قىز كەلتۇرۇش كېلىشىمى (3-بۈلۇم)

sada0903

	قىز كەلتۇرۇش كېلىشىمى                                                       غەيرەت ھوشۇر     (5يىل  كېيىن)    شەمسىيەنىڭ تېلىفۇن قىلىشى يۈرىگىمنى ئوينىتىۋتتى،-   -ئەسسالامۇ ئەلەيكۇم جانىم،ئەسلەپ تۇراتتىم تېلىفۇن قىپ قالدىڭ.سېغىنغان ئوخشىمامسەن؟،-توي قىلغاندىن بۇيان يالغۇزلام بولسام ئۇنى جانىم دەپ ئاتاپ كىلىۋاتاتتىم.دىمىسىمۇ ئۇ مېنىڭ ھاياتىمنىڭ بىر قىسمىغا ئايلانغان ئىدى.ئەپسۇس ئۇ بۇنداق شىرىن سۆزلىرىمگە شىرىن سۆز ئەمەس ئىللىق تەبەسسۇملا قايتۇراتتى.   -ۋەئەلەيكۇم ئەسسالام شاكىر،پاتىمەنى يەسلىدىن سەن ئېلىپ كەتتىڭمۇ؟.    پاتىمە ئىككىمىزنىڭ ئازاپ ۋە قىيىنچىلىقلارنى يېڭىپ ۋىسالغا يەتكەندىن كېيىنكى دۇنياغا كەلگەن يۈرەك پارىمىز ئىدى.بۇ يىل تۆت ياش بولۇپ يەسلىگە ئانىسى ئاپىرىپ ئەكىلەتتى.     -ياق،سەن ئەكىلەتتىڭغۇ.   -كەلسەم يوق ،سېنى ئېلىپ كەتكەن ئوخشايدۇ دەپتىمەن،-شەمسىيەنىڭ ئاۋازى تىتىرەپ چىقىۋاتاتتى.تەسەللى بەرگەچ سۆزلىدىم.   -ئەنسىرمە نەگە كىتەتتى.چوڭلار ئېلىپ كەتكەن بولىشى مۇمكىن،ئۆيۈڭدىكىلەرگە تىلىفۇن ئۇرۇپ باق .مەنمۇ ئۆيدىكىلەردىن سوراپ باقاي،ئەمما ئۇلاردىن بالا يوق دىمەي مېنى بارماقچىدى باردىمۇ دىگەندەك سوراسەن ،ئەنسىرەپ يۈرمىسۇن،-تىلىفۇننى قويدۇمدە ئانامغا تىلىفۇن ئۇردۇم.   -ئانا شەمسىيەلەر سىلەرنى يوقلايمىز دەۋاتاتتى باردىمۇ؟.   -ياق بالام،نىمانداق تىچ ئامانلىق سوراي دىمايلا خوتۇن-باللىرىڭنى سوراپ كەتتىڭغۇ تىچلىقتۇر ئوغلۇم؟-مەنمۇ پاتىمەنىڭ يوقلىغىدىن ئەنسىرەپ جىددىيلەشكەن بولسام كىرەك،تومتاقلا ئۇلارنى سوراپتىمەن.ئۆزۈمنى تۈزىدىم،-   -ياق ئانا، ماشىنا ھەيدەۋاتقان ئىدىم.شۇڭا تومتاقلا گەپ قىلىپتىمەن كەچۈر!،.   -ئۇنداقتا بوپتۇ،كەچتە كېلىدىغان ئوخشىمامسىلەر.   -ئەسلى بارىدىغان بولغان ،ئەپسۇس ئازراق ئىشىم چىقىپ قالدى.ئەھۋالغا قارامىز.   -بولىدۇ ئوغلۇم.پاتىمەنى بەك كۆرگۈم كەلگەنتى ئامال بار ئېلىپ كېلەرسەن.   -بولىدۇ ئانا،ھېلىلەتىن تىلىفۇن ئۇراي،ئاللاھقا ئامانەت.   -ئاللاھقا ئامانەت ئوغلۇم،ماشىنىنى دىققەت بىلەن ھەيدەرسەن،-چوڭلارنى ئەنسىرمىسۇن دەپ قاراپ تۇرۇپ ئانامغا يالغان سۆزلىدىم.تىلىفۇننى قويىشىمغا شەمسىيەنىڭ تىلىفۇنى كەلدى.   -قانداق بولدى،بارمىكەن؟.   ئۇنىڭ سۇئالىدىن بالىنىڭ ئۇلارنىڭمۇ چوڭ ئۆيىدە يوقلىغى بىلىندى.يۈرىگىم سېلىشقا باشلىدى.   -ياق،يوقكەن.يەسلىگە ئوبدان قارىدىڭمۇ؟قويۇپ بەرمىگەن بولمىسۇن يەنە.   -ۋاي ياق،سىنىپ مەسئۇلى بىلەنمۇ كۆرۈشتۇم،قويۇپ بىرىپ بوپتۇ،-بېشىم ئايلاندى.   -يەنە قاراپ باق،مەن ھازىرلا بارىمەن.   يەسلىگە قانداق يىتىپ كەلگىنىمنىمۇ بىلمەيمەن.كەلسەم شەمسىيە،پاتىمەنىڭ سىنىپ مەسئۇلى،يەسلى باشلىغى،قوغداش خادىمى قاتارلىقلار ساقلاپ تۇرۇشقان ئىكەن.جىددىيلىك بىلەن سورىدىم.   -بارمۇ؟،-ئۇلارنىڭ ساقلاپ تۇرىشىدىنلا بالىنىڭ يوقلىقى چىقىپ تۇرسىمۇ سورىغان ئىدىم.   -يوق،-شەمسىيە يىغا ئارلاش جاۋاپ بەردى.   -خاتىرجەم بولۇڭلار،بالىلار يەسلىدىن ئايرىلغاندا چوقۇم ئۇلارنىڭ ھامىيلىرى بولمىسا يەسلىدىن ئايرىلىشقا يول قويۇلمايدۇ.كۆزىتىش ئاپىراتىغا قاراپ باقايلى،كىم ئېلىپ كەتتى ئىنىق بىلگىلى بولىدۇ،-يەسلى مۇدىرىنىڭ سۆزلىرى بىزگە تەسەللى بولدى.قوغداش بۆلىمىدىكى كومپىيوتىر ئالدىغا ھازىر بولدۇق.   بالىلار يەسلىدىن بىردىن-بىردىن چىقىۋاتاتتى،دىگەندەك ھەممە دىگۈدەك بالىلارنى ئاتا-ئانا،ياكى ئۇلارنىڭ بىۋاستە ئۇرۇق-تۇققانلىرى ئېلىپ كىتىۋاتاتتى.كومپىيوتىر يۈزىدە پاتىمە پەيدا بولدى.ئۇنىڭ قولىنى بىر قىز يىتىلىۋالغان بولۇپ،-ئەنە پاتىمە،-دىيىشىمگە يەسلى مۇدىرى،-   -خاتىرجەم بولۇڭلار دىمىدىممۇ،مانا ئوقۇتقۇچىمىز ئايگۈل بىلەن بىللە كىتىپتۇ ئەمەسمۇ،-دىيىشىگە ئايگۈلنىڭ چىرايىنى كۆرگەن شەمسىيە شۇنداق قاتتىق چىقىرىدىكى يۈررىگىم ئاغزىمغا كەپلىشىپلا قالدى.نىمە قىلارىمنى بىلەلمىدىم.شەمسىيە ھوشىدىن كەتكەنتى.ھېچ ئىشنى چۈشەنمەيدىغان يەسلى مۇدىرى،سىنىپ مەسئۇلى قاتارلىقلارمۇ جىددىيلەشكەن بولۇپ مەن نىمە بولغانلىغىنى ئاڭقىرىپ بولغۇچە 120گە تىلىفۇن قىلىپ ئۈلگۈرىشتى.ئايگۈل دىگەن ناكەسنىڭ تىلىفۇن نومۇرىنى تېپىپ تىلىفۇن قىلغانتى ئىتتىك چىقتى.مەن،-   -بولدى ئايگۈلنى ئىزدەشنى قويۇپ 110 غا مەلۇم قىلىڭلار،ئۇ بالىمىزنى ئېلىپ كىتىپتۇ.دىيەلىدىم.   ئۇلار نىمە بولغىننى بىلەلمەي-   -نىمە دەپ110غا مەلۇم قىلىمىز،ئايگۈل بىزنىڭ ئوقۇتقۇچىمىز،ئۇنىڭ بىلەن بىرگە بولسا چاتاق چىقمايدۇ،-دەپ چىرايىمغا ئەجەپلىنىش،تىڭىرقاش،چۇشەنمەسلىك نەزىرى بىلەن بىر نىمە دەڭ دەپ قاراپلام قېلىشتى.   -ئايگۈل بىزنىڭ ئىلگىرىكى ،-نىمە دەيمەن. گېپىمنىڭ ئاخىرىنى يۈتىۋەتتىم.   -بولدىلا،بىردەملىك گەپ بىلەن ئايگۈل بىلەن بولغان مۇناسىۋەتنى چۈشەندۈرۈپ بولالمايمەن،ئۇنىڭ تىلىفۇنى ئىتىك بولسا بولىدىغان ئىش بولۇپ بوپتۇ،110غا مەلۇم قىلىڭلار،ئۇ بالىنى ئاسانلىقچە قايتۇرۇپ بەرمەيدۇ.     جىددى قۇتقۇزۇش ماشىنىسى يىتىپ كەلدى.شەمسىيەنى يەسلى مۇدىرى  ۋە سىنىپ مەسئۇلى ئېلىپ دوختۇرغا ماڭدى.مەن ئۆيگە قاراپ بېقىش ئۈچۈن ئۆيگە كەلدىم.ئەپسۇس ئۆي تىنىچ.ئۇلار يوق.شەمسىيە بىلەن دوختۇرغا بارمىغانغا پۇشايمان قىلدىم.ئۇ ھۇشىغا كەلسە بالا قېشىدا بولسا تەسەللى بولار دەپ ئويلاپتىمەن.   دوختۇرخانىغا كەلسەم شەمسىيە ھوشىغا كەپ بوپتۇ.ئۆزى ئىشلەۋاتقان ئورۇن بولغاچقا خىزمەتداشلىرى ئەتىراپىنى ئورىۋېلىشقان ئىكەن.دىلو تاپشۇرۇپ ئالغان ساقچىلارمۇ يىتىپ كەلدى.يەسلى مۇدىرى ئايگۈلنىڭ بۇندىن ئالتە ئاي بۇرۇن خىزمەتكە چۈشكەنلىگىنى،دۆلەتنىڭ بىر تۇتاش ئىمتاھانىدىن ئۆتكەن خىزمەتچى ئىكەنلىگىنى ئېيتىپ ئۇلار بىلەن ئايگۈلنىڭ ئۆيىنى ئىزدەپ چىقىپ كەتتى.   ساقچىلارغا-مەندىن سورىغان سۇئالىغا«ئۇ بىزنىڭ بۇرۇنقى تۇنىشىمىز،ئوتتىرىمىزدا نۇرغۇن ئىشلار بولۇپ ئۆتكەن بولۇپ ساقچىدا دىلو تۇرغۇزىلغان ئىشلارمۇ بار،تەپسىلاتىنى كېيىن دەپ بەرسەم،ھازىر بالىنى ئىزدەش ئەڭ مۇھىم»دەپ جاۋاپ بەرگەن بولدۇم.   شەمسىيە يىغلايتتى،ئۇنىڭغا قاراپ مەن ۋە ئۇنىڭ خىزمەتداشلىرىمۇ ياش تۆكەتتى.تەسەللى بەرگۈدەك ماجالىم يوق.يەنە گەپ قىلسام ئۆزەمنى يېقىلىپ چۈشىدىغاندەك ھىس قىلىپ ئۇنىڭ قولىنى تۇتۇپلا ئولتۇراتتىم.قانچىلىك ۋاقىت ئۆتتى بىلمىدىم. ئۇلارمۇ قايتىپ كەلدى،ئەمما خوش-خەۋەر يوق.   ساقچىلارنىڭ ئورۇنلاشتۇرىشى بىلەن ئۆيگە قايتىپ ئايگۈلنىڭ بىزنى ئىزدىشىنى كۈتىدىغان بولدۇق.شەمسىيەنىمۇ ئۆيگە قايتسا بولىدۇ،جىددىيلىكتە ھوشىنى يوقاتقان،چوڭ مەسىلە يوق دىيىشكەن بولدى.ساقچىلار ئۆيگە بارمايدىغان.پەقەتلام بىرى يېقىن دوستىمىز شەكلىدە پۇقراچە كېيىنىپ مېنىڭ ماشىنام بىلەن بارىدىغان .باشقىلار يەسلى ۋە باشقا يەردىن يىپ ئۇچى ئىزدىمەك بولىشتى.ئۆيگە قايتتۇق.    ）ھىكايىنىڭ ئالدىنقى بۆلەكلىرىنى ياقتۇرۇپ ئوقىغان دوسلارنىڭ تەلىۋىگە ئاساسەن داۋامىنى يېزىشقا تۇتۇش قىلدىم.ئەسەر نەق مەيداندا يېزىلىپ شۇ ۋاقىتنىڭ ئۆزىدە يوللانغىنى ۋە ئۆزۈمنىڭ خەت ئۇرۇش سەۋىيەرىمنىڭ تۆۋەنلىگى سەۋەپلىك خاتالىقلاردىن خالىي بولالمايمەن.شۇڭلاشقا كەچۈرۋېتىشىڭلارنى ئۈمۈد قىلىمەن.ئامال بار كۈنلىكى يازغىنىمنى ئۇدىللىق بىلەن يوللايمەن،ياخشى پىكىر تەكلىپلەرنى بىرىڭلار،ئەسەرنىڭ كىيىنكى يۈزلىنىشىگە سىلەرنىڭ بەرگەن تەكلىپلىرىڭلارنىڭ ياخشى يۈزلىنىش ئەكىلىشى مۇقەررەردۇر.)

★umiD

	تۇنجى بوپ ئوقىۋاپتىمە .... ئالدىنقى بۆلەكلىرىنى بەك كىچىك ۋاقتىمدا ئىز قوغلاپ ئوقىغانتىم ... قەلىمىڭىز بەرىكەتلىك بولسۇن ... داۋامىنى كۈتىمىز ...

nijatkurban

	رومان شەكلىدە ئېلان قىلىندى

روھناز

	داۋامىنى تىزرەك يوللىساڭلار

روھناز

	بۇمۇ ئاۋازلىق ئەسەر بۇلۇپ چىقارمۇ

روھناز

	بۇمۇ ئاۋازلىق ئەسەر بۇلۇپ چىقارمۇ

شاھزات

	ئەسسالامۇ ئەلەيكۇم 1  -2   بولۇمىنى تاپالمىدىمغۇ قىرىندىشىم

hakan18

	ئاۋازلىق ئەسەر قىلىپ ئىشلىگىنى قانچىنچى بۆلۈمى ؟

2019504805

	ئالدىنقى بۈلۈملىرىنى يوللىغان بولسىڭىز بەك ياخشى بۇلاكەنتۇق مەن 10قىسىم ئاڭلىغان ئاخىرىنى بادۇ دەپ ئويلىماپتىمەن