سىز ئۇيغۇرچە يالغان مۇسۇلمانچە يىمەكلىكنىڭ توزىقىغا چۈشكەنمۇ؟

ayyultuz

	kamran يوللىغان ۋاقتى  2012-8-16 02:18 PM تۇنۇردىن يېڭىلا قۇمۇرغان ناننى خاتىرجەم يېۋېرىڭلار . ھازىر بۇمۇ ئىشەنچىسىز بۇلۇپ كەتتى،قايسى كۈنى مەن دائىم نان ئالىدىغان ناۋايخانىنىڭ ئالدىدىن ئۈتۈپ كېتىۋاتسام ئادەتتە سىرچىلىققا ئىشلىتىدىغان چوتكىنى(بۇنىڭ قىلى توغرىلىق بۇرۇن مۇلاھىزە قىلىنىپ بولغان)ناننىڭ يۈزىگە پىياز ،سىيادان ...دىگەن نەرسىلەرنى سۈرۈشكە ئىشلىتىۋىتىپتۇ. كەينىمگە يېنىپ ئەسكەرتىپ قويدۇم. كىيىنغۇ ئىشلەتكىنىنى كۆرمىدىم،ئەمما ناننى بىز كۆرمەيدىغان يەردە ياقىدىغانلارچۇ؟ بۇ تازلىق ئۆلچەملىرى ئىشقىلىپ بىر نەرسە بۇلۇپ كىتىۋاتىدۇ .

xatuti

	بۇ  ئىشلارغا  نىمە  دىگۈلۈك  ئەمدى....بىزغۇ  دىققەت  قىلارمىز بالىلىرىمىز  بىز  كۆرمىگەندە  قانداق  قىلار...توساپ  بولغىلى  بولارمۇ   ھەي..... بالىلىرىمىزنىمۇ  بۇلغاپ  بولۇشتۇڭغۇ  ھايۋانلار.............

yawaattir

	دىمسمۇ بىز چوڭلار بەك دىققەت قىلىمىز ،بىراق بالىلارغا مىڭ چۈشەندۈرسىمۇ بىز بار يەردە يىمىگەن بىلەن يۇق يەردە يەنىلا يەۋالىدىكەن ئەمەسمۇ؟ ئۇنىڭ ئۈستگە ئەتراپىمىزدىكى ئۇيغۇرتاللا بازارلىردىمۇ تۆكمە بۇلوپ كەتتى بۇلار؟ بالىلىرنىىڭ كەينىدىن دائىم بىللە يۈرگىلى بولمىغان .قانداق قىلىشارمىز؟

ANSWER

	مۇشۇنداق نەرسىلەرنى پاش قىلىپ قەتئىي يوقاتمىساق بولمايدۇ ، بۇ بىر ئالدامچىلىق .

bugaltir

	خالتا  ، قاپ   ، ماركا  ....   قاتارلىقلارنى   باسما ئورۇنلىرى بېسىپ بېرىدۇ   ،  ئۇلارغا  لازىمى پۇل   ،  باسما  تىجارەتچىلىرىگە  نىمە  دەپ  يېزىپ بەر  دىسە  شۇنى يېزىپ بىرىدۇ   .  بۇنى باشقۇرىدىغان قانۇن ئورۇنلىرى  يوق  . مەھسۇلار ياسىغۇچى  ، مەھسۇلاتىنى  قاچىلاپ  ۋاكالەتچىلىرى  ئارقىلىق بازارغا  سالىدۇ   .   ئىش  تەرتىۋى  مۇشۇنداق   .

TILSIMAT

	سەمىڭلاردا بولسۇن: ئەۋلادلىرىمىز دۇكانلاردىكى بىر مو ئىككى مولۇق يىمەكلىكلەرنى يەپ ئەقلىنى بۇلغىماقتا!    مېنىڭ نېمىگە بەك بېشىم قاتىدۇ بىلەمسىلەر؟ مەن ھەرقېتىم سىرتلارغا چىققاندا بالامغا ئۇششاق يىمەكلىك ئېلىپ بەرمەكچى بولغاندا تۈركىيەنىڭكى ۋە ياكى  ئىخلاس مەھسۇلاتلىرىنى ئىزدەپ تاپالماي قالسام شۇنچىلىك ئىشىم پۇشىدۇ.  ‹بالام بۇ يەردە ئىزدىگىنىمىز يوقكەن، بىز بىلىدىغان يەرلەردىن ئالايلى› دېسەم كىچىك بالا دېگەن ئۇنامدىغان...ھەي....... تېما ئىگىسى بىز ئۈچۈن ئەڭ مۇھىم مەسىلىنى ئوتتۇرىغا قويۇپتۇ... بەزىلىرىمىز ئەرزان بولغىنى ئۈچۈن، ئاشۇ بىر مولۇق ئەخلەت يىمەكلىكلەرنى ئېلىپ بېرىمىز، ۋە ياكى بالىلىرىمىزدا كىچىك بولغاچقا جىق پۇلى بولمىغاچقا، ئاشۇ ئەرزان ئەخلەت يىمەكلىكلەرنى مەھەللىلەردە مەكتەپلەردە يەپ ئەقلىنى بۇلغىماقتا.. بىز بۇ مەسىلىلەرنى بىلسەكمۇ كۆپىنچىمىز ئەھمىيەت بەرمەيۋاتىمىز. مەن بالامغا كۆپىنچە ئىككى سوملۇق تۈركىيە ئالبىنى شاكىلاتىنى ۋە ئىخلاس شاكىلاتلىرىنى ھەم بەش مولۇق تۈركيە ۋە ئىخلاس سېغىزلىرىنى ۋە باشقا مەھسۇلاتلىرىنى ئېلىپ بېرىمەن. ھەممە ئادەمنىڭ ئىقتىسادىي سەۋىيەسى ئوخشىمايدۇ. قېرىنداشلىرىمىزنىڭ ھەممىسىنىڭ ھەرقېتىمدا بۇنداق قىممەت يىمەكلىكلەرنى ئېلىپ بېرەلىشى ناتايىن.  شۇڭا كۆپ ساندىكى پەرزەنتلىرىمىز ئاشۇنداق ئەخلەت يېمەكلىكلەرنىڭ قۇلى بولۇپ كېتىۋاتىدۇ.    مېنىڭ مىللىي كارخانىچىلىرىدىن ئۈمۈد قىلىدىغىنىم: ھەرخىل قاتلامدىكى قېرىنداشلىرىمىز قوبۇل قىلغۇدەك دائىرىدىكى باھاسى مۇۋاپىق ئەرزان ھالەتتىكى ھەقىقىي مۇسۇلمانچە ئۇششاق يىمەكلىكلەرنى ئىشلەپ چىقارسا دېگەن ئۈمۈدتىمەن.  مىللىتىمىزنىڭ كەلگۈسى ئەۋلادلىرىغا كۆڭۈل بۆلىدىغان كارخانىچى قېرىنداشلىرىمىزنىڭ تېزراق چىقىشىنى ئۈمۈد قىلىمەن.   ھازىرقىدەك تېشى ئۇيغۇرچە ئەمما مۇسۇلمانچە بولمىغان ئەخلەت يېمەكلىك ئەمەس!!!!!!!!!!!!   يەنە بىر ئەسكەرتىشىم:  بۇغۇ كىچىك بالىلار مەھسۇلاتلىرى توغرىسىدىكى گەپ، ئادەتتە باشقا ساھەلەردىمۇ  مەھسۇلاتنىڭ ھەقىقىي ئىشلەپ چىقارغان شىركەت نامىنى  ئۇيغۇرچە يازماي، ۋەكالەتچى ئۇيغۇر شىركىتىنى يېزىپ قويۇپ، ھەقىقىي ئىشلەپ چىقارغان ئىچكىرىدىكى شىركەت نامىنى خەنزۇچە ھالەتتە لوپا ئەينەك بولمىسا ئوقۇيالمىغۇدەك قىلىپ شۇنچىلىك كىچىك قىلىپ يېزىپ قويىدىكەن، ئۇ رەزىللەر قانۇندىن قورقمىسا ، ھەتتا خەنزۇچە نامىنىمۇ يازغۇسى يوق. خەنزۇچە بىلمەيدىغان كەڭ خەلقىمىز بۇنىڭ زىيانكەشلىكىگە ئۇچرىماقتا...سودا سانائەت مەمۇرىي باشقۇرۇش ئورگانلىرى مۇشۇنداق ۋەكالىتەن ساتىدىغان شىركەتلەرنىڭ ئالدامچىلىقىغا قاتتىق زەربە بېرىپ، ئۇلارنىڭ مەھسۇلات قېپىغا ھەقىقىي ئىشلەپ چىقارغان ئىچكىرىدىكى شىركەت نامىنى ئۇيغۇرچىمۇ تولۇق يېزىشنى قاتتىق تەلەپ قىلىپ، بۇنى قاتتىق ئىجرا قىلىشىنى ئۈمۈد قىلىمىز!!!! كەڭ خەلقىمىزنىڭ ھەممىسىنىڭ تۇرمۇش سەۋىيەسى بەك ياخشى بولغان بولسىغۇ ھەممەيلەن بىر مولۇق يىمەكلىكلەرنى ئالماي، دانىسى ئىككى سوملۇق يىمەكلىكلەرنى ئېلىپ بەرگەن بولاتتۇق ھە؟ مېھرىبان ئاللاھ خەلقىمىزنى دۇنيا ۋە ئاخىرەتتە ئىمانغا باي قىلسۇن! ھەم بۇ دۇنيادا باياشات ئۆتۈشكە مۇيەسسەر ئەيلىسۇن! ئامىن..

tanha530

Kikax

	اللە رەھمەت قىلسۇن بەك ياخشى تېما يوللاپسىز،....

tohtamux

	ھىلىقى بەركەت دىگەن چۆپ،ئەسلا قىرىنداش مىللەتنىڭ نەرسىسى جۇمۇ!

naziye

	نانلارمۇ  ئىشەنچىسىز ،  ئۇنغا ئاقارتىش ماددىسى قۇشىدۇ ،  بەزى ناۋايلار خالتىسى ئەرزان ،نېنىم ئاپئاق ،چىرايلىق چىقىدۇ دەپ ئاقارتىش ماددىسى قۇشۇپ ئىشلەنگەن ئۇنلاردا نان يېقىپ ساتىدۇ ،ھەم ھېلىقى  ئىشلەتكەن چوتكىسى  شۇ سىلەر دىگەندەك  ، بۇغداينى ئۈزىمىز تېرىپ ،ئىشەك ھارۋىسىغا بېسىپ ،تۈگمەنگە ئاپىرىپ ئۇن تارتىپ ئويگە ئەكىلىپ يېقىپ يىگەن نان ،ئىتىپ يىگەن لەغمەن ئەڭ ئىشەنچىلىك ئىدى ، ئەمما ئۇنداق كۈنلەر كەلمەسكە كەتتى ... ئاشۇنداق تۇرمۇشقا ھەۋەس قىلىمەن ، گەرچە نامرات بولسىمۇ لىكىن ھەممە نەرسىسى پاك ،ھەم ساپ . مېنىڭ ئاشۇنداق تۇرمۇشتا ياشىغۇم بار ، قۇربىم يەتسە 100 يلىنىڭ ئالدىدا تۇغۇلۇپ ياشىغان بولسام بۇ كەمگە ئۆلۈپ بۇلاتتىم ، ھازىرقىدەك رەزىل ،پۇل ئۈچۈن ھەممىنى يوقاتقان پاسىق دۇنيانى كۆزۈم كۆرمىگەن بۇلاتتى .......... شەكسىز  ، جەننەتتىن چىققان مىۋىلەرنىمۇ ھازىر بېرىپ شەك كەلتۇرمەي يۈگۈرەپ بېرىپ يىگىلى بولمايدۇ . ئۇ مىۋىلەرنى ھەرخىل دورا -ئۇكۇللارنى ئىشلىتىپ تەم كىرگۈزىدۇ ، پىشۇردۇ ، سەي -كۆكتاتنىڭ ھەمىسى كۈن كۆرمەي ،خېمىۋىي  ئوغۇت ئارقىلىق پارنىكتا ئۈسىدۇ ، بۇغداي قوناقلارمۇ  خېمىۋىي ئوغۇتسىز پىشمايدۇ ، ،،، كىچىك ۋاختىمىزدا ئاپام ھويلىمىزغا ھەرخىل سەيلەرنى تېريتى ، مەن چىقىپ شۇ سەيلەرنى ئوتايتىم ، پىشقاندا ئۆزىمىز تېرىغان كۆكتاتلاردا سەي قورۇپ تاماق ئىتىپ يەيتۇق ، ھېلىقى بۇداشلار بەك ئوخشايتى ، ئاپام بۇداش مانتىسى ئىتىپ پايدا قىلىدۇ دەپ زىرىكىپ يىمەس بوپ قالغانتىم ، ھازىر قېنى شۇ بۇداش ، قېنى شۇ مانتىلار ،،،   ھويلىمىزدىكى نەشپۈتنىڭ شېخىغا چىقىۋېلىپ ئولتۇرۇپ ئۈزۈپ يەيتىم ، تاتلىقلىقىدىن شاختىن چۈشكەندە يۈزلىرىم ھەممىسى شىرنە بىلەن مەينەت بوپ كىتەتتى ، ... ھى  ھى ..  باللىلىقتىكى شۇ گۈزەل كۇنلەر نەگە كەتتى   ھە ؟    ،، بۇلارنى يېزۋىتىپ بىرمۇ بىر كۆز ئالدىمدىن ئۈتۈپ كۈلۈپ كەتتىم ، شۇ كۇنلەرنى ئەسلەپ قالدىم ھەم تولىمۇ سېغىندىم ،، قاچان شۇ ھويلىمىزنى سېتۋىتىپ بىناغا كۈچۈپ كىردۇق ، ئۇ كۈنلەر مەڭگۈگە ئەسلىمە بوپ قالدى خالاس ، دادامنىڭ گەپ -سوزىگە دىققەت قىلسام شۇ ئۆينى بەك سېغندىكەن ، بىكار بولسىلا شۇ مەھەللەگە  بېرۋالىدۇ ، شۇ كونا ئۆينىڭ ئەتراپىنى ئارىلاپ ، بۇرۇنقى قوشنىلار بىلەن كۈرۈشۈپ مۇڭدۇشۇپ ، ئېتىزلارنى ئارىلاپ مېڭىپ .... ........ ھازىر بىز تەبىئىي نەرسىلەرنى يىيەلمەيۋاتىمىز ،  يېۋاتقانلىرىمىزنىڭ ھەممىسى  سۇنئىي  يەنى خاشو بوپ كەتتى ، ئادەملىرىمىزمۇ شۇ سۇنئىي يىمەكلىكلەرنى يەۋىرىپ ئۈزىمۇ سۇنئىيلىشىپ كەتتى ، بۇرۇنقىدەك ساپلىق ، پاكلىك يوق ،،   شۇڭا ھازىر تۇغۇلۇپ چوڭ بولىۋاتقان بالىلاردا بىزنىڭ دەۋرىمىزدىكى بالىلارغا قارىغاندا چوڭ پەرىق بار ، ساپلا بېشى يوغان چۆگەي  (كالىتسى كەم ) باللار كۆپ ، بۇ شۇ يېۋاتقان يىمەكلىكىمىزدە ئوزۇقلۇق يوق ، ھەممىسى سۇنئىيلىشىپ كەتكەننىڭ ئىشى ، ئەڭ ياخشى بېقىلغان بالىلارمۇ چىرايى تىگىدىن بىر خىل سېرىق ، كۈچسىز ..  بۇرۇنقى 12 ..13  ياشلىق ئوغۇل بالىلار بىر خالتا ئۇننى دەس كۆتۈرەلەيىتتى ، ھازىرقى 12  ياشلىق بالىلار ئۆزىنىڭ مەكتەپكە ئاپىردىغان سومكىسىنى ئاران كۆتۈردۇ ، تەرلەپ پىشىپ ... قىسقىسى يىمەكلىكىمىز بەكلا بۇلغىنىپ ھەم سۇنئىيلىشىپ كەتتى ، بۇندىن كىيىن نىمە بۇلىدۇ تېخى خۇدانىڭ ئۈزىگە ئامانەت ،،،  بۇنىڭغا يارىشا ئادەملىرىمىزنىڭ ئەخلاق -پەزىلىتى  ،ئىنساپ دىيانىتىمۇ سۇنئىيلىشىپ كىتىپ بارىدۇ ،،  خۇددى ئۇلارنىڭ ئىنساپ - ئىمانى كۆكتاتلاردەك پارنىكتا ئۆسكەندەك ، بۇغداي - قوناقلاردەك ئوغۇت سېلىپ پىشقاندەك ........