كاتتايلاق خەلق ناخشىسى «روزىلەم»

rana3345

	555rikabatqi يوللىغان ۋاقتى  2015-1-31 06:08 PM بۇ «كاتتايلاق» دىگەن گەپ نەدىن كىرگەن گەپتۇ ماڭىغۇ «كا ... مەيلى نامى«كالتە»بولسۇن،مەيلى«كاتتايلاق»ماڭا ، ئوي - خىيالىمدا پايانسىز كاتتابىر يايلاق ماڭاا. قانچە راھەت تاڭ سەھەر چۇ - چۇلىغان تۇرغاي كەبى، ئۈن سېلىپ كەڭلىكلىرىدە پەي - قانات يايماق ماڭا . بۇ دىيارنىڭ ئەھلى خۇش ئاۋاز،چېۋەر ،ئىشچان يەنە، كە تېپىلغاي ئېزدىسەم بۇنداق ئېسىل ئايماق ماڭا. گەرچە زەي ،شورلۇق زىمىنى،سۇلىرى تۇزلۇق لىكىن ، شۇنچە لەززەتلىك تېتۇر نان،سۈت ،قىتىق، قايماق ماڭا. قاتلىما،جۆۋەندە، نارىن چۆپلىرىنى بىر دىمەڭ ، سويمىسى شېرىن -شىكەردەك ،بولسىمۇ مايماق ماڭا. كۈي - غەزەلچى ھەم چېلىشچى پالۋانلار يۇرتى بۇ ، بۇندا مېھنەتلىك ،بۇندا سەنئەتلىك ھايات قايناق ماڭا . ئۆتسە «گۈلئايىم»نى توۋلاپ نەۋقىران ئەركەكلىرى ، ئاڭلىنار كىم ناخشىسى شۇنداق لېۋەن ،ياڭراق ماڭا . يارى ئۆستەڭ بويىدا مۇڭداشسا «خالىدەم»بىلەن ، سۆيگۈ گۈلشەنى بىلىنگەي شۇ چىمەن قىرغاق ماڭا. «باغدا باققان پاقلىنىم»نىڭ ئامرىقى مىڭ -مىڭچە بار، مەنمۇ ئامراق «روزىلەم»گە ،«قوزىلەم» ئامراق ماڭا. قاغا جىگدە تۈۋىدە ساقلايدۇ «گۈلمەرەم» تىخى، نازلىنىپ قاش ئوينىتامدۇ بولمىسا مۇشتاق ماڭا ؟ (ئابلەت ئىسمايىل ئوغلان)

rana3345

	روزىلەمنىڭ داۋامى "مەن بازارغا بارمايمەن، ياندا پۇلۇم يۇق مىنىڭ . روزىلەمدەك يارىم بار، مەڭگۈ كۆڭلۈم توق مىنىڭ . ئاللا، ئاللا روزىلەم ، ساڭا دەرت ،ماڭا ئەلەم" "يۇقىرىدىن كەلگەنسەن، جىگدىگە يۆلەنگنسەن. مېنى قىيناپ ،روزىلەم ، نېمىشقىمۇ تۆرەلگەنسەن. روزىلەمما ،روزىلەم ، ساڭا دەرت ،ماڭا ئەلەم" ئايمۇ چىقىپ ئۆرلىدى، كۈنمۇ چىقىپ ئۆرلىدى. ئۆگەي ئانام نائەھلى ، ماڭا كۆڭۈل بۆلمىدى. روزىلەمما ،روزىلەم ، ساڭا دەرت ،ماڭا ئەلەم" "تۇىۇم كۆمدۈم ئوچاققا، ئېتىلغاندۇ بۇ چاققا . روزىلەمخان ئامرىقىم ، سېغىنغاندۇ بۇ چاغقا. روزىلەمما ،روزىلەم ، دەردى يامان قوزىلەم . ئۇيقۇم كەلمەي تاڭغىچە، ناخشا ئېيتتىم ھارغىچە. چىق ئۆيۈڭدىن روزىلەم ، كۆرۈۋالاي قانغۇچە . روزىلەمما ،روزىلەم ، ئوتى يامان قوزىلەم . سەرسان بولدۇم سېنى دەپ، خىيالىڭدا بارمۇ مەن؟ ئون كۈن بولدى كۆرمىدىم ، ساق -سالامەت بارمۇ سەن ؟! روزىلەمما ،روزىلەم ، ئوتى يامان روزىلەم ... بۇقۇلدايدۇ دەمدەرلەر كۇۋىكىدا ،پەغەزدە . قاچانغىچە ساقلايدۇ ، داداڭ سىنى قەپەستە . ئاللا،ئاللا روزىلەم ، ئوتى يامان قوزىلەم . "پات - پات كىلىپ ئۆيۈڭگە، كاككۇك بولۇپ سايرايمەن. چىقىپ ئىگىز ئۆگزەڭگە ، تۇڭلۇكىڭدىن مارايمەن ئاللا ،ئاللا روزىلەم ، بوستان سېكىلەك قوزىلەم . روزىلەمنىڭ ھويلىسى چوقچىدىكى كەڭلىكتە. روزىلەمگە كۆيدۈم دەپ ، ئەمدى قالدىم تەڭلىكتە. ئاللا، ئاللا روزىلەم ، ساڭا دەرد،ماڭا ئەلەم. "ئىچكىلى چاي بولمىسا، ئولتۇرغىلى جاي بولمىسا، ئولتۇرۇپ نىمە قىلاي ، روزىلەمخان بولمىسا . ئاللا، ئاللا روزىلەم ، ساڭا دەرد،ماڭا ئەلەم. چىقىۋالدىم تېرەككە ، دەردنى سالدىڭ يۈرەككە. كۆڭلۈم ھەرگىز ئۇنىماس سەن يايرىمدىن بۆلەككە. ئاللا، ئاللا روزىلەم ، بوستان سىكىلەك قوزىلەم.   داۋامى بار.... 0..........

rana3345

	بۇ بىر مۇھەببەت ھىكايىسى . بىر دىھقان يىگىتنىڭ پاك قەلبىدىن ئۇرغۇپ چىققان سۆيگۈ قوشىقى . داۋامى خىلى بار . ئاخرىغىچە ئوقۇسىڭىز بىر تەسىرلىك مۇھەببەت ھىكايىسىنى ئاڭلىغان دەك بولىسىز .

شورلۇق

	ئەسسالامۇ ئەلەيكۇم قېرىندىشىم رەنا 3345  ئالدى بىلەن سىزگە ئامانلىق تىلەيمەن. باشقىلارنىڭ ئەمگىكىنى ھۆرمەتلەپ قويۇڭ قويۇڭ قېرىندىشىم. بۇ قوشاقلارنى «  سىرلىق ماكان -كاتتايلاق »  دېگەن كىتاپتىن ئېلىنىپتىغۇ ئەسكەرتىپ قويغان بولسىڭىز بۇ سىزنىڭ سەمىمىيىتىڭىز بولماسمىدى....

rana3345

	شورلۇق يوللىغان ۋاقتى  2015-2-1 12:00 AM ئەسسالامۇ ئەلەيكۇم قېرىندىشىم رەنا 3345  ئالدى بىلەن سىز ... ۋەئەلەيكۇم ئەسسالام  قىرىنشىم . توغرا بۇ قوشاقلار شۇ كىتاپتىن ئىلىنغان . قوشاقلارنىڭ داۋامى بار . مەنبەنى ئاخىرىدا ئەسكەرتىمەن . مەن بۇ قوشاقلارنى غەزەل تاغىمىزنىڭ ئاغزىدىن كۆپ قىتىم ئاڭلىغان. شۇڭا بارلىق قوشاقلارنى بىر قىتىم يىغىپ تورداشلارنىڭ ھوزۇرىغا سۇنۇشنى ئويلىدىم .  ئەسكەرتكىنىڭىزگە رەھمەت .

شورلۇق

	rana3345 يوللىغان ۋاقتى  2015-2-1 12:12 AM ۋەئەلەيكۇم ئەسسالام  قىرىنشىم . توغرا بۇ قوشاقلار شۇ ك ... مەنىۋى مىراسلارنى ئاڭلاپ يىعىش ، ئۇنى حەلق بىلەن ئۇچراشتۇرۇش بەكمۇ ئەھمىيەتلىك ئىش . بۇ كىتابتا تىلعا ئءلىنمىعان قوشاقلار بولسا بەكمۇ ياحشى بولاتتى . بۇ قوشاقلار بۇرۇنلا بۇمۇنبەردە مۇنبەرداشلار بىلەن ئۇچراشقان  ئىدى. بۇمۇ بولۇپتۇ كىتاپتىن ئالعىنڭىزنى ئەسكەرتىپ ماڭارسىز قېرىندىشىم.

rana3345

	"دەردى يوق دەمسەن مىنى ، دەردىم تولا، بىداۋا. روزىلەمخان قىز بالا، ھالىمنى سورىساڭ نىم بولا. ئاللا ،ئاللا روزىلەم ، ئوتى يامان قوزىلەم . چاپىنىمنىڭ يىڭىنى ، بىشىمغا قويدۇم تىڭىنى . روزىلەمنىڭ دەردىدە، بېسىۋالدى غەم مىنى . ئاللا ،ئاللا روزىلەم ، ئوتى يامان قوزىلەم . "سۇنى ئاچسام ئېرىققا، بېرىپ زاكوغا تاقاشتى. كېچىدە ساقالپ ياتسام، ئابلىز ئەيسا ئەپقاچتى . ئاللا ،ئاللا روزىلەم ، ساڭا دەرد ، ماڭا ئەلەم  . "ئالما كۆمدۈم تاللىققا ، تالنى ئاچقاندا چىقار. روزىلەمنىڭ كۆيىكى جان تالاشقاندا چىقار. ئاللا ،ئاللا روزىلەم ، ساڭا دەرد ، ماڭا ئەلەم  . سۇغا چىقتىم كۆلچەككە، كۆزۈم چۈشتى ئۆردەككە. ئۆمرۈم بويى كۆيمەسمەن روزىلەمدىن بۆلەككە. روزىلەمما ، روزىلەم ، ساڭا دەرد ، ماڭا ئەلەم . ھاۋادىكى بوز تورغاي ، سايرىمىساڭ نېم بولغاي . ئوتى يامان روزىلەم ، قىينىمىساڭ نېم بولغاي . ئاللا ،ئاللا روزىلەم ، ساڭا دەرد ، ماڭا ئەلەم  . قاپاق تىرەك كېسىلدى ، ھېچ كىشىنىڭ كارى يوق . مېنى سەندىن ئايرىدى ، داداڭ دېگەن ئەقلى يوق . ئاللا ،ئاللا روزىلەم ، ساڭا دەرد ، ماڭا ئەلەم  . سۇنى ئاچسام ئاقمىدى ، بېلىڭدىكى قاقمىدى . روزىلەمدىن باشقىسى مىجەزىمگە ياقمىدى. ئاللا ،ئاللا روزىلەم ، ساڭا دەرد ، ماڭا ئەلەم  . مەن نېمە بولدۇم بۈگۈن ، خىيال قىلدىم ئاخشامدا. روزىلەمنىڭ دەردىنى قېتىۋالدىم ناخشامغا . ئاللا ،ئاللا روزىلەم ، ساڭا دەرد ، ماڭا ئەلەم  . تاغ كەينىدە تاغلار بار، يۈرەكلەردە داغلار بار . پەخەس بولايلى دائىم ، ئارىمىزدا زاغلار بار . ئاللا ،ئاللا روزىلەم ، ساڭا دەرد ، ماڭا ئەلەم  . ئايمۇ چىقىپ ئۆرلەيدۇ، كۈنمۇ چىقىپ ئۆرلەيدۇ. مىنىڭ تارتقان دەردىمنى ، خەلقئالەم بىلمەيدۇ. ئاللا ،ئاللا روزىلەم ، ساڭا دەرد ، ماڭا ئەلەم  . روزىلەمنى ئويلىسام ، قولۇم ئىشقا بارمايدۇ. ئوت يانىدۇ ئاھىمدىن ، ئارامىمنى قويمايدۇ . ئاللا ،ئاللا روزىلەم ، ئوتى يامان قوزىلەم . كەڭساي دىگەن چوڭ جاڭگال ، قاقشىلى ئاز،سۆزگەن كۆپ . يۈرەك باغرىم چاكۇچاك ، مىڭ تىرىلدىم ، مىڭ ئۆلۈپ . ئاللا ،ئاللا روزىلەم ، ساڭا دەرد ، ماڭا ئەلەم  . قوناي دېسەم پاناھ يوق ، سايدا ياتتىم ئەمەسمۇ . روزىلەمنىڭ دەردىدە ، ھاڭدا ياتتىم ئەمەسمۇ . ئاللا ،ئاللا روزىلەم ، ساڭا دەرد ، ماڭا ئەلەم  . پات- پات سۆزگەن تۈۋىدىن ، توشقان چىقىپ قاچىدۇ. روزىلەم يادىمغا يەتسە، كۆز ياشلىرىم ئاقىدۇ . ئاللا ،ئاللا روزىلەم ، ساڭا دەرد ، ماڭا ئەلەم  . سۇدا بىلىق ئوينايدۇ، قۇشلار كۆكتە يايرايدۇ. روزىلەم يادىمغا يەتسە، ئىچىمدە ئوتلار قاينايدۇ. ئاللا ،ئاللا روزىلەم ، ساڭا دەرد ، ماڭا ئەلەم  . ئوتۇنچى بولۇپ قالدۇق ، ئاقمەتتە قونۇپ قالدۇق . ئەلەمگە بولۇپ بەندە ، ناخشىچى بولۇپ قالدۇق . ئاللا ،ئاللا روزىلەم ، ساڭا دەرد ، ماڭا ئەلەم  . ئارقىدىكى چوڭ ئىتىز، تىرىۋاتقان يەرمىدى. روزىلەمگە شۇنچە كۆيسەم ، ھۈسەن موللام بەرمىدى. ئاللا ،ئاللا روزىلەم ، ساڭا دەرد ، ماڭا ئەلەم  . كاتتايلاقنىڭ يولىغا ، پېتىپ قالدى ھارۋىلار. روزىلەمگە قەست قىلدى ، ھارامتاماق لالمىلار . ئاللا ،ئاللا روزىلەم ، ساڭا دەرد ، ماڭا ئەلەم  . روزىلەم دەپ ئاھ ئۇرۇپ ، ھەسرەتتە ياش تۆكىمەن . بۇ دۇنيادىن ئەمدى مەن ، ئارمان بىلەن ئۆتىمەن . ئاللا ،ئاللا روزىلەم ، ئوتى يامان قوزىلەم . ئىچىمدىكى بۇ ئوتلار ، كۆيۈپ تۇرار داۋامەت . ئۆلمەي تىرىك ئايرىلدۇق ، خۇدايىمغا ئامانەت. ئاللا ،ئاللا روزىلەم ، ساڭا دەرد ، ماڭا ئەلەم  . مەنبە : (سىرلىق ماكان - كاتتايلاق) ئاپتۇرى : مەمەتجان سەيدۇللا، تۇرغۇن پەيزۇللا   روزىلەم توغرىسىدىكى بۇ قوشاق پۇتۈنلەي تۈگىدى . لىكىن خەلق ئارىسىدا تارقىلىپ كىشىنىڭ يۈرەك باغرىنى تىترىتىدىغان گۈزەل بىر ناخشا بولۇپ قالدى . ئۇلۇغ ئاللاھدىن بۇ قوشاقنىڭ ئىجادچىسى ئابلىمىت غەزەل تاغىغا ئۇزۇن ئۆمۈر ۋە سالامەتلىك تىلەيمەن .

خەنجىرى

	بۇرۇن بىر دوستىمىز بۇ ناخشىغا مۇنداق ئۆزگەرتىش كىرگۈزۈپىتكەن. ئۇنى بىر مۇنچە تەنقىتلىگەن ئىدىم ئاللا ، ئاللا روزىلەم مۈشۈكنىڭ بالىسى ئاسلىنەم