺟﯩﺴﻤﯩﻤﻐﺎ ﺗﻪﺷﻨﺎﻟﯩﻖ، ﻳﯜﺯﯛﻣﻨﻰ ﻛﻪﮬﺮﯨﯟﺍ ﻗﯩﻠﺪﯨﯔ.
ﻣﺎﯕﺎ ﺳﻪﻥ ﮔﯜﻝ ﺗﺎﻗﺎﻳﻤﻪﻥ ﺩﻩﭖ ﯞﻩﻟﯩﻜﯩﻦ ﺋﺎﺗﺘﯩﯔ ﺋﺎﺯﻏﺎﻧﻨﻰ،
ﺑﯘ ﻗﺎﻧﺪﺍﻕ ﮔﯜﻝ ﺗﺎﻗﺎﺵ ﺑﻮﻟﺪﯨﻜﻰ، ﺑﺎﻏﺮﯨﻤﻨﻰ ﻳﺎﺭﺍ ﻗﯩﻠﺪﯨﯔ.
ﻛﯚﺗﻪﺭﮔﻪﻳﻤﻪﻥ ﺑﯧﺸﯩﻤﺪﺍ ﺩﻩﭖ ﻻﭖ ﺋﯘﺭﻏﺎﻧﺘﯩﯔ(ﻛﯚﺗﻪﺭﻣﻪﻱ ﻗﻮﻱ)
ﻣﯩﻨﯩﭗ ﮔﻪﺟﮕﻪﻣﮕﻪ ﺋﻪﻛﺴﯩﭽﻪ "ﺋﯩﻠﯩﭗ"ﻗﻪﺩﺩﯨﻤﻨﻰ"ﻳﺎ"ﻗﯩﻠﺪﯨﯔ.
ﻣﯘﮬﻪﺑﺒﻪﺗﻨﯩﯔ ﻣﻮﮬﯩﻢ ﺷﻪﺭﺗﻰ ﺋﻪﻣﻪﺳﻤﯘ ﺗﻪﯓ-ﺑﺎﺭﺍﯞﻩﺭﻟﯩﻚ،
ﻣﯧﻨﻰ ﻧﯩﭽﯜﻥ ﺳﺎﻧﺎپ ﺩﺍﯕﮕﺎﻝ، ﺋﯚﺯﯛﯕﻨﻰ ﺑﯩﺒﺎﮬﺎ ﻗﯩﻠﺪﯨﯔ.
ﯞﺍﭘﺎﻧﯩﯔ ﻣﻪﻧﯩﺴﻰ ﺗﻪﺗﯜﺭ ﺋﯩﻜﻪﻥ ﺳﻪﻥ ﺋﻮﻗﯘﻏﺎﻥ ﺑﺎﭘﺘﺎ،
ﺋﻪﻣﻪﺱ ﺑﻮﻟﺴﺎ، ﻧﯩﻤﯩﺸﻘﺎ ﻣﻪﻥ ﯞﺍﭘﺎ ﻗﯩﻠﺴﺎﻡ، ﺟﺎﭘﺎ ﻗﯩﻠﺪﯨﯔ.
ﺟﺎﮬﺎﻧﺪﺍ ﺗﯘﺗﯩﻴﺎﻧﻰ ﮬﯩﭻ ﻛﯩﺸﻰ ﻛﯚﺭﻣﻪﭘﺘﯩﻜﻪﻥ ﺯﺍﺩﻯ،
ﮔﻮﻳﺎ ﺳﻪﻧﻤﯘ ﯞﯗﺟﯘﺩﯗﯕﺪﺍ ﯞﺍﭘﺎﻧﻰ ﺗﯘﺗﯩﻴﺎ ﻗﯩﻠﺪﯨﯔ.
ﺳﺎﯕﺎ ﻳﺎﻏﺪﯗﺭﺳﺎ ﺋﻪﻝ ﻧﻪﭘﺮﻩﺕ ﺗﯧﺸﯩﻨﻰ، ﻣﺎﯕﺎ ﺩﯙﯕﮕﻪﻣﺴﻪﻥ،
ﻣﯘﮬﻪﺑﺒﻪﺕ ﺭﻩﺳﻤﻰ ﺋﺎﻟﺪﯨﺪﺍ ﺋﯚﺯﻩﯓ ﺳﺎﻧﺴﯩﺰ ﮔﯘﻧﺎ ﻗﯩﻠﺪﯨﯔ.
ﺳﯧﻨﯩﯖﺪﯨﻦ ﺷﯘﻧﭽﻪ ﺑﯩﺰﺍﺭ ﺑﻮﻟﻐﯘﻧﯘﻣﻨﻰ ﻛﯚﺭﻣﯩﮕﯩﻦ ﻣﻪﻧﺪﯨﻦ،
ﺋﺎﻣﺎﻟﯩﻢ ﻳﻮﻕ، ﺑﯘ ﺋﻪﮬﯟﺍﻟﻐﺎ ﻣﯧﻨﻰ ﺳﻪﻥ ﻣﯘﭘﺘﯩﻼ ﻗﯩﻠﺪﯨﯔ.