ئائىلىنى بەختلىك قىلىدىغان ئامىللار

kaynam999

	بەكلا ياخشى يىزىلغان بىلۋىلىشقا تىەىشلىك دۇردانىلەركەن .ئىناق ئاھالە ھەم بىر بىرنى چۇشنىش.بۇ بەكلا مۇھىم.رەىمەت تىمىڭىزغا.

81815

mahatjan

	ئائىلىنىڭ بەخىت بەلۋىغى-بالىلار، شۇڭا مەن مىسرانىم مۇنبىرىدىكى مىھرىبانلارغا بالىلارنى باغچىلارغا باشلاش مەقسىدىدە، بەخىت باغىقى، بەركەت باغقى، بىشارەت باغىقى، بەرگەن .

nazila998

	بەخىتلىك ئائىلە مۇشۇ دۇنيانىڭ جەننىتى ،

bugaltir

	ئۇلار سېنىڭ ئاتا-ئاناڭ      نامرات بۇلسىمۇ سۆيۈپ قەدىرلىگىن ئۇلار سېنىڭ ئاتا-ئاناڭ. قاقشىما،جاندەپ خىزمىتىنى قىلغىن،ئۇلار سېنىڭ ئاتا-ئاناڭ . ئۇلار سېنى چۇڭ قىلدى مىڭ تەستە جاپا-مۇشەققەتتە بېقىپ ، دائىما جېنىم بالام دەپ كۆيۈنۈپ،مىھرى بىلەن باغرىغا بېسىپ، دائىم ئۆتسىمۇ ئۇلارنىڭ ئۆمرى جاپا- مۇشەققەتتە ، قىلچىلىكمۇ ۋايساپ كەتمەيدۇ ھەسرەت-نادامەتتتە. پەقەت سېنىلا كەيسۇن دەپ ئۆزى كەيمەيدۇ ، بالام يىسۇن دەپ ئۆزىنى ئۇيلاپمۇ قۇيمايدۇ . ئۇتۇق قازانساڭ بالام دەپ پەخىرلىنىدۇئۇلار، قۇزام دەپ بەكلا سۆيۈنىدۇ سېنىڭدىن ئۇلار . سىنىڭ كۆلكەڭ ئۇلارنىڭ كۈلكىسى ، سىنىڭ كۆز-يىشىڭ ئۇلارنىڭ قايغۇسى. كىچە -كۈندۈز پەقەتلا جېنىم بالام دەيدۇ، بالام بەخت-ئامىتىنى تاپسىكەن دەيدۇ. كۆزيۇمغىچە كىچە -كۈندۇز غېمىڭنى يەيدۇ، سەن ئاللاھقا يارىساڭلا جىنىم بالام دەيدۇ . سېنىڭ ئۇتۇڭدا كۆيۈپ،سۈيۈڭدە ئىقىپ، قاق سەنەم بۇلسىمۇ بارىنى سېتىپ . يۇقسۇل بۇلسىمۇ سۆي ئۇلار ئۇلار سېنىڭ ئاتا-ئاناڭ، باي بۇلسىمۇ قەدىرلە ئۇلار سېنىڭ ئاتا-ئاناڭ . بالام دەپ كىچە-كۈندۈز تىنىمسىز ئىشلەيدۇ ئۇلار، پۇتلىرى مىڭ قاداق،قۇللىرى يېرىق،يۈزلىرى قۇرۇق. ئۈستىدە تۇرسىمۇ تۈمەن مىڭ سېلىق ۋە ئازاپ ، ئۇلار يەنىلا شۇنچىلىك مىھرىبان،ۋە شۇنچىلىك مۇلايىم. قاراپ باقتىڭمۇ ئۇلارنىڭ قۇرۇق باسقان چېھرىگە، قاراپ باقتىڭمۇ ئۇلارنىڭ نۇر سىزلانغان كۆزلىرىگە. قاراپ باقتىڭمۇ ئۇلارنىڭ مۈكچەيگەن بەللىرىگە ، قاراپ باقتىڭمۇ ئۇلارنىڭ ماغدۇرسىزلانغان پۇتلىرىغا. ئاتا ئاناڭنىڭ بارىدا قەدىرلىگىن ئۇلارنى، قۇللىرىغا سۇقۇيۇپ كۈتۈۋالغىن ئۇلارنى . بىلسەڭ قەدرىنى كۈندە يۇقلاپ تۇرغىن ئۇلارنى، بالىلىق بۇرچىڭنى ئادا قىلىپ سۆيگىن ئۇلارنى. كەمبەغەل بۇلسىمۇ نامرات دىمە ئۇلارنى، چۇڭ قىلدى ئۇلار باشقىلارغا تەلمۇرگۈزمەي سېنى. كۆزلىرىگە سۆيگىن، قۇللىرىغا سۆيگىن ، پۇت-قۇللىرىنى سىلاپ ،مەڭزىگە سۆيگىن. ئاتا دىگەن تاغدۇر، ئانادىگەن باغدۇر ، ئاتا ئانىسىز بۇدۇنيا زۇلمەتلىك قاراڭغىدۇر. ئاتا- ئانىسىنىڭ دۇئاسىدىن ئايرىلىپ قالغانلار، بۇدۇنيادا يۈرىكى خار-زارلىقتا ئۆرتۈنەدۇر بىلسەڭ ئاتا - ئاناڭنىڭ بارلىقى سېنىڭ دۆلىتىڭ، بىلسەڭ ئاتا - ئاناڭنىڭ رازىلىقى سىنىڭ جەننىتىڭ. بىلسەڭ ئاتا - ئاناڭنىڭ دۇئاسى سېنىڭ بەركىتىڭ ، بىلسەڭ ئاتا - ئاناڭنىڭ نەسىھىتى سېنىڭ بەختىڭ . شۇڭا قەدىرلە دۇستۇم ھايالىقىدا ئاتا-ئاناڭنى، ئۇلار ئۆز ئويۈڭنىڭ نۇرلۇق چىرىغى دۇستۇم . ۋېجدانىڭ بىلەن ياشا تاشلىما ئۇلارسىنىڭ ئاتا-ئاناڭ، ئۇلارنىڭ دۇئاسىنى ئال ،قاقشاتما دۇستۇم    مەنبە   :  تور

bugaltir

	بىر ئانىنىڭ، ياتلىق بولۇش ئالدىدا تۇرغان قىزىغا قىلغان نەسىھىتى يىگىت چوڭ بولسا ئۆيلىنىدۇ، قىز چوڭ بولسا ياتلىق بولىدۇ. بۇ ئەلمىساقتىن بېرى داۋاملىشىىپ كېلىۋاتقان قائىدە. قىزلېرىمىز ياتلىق بولۇپ «يىگىت چوڭ بولسا ئۆيلىنىدۇ، قىز چوڭ بولسا ياتلىق بولىدۇ». بۇ ئەلمىساقتىن بېرى داۋاملىشىىپ كېلىۋاتقان قائىدە. قىزلېرىمىز ياتلىق بولۇپ بارغاندىن كېيىن، شۇ ئائىلىدىكى مۇھىتقا كۆنۈپ، تۈرلۈك مۇناسىۋەتلەرنى لايىقىدا ئېلىپ كېتەلەمدۇ يۇق؟ بۇ، قىز ياتلىق قىلىدىغان بارلىق ئاتا-ئانىلارنىڭ ئورتاق غېمى. قىزىم، خاپا بولۇپ قالغان چېغىڭىزدا ئېرىڭىزغا گەپ قىلمىسىڭىز قىلماڭكى، ئەمما ئۇنىڭ بىلەن ھەرگىز سوقۇشماڭ؛ ئېرىڭىزغا مېھرىبان بولۇڭ، ئۇ سىزگە بىر قەدەم يېقىنلاشسا، سىز ئۇنىڭغا ئىككى قەدەم يېقىنلىشىڭ؛ ئۆي دېگەن ئايال كىشىنىڭ قوماندانلىق ئىشتابى، شۇڭا مەيلى قانداق ئىش يۈز بېرىشىدىن قەتئينەزەر، ئۆيىڭىزدىن ئايرىلماڭ. چۈنكى سىزنىڭ چىقىپ كېتىشىڭىز ئاسان بولغان بىلەن، قايتىپ كىرمىكىڭىز تەس؛ بىللە ئۆي تۈتقان ئىكەنسىلەر، دائىم ئابرويىڭلارنى دەپ كىچىككىنە ئىشلاردا چىڭ تۇرۇۋالماڭلار. چۈنكى ئائىلەڭلەردە يۈز-ئابرويىڭلار سىلەرگە نىسبەتەن شۇنچە مۇھىم بولسا، ئۇنداقتا سىلەر سىرتتا قانداق ياشايسىلەر؟   ئەر كىشىنىڭ پۇلى قانچىلىك كۆپ، مەرتىۋىسى قانچىلىك يۇقىرى بولۇشىدىن قەتئىينەزەر، ئۇ يەنىلا خوتۇنىنىڭ پاكىز، رەتلىك ۋە مۇلايىم بولۇشىنى ئۈمىد قىلىدۇ؛ خىزمەتتە مەيلى قانچە ئالدىراش بۇلۇڭ، ئۆينىڭ ئىشىنى چوقۇم قىلىشىڭىز، قىلغاندىمۇ ياخشى قىلىشىڭىز، بالىنىمۇ ياخشى تەربىيەلىشىڭىز كېرەك؛ ئېرىڭىز سىز ئويلاپ باقمىغان بىرەر ئىش بىلەن سىزنى خۇشال قىلسا، ئۇنى ماختاشنى ئۇنتۇماڭ، ھەر قانداق ۋاقىتتا ئۇنى مازاق قىلىدىغان، غورورىغا تىگىدىغان سۆزلەرنى قىلىشتىن ساقلىنىڭ؛   قارىشىڭىزنى، نېمە ئويلاۋاتقانلىقىڭىزنى دېمىسىڭىز، ئۇنى كىم پەرەز قىلالايدۇ؟ شۇڭا قانداق ھېسىياتتا بولۇۋاتقانلىقىڭىزنى ياكى نېمىدىن بىزار بولۇۋاتقانلىقىڭىزنى ۋاقتىدا ئۇنىڭغا ئېيتىڭ، شۇندىلا ئۇ سىزنى چۈشىنىدۇ؛   ئېرىڭىزنىڭ ئاتا-ئانىسى ئوخشاشلا سىزنىڭ ئاتا-ئانىڭىز، ئۇنىڭ ئاتا-ئانىسى سىزگە ياخشى مۇئامىلە قىلمىغان تەقدىردىمۇ، سىز ئۇلارغا ياخشى مۇئامىلە قىلىڭ؛   ئۇنىڭ بىلەن بىللە ئۆتۈشنى قارار قىلغان ئىكەنسىز، ئېغىر كۈنلەردە ۋايسىماڭ. سىز ئۇنى تاللىغان ئىكەنسىز، ئۇنىڭدىن ئاغرىنماڭ؛ بۇ ئۆمرىمىزدە قىممەت باھالىق نەرسىلەرنى سېتىۋېلىشىمىزنىڭ زۆرۈرىيىتى يوق، بەختلىك، خاتىرجەم ئۆتسەكلا شۇ كۇپايە؛ بالىنى «سېنى تاشلاپ كېتىمەن» دەپ قورقۇتماڭ، خاپا بولۇپ قالغان چېغىڭىزدا ئۇنى ئۆيدىن قوغلىماڭ. چۈنكى بالىدا ھېچ گۇناھ يوق. ئەگەر بالىڭىز راستتىنلا يوقاپ كەتسە، تاغدەك دۇنيامۇ ئازابىڭىزغا دورا بولالمايدۇ؛ بالىنى ھەرگىز ئۇرماڭ، دوستلىرى ياكى ساۋاقداشلىرىنىڭ ئالدىدا ئۇنىڭغا تەنبىھ بەرمەڭ؛

bugaltir

	ئەرلەر ئۆز ئاياللىرىنىڭ قوغدىغۇچىسى ۋە نازارەتچىسى. شۇنداق ئىكەن، ئايالىنى ھەر ۋاقىت شەپقەت قانىتى ئاستىغا ئېلىشى، ئايالىنىڭ ئۆزىگە بولغان مېھىر – مۇھەببىتىنى قەدىرلىشى، كۆڭۈل شادلىقىغا دائىم كۆڭۈل بۆلۈپ تۇرۇشى، ئايالىنى كۈچى يەتمەيدىغان ئىشلارنى بىجىرىشكە زورلىماسلىقى، ئۆيدە بار – يوق نەرسىلەر توغرىسىدا تەڭلىكتە قويماسلىقى لازىم. ئايال سەۋەنلىك ئۆتكۈزۈپ قويسا، ئېغىر – بىسىقلىق بىلەن چۈشەندۈرۈشى، ئەپۇ قىلىشى، يوقىلاڭ ئىشلار ئۈچۈن ئايالى بىلەن جىدەللەشمەسلىكى لازىم. ئۆيگە يات ئەرلەرنى باشلاپ كېرىپ ئولتۇرۇش قىلىشتىن ھەزەر ئەيلەش، ئۆزى ئۆيدە ئولتۇرۇپ ئايالىنى سودا – سىتىق ئۈچۈن سىرتقا بۇيرۇماسلىق لازىم. ئەرلەر ئۆز ئايالىنىڭ يۈرۈش – تۇرۇشىغا كۆز – قۇلاق بولۇشقا، ئۇلارنىڭ چىكىدىن ئاشقان يۈرۈش – تۇرۇشىنى چەكلەشكە ۋە توسۇشقا ھەقلىق. ئاياللارنى خورلاپ ۋە ئۇلانىڭ يامان يولغا مىڭىپ قېلىشىغا سەۋەبچى بولۇش مەسئوليىتىنى ئۈستىگە ئېلىش مەجبۇرىيىتى بار. ئاتا بولغان كىشى ئائىلىدىكى بالا – چاقىلىرىنىڭ، بولۇپمۇ قىز – ئاياللارنىڭ يۈرۈش – تۇرۇشىغا مەسئول بولمىسا، ئۇنى قانداقمۇ ئەر دېگىلى بولسۇن ؟ ئەر – ئايالنىڭ بىر – بىرىگە سادىقلىقى بەختتۇر. سالامەتلىك جاننىڭ راھىتى بولغىنىدەك، ئىناقلىق كۆڭۈلنىڭ راھىتىدۇر. ئائىلىدىكى خۇشلۇق دىلغا ھۇزۇر بېغىشلاپ، لەززەتسىز تائاممۇ لەززەتلىك بىلىنىدۇ. ئەر كىشى ئۆز ئايالىدىن رازى بولسا ۋە كۆڭلى باغلانسا، بارلىق راھەت – پاراغىتى ۋە سەرپ – خىراجىتى ئائىلىسىدىكى زۆرۈر نەرسىلەر ئۈچۈن بولىدۇ، پۈتكۈل دۇنياسىنى ئائىلىسىگە بېغىشلايدۇ. ئەرنىڭ تۇرمۇشى ياخشى بولسا، شۇ ئائىلىنىڭ تۇرمۇشى ياخشى بولىدۇ. شۇ چاغدىلا ئۆزىمۇ بەختلىك تۇرمۇش كەچۈرىدۇ. كونىلار : ” ياخشى ئايالغا ئېرىشمەك بىرەر ئەلگە پادىشاھ بولغاندىن ياخشىراقتۇر ” دېگەن. ھەر قانچە بىلىملىك، مەرتىۋىلىك،  باي ياكى تىرىشىپ – تىرمىشىپ ئىشلەپ تاپقىنىغا ۋە ئۆزىنىڭ ئاچ – يالىڭاچ قالمىغىنىغا شۈكۈر قىلىدىغان ساپ ۋىجدانلىق بىر كىشىنىڭ تەربىيە كۆرگەن ئايالى بولمىسا، بەختلىك ھېسابلانمايدۇ. ئائىلىدىكى كۆڭۈلسىزلىك ئۇنىڭ قەلبىنى بىئارام قىلىدۇ، لەززەتلىك تائاممۇ لەززەتسىز تېتىپ، ئۆمۈر گۈلىنىڭ تېز قۇرۇپ كېتىشىگە سەۋەبچى بولۇپ قالىدۇ. ئىنساننى بەختلىك قىلىدىغان نەرسە ئىلىم بولۇپلا قالماستىن، بەلكى ھەممە ئىشنى ئىلمىي يۇسۇندا ئادا قىلماقتۇر. ئەرلەر ئالدى بىلەن ئۆز مەجبۇريىتىنى بىلىشى، ئائىلىنىڭ ئەخلاق – پەزىلەت تەرتىپىگە ئەمەل قىلىشى لازىم. دانىشمەنلەرنىڭ قارىشىچە، ئىشچانلىق، ھەقىقىي دوست، ئەدەپلىك پەرزەنت، مېھرىبان خوتۇن، شېرىن ۋە يېقىملىق سۆز، ئەقىل – پاراسەتتىن ئىبارەت ئالتە نەرسە راھەت ياشاشقا ياردەم بىرىدىكەن.

bugaltir

	روھى ھالەت سىزنىڭ كىشىلىك تۇرمۇشىڭىزنى بەلگىلەيدۇ 1. ھەر قانچە بىئارام بولسىڭىزمۇ كۈلۈمسىرەشنى ھەرگىز ئۇنتۇپ قالماڭ. 2. ھەر قانچە ئالدىرىسىڭىزمۇ سۆزىڭىزنىڭ ئورامىغا دىققەت قىلىڭ. 3. ھەر قانچە جاپادا قالسىڭىزمۇ قەتئىي چىڭ تۇرۇشنى ئۇنتۇپ قالماڭ. 4. ھەر قانچە ھېرىپ كەتسىڭىزمۇ ئۆزىڭىزنى ئوبدان ئاسراڭ. 5. تۆۋەنچىلىك بىلەن ئادەم بولۇڭ؛ سىز چوقۇم بارغانسېرى سالماقلىشىپ كېتىسىز. 6. چوڭ گەپ قىلىپ ئىشلەڭ؛ سىز چوقۇم بارغانسېرى ئەلالىشىپ كېتىسىز. 7. مۇۋەپپەقىيەت قازانغىنىڭىزدا ئۆتمۈشىڭىزنى ئۇنۇتماڭ. 8. مەغلۇپ بولغۇنىڭىزدا يەنە كەلگۈسىنىڭ بارلىقىنى ئۇنۇتماڭ. 9. ئېرىشىشكە كۆزىڭىز يەتسە تىرىشىڭ، ئېرىشەلمىگىنىڭىزنى كۆڭلىڭىزگە ئالماڭ. 10. مەيلى ئۇتۇۋېلىڭ ياكى ئۇتتۇرۇڭ ھەممىسىدە قورسىقىڭىزنى كەڭ تۇتۇڭ. 11. تۇرمۇش دېگەن تاق لىنىيىلىك ئەمەس، بىر يولدىن ئۆتەلمىسىڭىز ئەگىپ ماڭسىڭىز بولۇۋېرىدۇ. 12. كۆز يېشى بىلەن تەرنىڭ تەركىبى ئوخشاپ كېتىدۇ؛ ۋاھالەنكى ئالدىدىكىسى پەقەت سىز ئۈچۈن ھېسداشلىق ئېلىپ كېلەلەيدۇ، كېيىنكىسى بولسا سىز ئۈچۈن ئۇتۇق ئېلىپ كېلەلەيدۇ. 13. قېرىش كىشىلىك تۇرمۇشتىكى زۆرۈر دەرسلىك. 14. پىشىپ يېتىلىش تاللاپ ئوقۇلىدىغان دەرسلىك. 15. چېنىقىشنى ئاساس قىلىپ، ساغلاملىقنى ئۈگىنىۋېلىڭ، 16. ماسلىشىشنى ئاساس قىلىپ، ياشاشنى ئۈگىنىۋېلىڭ. 17. ۋاز كېچىشنى ئۈگىنىۋېلىڭ، زېرىكىشكە بەرداشلىق بېرەلەيسىز ھەم ئازدۇرۇشلارغا چىدىيالايسىز. 18. ھەممە ئادەم تۆۋەنچىلىك قىلغاندا، چوڭ گەپ قىلىشنى تاللىسىڭىز بولىدۇ، بىراق چەكتىن ئاشۇرۋەتمەڭ. 19. ئۇنتۇشنى ئۈگىنىۋېلىش تۇرمۇشنىڭ تېخنىكىسى. 20. كۈلۈمسىرەشنى ئۈگىنىۋېلىش تۇرمۇشنىڭ سەنئىتى. 21. ھورۇنلۇق داتلاشقانغا ئوخشاش بېرىلىپ ئىشلەشتىنمۇ بەكرەك بەدەننى خورىتىۋېتىدۇ. 22. ئارزۇنى رېئاللىققا ئايلاندۇرۇشنىڭ ئەڭ ياخشى ئۇسۇلى ئويغىنىش. 23. دانىشمەنلەردە غەم بولمايدۇ، ئەقىللىك ئادەملەر دائىم خۇشال يۈرۈيدۇ. چۈنكى سۆيەلىگەنلىكى ئۈچۈن ئىگە بولماستىن، بەلكى ئىگە بولغاننىڭ ھەممىسى سۆيگۈدۇر. 24. يوقىتىشقا بولمايدىغان نەرسە: ئۆزىنى كونترول قىلىش كۈچى، سوغاققانلىق كۈچى، ئۈمىد ۋە ئىشەنچ. مەنبە   :   http://www.radioxj.com/n16683c25.aspx

pazilat2004

	ئەر ـ خوتۇنلارنىڭ بىر ـ بىرىگە قارىتا ئادىل ۋە ئىشەنچ ئىچىدە بولۇشى ئائىلە تۈزۈمىنىڭ روھى ۋە تۈۋرىكى؛ مۇھەببەت ۋە مەرھەمەت بولسا كۆڭۈلنىڭ ھوزۇرى ۋە ئائىلە بەختىنىڭ ئاساسىدۇر. ياردەملىشىش ۋە ھەمكارلىشىش ئۇلارغا ئەڭ چوڭ ياخشىلىق ۋە مەنپەئەت ئېلىپ كېلىدۇ.

pazilat2004

	ئىسلامدا ئائىلە بىناسى ئۈستىگە قۇرۇلغان ئۈچ چوڭ ئاساس مۇنۇلار: 1- مۇھەببەت ۋە مەرھەمەت. يەنى ئەر ـ خوتۇنلارنىڭ ئۆتتۇرىسىدا بىر ـ بىرىگە قارىتا مۇھەببەت ۋە مەرھەمەت بولۇش. 2- ئادالەت. يەنى ئەر ـ خوتۇنلار بىر ـ بىرىگە قارىتا ئادىل ۋە ھەققانىيەتچى بولۇش. 3- ھەمكارلىق ۋە ياردەملىشىش. يەنى ئائىلە ئەزالىرى ئوتتۇرىسىدا ياردەملىشىش ۋە ھەمكارلىشىشنىڭ ئەمەلىي شەكىلدە داۋام قىلىشى.