ئالىي مەكتەپ ئىنتىھانىدىكى 50 نۇمۇر ھەققىدە ئويلىغانلىرىم

qidax

	قوش-تىل؟  قوش_تىل دېگەن زادى نىمە كىم ئېنىقلىما بېرەلەيدۇ.. بىزنىڭ مەكتەپنىڭ كەسىپلىرى ئىچىدە نوقتىلىق سىنىپ دەيدىغان سىنىپلىرى بار...ھەممىسى دىگۈدەك بىر تاسقاملار(تىرىشىۋاتقانلارمۇبار) ئۇلار خاتىرجەم ،مەكتەپ پۇتتەسە خىزمەت تەييار..مەن 2008نىڭ بولغانلىقىم ھەم مۇئەللىملىرىم بىلەن مۇناسىۋىتىم ياخشى بولغاچقا ئۇلارنىڭ ئىنتىھان سوئال قەغىزىنى تەكشۈرۈپ قالدىم .ئادەمنىڭ قوققىسى كېلىدۇ؟ ئۇلارنىڭ ھەممىسى ئوقوتقۇچى بولىدىغانلار....ئوغۇللىرى خەنەكتىن-خەنەك...قىزلىرى ئۇنىڭدىن ئۆتە.....

oygan0

	بۇ گەپكە مەنمۇ ئالىي مەكتەپكە ئۆتۈپ ئۇزۇن ئۆتمەي يۇلۇققان ، مەن ئەينى ۋاقىتتا خەنزلارغا : سىلەر ئۇيغۇر تىلىدا ئىمتاھان بېرىڭلار ، بىز 100نۇمۇر قوشۇپ بېرىلى دېسەم جىم بولغان ... مەنمۇ قوش تىلىدا  ئوقۇغان ئىدىم .

تىرەن

heros

	sentaber يوللىغان ۋاقتى  2012-3-26 10:33 PM قوش تىل دەيدىغان بىرنىمنى يوقىتىش كىرەك! گەپ تامام. توغىرا!!!

ماغدۇر

	ئەمىلىيەتتە قوش تىلدا ئوقۇغاننىڭ ھەممىسى زىيان تارتىدۇ ، ماڭا ئوخشاش ، يا ئۇيغۇرچىدى ،يا خەنزۇچىدىن بىرباشقا ئېلىپ چىقالماي .. ھازىرغۇ ھەممە ئالىي مەكتەپنىڭ دەرسلىرى خەنچە بوپ كەتتى ، كىيىنچە بىزنى بۇلار «بىز يۆلەپ ئوقۇتقان مىللەت» دەۋالمىسىلا بولدى ، لىكىن ئاشۇ كۈنگىمۇ چۈشۈپ قېلىشقا ئاز قالدۇق ...

روھزاد

	پۈتۈن مەملىكەتتىكى ئالىي مەكتەپلەر ئىچىدە پەقەت مەركىزىي مىللەتلەر ئۇنىۋېرسىتېتىدىلا تولۇق 60 نومۇر بىلەن لاياقەتلىك بولۇش تۈزۈمى بار، چۈنكى بۇ يەردە خەنزۇدىن باشقا مىللەتلەر كۆپ، ھېچكىمنىڭمۇ مەن ئاز سانلىق دەپ نومۇر قاتقۇزۇشقا ھوقۇقى يوق.

Nawruzay

	مەنمۇ قوش تىل ئوقىۋاتىمەن،لېكىن مەن پۈتۈنلەي ھەممىمىز زىيان تارتتۇق دەپ ئويلىمايمەن،چۈنكى ئەتراپىمىزغا قاراپ باقايلى بانكىلاردا،ھەر خىل ھۆججەتلەردە قوللىنىۋاتقىنى يەنىلا شۇ دۆلەت تىلى.ئەتراپىمدا خەنزۇچىدىن قىينىلىدىغانلار يوق دەپ ئېيتالمايمىز،قوش تىل ئوقۇۋاتقان بىزنىڭ ئىچىمىزدىكى بەك ناچار ئوقۇدۇم دېگەنلەرمۇ خەنزۇ تىلىدا مەقسىتىنى ئۇقتۇرالايدۇ،ئىش بېجىرىش ئورۇنلىرىدا تىرناق تاتلاپ تۇرۇپ قالمايدۇ.ھەر ئىشنىڭ ئىككى خىل تەرىپى بولىدۇ،ھەقىقەتەن ئارىمىزدىكى نۇرغۇنلىرىمىز يا ئۇيغۇر تىلىغا پىششىق ئەمەس،يا خەنزۇتىلىغا پىششىق ئەمەس چىقىپ قالدۇق،بۇنىڭغا ھەممىمىز بەك ئەپسۇسلىنىپ كېتىمىز،بىزنىڭ ئەدەبىيات دەرستىكى كەيپىياتنىڭ سۇسلىقىنى كۆرگەن ئادەمنىڭ كۆڭلى يېرىم بولۇپ كېتىدۇ،ئۇخلايدىغانلار ئۇخلايدۇ،تېلفۇن ئوينىغانلار ئوينايدۇ،بىچارە ئوقۇتقۇچى سۆزلۈكلەرنى ئەڭ ئاددى ئىبارىلەر بىلەنمۇ  چۈشەندۈرۈپ بولالماي ئاخىرى خەنزۇچە ئاتالغۇسىنى تىلغا ئېلىپ بالىلارغا ئۇقتۇرىدۇ. بۇنداق دېسەم كۆرمەي تۇرۇپمۇ ئىچىڭىز سىيرىلىپ كەتكەندۇ؟!  راست ئەھۋالىمىز راستلا شۇنداق! ھەممە دەرسلەر خەنزۇتىلىدا ئۆتۈلگەنلىكى ئۈچۈن بىر ئادەم ئالدىمىزغا كېلىپ :«10 يىل مەكتەپتە ئوقۇپسەن،نېمە ئۆگەندىڭ دەپ باقە!» دېسە بىلسەكمۇ ئۇيغۇرچىغا تەرجىمە قىلالماي،كاللىمىزدا بار بولسىمۇ تىلىمىزدا ئىپادىلەپ بېرەلمەي:« تىلىمنىڭ ئۇچىدا بار ئىدى،يادىمدىن چىقىپ كېتىپ قالدى» دېگەن چىرايلىق باھانىنى قويۇپ كېتىپ قالىمىز.شۇ تۈپەيلى ئوقۇغانلار ھېچنىمە ئۇقمايدۇ،ئۇنىڭدىن چىرايلىق پۇل تېپىشنىڭ يولىنى تېپىۋالغىنى تۈزۈك دەيدىغان گەپ چىقىدۇ.تىل ئۆگىنىپ ،بىلىم ئىگەللەپ ،ئەقىل بىلەن،توغرا يول بىلەن شۇ پۇلنى تاپسا نېمىدىگەن ياخشى-ھە؟!  تېمىدىن چەتنەپ كەتتىم،ئىشقىلىپ مەن ئويلايمەن قوش تىل ئوقۇتۇشى بىزگە ناھايىتى ياخشى ئەۋزەللىكلەرنىمۇ ئېلىپ كەلدى،مىللىيلارغا نۇمۇر قوشۇش ئىشىغا كەلسەك،مەن ھازىرغىچە ئۇچراپ باقمىدىم،مەن ئوقۇغان ھەممە مەكتەپتە تەلەپ ئوخشاش،نۇمۇر چېكى ئوخشاش! ئەلۋەتتە قۇبۇل قىلىشقا كۆڭلىمىز كۆتۈرمەيدۇ ئۇ نۇمۇرنى،خۇددى ئاجىزلارغا بېرىلگەن سەدىقىدەك بىلىنىدىكەن ئادەمگە!

esyankar75

	Nawruzay يوللىغان ۋاقتى  2012-3-28 10:40 PM مەنمۇ قوش تىل ئوقىۋاتىمەن،لېكىن مەن پۈتۈنلەي ھەممىمىز ... توغرا قوش تىل ئوقۇشنىڭ پايدىسى بار ، لىكىن بىزنىڭ سىنىپتا قوپۇپ پىكىر قىلىشىمىزنى بوغۇپ قويىدۇ ، قوش تىل ئوقۇتقۇچىلىرىنىڭ تولىسى خەنزۇ ئوقۇتقۇچىلار  كۆپلىگەن ئوقۇغۇچىلار كاللىسىغا كەلگەن ئوي-پىكىرلەرنى قوپۇپ خەنزۇ تىلدا ئىپادىلەپ سورىيالمايدۇ ؟ دىمەك ئۇلارنىڭ بىرەر مەسىلىگە كەلگەندە دادىل پېكىر قىلىش كۈچى بارا بارا يوقاپ كىتىدۇ . ئاندىن قالسا تىلىمىزدە ئىلمىي ئاتالغۇلار يوقاپ كىتىدۇ ، ئەقەللىيسى ماتىماتىكىدىكى پىلوس نى نىمە دەيدىغاننىمۇ بىلمەيدۇ ، بۇ بەكلا قورقىنىشلىق.

Nawruzay

	esyankar75 يوللىغان ۋاقتى  2012-3-29 12:23 AM توغرا قوش تىل ئوقۇشنىڭ پايدىسى بار ، لىكىن بىزنىڭ سىن ... سىز مىسالغا ئالغان پىلوسنى مەنمۇ ئۇقمايمەن،تولىمۇ خىجىلمەن،راست بۇنداق كېتىۋەرسە تىلىمىزدا ئىلمىي ئاتالغۇلار قالمىغۇدەك! خىمىيەنى بەك ياقتۇراتتىم.ئۆيۈمدىكىلەرگىمۇ خىمىيە تۇغۇرلۇق سۆزلەپ بىرەي دەيمەن،لېكىن ئاتالغۇلار يەنە خەنزۇچە بولغاچ،مەقسىتىمنى ئۇقتۇرالمايمەن،شۇڭا ۋاقت چىقىرىپ ئۇيغۇرچە ئىلمىتلار جەدۋىلىنى تېپىپ يادلايمىكىن دەيمەن.ئىشقىلىپ يۈكىمىز ئېغىر بالىلاركەنمىز،شۇنداق تۇرۇپ يەنە ئۇيقىمىزنى ئاچمايمىز دېسە....