ياش دوستلارغا تۇزلۇقئۇتاق ئوغلانىدىن خەت

ihsan1982

	سىزمۇ مىنىڭ ئىنكاسىمنى خاتا چۈشىنىۋالغاندەك قىلىسىز، مەن ھازىرقى ئۇقۇتۇش شارائىتىنىڭ بۇرۇنقىدىن ياخشىلانغانلىقىغا كۆز يۇمماقچى ئەمەسمەن. مىنىڭ جازا لاگىرى دىگىنىم ھەرگىزمۇ بىر-ئىككى ئۇقۇتقۇچىنىڭ ئوڭ-تەتۇر قىسمەتلىرىدىن ئىلغاپ ئېلىنغان سۆز ئەمەس. مەن تۇلىمۇ ئاددى ئىنسانمەن، مەندە قانداقتۇر بىرەر ئىمتىياز يوق. بەلكىم مېنىڭ ئۇ يەردە ئۇچىرشىدىغانلىرىم ناھايىتى چەكلىك، تۇرىدىغان ۋاقتىم ناھايىتى قىسقا بولغاچقا، تەبىئىيلا مەندە شۇنداق تۇيغۇ شەكىللەنگەندۇر. ئادەمنىڭ تەبىئىيتى سېلىشتۇرۇشقا كۆنۈك ئەمەسمۇ.....!ئەمما تۇنجى قېتىملىق ئىنكاسىمدا كۆزلىگەن ئاساسلىق مەقسىدىم(تىرشچانلىق توغرىسىدىكى پىكىرلىرىم) بىر يەرلەردە قېلىپ باشقا گەپلەرنىڭ شاخلاپ كەتكەنلىكىگە ھەيرانمەن. تەھقىقكى، شەيئىلەرنىڭ ئادەملەردە قالدۇرىدىغان تەسىر ۋە ئوبرازى ھەر خىل بۇلىدۇ، چۈنكى بىز ئوي-خىياللىرى پەرىقلىق، ئەقىل، ھېسىيات ۋە تەسەۋۋۇرغا باي ئىنسانلاردۇرمىز. ئاغرىنىش ۋەياكى نارازىلىق بىلەن ھېچ ئىشنى ھەل قىلغىلى بولمايدۇ. ئەگەر شۇنداق بولغان بولسا ئىدى، دۇنيادا بەخىتسىز ئادەم، كۆڭۈلسىز ئىشلار قالمىغان بۇلاتتى. مەنچە ساقلانغان مەسىللەرگە قانداق يۈزلىنىش-مەسىلىلەرنىڭ مەسىلە ھالىتىدە قېلىپ قېلىشى ۋەياكى قىسمەن(ياكى ئۈزۈل-كىسىل) ھەل بۇلىشىدىكى  ھالقىلىق ئامىللارنىڭ بىرىدۇر. پىكىرلىشىپ ئۆتسەك بۇلىدۇ، چۈنكى ئادەم پەرىقلىق پىكىرلەر ئاساسىدا ئىددىيە جەھەتتە تاكامۇللىققا قاراپ يۈز تۇتىدۇ. ئەمما ئۈمىدىم شۇكى، پىكىرلەر مەركىزى نوقتىئىنەزەردىن چالغاپ كەتمىگەي. كالىنى تۇتماقچى بولغان ئادەم بېشىدىن تۇتسۇن، قۇيرۇقىغا ياماشسا ئېرىشىدىغىنى بىر تۇتام ئەرزىمەس تۈك بۇلىدۇ، خالاس!   پىكىرلەشكىنىمدىن خۇرسەنمەن، ئامان بولۇڭ، قېرىندىشىم!

131svkvt

	بەك ياخشى يېزىپسز.قەلەم تۇتقان قۇللىرىڭزغا ئاپىرىن .